الحلقه السادسه والثلاثون من رواية
قلوب تنزف عشقاً
بقلمي :عبير سليم
❤️❤️❤️❤️❤️❤️❤️❤️❤️❤️
فاكرين كلنا طبعآ مسلسل ذئاب الجبل بعد ماالبدري ابو بدار
شاف أخته ورده واترموا فحضن بعض وقالتله انا اهوه
ياحضرة الظابط انا المجني عليها اللي يتجولوا جتلها اني اهوه
وينزل بقى على الحجار باغنية النهايه
ولا بد عن يوم معلوم تترد فيه المظالم أبيض على كل مظلوم واسود على كل ظالم
ولا دايمه إلا المحبه والظلم
هو اللي رايح مين اللي خللى الاطبه تعرف تداوي الجرايح
واحنا كمان دلوقتى وصلنا لليوم اللي حيتنصف فيه المظلوم ويتحاكم الظالم وياخد جزاء
ظلمه ماهو لو احنا حتى نسينا او سامحنا محكمة السما مبتنساش لازم تطبق عدالتها
وربك لازم يجيب للمظلوم حقه مهما طال الزمن
ياللا بينا بقى نفتح عليهم الباب ونشوف حمزة عايش لسه واللا حسين خلص عليه ههههههه
حقول إيه بقى يستاهل هو اللي جابه لنفسه
💙ازيكم ياحلوين متجمعين عند النبي ان شاء الله بسم الله ماشاء الله عليكم تلت قمرات ياناس إيه المزز دي ياربي عقدوتنا فعيشتنا اكتر مااحنا
متعقدين منكم لله هو لازم يعني الأبطال يبقوا حلوين ماينفعش يبقوا شبه اللي معاشرينهم واللا دوا مكتوبين علينا إحنا بس ياللا مش مهم المهم الأخلاق والسيرة الحلوه ههههههه
الشباب :هههههه عسل يابيرو مانتي اللي مجمعانا دايما تعالي ادخلي
💙عامل إيه ياغلبان ههههههه ياعيني ده انت اتشلفطت خالص
حمزة :شيلوا الاستاذه دي من هنا💙اخس عليك بقى ده
جزاتي وانا اللي قلت اجي اطمن عليك بتطردني والله حلال اللي عمله فيك حسين
حمزة :ياسلام على أساس انك مش انتي اللي قلتيله يعمل فية كده عاجبك منظري ده
💙الله وانا مالي يالمبي أنا قلتله يديلك بوكس بس هو حب يتقن المشهد وتقل ايده
وانت طيب وتستاهل كل خير الصراحه
حمزة :ماشي ياعبير اه مش قادر
💙حسين قللي حكيتله كل حاجه واللا لسه
حسين :اه وربنا حكتله الحكايه كلها
💙طيب انا ماشيه
حمزة :رايحه فين
💙ماشيه وبعدين انت مش لسه طاردني
حمزة:عيب عليكي انا اقدر بردو اه وشي مش قادر مقصدش والله بس اعمل ماهو من اللي انا فيه
💙وهو اللي انت فيه ده مش من عمايلك فضحتنا وخليت
رقبتي اد السمسمه قدام القراء ده انا لو سيبتهم عليك حيقطعوك اربا اربا
حسين ظبطه انا ماشيه جتكم داهيه فيكم وانتوا زي القمر كده
ياللا ارجع انا بيتي واقعد فوسط ولادي حبايبي وهما بيضربوا بعض وانا عامله من بنها
عشان اشوف البهوات وهما بيتخانقوا
بعد ماحسين حكى كل حاجه لحمزة من يوم ماسافر لحد
جوزها مامات لكن طبعاً ياسمين محكتش لحسين وخلود
حاجه عن سبب موته عشان متشيلش حد همها
اه اه بالراحه انت كمان
حازم:ماتصبر بقى خليني امسحلك بقية الدم
خلاص ياسيدي معلش تعيش وتاخد غيرها يابطل
يخرببيتك ياحسين ايدك إيه مرزبه
حسين :أحسن حلال فيه عشان يبقى يعرف ييجي على الولايا
كويس وربنا لولا انك حشتني كنت عملتله عاهه النهارده
حمزة :وانا تحت أمرك اعمل فية اللي انت عاوزه ياصاحبي مادام ده حيريحك
حسين :يريحني أنا اللي يريحني انك كنت سألت وفهمت وعرفت الحقيقه مش تخلق أوهام فدماغك وتصدقها وتبقى القاضي والجلاد وتستغل ضعفها وقلة حيلتها وتعمل فيها اللي عملته ياسمين بقى ياسمين تعمل فيها كده ياسمين اللي لما كل الناس قالت انك مت قالت لاء لاء ماماتش بدل ماتعوضها عن كل اللي شافته تيجي عليها انت كمان منك لله ياشيخ
حمزة :حسين انا مقدر انك بتعز ياسمين بس متنساش انها حبيبتي وخطيبتي قبل ماتكون بنت خالة مراتك حسين أنا اللي حصللي مش شويه انا شفت الموت بعنيه قعدت شهر فغببوبه واول مافقت اول حد سالت عليه ياسمين قبل مااسال عن ابويا وأمي سألت عنها هي
كنت عاوزني اعمل إيه واخوها بيقوللي إنها اتجوزت وبمزاجها كنت منتظر مني إيه وانا شايف صورها والضحكه على وشها والفيديو اللي بترقص فيه مع عريسها وحاضنها هاه
يعني كل اللي حصللي ده واللي اتعرضتله راح بلاش هو انا أصلا كنت سافرت واتغربت ليه مش عشانها هي
المفروض بقى كنت ابعتلها برقية واقولها الف مبروك يا حبيبتي وربنا يهنيكي واغنيلها تبقى فقلبك ياصاحبي لكن تقسم لغيرك
انا كان في نار جوايا نار عارف يعني ايه نار مبتهداش ولا بتنطفي قايده فية بتزيد يوم بعد يوم
حسين :وده بردو ميشفعلكش اللي عملته أسامه بقى ترمي ودانك للكلب ده الكلب اللي باع اخته وقبض تمنها انت لو كنت سالتهاوطبطبت عليها كانت حتكلك كل اللي عملته عشانا كلنا من أول ماانقذت أختك من بين ايديهم لحد ماخدتها تستخبى عندي وبردو مسلمتش من اذاهم وهي بردو اللي انقذتني لولاها كان زماني دلوقتى عايش مشلول لولاها هي اللي ضحت بنفسها ووافقت تتجوزه عشان يرضى يسفرني اتعالج برة
يبقى ده جزاءها هي دي كلمة الشكر اللي بتقولهالها
ياسمين ادت كل حاجه ومااخدتش اي شئ
حمزة :مكنتش اعرف والله ماكنت اعرف ده انا حتى كنت كل مااتحايل عليها تقوللي مكانك فين كانت بترفض تقوللي
حتى ميرا صاحبتها انت فاجئتني دلوقتى انها كانت عارفه كل حاجه بقى ميرا جوزها الاولاني يبقى عم اللي كانت ياسمين متجوزاه وكمان كانت عايشه
معاها يعني عارفه اللي محدش يعرفه طب ليه ياياسمين ليه تعملي فينا كده
حسين :كان صعبان عليها نفسها
حازم :خلاص بقى ياجماعه صللوا عالنبي كده واهدوا
حسين وحمزة:عليه افضل الصلاة والسلام
حازم :حسين حمزة غلط وكلنا بنغلط ومادام اعترف بغلطه يبقى خلاص مش حنعلقله المشانق
وانت ياحمزة المرحله اللي جايه عليك وخللي بالك لأنها حتبقى صعبه أوي
حمزة :ليه ياحازم بتقول كده
حازم :عشان معتقدش ان ياسمين حتسامح بالسهوله دي وأكيد حتاخد وقت على ماتصفالك
حمزة:إيه
حسين :ومالك مستغرب كده ليه كنت فاكر اظن انك أول ماتشاورلها حتركع تحت رجلك وتقولك شبيك لبيك انا ملك ايديك
حازم:قطعني حتت وارميني في الزيت يامعلم
حمزة:انت بتتريق وده وقته انت كمان
حسين :خلاصة الكلام انت حتستحمل كل اللى حتعمله فيك ياسمين لحد ماترضى عنك وتسامحك
حمزة :بس اكيد حتسامحني صح ايوة حتسامحني هي عارفه اني عملت كل ده من حبي ليها صح
حسين :والله مااعرفش انت وحظك بقى يامعلم
😂😂😂😂😂😂😂😂
صفاء :إيه ياياسمين مش حترجعي شغلك يابنتي بقالك يومين مروحتيش
ياسمين :خلاص يا ماما مش رايحه تاني حدور على شغل غيره
صفاء :ياحبيبتى يابنتي انتي حتفضلي كده كل يومين تتنططي فشغلانه بس إيه اللي حصل هو حد زعلك وبعدين ده انتي بتحبي سيلا أوي وكنتي بتقوليلي انها بتوحشك سواد الليل يبقى ازاي بقى حتسيبيها
ياسمين وهي تداري وجعها عن أمها :كفايه علية كده ابوها أولى بيها
أنا بس حروح كمان يومين أسلم عليها واخد حاجتي اللي هناك ومش حدخل عندهم تاني
صفاء :اعملي اللي يريحك ياحبيبتى أنا أهم حاجه عندي راحتك
ياسمين :ربنا يخليكي لية ياأمي
صفاء :ويخليكي لية ياقلب أمك ويطمن قلبي عليكي يارب
ياسمين وهي تبكي:خديني فحضنك ياأمي انا محتاجك أوي
صفاء وهي تحتضنها وتمسح على شعرها:ربنا يريح بالك وقلبك يا ضنايا يارب
❤️❤️❤️❤️❤️❤️❤️❤️
قاعد في الجيم على نار مش طايق المكان وهي مش موجوده حاسس ان في حاجه ناقصه
وكمان سامي كان سايبه وبيتكلم مع حبيبة القلب:يا غبيه افهمي وركزي ياللي مبتفهميش
جميله :طب ماتشتمش
سامي :اعملك ايه مانتي شكلك عامل شبه الدبور اللي بيزن على خراب عشه وشكلك حتطلقي قبل ماتدخلي دنيا
جميله :والنبي شكلي طول مانا معاك ماحشوف غير الآخرة ونار جهنم الحمرا
سامي :ان شاء الله يا حبيبتي داخلاها داخلاها متستعجليش
جميله :ليه أن شاء الله لا انا بأمر الله حدخل الجنه انا مبعملش حاجه غلط غلطتي الوحيده اني حبيت واحد متخلف زيك
سامي :بقى انا متخلف يامتخلفه عارفه لو لسانك طول علية تاني وديني لاقطعولك
جميله :اخاف واكش من ده الوش يااما تصدق رعبتني حموت من الخوف ليه وانت عاوز تشتمني وانا اقولك كمان حتشتمني حشتمك اه محدش احسن من حد
سامي :انتي عاوزة تساوي نفسك بية يابت
جميله :اه ياسامي واللي عندك اعمله
سامي :طب اقفلي بقى بدل مااتغابى عليكي
جميله :اخس عليك ياسمسمتي ده انت حبيبي ياولا
سامي :يبقى تسمعي كلامي وتقولي حاضر
جميله :حاضر يا قلبي وانا اقدر بردو على زعلك ياسمسم
سامي :بت امشي دلوقتى انا نسيت ان يحي قاعد من الصبح لوحده ياللا سلام
جميله :حتيجي بالليل
سامي :حاجي واعمليلي حاجه حلوة بس اوعي تعملي صينية الكيكه الزفت اللي كنتي عاملاها المرة اللي فاتت
جميله :اعملك بسبوسه
سامي :اه وخليها بالمكسرات
جميله:عاوزها بالبندق واللا بالفسدق
سامي :انتوا عندكم بندق وقسدق
جميله :منين ياحسرة احنا اخرنا شوية زبيب وسوداني
سامي :يبقى نخليها زبيب يازبيبة حياتي
ياللا يابت امشي غوري جتك الهم
يقفل معاها التليفون:ستات هم والله يابني البعد عنهم غنيمه
يحي :ولما هو كده رحت خطبت ليه
سامي :ماهما بردو حلوين وبيطروا الدنيا شويه
بس انت مالك مكشر كده ليه النهارده وحاسس ملكش مزاج
يحي :حاسس ان عندي صداع وعاوز امشي
سامي :غريبه يبقى عندك صداع وسحر مش موجوده وهي أساساً اللي بتعملنا الصداع
يحي :سحر بالعكس دي بتعمل بهجه وجو جميل للمكان بس هي مجاتش ليه النهارده
سامي :عندها جامعه
يحي :طب انا ماشي
سامي :بس باباك متصلش بيك وانت قلتلي أول ماجيت الصبح انك حتقعد معايا اليوم كله كل ده من شوية صداع حعملك فنجان قهوة تضيعلك الصداع
فجأة يسمعون صوتها من خلفهم :هو مين ده اللي عنده صداع وانا مش موجوده
يحي بفرحه عامرة على وجهه:سحر
سامي :انتي مش قلتي يازفته انك عندك محاضرات النهارده طول اليوم ومش جايه
سحر :اخدنا أول محاضرة وبعد كده الدكتور اعتذر عن المحاضره التانيه وانا بصراحه لو روحت البيت أمك حتستلمني وتقوللي شيلي وحطي فقلت اجي استخبى هنا
سامي :طب كويس انك جيتي اهو تسليني بدل ما اقعد لوحدي
سحر :وتقعد لوحدك ليه مايحي اهوه معاك
سامي :يحي عنده صداع وماشي
يحي:مش انت يابني ادم لسه قاللي حتعمللي فنجان قهوة
سامي :يعني حتقعد
يحي :اه حقعد
سامي :وماله يايحي اقعد يااخويا سحر ادخل اعملي لاخوكي يحي فنجان قهوة بس بوش هاه
سحر :اخويا
سامي :ايوة اخوكي واللا عندك مانع
قللها يايحي مش انت زي اخوها بردو
يحي :اه أكيد طبعاً أنا ماشي عن اذنكم
سامي :انت إيه حكايتك يابني ماشي لاء قاعد لاء ماشي ماترسيلك على بر
يحي :معلش ياسامي انا مخنوق وعاوز امشي
وياخد بعضه ويمشي فورا
يحي وهو بيبص لسحر اللي بتبص عليه وهو ماشي :ياترى ايه حكايته ده كمان
وانا ايه عرفني ماله اهو اول ماشافني مشى وانا اللي كنت فاكرة انه حيفرح وحيقعد لكن ده زي مايكون كان مستنيني اجي عشان يمشي هو
ياسمين :طب بزمتك انتي المحاضره اتلغت فعلا واللا انتي اللي قصدتي تروحي
سحر :اه وربنا لا يااختي كله الامستقبلي انتي مش عارفه إني مجتهدة
ياسمين :اه مجتهده على يدي
سحر :المهم تفسيرك ايه في الموضوع ده يااختي
ياسمين :طب هاتي شويه من اللب ده عشان اعرف افكر
سحر :خديه اهوه كله ميغلاش عليكي ياروحي
ياسمين :غريبه مش عادتك ده احنا ناخد روحك بس ماناخدش اللب المعفن بتاعك ده
سحر :لاء اصله مندي اوي وطعمه مش حلو أساساً
ياسمين :اه ياجذمه وانا اللي
كنت حيغير وجهة نظري فيكي المهم انا والله اعلم احساسي بيقوللي ان يحي زعل لما سامي قال انه زي اخوكي عشان كده مشى
سحر:تفتكري
ياسمين :اه بت باسحر يخرببيتك انتي حبيتيه يابت بصحيح واللا إيه حكايتك
سحر :مش عارفه ياياسمين أنا في الأول مكنش فدماغي خالص يمكن عشان عمرنا مااتكلمنا مع بعض أصلا
لكن من يوم ماانقذني وشفته وهو بيضرب الراجل عشاني بجد فرحت أوي وحسيته كده جدع وبصراحه حسيت ساعتها بالأمان
ويوم ماوقعت وهو لحقني وجت عيني فعنيه حسيت احساس عمري ماحسيته قبل كده
ياسمين والله هو الواد يستاهل الصراحه
سحر :طب ولما هو كده مش كنتي وافقتي عليه لما اتقدملك
ياسمين :طب اقولها ايه الغبيه دي امال لو مكنتيش عارفه كل حاجه ياللي مبتفهميش
سحر :يعني حتسامحي ياياسمين
ياسمين :سحر خدي لبك الزفت ده من هنا وامشي حالا
سحر :اخس عليكي ياياسمينتي ده انتي حبيبتي ياياسو
ياسمين :وانا كمان بحبك اوي يا قلب ياسو
❤️❤️❤️❤️❤️❤️❤️❤️
يتحدث إلى أكمل عبر الهاتف :ربنا يهنيكم ويسعدكم يارب
هو انتوا راجعين امتى
اكمل :بكرة ان شاء الله
حمزة :ممكن تسمحلي اجي اباركلكم
أكمل :طبعاً انت تشرفنا
حمزة :خلاص يومين كده تكونوا استريحتم واجيلكم بأمر الله
أكمل :واحنا حننتطرك
يغلق معه الهاتف ليجدها تسأله :مالك ياحبيبي
أكمل :مش عارف بس حاسس انه عاوز يقول حاجه
ميرا :حاجة حاجة إيه
أكمل :حاجه واقفه على لسانه مش قادر يقولها واحنا فشهر العسل تفتكري يكون عرف حاجه وعاوز يتأكد منك
ميرا :مش عارفه بس عامة تحت اي ظرف حتى لو هو مجاش انا حروحله وححكيله كل حاجه
أكمل :نويتي خلاص
ميرا :أيوة يااكمل انا بعد مااتجوزتك ياحبيبي ودقت معاك طعم السعاده وحسيت معاك باحاسيس عمري ماحسيتها وانت مش فحياتي حسيت اد إيه اننا ظلمنا نفسنا لما سيبنا القدر يلعب بينا السنين دي كلها ودلوقتى مش عاوزة حاجه في الدنيا غير اني افضل في السعاده دي علطول
وحسيت اد إيه ياسمين ظالمه نفسها انها تأخر السعاده وتضيع الوقت ومتعيشهاش واللي حسيته اكتر اني مشاركاها في الظلم ده وانا بايدي انهي كل العذاب ده بكلمه مني
مش حرام كلنا نعيش ونتهنى فحضن حبايبنا وهي تفضل لوحدها خلود تتجوز اللي حبته وتعيش حياتها وانا اتجوز واعيش حياتي وهي ياحبيبتى تفضل لوحدها مع انها ليها الفضل علينا كلنا فحاجات كتير
ياسمين اتظلمت يااكمل وحمزة كمان اتظلم وكفايه عليهم ظلم لحد كده
❤️❤️❤️❤️❤️❤️❤️
فى منزل ام حسين
لا ياأمي انا مش حسيبك تاني خلاص انا ان شاء الله حسافر واخلص كل حاجه وارجع
كريمه :يابني شوف حالك وانا الحمد لله بقيت كويسه
حسين :لاء ياأمي خلاص انا اخدت قرار ومش راجع فيه انا حفضل تحت رجلك اخدمك واعوضك واعوض نفسي عن السنين اللي عشتها بعيد عنك
خلود :ياسلام تخدمها انت وانا رحت فين انا محدش حيخدم ماما حبيبتي غيري
كريمه :ياحبيبتى ياخلود مانتي خدماني اهوه وانتي تعبانه ياضنايا ربنا يقومك بألف سلامه يارب
خلود :ياحبيبتى ياماما ويكمل شفاكي على خير يارب
❤️ترتدي ملابسها وتذهب لتسلم على الصغيرة وتأخذ ماتبقى لها من اشياء وتغادر هذا المكان بلا عوده
تصل فتجدها تلعب في الحديقه
تجري عليها بمجرد رؤيتها لها:يويو حبيبتي جت
تحتضنها ياسمين :ياحبيبتي يا سيلا حتوحشيني أوي
خالد :ياسمين ازيك عامله ايه
ياسمين :الحمد لله ياخالد كويس إني شفتك قبل ماامشي
خالد :تمشي تروحي فين
ياسمين :حمزة خلاص عرف كل حاجه ياخالد ووجودي هنا مابقاش ليه داعي خلاص
خالد :وجودك كشغل بتشتغليه تمام خلاص لكن وجودك فحياته ياياسمين ازاي تتخللي عنه يعني بعد ماالحقيقه تنكشف وربنا يبعتلك اللي يظهر الحق تقومي تقرري تمشي وتبعدي
ياسمين :تعبت ياخالد تعبت وقلبي وجعني أوي
خالد :وانتي فاكرة لما تبعدي حترتاحي ياياسمين لا ده انتي حتبداي رحلة العذاب
خلاص بقى ياياسمين كفايه ارحموا نفسكم بقى والحقوا انبسطوا وافرحوا وعيشوا حياتكم عاوزين تستنوا ايه اكتر من كده
(وهما ليه مايقرفوناش مااحنا اصلنا مش مكتوبلنا نرتاح من همهم بقى)
ياسمين :اللي عاوزه ربنا هو اللي حيحصل ياخالد كله مقدر ومكتوب
خالد :ونعمه بالله
ياسمين :انا حدخل اسلم على نعمه والداده واخد حاجتي اللي هنا وامشي
خالد :ومش عاوزة تسلمي عليه هو كمان
ياسمين :لاء ياخالد
خالد روح لريم وحاول معاها مرة واتنين وتلاته هي وانت تستاهلوا تكملوا مع بعض حياتكم
خالد :ان شاء الله يا ياسمين
تدخل الفيلا وتسلم على الداده ونعمه وتعرفهم انها حتمشي خلاص وتطلع تاخد حاجتها
تسمع صوت العربيه داخل
تقف في الفرانده تشوف عربية حمزة
فتقول لنفسها ياربي مكنتش عاوزة اشوفك دلوقتي بس فجأة تلاقيه بيفتح شنطة العربيه وبيطلع منه كرسي متحرك فتتعجب وخصوصا لما تشوف واحد أول مره تشوفه بيفتحله باب العربيه وبيساعده يقعد عالكرسي وتنزل واحده من الكرسي اللي ورا وتساعد حمزة في انه يقعده
يدفع الكرسي المتحرك ويدخل الفيلا وفنفس الوقت هي نازله من عالسلم فتلاقي الداده بترحب بيه جدا:ألف حمد الله على السلامة يا جابر بيه نورت بيتك ياغالي
جابر بصوت منخفض :الله يسلمك
هي واقفه عالسلم مش عارفه تنزل ولا فاهمه ده مين بس تلاقي سيلا بتجري عليه وبتحضنه:بابي بابي حبيبي
ياسمين :بابي بتقول ايه سيلا بابي مين
حمزة وهو عينه فعين ياسمين :بابي تعبان ياحبيبتى سيبيه يدخل يستريح شويه وبعد كده اشبعي منه براحتك
يدخله الغرفه اللي حضروها في الاسفل وقدام الحديقه عشان نفسيته تتحسن
هنا تنزل ياسمين بسرعه وتسأل الداده مين ده ياداده
الداده :ده جابر بيه ياياسمين صاحب الفيلا دي ووالد سيلا يابنتي
ياسمين :والد مين سيلا داده انا مش فاهمه حاجه فهميني الله يخليكي
هنا حمزة يخرج ويقول للداده تدخل تكلم الممرضه عاوزاها
ويوجه كلامه لياسمين
ياسمين من فضلك اتفضلي قدامي عالمكتب عاوزك
تدخل معاه المكتب:اتفضل سامعاك
حمزة :زي ماسمعتي ياياسمين جابر يبقى أبو سيلا ياياسمين مش أنا
ياسمين :مش انت ازاي يعني
يعني سيلا مش بنتك مش فاهمه بردو طب كانت معاك ليه وابوها ده فين ليه مشوفتوس قبل كده وانت مقلتليش ليه خبيت علية ليه انها مش بنتك ياحمزة عشان تزود فعذابي مش كده
حمزة :ياسمين اهدي الله يخليكي واناحفهمك الحكايه كلها بس اقعدي عشان نعرف نتكلم
تقعد طبعا الغلبانه وهو يقعد يحكيلها كل حاجه من وقت مافاق في المستشفي لحد مارجع مصر
طبعا اتاثرت بموت سيلا وزعلت عشان جابر وصعبت عليها سيلا الصغيرة اكتر
لكن تسامحه هو ازاي على كدبه عليها وانه يسيبها فاهمه انه اتجوز
انت كداب انت بني آدم كداب انت مش حمزة لاء استحاله انا حسه ن اللي قدامي واحد تاني معرفهوش واحد الكره والغل ملوا قلبه واحد بقى بيعرف يقسى ويعذب ويكدب كمان
انت ازاي تكدب علية بالشكل ده كل ده عشان شوية اوهام فدماغك ملهاش أي أساس من الصحه
حمزة :ياسمين انا حكيتلك كل حاجه مخبتش عنك شئ، ولا كذبت فكلمه لكن انتي اللي لحد دلوقتي مقلتيش حاجه ولا فتحتي بؤك بكلمه
سيبتيني عايش فمتاهه وانتي بتتفرجي علية عارفه اني حموت واعرف حسين فين وانتي عارفه ومرضيتيش تقوليلي كنتي بتحاولي تسدي قصادي كل الطرق اللي ممكن توصلني للحقيقه اللي كنت حموت واعرفها ويوم ماعرفت عرفت من برة مش منك
ياسمين :طب واديك عرفت استريحت كده ضميرك ارتاح هاه وايه المطلوب دلوقتى
حمزة :ياسمين ارجوكي متصعبيهاش علية انتي عارفه اني بحبك واللي عملته ده كان من النار اللي جوايا
ياسمين انا اسف ياياسمين ياسمين الله يخليكي تسامحيني وتنسي أي حاجه حصلت عاوزين نبدأ حياتنا واوعدك ياياسمين
ياسمين :توعدني توعدني بايه تاني توعدني انك حتسافر عشاني وانك حترجعلي وانا افضل قافله حياتي عليك على الأمل ده امل انك وعدتني
بالبساطه دي بتقوللي اسف وعاوزني اجيب استيكه وامسح كل اللي حصل
طب قوللي الأول بتتاسف على إيه اسف على إيه واللا إيه آسف على وجع قلبي عليك وانا مش عارفه اذاكنت عايش واللا لاء
طب اسف على قعدتي كل يوم ادام البحر وانا بقولله رجعلي حبيبي اللي اخدته مني
واللا يمكن آسف على جوازي من واحد غصب عني عشان أنقذ الناس اللي ملهمش ذنب فحاجه كل ذنبهم انهم بيحاولوا يساعدوا واحده عاوزة تحافظ على عهدها
آسف على السنين اللي كانت بتمر علية وانا دموعي مبتنشفش من اشتياقها ليك
اسف على انك كنت عايش وبتشتغل وبتراقبني وعارف كل حاجه عني وبترتب وبتخطط ازاي تنتقم مني
واللا آسف على اليوم اللي رجعت فيه واتقابلنا فيه لأول مرة وكسرة قلبي قصادك قلبي اللي كان حيقف من كتر فرحته برجوعك
قلبي اللي فنفس اللحظه اللي حس فيها ان كل وجع السنين راح
يلاقي سكينه بتتغرز فيه من غدرك بيه واتهامك ليه بالباطل
واللا آسف على معاملتك لية واهامتك لية كل شويه عشان ترد لنفسك اعتبارها
واديك اهوه كملتها بكذبتك دي كمان حتتاسف على انك خدعتني وفهمتني انك اتجوزت وخلفت
حمزة :ياسمين انتي عالأقل اتجوزتي وكنتي لراجل غيري حتى لو غصب عنك نمتي فسريره خد مني كل اللي كان المفروض يبقى لية أنا
لكن انا لاء انا مقدرتش أكون لغيرك أنا الموت أهون علية من اني المس واحده غيرك
او ان غيرك يبقى لية واسمه على اسمي
ياسمين احنا الاتنين غلطنا ولازم نسامح بعض
ياسمين :وانا مش حسامح ياحمزة