رواية لمضه كامله بقلم نورهان سليمان
الفصل الاول
الفصل الثاني
هو_شهد أنا مبحبكيش شايفك أخت بس وبنت خالتي بس والله
شهد _خلصت مين ابن ***اللي قال إني بحبك هل أنا قولتلك إني بحبك
أحمد _لا بس أ
شهد _مبسش نقطه وخلص الكلام يسطا إبقي سلم علي خالتو وأدفع الفاتوره يا يا بن خالتي
أعرفكم بنفسي بقا(إسمي
شهد عمري 20 سنه قصيره وعيوني عسليه محجبه وفكليه فنون جميله بعشق الرسم سيكا يعني أه والنطع ده إبن خالتي الوحيد
بحبه من زمان وهو ولا الهوا بس اللي سبنا خسر دلعنا ويانا يا المهزء اللي تاعب قلبي وياه ده)
وقفت قدام البيت مسحت دموعي وهديت ورسمت ضحكه عكس الوجع اللي حسه بيه
شهد _ يخلق يا هووووو أنا جعانه
_أهلا بالمفجوعه
شهد _أهلا بيكي يا ماما أقعدي ده يعتبر بيتك بردو
_يا مري منك أنا هقدر عليكي يا لمضه
شهد _أنا عملت إيه دلوقت😁
_لا ولا حاجه هاا أحمد كان عايز أيه
شهد بإرتباك_هااا لا أصل أصله أه كان بيعزمني علي الغدا
_غريبه بمناسبه أيه بقا يختي
_مش إبن خالتي ياما الله وبعدين تلقيه شفق عليا إكمن مفيش حد معبرني كدهون يختي أه واللي إسمها أمي دي صعبه أوي شبه المحقق كونان كده
_أنا صعبه يا حيوانه طب مفيش شوكلاته هه
شهد _مين قال كده دا أمي دي نسمه نسمه كده يالهوي ويخربي علي جمالها يا ناس جرجينا هتغار منك والله ياما
_أيوه كده إتعدلي
شهد _طب إطلعي بشوكلت بقا
_لا مفيش
شهد إستعنا بالحنين _ياست الحبايب ياااااا حبيبه يا أغلي من روحي ودمي يا حبيبه ياااااست الحبايب
_أه ودني منك لله خدي وإخفي بقا من وشي
شهد _أشي
دخلت أوضتي وفتحت الشوكلت وأقعدت أكلها نسيت اللي حصل و
شهد _يا سلااااام لو كانت الشوكلاته دي راجل كنت إتجوزتها وبلا أحمد ولا مرجان
وبصت فالمرايه لقت وشها كله شوكلاته
وهنا إتفتح باب الأوضه ودخل إبن خالتها (ساكن فالشقه اللي قصدها 😐)
أحمد _شهد أنا و ههههههههههههه أي ده
شهد _أعااااااااا بره بره
وحدفته بالمخده وجريت من قدامه ......
#لمضه
Part 2...
أحمد طلع بره وبيضحك علي منظرها وهي كانت هتموت خلاص يعني
و.....
شهد _إنت هنا ليه؟
أحمد _بيت خالتي وأنا حر
شهد _ماشي يا أحمد عن إذنك
أحمد _شهد إستني
شهد _نعم
أحمد _خطوبتي بعد تلت أيام
شهد بضحكه _ألف مبروك ربنا يتمملك علي خير يارب
عن إذنك
دخلت شهد الأوضه وقفلت الباب وقعدت تعيط
~أحببتك حد الثماله وأيقظتني بمياه بارده هشمت قلبي أشلاء
وبعد ساعات نامت مكانها من العياط صحيت علي أذان العشا دخلت إتوضت وصلت وشكت كتير اوي لربنا وقررت تنساه خالص ونامت صحيت تاني يوم و
_شهد يلا يا روحي هتتأخري علي جامعتك
شهد _مش هروح النهارده يا ماما تعبانه
مامتها بحزن لإنها عاوزه السبب _حاضر
صحيت شهد الساعه 3 وأتصلت بخلود صاحبتها عشان يتقابلوا علي كورنيش البحر
شهد _خلود أنا هروح علي الكورنيش هتيجي
خلود _مالك يا شهد
شهد _مالي أنا الحمدلله يبنتي
خلود _شهد متحاوليش إنتي بتروحي هناك لما تتضايقي
شهد _أحمد هيخطب بعد تلت أيام
خلود بزعل علي صاحبتها_ نص ساعة وهكون هناك
شهد _اشطا سلام
خلود _سلام
لبست شهد دريس زهري وطرحه بنفس اللون
شهد _ماما أنا هخرج مع خلود
_طيب متتأخريش
شهد بضحكه وحركه مسرحيه_حاضر يا فندم علم وينفذ
_ربنا يهديكي ويعوضني
شهد _هيهديكي يا ماما متقلقيش
_حيوانه وأبو ورده إتحدف وشهد جريت بره البيت وهي بتضحك وفجأه كان أحمد طالع وشافها
أحمد_إزيك يا شهد
شهد ببرود _الحمدلله
أحمد _راحه فين؟
شهد بحده_أظن ده شئ ميخصكش عن إذنك
راحت علي الكورنيش ملقتش خلود أقعدت وسرحت فالبحر و....
تاخدي ورده
شهد بتبص لقت طفل بيمد إيده بالورده
شهد بإبتسامه _لا
الطفل زعل وهيمشي
شهد _أنا هاخد كل الورد ده
_بجد
شهد _ههه أه والله بجد إسمك أيه يا عثل
_إسمي أحمد
شهد ساكتت وإفتكرته معقول مش بيحبها معقول سابها
أحمد _الورد
شهد _هاا أه الورد أسفه إنت عارف إن إسمك بحبه أقوي
وعندنا أحمد كبير زيك كده قمر
أحمد _بتحبيه؟!
شهد_ لا
أحمد_ليه
شهد ودموعها بتنزل من عينيها _عشان هو وحش أوي
أحمد بطفوليه مسح دموعها _مش تزعلي هكبل وهاجي أتجوزك وهحبك خالص عسان إنتي طيبه أوي
شهد_هههههه خلاص مش هزعل بقا طالما هتتجوزني يسطا وادي دموعي أهه مبسوط يا حوده
أحمد_أه لازم أروح لماما سلام
شهد بضحكه _سلام يابو حميد
وبعدين رنت علي خلود
شهد _ألو فينك يا بنتي
خلود بأسف _أنا أسفه بس ماما تعبت ومش هعرف أجي
شهد_تمام
خلود _أنا....
شهد_أوعي تتأسفي إنتي أختي يا كلب البحر ومقدره
خلود_والله يبنتي مش عارفه أمدحك ولا أشتمك ههههه
شهد _هههه إدعيلي
خلود_من عوينات عونيا
شهد_بيئه أوي هههههه سلام
قفلت شهد والسؤال هتعمل أيه؟! وهتقدر تنساه إزاي وهي شايفاه قدامها علطول وهو ملك لغيرها!!!
#لمضه
Part 3...
رجعت شهد البيت وهي زعلانه وبتدعي ربنا ينسيها حبه
شهد _مااااما يا مااااما
_يخربيتك خضتيني منك لله يا أخره صبري
شهد _تعيشي وتاخدي فيها غيرها بقا أنا جعانه
_معلش
شهد _ياما بقولك جعانه جعانه الله
_قومي إعملي أكل
شهد _يالهوي ياما إنت لسه مطبختيش
_لا بتفرج علي فاطمه
شهد _أعااااااااا فاطمه هو بدء
_سلاما قولا من رب رحيم قطعتي خلفي أ...
شهد _أوعي ياما إوعي خليني أتفرج بدأ من أمتي ياما
_لسه بادئ ا....لحظه كده يالموكوسه مش كنتي جعانه
شهد_اه ياما بالله إعمليلي سندوتش تصبيره إلهي تتجوزي يارب
_حاا....نعم؟أتجوز
شهد وهي مندمجه مع المسلسل _أه ياما هجوزك واحد قمر والله مش تقلقي
_ياارب عوض عليا يارب ومشيت......
بعد شويه
_بت يا شهد خدي ال.....إنتي بتعيطي ليه
شهد_عشان فاطمه وبعدين مرات أخوها دي بتعمل كد ليه ولا أكمن البت طيبه وقلبها أبيض
(علفكره أنا بعيط بردو كده فأي مشهد مؤثر 😂😂😂)
_الله يحزنك إنتي بتعيطي علي المسلسل هتشل هتشل
إلحقوووووني
خرج أحمد علي صوت خالته دخل لقي شهد بتعيط ومامتها عماله تحسبن
أحمد_في أي يا خالتي ومالها شهد بتعيط ليه؟
_بتعيط علي المسلسل وبتقولي هجوزك هتجلط منها يا أحمد ربنا يكون فعون اللي هيتجوزها والله
أحمد إضايق من كلمه اللي هيتجوزها بس تجاهل الموضوع و
أحمد _ههههه معلش يا خالتي روحي إنتي كملي شغلك
قعد أحمد جنبها وأدلها منديل وهي خدت المنديل ومش واخده بالها أنه أحمد
أحمد_ حصل أيه؟
شهد _تخيل مرات أخوها دي معندهاش أحساس وربنا و
أحمد _ فعلا بارده أوي
شهد بعد أما خدت بالها _هااا انت بتعمل اي هنا؟
أحمد بإبتسامه _أصل شوفتك بتشتميها قولت أجي أشتمها معاكي
شهد_ أعاااااا عديني ياض أعاااا ولسه هتخرج
أحمد _شهد
شهد وقفت بس مدورتش ليه
أحمد_خطبتي بكره هتيجي
شهد وهي بتجاهد عشان تكون طبيعية أدورت وإبتسمت _بإذن الله وجريت علي أوضتها وأقفلت الباب
وعيطت وتاني يوم صحيت شهد وصلت فرضها وعيطت كتير فسجودها ودعت إنها تنساه
لقت مامتها و
_تعالي يا حبيبتي جنبي
قامت شهد وقعدت جنبها علي السرير
_أنا عارفه إنك بتحبي أحمد إبن خالتك يا شهد
شهد إتصدمت
_وعارفه إنه صعب تنسيه بس ده حكم ربنا أدعي كتير وحاولي تنسيه يا شهد وربنا هيعوضك بأحسن منه يا بنتي
حضنتها شهد جامد وعيطت جامد بس.. بس أنا حبيته أوي يا ماما
حضنتها جامد وبعياط _ إستعيني بالله يا بنتي ملكيش غيره
وبعد شويه
_يلا أقومي إلبسي وأوعي تضعفي عاوزاكي أقويه عايزه بنتي المضه فاهمه
شهد مسحت دموعها وضحكت _إنتي تؤمري لبست شهد دريس جميل أوي لونه زهري ضيق من فوق وبيوسع من تحت وفيه فيونكه صغيره فالوسط لبست طرحه من نفس اللون وحطت ميك خفيف وكحل واللي بين زرقه عيونها فكانت أيه من أيات الجمال حطت إيدها علي الباب وأتنفست وخرجت......