الحلقه الحاديه و الأربعون والأخيرة من رواية
قلوب تنزف عشقاً
بقلم :عبير سليم
💖💖💖💖💖💖
كم من أيام تمر على الجميع وهم سعداء حتى وان انتباتهم بعض الآلام وتلك هي حال الحياة فليس هناك شقاء دائم أو سعادة خالدة ولكن يبقى الحب وحده هو المتملك لتلك الحياة يفرض عليها سطوته فيخرجها من ظلمات الأحزان إلى سبل الفرح والنجاة
وها هو الحال مع أبطالنا فلقد فرض الحب عليهم رغبته في اللجوء إليها وجعل القلوب مأوى لهم ولمشاعرهم التي طغى عليها العشق والغرام
تنام بين احضانه تتنعم بدفئها تستشعر حلاوة قربها لم يعد لها رغبة في شئ سوى الاختباء بداخله
وهو الآخر يقبض عليها بين احضانه وكانما يخشى من فراقها يخشى من ان يسرقها الزمن منه مرة أخرى
يتحدث إليها بقلب عاشق يفيض قلبه بالعشق ويحتل كل ذرة في كيانه
ياااه معقوله مر على جوازنا خمس سنين بالسرعة دي انا بجد مش مصدق حاسس كأننا لسه متجوزين امبارح
ياسمين :هي الأيام الحلوة كده دايما بتجري بسرعة
حمزة :ان شاء الله كل أيامنا حتكون حلوة ياياسمين
ياسمين :حلوة مادمت انت فيها ياحبيب ياسمين
حمزة :انا بس يابكاشة
ياسمين :وولادنا طبعاً ياحبيبي وبعدين بقى انت ايه حكايتك بالظبط انت بقيت بتغير منهم على فكرة
حمزة:ههههههه انا حغير من ولادي حبايب قلبي فرحتي وسر سعادتي دول حته منك ومني ياياسمينتي
بس الصراحة انا بغير من المفعوص اللي مبيسيبنيش اتهنى بيكي وعلى طول لازقلك ده زي مايكون قاصدها
ياسمين :سليم هههههه ده حبيب قلبي وبعدين ياسلام على أساس انك مبتبعدش عن سيليا نهائي ده انا بقيت بحس انها ضرتي مش بنتي
حمزة :ههههههه ده احنا بنغير بقى
ياسمين :انا بغير عليك من نسمة الهوا اللي بتعدي من جمبك
حمزة :حبيبة قلبي ياناس هههههههه
ياسمين :بتضحك على إيه ياحمزة
حمزة :كل ماافتكر يوم ولادتهم اموت من الضحك
ياسمين :أكيد تقصد عمي سعيد صح
حمزة:والله العظيم بحبه جدا روحه وخفة دمه محصلتش ومجيته هو وولاده اول ماعرفوا انك بتولدي ووقفتهم جمبنا عمري ماحنساها لكن كله كوم
ياسمين :وحرف السين كوم تاني
حمزة :يا جماعة والله ده لازم يشوفله حل في الموضوع ده
ياسمين :طب نعمل ايه بس ياحمزة ده انا والله عشان خاطر ميزعلش مننا سميتله الولاد بحرف السين
حمزة :ده انا كل ماافتكر وهو بيسأل حنسميهم ايه ومستنينا نرد اقسم بالله دي لو نتيجة ثانوية عامة ماكان حيبقى قلقان بالشكل ده واول ماقلتله سليم وسيليا
فاكرة كان بيقول ايه وقتها
((فلاش باك))
الحمد لله الحمد لله فرحتني ياحمزة فرحتني
ياسمين :حضرتك فرحان اوي كده ياعمي
سعيد :يااه متتخيليش فرحان ازاي اصيلة يا ياسمين اصيل ياحمزة هو انت ماتعرفش تغير اسمك وتسميه بحرف السين عشان محبتك فقلبي تكمل
حمزة :ههههههه وربنا انت عسل
سعيد :عقبال ولادي لما هما كمان يسموا بحرف السين
(( باك ))
ياسمين :ههههههههه ده كان يوم ده انا مكنتش قادرة والجرح حيموتني وماسكة نفسي من الضحك بالعافية
فجاة يسمعون من يطرقون عليهم الباب :ياربي هو مش انا وزعتهم تحت إيه اللي طلعهم دلوقتى هو الواحد ميعرفش يشوف شغله واللا إيه
طب اعمل ايه عشان استفرد بيكي شوية اخدك ونهرب
ياسمين :معلش حبيبي حعوضهالك مرة تانية قوم دلوقتى نشوفهم ليكونوا عملوا مصيبة زي عادتهم
حمزة :أحلى حاجة انهم مبيتفقوش غير فالمصايب بس.
ياسمين :مش توأم بقى ودماغهم زي بعضها
يفتح الباب وهو يتحدث قبل ان يرى الطارق :انا عاوز افهم ايه اللي طلعكم دلوقتى
يعني ننزل تاني واللا إيه
حمزة :ياخبر ابيض حقك علية والله افتكرتكم مقاصيف الرقبة
يحمل سيلا ويقبلها:قلبي وحشتيني
سيلا :انت اللي وحشتني اوي يابابي بس انا كبرت خلاص مبقاش ينفع تشيلني بقيت تقيلة عليك
حمزة :نعم كبرتي ده ايه انا حفضل اشيلك لحد ماافرح بيكي ياقلب بابي
ياسمين :أهلا اهلا بحبيبة قلبي القمر كده بردو بقالي اسبوع مشوفتكيش
سيلا :مامي حبيبتي سوري والله يامامي كان عندي امتحان
ياسمين :والقمر بتاعي عملت إيه
جابر :الأولى طبعاً
حمزة:بجد حبيبتي ياناس بنتي القمر متفوقة يارب اشوفك اكبر بشمهندسه في الدنيا كلها
جابر :يارب ياحمزة نفسي اوى افرح بيها واشوفها وهي مهندسة
حمزة:ان شاء الله ربنا يفرحك بيها يارب ياسمين ممكن تنادي على الولاد عشان نتعشى كلنا سوا
جابر :لا مش حينفع احنا لازم نمشي انا بس كنت بتابع عند الدكتور وسيلا صممت تيجي تشوفكم وتفرحكم انها طلعت الأولى
حمزة :يارب دايماً تجيبيلنا الاخبار الحلوة بس انا بجد فرحان انك الحمد لله بقيت بتتحرك بشكل أفضل بكتير
جابر :الحمد لله والشكر لله العلاج الطبيعي جاب معايا نتيجة كبيرة
حمزة :الحمد لله المهم متنسوش عيد ميلاد الولاد بعد بكرة ان شاء الله
جابر :ياخبر ودي حاجة اقدر انساها بردو
سيلا :اقولك حاجة يابابي بس متقلش اني قلت
حمزة :قولي ياروح بابي
سيلا :احنا اشترينا هدايا لسليم وسيليا
ياسمين :مكنتش تعبت نفسك والله يابشمهندس ده حضرتك مغرقهم هدايا
جابر:وهو انا لو مجبتش لاخوات سيلا حجيب لمين ربنا يبارك فيهم ويحفظهم وعقبال مااجيبلهم طول العمر
حمزة:ربنا يديك الصحة وطولة العمر يارب
جابر :أمال هما مش موجودبن
حمزة:لا احنا مسربينهم قصدي نزلناهم يلعبوا تحت
جابر :هههههه ماشي ياسيدي ربنا يهنيكم يارب
💖💖💖💖💖💖💖💖
هاتي سما عنك عشان تعرفي تاكلي
جميلة :لا انا بعرف أكل وهي على رجلي متشغلش بالك يابابا
سعيد :ماشي ياست جميلة عارفة ياجميلة والله انا بحبك زي مابحب سحر وسميرة
جميلة :والنبي مانت مكمل والله عارفة وربنا حفظاها وحسمعهالك من غير ماتكمل
بس لو كان اسمك بحرف السين كنت ححبك اكتر الجملة دي بتقولهالي تلت مرات في الأسبوع
طب اعمل ايه انا دلوقتى نفسي اريحك والله
سعاد :سيبك منه يابت ده مفيش فايدة فيه وبعدين مانتي سميتي البنت سما عاوز ايه تاني كبري دماغك وكملي اكلك ياحبيبتي
سعيد :اه بصراحة فدي مقدرش اتكلم
امال ابوكي عامل ايه لسه عايش قصدي كويس
جميله :ههههه اه كويس وبيسلم عليك
سعيد :طب بصي متسلميليش عليه
جميله :والله بابا طيب مش عارفة مبتقبلوش بعض ليه
سعيد :حتقولي ايه بقى القلوب عند بعضها هو ابوكي راجل محترم بس غريب كده لا ليه في الضحك ولا الهزار بصراحة راجل يسد النفس
وبعدين كل شوية يقول علينا عيلة هبلة ليه شايفنا ماشيين نضرب بعض فى الشوارع طب انتي عاشرتينا بزمتك احتا عيلة هبلة
جميله :فشر يابابا ده انتوا العقل كله
سعيد :طب هاتي سمسمه حبيبة جدها
عقبال ماسحر تقوم هي كمان بالسلامة وتجيبلي حرف السين هي كمان
سعاد :قطيعه تقطع حرف السين عالشين فساعة واحده ياراجل انت ناوي تشلني حرام عليك الناس حيقولوا عليك مجنون
سعيد :بقى انا مجنون ياسعاد
تخرج سميرة من الاوضة بعد ماغيرت لابنها:خلاص ارحمونا بقى فضحتونا في الحته وانت يابابا ارحمنا وارحم نفسك شوية مااحنا ريحناك كلنا وسمينا عيالنا بحرف السين عاوز ايه تاني نعملك ايه
ده حتى ياسمين هي كمان مرضتش تزعلك وسمت ولادها بحرف السين نولعلك فنفسنا عشان ترتاح
سعيد :عشان ياسمين أصيله اما اشوف بس سحر ويحي حيسموا الولد إيه
سعاد :وانت مالك بيهم مايسموا ابنهم زي ماهما عايزين
سعيد :لا دي فيها قطيعة وربنا وتبقى لابتي ولا اعرفها ده انا ماوافقتش على يحي ده غير بعد ماحلفلي انه حيسمي العيال بحرف السين وده اللي مصبرني عليه
سعاد :يااخويا بس متقاطعش ربنا يقومها بالسلامة بس الأول
ده احنا ماصدقنا ان ربنا كرمها قعدت سنتين عماله تلف عالدكاترة
تسميه زي ماتسميه المهم ربنا يكملها على خير
سعيد :استغفرالله العظيم ياربي ان شاء الله ربنا حيكملها على خير
سميرة :خلاص يابابا خلاص ريح نفسك هما حيسموه سامر اطمنت
سعيد :بجد يعني هي قالتلك
سميرة :ايوة وربنا هي قالتلي بابا انا عاوزة احجزلك عند دكتور أمراض نفسية
سعيد :ياليلة أبوكي السودة يا سميرة الكلب على أساس ان ابوكي اتجنن
سميرة :ده انت تجنن بلد يابابا وربنا بس لازم نشوفلك حل فالمشكلة دي ده احنا سيرتنا بقت على كل لسان
سعاد وهي بتلاعب سيف ابن سميرة :حبيب قلبي ياسيف كبرت يا حبيبي
سعيد :انتي عماله تلعبي مع سيف وسايبه بتك تقول علية مجنون
سعاد :انت حتقول البت كلام مقالتهوش ياراجل دي غرضها مصلحتك
سعيد :طب ياللا خدي ابنك واتوكلي على الله
سميرة :انت بتطردني يابابا
سعيد:اه بطردك
سميرة :ماشي على راحتكم يعني اعدي عليكم بعد بكرة واللا اروح عيد الميلاد من عندي
جميلة :مش احنا اتفقنا يابنتي حنروح كلنا من هنا سوا
سميرة :مانتي شايفاه لسه طاردني قدامكم
جميلة :عادي ياسمورة ودي اول مرة يعني ماهو كل شوية يطردك وانتي تحلفي مانتي جاية تاني وتقولي انا ايه اللي جابني ويومين ونلاقوكي جاية عادي يعني
يفتح الباب ويدخل:مالكم صوتكم جايب لتحت
جميلة :لا ده احنا بنتناقش بس فموضوع عائلي كده
سامي :ده مبقاش عائلي ده الشارع كله عارف بتتناقشوا فايه
اقطع دراعي ان ماكنتوا بتتخانقوا على حرف السين
جميله :طب ياللا تعالى كل لقمة عشان نلحق نشتري الهدايا
سميرة :طب خدوني معاكم اجيب الهدايا انا كمان
سعيد :بت ياسمورة حديكي فلوس تجيبي للولاد هديه حلوة
سميرة :هو مش انت لسه مهزئني و طاردني
سعيد :عادي ياسمورة مانا بهزئك علطول وانتي متعودة يعني هي دي أول مرة
سميرة :ولا يهمك يا سعودتي هزئني زي مانت عاوز
جميله لنفسها :لا وربنا ماهو تمثيل ده بجد وبحق وحقيقي وزعلان ان بابا بيقول عيلة هبلة يالهوووي ده انتوا مجانين رسمي عاوزين عنبر كامل لوحدكم حتشلوني
سامي :بتقولي حاجه ياجميلتي
جميلة :لا ياحبيبي ده انا بقول ربنا رزقني بأحلى عيلة فى الدنيا كلها
💖💖💖💖💖💖💖
في صباح يوم جديد تتحدث إلى صديقتها التي لم يتبقى لها في الإسكندرية سواها هي من تملاء عليها حياتها ودائمة الزيارة لها :اه ياحبيبتى مسافرين النهارده ان شاء الله
نهال :تروحوا وترجعوا بألف سلامه خللي بالك من نفسك ومن كيمو حبيبي عريس بنتي
ميرا :هههههه يادي سي كيمو اللي الكل حاجزه وأنا والله مقدرش أزعل حد فيكم إنتي عاوزاه ل لارا وياسمين عاوزاه لسيلين بصوا إنتوا خدوه واتصرفوا معاه أنا مليش فيه
نهال :حبيبي ربنا يحميه يارب
ميرا :واونكل مأمون عامل ايه وصحته أخبارها إيه
نهال :الحمد لله والله بخير يا قلبي أحسن بكتير
ميرا :خللي بالك منه يانهال انتي عارفه غلاوته عندي
نهال :مبسيبهوش خالص يانهال والله ومعظم الوقت أنا وعمر ولارا قاعدين معاه
ميرا :ربنا يباركلنا فعمره يارب
نهال معلش حبيبتي حقفل معاكي دلوقتي وحكلمك أول مااوصل عارفه ربنا يخليكي ليا ومنحرمش منك يانهال يارب
تخرج وتلقي عليها التحيه :صباح الخير يا ماما
نهلة :صباح الخير يا ميرا حتمشوا خلاص ياحبيبتي
ميرا :أيوة ياماما يادوب عشان منتاخرش على تحضير عيد الميلاد
نهله :اعملي حسابك عيد ميلاد كيمو حبيبي حيتعمل هنا
ميرا :حيبقى دوشة جامدة ونزعجك ياماما
نهلة :لا ياحبيبتي ازعجوني زي مانتوا عاوزين على قلبي زي العسل هو انا عندي أغلى من كيمو حبيب قلب تيته
ميرا :مكنتش متخيلة انك حتحبيه بالشكل ده
نهلة:الأغلى من الولد ولد الولد ياميرا وعقبال كده ماتقوميلنا بالسلامة ويشرف أخوه مع اني كان نفسي تجيبيلي بنوته قمر شبهك بس كل اللي يجيبه ربنا كويس
ميرا :انتي حتعملي زي أكمل ياماما اللي بيقوللي حنفضل نجيب ولاد لحد ماتجيبيلي البنت اللي نفسي فيها
نهلة :حبيبتي ربنا يديكم اللي نفسكم فيه يارب
ميرا :ماما هو انتي بجد بقيتي بتحبي أكمل وراضية عنه
نهلة :لا بمثل ياميرا
ميرا :انا اسفة والله مقصدش ياميرا بس مستغربة اوي من التحول ده
عمري ماتخيلت ان حييجي يوم وتبقي راضية عننا
نهلة:بعد ماشوفتك سعيدة معاه ومرتاحة خلاص حعوز ايه تاني وبعدين هو انا بقى ليه مين غيرك بعد مامريم سافرت مع جوزها وسابتني لوحدي
ميرا :مكنش ينفع يفضلوا كل واحد فيهم عايش فمكان ياماما ولازم تشوف حياتها وهي مبسوطة وبعدين لوحدك ده ليه امال احنا فين ما احنا علطول معاكي
ومن يوم مامريم سافرت واحنا بقينا بنقعد معاكي اكتر مابنقعد في شقتنا
نهلة :ربنا يخليكي لية ياحبيبتي وتقومي لنا بالسلامة بس يعني مش كان المفروض ماتروحيش تعملي حاجة وانتي تعبانه كده
ميرا :يا ياماما انا مش تعبانة انا كويسة الحمد لله وبعدين ياسمين وحمزة مبيسيبوناش فحاجة مقدرش مكنش معاهم
انا دلوقتي حاخد كريم ونروح لاكمل الجامعة وحنطلع عالقاهرة على طول عشان نلحق نرتاح شوية قبل مانستعد للحفله
نهله :توصلوا بألف سلامة بس متنسيش تطمنيني
ميرا :حاضر يا ماما
💖💖💖💖💖💖💖💖
بعد الظهيرة يفتح الباب ويدخل :جنه ياجنه
تيجي جنه جري عليه فيحضتها ويشيلها
بابا حبيبي وحشتني
خالد :حبيبة قلب بابا خدي ياقلبي الحلويات بتاعتك
جنه وهي تقبله:ربنا يخليك لية يااحلى بابا في الدنيا
خالد :أمال فين ماما
تخرج اليهم :انا اهوه ياحبيبي حمد الله على السلامة يا خالد ايه الحاجات دي كلها
خالد :انتي ناسية ان اكمل وميرا جايين النهاردة دول زمانهم فالطريق
ريم :لا حنسى ازاي واحنا اللي حنعمل كل حاجة ده كويس اننا اشترينا الهدايا عشان نعرف نقعد شوية مع اكمل وميرا و كريم وحشني أوي
خالد :إياد فين رجع واللا لسه
ريم :لاء هو طلع من المدرسة على درس
خالد :تمام حيعرف ييجي لوحده واللا اروح اجيبه
ريم :لا تروح تجيبه ايه انت عاوزه يزعل مانت عارفه مبيحبش حد يجيبه من الدرس
خالد :ابني راجل
ريم:تربيتك ياحبيبي ربنا يخليك لينا
خالد :ويخليكي لينا ياست الكل
ريم :على فكرة انا زعلانة منك
خالد :ياخبر ابيض اميرتي زعلانة مني ليه
ريم:نازل دلع فجنه وسألت عن إياد طب وريان ملوش نصيب خالص كده ده انت مسالتش عنه
خالد :ريان ده حبيب قلبي من جوة الصغنون بتاعنا أحلى هدية ربنا هداني بيها وكفاية انه حتة منك ياست الكل بس انا شايله للآخر
ريم :يعني الصغنون بتاعنا تشيله للآخر
خالد :حبيبتي إياد وجنه دول هما اول فرحتي اول فرحة شافتها عنيه اول مرة سمعت كلمة بابا كان منهم هما
ومتنسيش انوهما السبب فموافقتك عليه واللا نسيتي
ريم :انسى ازاي وده معقول
واااااااااء وااااااااء
خالد :اتفضلي اهوه الاستاذ ريان سمع صوت باباه وحس بيه وبيرحب بيه اهوه
ريم :طب اتفضل بقى قدامي حضرتك شيله على ما احضرله رضعة
يدخل خالد ويحمل صغيره الذي لم يتعدى عمره الثلاثة أشهر
يقبله ويهدهده:ريان باشا عامل إيه ياحبيبي وحشتني ياقلب بابا
تدخل ريم بالرضعة
خالد :هاتي انا حديهاله
ريم :بس بالراحة عليه
خالد :ريم انتي حتعرفي تساعدي ميرا بكرة
ريم :مينفعش حبيبي يعني تبقى ميرا جايه من الاسكندرية عشانهم وانا اللي هنا مرحش معاها وبعدين بصراحة انا زهقت ياخالد ونفسي اعمل حاجة جديدة
خالد :زهقتي مننا ياريم
ريم :لا والله يا حبيبي مقصدش ربنا يخليكم كلكم لية يارب بس
انا زهقت من قعدة البيت وبعدين ياسمين وحمزة جمايلهم علينا كتير ده كفاية االي عملوه معانا فولادة ريان مش معقولة مااقفش معاهم فعيد ميلاد ولادهم
خالد :حبيبتي انتي صاحبة واجب وبتفهمي في الأصول انا بس على تعبك و عشان ريان
ريم :حتعدى ان شاءالله وبعدين مانت معانا وبتعرف تديله الرضعة
خالد وهو يقبل يدها:ربنا ميحرمنيش منك ويخليكي لينا ياست الكل
ريم :حبيبي ياخالد ربنا يديمك نعمة فحياتنا يارب
💖💖💖💖💖💖💖💖
ماسكها من ايدها ونازلين السلم بشويش عشان مامته اللي ساكنه فالدور اللي تحتيهم متحسش بيهم وهما نازلين
بس عشان حظهم الحلو مامته فتحت الباب بالصدفة ولقيتهم نازلين قدامها
انتوا رايحين فين
يحي وهو بيخبي سحر وراه:ايه لا ده احنا بس نازلين نشتري حاجة صغيرة وراجعين على طول
مامته:تشتروا ايه والدكتور منبه عليها متتحركش نهائي ومخبيها وراك بدل ماتقولها تقعد
سحر :ماما ياحبيبتى متخافيش الدكتور قاللي اني بقيت كويسه واقدر اتحرك براحتي
والدة يحي:والله ماحطمن غير لما اشيله على ايديا
معلش ياسحر عشان خاطرنا يابنتي تخللي بالك على نفسك احنا ماصدقنا ان ربنا كرمك
سحر :ان شاء الله ياماما حتشيليه وتفرحي بيه بس انا اتخنقت من قعدة البيت انا نسيت الشارع شكله إيه
يحي:متقلقيش عليها انا حاخدها فالعربيه اقعدها فمكان شوية ونرجع على طول
مامته :طب يابني خللي بالك عليها وسوق واحدة واحدة
يحي :حاضر والله
مامته:بس على فكرة المفروض الولد يتسمى على اسم ابوك
يحي :يالهوي معلش ياماما الله يخليكي هو مش انا مفهمك اللي فيها ده انا لو مسمتش الولد بحرف السين حمايا حيقاطعني ده لحد النهاردة كل مايشوفني يديني كلمتين فجنابي على اسمي
مامته :بصي ياسحر انتي بنتي وحبيبتي وربنا العالم واهلك حبايبي واخواتي بس باباكي ده يابنتي لازم يتعالج من الموضوع ده عارفة احسن حاجه تعالجوه بالصدمة حيخف على طول
سحر :صدمة ازاي يعني
مامته:يعني تسموه على اسم جده يقوم هو بقى ايه
سحر :يقوم هو يطب ساكت لا معلش ياماما الابابا الله يخليكي وبعدين مااسم سامر حلو بردو
حماتها:خلاص خلاص سموه زي ماتسموه المهم يجيلنا بالسلامة
يحي :ايوة دعواتك معانا ياست الكل
ياللا انتي كمان انزلي بسرعة قبل ماتحلف علينا نطلع تاني عاوزين نلحق نشتري الهدايا.
💖💖💖💖💖💖💖💖
يستيقظون جميعهم في صباح يوم جديد يوم يشهد أجمل أيام حياتهم حيث شهد ثبوت هذا الحب بمجئ هذين الطفلين اللذين فرحت بهم العائلة
حبايب قلب جدهم كل سنه وانتم طيبين يانور عيني
الولاد :وحضرتك طيب يا جدو ربنا يخليك لينا
فاطمة:ياحبايبي شايف ولاد ابنك لسانهم بينقط عسل إزاي
محمد :تربية ياسمين
فاطمة :وهو في زي ياسمين
منى:ماما نادي على ياسمين عشان انا بغير لياسين هدومه وقوليلها الجماعة وصلوا تحت
فاطمه:هاتي التليفون اكلمها
ياسمين الصغيرة :انا حطلع اقولها ياتيته
فاطمة:اطلعي ياحبيبة تيته ياه انا الدنيا مش سايعاني من الفرحة وولادي وولادهم حوالية ربنا يخليهم ويبارك فيهم يارب
تنزل ياسمين وتسلم على ميرا وريم والولاد ويبدءوا يشتغلوا ويجهزوا للحفلة
وطبعا منى اخدت ريان الصغير عشان ريم تعرف تشتغل وخالد قال لريم انه حيروح لجابر عشان يجيبه هو وسيلا والدادة
بدءوا يجهزوا الجنينة بالزينة والبلالين ويحضروا كل حاجة للحفلة وكمان مكان الاراجوز محضرين كل حاجة عشان الولاد يفرحوا وينبسطوا
إياد :طنط ياسمين
ياسمين :نعم يا حبيبي
إياد :هي سيلا حتيجي امتى
ياسمين :باباك راح يجيبها وجاي كمان شوية عاوز حاجة حبيبي
إياد :لاء انا بسأل عنها بس
ياسمين :امممم طب هو انتم مش مع بعض فالمدرسة وبتشوفوا بعض
إياد :اه بشوفها بس قليل عشان هي اصغر مني هي فسنه رابعه
ياسمين :ماشي يا حضرة الظابط عالعموم زمانها جاية
يمشي إياد وتضحك ياسمين
ياسمين :هههههههه
ميرا :بتضحكي على إيه ضحكينا معاكي
ياسمين :حسه كده والله أعلم ان إياد ابن ريم معلق مع سيلا
ريم:انتي اخدتي بالك
ياسمين :اه شايفاه بيسال عنها وهو ايه هيمان خالص على نفسه
ريم : متنسيش انهم فمدرسة واحدة ده غير ان خالد كتير بياخده هو جنه الفيلا يلعبوا مع سيلا و طول ما هو فالبيت بقى سيلا قالت سيلا لعبت سيلا اكلت
ياسمين :هههههه الواد حبيب من صغره
ميرا :طالع لباباه اللي رباه
ياسمين :قوليلي صحيح ياريم خالد عامل ايه مع الولاد بعد ماخلفتي
ريم :زي ماهو بالعكس ده انا حسه ان بعد ماربنا رزقنا بريان بقى بيحب اياد وجنه ومتعلق بيهم اكتر من الاول كمان
ميرا:خالد طيب ياريم
ياسمين :لاء وكمان بعد ماربنا اكرمه وحس انه انسان طبيعي زي اي حد حبه لكل اللي حواليه بقى بيكبر وبيزيد
ريم :انتي عارفة ياياسمين الفترة اللي كنا فيها بنخرج من عند دكتور لدكتور وسفر وعمليات كان بيصعب علية اوي والله انا عن نفسي الحمد لله مكتفيه بالولاد لكن كنت عاوزة عشانه هو كان نفسي اخليه ميحسش بالعجز ومكدبش عليكم بردو خفت ملحقش اجيبله عشان سني بيكبر
وأول ماجبتله ريان بيني وبينكم خفت وقلقت ان معاملته تتغير مع ولادي لكن ده انا لقيته ناسي ريان ده خالص وطول الوقت مبيسالش ولا بيفكر غير فاياد وجنه ومذاكرتهم ده مهتم بمذاكرتهم اكتر مني
انا من يومين دخلت لقيته حاطط راسه عالمكتب ونايم واياد جمبه بيحل امتحانات اقسم بالله اللي يشوفه كده مايصدق انه جوز امهم ويقول اكيد دول ولاده من لحمه ودمه
ياسمين :الحمد لله ان ربنا عوضك بيه ياريم
ريم:ألف حمد وشكر ليك يارب انا عمري ماتخيلت ان ممكن حد ياخد مكان باباهم الله يرحمه ويجعله من أهل الجنه يارب لكن ربنا عوضني وعوضهم بخالد
الله عوض ربنا حلو أوي
ياسمين :ربنا كريم اوي وانتي تستاهلي كل خير يا حبيبتي
وانتي يا ميرو قدامك كتير
ميرا :هانت الحمد لله
ياسمين :ربنا يقومك بالسلامة يارب
💖 بيمر الوقت والجنينه تقريبا بقت جاهزة والولاد بيلعبوا ومبسوطين اوي مع بعض
وطبعا حطوا الاكل عشان الكل يتغدا قبل الحفلة
إياد : سيلا اتفضلي
سيلا :الله الشيكولاته بتاعتي ميرسي يااياد
جابر :خالد هو إيه النظام ابنك بيربط البنت من دلوقتي واللا ايه
خالد :بصراحة شكله كده ابني شكله واقع يابشمهندس وبصراحة معذور ماهو حيلاقي الجمال ده كله فين
جابر :وانا كمان افرح اوي ده كفاية انه تربيتك ياخالد
خالد:طب ايه نقرا الفاتحة
جابر :ههههههه دمك عسل ياخالد
💖💖💖💖💖💖💖💖💖💖
بتجري وراها عشان تلبسها:يابنتي حرام عليكي هديتي حيلي وربنا حتنضربي
تجري تستخبى فحضن باباها:بابي بابي احقني خبيني
مالك بس ياحبيبتي انتي عاملة عقلك بعقلها
صوفيا :تصدق بالله انت وبنتك حتشلوني
حازم :ألف بعد الشر عنك يا صوفا ياقمر مالك بس يامزتي
صوفيا :يابني هو مش احنا رايحين عيد الميلاد
حازم :أيوة ودي فيها ايه
صوفيا :فيها ان الوقت بيجري وانت وبنتك قاعدنلي قووووم البس
حازم وهو بيتنفض من مكانه:حاضر حاضر الحقيني يا جوليا مامتك اتجننت
صوفيا :انا فعلا اتجننت وحقتلك انت وبنتك لو مقومتوش دلوقتى حالا ده ايه ده ياربي
لاهي عاوزة تلبس ومجرياني وراها وانت قاعد تقزقزلي لب وسوداني وولا على بالك وانت عارف اننا لسه حنشتري الهدايا والوقت بيجري حرام عليكم جننتوني
حازم :خلاص خلاص اهدي يالا يابنتي نمشي من قدامها بسرعة قبل مامتك ماتطيح فينا ضرب احنا الاتنين
جوليا :ماشي يابابي بس انا خايفة منها
حازم:لا ياحبيبتي متخافيش دي مامتك أليفة
صوفيا :امشوا من قدامي
ياخد حازم جوليا ويطلعوا يجروووا على جوة
تليفونها يرن فترد:أيوة يااونكل ازيك
لا والله احنا لسه فالبيت مش حنتاخر حاضر مسافة السكة والله
تقفل السكة تنادي :عاجبكم كده اهو اونكل جابر بيستعجلنا اعمل ايه انا دلوقتى
يخرجوا الاتنين قدامها وهما لابسين:ايه رايك بقى
صوفيا :انتوا لحقتوا تلبسوا
حازم:طبعا يابنتي هو احنا بنلعب واللا ايه اتفضلي ادينا اهوه لبسنا وانتي اللي معطلانا
صوفيا :بقى كده طيب ماشي انا حوريكم بس لما نرجع
حازم:حتورينا ايه بالطبط
صوفيا :حازم اوعى بقى متغلسش حازم الله البنت واقفه امشي بقى
حازم :قمر ياناس بموت فيكي يخرببيت جمال امك
جوليا:اهئ اهئ اهئ
حازم:يالهوي عالحته الايطالية دي على رأي البت خلود عندي قمرين ياناس ربنا يخليكم لية يارب💖💖💖💖💖💖💖💖💖💖💖
يبدأ الحفل ويبدأ المدعووين بالحضور واول حد وصل كان حسين ومامته وخلود وولادهم
ياسمين :والله لسه فاكرة امال لو مكنتش مأكده عليكي تيجي بدري وتتغدي معانا
خلود :معلش والله ياياسمين الولد عمال يخبط فيه طول الليل وتاعبني اوي والله مقدرتش
حمزة:حمد الله على سلامتك ياعيني ياخلود ده انتي شكلك صعب اوي
خلود:ماله شكلي ان شاء الله
حمزة :قمر وربنا قمر
خلود :أيوة كده ده انا قمر يابني ياكش بس الحمل مخليني وارمة شوية
حسين :شوية ياحبيبتي قولي شويتين تلاتة
خلود :فين حبايبي ياخدوا هداياهم
يجروا عليها ويحضنوها:خوخة حبيبتي
خلود :حبايب قلبي من جوة كل سنه وانت طيب ياسولي كل سنه وانتي طيبه ياسيلي
ربنا يخليكم يارب
حمزة:ده كتير اوي والله تاعبين نفسكم
حسين:نعم دول سليم وسيلين يابني
كريمة :كل سنه وهما طيبين ياحبيبي
حمزة :وحضرتك طيبه ياست الكل اتفضلي تعالي امي مستنياكي من بدري
💖بعد شويه يدخل حازم وصوفيا وبنتهم جوليا اللي سمتها صوفيا على اسم مامتها ويسلموا على الموجودين
خلود :حبيبة قلبي مرات ابني ياناس
اسمعي ياصوفيا اسمع ياحازم يكون في علمكم بنتكم دي لازماني وانا حجزتها لحمزة سامعين والا وربي لاصورلكم فيها قتيل
حازم :ههههههه وربنا انتي ملكيش حل ياخلودطب مش يمكن الباشا يغير رايه
خلود :هو مين ده اللي يغير رأيه امال انا لازمتى ايه وبعدين هو حيعوز اكتر من كده ايه ده حيتجوز واحدة بالالوان الطبيعية ده كفاية نسل العيلو اللي حيتحسن على ايديه
حازم :طب اللي أوله شرط آخره نور عاوزاني اوافق على ابنك لابنتي تسمي اللي جاي على اسمي
خلود :حازم حسين
وماله يمشي حازم حازم بص انا مستعده لأي حاجة بس اخد البت القمر دي للواد ابني والا وربنا حموت فيها
صوفيا :هههههه وربنا انتي ملكيش حل ياخلود عسل
خلود :والله انتي اللي عسل ابيض وكريمة ياقمر
💖 يدخل سعيد وعيلته كلها مع بعض سعيد وسعاد
وسامي وجميلة وبنتهم سما وسميرة وسعد وابنهم سيف وسحر ويحي وهو ماسكها من خوفه وقلقه عليها
طبعا الكل رحب بيهم وبالذات جابر اللي بيحب سعيد وبيموت فيه
حمزة :سامي ازيك وحشتني ياعم فينك مش باين
سامي :انت اكتر والله يا حمزة بس حنعمل إيه الشغل مبيرحمش
ياسمين :سما حبيبتي وحشتيني
عاملة ايه يا جميلة
جميله :الحمد لله والله ياحبيبتي
وانتي ياسحورة خللي بالك من نفسك عاوزين نفرح بالبيبي بقى
سحر :والله على اخري ياياسمين ومامة يحي ربنايخليهالي مبتخليتيش اعمل حاجة خالص ومقعده معايا واحده مبتخلينيش اقوم من على السرير نهائي بس انا تعبت خلاص
ياسمين :هانت خلاص ياسحورة
وكانت منى ومعاها يونس جوزها وولادهم ياسمين وياسين بيرحبوا بالناس معاهم
وجه طبعا الاصحاب والزمايل وكمان ناس من الجيران واتلم كل الاحباب وادوهم الهدايا اللي جايبينها
واشتغلت الحفلة والولاد فضلوا يلعبوا ويجروا وسعدا ومبسوطين وجت فقرة الساحر والاراجوز وكل الاولاد مستمتعين بالحفلة جدا
والكبار بيتكلموا وبيضحكوا مع بعض على حركات الصغار
💖فاطمه:ياااه الفرحه حلوة أوي وخصوصا لما يتلم فيها الأحباب
كريمه :معاكي حق والله ياام حمزة مفيش احلى من الفرحة والضحكة الحلوة اللي من القلب
سعاد :الله يرحمك ياصفاء ياحبيبتي كان نفسي تكون معانا وتفرح بولاد بنتها اللي ملحقتش تشوفهم ولا تفرح بيهم
فاطمه:الله يرحمها يارب ويغفرلها مسكينة ماستحملتش خبر ابنها راحت فيها
كريمه :الضنا غالي غالي أوي وهو الله يرحمه ويسامحه مع انه كان لا حول ولا قوة الا بالله اهوه راح للاحسن من الكل لكن ابنها ضناها
فاطمه:مااستحملتش ياحبة عيني اول ماجالنا الخبر ان الناس لقيته ميت ومرمي فخرابة وعرفوا انه مات بسبب الابر اللي بياخدها وبيتعاطاها وقعت محطتش منطق ياحبيبتي قلبها مااستحملش
ياااه كانت أيام صعبة اوي ربنا مايعيدها ياسمين وقتها عاشت ايام مايعلم بيها الاربنا وكانت فأول حملها وكنا مرعوبين عليها ومفيش حاجة نجدتها من اللي هي فيه غير مجية الولاد هما اللي هونوا عليها
سعاد :الله يرحمها ويرحم امواتنا كلهم يارب
منى:ماما خللى ياسين معاكي
سعاد :بسم الله ماشاء الله ربنا يبارك فيهم ويحفظهم كلهم يارب
كريمة :يارب ويدي كل اللي عايز يارب ويكمل لسحر على خير
سعاد :يارب ياام حسين يارب
💖💖💖💖💖💖💖💖
سعيد :الولاد شكلهم حلو أوي وهما مع بعض
جابر :ربنا يخليهم ويبارك فيهم كلهم
سعيد :وسيلا كبرت ماشاء الله بقت عروسة جميلة يااه لسه فاكر اول مرة شفتها كأنه إمبارح دخلت قلبي فثانية
جابر :طبعا مش اسمها بادئ بحرف السين
سعيد :ههههههه شاطر فاهمني
جابر :واهم ولادك ريحوك وسموا ولادهم بحرف السين مبسوط
سعيد :الحمد لله ريحوا قلبي بس البت الجزمة سميرة قال عاوزة توديني لدكتور
جابر :معلش ياسعيد اعذرها الموضوع معاك واخد اكبر من حجمه ده انت خلتني افكر اكلم مجمع البحوث العربية يحطوا حرف السين اول حرف فالحروف
ونكلم وزارة التربية و التعليم يحطوا درس مخصوص عن حرف السين واهميته فعيلة الحاج سعيد
لاء بص حقولك احنا نقوللهم يكتبوا درس ونسميه سعيد وحرف السين ايه رايك
سعيد :ياااه دي تبقى حاجة حلوة اوي يعني ينفع تكلمهم بجد
جابر :ههههههه
سعيد :اه ده انت بتتريق عليى بقى
جابر :اقسم بالله أبدا سعيد انت متعرفش انا بحبك اد ايه ده انا اسعد وقت بقضيه اللي بقعده معاك بنسى فيه كل همومي وربنا انت نعمة فحياتنا كلنا ياسعيد وروحك الحلوة وخفة دمك مشوفتهاش على حد
وجودك بيهون علية كتير والله
سعيد :وانا والله ربنا العالم بحبك اد ايه وكان حبي ليك حيزيد اكتر لو كنت بحرف السين
جابر :لا مش ممكن سعيد بص احنا لازم نشوفلك حل فالوضع ده كده مش حينفع انا بجد خايف عليك
سعيد :ايه خايف علية اشمه واللا اخده ابر
لا متقلقش حرف السين وحبي ليه ده بيجري فدمي وورث ورثته ولازم امده لاحفادي واحفاد احفادي ان شاء الله
جابر :ههههههه ههههههه لا وربنا ماقادر حموت مش قادر
حمزة :ياسمين ياحبيبتي
ياسمين :ايوة حبيبي
حمزة :ياللا عشان ننادي عليهم يبجوا يطفو الشمع
ياسمين :حاضر
نادوا على كل الأولاد وطفوا النور وغنولهم اغاني عيد الميلاد المعروفة وطفوا الشمع وحمزة وياسمين حضنوهم وهما فرحانين بيهم أوي
وخلود نازله زغاريد مش راحمه نفسها :لوووولي لوووولي
كريمه:متزغرديش ياخلود خايفة عليكي
خلود :اطمني ياماما انا كويسة
حسين:اللي يشوفك وانتي عماله تتنططي من ساعة ماجينا مايشوفكيش طول الليل وانتي بتتوجعي والحقني ياحسين واعملي حاجة اشربها ياحسين ده انا قلت انك بتلفظي انفاسك الأخيرة
دلوقتى بقدرة قادر الروح اتردت فيكي وبقيتي زي الرهوان ومقعدتيش ثانيه يخرببيتك ده انتي ولا كانك عيله مع العيال
خلود :في ايه ياحسين انت مستكتر علية افرح واللا ايه وبعدين كنت تعبانة شويه ياسيدي وبقيت كويسة الحمد لله
حسين :يعني كويسة
خلود :زي القردة
حسين :طب اتهدي شوية الله يخرببيت فقرك
الله حلوة الفرحة مش كده بجد بتنسينا كل اللي مرينا بيه من احزان وكل اللي حسينا بيه من الالام ماهي الدنيا كده يوم ليك ويوم عليك المهم نرضى بكل اللي ربنا كاتبه ومقدره لينا ونعرف ان اختيار ربنا خير لينا واحنا منعرفش
وياريت مناجلش الفرح ولا ناخره ومنطولش الزعل مع حبايبنا الزمن مبيستناش وبيمشي ومبيقفش بيعدي علينا ويانلحقه ونتشعبط فيه ياحيدوس علينا بكل قوته
سيلا :مامي ياسمين
ياسمين :حبيبة قلب مامي
ياسمين :دى هدية اخواتي انا جبتهالهم من مصروفي
ياسمين وهي بتحضنها وبتعيط :انا فرحانه بيكي اوي ياسيلا انتي بنتي الكبيرة ربنا يخليكي لية ولاخواتك ياحبيبتي وافرح بيكم يارب
خلود:حسين
حسين :ايه ياحبيبتي
خلود :مش عارفه
حسين :مش عارفه ايه يخرببيتك لا بقولك ايه اجمدي كده مش كل مناسبة تولدي
خلود :حسين انا مش قادرة ياحسين
حسين انا تعبانه اوي
اااااه اااااه
الكل يجري عليها ويتخض :خلود مالك ياحبيبتي
حسين :لا ياجماعة مفيش حاجة خالص من فضلكم لا تقلقوا كل شئ، سيكون على مايرام كل ما في الامر اني حاخد المدام دي اولدها وارجعلكم ومفتكرش اني حلحق ارجع ولااقول فاصل ونعود عشان انا على ماارجع حتكون الرواية خلصت اصلا وكلكم مشيتم
خلود:انت لسه حتحكي الحقني مش قادرة
انا بولد يابني ادم
ااااه حموت ياناس الحقوني
سعيد :متخافيش ياخلود حتقومي بألف سلامة بس اهم حاجه تسمي النونو بحرف السين
الكل :هههههه هههههه
خلود :اه حرام عليك يا عمي سعيد وده وقت حرف السين انا تعبانة مش قادرة
ياسمين :اهدي ياخلود حمزة بيجهز العربية
حسين :ااااااه
حازم :حتولد انت كمان واللا ايه يامعلم
حسين عضتني بت العضاضه
ههههههههههه ههههههههههه
تمت بحمد الله