رواية مخدوعتي الفصل الثالث3 بقلم منار عصام

رواية مخدوعتي

بقلم منار عصام

الفصل الثالث

- أنا دكتور إسلام دكتور أسنان مرتبطش قبل كدا بصراحة أنا متابعك من فترة لما شوفتك ف فرح سها صحبتك ومن وقتها مقدرش أقول حبيتك بس إتشديت ليكى بطريقة غبية ومش عارف إشمعنا إنتى..

*فضل يتكلم كتير بس كلامة بيدور إنى أجمل واحدة شافها وهيعيشنى أسعد إنسانة وإنة كله مميزات ومعندوش عيوب ولو سافرت المريخ مش هلاقى حد زيه وهكذا دواليك..ببصله مش لإنى أشوف شكلة بس أنا الحقيقة كنت سرحانة..سرحانة ف دكتور مالك هو قالى إنة بيحبني طب ليه متقدمش..ليه من انبارح مكلمنيش يطمن عليا ولا حتى سأل أنا تعبت تانى ولا لا..هو ممكن يكون كلامه صح ولا بيكدب عليا،أما ليه مقولتلوش إنى بحبه أنا كمان،ليه مقولتلوش إن كل خناقاتى معاه كانت عشان مشاعري تجاهه متبنش غصب عني..ليه كل دا حصل،عارفة إن اللى أنا فية إبتلاء بس صعب أوى *

- إنتى مبتتكلميش ليه.. أنا بقالى ساعة بحكي عن نفسي وإنتي سرحانة.. 

= معلش أنا مضطرة أستأذن.. 

*خرجت جري وبابا بينادي عليا وكل اللى شاغل تفكيري إنى أخرج من هنا وبس..لسه بفتح الباب لقيت مالك ف وشى من دون وعى منى حضنته وفضلت كدا حوالى دقيقتين أنا حضناه وهو مستغرب..لما رجعت للواقع سيبته وجريت وهو جري ورايا* 

- ياشيخة اقفي قطعتي نفسي.. 

= لو سمحت ارجع انا عاوزة افضل لوحدي شوية.. 

- مينفعش اسيبك لوحدك ف وقت زى دا.. وبعدين انتي هتبقي مراتى وانا راجل شرقي وسلو عيلتنا حريمنا متخرجش بالليل الا مع جوزها.. 

= جوزهاا!!.. على اي اساس بتسمي نفسك جوزي احنا لا مخطوبين ولا متجوزين، ولما انت عاوز تتجوزني تقدر تقولي سايبني لوحدي ليه*بدءت تعيط*مسألتش عليا من انبارح ليه.. افرض كنت مت ولا جرالي حاجة، وانا زي الهبلة ماسكة الموبايل عشان اول مترن ارد ع طول وانت ولا انت هنا.. 

*رديت بضحك ع اسلوبها الطفولى*

- بس بس متعيطيش طيب انا اسف اني مرنتش.. كنت فاكرك مش طيقاني.. 

= لا انا بحبك.. 

- اي الدلقة دي طب اتقلي شوية.. 

*مسحت دموعها وردت*

= طب وفايدتها اي لما اتقل الشهر دا وانا كدا كدا هموت.. 

- متقوليش كدا عشان خاطري، هتعيشي لإني ببساطة مقدرش أعيش من غيرك.. أنا بحبك لدرجة إني حاولت أتعلم الرسم عشان أرسمك ولما فشلت صورتك ف الخباثة واحنا ف محاضرة وطبعتها وحطيتها ف اوضتس.. انا بحبك من قبل مشوفك ياوعد.. 

*اتكسفت ووشها احمر شبة الطماطم وطلبت نروح فلبيت طلبها عشان محرجهاش اكتر.. روحنا وكان الضيوف مشيو ووالدها ووالدتي شبه هيمسكو ف بعض فدخلت احجز *

= صلوا ع النبي ي جماعة مش كدا دانتو اهل.. 

- تعلالي بقا.. انت مين واي اللى خلاك تجري ورا بنتي وتحضنها قدامي ياقليل الادب ياللي مشوفتش ربع ساعة رباية ، انت عارف بسبب عملتك دي الناس قالت ايه.. قالوا معرفش يربي وبنتة مقرطساه.. 

= ياعمي استهدي بالله وصلي عالنبي كدا.. 

- عليه افضل الصلاة والسلام 

= اولا بنتك اللي حضنتني مش انا اللى حضنتها ثانيا انا مستعد اصلح غلطي واتجوزها وقتي ايه قولك.. 

- تجوز مين انا اعرفك عشان اجوزك بنتي.. 

= يعنى حضرتك كنت تعرف حماك قبل متجوز حماتي.. هنتعرف اهو ياسيدي، انا مالك عزالدين دكتور ف جامعة بنت حضرتك وعندي شركة استيراد وتصدير تخصص مستحضرات تجميل.. 

- عزالدين!! إنت  إسمك إيه بالكامل؟! 

= مالك فواز محمد عز الدين..

- انت ابوك المهندس فواز اللي كان مسافر لندن؟!!! 

= ايوا انا.. 

- تعالى ف حضني يابن الغالي، انت تعرف ان انا وابوك كنا اعز من الاخوات هي بس لولاها الجامعة فرقتنا هو دخل هندسة وانا دخلت تجارة.. بس بما انك ابن فواز فانا واثق ف تربيته، وموافق ع جوازك من وعد.. 

= بجد ياعمى، يابركة صحوبيتك ياحاج.. اي رأيك نقرا الفاتحة والفرح الاسبوع الجاي..

- بالسرعة دي يابني.. 

= خير البر عاجلة وبالمرة اخدها ونسافر.. 

- على خيرة الله نقرا الفاتحة.. 

*قرينا الفاتحة وربنا يسر امورنا طول الاسبوع وجه وقت الفرح..كان فرح بسيط اقتصر ع الاهل والاصحاب من الدرجة الاولى وسافرنا تانى يوم ع طول..اول موصلنا مالك كان مجهز كل حاجة مع دكتور يعرفة،وصلنا الفندق وطلب مني ارتاح شوية عشان التحاليل مجهدة،دخلني الاوضة وقاللي هعمل مكالمة وراجع* 

- ايوا يابوص

= خير يامالك بتكلمني ليه.. متخلص انت.. 

- بصراحة يابوص البت عجبتني مينفعش نأخر العملية شوية.. 

= عشان الأعضاء تتلف إنت غبي، العملية هتتعمل ف ميعادها ومش عاوز شوشرة.. 

- طب هو انتو هتاخدو اي بالظبط؟! <

= مالك.. متنساش نفسك انت مجرد وسيط تجيب الضحية وتاخد نسبتك ودي مش اول مرة ملفك معايا يعني اي حاجة كدا ولا كدا انت الجاني ع نفسك.. 

- خلاص يابوص انا اسف اوامرك هتتنفذ بالحرف الواحد.. 

* مالك.. انت بتكلم مين؟!

                 الفصل الرابع من هنا

لقراءة باقي الفصل من هنا