الحلقه التاسعة و الثلاثون من رواية
قلوب تنزف عشقاً
بقلمي :عبير سليم
♥️❤️❤️❤️❤️❤️❤️❤️
💖مشاعر💖
وها قد أوشكت سفينة الأحزان أن تقلع عن حياتنا و آن لها ان
ترحل بعيدا عنا آخذه معها كل ماسببته لنا من آلام وكل
مااقترفته في حقنا من أوجاع
تعلن بنفيرها الذي اطلقته مغادرتها لأرض أخذت من الآلام
حظها ومن الدموع نصيبها
و أضحت سفن الأفراح ظاهرة أمام ناظرينا تهب بنسائمها من
بعيد تبهرنا بانوارها تبعث بضيائها الفرح والسرور في قلب بحر
معتم تحمل معها البشرى لمستقبل ات وماض راحل لن يعود
هاهم يعملون بكل همه ليصبح المكان في قمة استعداده لبدء
الحفل الذي سيقام بعد بضع ساعات
متلهف للحديث معها يراها تعمل وتحاول تجنبه فهو لم ينل منها سوى التحيه والسلام عند وصولهما ذلك الوصول الذي
من أجله لم ينم طوال الليل بل ظل يحلم بذلك الوقت الذي
سينعم فيه برؤية من عشقها الفؤاد وذاب لها الوجدان
ولكن كيف له أن يتحمل أن يراها أمام عينيه ويعجز عن
التحدث إليها يحدثه قلبه بأن يتجه للحديث معها ولكن عقله يوبخه على ذاك
مهلا أيها القلب مالك قد اصبحت مثل طفل فرح بلقاء أمه يود ان يجري عليها لينعم باحضانها
فلتهدا قليلا ولتعي أنها قد لا تود ماانت تتمناه
ولكن كيف لي ان أصبر وقد بلغ بي الشوق حده واصابني الجزع والعصيان
عصيان قلب على عقل يريد مني التروي والتعقل وهو قد بلغ حد الجنان
لأذهب إليها واستنشق من حديثها نسيم الحب والغرام وليكن مايكن فلن يقوى قلبي على الكتمان
ريم
تلتفت إليه بعد ان سمعت اسمها ينطق بتلك النغمه العذبه تعلم أنه هو
فقد كانت على علم بأنه سيتحدث معها ولكنها لا تعلم بما تجيبه وهي تخجل من النظر اليه
أيوة يا خالد
خالد :أمال فين الولاد
ريم :مع خالهم في الفندق
خالد :ومجيبتهومش ليه دول وحشوني أوي
ريم :شويه كده نكون خلصنا وخالهم حيجيبهم وييجوا
خالد :ريم ممكن تسمحيلي اتكلم معاكي شويه
ريم :خالد انت شايفني بشتغل وده مش وقت كلام
خالد :طب وده حيكون لحد امتى ياريم لحد امتى حتفضلي تهربي مني مانا حاولت كتير اتكلم معاكي وانتي رافضه حتى تسمعيني
ريم :يبقى كان المفروض تعرف من رفضي الكلام ردي يا خالد
خالد :ريم ارجوكي
ريم :أرجوك انت ياخالد
عن اذنك انا عندي شغل
يتحرك بعيدا عنها والدموع تجري بعينيه كالاطفال يتجه لداخل الحديقه ويضع راسه تحت صنبور الماء ليطفئ مابراسه من لهيب الاشواق
فيجد من يتحدث اليه من الخلف:بتحبها اوي كده ياخالد
يلتفت للصوت ويجيبها:اوي بحبها اوي لدرجه متتخيليهاش بس إيه الفايده
ميرا :يبقى تتمسك بحبك ومتستسلمش
خالد :بس هي مش عاوزة وانا مش عاوز افرض نفسي عليها اكتر من كده الحب مش بالعافيه
ميرا :لا بالعافيه ياخالد لما يكون مع ريم يبقى بالعافيه خالد اللي لازم تفهمه انها ما كنتش بترد على مكالماتك مش عشان رافضاك لا ابدا بالعكس هي كانت خايفه تضعف ومتقدرش تقاوم رغبتها في الرفض ريم ضعيفه اوي ياخالد والحزن خلاها هشه أوي
ريم بقالها سنين دافنه نفسها مع الماضي مش قادرة ولا قابله تشوف غير ذكرياتها وبس
الحزن عشش جواها ولقى جزء منها
ومحستش بالأمان غير معاك الضحكه والفرحه معرفوش طريق لقلبها غير وياك انت
انا متاكده انها نفسها تلاقي بر للأمان لكن احساسها بأنها لو ارتبطت بيك حتكون خانت حبها الوحيد هو اللي مخليها ترفضك
لكن صدقني ياخالد اصرارك على انك تقرب منها ده حيقويها اكتر ويثبتلها اد ايه انت بتحبها
خالد صدقني لو قلتلك ان ريم ممكن حبتك بس خايفه تواجه نفسها وقلبها بالحب ده
وحتى لو مكنتش حبتك بدرجه كافيه بس عالأقل مرتاحه معاك قلبها اطمنلك وحس بالأمان فوجودك وده أوقات كتير بيكون أهم من الحب
خالد :ميرا انتي متأكده من كلامك ده
ميرا :عيب عليك ياكابتن
حبي لاكمل خلاني اشوفه واشم ريحته على بعد أميال
خالد خليك جمبها متسيبهاش صدقني ريم محتاجالك أوي
خالد :وانا نفسي اكون لها العوض من ربنا
والله ياميرا هي بس لو تديني الفرصه أقرب منها حعوضها عن كل حاجه
ميرا :ربنا يكتبلكم الخير يا رب
🍎🍎🍎🍎🍎🍎🍎🍎
أنا عاوزة أفهم انتوا ليه مصممين اني أروح الحفله دي
خلود :عاوزين نفرح ياخالتي بقى ايه مزهقتيش من القعده فالبيت
صفاء :مانا بصراحه كده مش عارفه حسلم على حمزة ازاي مكسوفه منه أوي
ياسمين :لا ياماما متقوليش كده انتي معملتيش حاجه انتي كنتي زي كل أم في الدنيا نفسها بنتها تتجوز وتفرح بيها
صفاء :بس انا كنت بعامله وحش اوي يا ياسمين
ياسمين :حمزة قلبه أبيض ياماما وبعدين ده أهله حيكونوا موجودين ماما الله يخليكي عاوزين بقى ننسى اللي فات ونفتح صفحه جديده كلها حب
صفاء :ياحبيبتى يابنتي ربنا يهنيكي ويسعد قلبك يارب
خلود :ياسمين ياللا بقى يااختي انتي كمان قومي البسي كده الفستان زمان البنوته اللي حتعملك الميكب على وصول
وانتي ياست الكل ياللا عشان تلبسي الطقم اللي اشتريتهولك ويارب يعجبك
صفاء :حيعجبني طبعا تعبتك معايا ياخلود
💓تعبك راحه يااستاذ عدوا الجمايل بقى
حمزة:يعني انت بجد متأكد انها خلاص جايه
حسين :يالهووووي حصوت حرام عليك جنيت أمي قلتلك هي عندها وبيجهزوا وانا كمان شويه حاخد أمي ونروح ناخدهم ونيجي عليكم
يالهوي عليك
حمزة :ماشي خلاص وانا كمان حروح اجيب الجماعه من البيت
حسين :تمام قشطه يامعلم يبقى فاصل ونعود
حمزة :ههههههههه ماشي يا سيدي ونردهالك في الأفراح ان شاء الله
❤️❤️❤️❤️❤️❤️❤️
يحل المساء وتعلن الأضواء عن بدء الحفل
حيث يتوافد المدعوون إلى الفيلا جميع العاملين بالشركه وبعض رجال الأعمال والأهل والأقارب والأصحاب
واقف متلهف لمجيئها
يدخل حسين وفي إيده خلود وأمه
وكانت ماشيه جمبهم ياسمين ماسكه ايد صفاء وماسكه حمزة الصغير
خطفت قلبه بطلتها الجميله كانت لابسه فستان وردي جميل ولفة الطرحه كانت حلوة اوي مع ميكب بسيط وهادي مناسب لشخصيتها وطبيعتها
جري عليهم بسرعه وسلم على خلود
خوخه ازيك ياجميل
خلود :أهلا يافالح اديني اهوه عملت بأصلي
حمزة :طول عمرك أصيله ياأم حمزة
يروح لصفاء ويسلم عليها:ألف سلامة عليكي يا أمي ربنا يتمم شفاكي على خير يارب
صفاء :الله يسلمك ياحمزة عامل ايه يابني
حمزة :انا كويس الحمد لله
يمد ايده ليها وهو مبهور بجمالها اللي خطف قلبه:منورة ياياسمين
ياسمين :شكرآ
حمزة:ممكن تيجوا معايا تسلموا عالجماعه
طبعا أول مامنى لمحتها جرت عليها واحضان وسلامات ووريتها ياسمين الصغيرة وصفاء شالتها وقعدت تبوس فيها
فاطمه فضلت تحضن فيها ساعه وسلمت على صفاء ودعتلها ربنا يشفيها
ومحمد حضن ياسمين وسلم على صفاء واتعرفوا على يونس
فرحه كبيرة انهم اتقابلوا تاني
وياسمين تاخد سيلا وتحضنها وحشتيني اوي
سيلا :انتي كمان وحشتيني
😂بعد شويه حازم:صوفي ياقلبي قدامي عشان اخطبك واخلص بقى
صوفيا :حازم مالك في ايه اصبر شويه
حازم :اصبر ده ايه لا طبعاً مش حصبر ياللا بدل مااشيلك
صوفيا :ههههههه لاء خلاص ياللا ياسيدي
يروحو ناحية جابر وهو قاعد
بشمهندس
جابر :أيوة ياحازم
حازم :انا بحب صوفيا وعاوز اتجوزها
جابر :كده على طول
حازم :على طول إيه لا وربنا ده انا بقالي شهور بلف وراها وواخدين النيل رايح جاي
جابر :هههههههه طبعاً امال انت فاكر إيه دي صوفيا وتستاهل اكتر من كده بكتير
حازم :صوفيا تستاهل عمري كله
جابر:المهم هي اسمعها منهاصوفيا انتي بتحبي الولد ده
صوفيا بخجل :اه
جابر :وموافقه تتجوزيه
صوفيا :اللي حضرتك تشوفه يااونكل
جابر :والله لو عاللي اشوفه يبقى تعالي فحضني يابت الغالي
ترتمي صوفيا في حضنه ويقبلها من جبينها:الف الف مبروك يا حبيبتي لو باباكي كان عايش الدنيا مكنتش حتساعه من الفرحه
صوفيا :ربنا يرحمه
جابر:حازم اللي عاوزك تفهمه كويس ان صوفيا دي بنتي يعني لو زعلتها فيوم
حازم :ازعلها ازعل مين دي صوفيا حبيبة قلبي دي روحي
جابر :يبقى حنقرا فاتحتكم ان شاء الله بعد الحفله ماتبتدي
يحضنه حازم ويشكره وياخدها ويجروا
😍بعد مااطمن حمزة ان كل المدعوين حضروا وقف صوت الموسيقى ومسك المايك عشان يتكلم
مساء الخير أهلا وسهلا بيكم نورتونا وشر فتونا بحضوركم
طبعا كلكم عارفين سبب الحفله اللي انتوا كلكم شوفتونا وقبلتم دعوتنا وحضرتوها
وانها مقامه على شرف البشمهندس جابر صاحب الشركه اللي
كلنا بنشتغل فيها ان ربنا شفاه وعفا عنه واسترد صحته
والحمد لله بقى معانا حيشرف على شركته بنفسه والأهم من كل ده ان حيربي بنته بنفسه
الف حمد الله على السلامة يا بشمهندس
يصفق الجميع له فيبادلهم جابر تحيتهم بابتسامه وفرحه شديده
يقدم له حمزة المايك ليتحدث إليهم
جابر :بسم الله الرحمن الرحيم والصلاة والسلام على أشرف المرسلين سيدنا محمد وعلى آله وصحبه أجمعين
اولا وقبل كل شئ انا بشكر ربنا سبحانه وتعالى انه رد فية الروح وعفا عني وشفاني
واني دلوقتى بينكم وفوسطكم ودي حاجه انا نفسي مكنتش اتوقعها
وثانيا: انا بشكركم كلكم انكم لبيتم دعوتنا بالحضور
وثالثا: انا عاوز اقول حاجه بسيطه احيانا كتير بنقابل حد فحياتنا وبنقول صدفه
سعيده بس الحقيقه عمر حد قابلناه فشارع اول مرة نمشي فيه او مكان اول مرة نقعد فيه كان صدفه
عمر مافي حاجه حصلتلنا فحياتنا سواء كانت خير او شر صدفه
لاء كل حد وكل حاجه حصلتلنا قدر ربنا سبحانه وتعالى مقدره لينا وده لحكمه عنده
سبحانه وتعالى احنا وقتها بنبقى منعرفهاش لكن بنعرفها ونفهمها مع الوقت
انا قابلت حمزة صدفه ودخل حياتنا صدفه لكن الحقيقه هي مكنتش صدفه هو كان
قدر عشان ربنا سبحانه وتعالى على علم بكل اللي حيحصللي
واللي حمر بيه وان الوحيد اللي حيكون اد الامانه اللي حسلمهاله هو حمزة
رماه فطريقي ورماني فطريقه كنا ليه الاهل والسكن وهو بقى لينا كل حاجه بنتي اول مافتحت عينيها للدنيا كان هو اللي شايلها بين ايديه
حتى مراتي رحمة الله عليها لما ماتت ماتت بين ايديه وامنته علية وعلى بنتنا
كانت عارفه ان محدش حيتحمل الامانه ولا يكون ادها غيره هو
لما تعبت سيبتله وصية انه حيكون وصي على بنتي ويراعيها ويكبرها
وانا رحت فدنيا تانيه سنين وسنين بتمر وبتعدي والصغير بيكبر والعمر بيفوت وانا
لا كنت حاسس ولا عارف انا فين كنت ممكن مقومش تاني ولا ارجع للدنيا
وهو ده فعلا اللي كان مؤكد حدوثه خصوصاً بعد ماقعدت سنين فغيبوبه
واللي عرفته من الدكاترة انهم طلبوا من حمزة كتير يرفعوا
عني الأجهزة لكن هو رفض وكان عنده يقين اني حقوم
وكنت ممكن فعلا اقوم بس ملقيش بنتي او الاقي كل اللي عملته ضاع
لكن الحمد لله رب العالمين اني وضعت ثقتي في الشخص
الصح اللي وقف جمبي لحد مابقيت فوسطكم دلوقتى
والأهم انه متخلاش عن بنتي واخدها فحضنه وكبرها ورباها وحافظ على مالها وكبره
بنتي اللي بتقوله بابا وحتفضل تقولله بابا لحد ماتكبر لأنه يستحقها
حبوا بعض وحافظوا على امانتكم لبعض واي حاجه تحصل فحياتنا نعرف ان لبها حكمه
وان ربنا عمره ماحيضيعنا واحنا بنشهد ان لا اله الا الله
حمزة انا متشكر اوي ياحمزة متشكر على كل حاجه حلوة عملتها عشاني انا وبنتي انا مديونلك بعمري كله
حمزة وهو يمسح دموعه من تأثره بكلام جابر :مفيش اخ بيشكر اخوه وعلى وقفته
جمبه وانت اخويا حبيبي اللي انقذني وانا فوسط البحر بصارع الموج
وهو ميعرفش انا مين فتحتلي بيتك امنتني على مالك وعرضك والحمد لله اني
قدرت احافظلك عليها
والأهم الحمد لله انك بقيت معانا دلوقتى
الف حمد الله على السلامة يا جابر
يحتضنان بعضهما بشده
بينما يصفق كل من الحفله وهم شديدي التاثر بذاك الموقف
جابر :أنا بعلن ان شاء الله من النهارده حمزة شريكي فاسهم الشركه بنسبة تلاتين بالميا
وصوفيا بنتي حبيبة قلبي اللي تعبت كتير عشان تاسس الشركه وكانت مع حمزة
فكل خطوة ليها عشره فالميا من أسهم الشركه وانا وبنتي حيكون لينا ستين فالميا
حمزة :لاء ياجابر ده كتير ليه ده كله انا معملتش حاجه لكل ده
جابر :انت عملت كل حاجه ياحمزة انا لولاك انت مكنتش حبقى موجود دلوقتي وبتكلم
تحتضنه صوفيا وتشكره
جابر: وبالمناسبة السعيده دي انا بعلن خطوبة بنتي وبنت صاحبي صوفيا على حازم ممكن كلنا نقرافاتحتهم
ياخدهم فحضنه ويباركلهم والكل يقرا فاتحتهم وتعلو الزغاريد في المكان
يفتح حازم علبة ويطلع منها خاتم رقيق ويلبسهولها
جابر :ده انت كنت عامل حسابك بقى
حازم:طبعاً
تسمحلي اجيب اهلى ونيجي نتفق معاك على كل حاجه
جابر :طبعا ياحازم يشرفوني فأي وقت وهما فين مجوش ليه
حازم :ماما تعبانه شويه
جابر :ألف سلامة عليها عاوزها تفرح بابنها
حازم :ان شاء الله طبعاً وهي بتحب صوفيا أوي
جابر :صوفيا دي ست البنات
الكل كان بيباركلهم ويهنيهم
خلود:يااختي ماشاء الله ايه الحته الايطالي دي اللي حتدخل بيننا وتبقى معانا
ده حازم حيجيبلنا ولاد بالالوان مش ولادنا الابيض والاسود ايوة كده عاوزين نحسن النسل شويه
صوفيا :هههههههه انتي عسل اوي
خلود :وربنا انتي اللي عسل وسكر واللا ووقعت واقف ياحازم وامك داعيالك فليلة القدر ياحازم
حازم :ههههههه دمك شربات ياخلود
طبعاً امي داعيالي لما احب واتجوز صوفيا تبقى داعيالي ومن قلبها
ياسمين :ألف مبروك يا صوفيا
صوفيا :الله يبارك فيكي حبيبتي
عقبالك انتي وحمزة
سلم عليهم الكل وباركلهم
😘مسك حمزة المايك بعد إذنكم ياريت لو تسمعوني دقايق مش حطول عليكم
بدأ الكل ينتبه ليه ولكلامه
عاوز احكيلكم حكاية شاب بسيط اتولد وعاش وكبر فاجمل مدينه في الدنيا فى اسكندريه
جمعه القدر ومن وهو لسه طفل ومشاعره لسه في اللفه ببنت جميله
جميله في الشكل وجميله في الروح وجميله في الأخلاق
حبها وحبته ووعدوا بعض أنهم مش حيكونوا غير لبعض ومهما حصل عمر مافي حاجه حتقدر تفرق بينهم
كان البحر هو الشاهد على حبهم هو اللي بيسمع دقات قلوبهم وكاتم أسرارهم
وعدت سنين وسنين وكبروا وحبهم بيكبر جواهم يوم بعد يوم
عمره ماقل ولا نقص بالعكس ده كل يوم بيكبر اكتر من اليوم اللي قبله
لكن للأسف ظروف الحياة أجبرت الشاب ده انه لازم يسافر عشان يدور على رزقه ويعرف يتجوز حبيبته
وفجأة فاق على صدمه ضيعت منه كتير وكتير
سمع وصدق كلام بيقول ان حبيبته باعته ونسيت حبه وخدعته
صدق شوية كلام وشوية صور ملهمش اي أساس من الصحه
عاش سنين مصدق انه اشتراها بالغالي وانها باعت حبه بالرخيص
بقى كل همه ازاي ينتقم منها ويشربها من نفس الكاس اللي شربتهوله عاش وضيع من
عمره سنين بيرتب ويخطط لحاجه واحده بس ازاي يكسر قلبها ويهينها بأي شكل من الأشكال
إزاي يعذبها وينتقم منها أشد انتقام
وفعلا جاتله الفرصه دي
وساعده القدر انه ينفذ فيها حكمه
حكمه اللي أصدره عليها من غير حتى مايسمعها ولا يديها فرصه تدافع عن نفسها
كان هو القاضي والجلاد
حكم ظلم فبرئ
بس هو كان واهم لما افتكر انه بينتقم منها لأنه فالحقيقه كان بينتقم من نفسه
ماهي اصلها روحه حد ينتقم من روحه
بنت عمره حد ينتقم من ضناه
بعد كده ندم ندم عمره كله لأنه اكتشف انه ظلمها وانها بريئه من اي تهمه اتهمها بيها
وانها اوفى وأخلص حبيبه في الدنيا دي كلها
حبيبه ضحت عشان حبيبها ضحت عشان ناس كتير تعيش
استنت حبيبها سنين وسنين وعاهدت نفسها انها لو مكنتش ليه مش حتكون لغيره
وهو كمان هو كمان لاقدر
ولا يقدر فيوم من الأيام يكون لغيرها
يسيب المايك من ايده وكل عيون الناس حواليه وياسمين بتبكي من قلبها
يروح ناحيتها ويمسك ايديها ويقف بيها قدام الناس كلها
هي دي الحبيبه المخلصه ياسمين ياسمينة قلبي حبيبة وبنت عمري كله
وانا انا هو اللي ظلم نفسه قبل مايظلمها
انا الظالم اللي مداش فرصه لنفسه يحكم بالعدل
حبه وعشقه عماه عن انه يشوف الحقيقه
يقف ويقولها قدام الكل :انا اسف آسف ياياسمين اسف ياعشق السنين ياحب عمري
آسف على كل دمعه نزلت من عيونك أسف على كل كلمه جارحه جرحت بيها قلبي قبل مااجرحك
آسف على كل ليله نمتي فيها ودمعتك على خدك
اسف على عمري وعمرك اللي ضيعناه فبعدنا عن بعض
اسف على اني كنت عارف مكانك ومقلتلكيش وسايبك تايهه لوحدك
اسف على ان كل الناس قالت ده مات وانتي كنتي مؤمنه
بوجودي وقلتي لاء حبيبي مش ممكن يموت ويسيبني
💓اد ماضيعت من عمرك كتير جيت اقدملك انا حبي الكبير
جيت بنفسي اوهبك عمري اللي باقي انتي اول حب عشته انتي اخر حب عشته احلى
فيوم حلمت صدقيني وارجعيلي💓
بقولها قدام الكل وكلهم شاهدين علية اني عمري ماحبيت ولا ححب غيرك ولا حكون لغيرك
واوعد قلبك اللي استناني وداق عذاب بعدي عنه اني حعوضه ومش حخللي الحزن يعرف طريق ليه
دموع تنهمر على وجهها يقف ويمسح دموعها بايديه:سامحيني يابنت عمري
ياسمين وهي بتبكي وبتضحك فنفس الوقت :مسامحاك
ياحمزة مقدرش مسامحكش ياحبيب عمري
يشيلها ويلف بيها
والكل يصقف ويضحك محدش متخيل اللي بيحصل وكمية السعاده والفرح
والكل يباركلهم على رجوعهم لبعض من تاني
حمزة :ان شاء الله كلكم معزومين قريب أوي على فرحي انا وياسمين
فالمكان اللي حبيبتي تختاره
ياسمين :فمكاننا الوحيد الشاهد على حبنا ياحمزة
💓💓💓💓💓💓💓💓
يلاقيه واقف لوحده مالك يا اياد ياحبيبي زعلان ليه
إياد :انا بحبك اوي ياعمو
خالد :حبيبي وانا بحبك اد ماتحبني مليون مرة
إياد :انت عاوز تتجوز ماما ياعمو
خالد:أيوة يااياد
إياد :ممكن اطلب منك طلب
خالد :حبيبي انت تؤمر وانا انفذ علطول
إياد :تعالى معايا عاوزك تقول انك عاوز تتجوز ماما تاني
خالد :أيوة بس
اياد:عشان خاطري ماما حتبقى مبسوطه وبتضحك وهي معاك تعالى ياللا
ياخده من ايده ويروح لمامته
ماما
ريم:نعم ياحبيبي
إياد :ممكن تقومي عاوزك فحاجه
تقوم ريم وتقف قدامه مالك ياحبيبي في حاجه
إياد :مش حضرتك دايما
تقوليلي اني راجلك واني سندك في الدنيا واني اقرب حد ليكي
ريم :طبعاً ياحبيبي
إياد :يبقى تسمعي كلامي
ريم :اسمع كلامك خير ياحبيبي
إياد :عمو خالد قاللي عاوز وانا وافقت
ريم :يعني افهم من كد
انه طلبني منك وانت وافقت بس انا
إياد :انتي موافقه ياماما موافقه عشان انتي عاوزاه
ماما عشان خاطري وعشان خاطر جنه وافقي
يمسك ايديها ويمسك ايد خالد ويقربهم من بعض انا بحبكم اوي جنه كمان بتحبكم
اوي وعاوز نبقى كلنا مع بعض علطول
ريم وخالد بيبصوا لبعض وساكتين
إياد :ماما قولي انك وافقتي ياماما
ريم تبص للأرض وتسكت متردش
أكمل :يخرب عقلك يااياد الولد عمل الي احنا معرفناش نعمله
خالد :ريم بحبك ياريم والله العظيم بحبك ومستعد اعمل اي شئ في الدنبا يرضيكي ويخليكي مبسوطه
ريم:.......
خالد :مش مستعجل اسمعها بس متأكد ان حييجي اليوم اللي اسمعها منك وكل اللي
اقدر اوعدك بيه اني حكونلك الزوج والحبيب والسند وحكون اب لاياد وجنه
تقبليني وتقبلي وجودي فحياتكم ياريم
تبص ريم لاياد وهو بيترجاها بعنيه انها توافق
تهز ريم راسها بالموافقه
خالد بفرحه:الحمد لله الحمد لله أوعدك انك عمرك ماحتندمي على ثقتك فية ولا حتنزل
دمعه واحده فيوم من عيونك
دكتور اكمل ممكن نقرا الفاتحه
أكمل :طبعا نقرأ الفاتحه
يقروا كلهم فاتحة ريم
وخالد وتعلو أصوات التهنئه والزغاريد في المكان
خلود :بسم الله ماشاء الله ده يوم الزواج الجماعي ده واللا إيه
ماسورة أفراح وضربت
في المنطقه الليلادي
ياللا خللي الكل يفرح وينبسط
فاطمه:ربنا يكتر افراحنا كمان وكمان يارب
رخات مطر تهطل من السماء ذاك الغيث الذي دائما مايرتبط نزوله بالخير والنماء
جابر :إيه الفال الحلو ده
يارب املا حياتنا كلها حب وخير وبركه
الكل فرح بتلك الأمطار واستبشروا بها
آخذ الجميع يجرون
تحت رخات المطر الذي بدأ في التزايد قليلاً الكل يريد ان يتنعم بتلك اللحظه الجميله
والجميع يرفعون وجوههم للسماء داعين الله ان يحقق لهم
امانيهم ويشملهم برحمته ونعمه الكثيرة
حمزة وياسمين شالوا سيلا وقعدوا يجروا بيها وهي تضحك وفرحانه
خالد شال جنه وقعد يلف بيها تحت المطر واياد يحضن ريم ويضحك
وحازم وصوفيا كانوا بيجروا زي الولاد الصغيرين
الكل كان فرحان أوي ومبسوط وحاسس انه بيبدأ حياة جديده
خلود :ماتشيلني ياحسين وتجري بية اشمعنى انا
حسين :حرام عليكي ياخلود عاوزاني اشيلك وانتي بمنظرك ده انا كنت اتشل فيها
خلود :بقى كده طب ماشي تيجي بس بنتك وانا والله لاقولها ان ابوها مرضاش يشيلها
حسين :لا ياحبيبتي مش حتقدري توقعي بيني وبين بنتي
ده انا حشيلها فعنيه
أكمل :مش عاوزة تجري انتي كمان زيهم
ميرا :كان نفسي اوي بس مش حينفع
أكمل :ليه ياحبيبتى
ميرا :عشان في حد معانا ممكن لو جريت يتعب مننا وانا مش مستغنيه عنه
أكمل وهو بيتلفت حواليه
ميرا :حبيبي هو هنا حيوصل ان شاء الله بعد سبع شهور
أكمل طبعا يحضنها ويلف بيها من الفرحه ويبوس راسها وهو مش مصدق نفسه
انا حبقى اب ياريم اخوكي حيبقى اب
طبعا الجميع يباركلهم
خلود:ياللا هي جت عليكم انتم كمان
وادي زغروته لوووولي
كريمه :ماتقعدي بقى انتي كمان
خلود :أعمل إيه بس ياماما ماهي كمية الأفراح مش طبيعيه
تتوقف السماء عن المطر ويتوجه الجميع ليتناولوا الطعام تحت أنغام الموسيقى
خلود :اه
حسين :مالك يخرببيتك
خلود :مش عارفه حسه اني تعبانه
حسين :طبعا من اللي عملتيه ده انتي مقعدتيش من ساعة مادخلنا
خلود :مانت شايف خطوبه ورا خطوبه ورا خطوبه ورا حمل
مناقصش غير ولاده وحتكون ولادتي ان شاء الله
ااااه الوجع بيزيد يالهويييييي مش قادرة الحقني ياحسين انا بولد