الفصل الثامن والثلاثون من رواية
قلوب تنزف عشقاً
بقلمي :عبير سليم
❤️❤️❤️❤️❤️❤️❤️❤️
يجلس معه في مكتبه بالجامعه يحتسي فنجان القهوة ولا يدري من أين يبدأ الكلام
أكمل :إيه ياخالد مالك شكلك قلقان مضطرب في إيه يا بني
خالد :لا أصل الصراحه يعني مش عارف ابدا ازاي
أكمل :معقوله حضرة الظابط مش عارف يبدأ الكلام منين
خالد:طيب بص انا حقولك
ساب فنجان القهوة اللي بقاله ساعه بيشرب فيه وحطه على الصينيه اللي قدامه واخد نفس عميق
انا بحب أختك ريم وجاي اتقدمها للجواز
أكمل :هههههههه
خالد :بتضحك ليه هو انا قلت حاجه غلط
أكمل :لا طبعاً بس انا بضحك عشان انا كنت مراهن نفسي انك جاي عشان الموضوع ده
خالد :هو انت كنت عارف انا جاي ليه
أكمل :عيب عليك ياخالد هو انا صغير انا لفيت وشفت اللي محدش شافه فى الدنيا واللي انا متأكد منه كويس اني شفت حبك لأختي واضح فعيونك وضوح الشمس شفته فعيد ميلاد سيلا شفته فمكالماتك لاياد المستمرة شفته لما جيت عندنا انت وحمزة
اوعى تكون فاكر اني مسبتكمش بمزاجي تدخلوا المطبخ وتعملوا الاكل سوا انا لولا اني عارف ومتأكد من مشاعرك ناحيتها ومدرك لده كويس ماكنتش سمحتلك باكتر من انك تقعد مكانك عالكرسي لكن انا حبيت اديكم مجال للكلام سوا وتبقوا على حريتكم وطبعا إياد كان معاكم عشان يبقى محرم
خالد :لا مش معقول انا مجاش فبالي لحظه انك ممكن تكون حاسس باللي انا حاسس بيه
أكمل :اللي بيحب لازم يحس بكل الحب اللي حواليه. أنا كنت متاكد انك بتحب اختي ياخالد وعشان كده لما اتصلت بية وطلبت انك تقابلني وجيتلي هنا علطول كنت متأكد انك جاي عشان تطلب ايدها
خالد :يعني انت موافق علية يادكتور اكمل
أكمل :والله اذا كان علية انا معنديش اي مشكله نهائي بالعكس ده شئ يفرحني جدا انا نفسي اطمن عليها وخصوصاً مع حد كويس زيك ياخالد
خالد :والله انا كلامك ده فرحني جدا وثقتك فية شرف على راسي يادكتور
أكمل :انا مرتاحلك من أول مرة شفتك فيها واحساسي قاللي انك انسان كويس وانا عمر احساسي ماخيب ابدا
بس المشكله دلوقتى فريم نفسها ياخالد
خالد :أيوة انا عارف
أكمل :اعذرها ياخالد هي كانت بتحبه اوي ولسه بتحبه لحد دلوقتي
خالد :واخلاصها ليه بالشكل ده هو اللي محببني فيها اكتر دكتور أكمل اناكنت لاغي فكرة الارتباط دي من تفكيري من سنين وقفلت نفسي وحياتي عالشغل وبس
لكن ريم قدرت تخليني أحبها واتعلق بيها من غير ماتقصد كنت بحس مشاعري تجاهها بتقوللي خليك معاها هي محتاجالك متسيبهاش ومش بس هي لوحدها أنا حبيت الولاد جدا واتعلقت بيهم انا بقيت بحس إياد ابني وحبيبي وصاحبي وجنه بحسها بنتي بالظبط
أكمل :يعني انت حتتقبل وجود الولاد فحياتك
خالد :ياخبر دول حبايب قلبي وحيبقوا روحي وحياتي وأيامي الجايه كلها ربنا يقدرني واكبر اياد واحققله حلمه انه يكون ظابط وجنه حكونلها الأب والسند والحمايه
وحتى لو حصلت المعجزة ولو أراد اني اجيب طفل عمر ده ماحياثر على حبب ليهم
أكمل :متعرفش كلامك ده ريحني ازاي انا حتكلم معاها وربنا يكتب اللي فيه الخير
خالد :دكتور أكمل انا مش مستعجل نهائي خليها تاخد راحتها في التفكير وانا مستنيها وحفضل مستنيها العمر كله ولو ريم مكنتش لية انا مش حكون لحد تاني
أكمل :ياااه ياخالد للدرجه دي بتحبها
خالد :اوي لدرجه متتخيلهاش نفسي اعوضها عن كل حاجه نفسي ارسم على وشها الضحكه والابتسامه اللي حارمه نفسها منها نفسي أخليها تحب الحياة من تاني
أكمل :وانا اوعدك اني ححاول اقنعها على اد مااقدر وربنا يقدرني يارب
❤️انت عاوز تقنعني بإيه يااكمل ايه اللي انت بتقوله ده وهو إزاي أصلا يسمح لنفسه أنه يطلب حاجه زي دي
بس انا اللي غلطانه اني سمحت لنفسي وسمحتله اننا نتكلم مع بعض
أكمل :ريم في إيه مالك إيه اللي حصلك من امتى وانتي بتعلي صوتك علية
ومن امتى وانتي بتتكلمي عن حد بالطريقه دي وهو ميسمحش لنفسه انه يتقدملك ليه أن شاء الله على اساس انك بنت البشوات وهو ابن البواب متتكلمي عدل
ميرا :أكمل هدي نفسك ياحبيبي مش كده ريم متقصدش يااكمل
ريم :انا اسفه والله يااكمل انا فعلا مقصدش والله لكن اللي انت بتقوله ده مستحيل مستحيل
أكمل :انتي حرة ياستي دي حياتك وانتي حرة فيها لكن ياريت الكلام يبقى بطريقه احسن من كده عمل إيه الراجل جالي بكل ادب واحترام وطلبك للجواز راجل محترم دخل البيت من بابه عاوز يكونلك ضهر وسند عاوز يربي معاكي الولاد ويكونلهم اب
ريم :لاء ولادي أبوهم مات ومحدش حيعوضهم غيابه غيري واذا كنا بقينا حمل عليك يااكمل وعاوز تخلص من الحمل ده انا من بكرة حاخد ولادي وارجع شقة بابا
أكمل :انتوا بقيتوا حمل علية ياريم الله يسامحك ده انا اشيلكم فعنيه العمر كله ولو مفيش غير لقمه اديهالكم قبل ماافكر فنفسي
ريم :أكمل انا
أكمل :خلاص ياريم خلاص خلص الكلام انا حتصل بالراجل واعتذرله عن اذنكم
ريم :يااكمل ارجوك متزعلش مني انا مقصدش والله حقك علية يااخويا انا آسفه
يدخل أكمل اوضته وتقعد ريم تعيط وميرا تقعد جمبها عشان تهديها :ريم اهدي ياحبيبتي مينفعش كده دي مش طريقه للتفاهم وانتي عارفه اخوكي ياريم بيحبك اكتر من روحه وعمره ماحيفرض عليكي حاجه انتي مش عاوزاها
ريم :انا عارفه والله ياميرا اكمل ده مش اخويا ده كل مالية وانا زعلانه من نفسي عشان زعلته
ميرا :لا ياروحي هو مش زعلان منك هو زعلان عشانك
وزعلان من الطريقة اللي اتكلمتي بيها عن خالد لأن ببساطه لو هو مكنش متأكد منه كويس مكنش فتح معاكي الموضوع من أساسه
ريم :انا مقصدتش اني اتكلم عنه بالطريقه دي والله وانا كمان متاكده من أخلاقه وربنا العالم اني ارتحتله جدا واخدت معاه راحتي في الكلام وحسيت معاه بالراحه لكن مش لدرجة اني اتجوزه ياميرا
ميرا :وليه لاء ياريم
ريم :انتي اللي بتسأليني ياميرا مع انك المفروض تكوني عارفه الإجابه من غير ماتسالي
ميرا :الحي ابقى من الميت ياحبيبتي
ريم :عمره مامات بالنسبه لي حيفضل عايش فقلبي العمر كله
ميار :مش بكده ياريم انتي لو عاوزاه يفضل فقلبك تربيله ولاده كويس وتحافظي على أمانته لكن الدين بيقول ان الست لو جوزها مات تتجوز انتي لسه صغيرة ياحبيبتي ومن حقك تعيشي وتعيشي ولادك معاكي وخالد بيحبك وحيقدر ينسيكي الاحزان ويرسم الابتسامه على وشك
وبيحب ولادك وولادك بيحبوه الولاد محتاجين اب فحياتهم أكمل بيحبهم وعمره ماحيقصر فحقهم لكن خالد حيكون عوض ليكي وليهم ياريم
ريم صللي استخارة وفكري مرة واتنين وعشرة خالد قال لاكمل انه حيستناكي العمر كله
ريم :وليه يعمل فنفسه كده
ميرا :بيحبك ياريم بيحبك ياحبيبتي
تدخل ريم شقتها وعقلها فيه مليون حاجه تلاقي إياد قاعد بيعيط
تجري عليه وهي مخضوضه
حبيبي مالك يااياد بتعيط ليه
إياد :انا سمعت الكلام اللي قلتوه عند بابا
ميرا :سمعت
إياد :ايوة كنت بلعب وسمعتكم
ريم :حبيبي وانت بتعيط ليه متقلقش يااياد انا مش حتجوز حد ياحبيبي متخافش
إياد :ليه ياماما ليه مش موافقه انا بحب خالد اوي وعاوزه معانا علطول ليه مش عاوزه تخليه يعيش معانا
ريم :إياد انت بتقول ايه انا فاكراك بتعيط عشان خايف اتجوزه
إياد :لاء انا بعيط عشان انتي رفضتي تتجوزيه
ريم :وانت عاوزني اتجوزه ليه ياحبيبي واتجوزه ازاي وانا متجوزه باباك
إياد :بابا مات ياماما لكن عمو خالد عايش وانا وجنه بنحبه وهو كمان بيحبنا أوي وعاوز يعيش معانا ماما انا مشفتكيش بتضحكي غير لما هو كان هنا ماما عشان خاطرنا احنا محتاجينه انا عاوزه ياماما عاوز خالد ياماما
تحتضنه ريم وهي تبكي بشده على حالها وحال أولادها الذين حرموا من نعمة وجود اب في حياتهم يكن لهم الاهل والطمأنينه والسكن
تدعو الله يارب خرلي واختارلي يارب العالمين.
❤️❤️❤️❤️❤️❤️❤️❤️
أيام بتمر على الكل مبتستناش حد لازم تعدي وتمشي
تعالوا كده نروح لكل واحد ونشوفه عامل ايه فحياته
سميرة مبسوطه مع سعد لأنهم بيحبوا بعض ايوة ماهي بتحبه زي ماهو بيحبها بس كانت بتكابر لكن دلوقتى بقت بتموت فيه
وسحر ويحي مبسوطين وفرحانين جدا وكل يوم يشتريلها شيكولاته من اللي هيا بتحبها
وسامي وجميلة الجميلات بيدوروا على شقه صغيرة على ادهم وطبعا سعيد كل مايشوفها يقوللها سهير ومش راضي يقوا جميله دي خالص
ولسه زعلان ان يحي وجميله مش بحرف السين
ميرا وأكمل عايشين أجمل ايام حياتهم ووقتهم ما بين الشغل والبيت وبيخرجوا يروحوا عن نفسهم من وقت للتاني
وريم لسه بتفكر فكلام الكل ليها اكمل ونورا وميرا واياد بس قلبها مش قادر يقتنع انها توافق
حسين سافر خلص كل أوراقه وشغله وخد حقوقه كلها وسلم على شهاب ويارا ورجع مصر بشكل نهائي
واشتروا شقه جديده جميله فمنطقه راقيه وبالتحديد جنب البيت اللي اشتراه حمزة عشان يكونوا جمب بعض وام حسين كريمه طبعا معاهم والعلاقة بينها وبين خلود علاقة ام ببنتها بيحبوا بعض جدا وخلود بتخدمها برموش عينيها وطبعا حمزة الصغير عامل جو من المرح والسعاده
خلود بقت على وش ولاده وحسين اشتغل مع حمزة وحازم في الشركه
جابر صحته اتحسنت بشكل كبير وافتكر كل حاجه لكن المشكله في الحركه كان بيتحرك بصعوبه جدا ومعظم الوقت كان مقضيه على الكرسي المتحرك
وبيستعد عشان ينزل الشركه وحمزة طبعا لسه عايش معاهم ومتنقلش للعيشه في البيت مع اهله مش قادر يسيبه هو وسيلا لوحدهم
وسيلا طول الوقت بتلعب جمبه وفرحته بيها مكنش ليها حدود وخصوصا انها بقت صورة طبق الأصل من مامتها
والحلوين بتوعنا لسه مفيش جديد سايبها براحتها وهي على اد ماهي بعيده عنه على اد ما وحشها أوي ونفسها تشوفه وحتموت عليه
ودلوقتى هو مع أهله بس هنا فالقاهرة أيوة ماهو اصله اشترى بيت كذا دور فكل دور شقه كبيرة ومحاوطه حديقه جميله وجاب أهله واخته وجوزها من الصعيد عشان يستقروا معاه في القاهرة وطبعا قدر بصعوبه يقنع يونس انه يشتغل معاهم في الشركه ويستقر في القاهرة عشان منى متكونش بعيده عنهم
فاطمه:بسم الله ماشاء الله البيت حلو اوي يابني
حمزة :ده حلو عشان انتوا نورتوه ياأمي
محمد :بس انا وامك حنعمل إيه بالشقة دي كلها يابني كنا قعدنا احنا واختك فشقه مع بعض وخلاص
حمزة :لا ياحاج كل واحد حيقعد فشقته على راحته انت وماما فالدور الأول عشان كلنا نطلع وننزل عليكم
والأرضي حيكون فيه البواب عشان يجيبلكم كل طلباتكم
ومنى وجوزها في الدور التاني
والدور التالت حيكون لية ان شاء الله
فاطمه :تفرح وتتهنى ياحبيبي يارب
حمزة :نورت القاهرة يا يونس
يونس :منورة بأهلها ياحمزة لكن انا مش حجدر ابعد عن الحاج والحاجه كتير
حمزة :كل ماتحب تسافر الصعيد العربيه تحت امرك وهما يجوا ينورونا ويشرفونا فأي وقت البيت بيتهم
يونس:تسلم يابن الأصول
يحمل حمزة الصغيرة :ياحبيبةقلب خالك نورتينا ياست البنات وعقبال ماتيجي ياسمين الكبيرة وتنوره هي كمان
❤️❤️❤️❤️❤️❤️❤️❤️❤️
قاعدين فمركب في النيل بيمد ايده وياخد مياه ويشربها بايديه
حبهم لبعض كل يوم بيكبر اكتر من اليوم اللي قبله مبقوش قادرين يبعدوا عن بعض لحظه واحده معظم وقتهم سوا
وهي ضحكتها مالية المكان
حازم :لاء بصي بقى انا بغير مينفعش كده
صوفيا :تغير من ايه ياحازم هو في حد غيرنا
حازم :أيوة طبعا في سمك يسمعك وانتي بتضحكي
صوفيا :ههههههه مجنون وربنا
حازم :مجنون بحبك ياصوفيا
صوفيا :حازم
حازم:اعمل ايه بس ماهو جمالك ينطق الحجر
صوفيا :انت بتحبني عشان جمالي بس
حازم:صوفيا انا منكرش ان اول حاجه شدتني فيكي عينيكي وجمالك وضحكتك اللي تهت فيها لكن صدقيني لو مكنتش قربت منك وعرفتك مكنش قلبي مال ليكي ابدا لأن الروح أجمل بكتير من الشكل صوفيا انا بحبك بكل اشكالك وحركاتك وتكاتك وبابا غنوجك وسلطاتك عاوزة ايه تاني
صوفيا :هههههههه هههههههه
حمزة :لاء بصي انا والله ماحقدر على كده حرام عليكي انتي معندكيش اخوات صغيرين
بحبك ياصوفيا بحبك ياأجمل صوفيا في الدنيا كلها
تبص صوفيا للمياه وتنكسف فيرفع وشها بايده:طب لحد امتى حتخبي مشاعرك عني لحد امتى حتفضلي مستكترة علية اسمع كلمة بحبك منك
صوفيا :مانت عارف ياحازم
حازم :لاء أنا عاوز اسمعها منك بصي لو مقلتيهاش انا حرمي نفسي في النيل دلوقتي
صوفيا :حتعمل ايه يا مجنون انزل الله يخليك
حازم :حتعملى إيه يعني لو رميت نفسي فالنيل
صوفيا:حرمي نفسي وراك
حازم :طب قوليها والا بصي
صوفيا :خلاص انزل وحياتي
حازم :لما تنطقيها الأول
صوفيا :بحبك ياحازم
حازم :يادين النبي محمد وراح رامي نفسه فالنيل راحت راميه نفسها وراه حضنها في المياه وقعدوا يضحكوا
(واناكمان وربنا عاوزه ارمي نفسي في المياه بس مفيش حد حيرمي نفسه ورايا هو حيقول الحمد ريحتنا ههههههههه)
صوفيا :بحبك اوي يا حازم انت بقيت كل حياتي ودنيتي بقيت اهلي وصحابي وناسي كلهم معاك ببقى مش محتاجه ولا عاوزة حد تاني انت كل الناس ياحازم
حازم :وانتي حبيبتي وقلبي وصحابي واهلي وناسي انتي عمري اللي راح والباقي اللي جاي
بقولك ايه بقى انا جبت أخري عاوز اتجوزك خلاص مش قادر على بعدك اكتر من كده احنا لفينا كل الكافيهات والمراكب ناقص نطلع على مركبه فضائيه
صوفيا :كلم اونكل جابر
حازم :حروحله دلوقتى
صوفيا :خليها في الحفله هي كمان يومين وتبقى مناسبه حلوه
حازم :دي حتبقى احلى مناسبه فحياتي كلها
عارفه ياحبيبتى نفسي فايه
صوفيا :إيه
حازم:تبقى حياتنا كلها حب فحب نفسي اسعدك واخليكي اسعد واحده فالدنيا كلها نفسي اجيب منك ولاد كتير اوي ويبقوا كلهم شبهك وعيونهم حلوه زي عيونك
صوفيا :ان شاء الله حنعيش احلى حياة مع بعض وربنا حيحققلنا كل احلامنا
❤️❤️❤️❤️❤️❤️❤️❤️❤️
قاعد في الحديقه بيفتكر ذكرياته الجميله مع اللي فارقت دنياه بس حتفضل في القلب عايشه
وعينيه على بنوته القمر اللي ردت فيه الروح وعوضته عن غياب حبيبته
تيجي الداده وتقعد عالكرسي اللي جمبه:اتفضل اشرب كوباية الليمون دي يابني
جابر :تعبتي نفسك ياداده
الداده :تعبك راحه يابني
جابر :مالك يا داده حاسك عاوزك تقولي حاجه
الداده :حمزة مش عاجبني حاله قلبي واجعني أوي عليه
جابر :داده اتصليلي بياسمين عاوز اكلمها
تفتح ياسمين الخط:داده ازيك عامله إيه
جابر :انا جابر ياياسمين مش الداده
بعد مرور بعض الوقت تدخل الفيلا تقابل خالد وتسلم عليه :مفيش اخبار ياخالد
خالد :ابدا ياياسمين تعرفي كل ماتليفوني يرن أقول هما الاقيهم لاء
ياسمين :بس أكمل قالك انها لسه تايهه ومش قادرة تاخد قرار طب محاولتش تتكلم معاها هيا وانت أكيد حتقدر تقنعها
خالد :طلبت والله ياياسمين بس هي رافضه
عارفه اللي واجع قلبي أوي ان أكمل قاللي ان إياد نفسه موافق وعاوزني اتجوز مامته
ياحبيبي يااياد متتصوريش بحبه ازاي ياياسمين حاسس ان لو ربنا حققلي حلمي حيكون عوض ربنا لية
ياسمين :أحسن الظن بالله ياخالد وادعي ربنا وان شاء الله ربنا حيجمعكم ببعض
خالد :يارب ياياسمين يارب وانتي ياياسمين مجاش الوقت اللي انتي كمان تسامحي فيه حمزة تعبان اوي ياياسمين وافتكر انك تعبانه اكتر منه
ياسمين :لو هو من غيري تعبان انا من غيره بموت ياخالد حمزة نفس خرج مني ولو مرجعليش حتكون نهايتي
خالد :نصيحه من اخوكي متستنيش اكتر من كده ياياسمين
ياسمين :حاضر يا خالد ربنا يريح قلبك يا رب
تتحرك ناحيتهم وتسلم عليهم وتحتضن سيلا وتجلس أمامهم في الحديقه وهي على علم بما جاءت من أجله
معلش جيبتك لحد عندي كان نفسي اروحلك بنفسي والله بس زي مانتي شايفه انابتحرك عالكرسي والمشي بيكون بصعوبه جدا
ياسمين :حضرتك بتقول ايه لاطبعا مفيش مشكله خالص اصلا المفروض كنت جيت سلمت على حضرتك بس..........
وسيلا كانت وحشاني اوي ونفسي اشوفها
جابر :سيلا بس اللي وحشتك ياياسمين
ياسمين :....................
جابر :بس تعرفي انك في الحقيقة أحلى من الصور بكتير ايوة متستغربيش مانا شفت صورك كتير مع حمزة ماهو مكنش بيسيب صورتك من ايده لحظه
ياسمين :عشان يفكر ينتقم مني ازاي مش كده
جابر :ياسمين انا جايبك هنا عشان اقولك كلمتين
انا وداده وسيلا الله يرحمها عشنا مع حمزة كل اللي مر بيه من وقت مافاق وأول اسم نطقه على لسانه اللي هو كان اسمك انتي قبل حتى ماينطق اسم والده ووالدته
كنتي انتي اللي شاغله باله وفكره عشت معاه لحظة ماعرف بجوازك وشافك وانتي فايد عريسك ياسمين انا نفسي لما شفت الصور الفيديو صدقت وماتقوليش هو لاء هو ليه اللي قدامه واللي شافه بعنيه
احنا عشنا معاه الآلام اللي مرت بيه لحظه بلحظه ومهما قلنالك ووصفنالك العذاب اللي اتعذبه فبعدك عنه مش حتقدري تتخيليه
الداده :ايوة والله ياياسمين دي كانت حالته صعبه جدا كان مقطع قلوبنا عليه كان بيعيط ليل نهار زي العيال الصغيرة
مكنتش بشوفه بيضحك غير لما يشيل سيلا ويلعب معاها
جابر :ياسمين انا حبيبتي راحت مني فغمضة عين كانت معايا بين ايديا كانت لسه بتطلب مني اقولها بحبك وفلحظه مبقتش معايا
ياسمين انا عشت فغيبوبه سنين وسنين عشان مقدرتش اتحمل فكرة انها متكونش موجوده فحياتي انتي بقى مستكترة عليه انه يزعل منك شويه
لكن لاحب ولا فكر حتى يرتبط بغيرك ايه ياشيخه ده مش كفايه عشان يشفعله عندك
واللا انتي حبيتي الموضوع وجه على هواكي وفاكرة انك كل ماحتعذبيه كل ماحينهار اكتر لا خللي بالك كل شئ وليه اخر
وخللي بالك لا السحر يتقلب على الساحر
وبعدين ده اللي عرفته انه جابك هنا قدام عينيه عشان تفضلي قدامه وافتكر انك قعدتي بمزاجك والا كنتي ممكن ترفضي الشغل هنا وتمشي سهله اهيه بسيطه تقدري تقوليلي بقى قبلتي تكملي ليه
ياسمين :انتو ليه كلكم جايين علية بالشكل ده مع انكم كلكم عارفين اللي حصللي واللي مريت بيه
انا والله ماقعدت عشان اضغط عليه ولا عشان اعيش دور الضحيه والمجني عليها زي ماخلود وميرا وحضرتك بتقولوا ابدا والله ولا كان عمري يجي فبالي اني ممكن اعذب اللي قلبي محبش غيره انا مقدرتش يكون قدامي وابعد نفسي عنه مقدرتش احرم نفسي من وجوده قدام عيوني ده اليوم اللي مكنتش بشوفه فيه كان بيبقى اتعس يوم فحياتي
حضرتك متعرفش اول مره شفته بعد سنين فاتت ومرت كان احساسي إيه انا فلحظه نسيت كل الاحزان والمشاكل اللي مريت بيها فحياتي حمزة حب عمري
جابر:لسه بتحبيه زي الأول
ياسمين :واكتر وبصراحه لما عرفت انه متجوزش انا كنت فاكرة ان سيلا بنته وانه عاش حياته واتجوز لكن لما عرفت انه متجوزش قلبي الدنيا مش سايعاه من الفرحه
جابر :حتستحملي فكرة انه يسافر او يبعد او يحصله حاجه
ياسمين بلهفه:بعد الشر عنه ده انا افديه بروحي بعمري كله
جابر بابتسامه :يبقى تجهزي نفسك عشان تحضري الحفله بعد بكرة عاوز اشوفك اجمل واحده في الحفله كلها
ياسمين :حفله حفلة ايه
😂😂حفله عاملها حمزة لجابر بمناسبة انه قام بالسلامه وعازم فيها كل موظفين الشركه وطبعا احنا منهم أكيد
خلود :اتكلم عن نفسك ياحبيبي بس
حسين :يعني أفهم من كلامك انك مش عاوزة تروحي معايا الحفله
خلود :لاء طبعاً أروح فين انا اصلآ مش طايقه أشوفه
حسين :خلود بلاش هبل بقى ونعقل كده
خلود :انا هبله ياحسين
حسين :أيوة ياخلود هبله عيب عليكي ياام حمزة بقى حمزة يهون عليكي بردو وانتي طول عمرك بتقولي حمزة ده اخويا
خلود :والله لو هو عاوزني أروح كان كلمني بنفسه عزمني
حسين :طب وربنا كان عاوز يكلمك بس هو خايف منك قاللي خلود لو شفتني حتولع فية لكن هو نفسه تروحي الحفله
خلود :لا بقى مش حروح ياحسين ال حفله ال هو ده اللي كان ناقص
حسين :خوخه ياحبيبتي انتي حتروحي وتقنعي ياسمين انها كمان تروح معانا
خلود :لا دي كده هبت منك عالاخر يعني عاوزني اروح واخد ياسمين طب وايه رأيك بقى ناخد خالتي بالمرة
حسين:انتي بتقولي فيها وخالتك كمان
خلود :حسين بقولك ايه انا اصلا على اخري سيبني فحالي والا وربي حولد فوشك
حسين:يعني هو ده اخر كلام عندك
خلود :ايوة ياحسين قلت مش رايحه يعني مش رايحه
😂مش عارفه والله حروح واللا لاء ياخلود هو جابر عزمني بس انا متردده
خلود :متردده فايه يابت الهبلة بقولك ايه احنا حنروح يعني حنروح وبكرة حاخدك وننزل حشتريلك حتة فستان وكمان حجيبلك ميكب ارتست بصي وربي لخللي حمزة يجيلك راكع على ايديه ورجليه
لا راكع ده إيه ده انا حخليه بخطفك ويهرب قبل ماحد ياخدك منه
ياسمين :محدش يقدر يخطفني منه ابدا
خلود :ايوة بقى هو ده الكلام
ياسمين :انتي مجنونه وربنا
خلود :مجنونه مجنونه
ياسمين :طب وانتي مش حتجيبي فستان
خلود :عندي فستان كنت لابساه فففرح واحنا فالمانيا وكنت حامل فحمزة زي ماهو حلبسه حرام ياختي مش بعترة فلوس
لكن انتي بقى يامزتي حجيبلك حتة فستان فشر فستان الاميرة فوزيه
ياسمين :طب ماناجر فستان وخلاص
خلود :تأجري فستان وانا موجوده اخس عليكي ده انا حجيبلك احلى واشيك فستان
ياسمين :بس انا كده حكلفك ياخلود
خلود :ياحبيبتي انتي تكلفيني براحتك المهم افرح بيكم بقى
عاوزة ارقص يابت
ياسمين :بكرشك ده
خلود :وماله كرشي ده فيه بنوتي حبيبة قلبي قوليلي بقى وحشك يابت
ياسمين :وحشني بس ده انا حموت عليه
خلود :قطيعه تقطع الحب وسنينه يااختي
بقولك ابقي صحيح هاتي حاجه على اد خالتي عشان نجيبولها حاجه حلوة كده بدل ماناخدوها معانا وهي تعبانه ومش حتستحمل
ياسمين :ماما طب ليه
خلود :حتبجي معانا يااختي
ياسمين :بس ماما تتعب ياخلود
خلود:لا ان شاء الله مفيش تعب ولا حاجه دي الدعوة عامه وحتبقى لامه
واقروا الفاتحه لابو العباس يااسكندريه يااجدع ناس
ياااه اسكندريه وحشتني اوي يابت ياياسمين بقولك ايه تيجي بعد الحفله نروح نغطس لنا غطسين
ياسمين :ده انتي لو غطستي بمنظرك ده حتغطسي مش حتقبي تاني
خلود وياسمين :ههههههههههه ههههههههه