رواية غاليه
✿بقلم منه محمد
الفصل الثالث والعشرون
في بيت عائله سندس الي رجعوا عشان ماجد عنده عمليه مهمه
سندس : ندي تعالي ساعديني حبيبتي جهزي السفرة عشان اخوكي راجع من الشغل
ندى : بقولك ايه ياماميتو جوزيه وخلصينا منه
سندس : ياريت ده من ساعه ما رفض رانيا وانا بدورله علي عروسه بنت حلال عشان اجوزه وافرح بعياله بدري بدري
ندي ببتسامه : اه جوزيه وافرحي بيه وتشوفي ولاد ولاد ولاده و انا كمان
سندس : انتي افضلي احلمي مين قالك هتتجوزي اصلا تعرفي ايه انتي عن الجواز والمسؤليه
ندي: انتي مقتنعه بالكلام ده ؟!
سندس: اي نعم مقتنعه
ندي: تحطيم وش كدا مش مهم انا المهم اخويا حبيبي بقولك طيب ايه رايك في وتين صحبتي
سندس : هي مجنونه زيك بس والله مفيهاش كلام صغيره وناخدها نشكلها علي عادتنا وطباعنا
ماجد دخل غرفه الاكل : سامع مؤامرات بتحصل عليا
ندى : جبنا سيرة القط جه ينط
سندس ضحكت: بقول مش ناوي تفرح قلبي بقي
ماجد: لااا انا شيلوني من بالكم .. انا قاعد لسه على قلبكم
ندي: قاعد اد ايه وبعدين بنلحقك قبل ما تنحرف
سندس: اسم الله مين ده الي ينحرف انا ابني متربي
ندي: ابنك اه متربي بس الشيطان شاطر ومش متربي
سندس: المهم ياحبيبي مش ناوي تفرح قلبي ونشوفلك عروسه
ماجد: لا انا مش حتجوز جواز صالونات ولا عاوز انتحر دلوقت
ندي: ياربي ناس نفسها تتجوز وناس بتتقمر وتتشرط
سندس: اه ياربي الولد رافض الجواز والبنات هتتجنن عليه
ماجد ابتسم وحب يطقس عن اخبارها : بقولك ايه يا انسه ندي انتم لسه عاملين حرب العوانس انتي وتؤام روحك وتين
ندى : ليه بتفكرني ليه اه لسه لحد ما نلاقي انا وهي الغندور علي عينه
وراحت قربت من ماجد ورفعتله ايده وقالت :قول امييييين
ماجد رفع ايده بقيلة حيلة :هاا امييين
ندى : يارب نتجوز انا وانت في يوم واحد وانا ومراتك نجيب ولد في يوم واحد
سندس ابتسمت من قلبها وحركت حواجبها بغيظ: احلمي ياعانس وسيبي اخوكي في حاله
ماجد نزل ايده اللي رفعها وقرص ودن ندى : والله عال اصل الي اختشوا ماتوا ... انتي من جهة والحيا من جهة تانية
ندى : خلاااص خلاااص يارب نتجوز في يوم واحد وانا ومراتك نخلف في نفس اليوم ارتحت ؟ يلااا سبني ااااي
ماجد اتنهد بقله حيله: اقوم اجيبك من شعرك دلوقتي ولا اعمل فيك ايه
سندس: سيبك منها هي كدا تيجي تكحلها تعميها متشوفش
ماجد ضحك غصب عنه
سندس بفرحه : ربنا ما يحرمني من ضحكتم الحلوة يارب
ماجد : يارب
ندي رفعت عيونها للسقف
سندس: بت يا ندو اوعي تكوني بتدعي عليا
ندي ابتسمت بعبط: لا عيب انا مبدعيش عليك
سندس ابتسمت بس اختفت بسرعه لما ندي كملت كلامها
ندي بحمقه: انا بحسبن بس
سندس: اشدك من زماره رقبتك
ندي: ياسلام ياختي وامشي من غير زماره
سندس : صحيح اليوم انا رايحه يا ماجد عند خالتك زهره ام وتين
ماجد دق قلبه اول ما سمع اسمها: ليه
سندس: ابدا عاملة حفله صغيره بمناسبة عيد ميلاد وتين
ندي: اروح معاك يا ماميتو؟؟!!
سندس كشرت: لا انا مخنوقه منك
ندى بصت لماجد ولعبت حواجبها : مضيعش وقت يا خويا قبل ماحد يلطشها منك
ماجد :ربنا يسهل
سندس : يارب
حطوا الغدا واكلوا في هدوء وندي عماله تضحك على خفيف
.................غاليه.........
منه محمد
حضر الدكتور لغاده وكان معاهم اغلب الوقت عرض على هيثم انه ينلقها
للمستشفى اللي هو شغال فيها عشان ماتزيد عليه المصاريف اجرة المستشفى من جهه واجرة الدكتور من جهه لانه يعتبر
كشف خارجي لكن هيثم رفض وقال انه المستشفى دي اقرب لشقته ولا يهمه التكاليف مهما كانت
خلال تواجد الدكتور فاقت غاده لــ دقايق معدوده
وبعدها رجعت نامت
وهي مش حاسه بشئ ولا مدركه لكل اللي حواليها لكن الدكتور طمن
هيثم انها حاليآ نايمه وانه
مفيش أأمر يخوف واحتمال ان الموقف
اللي حصلها يكون سبب لصحوتها من الصدمه اللي كانت بتعاني منها
نام هيثم على الكرسي جنب سرير غاده وحس بالتعب الي ما فارقه طول
اليوم حتى لبسه لو ماجابتله كاميليا للمستشفى كان مازال لابس بيجامته
كان الظلام زحف وغطي بعتمته كل المكان اللي حواليها وكل ماهربت
منه شافته بيحتويها حتى غطى كل جزء وفضلت بس زاويه اللي هي
محتميه فيها بصت حواليها تدور على مهرب لكنها مالقتش قرب منها اكتر
واكتر ووقبل ما يبلعها الظلام الدامس شافت ملامح لوش مخيف ظهرت لها ومسك بأيديها يسحبها لعتمته
كانت تصرخ وتحاول تحرر ايديها لكن الصوت اللي سمعته صحاها من الكابوس وشافت
هيثم قدامها وهو ماسك ايديها ويهزها عشان تصحى
حاول يضمها عشان يهديها لكنها دفعته عنها وهي بصاله نظرات كلها كره
هيثم : غاده انا هيثم ....
غاده اللي قاطعته وهي بتصرخ : اطلع براااااااااااااااااااا
كان مصدوم من تصرفها بس مايقدرش يطلع وهي كدا جات الممرضه على صرخها وحاولت تهديها
غاده بصريخ ودموعها بدئت تنزل : خليه يطلع براااااا
كانت بتصرخ وتتكلم بالعربي والممرضه مش فاهمه كلامها
فهمها هيثم انها رافضه وجوده معاها وهيخرج عشان تهدى لكنه قبل ما يخرج طلب من الممرضه تنتبه لها على ماهو يتصل بطبيبها الخاص
غاده رمت راسها على مخدتها بعد ماشافته خرج واستسلمت لدموعها
الممرضه قربت منها وفضلت تمسح على ظهرها وبتحاول تهديها
ولما حست بأنها هدت شوي ونوبة بكائها خفت قعدتها ومدت لها كوبايه ميه
غاده بعد ماشربت وبلت حلقها اللي جف من صريخها : انا ايه اللي جابني هنا
الممرضه بأيجاز : اغمى عليك وجابوك هنا ودلوقت حاولي ترتاحي لحد ما يوصل الدكتور
كانت حاسه انها تايهه مش عارفه ايه الي حصلها ولا ايه اللي جابها هنا
كل اللي فكراه لحظات الرعب اللي مرت عليها والبدرونالمظلم . . ضمت ايديها على جسمها تسكن رعشة الخوف اللي اجتاحتها واستسلمت لدموعها من اول وجديد
ماكانش قدام الممرضه الا انها تستدعي الدكتور المناوب عشان يديها مهدى يهديها لحد وصول طبيبها الخاص
ــــــــــــــــ .. غاليه.. ــــــــــــــــــــــ
بعد ما انتهت العزومه وكله رجع لبيته ومابقاش غير الجد وغاليه وفارس ومي الي اصرت عليها غاليه تفضل معاهم لحد ما يرجعوا!!!
استغلت غاليه هدوء الوضع وانهم مازالو كلهم تحت وطلعت فوق عشان تشوف ايه قصة مى اللي حابسه نفسها بالغرفه وما طلعتش وحتى لما منال طلعت لها رفضت تفتح لها
خبطت على باب غرفة اختها بهدوء وجاهلا صوت مى المتعب : مين ؟
غاليه برجاء : انا غاليه مي !!مى لو ليا خاطر افتحي
قامت مى من السرير تفتح الباب لانها عارفه انه
مصيرها تفتحه وان منال بتشاركها النوم بنفس الغرفه طالما في
المزرعه وكلهم موجودين فصعب انها تنام بغرفه لوحدها لانها عارفه مستحيل تشارك عمتها سندس وندى غرفتهم
غاليه بحنيه : مى مالك لو تعبانه اقول لكريم يوديك للمستشفى مش حل حبستك في الاوضه كدا
مى ودموعها رجعت تنزل : مافيش مستشفى تعالجني من اللي انا فيه
غاليه بخوف : ليه مالك اتكلمي بلاش تخوفيني اكتر
مى : وليه تخافي اخت ماشفتيش منها غير العذاب والاذيه المفروض تكوني مبسوطه ياغاليه
غاليه بصدمه : مجنونه انتي اختي سعادتك من سعادتي وحزنك من حزني واللي يمسك يمسني مى ريحيني من العذاب وقوليلي مالك؟؟
مى ضمتها وعيطت : انا بخير بس مضيقه حاسه اني مخنوقه ومش قادره اتنفس
غاليه بأصرار : اكيد فيه سبب لــ الضيقه
مى مالقتش قدامها غير انها تتحجج بحكايه خالد : هقولك بس مش
عاوزه حد يعرف بالموضوع انا اتعلقت بخالد وحبيته (ولما شافت نظرات غاليه
) ما تفهمينيش غلط مافيش اي شئ بينا مجرد حب بقلبي محدش عارف عنه حتى هو وامبارح عرفت انه طلب من اهله يخطبو له نجلاء وده هو سبب ضيقتي
غاليه بحنيه : ياعمري انتي صدقيني لو هو من نصيبك ماهيروح
لغيرك ولعله خير ياقلبي ومتضيقيش نفسك بالعكس اتمني له الخير وادعي ان ربنا يرزقك بأحسن منه
مي : لو فارس سابك واتجوز غيرك لاسمح الله ده بيكون ردك
حست غاليه ان قلبها هيقف من قو ه الكلمه وهي مجرد كلمه امال لو كانت حقيقه ايه ممكن يكون مصيرها
مسكت ايد مى وبكل هدوء : مش هقولك ان انا غير لان بينا زواج وعشره
لاني عارفه ان الشئ متعب وصعب مدام الانسان سكن قلبك لكن هقولك الي ممكن يريحك ده اذا ماكانش اكيد
كنت لما اتعذب من امي وابويا اكره نفسي وتوصل بيا للحظه اني اتمنى
الموت واندب حظي وليه انا كدا ومش زي باقي البنات وفي يوم فتحت
عيني على صوت القرآن وسمعت الشيخ يتكلم عن قصة ارمله مات زوجها
وساب لها خمس اطفال بدون عائل ولا دخل يصرفوا منه يأست من الدنيا
وبكت ليلها ونهارها وندبت حظها وفي يوم سمعت الشيخ بيقول اللي
مهموم او عليه دين او ضاقت بيه الدنيا عليه بكثرت الاستغفار فقد قال
الله تعالى ( فقلت أستغفروا ربكم إنه كان غفارا يرسل السماء عليكم
مدرارا ويمددكم بأموال وبنين ويجعل لكم جنات ويجعل لكم أنهارا.
. سورة نوح) وقوله صلى الله عليه وسلم (من أكثر من الإستغفار جعل الله
له من كل هم مخرجا ومن كل ضيق فرجا) ففضلت تكتر من الاستغفار
ومافات عليها ستة شهور لحد ما جه تخطيط لمشروع هيقام علي ارض لهيم ثمنت بالملايين وهي ماكانتش تسوى
حاجه ولا فيه امل حد يشتريها وابنهاا الكبير بقي الاول على منطقته
وحفظ القرآن كامل بيتهم بقي مليان بالخير وعاشو بأحسن حال بعد الفقر والجوع والهم اللي عانوه (قصه حقيقيه)
فقلت لنفسي ليه مبقاش زيها واكتر من الاستغفار والحمدلله يمكن
ماتغيرتش معاملة امي وابويا معايا لكن ربنا خفف حدتها وقسوتها على
نفسي ورزقني بفارس اللي ماكنتش حتى احلم بيه..... وحتى لما ادبرت
لي مكيده مااعرفش ايه هي ولا من مين عمالهالي وعاملني فارس عليها بقسوه في بداية جوزنا بس ربنا كشف براءتي وعشت
بعدها بسعاده .. كتري من الاستغفار وصدقيني يامى ربك بيغير من حالك للاحسن ويرزقك باللي يستاهلك ويزيل الهم والحزن من قلبك
سابت اختها تفكر بالكلام اللي قالتهولها وراحت لجناحها وشافت ان فارس سبقها وغير هدومه كمان
غاليه : اسفه كنت عند مى ومعرفش انك جيت
فارس قام ووقف قدامها : عادي لسه جاي من خمس دقايق ( ورفع ايديها يبوسها) تعبتي اليوم
غاليه بأبتسامة خجل : شوي مش كتير وبعدين الكل محدش قصر معايا بالمساعده
فارس : ربنا يديك الصحه والعافيه حبيبتي ويله غيري هدومك عشان تنامي
هزت راسها بالموافقه واخدت شنطتها اللي مجهزه فيها لبسها وراحت للحمام..
لبست قميص من اللي اشترتهم لها غاده وكان جرئ ولا عمرها فكرت تلبس
ه بس حبت الليله تكسر حاجز الخجل عشان خاطر فارس
طلعت من الحمام وهي بمنتهى الجمال لكن اللي شافته صدمها وخلى الدموع تتسابق لعيونها
كان فارس اخد له غطاء ومخده ونام على الكنبه اللي في الصالون(فقري)
رفع فارس الغطا عن وشه لما ماحس بحركه وشافها مازالت واقفه عند باب الحمام وهي بقمة جمالها والدموع على خدها
حست انها هانت نفسها بما فيه الكفايه وفرضت نفسها عليه فرض
رجعت للحمام وشلحت القميص اللي كانت لابساه ومسكته تقطع فيه بكل قوتها رمته بسلة النفايات بعد ماخلصت منه ولبست
لها بيجامه وغسلت وشها وبعدها طلعت بدون ما تبصله
رمت جسمها على سريرها وفضلت تدور على النوم لعل وعسى ينسيها
العذاب لو فتره لكن الشئ ده كان شبهه مستحيل وقضت ليلها ودموعها ماجفت
اما فارس قعد يشتم نفسه على غباءه ويوصف نفسه بأبشع الصفات لانه زعلها وجرحها ولانه فوت على نفسه ليله كان ممكن تكون من اجمل الليالي
ـــــــــــــــــــ .. غاليه.. ـــــــــــــــــــــ
خرج الدكتور من عند غاده بعد ماقعد معها فتره كافيه وشرح لها شرح بسيط عن اللي مرت بيه وعطاها برشامه عشان تساعدها على النوم
هيثم بلهفه : اذيها دلوقت؟؟!!!
الدكتور : عطيتها منوم وحيساعدها على النوم لكن رفضها ليك محيرني غير اذا كان فيه شئ انت ماقلتهوش ليا
هيثم بضيقه : قبل ما يحصلها الحادث كان فيه خلافات بينا
الدكتور : واظن انها خلافات مش بسيطه
هيثم : معاك حق
الدكتور بعد ماحس ان هيثم مش حاب يوضح اكتر رد: على العموم هي
اتجاوزت الصدمه اي نعم ممكن تعاني من كوابيس واحلام مزعجه وصعوبه في النوم لكن الشئ الاعظم وهي الصدمه زالت .. هي حاليآ مش متذكره غير حياتها اللي قبل واخر لحظاتها في البدروم اما
الي عاشته طول الاسبوع طبعآ بالنسبه لها ممحي
هيثم : وسألت عن وضعها في الاسبوع او لا
الدكتور : ايوه سألت بس قلت لها انها كانت في حالة صدمه وغير مدركه للي حواليها
هيثم: بس
الدكتور : ايوه لانه صعب اقولها اليوم وهي لسه فايقه من الصدمه عن كل اللي حصلها الاسبوع لانه بيشكل لها صدمه جديده
هيثم اتنفس بأرتياح لانه مكنش عاوز غاده تعرف حاجه عن الاسبوع الي خدامها فيه تعرف مش عاوزها تحس بالشكر اتجاهه او انها ممنونه له بحاجه لان كل اللي عمله ليها ولا شئ يذكر مقارنه بالعذاب اللي عاشته معاه
انتظر لحد ما قالت له الممرضه ان غاده نامت واتسحب لغرفتها بهدوء عشان يكون معاها وقريب منها غاده بقت بالنسبه له الهواء اللي يتنفسه و حتى النوم مبقاش يقدر ينام بمكان هي مش فيه
اكتفى بضمة ايدها بين ايديه بعد ماكان ينام الا وهو ضامها هي على صدره وقعد على الكرسي اللي جنبها يتأمل وشها لحد ما هو كمان غلبه النوم
ــــــــــــــــــــ .. غاليه .. ــــــــــــــــــــــــــــ
في بيت سندس الي راحت تزور ناس قريبها وندي منتظره وتين يكملو اجتماع مغلق لحرب العوانس وماجد الي كان راجع من النادي علي العصر ورافع شنطته الكتف وقفه نغمه موبيله طلعه من الشنطه ورد ببتسامه
ماجد: اهلا بأبو الفوارس
فارس :فينك يادكتورنا المُبجل
ماجد بمزح :انا كنت في الملعب
فارس بتريقه: احلف ياشيخ ومتقوليش
ماجد ضحك جامد : فاتك الشوط الاول بس ممكن تلحق اول جون من قوته طيرت الحارس وشَبكته تقول عاصفه
فارس : اظن الجدار اتشقق بطل هزار وتعال عاوزك
ماجد بتكشيره: شوف لو عشان موضوع الخطوبه مش جاي
فارس: لا موضوع غيره
ماجد: يله جايلك مش هتأخر هاخد بس شور ولسه بيلف يدخل ويقفل باب المدخل شخص خبط ماجد قرب وفتحه
وتين اول ما شافته عضت شفايفها : يافضيحتي بين العرب والناس
ماجد ابتسم علي كلامها: ازيك
وتين بأيجاز : بخير؟
ماجد : واخبار الدراسه معاك
وتين هزت راسها كذا مره: بخير؟
ماجد : شكلك مبرمجه على كلمة بخير
وتين عقدت حواجبها: ازاي
ماجد : لا ده انتي الكلام معاك ضايع ومسك ايدها وسحبها معاه لغرفه
وتين بتحاول تخلص نفسها: طيب سيب ايدي
ماجد قرب منها اكتر بعد ما دخلها: خايفه مني
زادت ضربات قلبها وحسيت وشها شعله نار
وتين في سرها:اخ يايمه انقذيني من الحلو الفتاك دهون
وماقدرتش تتحرك من مكانها من الخوف قرب منها وجسمها فضل ينتفض رجعت لورا لحد ماوصلت للجدار
ماجد بختصار: وتين بدون مقدمات انا دوغري وماليش في المسخره من الاخر انتي عجباني جدا وطالب ايدك في الحلال
وتين ما قدرتش تتكلم وجسمها كله اترعش من قربه وبدئت دموعها تنزل : ماجد الله يخليك ابعد عني
ماجد: ابعد ليه هو انا بقولك هاتي كيس الشيبسي انا عاوز اتجوزك
وتين فتحت عينها على وسعها وبصتله بنظرات جامده !!!!!!!!
ماجد قرب من ودنها وبصوت رمنسي : بيقولوا السكوت علامة الرضا
وتين قشعرت من قربه : ايه لا خليني افكر طيب
بعد عنها لما سمع خطوات جايه ناحيتهم حست وتين ان قلبها وقف من الخوف وفضلت ترجف لو حد شافها سندس ولا ندي
هتتطلع من هنا بزفه ماجد مره واحده حس بخوفها سحبها من ايدها
وجري بيها في غرفه فتحها ووقفها ورا الباب وسابه مفتوح
ندي : اخيرا قررت تفتح الباب ؟؟
ماجد : ..............
ندي حركت ايديها قدام وشه: بسم الله مالك يا مجود انت اكلت سد الحنك كله لوحدك
ماجد: لا انا تمام
ندي : طب ليه وشك كدا مخطوف
ماجد بدئت علامات العصبيه تبان عليه : مالك انتي مابتسمعيش انا تمام جايه ليه عاوز ايه؟؟
ندي : ابدا سمعت جرس المدخل ومستنيه وتين صديقتي في العنوسه وجايه افتح وبعدين نسيت دفتري عندك في اوضتك وعاوزاه حالا
...
وتين في سرها يا نهاري يعني دي اوضته كلاكيت لتاني مره ومره
واحده انتبهت انه لسه ماسك ايدها حاولت تفلتها منه بس هو ماسكها بقوه
ماجد :خديه بعدين انا مشغول
ورزع الباب
ندي شهقت وضربت صدرها : تسكه في وشي انا هوريك
ماجد فتح الباب : انتي قلتي ايه
ندي ابتسمت : لا سلامتك وراحت جري لغرفتها
ماجد لف لوتين : يله اخرجي ومستني ردك متطوليش
........
غاليه
منه محمد
الساعه ١١ بالليل جهزت منال واتصلت بمي بالاتفاق مع رمز الشر سحر
نزلوا علي اسَاس يقابلو سحر الي هتاخدهم للدكتوره لكن حصل العكس سحر الافعي اتصلت وقالت لهم انها منتظراهم جوه الشقه مع الدكتوره وبعتت لهم الوكيشن في رساله
مي جهزت لكن كاره الدنيا بالي فيها اتنهدت واخدت شنطتها وخرجت
دقايق وصلوا لمكان الشقه الشوارع تقريبا فاضيه مي قلبها وقع من الخوف مسكت ايد منال: منال انا خايفه يله نرجع انا قلبي مقبوض
منال بنرفزه: نرجع فين انتي غبيه
مي: حاسه اني هموت يا منال؟؟
منال: مي امسكي نفسك يا كدا يا هنضيع ووزعت عيونها علي البيت!!!! وقبل ما تدخل خطرت على بالها فكره جهنميه
بصت لمي: استني دقيقه
مي: رايحه فين
منال: هكلم الزفته سحر اشوفها وصلت هي والدكتوره ولا لسه
بعدت شويه بعيد عن مي
واتصلت بسمير حالفها في الشر
سمير : اهلااا بالقمر
منال بشر وحقد :ها....مستعد للي قلت لك عليه؟
رد عليها بلهفة: طبعا يا عمري....طالما الشغلانه فيها رضا قلبي...فأنا دايما مستعد..
منال: كداب كله عشان الفلوس الي وصلت لك ..ما علينا حلال عليك.بس نفذ حالا
سمير: انا تحت امر الجميل
منال بلهفه الشر: بس استعجل .عاوزين نضرب ضربتنا بدري..
سمير : عارف وان العيار اللي مايصيبش يدوش!!..."
منال بشراسه : لااااء....ده بقي عاوزاه يصيب ويدبح!!...مفهوم؟؟
رد بصوت متردد: ان شاء الله يا كنز حياتي
منال : يله باااي. وقفلت
وفضلت تهز راسها والله لقلب حياتك جحيم زي ما دمرتينا ويارب يقتلها ونخلص منها للابد بكل حقدها حاولت تبعد فارس عن حبيبته لكن متعرفش انها بتلف حبل المشنقه حوالين رقبتها
وبالفعل دخلو البنايه واتجهو لمكان الشقه فتحتلهم ست شيك وانيقه
اتعرفوا عليها انها الدكتوره وسألوها عن المدعوه سحر جاوبت انها راحت تشتري اشياء لزوم العمليه وبالفعل دخلو بطمئنيه
للمكان لكن فجأه ظهر شابين من العدم وشكلهم سكرانين طينه واشكالهم تدل علي الانحراف والاجرام
مي قامت مفزوعه: انتم مين وفين الدكتوره
شاب منهم: ههههههه دكتوره مين هو انتي عيانه ياحلوه
منال صرخت فيهم بقوه : بقولك فين الست الي دخلتنا لحد هنا؟؟!!!
الشاب التاني بضحكه شيطانيه: مشت ليه كنتي عاوزاها ولا ليك في الجنس الاخر علي العموم تعالي معايا وانا هعجبكم!!!
منال: اجي معاك علي فين ...وفين سحر قالت لنا انها حتكون موجوده
الشاب الاول ضحك جامد: وانتي علي طول صدقتيها سحر دي مفيش احقر منها
منال مثلت القوه رغم أن كل ذره فيها بتصرخ خوف:واذا قلت لا هتعمل ايه؟ ايه هتجبرني ؟؟!!
الشاب لزق فيها : انتي بتحبي العنف الي زي كدا
منال بطبعها الجريئ : انت تعرفني مش يمكن عندي مرض معدي وجايه للدكتوره اكشف واعرف ويمكن يطلع ايدز من كتر العلاقات!
الشاب طنشها لانه عارف انهم بنات ليل من كلام تامر عنهم وفضل يقرب منها وهي عارفه بنواياه السيئه ومره واحد لف وشد مي
الشاب: مش مهم ناخد التانيه
مي بنهيار : سبني ... انت عاوز مني ايه؟؟
الشاب بكل وقاحه :لا بجد متعرفيش انا عاوز ايه امال جايه هنا ليه بعد نص الليل علي العموم هجاوبك انا عاوزك ومتقلقيش خالص هنتمتع شويه مع بعض ومش هألمك وعد
مي وبصرخه هزت اعماقها :لاااااااااااااااااااااااااا سيييييييييينيييي اخررررررررررررررج ربنا يخليك
الشاب مسك ايدها ولواها: لا بقولك ايه اهدي كدا يا حلوه ولا تحبي تفضلي هنا معانا لايام
منال فقدت اعصابها:اسمع يا كائن انت احنا مش هنفضل هنا لحظه
واحده ..مابالك بايام فخرجنا بهدوء ولا عاوزني اعمل معاك شئ مش هيعجبك فسّيبها وخلينا نخرج بسلام
الشاب الاول: تخرجوا ده علي جثثنا احنا دافعين فيكم دم قلبنا وشد منال بشده مزقلها هدومها
ومنال فضلت تصرخ لدرجه حسَت ان احبالها الصوتيه اتقطعت من شده الصرخه
اي نعم منال شخصيه متهوره وبتعمل حاجات مجنونه وخطر لمجرد الاستمتاع بس يكون بمزجها!
مي صرخت بنهيار مش مستوعبه الي بيحصلها: لاااااااااااااااااااااااااااا ارجوك اخرج
ساعدونيييييييييييييييييييييييي ياناااس حد يساعدنا ارجوكم لاااااااااااااااااااااااااا ابعد عني لالاااااااااااربنا ما يسامحك يا منال و فضلت تسبها
الشاب: امشي معايا انتي مجنونه ولا فيه خلل في
عقلك
مي جسمها من الخوف اتنفض وبنبره كلها رجاء وتوسل : .خرجني من هنا الله يخليك
الشاب ضربها بغل وصرخ في وشها : بقولك امشي معايا ده انا دافع فيك دم قلبي
مي: بقولك خرجني يا حقيييييير
الشاب ضربها كف بعزم قوته و بضحكه كلها شر:هتعرفي الحقير حيعمل فيك ايه وهجم عليها بكل وحشيه ومي استسلمت
له لانها شافت الشر باين بعيونه ده غير هتطلب الرحمه من ربنا ازاي وهي حتي ما رحمتش اخواتها الثلاثه دمرتهم بكل
اريحيه غمضت عيونها وهي مش قادره تتخيل انه يلمسها وكانت منتظره يمسكها لكن فتحت عيونها وانصدمت من الي سمعته
فجأه الباب اتحطم كأنه قنبله نوويه ودخل قوه من البوليس ورشق في المكان
نادر دخل علي طول لغرفه نوم واتصدم بالموجوده فيها شاف مي شبه عريانه وشاب واقف في وضع مقزز مقرف الي اول ما شاف نادر وقف يلبس هدومه بتوتر وخوف
مي رجعت لورى زحفت والدموع مطر من عيونها ...نفسها تصرخ تقوله انا مظلومه بس صوتها محبوس في سجن الخوف
نادر ضربه بوكس خلا الشاب يقع وراح شده بغل لحد باب الشقه وامر العسكري يمسكه وينزله للبوكس ورجع لمي
الي وقفت تعدل فستانها وهي ترجف بخوف هستيري وتبعد وهو يقرب لحد ما لزقت بالجدار وانهارت علي الارض تبكي
نادر نخ وقرب منها مسك شعرها : انتي ايه، ايه قذره جرثومه زباله (وصرخ)ياعسكري تعال خد الحشره دي كمان
مي ما كانتش بتفكر بأي حاجه كانت مسلمه نفسها بقت موصومه للابد وهيبقي ليها ملف في الاداب وفقدت عذريتها في الاول وممكن تتسجن ايه تاني ابشع من كدا!!!!!
وقف البوكس ينزلهم وكان في استقبلهم الفلاشات قرب نادر و بَعد الناس وعدا بيها من كم الزحمه ودخلوا القسم
ومي اتشبثت فيه من الخوف واخدها ورآه شوية و مسكها و هي ترجف وفضلت تبكي زيادة لحد ما دخلت غرفه التحقيق
......غاليه.......
عند غاليه وفارس الساعه 7 الصبح
غاليه كانت نايمه على الكنبه وفارس نايم ع السرير صحت غاليه قبل منه
قامت خدت لها شور وصلت فرضها و لبست وجهزت الفطار و طلعت صحته ..
غاليه هزته بشويش: فارس
فارس:........
غاليه بهدوء: فااارس
فارس اتقلب: همممممم
غاليه: قوم الفطار جااهز
فارس بعصبيه : طيب قايم بس ابعدي عني ودفع ايدها بشده
غاليه قربت منه تساله صرخ فيها انها تبعد عنه وهي وقفت في حاله صدمه
من امبارح رسايل عماله توصله حس انه فقد رجولته مش قادر يتكلم هيتهمها
طب ليه مكمل معاها عشان لسه بيحبها ايوه بيحبها لسه عاوزها لحد الجنون ياريته يكرها بنفس مقدار حبه ليها..!!!!!!لعن قلبه ولعن حبه
دخل الحمام و غاليه لئلئت الدموع بعيونها: انا عملت ايه ياربي ودخلت غرفتها القديمه تغسل وشها في الحمام وتنزل تشوف جدها الي المرض اخد منه كل قوته المتبقيه
خرج فارس من الحمام لقي فونه رن
رد :مين معايا؟؟!!
الصوت :هههههه فارس باشا روح شوف مراتك بتخونك مع مين يا ابن الاكابر
فارس بعصبيه:انت عاوز ايه ...عاوز ايه وانت مين؟؟!!!
سمير:ههههههه مع السلامة يا مغوار
قفل سمع صوت رسايل فتحتها لقى صور ((ومكتوب اتفرج واتمعن ياطروبش))
فتحها شاف غاليه واقفه وشاب حاضنها بوقاحه وظهرها كله باين لالالا استحاله لا يمكن
فارس رص علي سنانه بغل وجن جنونه:الحقيييره
جري وفتح الباب:غاليه ياحيوانه يا زباله يا............ يا..........
غاليه فزت برعب: فيه ايه..؟!!!!!
فارس حدف التلفون في وشها: اتفضلي شوفي الاحترام
غاليه بصت في الموبيل ومصدومه من الي بتشوفه:مين مين الي عطاك ده
فارس :مشاء الله عليييييييييييكي مش مهم مين المهم عرفت اني مش ظالمك
غاليه :والله العظيم دي ما انا
فارس شدها بقسوه :يعني عايزه تقنعيني انك مش انتي الي في الصوره
غاليه بصوت يقطع القلب من كثر البكاء:ايوه مش انااااااااااااا فيه حاجه غلط
فارس مسك دماغه بقهر: مفيش غلط اكبر من الي انا شايفه بعيوني مراتي في حضن واحد تاني(وصرخ بجنون ) انا خلاص خلاص مليت زهقت قرفت تعبت من الاعيبك وتمثيلك
غاليه: والله العظيم انا ماخاينه
فارس صرخ بجنون: ما كفايه حلفان بقي ايه المفروض اصدقك لحد ما ادخل القيه نايم في حضنك
غاليه برجاء وتوسل: فارس اسمعني ارجوك
فارس بصرخه وعيون حمره بتقطر دم :مش عاوز اسمع ولا عاوز افهم
غاليه قلبها انقبض
سابها وطلع وقرر يطلقها وتروح لحال سبيلها وخرج وهبد الباب بقوة ة لدرجة غاليه من الخوف انهارت مكانها!! وهي حاسه انها بتودع خلاص الجنه وتغادرها لالالا فكره
انه يطلقها و يسبها بالنسبه لها قرار كهف مظلم مرعب الموت ارحم انه يبعدها عنه ويتهمها بالخيانه
*******غاليه*******
في الصاله
فارس مكشر: صباح الخير
الجد : صباح النور .. فين غاليه
فارس : فوق حتنزل ..بس يا جدي عاوز اكلمك بموضوع ضروي
الجد : قول يابني سامعك
فارس بجديــه : جدي انا صراحة قررت اطلق غاليه؟!
الجد وهو مش مصدق : ايه تطلق ؟ وغاليه تروح فين؟
فارس: تروح مطرح ماتروح
الجد بغضب:انت قاعد تقول ايه؟؟!!
فارس بنرفزه: جدي انا خلاص جبت اخري حياتي مع غاليه بقت مستحيله ومن حقي اشوف زوجه تانيه
الجد بعصبيه : وليه ان شاء الله غاليه بنتي مالها ناقصها ايد و لا رَجل ..
فارس : جدي انا قررت خلاص
الجد : قررت وهتنفذ ماشاء الله .. بس اعمل حسابك يافارس انك لو طلقتها لا انا جدك ولا عاوز اعرفك
فارس بنرفزه : جدي اظن الشرع حلل الطلاق ليه حضرتك تحرمه
الجد: حلله لاسبب وانا عاوز افهم غاليه قصرت معاك في ايه عشان تكسر قلبها كدا؟!!
فارس بينه وبين نفسه... عاوزني اقولك ايه اقولك غاليه بنتك الي بتثق فيها خانتني واد ايه مجروح وكل مره هشوفها فيها هفضل اتعذب وانجرح وانزف
فارس: ياريت متجبليش سيرتها ومتسألنيش ليه بس احنا مينفعش نكمل مع بعض
الجد غمض عيونه بألم: روح اعمل الي انت عاوزه وانا وغاليه لينا ربنا
فارس : جدي عاوز اعمل كدا و انت رااضي عني
الجد بقهره : ارضي عنك ازاي وانت ظالم بنتي ازاي.. ؟
فارس : انا مبظلمش حد وبعدين انا نفسي افهم اشمعني انا الوحيد الي اجبرتني اتجوز من بنت عمي رغم ماجد رفض رانيا ولا عشان انا مش بحب ازعلك؟؟
الجد و هو مش مستوعب كلامه : كدا يا فارس دي اخرتها (وبغصه) روح انا خلاص مبقاش ليا كلمه عليك
فارس: جدي ارجوك متزعلش مني وعاوزك تكون راضي عليا
الجد بحزن: انا مش راضي ولا موافق
فارس بقهره: ليه مش موافق عاوز افهم غاليه دي بالذات فيها ايه دوناً عن غيرها من بنات عمي ماعندك ماجد رفض بنت عمي حامد وانت معملتش فيه كدا!!!!
الجد بعصبيه حد الجحيم: انت قولتها ولاد ابني حامد الجشع العاق ورفضتها لماجد الي لما رفض بنته معترضتش
فارس بنرفزه لاول مره : سبحان الله طيب ما انت غصبتني اتجوز غاليه وهي بنت ابنك ابراهيم الي جشع وفيه كل العبر ولا عشان انا يتيم قررت تتحكم فيا
الجد بنفعال وذله لسان: افهم لان غاليه مش بنت ابراهيم دي بنتي انا !!!!!!!
فارس بصله بدهشة : مش فاهم
الجد: سكت
فارس: ريحني وقولي تقصد ايه بكلامك؟
الجد : ساكت
فارس:طيب احكيلي الي معرفوش
الجد مازال ساكت
فارس قرب منه وبعصبيه وصوت عالي:سكوتك بيقول انها
الجد قطعه بكامل عصبيته: اخرس غاليه امها اشرف ست في الدنيا
فارس ضحك بسخريه لاذعه: قصدك امها جيهان اشرف ست
الجد بصله: امها مش جيهان
فارس بصدمه: امال غاليه بنت مين