رواية قدري
الفصل السابع والثامن
بقلم مروه السيد
قدري7
حياه بعياط .... تيتا قومى بقا وحشتينى اوى ومحتجالك شوفتى يا تيتا ابويا هيكتب كتابى النهارده من غير ماياخد رأى ودايما بيحرجنى قدامهم تفتكرى طلب منهم فلوس عشان يوافق ولا وافق عشان فاكر انى هاخد منهم واديله
....لو سمحتى الدكتور احمد عايزك
حياه .... تمسح دموعها حاضر جايه اهوه
انا هسيبك واروح اتجوز وارجع شوفتى اللى انا فيه سلام يا حبيبتى وتبوسها وتخرج
احمد ....يلا بينا
حياه .... يلا يا
احمد ...يا ايه
حياه ....يا اونكل
احمد ..ايوه كدا يلا بينا ويمشوا
_______________________
منال ... اوووف هما اتاخروا ليه كدا
ولاء (ام وليد) ... زمانهم على وصول
سلمى (اخت وليد فى اخر سنه كليه حقوق ) ..... مامى وليد فين
ولاء ... بيجهز فوق يا حبيبتى
ساره (اخت وليد فى اولى كليه هندسه ).... مش عارفه هيتجوز بسرعه ليه كدا
سلمى ... سيبك من الكلام دا ويلا بينا نطلع نشوفه وهو عريس انت فرحانه اوووى أن اخويا هيتجوز
ساره .... يلا فرحانه ايه دا من غير حتى فرح ولا حد يعرف
ولاء ... عيب كدا بطلى كلام كتير واطلعى لاخوكى ابوكى قالى أنها هتعمل عمليه وهيكتبو كتاب ولما تخف هيتعمل فرح كبير باذن الله
سلمى وساره ..... اشطا احنا طالعين لديدو
ولاء .... ياكش يسمعكم عشان تضربوا
فين ملك (مرات وائل اخو وليد )مشوفتهاش هى ووائل
سلمى .... زمانهم جاين راحوا للدكتور عشان متابعه الحمل
ويطلعوا
سلمى .....ديدو استنى انت هتعمل ايه
وليد ... فى ايه يا اخرت صبرى فجعتينى وبعدين اوعى تقولى ديدو دى قدام حياه ماشى
سلمى .... اولا فى أن انا اللى هلبس الجاكيت بايدى
ساره وانا هحطلك البرفان ياعريسى ياقمر
سلمى .... اوعى انتى كنتى مضايقه من ثانيه ايه اللى حصل
وليد... كنتى مضايقه انى هتجوز
ساره ... لا ياحبيبى مش كدا بس جت بسرعه وكمان كنت فاكره أن مفيش فرح بس ماما فهمتنى
وليد .... طيب كويسه المهم لسه مضايقه
ساره ... لا بصراحه اول ما شوفت القمر دا نسيت أساسا يلا بقا عشان تجهز
وليد .... هما لسه ما وصلوش
احمد .... لا ازاى احنا اهوه وحياه مع ملك بتجهز يلا يابنات روحوا معاهم وانا اللى هكمل مع اخوكم
وائل.... وانا روحت فين ياحاج
وليد .... كله عايز يلبسنى جاكيت البدله يااااه هو صعب كدا
وائل .... عشان تعرف بس
ونسيبهم يجهزوا
______________________
.... يابنتى كدا قمر صدقينى
حياه .... لا مش عايزه ميكاب لو سمحتى سبينى اغسل وشى
يدخل البنات
سلمى .... اوووه ايه العروسه القمر دى
ساره ... كدا نقدر نقول ديدو عرف يختار
حياه .... ديدو مين
سلمى تضرب ساره على رأسها لو عرف مش هيسيبك
معلش يا عروستنا قاصدها وليد انتى اسمك ايه بقا
ملك .... اسمها حياه تخيلوا يابنات مش عاجبها كدا وعايزه تغسل وشها ايه رأيكم فى ابدعاتى
سلمى وساره ... مش عاجبها ايه دى قمر
حياه .... طالما كلكم شايفين كدا خلاص مقدرش اتكلم هلبس الطرحه وابقى كدا جاهزه
سلمى .... ممكن بما انكم مرضوش البس وليد الجاكيت البسك انا الطرحه
ساره .... انتى عايزه تلبسى اى حد وخلاص ويضحكوا كلهم
حياه كانت لابسه فستان نبيتى ضيق من فوق ونازل بواسع وعليه طرحه اوف وايت
ملك... ماشاء الله قمرايه
حياه ... بجد يابنات
كلهم جداااا الحقيقه
وبعد شويه وليد يخبط عليهم عشان ينزلوا واول ما يشوف حياه ينبهر بجمالها
وليد .... ماشاء الله عليكى
حياه تتكسف ومتردش
وينزلوا بعد بضعت دقائق
(بارك الله لكما.وبارك عليكما وجمع بينكم فى خير)
والكل يبارك ليهم
منال .... وهى بتحضن حياه افرحى شويه عشان هترجيعلى تانى
حياه .... اونكل احمد عايزه مسكن الوجع بيزيد تانى مش قادره
احمد .... لا خلاص مفيش مسكنات يلا على المستشفى
حياه .... لا بالله مش عايزه عمليه اى حاجه غير العمليه
منال .... بطلى دلع بقا وخلصينا
وليد .... دا مش دلع هى تعبانه عن اذنك يلا يا حياه يلا يابابا
حياه .... لا مش هعمل عمليه لا انا بخاف من الابره هعمل عمليه ازاى
وليد يمسك ايديها يحاول يطمنها ويبوس رأسها متخافيش كلنا معاكى بعد ربنا طبعا يلا هفضل جمبك مش هسيبك
ولاء .. وانا هاجى معاكم وهفضى جمبك
سلمى .... وانا كمان
احمد ....يهزار شوفتى كله عايز يكون جمبك اهوه ها تيجى نسيبه كله ونروح انا وانتى بس وسيبى وليد كمان عايزاه فى حاجه
اميره جواها خوف على حياه بس بتكدب احساسها ... اناعايزه اروح عشان تعبانه
قمر ... وانا كمان
منال. ... خلاص تعالى يا حبيبى وصلنا البيت عشان تعبنا النهارده ولو عايزتروح المستشفى روح بعد كدا
سعيد .... يلا هوصلهم واريح شويه وابقى اجيلك ياحياه
حياه .... لا شكرا متجيش انا مش عايزه حد معايا خليك انت عشان اكيد تعبان انت كمان
سعيد .... فعلا تعبان خلاص بكره هبقى اجيلك اطمن ولما تطلعى من العمليات اتصلى بيا عرفينى
حياه بحزن بتحاول متعيطش ... حاضر يلا يا اونكل
حياه صعبت على ولاء وسلمى وساره وملك ووائل
ويقرروا كلهم يروحوا معاها ويمشوا
احمد يركب معاه ولاء وسلمى وساره
وائل معاه مراته
ووليد معاه حياه وطول الطريق ماسك ايديها وبيحاول يطمنها
حياه .... اخد كام
وليد باستغراب.... هو مين
حياه .....بابا اخد كام عشان يبعنى
وليد .... وانتى بيع وشراء ولا ايه انتى بنى ادمه عيب اللى بتقوليه دا
حياه .... انا عارفه بابا مش هيسبنى بالساهل وهيطلع غله فى مين لما انا امشى لما يضايق هيضرب مين حتى تيتا كانت بتديله فلوس عشان يسيبنى فى حالى وميمدش أيده عليا هو ومراته
وليد .... ممكن تسيبك من كل دا دالوقتى يلا انزلى وصلنا متفكريش فى حاجه بصى كدا. قدام المستشفى شوفتى كل دول هيفضلو مستنينك لحد من تطلعى لينا بالسلامه
حياه. ... ربنا يحفظهم لك اهلك طيبين ويتحبو
بس انت اتغيرت معايا كدا ليه مكنتش ضايقنى صعبت عليك لما اونكل احمد قالك على اللى بيحصل معايا
وليد ... اهلى من النهارده اهلك انتى كمان وبعدين بابا مقالش حاجه انا
احمد .... يلا ياولاد هنفضل واقفين ويدخلوا كلهم ويجهزوا حياه للعمليه وهى داخله
ولاء... حياه اقرى قراءن وانتى داخله ومتخافيش ربنا معاكى
حياه بدموع .... حاضر ادعيلى عشان انا بخاف اوى.
ولاء... حاضر يا حبيبتى وتدخل العمليه وبعد حوالى نص ساعه
احمد .... وليد اتصل بحماك خليه يجى بسرعه
وليد .... فى ايه حصل حاجه لحياه
احمد ..... (..) اتوفيت للاسف
قدري 8
وليد بخوف .... فى ايه حصل حاجه لحياه
احمد. .. جدتها للاسف توفيت وقبل ما تتوفى وصتنى على حياه
فلاش باك قبل نص ساعه
احمد دخل يشوف جدت حياه ( اللى بيعمل لحياه العمليه دكتور غير احمد لأن دكتور احمد تخصص جراحه قلب )
احمد .... الف سلامه ياحاجه
جدت حياه .... حياه فين
احمد ....هى بخير الحمد لله المهم صحتك
جدتها .... انا خلاص كدا المهم حياه انا خايفه عليها لو حصلى حاجه هى هتتبهدل خليها تكلم اخوها وياخدها ويبعد عن ابوهم
احمد .... متقلقيش على حياه هى دالوقت زى بنتى ومتجوزه ابنى
جدتها بتعب اكتر .... امتى دا حياه مش متجوزه
احمد ..... انا عرفت من حياه اللى ابوها بيعمله فيها وقدرت اضغط عليه عن طريق الفلوس أنها تتجوز ابنى وفعلا كتبنا الكتاب النهارده وهتبقى بعيد عن ابوها
جدتها ..... الحمد لله طمنتنى خد بالك عليها هى عنيده بس طيبه وغلبانه
احمد .... متقلقيش هى من النهارده بنتى ومش هسمح أحد يزعلها حتى لو ابنى نفسه
جدتها .... كدا انا ارتاحت
احمد. ... فى دكتور جاى مصر كمان يومين وباذن الله تعملى العمليه وتبقى بخير
جدتها .... التعب زاد وبدءت تقول الشهاده بصعوبه وبعدها توفيت
احمد .... ان لله وان اليه لراجعون ويغطى وشها ويطلع يقابل ممرضه ويقولها تعمل تشيل الاجهزه من عليها لحد ما أهلها يوصلوا
باك
ووليد فعلا اتصل بابو حياه وبلغه و اول ما سعيد وصل كانت حياه خارجه من العمليه
احمد .... حياه خرجت من العمليه هشوف الدكتور وارجعلكم
سعيد .... هو شاله الورم كمان
احمد .... اكيد وهيتحلل نشوف نوعه
عن اذنك
وأحمد يروح يطمن علي حياه ويكلم الدكتور
احمد ... زى ماقولتلك اى حد من أهلها يسأل قول كان عندها كانسر وهيتحلل نعرف نوعه تمام
الدكتور.... تمام بس لو سألوا بعد كدا نوعه ايه
احمد ... مش هيسالو وعموما لو سألوا قول طلع حميد وخلاص
الدكتور ... تمام
احمد ... طمنى عامله ايه دالوقت
الدكتور ... تمام شيلت الزايده كانت ملتهبه وكويس أنها اتشالت وشويه طبعا وهتحتاج بقا تشرب ينسون حاضرتك عارف التعليمات طبعا
احمد ... تمام يا دكتور شكرا ليك انا هتابعها بقا
الدكتور ... تمام عن اذنك ويدخل احمد يطمن على حياه يلاقى مراته وملك وبناته عندها
احمد ... ايه اللى دخلكم كلكم دالوقت وفين وليد
ولاء ... قولنا تفوق تلاقينا جمبها عشان متزعلش ووليد مع ابوها بيشوفوا هيعمل ايه مع
يقاطعها احمد ...بس بس محدش يتكلم هنا فى الموضوع دا دالوقت اوعوا تعرف حاجه يلا انا هروح اشوفهم وارجع تانى
وبعد شويه سعيد يتفق أنه هيرجع الصبح عشان ياخد خالته يدفنها ويمشى ويدخل احمد ووليد لحياه يلاقوها فاقت
احمد ووليد ... حمد الله على السلامه
حياه بتعب ... الله يسلمكم شكرا ليكم جدا
احمد ... على ايه
حياه .... انكم معايا كان المفروض ابويا اللى يكون هنا بس للاسف
وليد .... فى واحده تشكر جوزها وأهلها انا قولتلك ايه مش هما اهلك برضو
حياه تبتسم ويدخل وائل
وائل ... حمد الله على سلامتك
حياه ... الله يسلمك
وائل .... ملك تعالى اروحك عشان ترتاحى شويه بقا معلش يا حياه عشان ملك بس حامل عقبالك باذن الله قريب
حياه ... ياخبر طيب ايه تعبك بس يلا امشى بقا رايحى انتى ربنا يكملك على خير يارب
ملك .... تسلميلى يا حبيبتى هجيلك بكره
حياه .... لا متجيش انا هطلع بكره وانا اللى هجيلك اطمن عليكى يلا يا بنات انتم وطنط كمان كفايه كدا تعبتكم معايا
ولاء ... تعب ايه بس انتى زى بناتى وبعدين انا قاعده معاكى يلا يا وائل خد مراتك وأخواتك وامشى
وليد .... ماما انا اخد اجازه من الجامعه يومين عشان أفضل جمب مراتى يلا ياحبيبتى انتى كمان معاهم
ولاء ... دا انا بطرد بقا
احمد .... ولا عاش ولا كان اللى يطردك يا حبيبتى سيبك منهم وتعالى احنا نمشى سوا سبيه مع مراته بدل ما كان باصص لينا دايما
الكل يضحك عليهم ويمشوا
بعد شويه
حياه .... دوك
وليد .... يبصلها يعنى اتجوزتك وبرضو تقولى دوك 😳
حياه بتحاول ماتضحكش عشان العمليه بتوجعها لما بتضحك ... سيبك بس ممكن تنادى ممرضه تساعدنى اقوم
وليد ... ممرضه ليه وانا مش عجبك
حياه ... مش عايزه اتعبك بس
وليد ... حياه بلاش هبل انا جوزك افهمى بقا ها عايزه تروحى فين
حياه .... عايزه اشوف تيتا حاسه انها مش كويسه
وليد بتوتر مش عارف يقولها ايه .... لا مينفعش دالوقت هى كويسه لسه بابا كان عندها من شويه وهى بخير
حياه .... طيب هشوف دقيقه بس لو سمحت
وليد ... هى اه مستشفي ابويا بس مش هينفع اكسر القوانين يعنى دى فى عنايه
حياه ... لو سمحت مش هطول والله بس اشوفها انا مش مرتاحه
وليد ... مش عارفه يعمل ايه بعد تفكير طيب نتفق اتفاق
حياه ... قول
وليد ... هروح اجيبلك ينسون تشربيه وتخلصى المحلول دا وبعد كدا تروحى ماشى
حياه بتذمر .... يوووه مش بحب الينسون
وليد .... خلاص مش هتروح لتيتا ها اختارى
حياه ... اوووف خلاص هات خلصنى
وليد ... متتعصبيش عليا بس هروح اجيبلك الينسون وارجع بسرعه ويمشى
وليد يتصل بابوه يقوله عايزه يحط لحياه منوم عشان مصممه تشوفه جدتها وأبوه يكلم فعلا ممرضه ويقولها تحط لها فى المحلول
ويدخل وليد ومعاه ينسون والممرضه معاه ابره
حياه ... لالالالا مش عايزه ابر تانى بالله ياوليد كفايه اللى فى ايدى دى
الممرضه متخافيش دى هحطها فى المحلول عشان متحسيش بوجع
وليد يحط الينسون جمبها ويمسك ايديها
متخافيش الابره هتتحط فى المحلول انا جبت الينسون زى ما اتفقنا يبرد شويه وتشربى ماشى
حياه باستسلام حاضر
ويعدى الوقت دون إحداث جديده حياه بتنام بسبب المنوم ووليد ينام على الكرسى
فى اليوم التالى
يصحى وليد على ايد والدته
وليد ... فى ايه حياه فيها حاجه
ولاء .. متخافش يا حبيبى انا جيت عشان تروح مع حماك وابوك الدفنه عشان وائل فى الشركه
وليد ... حاضر خلى بالك من حياه هى كانت اخده منوم لسه متعرفش حاجه
ولاء... متقلقش ويمشى وليد ويخلصو اجراءت الدفنه
بعد حوالى ساعه
ولاء ... حبيبتى هروح اجيبلك ينسون بقا مينفعش كدا عشان تقومى بالسلامه وترجعى معايا البيت
حياه .... مش بحبه يا طنط بلاش امبارح وليد شربنى بالعافيه كفايه
ولاء... مينفعش يلا مش هتاخر هجيب وارجعلك ع طول وتخرج ولاء منال شافتها لما طلعت من عند حياه تدخل لها
حياه ... خير اوعى تكونى جايه تطمنى عليا لاسمح الله
منال بضحك و