رواية " مخدوعتى"
بقلم لمنار عصام
الفصل الخامس
- معلش بس ممكن تفهمني انا جيت هنا ازاي، انا آخر حاجة فكراها لما مالك مشي وسابني مع العصابة وبعدين صحيت لقيتني هنا، هو النهاردة إيه؟!
= حيلك حيلك كل دي أسئلة.. هجاوبك عليهم بس خديني ع الهادى، تعالي ارتاحي وخدي دواكي وانا هحكيلك..
- اديني قعدت اتفضل احكي..
= بصي ياستي انا دكتور محمد اتخرجت من كلية طب جامعة القاهرة و..
- حيلك يابا انت هتحكيلي قصة حياتك، انا عاوزة اعرف جيت هنا ازاي؟!!
= لو صبر القاتل ع المقتول..
- كان مات لوحدة هاا وبعدين
= انتي كانو سحبينك من لسانك وهما بيولدوكي، اصبري اما احكيلك والا والله احلف ما اقولك وخلي فضولك يقتلك.
- لا خلاص والله هسكت اتفضل كمل
= اول ماتخرجت كأي شاب مصري ملقتش شغل فسافرت برا ومن حظك الحلو اني اتعينت ف المستشفى اللى كانوا هيعملولك فيها العملية واول يوم ليا مع اول مريضة سمعتهم
بالصدفة بيتكلموا عن نقل اعضاء وانهم هيصفوكي حتى دمك هياخدوه يبيعوه لبنوك دم لإن فصيلة دمك نادرة فكدا هيكسبوا أكتر.. حاولت أعرف ميعاد العملية معرفتش بس اللي
عرفتة هو رقم الأوضة اللي إنتي فيها عملت نفسي الدكتور المسئول عن حالتك وهربتك وطبعا معرفتش اعمل دا لوحدس فساعدني واحد زميل بس اقترح اننا نعملك فحص كامل ولما
عرفنا ان عندك ورم كان لازم يتعملك عملية فاتصرفنا وعملناها ف مستشفى تانية ف فرنسا وللعلم دا بيته نقلنا هنا عشان دا أءمن مكان ليكي.. قوليلي بقا مين دول وإيه اللي جابك هنا؟!!
*حسيته صادق ف كلامة فحكيتله كل حاجة من أول ماشوفت مالك لحد مرضي مروراً بكل اللي عرفته عنه وصولاً للحظة اللي إحنا فيها*
= إخس ع الرجالة بجد.. يبيع أعضاء مراته..
- مهو إتجوزني عشان يعرف يسفرني من غير شبهه.. ما علينا أنا هفضل هنا لإمتا؟!
= لحد ما الجو يهدى احنا هربناكي لهنا بر مش جو ولو سافرتي لمصر لازم طيران واكيد كل خطوط الطيران متراقبة وهتفضلي هنا لمدة شهر لحد مالامور تهدى إلا بقا لو حبيتي تموتي دا وضع تاني..
- لا خلاص هفضل هنا..هو انا اطول افضل مع القمر دا شهر بحالة..
= بتقولي حاجة؟!!
- هاا أبداً مقولتش حاجة..
= طيب ارتاحي انتي..انا ورايا شوية حاجات هعملها وبعدين اجي اطمن عليكي..
- تمام اتفضل..
*ف مكان تاني مهجور ف سويسرا مالك بيضرب 3 شباب وهما ساكتين *
- هربت إزاى..يا كلاب مشغلين معانا شوية*****مش عارفين تراقبوا بنت مريضة امال لو كانت بصحتها كانت عملت اية؟!
= مالك..اهدي،هي اكيد مبعدتش ورجالتنا مفتحة عنيها،البت دي مش سهله واللي قدرت تهرب ف ظروفها ووضعها دا اكيد هتعملنا مشاكل..احنا لازم نخلص من البت دي ف اسرع وقت..
- هيحصل،انا مش هيهدالي بال ولا هرتاح الا لما اعرف مكانها واجيبها!
= هنجيبها..بس طول بالك..
* بعد يومين ف مصر وبالتحديد ف بيت وعد *
- يعني انت متأكد يبنى إن خطتك دى مفيش فيها ضرر ع وعد..
= يعمي صدقني انا عامل كل دا عشان انقذ وعد..انا مستحيل أئذيهاا..
- انا عملت كل دا عشانك وعشانها مش عاوز اخسر حد فيكوو..
= صدقني ربنا مش هيسيبنا،أنا مضطر أمشي عشان أظبط باقي الحوار
- ف رعاية الله..