رواية قلبي ليس بيدي الجزء الثاني2الفصل الاخير بقلم حسناء رمضان

 85: 🖤🥀

               

الدكتور: الام او الاطفال..

مكنش حد مصدق اللي الدكتور قاله... 

جاك:  انت بتقول اي.. 

الدكتور:  انا اسف... مفيش ف ايدينا حاجه نعملها... 

ماما: بنتي... انا عايزه بنتي.. 

جاك: مش عايز.. مش عايز اطفال.. انا عايز مراتي.. 

ضحي بالاطفال مش مهم... المهم هي تقوم بالسلامه... 

الدكتور: تمام... 

الدكتور دخل وجاك قعد ع الارض وهو خايف... 

محمد:  هتعدي.. هتعدي ان شاء الله... 

جاك بتوتر:  ايوا.. ايوا هتعدي.. اكيد.. 

ماما:  يارب... خليك معاها يارب... 

ـــــــــــــــــــــــــــــــــــــــــــــــــــــــــــــــ

عدى وقت وبعدين سمعوا صوت عياط الاطفال من بره... 

جاك بلع ريقه بخوف وقام... الدكتور طلع.. 

جاك:  هو.. هو اي دا.. 

الدكتور: مبروك.. قدرنا نحافظ ع الاتنين... 

جاك:  يعني جاكي بخير! 

الدكتور:  ايوا الحمد لله.. عدت ع خير...الف مبروك.. 

فيروز:  الحمد لله... الف حمد وشكر ليك يارب... طب هي صاحيه! 

الدكتور: لا لسه مفاقتش.. 

استنوا لحد مافوقت... 

جاك فتح الباب ودخل بالراحه... قعد جنبي لحد مافوقت... 

فتحت عيني بتعب.. 

جاكي: جاك.. 

جاك: ياعيون جاك.. 

جاكي:  كنت فين.. 

جاك:  كنت بره... انتي كويسه صح! 

هزيت راسي وانا دموعي بتنزل وهو كمان دموعه بتنزل... 

جاكي: ولادي فين.. 

جاك: خدوهم... حمدلله ع سلامتك ياحبة قلبي.. 

حرام عليكي هو انا ناقص!.. كنت بموت من الخوف بره.. 

جاكي: سيبتني وطلعت ليه.. 

جاك: مقدرتش اشوفك كدا... مقدرتش... 

جاكي: عايزه اشوفهم.. 

الممرضه دخلت ومعاها الاتنين والكل دخل... 

ندى:  لوللللللولي... الف مبروك ياجي.. 

جاكي:  الله يبارك فيكي... عقبالك.. 

شيلت البيبي وجاك قعد جنبي وشال التاني.... كنا 

باصين ليهم وبنعيط... 

ماما:  بطلوا بقاا هتخلوني اعيط معاكوا.. 

فيروز: يتربوا ف عزكوا.. 

جاك: انا مصدوم.. 

جاكي: وانا بردو.. 

ندى: ياعيني دول مش مصدقين.. 

محمد: عقبالنا ياقمر.. 

ندى: يارب.. 

نور: اديني اشوفهم.. 

فيروز:  بس يابت خليهم يشبعوا منهم... 

جاك كان قاعد جنبي وحاضني وشايلين الاتنين ومش 

مصدقين... الموضوع عدى ع خير.. 

عمو احمد: طب هي تعيط عشان هي بنوته ومش 

مستحمله... انت عمال تنزل دموع ليه.. 

ماما: مبسوطين بيهم... 

فيروز: هما مش بيردوا علينا ليه.. 

حرفيا كنا مندمجين معاهم ومش حاسين باللي 

حوالينا... 

جاك: دي شبهك.. 

جاكي: اشعرفك ان دي البنت.. 

جاك: انا عارف.. ملامحها كلها منك.. يارب عينيها 

تطلع زيك.. 

نور: ماتعبرونا ياجدعان.. 

جاك: عايزه اي.. 

نور: عايزه اشيل النونو.. 

جاكي: تعالي شيليه.. 

جت خدته وقعدوا يتفرجوا عليهم... 

جاك: مظنش ان في حد اسعد مني دلوقتي.. 

جاكي: اول مره احس الاحساس دا.. انا مبسوطه 

قوي.. 

جاك: صحيح فين جوري.. 

ادم دخل... 

ادم: اهي ياسيدي.. 

اول مادخلت طلعت تجري ع جاك.. 

جوري: ماما انتي كويسه! 

جوري: كويسه ياروح ماما.. كنتي فين.. 

جوري: كنت مع دومي.. 

جاك: دومي!!... انتي لحقتي!! 

جاكي بضحك: معلش معلش.. خالها.. 

جاك: قوام ماخلتوه خالها! 

ادم: انا مش عارف انت مش راضي تقبل بالواقع ليه.. 

اختي ياجدعان.. صحيح مسلمتش عليكي.. 

الف مبروك ياقمر انتي.. 

لسه هيقرب راح جاك بعده عني.. 

جاك: سلم بإيدك ياخويا.. 

ادم: مانا بسلم بإيدي اهو.. هاخد بوسه بس.. 

جاك: ولاااا.. 

ادم: خلاص.. مش هاخد.. 

جاك: بوسه ف عينك.. وبعدين بطل بقاا تستغل نغمة انك اخوها اخوها... انا مالي انا.. اياك تكون ابوها... محدش يبوس مراتي غيري.. 

فيروز: شوف الواد.. من حبك فيها ياخويا.. 

جاك: يانهاار.. دانا بموت فيها.. 

راح مسك وشي وفضل يبوسني من خدي.. 

جاك: دي قمر حياتي ياناس.. 

ماما: ياواد استحي.. 

جاك: لا.. مراتي عادي.. محدش ليه عندي حاجه.. تعالي ف حضني يابت... 

محمد: اوعدني يارب.. 

ندى: يوعدك بإي!! 

محمد: بحضن زي دا...

ندى: من مين بقاا! 

محمد: من امي.. هيكون من مين ياغبيه يام دماغ فاضيه انتي.. 

ندى: اما انت خنزير صحيح.. ماتلم نفسك.. 

محمد: بت.. متخلنيش افتح دماغك.. 

ندى: نينينني.. سم.. 

محمد: عيله بارده.. 

جاك: بقولك اي.. خدها وروحوا افتحوا دماغ بعض بره.. مراتي تعبانه وعايزه ترتاح... هتقفوا هنا اقفوا بادب... 

ندى: ماتشوفي جوزك ياست جي.. بيطردنا من قبل مانعمل حاجه.. 

جاكي: معلش مانتوا مش قاعدين ساكتين.. 

ندى: الصحاب ف اجازه فعلا... 

جوري: عايزه اشوف النونو.. 

جاك: ماتجيبي العيال يابت انتي.. هما ولادي ولا 

ولادك! 

نور: امسك ياخويا.. في اي... بكرا اجيب زيهم.. 

جاك: هاتي ياختي.. ملكيش دعوه بيهم.. 

فيروز: هتسموهم اي.. 

جاك: جي اللي هتسميهم.. 

كان ماسك ايديهم وبيلعب معاهم.. 

نور: هتسميهم اي ياجي.. 

جاكي: الولد مُتيم.. 

محمد: حلو دا.. والبنت! 

بصيت لجاك وابتسمت وهو باصص للبيبي.. 

جاكي: اسيل.. 

رفع وشه وبصلي... 

جاكي بابتسامة: اي رايك.. 

راح حضني جامد وهمس ف ودني.. 

جاك: شكرا.. 

فيروز بابتسامة: حلو اسيل... يلا تتربى ف عزكوا.. 

جاك: استني هعمل حاجه.. 

طلع الفون وفتح الكاميرا.. 

جاك: لحظه محتاجه توثيق.. 

خدلنا صوره قمر كدا مع البيبيهات وجوري ونشرها عشان الحكايه تكمل... 

بصينا لبعض انا وجاك وابتسمنا.... 

باااااااااااااك... 

جاكي: بس كدا ياعيون تيته... وجت اسيل وجه متيم.. 

ـ الله ياتيته... دي قصه ولا ف الافلام.. 

ـ فعلا جدوا كان   بيحبك قوي كدا!! 

جاكي: ايوا ياواد.. مانا هقولك.. جاك احسن حد 

دخل حياتي.. القشايه اللي جت عشان تنجيني.. 

ـ طب وماما اسيل اتعرفت ازاي ع بابا... ليهم قصه 

زي بتاعتك بردو!! 

جاكي: ايوا طبعا... اسيل وابوك حبوا بعض جدا 

جدا.. وليهم حكايه طويله قوي.. 

ـ يعني طنط جوري مش بنتكوا الحقيقيه!! 

جاكي: الواقع بيقول انها مش بنتنا الحقيقيه... بس انا وجو عمرنا مامشينا    زي مالواقع عايز.. جوري 

بنتنا زيها زي اسيل ومتيم... 

ـ وبابا متيم... محبش ماما!! 

جاكي: حبها بردو ياست.. وبردو ليهم حكايه حلوه قوي... ياااه.. زمن.. 

 طب ماتحكيلنا حكايتهم ياتيته... 

جاكي:  مره تاني بقاا ياعيون تيته.. كفايه لحد كدا.. 

روحوا ناموا وبكرا نكمل...