الحلقه السابعه و الثلاثون
رواية
قلوب تنزف عشقاً
بقلمي :عبير سليم
❤️❤️❤️❤️❤️❤️❤️❤️❤️❤️يدخل غرفة سيلا وقد ظن أنها ذهبت بلا عوده ولكنه يتفاجا بها نائمه على فراشها
فلقد كانت نائمه أمام ناظريه مغمضة الجفن ولكن قلبها يشعر بوجوده بجوارها يسمع دقات قلبه التي تكاد أن تنخلع من مكانها
تفتح عيناها لتجد وجهه غارق في بحر من الدموع
لم تشعر تجاهه بالحزن أو الشفقه لم تشعر سوى بقلب تمزق من قسوته عليه قلب أعلن غضبه الذي بقدرته ان يحرك الأرض من مكانها:في إيه مالك
حمزة :في إني ظلمتك ياياسمين وحكمت عليكي من قبل مااسمعك بس انا حكمت على نفسي بالعذاب قبل مااحكم عليكي بالخيانه والغدر
ياسمين :والله طب كويس ودلوقتى عاوز إيه منتظر مني أرد عليك اقولك إيه
حمزة :منتظرك تسامحيني ياياسمين تسامحيني على سوء ظني فيكي وعلى أي حاجه عملتها معاكي
واوعدك اني حعوضك عن كل شئ
ياسمين :ههههههه والله انت بتفكر إزاي انت فاكر اني ممكن اسامحك فاكر اني ممكن اغفرلك اللي عملته فية اسامحك على سوء ظنك فية وحكمك علية بالإعدام لمجرد شوية أوهام بنيتها من خيالك
خلاص ياحمزة خلاص
حمزة :خلاص إيه يا ياسمين انتي بتقولي إيه
ياسمين :بقول خلاص اللي بيننا انتهى ومش حيرجع مهما حصل
حمزة :وانا مش حسمحلك إنك تبعدي عني مش حسمحلك انك ترفضي اعتذاري
ياسمين :انت فاكر نفسك إيه عشان تسمح واللا متسمحش انت خلاص انتهيت بالنسبه لي قلب ياسمين اللي حبك واستناك سنين وكان رافض انه يقبل بخبر موتك
هو نفسه دلوقتى اللي دفنك واخد عزاك
انساني ياحمزة انساني انا خلاص مبقتش ليك
حمزة هو يهزها:يعني إيه مبقيتيش لية تقصدي إيه
ياسمين :أقصد اللي فهمته ياحمزة انا مبقتش ليك لكن بقيت لغيرك
غيرك اللي عمره ماحيجرح قلب حب وعشق
عرق يتصبب بشده يفيق فجأة من نومه وقد شعر بالراحه بعدما تيقن أنه كان حلما ليس إلا :مش حسيبك ياياسمين أنا عارف انك زعلانه مني بس انا متأكد انك حتسامحيني ومش حيهون عليكي حبنا يضيع بالشكل ده
انا مستعد لأي شئ في الدنيا المهم ترجعيلي
في اليوم التالي وقد وصلا إلى الاسكندريه
يستقبلونهم بحفاوة وترحاب شديد:نورتونا والله ياجماعه وانت ياكابتن خالد إيه حكايتك مع إياد ده الولد طول النهار والليل مبيتكلمش غير عنك ده بيحبك بطريقه مش معقوله
خالد :وانا كمان والله ربنا العالم بحبه اد إيه هو فين صحيح ده انا مأكد عليه إني جاي
أكمل :حالا حتلاقيه داخل دلوقتى متقلقش
حمزة :ألف مبروك مرة تانيه وربنا يكمل سعادتكم على خير يا رب وميحرمكمش من بعض أبدا
ميرا وأكمل :يارب
ميرا:وربنا يجمع بين كل حبيبين ومبيبعدش بينهم أبدا
حمزة :وانا اتمنى انك تكوني من الناس اللي تجمع بين حبيبين ياميرا واظني انتي فاهمه قصدي كويس ومن غير لف ولا دوران أنا خلاص عرفت كل حاجه بس كنت أتمنى انك انتي اللي تقوليلي ياميرا وخصوصا إنك اكتر واحده عارفه اللي حصل
ميرا :حمزة أنا اسفه والله وليك حق تزعل مني فاكر أول مره أشوفك فيها وقتها قلتلك انا حاسه اني شفتك قبل كده وحاولت افتكر معرفتش و لما شفت ياسمين عندك في الفيلا وعرفت إنك انت حمزة افتكرتك وقتها وافتكرت حبكم لبعض وهي حكيتلي كل حاجه وانا والله كان نفسي اقولك واحكيلك بنفسي عشان أشيل سوء التفاهم اللي بينكم لكن هي اعترضت بشده
أكمل :ايوة ياحمزة حصل فعلا حتى ميرا كانت متضايقه واخدت رأيي وانا قلتلها سيبيها براحتها لكن لو الموضوع طال لازم نقولله
ميرا :وعلى فكرة انت لو مكنتش فتحت سيرة للموضوع دلوقتى انا كنت حقولك على كل حاجه
لأني بعد ما دقت السعادة والهنا مع حبيب عمري اتمنيت السعاده دي ليكم انتوا كمان
حمزة :احنا الله أعلم ياميرا ياسمين رافضه تسمعني ورافضه اسفي وراكبه راسها
ميرا :اعذرها ياحمزة اعذرها اللي حصللها مش شويه
حمزة :عارف ياميرا هي اتعذبت فبعدي وانا جيت كملت عليها بس من وجعي والله كان غصب عني أعرف انها اتجوزت وعاشت حياتها ونسيتني
ميرا :ياسمين لا اتجوزت ولا عاشت حياتها
زي مانت وقفت حياتك عليهآ هي كمان وقفت حياتها عليك
أكمل :بعد اذنكم ياجماعه رئيس الجامعه بيتصل بية
ميرا :اتفضل يا حبيبي
هنا يخبط الباب ويقوم أكمل يفتح فيجري إياد على جوة ويقفز على خالد بفرحه غير عاديه :عمو خالد حبيبي وحشتني أوي
خالد :ياحبيبي يااياد انت وحشتني اكتر يابطل
إياد :انا خلصت الدرس وجيت جري كان نفسي الغيه بس ماما موافقتش
خالد:لاء كده أنا أزعل منك إلا دروسك ومستقبلك يابطل ياللا بقى عشان اشوفك مقلتليش صحيح نفسك تبقى إيه بقى لما تكبر
إياد :نفسي أبقى ظابط
خالد :ظابط اشمعنى بقى طابط
إياد :عشان اكون زيك مش انت كنت ظابط
خالد :ايوة
إياد :خلاص يبقى انا عاوز اكون زيك انا نفسي ابقى زيك فكل حاجه
خالد :ياحبيبي يااياد ربنا يخليك لية يارب
وياخده ويقعدوا لوحديهم على جنب بعيد عن ميرا وحمزة
ميرا :حمزة انت كل اللي عرفته جوازة ياسمين واسبابها
لكن مش هي دي كل الحكايه لأن اللي حوالينا كلهم شافوا اللي برة لكن محدش شاف اللي جوة غيري أنا ويامن ابن اخو راغب
حمزة :حتعرفيني إيه يعني زياده ياميرا متوجعيش قلبي اكتر من كده الله يخليكي كفايه قلبي الموجوع عليها حتقوليلي انه فرض نفسه عليها بالعافيه حتقوليلي انه كان بيجبرها على كل حاجه بالعافيه خلاص كفايه انا مش عاوز اسمع حاجه
ميرا :واضح انك مش فاهم حاجه ياحمزة والظاهر انك عرفت من الناس بس وان ياسمين مقالتلكش حاجه من اللي محدش يعرفها غيري انا وهي ويامن بس
حمزة زي مانت عاهدت نفسك ان مفيش ست ممكن تدخل حياتك غير ياسمين وانك مش حتقدر تكون لغيرها هي كمان مكانتش أقل منك ياحمزة
وعاهدت نفسها إنها مش حتكون لغيرك حتى لو كان على جثتها لدرجة انها كانت حتموت نفسها يوم الفرح
صحيح هي اتجوزت راغب غصب عنها وبالقوة لكن في حاجات تانيه مينفعش تتاخد بالقوة خصوصا مع واحد زي راغب كان بيحب اي حاجه في المواضيع دي تبقى برغبة الطرفين
وده يمكن كان السبب المباشر فموته
حمزة :ميرا انتي إيه اللي بتقوليه ده ميرا وضحي كلامك من فضلك قولي تقصدي إيه
ميرا :مفتكرش انك مش فاهم قصدي ياحمزة انت فاهم كلامي كويس بس مش قادر تصدق ان تضحيتها توصل للدرجه دي
وعالعموم أنا حريحك واحكيلك كل حاجه ححكيلك بقية اللي سمعته وعرفته ياحمزة من يوم الفرح الصبح وهي بتعيط فحضني ومش قادرة تصدق نفسها إنها خانت عهدها معاك لحد يوم مامات راغب وانتهى كل شئ بعدها
طبعا ميرا حكتله كل حاجه مخبتش عنه حاجه خالص وحمزة دموع عينيه مبتوقفش مش قادر يصدق ان كل ده حصل مع ياسمين وانها انقذت ميرا من ايده وانها تالت حد تنقذه الأول اخته منى وبعدها حسين وكمان ميرا
وانها حافظت على نفسها بكل القوة دي عشان متكونش لغيره مهما حصل
ياااه للدرجه دي كنت قاسي عليها للدرجه دي كنت وحش معاها
انا مش قادر اصدق اللي بسمعه انا حاسس اني عاوز اصرخ واصرخ بأعلى صوت عندي
حمزة:انا دلوقتى بس عذرتها ياميرا عذرتها فإنها مترضاش تحكيلي حاجه وتحاول تخبي عني صدمتها فية بعد كل التضحيات دي كانت اكبر واقوى من انها تحاول تتكلم ياحبيبتي ياياسمين
انا ازاي بطلب منها السماح وانا اصلا مش ممكن حقدر اسامح نفسي اني عملت فيها كده
ليه يارب ليه تكتب علينا العذاب يعني انا ابقى بتعذب هناك وهي بتتعذب هنا أعمل إيه ياربي اعمل ايه
ميرا :متعملش حاجه ياحمزة انا البي حعمل
حمزة :حتعملي ايه ياميرا
ميرا :انا حسافرلها القاهرة وحتكلم معاها
حمزة :تفتكري حتقتنع ياميرا
ميرا :بشروا ولا تنفروا ان شاء الله خير
كان حمزة يضحك ويبكي في ان واحد غير مصدق ماسمعه معقوله دي يعني هو ملمسهاش يعني كل حاجه لية فضلت لية ومستنياني يعني ياسمين مكنتش ولا حتكون لغيري يااااه على وجع قلبي اللي انا حسه يارب انت العالم باللي انا فيه يارب اقف جمبي محدش حيقدر ينجدني من اللي انا فيه غيرمانت يارب
تطرق الباب فيجري إياد ليفتح فتدخل عليهم بطلتها الرائعه التي تخطف أنفاسه فلقد كانت ترتدي فستانا بسيطا للغايه مزركش ببعض الورود ووجهها مزين بحجاب لا يزيدها الا جمالا على جمالها لم تضع على وجهها أي من مساحيق التجميل
فقط وضعت قليل من الكحل بعينيها ليبرز جمالها أكثر
يقف ليستقبلها ويأخذ من يدها الصغيرة :ازيك يا ريم عامله ايه
ريم :الحمد لله والله بخير وانت اخبارك ايه ياخالد
خالد :انا كويس مادمتم كويسين
جنه حبيبتي وحشتيني اوي انتي عامله ايه
حنه:كويسه
فيضحكون على طريقة كلامها
تتوجه بالحديث لحمزة وتسلم عليه
ميرا :اقعدي يا ريم رايحه فين
ريم :ححضر الغدا
ميرا :حاجي معاكي
ريم :لا وربنا ابدا انتي خليكي مع الاستاذ حمزة انا حعمل كل حاجه
حمزة :مفيش داعي والله للتعب ياجماعه احنا شويه وماشيين
أكمل بعد ماخلص مكالمته والصراحه هو مكنش في مكالمه ولا حاجه هو حب يسيب المجال بين ميرا وحمزة بحريه شويه عشان تتكلم معاه من غير مايكون في احراج منه وهو قاعد (راجل بيفهم الصراحه)
:ياسلام انت فاكرنا بخلا واللا إيه النهارده انتوا حتقضوا معانا طول اليوم
إياد :ايوة عشان خاطري ياعمو متمشوش دلوقتى انا عاوز اقعد مع عمو خالد
حمزة :ماشي يا حبيبي عشان خاطرك انت يابطل
بس الصراحه الفيو هنا رائع حاجه تخطف القلب
أكمل :مانا أول ماقررنا اننا نتجوز كلمت صاحب العمارة يبادل معايا بالشقة اللي كانت تحت بالدور ده وانت عارف محدش بيحب يسكن في الدور الأخير لكن انا فضلته عشان اقسمه بيني وبين أختي عشان تفضل جمبي متبعدش عني وكمان نبقى قاعدين فهدوء بعيد عن كل حاجه
تعالى قوم معايا اوريك الروف عملناه ازاي زرعناه كله ورد وعملنا فيه قعده حلوة أوي
حمزة :بجد حاجه ترد الروح خصوصا وانكم شايفين البحر كله قدامكم ربنا يهنيكم يارب بس خدوا بالكم كويس عشان الأطفال الصغيرين
اكمل :احنا مأمنين المكان كويس
إياد :عمو خالد تحب تاكل إيه
خالد :اي حاجه ياحبيبي
ريم:يارب بس أكلي يعجبكم
خالد :تسمحيلي ادخل معاكي المطبخ اساعدك
ريم :تساعدني فايه لا طبعا انت تقعد معاهم وتتمتع بمنظر البحر وانا ان شاء الله مش حتاخر
خالد :يبقى انتي خايفه ابوظلك الدنيا
ريم :لا والله خالص بس مينفعش اتعبك معايا
خالد :والله انا شاطر
إياد :انت بتعرف تعمل اكل ياعمو
خالد :ايوة طبعا ده انا بعمل حاجات كتير اوي مانا معنديش حد يعمللي بفتح بقى قنوات الطبخ واقلدهم
إياد :يبقى ياللا بينا نساعد ماما كلنا ياللا باماما
ريم :إياد ميصحش كده
خالد : ياللا عشان خاطر إياد
ريم :ماشي ياسيدي اتفضلوا قدامي بس عارفين اللي حيبوظ حاجه حينضرب
خالد واياد :ههههههههه
طبعا حمزة وميرا وأكمل وجنه كانوا قاعدين برة مستمتعين بجمال البحر وبيتكلموا فمواضيع كتيرة اوي وبيفتكروا كل الذكريات الجميله لكن طبعا حمزة قلبه وروحه فحته تانيه خالص
وريم وخالد واياد بيعملوا الأكل في المطبخ المفتوح عالروف وكان إياد بيناولهم اللي هما عاوزينه وخالد وريم بيظبطوا الأكل وكل واحد فيهم بيعمل حاجه وطبعا الموقف مخلاش من الضحك والهزار وخصوصا لما إياد صمم يحط السمك فالدقيق ووشه كله بقى دقيق وقعدت ريم وخالد يضحكوا على منظره
جو سعاده وفرح ماعاشهوش إياد قبل كده كان فرحان جدا وهو شايف مامته عماله تتكلم بتلقائيه مع خالد وكأنها عارفاه من سنين وبتقولله يعمل ايه وهو كمان كان مبسوط أوي ويقوللها لاء نحط التوابل دي حتدي طعم أحلى
وهي تقولله الله ريحة الشوربه حلوة أوي
فيقوللها طب دوقي كده وقوليلي ناقصه ملح
تاخد من ايده المعلقه عشان اتكسفت تدوق والمعلقه بايده:حلوة اوي لاء متزودش ملح هي كده ملحها مظبوط
اما إياد بقى كان بيتمنى من قلبه ان خالد يفضل معاهم عشان مامته تفضل تتكلم وتضحك بالشكل ده
بعد مرور بعض الوقت
ينادوا عليهم ياللا ياجماعه الأكل جاهز عالسفرة اتفضلوا
يدخل حمزة :سمك الله ايه الجمال ده شكل الأكل يجنن
أكمل :مانا قلت بقى لازم نعزمك على اكلة سمك حلوة
خالد :أهم حاجه عاوزكم تدوقوا شوربة السي فود انا اللي عاملها بنفسي
حمزة :طب مش كنت تقول ياراجل ان ليك في الأكل
خالد :أعمل ايه بس مش بيقولوا الحاجه أم الاختراع
يقعدوا كلهم ياكلوا مع بعض وخالد اخد جنه الصغيرة وحطها على رجله وكان بياكلها بايده
ريم :كده انت مش حتعرف تاكل هاتها عنك
خالد :لاء انا مستريح كده وبعرف اكل وهي كمان مبسوطه معايا
صح ياحنه
جنه:انت حبيبي
اكمل :سبحان الله الأطفال دول حاجه غريبه اوي البنت دي مبترضاش حد يأكلها غير مامتها اول مرة اشوفها بتاكل من ايد حد غيرها
خالد :ياحبيبتي ياجنه عشان عارفه اني بحبها
اتكلموا وضحكوا وهما بياكلوا وخالد كان في قمة سعادته وهو وريم بيبصوا لبعض ويضحكوا على حركات جنه وكمان كانوا مبسوطين ان الاكل عجبهم
ومر الوقت بسرعه وكان لازم يمشوا بس اياد كان بيعيط
خالد :الرجاله متعيطش يااياد
اياد:هو انت مينفعش تقعد معانا علطول ياعمو
خالد :اقعد معاكم علطول ازاي
إياد :مش عارف انا عاوزك تبقى معانا عشان تضحك ماما
اكمل :يضحك ماما
إياد :ايوة يابابا ماما مكنتش بتضحك خالص وانا كنت زعلان علشانها اوي وكانت كل شويه تعيط لكن النهارده ضحكت كتير اوي وكانت مبسوطه وفرحانه وانا عاوزها كده علطول والنبي ياعمو خليك معانا متمشيش
خالد :يعني انت عاوزني افضل قاعد عشان اضحك ماما بس
إياد :لاء وعشاني انا كمان بحبك اوي وجنه كمان بتحبك اوي عمو خالد احنا كلنا بنحبك خليك معانا
عمو حمزة سيب عمو خالد متاخدهوش معاك والنبي
حمزة:بس انا مقدرش استغنى عنه يااياد ياحبيبي ده انا عشان جايبه معايا النهارده موقف مكانه تلاته لكن لما ليكون هو لوحده ببقى مش محتاج غيره
أكمل :ربنا يقويك ياخالد اياد عيب كده ياحبيبي ان شاء الله نبقى نروح نزورهم قريب
إياد :ماشي يابابا عمو خالد لما توصل كلمني طمني انك وصلت
خالد :ياحبيبي انت عرفت الكلام ده منين
إياد :انا بسمع ماما بتقول لبايا اكمل كده دايماً
خالد:حاضر يا حبيبي
يسلموا عليهم ويمشوا وحمزة بيدعي ربنا ان ميرا تقدر تفهم ياسمين وهو كمان لازم يروح يعتذر منها على كل حاجه
❤️❤️❤️❤️❤️❤️❤️❤️
بالليل في الجيم
يحي :خد ياسامي فلوسك
سامي :ماشي يايحي على فكرة فرح سميرة ان شاء الله الأسبوع الجاي
يحي :فرح بالسرعه دي دول ملحقوش
سامي :اصل الاستاذ سعد زغلول ابن خالتي حيموت ويتجوز مش قادر على بعادها اكتر من كده وخلاص جهز ووضب كل حاجه اما ماما بقى كانت شايلالها حاجات من قبل ماتتولد اصلا
كانت مكركبالنا البيت يابنى لدرجة انها شايله عند الجيران يالهوي تقولش مخزن صناديق وكراتين فكل مكان
يحي :هههههه هما الأمهات كده الف مبروك يا سامي عقبالك انت كمان
سامي :لا مانا كنت لسه حقولك انا كمان حكتب كتابي مع سميرة وعقبالك انت كمان يابرنس
يحي :طب مادامت الأفراح بقت كتيرة كده ممكن أفرح معاكم أنا كمان
سامي :طبعاً ياعم حتفرح معانا وخصوصا بقى واحنا بنكتب الكتاب ده حيبقى الضحك للركب
يحي :لاء هو انا أقصد حاجه تانيه الصراحه
سامي :حاجه تانيه طيب ماتقول في إيه
يحي:بص من الأخر كده انا عاوز اخطب اختك سحر
سامي :مش فاهم
يحي :مش فاهم ايه ياسامي بقولك انا بحب أختك سحر وعاوز اتقدملها
سامي :سحر اختي انا
يحي :أيوة
سامي :سحر العيله الهبله دي
يحي :أيوة هي بعينها
سامي :طب ليه يابني تعمل فنفسك العملة السوده دي
يحي :اعمل ايه بقى يصاحبي مش بايدي
سامي:وياترى بقى هي عارفه انك حتكلمني.
يحي:لا وربنا أبدا سحر متعرفش حاجه خالص ولا كلمتها فحاجه اصلا انا أعرف في الاصول ياصاحبي ولما احب ادخل البيت لازم ادخل من بابه
سامي :المشكله دلوقتى مش فإنك تدخل البيت من بابه واللا تنط من شباكه المشكله فحاجه تانيه خالص
يحي :قوللي طيب قلقتني
سامي:اسمك ياصاحبي اسمك هو اللي حيبوظ الجوازة
يحي :اسمي لاء اوعى يكون قصدك على موضوع حرف السين ده هههههههه لا وربنا انت بتهزر مش بكده
سامي :وغلاوتك عندي ياصاحبي انا مابهزر ده انا مش قادر اقولك انا قلقان ازاي من يوم كتب كتابنا تقوم انت كمان تكملها انتوا عاوزين الراجل يروح مننا
يحي:طب انا اعمل ايه دلوقتى اتصرف ازاي انا دلوقتى
سامي :ده انت حتى يااخي اسمك كله مافيه حرف سين واحد زي ماتكونوا قاصدبن يحي أحمد عبد الرحمن أعمل ايه ياربي دلوقتى
ماهو لو انت حد غريب كنا الفنا اي اسم وخلاص وتعدي لكن انت متربي معانا
اقولله ايه خلاص انا اقولله ان اسمك الحقيقي سمير وانت مقلتش عشان عندك عقده نفسيه منه زي البت سميرة اختي وانكم حتروحو ا ترفعوا قضيه وكده وعلى ماتتنيلوا تتجوزوا اقولله انك كسبت القضيه طبعا هو مش حيستحمل الصدمه فيااما يفوق ويتعالج من المرض اللعين ده يااما يموت واقول عيني عليك يابابا ياللي رحت فحرف السين كان مستخبيلك الحرف ده فين ياحبيبي
يحي :هههههه هههههه لا وربنا ماقادر انا حموت من الضحك سين ايه يابني وعين ايه انتوا عيله مجانين خالص محسيسني انه داخل مسابقه وحيفوز بالجايزة الأولى ويجيبه بقى وائل الابراشي ومنى الشاذلي ويقعد هو بقى يحكي ازاي كل العيله بحرف السين بقولك ايه انا حجيب اهلى وحنيجي نخطبوها مليش فيه
سامي :لاء استنى الله يخليك لحد الفرح وكتب كتابي يعدوا على خير حرام عليك ده شرف العيله
يحي :ههههههه ههههههه لا انا حموت وربنا وبعدين هو انت جبت شقه واللا عملت خطوبه اصلا عشان تكتب الكتاب
سامي :وانا مالي ياعم ابوها هو اللي شارط مفيش دخول وخروج غير بكتب كتاب قلت وماله نكتب منكتبش ليه وربنا يستر عليك يابابا ياحبيبي
وانا مليش دعوة انت تبعد خالص عن يوم فرحي انا بقولك اهوه
انا عارفه بختي انت قاصد تعمل كده عشان تبوظلي الفرح
سامي :اخس عليكي ياسمسمتي ده انا اخوكي حبيبك ده بدل ماتوفريلي ده انا حبيبك يابت وهو الجاتوه اللي حيتجاب الكل ياكلوه والبيبسي الكل يشربوه
سميرة :اه ونسيت يافالح لما تيجوا تكتبوا الكتاب اللي حيحصل فيه ناسي ان ابوك حيكتشف كدبك وخداعك والراجل ممكن يروح مننا وانا بقى جوازتي تبوظ ومعرفش اروح اسكندريه اسبوع من نفسي
أنا عارفه هو في حد باصصلي فام الجوازه النحس دي
سامي :بقى كده يعني انتي كل اللي همك الجوازه تتم طب ايه رايك بقى حكتب كتابي معاكي واللي يحصل يحصل
سميرة :بس وربنا لو بابا حصلله حاجه لاقاطعك وتبقى انت اللي قتلت ابوك
سامي:اه وابقي احرميني من الميراث بالمرة
❤️❤️❤️❤️❤️❤️❤️❤️
يمر يوم بعد يوم والحال كما هو لم يتغير بعد فكلما حاول حمزة الاتصال به لاترد عليه فقد كانت تلهي نفسها مع البنات في فرش الشقه والاستعداد للفرح وشراء كل ماينقصها
وها نحن اليوم ليلة الحنه وغداً الفرح والاستعداد ليوم المعركه
فتتفاجا ياسمين بمجئ ميرا لها وأنها لا تعرف البيت لكن طبعا ميرا قالتلها انها اخدت العنوان من خالد
ياسمين :يعني انتي عاوزاني أعمل إيه يا ميرا
ميرا :تسامحي ياياسمين لازم تسامحي حمزة وبطلي مكابرة بقى هو خلاص عرف كل حاجه وانتي عرفتي كل حاجه والناس كلها عرفت كل حاجه خلصنا خلاص
ياسمين :انتي اللي بتقولي كده ياميرا وانتي اكتر واحده شفتي انا اتعذبت اد ايه
ميرا :ايوة أنا اللي بقول لأني اتعذبت زيك واكتر منك كمان على الأقل انتي حمزة مشى وسابك وانتي عارفه انه سافر عشانك عشان بيحبك
لكن انا أكمل سابني عشان يبعد عشان ينسى سابني من غير مايكلمني ولا كلمه سابني لوحدي اتعذب وهو كمان كان ليه نصيب من العذاب
اتجوزت واحد مبحبوش لكن كنت مجبرة على اني احترم وجوده فحياتي كنت بديله كل حقوقه الشرعيه عشان ماخدش ذنبه واقول هو ملوش ذنب انا وافقت عليه لكن ربنا وحده العالم كنت بتقطع من جوايا ازاي
ولما رجع انا شفت دبله فايده وافتكرته اتجوز ونساني اتعاملت معاه عالاساس ده
كنا بنتكلم في الشغل وقلوبنا بتقول حاحه تانيه ويوم مافهمت الحقيقه اتوجعت اكتر وعرفت انه اتوجع اكتر مني معاتبناش بعض ولا علقنا لبعض المشانق زي مانتوا بتعملوا اعترفنا بحبنا لبعض اعترفنا اننا منقدرش نعيش من غير بعض قلنا خلاص كفايه بقى عاوزين نعيش اللي احترمنا منه
وقررنا نكمل ورغم اعتراض ماما للمرة التانيه عليه لكن مااهتمتش بده واخدت قراري
وعلى فكرة انتي وضعك كمان افضل من وضعي بكتير كفايه انك محدش دخل حياتك وان حمزة حيكون اول راجل فحياتك لكن انا كنت لقبله كتت لغيره
صحيح هو ياحبيبي محسسنيش ان الموضوع ده ضايقه خالص بالعكس هو فرحان لدرجه عمري ماتخيلتها
لكن انا اللي من جوايا زعلانه ومتضايقه اني كنت لغيره كان نفسي يكون هو الأول والأخير
انا متاكده انه فرحان اننا بقينا لبعض لكن اكيد كان حيبقى اسعد لو كنت ليه اول واحد زي مانا كنت ليه اول واحده
ياسمين :وانا حفاظي على نفسي عشان مكونش غير ليه كان بالساهل مانتي عارفه انا تعبت اد ايه عشان احافظ على عهده وراغب نفسه مات بسبب الموضوع ده
ميرا :ياسمين خلاصة الكلام انا جايالك مخصوص من اسكندريه ومعرفش حقدر اجي تاني امتى
فوقي ياياسمين فوقي ومتخليش السكينه تسرقك وتقطع فعمركم وانتوا مش حاسين اعملي زي ما ام كلثوم قالت حرام نضيع عمرنا فهجر وخصام
العمر مبقاش فيه ريم اخت أكمل فضلت مستنيه جوزها سنين طويله ولما اتجوزوا معاشتش
معاها غير خمس سنين ويمكن أقل الحقوا افرحوا ياياسمين الحقوا اخطفوا من الزمن لحظه حلوه ممكن متجيش بعد كده
انتي وحمزة تستاهلوا تفرحوا انتوا الاتنين بتحبوا بعض بجد واتعذبتم بما فيه الكفايه يبقى خلاص عاوزين نفرح بقى ياياسمين
تفتح الباب وتدخل وهي بتزغرط:لوووولي لوووولي إيه ده احنا عندنا ضيوف معلش معرفش والله
ميرا :شفتي بقى اهي الزغاريد جت عالسيرة
ياسمين :تعالي ياسحر مفيش حد غريب ميرا صاحبتي
ودي سحر جارتي واخت عروستنا الحلوة
ميرا :ألف مبروك يا حبيبتي ربنا يتمم على خير ان شاء الله وعقبالك
سحر :يارب ياحبيبتي يارب بصي بقى انتي حتيجي تحضري معانا الحنه
انتي جايه عالفرح يبقى لازم تفرحي معانا
ميرا :ربنا يكتر افراحنا يارب بس والله مش حينفع انا لازم ارجع اسكندريه النهارده والف مبروك مرة تانيه
تسيبهم سحر وتخرج وميرا تكمل كلامها مع ياسمين وبعد كده تمشي وياسمين تسهر معاهم وهما بيحتفلوا بالحنه والشباب متجمعين تحت وعاملين حنه تحفه عشان يجاملوا سامي طبعاً
سعاد :بت ياسحر اختك اتأخرت في الكوافير أنا قلقانه عليها
سحر :اطمني ياماما هما بس بيظبطوها عشان تعجب سعوده
سعاد :عقبالك انتي كمان عشان أخلص منكم جتكم الهم
سحر :طبعاً عاوزة تخلصي مننا عشان يخلالكم الجو ياجميل
سعاد :ياختي جتك نيله اهيه الهانم شرفت لوووولي
قضوا ليله جميله كلها فرح وسعاده وجه تاني يوم فرح سميرة وكتب كتاب سامي
سامي :بصي بقى ياست الحسن والجمال بما ان الليله بكرة مشكوك فيها فأنا بقى علية وعلى أعدائي
سحر :مالك ياسامي انت اتحولت كده ليه
سامي :وريني حتلبسي إيه في الفرح
سحر :لاء بعينك
سامي :طب بصي بقى لو شفتك لفه نفسك بملاية بوليس الآداب بتاعة المرة اللي فاتت حجيبك بملايتك عالبيت هنا
سحر :لا اطمن انا المرة دي حوفر على نفسي والبس بدلةرقص واغنيلكم انا لابسه بدلة رقص وفبيت دعارة
تجري ويجري وراها سامي فتمسكه سميرة :ارحمنا بقى انا عارفه هي جوازه مايعلم بيها إلا ربنا وبعدين انت شاغل نفسك بيها ليه خليتك فوكستك وخيبتك التقيله دي ألناس خيبتها السبت والحد وانت خبتك ماوردت على حد والليلادي اللي ماحيشتري حيتفرج علينا
البنات راحوا الكوافير والشباب اخدوهم
يحي :ايه الجمال ده كله
سحر :بجد انا حلوة
يحي :احلى من القمر نفسه
يروحوا القاعه ويقعد سعيد ويحط ايده في ايد والد سعد ويكتبوا الكتاب ويزغردوا كل الموجودين
جميله :سامي انا خايفه اوي ياسامي
سامي :انتي اللي خايفه امال انا أعمل ايه ده انا احتمال اجي ابات عندكم الليلادي
الحق ابوك بينادي علينا الدور جه علينا استر يارب
سامي :بسم الله الرحمن الرحيم
وجعلنا من بين أيديهم سدا ومن خلفهم سدا فاغشيناهم فهم لايبصرون
صدق الله العظيم
استرها معانا يارب
يقعد سعيد ويحط ايده فايد ابو جميله عشان يكتبوا الكتاب
واول مايقول ابوها زوجتك موكلتي جميله السيد
سعيد :استنى ياشيخ جميله جميله مين انت حتكتب الكتاب غلط اسمها سهير
المأذون :لاء انا البطاقه اللي قدامي بتقول ان اسمها جميله
سعيد لابو جميله :ايه ياحاج هو التعب رجعلك تاني وجايبلنا بطاقه غلط واللا إيه
أبوها :لاء البطاقه مش غلط ولا حاجه الاسم صح
سعيد :اه يبقى انت بقى عاوز تضحك علينا وتجوز ابني واحده
تانيه الحق ياسامي عاوزين يجوزوك واحده تانيه يابني
انا مكنتش مرتاحلك من الاول من ساعة ماروحنالك وانت تقول جميله جميله
سامي :بابا ارجوك اكتب الكتاب وخلص وبعد كده انا حفهمك كل حاجه بس مش وقته المعازيم بيبصوا علينا
سعيد:لا ده انت اتجننت بقى عاوز تتجوز واحده غير سهير امال خلتني اخطبهالك ليه
من الأول الحقي ياسهير سامي حيخلع منك
والد جميله :انا مكنتش موافق من الأول عالكدب ده وقلتلهم مسير كل حاجه تنكشف والكدب ملوش رجلين
سعيد :انا حاسس إني حموت فهموني اللي بيحصل
جميله :لا ماهو اصلي اعمى اصل يعني
المأذون :ياللا ياجماعه خلصوني أنا عندي بعدكم طلاق عاوز اروح
سامي :ده إيه الفال المنيل ده انت كمان بابا بلاش فضايح اكتب الكتاب بقى
المأذون :بص يااستاذ احنا نكتب الكتاب دلوقتى وبعد كده ابقوا حلوا مشكلة الاسامي دي
سعيد :لا مانا مش عيل بيتلعب بية الكورة انا من الأول وانا الفار بيلعب فعبي
سميرة :بابا بص بقى عشان انا اتخنقت وربنا وعارفه اني
فقريه والليله حتبوظ جميله هي سهير يابابا
جميله :بس اطمن ياعمي انا حرفع قضية واخليه سهير أو اي اسم تاني معنديش مشكله
سعيد :يعني سهير طلعت جميله وجميله هي سهير
يعني البدري هو فاروق وفاروق هو البدري(ذئاب الجبل)
سعاد :يالهوى الراجل مات
ههههههههههه ههههههههههه
طبعاً هو اغمى عليه وبعد شويه فاق واستوعب الموقف واضطر يكتب الكتاب واستحلفلهم لما يروحوا
جميله :سامي مش حتشيلني وتلف بية
سامي :اشيلك ليه أن شاء الله هو انتي اتشليتي
جميله :ايوة تشيلني زي بشوف العرسان كلهم بيعملوا كده وتحضني وتعيط
سامي :ومستعجله ليه عالعياط مانتي حتعيطي هي البعيدة معندهاش دم الرجل حيروح مننا وانتي عاوزاني اشيلك
جميله :مليش دعوه انا عاوزة اتشال
سامي :اه عشان ابوكي يشيلني من على وش الأرض بت انتي تعرفي تخفي من ادامي
دلوقتى واحمدي ربنا ان ليلتك عدت هاه
جميله :ماشي يا سامي انا حوريك
سامي :ايوة هو ده الكلام عاوزك توريني يا مراتي ياحبيبتى
جميله :سافل
يحي :كفارة يامعلم
سامي :ياساتر ده احنا لو بتفتح عكا كنا فتحناها
يحي :طب ادخل عليه انا كمان بالمرة دلوقتى
سامي :ياعم اصبر بقى انت كمان الراجل لسه مفاقش من صدمة جميله عاوز يدخل عليك انت كمان حرام عليك دي ضربتين فالراس توجع اصبرلك كده سنتين تلاته يكون نسي
يحي :لا انا مليش دعوة لو مجيتش معايا حروح لوحدي
سامي :ماتروح اهوه قاعد ماما بتهويله خليك بقى تخلص عليه وسميرة تقتلك
يحي :انا حروح ورزقي على الله
عمي الف مبروك
سعيد :الله يبارك فيك يا يحي عقبالك انت كمان
يحي:عمي انا طالب ايد بنتك سحر
سعيد :مش فاهم عاوز ايدها فايه
يحي :عمي انا عاوز اتجوز سحر
سعيد :سحر بنتي وانت يحي لاء كده كتير الحقيني يا سعاد عيالك عاوزين يموتوني
الليلادي مش كفايه صدمتي فابنك كمان سحر حتكمل علية
سعاد :معلش يااخويا بس يحي طيب وابن حلال ده متربي وسطنا
سعيد :واسمه
سعاد :معلش يااخويا نغيرهوله بس خسارة نضيعه خليه ياخدهاويريحنا منها
سعيد :طب وحرف السين انتوا كده هديتوا اللي بقالي سنين ببني فيه
سعاد :كنت بتبني فالبرج يعني بلا خيبه
يحي :حعوضهالك والله ياعمي ليك علية كل ولادنا حنسميهم بحرف السين ايه رايك
سعيد :سحر ياسحر
سحر :نعم يا بابا
سعيد :الواد ده عاوز يخطبك موافقه
سحر :اللي تشوفه يابابا
سعيد :تمام يبقى على بركة الله وانا رافض
سحر :يالهوى لاء رافض ايه انا موافقه
سامي :خلاص بقى يابابا قلبك ابيض ياسعود فرح ولادك بقى وانسى يامعلم وزي مايحي
قالك حنملالك البيت بحرف السين
سعيد :راح حرف السين ياسعاد عليه العوض ومنه العوض
❤️❤️❤️❤️❤️❤️❤️❤️
يرجع البيت وهموم آلدنيآ كلها فوق رأسه بعد ماحس انه خسر كل حاجه
يدخل الفيلا فيلاقيها قاعده وحاطه رجل على رجل
اهلا يالبيه انت شرفت
يامن:خلاص ارتحتي يا شاهندا ارتحتي لما ضيعتيني واخدتي كل حاجه
شاهندا :ايوة يايامن ارتحت عشان تعرف ان اللي يلعب بشاهندا تتلعب بيه الكورة
يامن :انا طالع انام
شاهندا :طالع فين ياحبيبي الظاهر انك مش واخد بالك من الشنط المتكومه في الأرض
يامن :انتي اتجننتي يا شاهندا
شاهندا :انت اللي اتجننت يوم ماافتكرت انك ممكن تلعب من ورايا وانا اسيبك
اسمع من غير كلام كتير كل حاجه بقت بتاعتي خلاص الفيلا والشركه وكل حاجه ياللا بقى روح شوفلك عربية ترمس واقف عليها واللا قولك عندي فكرة حلوة مش انت فرحان بقدراتك اللي كنت مبعترها كل يوم عالستات روح بقى اشتغل بيها وبدل ماكنت بتديهم خليهم يدوك ههههههه ياللا برا وإياك اشوفك هنا تاني
يهجم عليها يامن يحاول ضربها :لا انا مش حضيع انتي فاهمه يامن مش حيضيع أبدا انتي حترجعيلي كل حاجه والا حقتلك يا شاهندا
شاهندا :تبقى بتحلم يايامن انت خلاص انتهيت فاهم يعني ايه انتهيت اطلع برة بقولك متخلينيش اخللي الأمن يشيلوك ويرموك برة زي الكلب
لايشعر بنفسه الا وهو يقبض على رقبتها تحاول ان تخلص نفسهامن بين يديه ولكنه كان يطبق على رقبتها بغل وغيظ شديد لم ينتبه إلا وهي ملقاه على الأرض باعين مفتوحه
الخادمه :يالهوي قتلت ستي الحقوني يا ناس
يدخل يجري عالمكتب ويطلع المسدس ويقتل نفسه
يفتح المكتب ويدخل عليها ميرا شفتي الاخبار
ميرا:خير يااكمل
أكمل: يامن الشريف
ميرا :ماله الزفت ده
اكمل: قتل مراته وقتل نفسه بيقولوا اخدت كل حاجه منه وفلس فقتلها ولما الخدامه شافته قتل نفسه هو كمان
ميرا ياااه سبحان الله يعني قتل نفس وقتل نفسه ومات كافر لا حول ولا قوة الا بالله
ربنا يمهل ولا يهمل هو ده الجزاء اللي كان يستحقه.