رواية رحم بديل (كامله جميع الفصول) بقلم زينب سعيد

 رواية لقبي ليس بيدي الجزء الثالث

الفصل الثالث

بقلم: حسناء رمضان 🖤🧍🏻‍♀️

الابطال عشان التوهان... 

اسيل * جوري * متيم = جاك * جاكي

مراد * اياد = نور * ادم 

مروان = منه * مالك

لين = ندى * محمد 

زياد * يسرى = هند * ياسين

.....................................................   

متيم طالع ع السلم ويادوب فتح الباب.. 

.......................... 

جوري: في اي يا ماما..

جاكي: اي.. 

جوري: شكلك متضايقه.. 

جاكي: لا ياحبيبتي مفيش حاجه.. كملي اكلك

........................... 

مالك: مالك يعم.. اول مره تيجي مبوز كدا.. 

جاك: متضايق شويه.. 

مالك: لي اي اللي حصل.. 

جاك: مش مهم... المهم قولي عملت اي.. 

مالك: مفيش حل.. مضطر تسافر طبعا.. 

جاك: طب ماتروح انت.. 

مالك: ماشي.. هحاول.. 

جاك: لا لازم تروح انت... انا مش هينفع اروح ف حته دلوقتي خالص.. 

............................... 

متيم دخل واتصدم من المنظر.. 

متيم: اسيل!!... انتي بتعملي اي يامجنونه.. 

طلع يجري عليها ولحقها ع اخر لحظه... 

اسيل: اوعى سيبني.. 

متيم: ماما.. انتي اتجننتي!!... ازاي تعملي ف نفسك كدا!... ماماااا... 

طلعت انا وجوري ع الصوت... 

ماما: في اي.. يالهوي.. اي دا.. 

متيم: كانت هتنتحر.. 

جوري: ازاي.. لي كدا 

اسيل: اطلعوا بره محدش ليه دعوه بيا... 

جاكي: انزلوا انتوا.. 

متيم: ماتفهموني في اي.. 

جاكي: قولت انزلوا... 

نزلوا تحت وانا قفلت الباب... 

جاكي: تفتكري دا الحل! 

كانت بتعيط وباصه ف الارض.. 

جاكي: يعني بعد ماتموتي اي اللي هيتغير!!... في حاجه هتتغير للاحسن يعني!!.. هتقهرينا كلنا وخلاص... 

اسيل: خذلتكوا.. دا سبب كافي يخليني انتحر.. 

جاكي: المفروض تصلحي اللي عملتيه... مش تداويه بغلط اكبر.. 

اسيل: مانتوا مش هتسامحوني... 

جاكي: انا عن نفسي عمري ماهنسى اللي عملتيه... ضيعتي ثقتي فيكي... خلتيني حسيت اني معرفتش اربي اي حد فيكوا... 

اسيل: طب انا اسفه... والله العظيم ماهتتكرر تاني... 

جاكي: انا عديت كتير يااسيل... عديت حاجات كتير عملتيها ومقولتش لابوكي.. قولت صغيره وطايشه وبكره تعقل... بس للاسف.. 

اسيل: والله العظيم اول مره اعمل كدا.. ومش هتتكرر تاني... 

جاكي: مش هتروحي الديسكو تاني بس هتهربي من البيت زي مابتعملي... 

اسيل: لا... صدقيني مش هعمل كدا تاني... بس سامحيني والنبي.. 

جاكي: عندي شرط.. 

اسيل: اي هو.. 

جاكي: مؤنس.. 

اسيل: تعرفي مؤنس منين! 

جاكي: مش مهم... المهم اني عرفت... تقطعي علاقتك بيه نهائي.. وتكلميه دلوقتي قدامي وتقوليله مش عايزه اعرفك تاني وتقفلي.. دا لو عايزاني اسامحك يعني.. 

اسيل: بس.. 

جاكي: بس اي.. انتي عارفه كان هيعمل فيكي اي! 

اسيل: هو بيحبني.. 

جاكي: حب اي وقرف اي.. هو لو بيحبك كان هيوديكي مكان زي دا ولا ياخدك معاه الشقه!! 

اسيل: شقه!! 

جاكي: ايوا ياختي.. خدك معاه الشقه بعد ماسكرتي.. ولولا ستر ربنا وواحد لحقك وجابك.. 

اسيل: واحد مين! 

جاكي: معرفش.. شاب كدا.. ع العموم انا قولتلك اللي عندي.. 

اسيل: ماشي.. موافقه.. 

جاكي: يلا كلميه.. 

طلعت الفون ورنت عليه... 

مؤنس: اسيل.. عايز اشوفك.. 

اسيل: مؤنس.. مش عايزه اعرفك تاني.. اطلع من حياتي وانساني خالص... ميشرفنيش اني يبقى عندي صاحب زيك.. جاتك القرف.. 

قفلت ف وشه ومسحت رقمه... 

اسيل: تمام كدا! 

جاكي: تمام.. بس بلاش الحركات دي.. دا لعب عيال وانتي مش صغيره.. قال انتحار قال.. 

اسيل: طب بابا.. 

جاكي: ماله.. 

اسيل: هصالحه ازاي! 

جاكي: بصي.. مش معنى اني سامحتك اني مش زعلانه منك... ومش هرجع معاكي زي الاول تاني.. الا لما اشوف تصرفاتك وتبقى تصرفات    واحده كبيره وعاقله.. تمام!!... وبالنسبه لابوكي فهو عمره ماهينسى الموقف اللي حطيتيه فيه دا... بس ممكن يتناسى لو اتعدلتي.. 

سيبتها ونزلت.... 

جاكي: جوري.. خليكي معاها.. انا خارجه شويه وراجعه.. 

جوري: ماشي.. 

متيم: مش هتقوليلي في اي! 

جاكي: لما ابوك ييجي ابقى افهم منه... 

سيبته وطلعت... روحت العياده ورجعت... 

جاك: كنتي فين.. 

جاكي: كنت ف العياده.. معلش هعملك الاكل ع طول.. 

جاك: اكل اي بس.. اسيل فعلا حاولت تنتحر! 

جاكي: ايوا.. 

جاك: ازاي دا حصل! 

جاكي: الحمد لله متيم لحقها.. 

جاك: طب انتي مالك.. صوتك تعبان ليه.. 

جاكي: لا مفيش ياحبيبي تمام.. روح ارتاح وانا هجيبلك الاكل.. 

............... 

جوري: بقالي ساعه بتحايل عليكي عشان تنطقي.. 

متيم: انا مش فاهم اي النكد دا.. ماتقولي اي اللي حصل! 

جاك: انزلوا تحت.. 

متيم: هو احنا كل مانطلع تقولوا انزلوا تحت! 

جاك: انزل تحت يامتيم.. 

متيم: حاضر.. يلا ياست... 

خدها ونزلوا... 

جاك قعد ساكت ومش عارف يقول اي.. 

جاك: متضيعيش عمرك عشان غلطه... صلحي الغلطه افضل.. 

اسيل: انا اسفه.. حقك عليا.. 

جاك: انزلي عشان تاكلي.. 

اسيل: بابا.. والله العظيم ماهتتكرر تاني.. انا عرفت غلطتي ومش هعيدها تاني.. 

جاك: مش هنسى الموقف الي حطتيني فيه يااسيل...مش عايزك تنزلي من نظري... 

اسيل: والله العظيم اول    مره اعمل كدا.. ايوا انا بعمل حاجات طايشه كتير بس اول مره اروح مكان زي دا.. واخر مره والله.. المهم بس انت سامحني... 

جاك: يلا انزلي... ومتقوليش لاخواتك حاجه... 

نزل وسابها وهي نزلت وراه... 

جوري: ماتفهموني في اي ياجماعه! 

جاك: مفيش... ركزي ف اكلك.. 

جوري: طب قولت اي ف موضوع مروان يابابا! 

جاك: هو انتي شايفه ان دا وقته يعني! 

متيم: ماله مروان! 

جاك: متقدم لاختك... وانا مش موافق.. 

متيم: هو اي اللي متقدم لاختك... انتي عارفه انتي اكبر منه بكام سنه!! 

جوري: واي المشكله يعني... هو موافق وبيحبني.. 

متيم: انا مش شايف ان دا صح خالص بصراحه... 

جاك: جوري... انا قولت لا.. مفيش جواز.. لا ليكي ولا لاسيل... مش عايز نقاش عشان مقلبش ع حد فيكوا... 

جوري: حاضر... انا ماشيه.. 

متيم: وانا كمان.. 

الاتنين مشيوا ومفضلش غيرنا احنا التلاته وكل واحد باصص ف طبقه... 

اسيل: ينفع اروح جامعتي! 

محدش رد... 

اسيل: امم.. انا طالعه اوضتي... 

جاك: روحي... بس خليكي عارفه اني شايفك كويس... اي غلطه كمان وهتزعلي مني جامد.. 

اسيل: حاضر.. 

طلعت لبست ومشت... 

.................................. 

لمى: فينك يابنتي كدا.. برن عليكي مش بتردي.. 

اسيل:..... 

لمى: في اي.. 

اسيل: ممكن تقطعي علاقتك بيا! 

لمى: اي دا ليه! 

اسيل: مش عايزه اعرفكوا تاني... كفايه اللي حصلي بسببكوا.. 

لمى: واي اللي حصلك ياختي.. 

اسيل: ملكيش دعوه... المهم خليكي ف حالك وملكيش دعوه بيا تاني.. سلام... 

..................................... 

لارا: احم.. متيم ممكن اتكلم معاك شويه! 

رفع وشه وبصلها بلا مبالاه ورجع بص ف الفون تاني.. 

لارا: صدقني انت فاهم غلط.. 

متيم: عايز اقولك حاجه...    انتي واحده رخيصه... وانا مقبلش اني ارتبط بواحده رخيصه... بتاع فلوس.. مش عايز اشوف وشك تاني عشان مش هرحمك.. 

سابها ودخل المحاضره... 

...................................... 

ادم: كنت فين! 

مراد: كنت بره.. 

راح ادم ضربه بالقلم.. 

ادم: لو فاكر انك كبرت عليا، فانت غلطان... وطول مانت ماشي ف السكه دي انسى انك ابني.. 

مراد: امم.. وبعدين! 

ادم: انا مش فاهم انت بقيت كدا ازاي!!... هو محدش فينا رباك خالص!! 

مراد: بقولك اي.. فكك مني عشان انا عايز انام.. 

سابهم ودخل اوضته.. 

نور: ربنا يهديك يابني.. 

............................................ 

اسيل خلصت محاضرات وطلعت... 

كان مؤنس ولمى قاعدين مع بعض... بصتلهم بقرف ومشت... 

كانت ماشيه ف نفس الطريق ع البحر وزعلانه وبتفكر ف اللي حصل... 

ـ مبحبش اشوفك زعلانه... 

بصت لقته عدي... مردتش عليه.. 

عدي: ع فكره مش متعود عليكي كدا... فين البلطجه.. 

اسيل: ممكن تمشي! 

عدي: طب اتاكد انك وصلتي بخير... 

اسيل: ليه... عايز تتاكد ليه... شاغل بالك بيا ليه! 

بصلها بحب.... 

عدي: يمكن عشان بحبك.. 

بصتله بصدمه وسابته ومشت... 

.......................................... 

مروان: يعني اي مش موافق! 

جوري: يعني شايفين اني اكبر منك.. وكمان بابا رافض فكرة الجواز اصلا.. 

مروان: واي يعني اكبر مني!... مالنبي اتجوز السيده خديجه وكانت اكبر منه بكتير... وبعدين هو مش بالسن... طلاما في توافق فكري ومتفقين خلاص... انا هقعد مع عمي واقوله.. 

جوري: معرفش بقاا.. هو عندك اهو وقوله.. بس هما اهلك موافقين! 

مروان: ها!.. ااه.. اكيد موافقين.. 

............................................ 

اسيل طلعت اوضتها وقعدت تذاكر... شويه وطلعت لقيتها بتصلي... 

اسيل: في حاجه! 

جاكي: ابوكي تعبان.. 

اسيل: ايه.. لي! 

جاكي: من الزعل.. بقاله يومين منمش... انزلي صالحيه.. 

اسيل: حاضر... 

نزلت تحت لقته قاعد ف المكتب وماسك دماغه... راحت قعدت قدامه... 

اسيل: بابا... لسه زعلان مني! 

جاك:.......... 

اسيل: طب بص.. ماما قالتلي هسامحك لو لقيتك مشيتي كويس وتصرفاتك بقت كويسه... وانا بعمل كدا فعلا... وقطعت علاقتي بصحابي اللي مش كويسين... ارجوك بقاا... 

جاك: انتي عارفه انا بحبك قد اي... بس كمان صدمتي فيكي مكانتش هينه.. 

اسيل: وانا غلطت واعترفت بدا وبصلح غلطي كمان... سامحني بقاا.. طب وحياتك ماهتتكرر تاني... 

جاك: ماشي.. لما نشوف.. 

اسيل: يعني مش زعلان!! 

جاك: لا.. 

قامت باسته... 

اسيل: والله ماكان قصدي ازعلك ابدا.. انت عارف انا بحبك قد اي.. 

جاك: ماشي ياختي.. روحي شوفي مذاكرتك بقاا.. ع الله متجيبيش تقدير كويس... 

اسيل: اوعدك هجيب امتياز.. 

جاك: مره واحد كدا! 

اسيل: طب هتشوف.. 

جاك: ياريت... يلا سيبيني اكمل شغل... مش فاضيلك.. 

سابته وطلعت فوق... 

اسيل: ماما.. مش هتفكي بقاا! 

جاكي: عملتي اي! 

اسيل: صالحته والدنيا مشت كويس... باقي انتي بقاا.. 

جاكي: كملي مذاكره... 

اسيل: طب ممكن تسامحيني بقاا!.. كفايه كدا والنبي.. انتي حطيتي شرط وانا ماشيه عليه اهو.. 

جاكي: هسامحك وانسى اللي حصل لما اشوف دا بعيني.. اوعي.. 

................................. 

عدى اليوم كدا وهي قاعده تذاكر وبتفكر ف كلام عدي... 

صحت تاني يوم صلت ولبست... 

اسيل: صباح الخير.. 

الكل: صباح النور.. 

اسيل: انا ماشيه.. 

جاك: اقعدي افطري الاول.. 

اسيل: لا مليش نفس... ابقاا اكل هناك.. 

راحت الجامعه وهناك شافت اعلان عن رحله... حبت الفكره جدا بس افتكرت اللي حصل وانهم اكيد مش هيوافقوا... 

........................... 

ـ اي يعم عدي... طالع! 

عدي: مش عارف.. 

ـ اي اللي مش عارف.. الرحله دي هتبقى عظمهه.. 

عدي: هشوف وهقولك... 

اسيل عدت من قدامهم... فضل باصصلها.. 

ـ اي يعم الحنين! 

عدي:..... 

ـ يابني انت... انسى يابابا.. 

عدي: انسى اي.. 

ـ دي اسيل ياحبيبي... يعني اكيد مش هتبصلك انت.. 

عدي: ليه يعني! 

ـ عشان هي ف حته وانت ف حته.. 

عدي: بقولك اي.. مش ناقصك والله.. 

..................................... 

خلصوا محاضرات وروحوا... 

اسيل: بابي.. عامل اي.. 

جاك: بقيت كويس لما شوفتك.. يومك كان عامل ازاي! 

اسيل: كويس.. بس.. 

جاك: خير.. 

اسيل: الجامعه بتاعتي عامله رحله وكنت بفكر اطلع... بس لو حضرتك مش موافق معنديش مشكله.. 

جاك: اممم... مين طالع معاكي! 

اسيل: مليش دعوه بحد... هطلع مع فريده.. اكيد عارفها.. 

جاك: ااه اذا كان كدا ماشي... اخوكي هيطلع يعني! 

اسيل: مش عارفه.. 

جاك: لو اخوكي هيطلع اطلعي معاه... 

................................. 

متيم: قولت لا.. 

اسيل: ياخي بالله عليك.. 

متيم: ياست مش عايز اطلع انا.. انا حر

اسيل: بابا شارط انك تطلع معايا.. غير كدا مش هطلع.. 

متيم: احسن بردو.. 

اسيل: يعم بطل رخامه بقاا.. اععع

متيم: قولت لا... 

اسيل: طب خد بوسه اهي.. 

متيم: نوووو

.................................... 

جاكي: بس انا مش موافقه... 

جاك: طلاما متيم معاها خلاص.. 

جاكي: بعد اللي عملته دا وعايزها تروح كمان! 

جاك: مش عايز احسسها انها مش مصدر ثقه.. مش عايز اهز ثقتها ف نفسها.. ومتيم   هيبقى معاها وكمان هبعت ناس تاخد بالها منها... 

جاكي: شد شويه ياجاك.. مينفعش كدا.. 

جاك: لما ترجع انا هقعد معاها... 

........................................ 

ـ يلا ياعدي مش هنلحق الباص

عدي: جاي اهو.. 

ـ ماتنجز يابني... 

خدوا الشنط ومشوا بسرعه... 

عدي بهمس: يارب تيجي يارب.. 

.......................................... 

اسيل: يلاااعععع... الباص هيمشي.. 

متيم: جيت اهو.. 

جاكي: استنوا.. خدوا الاكل دا... وكلوا كويس.. وخلوا بالكوا من نفسكوا.. 

متيم: ماشي ياست الكل.. يلا باي.. 

جاكي: باي.. 

......................................... 

مؤنس: انت مستني مين يعم! 

السواق: في اتنين لسه موصلوش.. 

ـ اطلع يعم تلقاهم مش هييجوا.. 

متيم: جينا ينجم.. 

عدي: اخيرا... 

حطوا الشنط وطلعوا... 

اسيل قعدت جنب الشباك ومتيم جنبها وعدي قصادهم.. 

عدي: الحمد لله اني طلعت.. 

ـ مالك يابني.. مش ع بعضك ليه! 

عدي: مش عارف.. اسكت اسكت.. 

الكل نام واسيل طول الوقت باصه من الشباك وسرحانه..... 

مكنش صاحي غير اسيل وعدي اللي مركز معاها وباصصلها وهي مش واخده بالها.. 

عدي بهمس: لو تعرفي واخده قلبي ازاي بس.. 

................................ 

لين: هو متيم مش باين ليه ياجوري! 

جوري: متيم طلع رحله مع اسيل تبع الجامعه.. 

لين: ااه.. طب فين جي.. 

جوري: جي حاف كدا! 

جاكي: جيت اهو.. مين عايزني.. 

لين: واحشاني ياقمر.. 

جاكي: امك عامله اي يابت.. 

لين: بتسلم عليكي.. المهم هاخد جوري ونطلع نلف شويه كدا.. 

جاكي: هو انتوا مش بتعملوا حاجه غير انكوا بتلفوا! 

لين: ياست كلها شويه وكلنا نموت... نعيشلنا يومين حلوين كدا.. 

جاكي: ماشي ياختي... بس متاخروش.. 

لين: والنبي انا بموت فيكي ياقمر انتي... 

.................................... 

عدى وقت والكل صحي... وقاعدين يغنوا.. واسيل لسه سرحانه... 

متيم: مالك! 

اسيل: مفيش.. 

متيم: مش هتقوليلي كنتي هتنتحري ليه! 

اسيل: قولتلك مفيش.. مش مهم.. 

متيم: اسيل.. لو حد مضايقك قوليلي.. 

اسيل: لا مفيش.. كله تمام.. 

عدى الوقت ووصلوا للمكان... 

ـ كل واحد ينصب خيمته ياشباب.. 

وزعوا الاماكن وكل واحد مشغول بحاجاته... 

اسيل كانت مش عارفه تعمل حاجه وعماله تنفخ وعدي واقف يتفرج عليها ويضحك.. 

بصت وراها لقته واقف وحاطط ايده ف جيبه وبيضحك.. 

اسيل: يانعم!!.. برقص انا! 

عدي: هدي اعصابك.. خليني اساعدك.. 

اسيل: مش عايزه.. انا بعرف اعمل كل حاجه لوحدي.. 

عدي: مفهاش حاجه لما اساعدك.. 

اسيل: ابعد يلااااا.. 

عدي: حاضر.. 

رجع لورا وهي عماله تحاول وهو واقف مستنيها تخلص.. 

معرفتش تعمل حاجه... نفخت وسابت الخيمه وراحت قعدت... 

عدي ابتسم وراح كمل عنها... 

عدي: مشكلتك انك عنيده.. 

اسيل: داير ورايا ليه! 

عدي: هدور وراكي ليه انااا.. 

اسيل: ماتقول لنفسك.. 

عدي: بت.. متخلنيش اتجنن عليكي.. 

اسيل: ليه انت متعرفش انا مين! 

عدي: مين يعني! 

اسيل: ولااا... يلا امشي مش عايزه منك حاجه اصلا.. 

عدي: مانا خلصت ياختي.. 

اسيل: انا مش اختك يابا.. يلا اتكل... 

عدي: لسانك عايز قصه.. 

اسيل: طب يلا غور.. 

عدي: اوعي يابت من وشي... انتي شبه البطريق كدا.. 

قربت منه وحطط ايدها ف وسطها... 

اسيل: شبه اي! 

عدي: بطريق.. 

اسيل: ريلي! 

عدي: ريلي.. 

اسيل: اممم.. عارف شعراتك الحلوين دول!!.. هنتفهم شعرايه شعرايه... 

عدي: احم.. ساموو عليكوا.. 

سابها ومشي.... 

الشباب كانوا واقفين مع بعض والبنات بيلعبوا... 

لارا: واقف لوحدك ليه.. 

متيم: هو انتي معندكيش كرامه!! 

لارا: متيم.. في اي.. 

متيم: في انك واحده خاينه.. ورخيصه.. وكلبة فلوس كمان.. ابعدي عني وبطلي تتلزقي فيا بقاا... انتي خساره فيكي الحب اللي حبتهولك طول السنين دي... 

ـ متيم... وطي صوتك.. الكل بيتفرج عليكوا.. 

متيم سابهم ومشي... 

ظبطوا الدنيا وبعدين حطوا الاكل وقعدوا كلوا.... طول الوقت عدي باصص ع اسيل ومؤنس خد باله... 

اسيل قامت قعدت بعيد خالص وسابتهم... 

عدي اتسحب وراح وراها... 

عدي: بتعملي اي.. 

اسيل: اععع.. ياابن ال.... 

عدي بضحك: اسف والله خلاص... 

اسيل: يابني عايز مني اي.. بص في بنات حلوين هناك اهم... روح اشقط واحده منهم.. 

عدي: محدش زيك.. 

اسيل: مين! 

عدي: بطيخ.. 

اسيل: طب يلا ياعم الروش روح شوف وراك اي بدل ماخليك تسف الرمله اللي واقف عليها دي.. 

عدي: انتي ليه عنيفه كدا... مابوراحه شويه.. 

اسيل: معنديش راحه.. يلا امشي.. 

عدي: ع فكره كدا غلط.. وانا ممكن ازعلك.. 

اسيل: سبحان الله... انا بس عايزه اعرف جايب الثقه دي منين.. 

عدي: في بقال جنبنا بيبع ثقه حلوه قوي.. 

اسيل: نينينيني... يخربيت رخامتك.. 

عدي: طب نتكلم جد بقاا.. 

اسيل: امم.. 

عدي: مالك! 

اسيل: مالي ف البنك.. هيويهيويي.. 

عدي: هيهيي... ماما نحله! 

اسيل: ولاااا... ملكش دعوه بماما احسنلك.. 

عدي: هي بصراحه قمر.. 

اسيل: هي مين! 

عدي: امك.. حاجه كدا وتكه... دانا مصدقتش انها امك والله... فكرتها اختك... 

اسيل: انت بتعاكس امي يلااا!!!! 

عدي: ماهي اللي حلوه... 

اسيل: وحياة امك ماهسيبك... 

طلع يجري وهي تجري وراه... 

عدي: طب خلاص... اسمعي طيب.. 

اسيل: هعمل منك شاورما.. بقاا اني امي وتكه!! 

عدي: انتي غيرانه منها ليه!.. اكمنها احلى منك يعني! 

اسيل: لا بقاا كدا زودتها.... 

...................................... 

جاك: العيال مشوا! 

جاكي: ااه.. متيم كلمني وقال انهم وصلوا الحمد لله.. 

جاك: طب الحمد لله.. هبقى اكلمهم لما اجي.. 

جاكي: متأخرش طيب. 

جاك: بصي... لو عليا مش عايز اسيب القمر دقيقه واحده

.. بس اعمل اي ف الدنيا دي.. 

جاكي: تقدر تسيب الشغل ع فكره وتقعد معايا.. بس انت بياع كلام وخلاص.. 

جاك: ايون وندور نشحت ع العيال.. يلا سلام.. 

...................................... 

مؤنس: ازيك يامتيم! 

متيم: اهلا... 

مؤنس: انت متعرفنيش! 

متيم: لا محصليش الشرف.. 

مؤنس: طب انا جاي اقولك حاجه وبكدا اكون عملت اللي عليا.. 

متيم: حاجة اي! 

مؤنس: اختك اسيل... 

متيم: انت مالك باسيل! 

مؤنس: اسمعني طيب.. اختك دلوقتي مع الواد عدي.. وعدي دا معروف هنا بإنه حد مش    محترم وبتاع بنات وبيشرب كمان... وبصراحه انا خايف لايعمل فيها حاجه... وهو بتاع كلام يعني... ممكن يضحك عليها بكلمتين.. 

متيم: انت بتقول اي! 

مؤنس: زي مابقولك كدا... ولو مش مصدقني روح شوفهم دلوقتي... هتلاقيهم مع بعض... 

متيم: لو طلع اللي بتقوله دا غلط، هتزعل مني قوي.. 

سابه وراح يدور ع اسيل... 

......................... 

عدي: الله بصي طياره اهي.. 

اسيل: اووووه.. بااااااي.. 

عدي: بتعملي اي.. 

اسيل: بشاورلهم.... رحلهههه سعيييييده... 

عدي: مترجعيش لورا هتقعي... اسيل.. تعالي هنا.. 

اسيل: تعالى نجرب نطير من هنا.. 

عدي: ومالووو.. اتفضلي جربي.. 

اسيل: مانت هتجرب معايا... 

عدي: العمر مش بعزقه ياختي.. جربي انتي.. 

اسيل: نداااله.. اععع

عدي: حااسبي 

رجليها فلتت وهو لحقها ومسك ايديها... 

كانت عماله تصوت وهو نايم ع بطنه وماسك ايديها.. 

عدي: متخافيش... مش هسيبك.. 

اسيل كانت بتبص لتحت وتصوت... المسافه كبيره قوي وتحتها مايه.. 

عدي: حاولي ترفعي نفسك معايا.. 

اسيل: لا لا هقع.. 

عدي: متخافيش... انا معاكي.. 

فضل يحاول يشد فيها والجو كله توتر... 

عدي: يلا اهو.. 

اسيل: لااااعععع... همووووت.. 

عدي: مش هتموتي ارفعي نفسك بس.. 

فضل يشدها وكانت بتترفع معاه بالراحه والحجاره بتتكسر وتقع ف المايه...  

عدي رفعها  ووقعت عليه... 

تلاقت نظراتهم لوهله وكانت اول مره تاخد بالها من جمال عيونه... 

فضلوا باصين لبعض...وف الوقت دا متيم وصل...  

 

  

🌹🌹🌹🌹🌹🌹🌹🌹🌹🌹🌹

زورنا الكرام مرحبا بكم فى كرنفال الرويات 

عندنا فقط ستجد كل ما هوه جديد حصري ورومانسى وشيق فقط ابحث من جوجل باسم    كرنفال الرويات  اترك ٥ تعليقات ليصلك الفصل الجديد فور نشره  وايضاء اشتركو على

 قناتنا كرنفال الرويات ليصلك اشعار بقل ما هوه جديد

 على التليجرام من هنا.

  🌹🌹🌹🌹🌹🌹🌹🌹🌹🌹🌹🌹🌹🌹

               الفصل الرابع من هنا

لقراة الجزء الاول من الاول حتى الاخير من هنا

لقراةالجزء الثاني من الاول للاخير من هنا

لقراة الجزء الثالث من الاول للاخير من هنا

تعديل المقال