الحلقه الأربعون من رواية
قلوب تنزف عشقاً
بقلم :عبير سليم
💓💓💓💓💓💓💓
لقد اتت ليالي الفرح وزالت ليالي الألم أتت مسرعه نحونا
وكانما تبحث عنا وهي تقسم الا تتخللى عنا بعد اليوم
فلقد اكتفت القلوب ونالت حظها من الآلام
وجاء وقت الحصاد بعد الخير الذي زرعناه
فكل من احبتهم قلوبنا وعشقتهم افئدتنا أصبحوا معنا ملك لنا فليس لنا شئ نتمناه بعد اليوم سوى دوام وصلهم والثبات على حبهم والوفاء بعهدهم
اااه مش قادرة حموت ياحسين
حسين:اااااه
حمزة:انت بتصوت ليه انت كمان هو انت اللي بتولد
حسين :عضتني بت العضاضه قرمتني من دراعي
ياسمين :ههههههه معلش ياحسين قلتلك اقعد انت جمب حمزة وانت اللي مرضتش
حسين :لا مقدرش اسيبها
ااااااااه يخرببيتك حرام عليكي ياخلود أكلتي دراعي
خلود :مش قادرة مش قادرة ياحسين وجع جامد أوي مش قادرة اااااه حموت ياحسين
حسين :معلش معلش حبيبتي احنا وصلنا خلاص استحملي ياخلود هانت ياروحي
حمزة :خلاص وصلنا حسين اسندها انت وياسمين ونزلوها على مااجيبلها كرسي بسرعه ياللا
وطبعاً حازم اخد صوفيا ومامة حسين وحمزة الصغير وصفاء فعربيته وطلع يجري وراهم
وبعد مرور قليل من الوقت
يقفون جميعهم منتظرين خروج أحد يطمئنهم على حالها
انا مستغربه ازاي تولد دلوقتى ده انا لسه الصبح سائلاها وقالتلي قدامها عشر أيام عالأقل
حسين :وانتي كنتي عاوزاها متولدش ازاي بعد اللي عملته النهارده هي قعدت ياياسمين دي من ساعة ما وصلنا وهي رايحه جايه وكل ما حد يتخطب تروح راقعه زغروته دي مكنش فاضلها غير تتحزم وترقص
ياسمين :هههههه معلش ياحسين مانت عارف خلود بتحب تفرح لفرح اللي حواليها
حسين :ربنا يستر يارب قومها بالسلامه يارب
حمزة:ماتجمد كده ياابوالعيال ان شاء الله تخرجلنا هي والنونه بألف سلامه
حسين :يارب ياحمزة يارب
معلش ياجماعه تعبناكم وجبناكم على ملا وشكم
حازم :اخس عليك ياحسين ده انا احنا اهل ياصاحبي أهم حاجه نطمن على خلود
كريمه :ربنا يقومك بالسلامه ياخلود يارب
بعد مرور بعض الوقت تخرج إليهم احدى الممرضات
ألف مبروك جاتلكم عروسه زي القمر
حسين :المهم مراتي مامتها عامله إيه
الممرضه :حتبقى كويسه ان شاء الله هما بيخيطولها الجرح دلوقتى
حسين :وبنتي فين
الممرضه :جوة متقلقش بيلبسوها
الكل يهنئه على سلامة زوجته وابنته
كريمه :ألف مبروك يا حبيبي تتربى فعزك يارب
حسين :الله يبارك فيكي يا ست الكل
صوفيا :ألف مبروك يا حسين
حسين :الله يبارك فيكي ياصوفيا تعبناكي معانا عقبال مانتعبلكم يارب
حازم خد صوفيا روحها حرام تعبناها معانا
صوفيا:لا انا مش عاوزة أروح انا عاوزة اشوف البيبي
صفاء:ياحبيبتي يابنتي ربنا يسعدك ويفرح قلبك انتي كمان يارب
صوفيا :يارب ياطنط
بعد مرور القليل من الوقت يتجمعون كلهم حولها :اااه تعبانه
حسين :سلامتك ياخوخه
خلود :تعبانه اوي ياحسين مش قادرة
حسين :تستاهلي ياحبيبتي
خلود :بقى كده ياحسين
حسين :فضلت اقولك اقعدي اقعدي وانتي مفيش فايده فيكي واهيه النتيجه عاجبك كده نزلتي البنت قبل معادها
خلود :هي فين بنتي فين
ياسمين :معايا اهيه ياخلود اطمني
خلود :حلوة بنتي حلوة ياياسمين
حمزة:طبعاً حلوة وزي القمر طالعه لمامتها
خلود :ربنا يخليك ياحمزة عقبالك انت وياسمين
حمزة وهو يحيط ياسمين بذراعه:ان شاء الله
صفاء :حمد الله على سلامتك ياحبيبتى
خلود:الله يسلمك ياخالتي
صوفيا :ألف حمد الله على السلامة يا خلود
خلود :الله يسلمك ياقمر انتي صوفيا :ياسمين ممكن اشيلها شويه
ياسمين :خدي ياحبيبتي
صوفيا :الله دي امورة اوي ربنا يخليهالكم يارب
حازم:عقبال مانجيب احنا كمان عشرة
صوفيا :عشرة كتير اوي طب إيه رأيك نخليهم حداشر عشان يبقى فريق كورة
حازم :برافو عليكي هو ده الكلام
خلود :حمزة ابني فين
صفاء :نايم اهوه ياحبيبتي متقلقيش عليه
حازم :مقولتوش بقى ياجماعه حتسموها إيه
حسين :والله كان نفسي اسميها على اسم ست الحبايب بس هي مش راضيه
كريمه:يالهوي عاوزة تسمي البنت كريمه حرام عليك ياحسين لا يابني عاوزها تتعقد فعيشتها لازم تسميها حاجه عالموضه
ياسمين :ههههههه معلش ياجماعه
حمزة:في ايه ياياسمين بتضحكي على إيه
ياسمين :أصلي افتكرت سميرة
حمزة :سميرة جارتكم مالها
ياسمين :بعدين حبقى اقولك
بس والله اسمك جميل ياكرمله ياقمر
كريمه :بس راحت عليه خلاص ياياسمين النبي عليه الصلاة والسلام قاللنا لازم نحسن اختيار اسماء ولادنا عشان ميزعلوش
صوفيا :واحنا بردو مش عاوزين حسين يزعل ياطنط ايه رأيكم تسموها كارما وتبقى قريبه بردو من كريمه
ياسمين :الله اسم حلو أوي ايه رأيكم
حسين :كارما حسين اسم جميل فعلا إيه رأيك ياخوخه
خلود :ماشي ياحسين حلو
ااااااه انا تعبانه أوي مش قادرة
صفاء :طب حاولي تناميلك شويه
خلود :تعبانه اوي ياخالتي بطني مش قادرة
حمزة :طب ياللا ياجماعه نطلع برة خليها تستريح شويه
حازم :الف سلامه عليكى ياخوخه انا حروح صوفيا
خلود :ماشي ماشي
صوفيا :ألف حمد الله على سلامتك ياحبيبتى
خلود :الله يسلمك يا صوفيا عقبال مااحضر ولادتك اااه
انتي بالذات لازم احضر ولادتك عشان اشوف العيال اللي حتجيبيهم شكلهم حيبقى إيه اااااه
حسين :اتهدي بقى انتي مفيش حاجه محوءة فيكي
حازم :هههههههه وربنا عسل حتى وانتي تعبانه مفيش فايده فيكي ياللا سلام ياجماعه
حمزة:ياسمين تعالي نقعد برة شويه
ياسمين :ماشي
كريمه:حسين عاوزاك تروح البيت تجيبلي حاجه البسها يابني احنا حنبات هنا
حسين :حاضر يا أمي
كله يخرج وخلود تغمض عينيها وتنام وتقعد صفاء وكريمه يتكلموا مع بعض
حمزة:وحشتيني اوي ياياسمين
ياسمين سامحتيني من قلبك
ياسمين :قلبي مفيش جواه غير كل حب ليك حمزة انسى خلاص مش عاوزة افتكر غير اننا مع بعض وبس
حمزة :طب اعملي حسابك اسبوعين بالكتير ونكون متجوزين ان شاء الله عاوزين نعوض كل اللي فاتنا
ياسمين :ممكن تخليها شهر
حمزة :كتير كده ياخلود مش حقدر استحمل
ياسمين :معلش حبيبي تكون بس خلود بقت كويسه ونعرف نفرش الشقه براحتنا
حمزة :حيكون أطول شهر فحياتي كلها
عاوزة تعملي فرحك فين ياست البنات
ياسمين :ازاي تسأل السؤال ده ياحمزة مانت أكيد عارف
حمزة :اسكندريه
ياسمين :قدامه زي ماشاف معانا الفرح والحب وشاف دموعنا لازم يحضر معانا فرحنا ويشوف سعادتنا
حمزة :وانا ان شاء الله حعملك احلى فرح عاوز اخليكي اسعد واحده في الدنيا كلها
ياسمين :حبيبي طول مانت معايا انا أسعد واحده فى الدنيا كلها
حمزة :يبقى تعملي حسابك نخلص الشقه ونطلع على اسكندريه علطول
💓هيييييه يعني حنسافر اسكندريه
ياسمين :مجنونه وربنا طمنيني عليكي عامله ايه مع يحي
سحر :مبسوطه أوي ياياسمين مكنتش أعرف أن الحب حلو كده
ياسمين :الحب ده أحلى حاجه فى الدنيا كلها
سميرة عامله ايه بقالي يومين مكلمتهاش
سميرة ههههههههه مبسوطه يااختي سبحان الله سعد اللي مكنتش بتطيق تسمع سيرته دلوقتى دايبه دوب فهواه كل ماتيجي وماما تقولها اقعدي شويه تقول لاء اتأخر على سعودتي
ياسمين :هههههه ربنا يسعدها يارب
سحر:يارب نفسي اوي تبقى حامل عاوزة ابقى خاله ياناس
ياسمين :يابنتي هي لحقت دي لسه عروسه
سحر:لا يااختي مالبت وفاء الهبله اتجوزت حملت علطول تقوليش كانوا موديينه مع العفش
بقى وفاء تحمل وسميرة لسه ياناس
ياسمين :ده نصيب يخرببيت عقلك
سحر :هههههههه هههههههه
ياسمين :بتضحكي على إيه ياهبله
سحر :اصل ماما بتقول لسميرة اوعوا تكونوا شغالين غلط
ياسمين :لا وربنا سوسو دي عسل
سحر :المهم قوليلي بقى حنجوزوكي امتى يابت عاوزة ارقص يااختي
ياسمين :شهر ان شاء الله
سحر :يامقرب البعيد يارب هونها ياللي بتهون
مرت الأيام ماهو زي مانتوا عارفين الأيام الحلوه دايماً بتجري بسرعه
وخلود قامت بالسلامه وعملوا السبوع والكل حضر وهناهم وباركلهم
وبدأت ياسمين تفرش شقتها وهي وحمزة اختاروا الموبيليا وكانت كلها حاجات رقيقه أوي وشيك
الكل فرحان لفرحهم وبيتمنولهم السعاده من كل قلوبهم
وجابر على اد ماهو فرحان ليهم بس زعلان عشان حمزة خلاص حيسيبه وحيعيش فالبيت مع أهله
دلوقتي عايش مع سيلا حبيبته بنت حبيبة قلبه وعايش مع ذكرياته معاها اللي عمره ماحينساها ومعاه طبعا الداده اللي بالنسبه له اخت وصديقه بيحكيلها كل حاجه وبيفتكروا مع بعض كل الأيام الجميله
خلاص كل حاجه جهزت وحمزة حجز فندق فى اسكندريه عشان الكل يكون موجود
الكل سافر على اسكندريه جابر وخالد وسيلا والداده وحازم وصوفيا وطبعا اهله اصلا في اسكندرية
وأهل حمزة طبعاً ابوه وامه ومنى وجوزها وبنتها حتى عبدالرحيم جه من الصعيد هو ومراته وابنه ومراته عشان يحضروا الفرح
وحسين وخلود والولاد وكريمه وعيلة سعيد طبعاً اللي الفرح ميحلاش من غير وجودهم حتى يحي جه معاهم
اما بقى سامي اتحايل على ابو جميله وخللى ابوه راح بنفسه لابوها عشان يوافق انها تسافر معاهم وحلفله انها حتبات مع سحر وسعاد في الاوضه
والدها :ماشي حفكر
سعيد :تفكر في ايه هو احنا حنخطفها دي مرات ابني يعني اخدها معايا مكان مانا عاوز انا بس عاملك اعتبار انها لسه فبيتك
وبعدين بص انا اصلا لسه قلبي مليان من ناحيتكم
والدها:وانا مالي ان شاء الله هو انا اللي استغفلتك واللا هما عاوزها خدها ياللا بالسلامه وياريت مترجعهاش تاني تبقى عملت فية جميله جتكم الهم وانتوا اصلا عيله مجانين
سامي :يعني خلاص موافق تسافر معانا اسكندريه
والدها:بس بشرط
سامي :اشرط زي مانت عاوز
والدها :قمر اختها تسافر معاها
سعيد :وماله قمر وشمس ونجوم الليل كمان لو عاوز احنا حنخاف واللا إيه
والدها :وتخللوا بالكم عليهم ميرجعوش ناقصين صوباع واحد
سامي:على أساس اننا حنسلمهم لتجار الأعضاء البشريه دول فعنينا ياحمايا العزيز
والدها:ماشي يافالح جتكم نيله وانتوا عيله هبله انا مش عارف وقعتوا علينا منين
سعيد :سامع حماك وغلطه انا ماسك نفسي عليه حقوم اجيبه من قرعته وربنا
سامي :معلش يابابا قلبك أبيض هو بيهزر معاك وبعدين يعني انت اللي القصه نازله على اورتك
سعيد :أخرس ياحيوان
سامي :حاضر ياسعيد حاضر
😂😂😂😂😂😂
😂قاعد معاها ادام البحر :ياااه والله مامصدقه نفسي معقوله انا هنا في اسكندرية
يحي:مجيتيهاش قبل كده
سحر :لاء خالص وكان نفسي أوي اجيها من زمان واهي ياسمين هي اللي جابتنا كلنا
ياحبيبتي ياياسمين متتصورش فرحانه عشانها اد إيه
يحي :عقبالنا إحنا كمان ياسحورتي
سحر :معلش بقى تعبناك معانا وجبناك على ملا وشك
يحي :لا طبعاً انتي بتقولي ايه أولا ياسمين عزيزة علية وكنت أتمنى احضرفرحها
سحر :يحي عاوزة اسالك حاجه انا عارفه انها مش وقتها خالص بس نفسي اسالهالك من زمان
يحي :اسألي ياحبيبتي
سحر :هو انت حبيت ياسمين
يحي :ههههههههه
سحر :بتضحك علية يا يحي
يحي :لا ياحبيبتي بس انا أصلي كنت مستنيكي تسأليني السؤال ده من زمان وانتي اتاخرتي
سحر :مانا كل مااجي اسأله اخاف من الاجابه فاسكت
يحي :انا قلبي محبش غير واحده بس هي سحر حبيبتي
ياسمين كانت بالنسبه لي مجرد بنت عجبتني لكن محبتهاش بالشكل اللي انتي فاهماه عجبني ادبها اخلاقها احترامها وشكلها طبعا مكدبش عليكي
سحر :بس مش غريبه انك تحبني وانا عكس الصفات دي كلها ده انا مجنونه يابني
يحي :وهو جنانك ده اللي وقعني فيكي وخلاني اموت فهواكي بحبك يامجنونه ومفيش فقلبي ولا حيكون غيرك اطمنتي
سحر :اه
يحي :ممكن اطلب منك طلب
سحر :اطلب ياكابتن
يحي :مش عاوز بيننا اي حواجز عاوزه تسأليني أي سؤال اسألي علطول فاهمه
سحر :حاضر طب انت قلتلي أولا مقلتش ثانيا بقى
وثانياً ياستي معقوله يعني يبقى قدامنا فرصه حلوة زي دي اننا تبقى مع بعض واقول لاء
سحر :مااحنا مع بعض على طول يايحي
يحي:مع بعض علطول فين ان شاء الله وانتي من وقت ماتخطبنا والأستاذ بتاعنا حرج عليكي تيجي الجيم ولما بروح عندكم يااما عمي يفضل يأنب فية عشان اسمي لما وربنا كرهني فيه
يااما سامي يقعد يحكيلنا مغامراته مع جميلة الجميلات بتاعته
سحر :هههههههه انت بقيت بتتكلم زيي
يحي :اعمل ايه من حبي فيكي ياسحورتي
بس انا دلوقتى عرفت سعد قدم معاد الفرح ليه أكيد كان عاوز يخلص منكم يارب قرب البعيد بقى
انتي تعملي حسابك فاضلك سنه معاهم وحنتجوز
سحر :طب والجامعة
يحي :حتكملي وانتي عندي
سحر :بس كده حبقى مسئوله عن بيت وزوج ومش حعرف اذاكر
يحي :مش حتعرفي تذاكري ده إيه ده احنا حنذاكر مع بعض أحلى مذاكرة
سحر :قليل الأدب
يحي :تفكيرك شمال بس عجبني الصراحه
سحر:ههههههههه
💖💖💖💖💖💖💖💖💖
قاعد في الفرانده تايه وعيونه ثابته عالامواج بس طبعاً مكنش البحر وجماله هو اللي شاغل تفكيره
قعدت قدامه وسألته :وحشتك
جابر :وحشتني أوي يا داده عمري ماتخيلت أنها ممكن تمشي وتسيبني
الداده :وهي ماسابتكش يابني لسه معاك بروحها وصورتها اللي ربنا جسدها في سيلا
جابر :كل مابشوفها قدامي بشوف فيها سيلا
الداده :ربنا يخليهالك يارب وتكبرها وتشوفها احلى عروسه في الدنيا كلها
جابر :تفتكري ياداده حعيش لحد ماافرح بيها
الداده :ربنا يديك طولة العمر يارب وتفرح بيها وتشيل ولادها ربك كريم أوي
جابر :ونعمه بالله
الداده :حمزة حيوحشني أوي معقوله خلاص حيسيبنا ويسيب سيلا بعد ماكانت فحضنه
جابر:على اد مافراقه عني واجعني على اد مابتمناله السعاده والفرح
الداده :حمزة طيب ويستاهل كل خير وربنا عوضه عن سنين حرمانه منها
جابر :ربنا يفرح قلوبهم يارب وميحرمش حبيب من حبيبه
💖💖💖💖💖💖💖💖
بدءوا يحضروا سهرة الحنه وياسمين لبست فستان أحمر جميل والبنات كلهم لبسوا لبس جميل والكل كان فرحان
البحر كان هادي وجميل وكأنه عاوز يحتفل معاهم ويفرح لفرحهم
اخد حمزة ياسمين من ايديها ووقفوا ادام البحر :وحشتنا اوي ووحشتنا ايامك ولياليك الجميله كنت الشاهد على حبنا ودلوقتى حتبقى الشاهد على جوازنا وانه حيكون للأبد
مكنش ينفع نعمله فأي مكان غير هنا مكنش ينفع ماتفرحش معانا زي ماتعبناك ويانا بحبك يابحر وبعاهدك وانا قدامك اني حفضل على عهدي وحبي مهما طال الزمن:بحبك يا ياسمين
ياسمين :بحبك يا حمزة
تيجيهم منى وهي شايله ياسمين :ياللا بقى عاوزين نهيص
ياخد منها حمزة ياسمين ويبوسها:حبيبة قلب خالو حتحضر فرحه
منى :عقبال ماتحضر فرحها يارب وربنا يرزقكم بالذريه الصالحه يارب العالمين
ياللا بقى الكل مستنيكم
تبدأ السهرة ويشغلوا الاغاني اللي تولع الشط وتخللي الكل فرحان وسعيد وبيرقص حتى ان ناس كتير شاركتهم فرحتهم وهما ميعرفوش دول مين أصلا
طبعا كلهم رقصوا مع ياسمين خلود وصوفيا وسميرة وسحر وجميله واختها حتى سعاد وصفاء، وكريمه وفاطمه
الكل فرحان من قلبه ومحمد كان طاير من الفرحه انه بيجوز ابنه اللي مكنش يصدق انه ممكن يشوفه تاني فيوم من الأيام
وخالد كان شايل جنه وبيرقص بيها وإياد فرحان ومبسوط
حسين :انتي يااختي
خلود :في ايه ياحسين
حسين :كارما بتعيط عاوزة ترضع
خلود :طيب ماترضعها ياحسين
حسين :ارضعها ماهو ده اللي كان ناقص ادامي يابت رضعي بنتي
خلود :على أساس إني مرات ابوها حاضر حاضر كوكو حبيبتي انتي جعانه
كريمه :مرضتش تاخد الببرونه خديها رضعيها شويه
خلود :تعالي حبيبة ماما ياروحي انا
سعاد :ألف مبروك يا صفاء ربنا يتمم فرحتهم على خير يا رب
صفاء :الله يبارك فيكي يا سعاد يارب وعقبال فرح سامي وسحر يارب
سعاد :يارب ربنا يفرحنا بيهم كلهم يارب
😂😂😂😂😂😂😂😂
سعيد وهو شايل سيلا وبيلاعبها
عارف حضرتك أول ماشفتها حبتها على طول ودخلت قلبي
جابر :ربنا يخليك
سعيد :ويخليهالك وتفرح بيها
جابر :لسه بدري
سعيد :بيتهيالك الأيام بتجري بسرعه والبنات كبارة
جابر :ياسمين بتحبكم اوي كلمتني عنكم كتير
سعيد :ربنا العالم غلاوتها عندي من غلاوة سميرة وسحر من يوم ماجت هي والدتها وعاشوا معانا واحنا بقينا اهل
ربنا يكمل فرحتها على خير انا فرحتي النهارده بيها مش اقل من فرحتي بسميرة يوم فرحها
جابر :هي وحمزة ولاد حلال ويستاهلوا كل خير
سعيد :وحضرتك والله باين عليك الأصل الطيب مفكش غير عيب واحد بس
جابر بخضه:عيب عيب إيه مش واخد بالي
سعيد :لا متتخضش كده هي حاجه بسيطه اسمك
جابر :اسمي ماله اسمي
سعيد :مش بادئ بحرف السين
جابر :مش فاهم
سعيد :لادي حكايه طويله حبقى احكيهالك بعدين عارف مسلسل عباس الابيض في اليوم الاسود
جابر :اه بتاع يحي الفخراني ماله
سعيد :كان كل شويه يقول اصلي وانا ماشي في العراق لقيت جثة
وبحكي الحكايه
:وانا بردو ححكيلك الحكايه محتاج افضفض مع حد يمكن الاقي حل لمشكلتي
سهرة جميله على الشط تجمع كل الموجودين وكان حمزة كل شويه يشيل سيلا هو وياسمين ويرقصوا معاها
مر الليل عليهم وهما سعدا ومبسوطين ان خلاص ده اخر يوم ليهم وهما بعيد عن بعض
فضلوا سهرانين لحد الصبح عالبحر مش عاوزين يسيبوا بعض لحظه
حمزة :حبيبتي عاوزك ترتاحي شويه بكرة اليوم طويل
ياسمين :أنا فعلا مش قادرة خلاص على اخري
حمزة :انا مش مصدق ان من بكرة حنكون مع بعض خلاص
يمر الليل على الجميع والكل فرحان ومبسوط وسعيد وتطلع الشمس بدفئها ونورها بتفرحهم ان خلاص يوم سعادتهم جه والفرح بفى من نصيبهم
كانت ريم وميرا ومعاهم الشباب بيجهزوا الكوشه وبيحضروا فيديو مخصوص جامع كل صور حمزة وياسمين عشان يعرضوه على شاشة العرض
الشط كله كان متحوط بالورد وجهزوا طربيزة كبيرة جميله عليها بوكيهات ورد عشان كتب الكتاب
واللي طلبت ياسمين انها تكون ادام الميه
المكان كله بهجه وفرحه لدرجة ان في كتير من الناس كانوا بيتفرجوا وعاحبهم اوي الفرح اللي هما ميعرفوش مين أصحابه
ريم :ميرا مينفعش كده ممكن تقعدي شويه
ميرا :انا كويسه والله مش تعبانه
ريم :حبيبتي انتي لسه فشهورك الأولى والوقفه غلط وانتي واقفه على رجلك من الصبح بصي احنا كده أصلا خلاص قربنا نخلص اقعدي انتي بقى
خالد :مش محتاجبن مساعده
ميرا :خالد اقف مع ريم شويه مكاني
خالد :هو ده الكلام
ريم :حقولك تعمل ايه بس تشتغل من سكات مفيش وقت
خالد :ياربي وانا عملت حاجه دلوقتى ده انا غلبان
ريم :ماشي ياسيدي طب تعالى اقولك تعمل إيه
كانت الميكب ارتيست شغاله مع ياسمين وهي كانت متوترة جداً
خلود وهي قاعده بترضع كارما:ياسمين مالك ياحبيبتي
ياسمين :حسه اني متوتره اوي مش عارفه ليه
سحر :يعني بزمتك مش عارفه ليه
خلود :معلش يااختي هو بس في الاول بيبقى كده
سيلا:ياسمين
ياسمين :أيوة حبيبتي
سيلا :انتي حلوة أوي
ياسمين :حبيبة قلبي انتي اللي قمر
عند حمزة
حازم:ايوة بقى إيه الجمال ده كله
حمزة :البدله مظبوطه علية
حازم:دي مرسومه عليك يابني
حسين :مالك حسك قلقان
حمزة :متوتر أوي
حازم:متوتر ده ايه يخرببيتك لا ده احنا عاوزين ضرب نار الليلادي عاوزك ترفع راسنا عاوزك أسد اه ده احنا صعايده دي تطير فيها رجاب ياولد
حسين :اسمع كلام اخوك الكبير ياحسنين
حازم:ليه يابوي
حسين :عشان اخوك الكبير ياولدي
حمزة :ياحلاوتكم وانتم بتقسموا علية
كانت صفاء قاعده مع فاطمه وبتعيط
فاطمه :طب وليه الدموع دي بس ياحبيبتي مانتي معانا ياام ياسمين وحتفضل فحضنك
صفاء :انا صعبان علية اوي تبقى ياسمين بتتجوز واخوها الوحيد مش معاها ليه كده بس ياربي
فاطمه:متزعليش ياحبيبتي احنا كلنا معاها وكلهم أخواتها وهو ربنا يهديه ويرجعه عن الطريق اللي ماشي فيه
صفاء :دي سكة اللي يروح ميرجعش يااختي مكنتش اتمنى يحصلله كده أبدا
فاطمه :مفيش حاجه بعيد عن ربنا المهم دلوقتي انا عاوزاكي تفرحي بنتك بتتجوز وبكرة تشيلي ولادها وتفرحي بيهم
صفاء :أنا مش طمعانه فاكتر من كده ربنا يفرحها يارب امانه عليكي تاخدي بالك منها لو حصللي حاجه
فاطمه :الف بعد الشر عنك أن شاء الله تفرحي بيها وبولادها
البنات يلبسوا ويجهزوا والشباب على اتم الاستعداد لاستقبالهم
كل واحد متلهف يشوف حبيبته وهي في أبهى حلتها
💓أنت بالنسبه لي لست شخص وإنما وطن لا أريد الانتماء الا إليه💓
كم حلمت وتمنيت أن يجمعني القدر بك ويسعد بنعيم القرب منك
فأنت وحدك بهذا الكون ومافيه به اكتفي من الدنيا ولا احتاج لغيرك بديل 💓
حمزة وهو مبهور بيها بعد مابقت على أتم الاستعداد انتي جميله لدرجة اني بحس ان انفاسي بتروح مني وانا ببصلك
ياسمين :ليك انت مش لحد تاني ياحمزة
يتحركوا تجاه الشط
يفتح لهم الأطفال الصغار الباب الخشبي الجميل المزين بالورود
يمروا عليهم والكل بيصقف لهم والزغاريد بتعلو المكان
وتعلو أصوات الأغاني لترحب بهم
ياليالى الف ليله وليله الليلادى احلى فرحه واحلى ليله
ياليالى الف ليله وليله الليلادى احلى فرحه واحلى ليله
اه يااحلى عروسه من العين محروسه
اه يااحلى عروسه من العين محروسه
لبسه الفستان والطرحه وعليهم تاج الفرحه
لبسه الفستان والطرحه وعليهم تاج الفرحه
وقلوبنا شموع حواليها
ياليالى الف ليله وليله الليلادى احلى فرحه واحلى ليله
ياليالى الف ليله وليله والليلادى احلى فرحه واحلى ليله
اه يااحلى عروسه ه من العين محروسه
اه يااحلى عروسه ه من العين محروسه
سيد العرسان ياعرسنا د معاك الفرح انسنا
سيد العرسان ياعريسنا د معاك الفرح انسنا
ياليالى الف ليله وليله الليلادى واحلى فرحه واحلى ليله
ياليالى الف ليله وليله الليلادى احلى فرحه واحلى ليله
اه يااحلى عروسه من العين محروسه
اه يااحلى عروسه من العين محروسه
يستعد المأذون لكتب كتابهم
يقعد سعيد واللي طلبت منه ياسمين أنه يكون وكيلها ويقعد ادامه محمد وبينهم المأذون ويبدأ في كتب كتابهم
واللي بينتهي ببارك الله لكما وبارك عليكم وجمع بينكما في خير
يحضنها سعيد ويدعيلها بالفرحه من قلبه
الكل يباركلهم ويحضنهم والشباب يشيلوا حمزة ويقعوا ينططوه فالهوا
والبنات كلهم يباركوا لياسمين ويفرحولها
وتبدأ الحفله بالرقص والاغاني الجميله اللي هزت الشط وخلت البحر نفسه فرحان وسعيد لفرحهم
خالد :مبسوطه ياريم
ريم :الحمد لله
خالد :ريم احنا بقالنا شهر مخطوبين وكل حاجه جاهزة مش كفايه كده بقى نفسي يجمعنا انا وانتي والولاد بيت واحد
ريم :كلم أكمل واتفق معاه
خالد :بجد يعني خلاص موافقه نكتب كتابنا ونتجوز
ريم:أيوة
يقوم خالد على أكمل ويطلب منه يحدد معاد كتب الكتاب ويتفقوا بعد اسبوعين بعد مايكون حمزةرجع من شهر العسل
حازم :ينفع كده بردو انا عاوز اتجوز ياناس
والده:هههههههه طب ياللا فرحونا بيكم
ابتسام :ايوة ياللا نفسي اشيل ولادك ياحبيبي
حازم :ايه رأيك بقى حماكي وحماتك عاوزين يفرحوا بينا
والشقه جاهزة وكله تمام
صوفيا :ماشي
حازم :بصي الواد حمزة يرجع من شهر العسل ونتجوز تمام
صوفيا :تمام
سامي :القمر المنور بتاعي ياناس
جميله:عجبتك
سامي :انتي عجباني علطول يامراتي عقبالنا يارب
يحي :إيه الجمال والطعامه دي عارفه نفسي فايه دلوقتى
سحر :ايه
يحي :اكتب كتابي واخدك ونروح نقضي شهر العسل احنا كمان
سحر :وامتحاناتي اعمل فيها ايه
يحي :امممم لا طبعا مستقبلك يهمني اصبر وامري لله
الفرح حلو وخصوصا لما كل الموجود يكونوا بيحبوا بعض
💙طب مش معقوله يعني يبقوا عندي فاسكندريه ومحضرش فرحهم حقوم البس واروح اباركلهم وارجع أكمل الحلقه
الله يابنات دي ولا كأنها حلقات ألف ليله وليله لا دي ريم وميرا طلعوا شاطرين بجد ابقى اجيبهم ففرح ولادي ان شاء الله
خلود :لوووولي
حسين :ارحمينا شويه بزغاريتك دي روحي شوفي كارما اللي انتي رامياها من الصبح
خلود :امال انا كنت برضع مين من شويه
ايه ده بص ياحسين شوف مين جت
حسين :مش دي عبير
خلود :أيوة هي بعينها
بيرو يابيرو
💙خوخه حبيبتي ألف مبروك لياسمين
خلود :الله يبارك فيكي يارب ودايما مجمعانا فالفرح تعالي سلمي عليهم حيفرحوا اوي
ياسمين :عبير حبيبتي وحشتيني انا متشكرة اوي ياعبير مش مصدقه نفسي اني خلاص اتجوزت حمزة
💙ألف مبروك يا حبيبتي ربنا يسعدكم ويفرحكم يارب
حمزة :بيرو نورتينا
💙اي خدمه يامعلم ياللا افرح بحبيبة القلب والف مبروك
وعلى فكرة كل الفانز بيباركلكم وبيقولولكم الف مبروك
حمزة وياسمين :سلميلنا عليهم اوي الله يبارك فيكم ياحبايبي وعقبالكم كلكم معلش تعبناكم معانا
💙تعبكم راحه المهم اتجدعنوا عاوزة اشوف انتاجكم انتوا كمان
يااختي مين القمر دي
خلود :معقوله مش عارفاها دي الملونه بتاعتنا
💙والله ماكنت اعرف انها حلوة كده
صوفيا :ده من زوقك والله يابيرو وعقبال ماتحضري فرحي انا وحازم
💙ان شاء الله يا قلبي والف مبروك مرة تانيه
حمزة :طب استني لسه مقطعناش التورته
💙لا قطعوها انتوا على ماالحق انا اكمل الحلقه والف مبروك يا حبايبي
تفضل الحفله لحد الفجر والكل فرحان ومبسوط وسعيد وبيرقص صغيرين وكبار
لحد ماالليله تخلص وياخد حمزة ياسمين عشان يباتوا فالفندق والصبح يطلعوا على شهر العسل
يدخلوا الجناح المخصص ليهم وهو شايلها على ايديه
ينزلها فتتفاجئ بالسرير المفروش كله بالورود
حمزة :ياااه ياياسمين يااااه يابنت عمري يا حبيبة قلبي اخيرا حلم عمري اتحقق واتجوزنا انا مش قادر أصدق
ياسمين :بس انا عمري ماشكيت لو للحظه واحده اني مش حعيش اللحظه دي معاك كنت متاكده اننا حنكون لبعض مهما طال الزمن
حمزة:وانا مهما طال الزمن اوعدك انك حتكوني اسعد واحده في الدنيا
ياسمين :طول مانت معايا لازم اكون اسعد واحده فالعالم كله
يلتقط شفتيها في قبله عميقه تدوم لبعض الوقت يبث فيها من حبه وغرامه مايفيض الكون بالحب ذاك الحب
الذي يشبه الموج الجارف الذي يطيح بكل ما أمامه
يغيبان عن العالم وكأن ليس به سواهما
يفيقان من تلك القبله
وهما يلهثان وكانما كانا بصحراء عطشى يريدان الارتواء من ذاك الحب الذي اسر
قلوبهم ونزفت من أجله قلوبهم
يحملها ثانية لذاك الفراش الذي سيشهد على امتلاكه لها ووضع صك ملكيته عليها
ليكن لها عبدا وتكن له امة لا بل يكن لها ملكا وتكن اميرة الأكوان
دنيا جميله تجمعهم يعيشون بها احلى الليالي
انه الحب ياسادة من له السلطه على قلوبنا والتحكم فيها كيفما يشاء
يارب الحلقه تكون عجبتكم ونالت رضاكم استنونا مع الحلقه الاخيره من قلوب احتلها العشق
قلوب يملؤها العشق
قلوب أسيرة العشق
قلوب تفيض بالعشق
فليس هناك مجال مرة ثانيه للاحزان فكفانا احزان نزفت من
اجلها القلوب وليكن كل ماسياتي افراح فقط ليس غير.