الساعه الثانيه بعد منتصف الليل كان يتحرك ببطء
حتي وصل الي تلك الغرفه ففتحها و توجه إلي ذالك
الصندوق ففتحه و رأي ما بداخله و علم أنه المطلوب فأخذه و ذهب
مع شروق الشمس استيقظت من نومها علي تلك الأصوات المزعجه كالعاده
كريمه،، اااه ياني مش هنخلص من الدوشه دي يا كارما يا كارما
كارما،،انا اهه بقا بذمنتك يا كرمله اسم كارما دا ينفع
مع حارة كاشوره ضيعتي هبتي وسط الناس يا كريمه
كريمه،،ههههه كل يوم علي كدا يا بت بطني بقا لا
عيشه معدوله و لا اسم معدول
كارما،،اسمي مش لايق علي شخصيتي خالص
كريمه،، و هي دي شخصيه اصلا ما تتعملي شكل البنات يا بت
كارما،،وهو الي عايش في الحاره هنا يتعمل زي
البنات بردوا وحدي الله يا ام كارما و يلا نفطر عشان تاخدي الدوا
كريمه،،مامنوش فايده يا بنتي عماله اخد في دواه و ما بخفش
كارما،،لا بقولك اي يا كرمله استهدي بالله كدا و خدي
الدوا و بلاش كلامك دا و بعدين انا تعبانه و عاوزه انام يلا بقا
كريمه،، طيب هاتي
في اكبر منازل الحاره كان هناك مجموعه كبيره من
الناس يترأسه ذالك الرجل الذي يجلس و الغضب علي وجهه مما يحدث
ات احدهم و قدم له صندوق فأمسكه و قال،،هو دا إيراد إمبارح
رجل،،ايو يا معلم
المعلم،، هه احنا هنسرق بعض و لا اي علمناهم
الشحاته سبقونا علي البواب دا انا المعلك دومه يا شوية لمامه دا انا أسرق بلد بحالها
الرجل،،و الله يا معلم دا كل الي جمعناه امبارح
نظر له دومه و نظر للموجودين و قال،،ماشي كل واحد يروح يشوف شغله ، ثم اخد ينظر في الصندوق و يفرز المسروقات
دومه،،يا حمص انت يالاه
حمص،،اوامرك يا معلم
دومه،،الفيلا بتاعت الدكتور مين الي نط عليها
حمص، معرفش يا معلم
دومه،، دي مش اول فيلا يحصل فيها كدا و بعدين المنطقه منطقتنا و احنا مش بتوع ورق احنا بتوع فلوس و دهب و كل الي اتسرق شوية صيغه علي كام ألف تقب و تغطس و تعرفلي مين دا
حمص،، حاضر يا معلم ، ثم ذهب
دومه،،ام اشوف مين الي استجري و اتحداني
عند كارما قد انتهت من تناول الطعام و اتجهت الي الفراش و نامت و لكن قبل ان تغمض عينيها نظرت الي والدتها المتسطحه علي الفراش و قالت،، سامحيني يا اما بس غصب عني
في احدي الشركات كان يعقد اجتماع هام و كان الجميع يتشاورون ام هو فكالعاده يلتزم الصمت
خالد،، رايك يا يا باشا
أسر،، إظاهر ان الباشا مش عاجبه المشروع الي قدمناه
و من امتي شركتك بتقدم مشروع وحش بالعكس دا ممتاز جدا
اسر،،أفهم من كدا ان العقود ممكن نمضيها
خالد،،قولت اي يا باشا
وقف و قال،،الإجتماع اتلغي ثم نظر له و قال،،اتفضل معايا ع المكتب
أسر في نفسه،، و ماله بس الصبر حلو
دخلوا المكتب و جلسوا
اسر،،ها يا ياسين باشا قولت اي
ياسين،، بعد صمت طويل قال ،، انا موافق
اسر،،يا راجل مبروك عليك
ياسين،،مبروك علينا يا باشا
نظر خالد له بشك و لم يتحدث
اسر،،طب استاذن انا بقا و المحامي بره و هو هيشوف العقود
ياسين،،تمام
ذهب اسر ثم وقف خالد و قال،،انت اتجننت يا ياسين انت عارف الشرط الجزائي كام
ياسين،،عارف
خالد،،و لما انت عارف بتوافق لي انت نسيت دا مين دا اسر دويدار
ياسين،،و انا ياسين نجم الدين و بعدين انا عارف بعمل اي كويس اوي اهم حاجه تروح تشوف العقود دلوقت عشان نبدأ في المشروع
خالد بغيظ،، ماشي
ياسين في نفسه،، عمرك ما هتتعلم ابدا و مصر ع اللعب معايا و انا الي يلعب معايا بكون سابقه بخطوتين ههههه.
الفصل الثاني
إستيقظت كارما من نومها علي صوت طرقات الباب
كارما،،حاضر يا الي بتخبط جايه اهه
توجهت الي الباب وفتحته
كارما،، دقدق خير في اي
دقدق،،المعلم دومه عاوزك
كارمابتأفف،،مش هنخلص بقا طب روح انت و انا جايه وراك
دقدق،،لا دا قالي تجبها في ايدك انتي عاوزاه يشعلقني
كارما و هي تمسكه من ملابسه،،تجيب مين في ايدك يا روح امك لي عيله صغيره و لا اي
دقدق،،اهدي يا اسطا ما عاش و لا كان بس حكم القوي
كارما،،ايو كدا اظبط اتلقح هنا علي ما اجيلك
ارتدت كارما ملابسها المكونه من تيشيرت و بنطلون أسود و جاكيت أسود و الكاب بالعكس بعد ان عقسة شعرها علي شكل كحكه
كارما،،يلا بينا
تحركت كارما و كان الجميع يحيها حتي وصلت الي منزل المعلم دومه
دومه،،حمد الله ع السلامه
كارما،،الله يسلمك يا معلم
دومه،،كنت فين يا كارما
كارما،،في البيت يا معلم يعني هكون فين
دومه،، هنلف و ندور من اولها
كارما،،انت عارفني يا معلم ماحبش اللف و الدوران ثم اخرجت من جيبها كيس ثم قدمته للمعلم
كارما،،دا إيراد إمبارح
دومه،،هه اضحكي عليا بالكيس دا و مقولتيش بردوا كنتي فين امبارح
كارما،، بينا و بين بعض الشغل و ادي إيراد إمبارح لكن كنت فين و بعمل اي دي حاجه تخصني
دومه،،و الله و طلعلك صوت يا كارما
كارما،، تربيتك يا معلم
دومه، ما هو الي مخوفني انك تربييتي و انا معروف ان تربيتي علي طول بتكون تربيه وس.....ه
كارمه في نفسها،، طب كويس انك عارف نفسك ، تأمر بحاجه تاني يا معلم
دومه،،من النهارده اي طلعه هتطلعيها هيكون معاكي الولاه دقدق و رجله علي رجلك
كارما،،و دا من امتي
دومه،،من دلوقت
كارما،،اشطا بس لو عصلج معايا و لا اتقفشت بسببه و الله ما هرحمه و مش هيطلع معايا تاني
دومه، و من امتي بتقعي يا كارما و لو حصل يعني دا حتي المثل بيقول ما يقع إلا الشاطر
كارما بشك،، بس بردوا اي لازمه دا كله لتكون مخوني يا معلم و لا حاجه
دومه،،اخونك قولي كلام غير دا بس الاحتياط واجب بردوا
كارما،،اه طيب اتكل انا بقا ثم نظرت لدقدق و قالت ،،قدامي يلاه
دقدق،،حاضر يا اسطا
ذهبت كارما ثم توجه حمص الي المعلم و قال ،، طول عمرك مدلعها يا معلم
دومه بلا وعي،، مش هنسي ابدا الي حصل زمان و الي بعمله معاها دا مصبرني علي الي فات
حمص،، لي هو حصل اي
دومه،،ها انت لسه هنا روح شوف السريحه ليكون حد فيهم اتمسك
حمص،، ما انا لسه جاي من عندهم امعلم و كله تمام بس مقولتليش امعلمي لي خليت دقدق يطلع مع كارما
دومه،، المثل بيقول حرص و لا تخون
حمص،،انت شاكك فيها و لا اي
دومه،،لا بس الاحتياط واجب و يلا اتكل شوف شغلك ثم افرغ محتوايات الكيس و اخذ يعد ما بداخله
خرج ياسين من الشركه و توجه الي منزله و كان معه خالد فهو إبن عمه و صديق عمره
ياسين ،،لو هتفضل قالب بوزك كدا يبقا تنزل احسن
خالد،،ما انت عارف انا قالبه لي
ياسين،،و احب اقولك انك غبي و مبتفهمش
خالد،،انا يا ياسين
ياسين،،ايو انت حد في الدنيا يقول لخطبته يا لطفي لا و يعاملها كانه بيعامل واحد صاحبه
خالد،، ههههه ما انت عارف اني بهزر معاها
ياسين،،تقوم تقولها لطفي
خالد،،مش احسن من جعيدي هههههه
ياسين،، استغفر الله العظيم
خالد،، طول ما هي بتعاند انا هعاند و خليها تخبط راسها في الحيط
ياسين،، طيب قولها بقا ما تجيش تشتكي عشان انا مش فاضي للأرف بتاعكوا دا و لعب العيال الي مش هخلص منه ابدا
خالد،، انا مخاصمها ابقي قولها انت
ياسين بحده،،خالد
خالد،،حاضر ما تتحولش بس و ركز في الطريق
بقولك ما قولتليش اي الي في دماغك بخصوص اسر
ياسين،،هه أسر دا مش هيهدا الا لما تنكسر رقبته و انا هديله الشرف اني اكسرها بإيدي
خالد،،قصدك اي
ياسين،،نوصل بس و افهمك كل حاجه