رواية نور حياتي
الفصل الاول والثاني والثالث
بقلم بسمة شعبان
بارت 1
فى المنصورة ....
في الصباح الباكر ... مع طلوع الشمس .. لتفتح عيونها العسليتان على صوت خالتها التى تصدر صوت عالي نسبيا .
خالتها : قومى ياختى بدل ما انت نايمه كدا قومى اعملى مصلحه ولا شوفى شغلانه بدل قاعدتك دى
نور بزهق : حاضر ياخالتى قايمه اهو
خالتها : ما انا شيلاكى انتى واختك من يوم ما اختى وجوزها ماتوا ... ايه مش كفايه كدا ياختى ،والتانيه فالحه بس تروح الجامعه وتيجى ولا نافعه ف حاجه ،داهيه تاخدكوا
نور بحزن : خلاص ياخالتى انا هنزل ادور ع شغل
خالتها : يلا ياختى قومى حضرى الفطار
نور بإيماء : حاضر ، احم .. م..معلش ياخالته بس محمد هيجى النهاردة بالليل
خالتها: نعععم ، لا كدا كتير ،امتى بقى تتجوزى وأخلص منك انتى واختك ، يجى نص ساعه بس فاااااهمه
نور بخوف : ح..حاضر
قامت نور من على السرير وأخذت حمام سريع واديت فريضه الصلاه وخرجت من غرفتها وبعد القليل من الوقت حضرت نور الفطار لخالتها وجوزها
علي (زوج خالتها) : ايه الزفت دا ، الأكل بارد ليه واكمل بزعيق : انتى مش بتعرفى تعملى حاجه ف حياتك صح خالص ، ايه القرف دا
نور بخوف : والله كان س..سخن
علي بغضب : انتى لسه هتتزفتى ترغى يلا روحى سخنى الطفح
نور بخوف : حاضر ... حاضر
قامت نور بتسخين الطعام ثم وضعته على السفرة وذهبت إلى غرفتها لكى تستعد للبحث عن عمل .
جاءت ريم من الجامعه ،ولكن هى تختلف كثيرا عن أختها الكبرى
علي بسخريه : اهلا بالمتعلمه ، قال يعنى خلاص اما تتخرجى خلاص هتشتغلى بيها ، ابقى قبلينى
ريم بعصيبه : بإذن الله ، بكرا هتشوف يا..ياجوز خالتى
علي بعصبيه : اتكلمى عدل يابت فى ايه ، صحيح انك متربتيش .
ريم بغضب : انا متربيه غصب عنك و...
قامت بمقاطعتها خالتها
خالتها : فى ايه يا علي
علي بعصبيه : بصي قليله الادب بترد عليا ازاى
خالتها بعصبيه : فى ايه يابت مش كفايه اننا مستحملين قرفك انتى واختك
ريم ببرود : اولا البيت دا لينا فيه زى ما ليكى فيه بالظبط ، يعنى أنتى زيك زينا بالظبط ، متنسيش دا بيت جدى والفلوس اللى انتو عايشين بيها دى تبقى بتاعت أمى اللى انتى خديها، ثم أكملت بسخريه :لما المحروس جوزك بطل يشتغل
خالتها بغضب شديد : انتى فعلا عاوزة تتربي من اول وجديد .. وجاءت حتى تصفعها بالقلم ولكن ريم كانت الاسرع وأمسكت يداها وقالت : إياكى بس تفكرى أيدك دى تلمسنى ،صدقينى هتوحشك لو عملتى كدا
قامت خالتها بسحب يداها وقالت : ماشي يا بنت فاطمه انا هوريكى ...قالت جملتها ثم اتجهت إلى غرفة ريم وقامت بترتيب ملابسها داخل الحقيبه وكانت نور فى الغرفه
نور بإستغراب : بتعملى ايه ياخالتى
خالتها بعصبيه : بعمل اللى المفروض كنت أعمله من خمس سنين من ساعه ما جيتوا هنا انتى وقليله الأدب اللى برا دى
نور بخوف : ط...طب هنروح فين بس
خالتها بغضب شديد : غوروا فى داهيه تاخدكوا وانا مالى
جاءت ريم وراتها تضع ملابسها داخل الحقيبه
ريم : لو مفكرة اننا كدا هنخاف او هنسيب حق أمنا يبقى بتحلمى ، رب هنا رب هناك وأكيد ربنا مش هيسيبها حتى لو مشينا من هنا
نور بغضب : انتى بتقولى ايه ياريم هنروح فين يعنى
ريم : نغور فى داهيه ولا عجبك اللى بيحصل معانا دا
خالتها : محدش غصبك ياختى يلا خدوا حاجاتكوا وغوروا جاتكم القرف
قالت جملتها وخرجت من الغرفة
ريم بعصبيه : لو انتى هتفضلى فى الذل والاهانه دى كتير فى انا مش هفضل فيها ، انا ماشيه تعالى معايا نشتغل ونبدأ من جديد يانور (عاااش ياريم 😂)
نور بخوف : م...ماشي يلا
أخذت الفتاتان أغراضهم وخرجوا من غرفتهم حتى يذهبوا ..
الخالة : يلا فى داهيه ثم أكملت بسخريه : بس يارب متجبوش العار معاكوا وتيجوا
ريم بعصبيه : صدقينى حتى لو هنشتغل خدامين اهون ألف مرة من العيشه هنا أحنا ماشين بس خليكى فاكرة كويس اننا مش هنسيب حق أمنا تتمتعى وتصرفى فيه براحتك كدا ها ... سلام يا..ياخالتى
وذهبت الفتاتان إلى حيث لايعلمان ومن هنا عزيزى القارئ هتبدأ الروايه .....
اتجهت كلتاهما إلى محطه القطار ولا يعلمان إلى أين سيذهبوا ..
نور بعصبيه : مش معنى أنى جيت اني موافقه على اللى انتى عملتيه دا ياريم ،انا جيت معاكى عشان أكيد مش هسيبك تمشي لوحدك
ريم بغضب : يعنى عجبك انهم بيعاملونا زى الخدامين و احنا زينا زيهم فيه ثم أكملت بهدوء: بصى يا نور انا عارفه انى غلطت بس صدقينى كدا أحسن وأكيد ربنا مش هيسيبنا
نور : طب وهنروح فين دلوقت بقى
ريم : بصى احنا نسافر القاهرة وأكيد هنلاقي شغل هناك
نور : طب وجامعتك ،هتعملى ايه فيها
ريم : متخافيش انا سألت وعرفت ان ممكن أحول ورقى لجامعه القاهرة
نور بخوف: ماشى يلا
وركبت الفتاتان قطار القاهرة ومن هنا سوف يتغير مسار حياتهم بالتأكيد ولكن هل سينجحون ام ان للقدر رأى أخر .....
فى القاهرة
فى أكبر شركه سيارات فى الوطن العربي
يجلس رجل فى منتهى الجبروب والغرور يضع قدم فوق الاخرى ويعطى أوامر للعمال
جاسر السويسى بجديه : سمعتوا مش عاوز ولا غلطة انتوا فاهمين
العمال بإيماء : فاهمين يابشمهندس جاسر
جاسر : يلا كله على شغله ...ثم يكمل عمله
يدخل عليه حسام صديقه المقرب والذي بدأ يعمل معه بعد إفلاسه ... حسام : صباح الخير ياجسورة
جاسر بجديه : عارف انت لو مش صاحبي وقولت كدا انا كنت دفنتك مكانك
حسام بمرح : وعلى ايه ياعم سمعليكووو
جاسر : خد هنا .... انت جهزت الورق اللى قولتلك عليه
حسام : ايوة كله جاهز
جاسر : تمام .... يلا أخلع دلوقتى
حسام بمرح : ماشي ياعم الله يسهله وغمزله
جاسر بجديه : حسام متهزرش
حسام : خلاص يا عم انا ماشي .... واتجه إلى الخارج
(طبعا كل الشخصيات المهمه متعرفه فى بارت لوحدها 😁)
فى مكتب جاسر
جاسر بعصبيه وهو يتحدث فى هاتفه : ايوة يعنى كل الفلوس دى عاوزاها ليه
تاليا : فى ايه ياجاسر عاوزة الفلوس وخلاص مش لازم تعرف يعنى
جاسر بشك : ماشي ياتاليا هبعتلك اللى انتى عاوزاه بس خدى بالك انتى سحبتى فى الشهر دا بس أكتر من 50000 الف جنيه بتعملى بيهم ايه بقى
تاليا بعصبيه : هو انا لازم أقولك بعمل ايه وبروح فين وبجاى منين ،دى مش عيشه ياجاسر ..سلام
جاسر بغضب : ماشي ياتاليا سلام بس أعملى حسابك مفيش فلوس تانى الشهر دا ...وأغلق الهاتف
وانتبه إلى عمله ..
فى محطه القطار
ريم : يلا يا نور وصلنا هننزل المحطه الجايه
نور بخوف : ماشي يلا
ريم بخوف ولكن لاتظهره : عارفه انك خايفه يانور بس هنعمل ايه ،كان لازم نمشي ..يلا عشان ندور ع اي مكان نقعد فيه أحنا معانا قرشين من معاش بابا الحمدالله
نور : بس أحنا منعرفش حاجه هنا،هنعمل ايه
ريم : هقولك بصي أحنا نروح اى فندق نستريح فيه لحد بكرا ماندور ع شغل أحنا الاتنين ماشي
نور : لا ياريم انا بس اللى هشتغل ،انتى نسيتى انك عندك جامعه
ريم : لا منستش بس عشان نساعد بعض شويه ، تعالى بس وبعد كدا هنشوف
وذهبت الفتاتان إلى أقرب فندق لكى يستريحوا
فى المساء
فى فيلا جاسر السويسى
وصل جاسر إلى منزله وهو فى قمة الغضب
صعد السلم ثم دلف إلى غرفته
جاسر بعصبيه : تاليا ...تاليا
جاءت على صوته العالى نسبيا الخادمة
الخادمة بخوف : تاليا هانم لسه مجتش ياجاسر بيه
جاسر بغضب : ايه .. هى خرجت من الساعه كام ..
الخادمه : من ساعة ماحضرتك نزلت كدا
جاسر بغضب : طب روحى انتى ثم أكمل بوعيد : ماشي ياتاليا انا هوريكى ثم دلف إلى صغير بحزن
آدم بحزن : بابي هى مامى فين انا من الصبح وانا بلعب لوحدى
جاسر بحنيه : معلش يا حبيبي مامى فى مشوار وجايه ، يلا يابطل روح نام ايه اللى مصحيك لحد دلوقت .. يلا تصبح على خير يادومى
آدم بإبتسامه : وانت من اهله يابابى
جاءت تاليا فى الواحدة مساء
جاسر بعصبيه : الهانم كانت فين وسايبه ابنها كل دا
تاليا : فى ايه ياجاسر هو فى الشارع ماهو فى الفيلا اهو وبعدين هو تحقيق ولا ايه بص انا تعبانه وعاوزة انام واتجهت إلى السرير ثم أكملت : اه صحيح ياريت تبقى تجيب دادة او مربيه أطفال أحسن عشان بصراحه انا بقيت بصدع
جاسر بعصبيه : انتى ام ازاى ... عارفة انتى خسارة فيكى أى حاجه ... انتى حتى خساره فيكى تكونى أم
وخرج من الغرفة حتى يتحكم فى غضبه
ونام فى غرفة تانيه
فى صباح يوم جديد
نور : يلا ياريم قومى عشان تشوفى ورق جامعتك
ريم : خلاص يا نور قايمه اهو
نور : انا هنزل ،صحيح بصى كان فيه جرايد هنا ولقيت مكتب توظيف قريب من هنا انا هروح أشوفه جهزى نفسك لحد ما أجى ماشي
ريم بنوم : ماشي ماشي
ذهبت نور إلى مكتب التوظيف وأكملت ريم نومها
فى فيلا جاسر السويسي
دلف جاسر إلى الحمام حتى يأخد حماما بارد لكى يستفق ،ثم خرج وارتدى بدله سوداء جعلته غايه فى الجمال فهو شديد الوسامه
نزل إلى الاسفل وخرج من الفيلا واتجه إلى سيارته
أخرج هاتفه من جيبه
جاسر : الو يا حسام انا هتأخر النهاردة عشان هعدى على مكتب التوظيف
حسام بمرح : ليه بدور على شغل (لا ظريف ياحسام 😒)
جاسر : انت متعرفش تتكلم جد شوية ، لا ياعم رايح اشوف مربيه أطفال لأبنى
حسام : عالفكرة انت ممكن تعمل كدا بمكالمه واحدة
جاسر : لا طبعا دا ابنى يعنى لازم اشوف اللى هتفضل معاه وأعرف عنها كل حاجه فهمت
حسام : ماشي ، بس متتأخرش عشان فيه إجتماع كمان ساعه
جاسر : طيب ماشي يلا سلام
أغلق جاسر الهاتف وانتبه إلى الطريق
أمام مكتب التوظيف
كانت نور شاردة فى حياتها وماذا ستفعل هى وأختها الصغرى
وهو يسوق توقف بغضب فجأة
جاسر بعصبيه : انتى متخلفه مش تبصى قبل ما تعدى ياغبيه انتى
نور بخوف : أسفه اسفه كنت سرحانه شويه
جاسر بعصبيه : والمفروض نعمل ايه عشان الهانم سرحانه ،نروح احنا فى داهيه يعنى
نور بعصبيه : خلاص حضرتك قولت أسفه ، ايه قلة الذوق دى ودلفت نور إلى مكتب التوظيف وتركته
جاسر بعصبيه : غبيه ،كنت ناقصك انا ع الصبح
ركن جاسر سيارته ودلف إلى المكتب
نور بإحترام : لو سمحت انا شوفت الإعلان وكنت بصراحه ..احم عاوزة اشتغل
موظف الاستقبال : حضرتك معاكى شهادة
نور بإحراج : احم ... لا
موظف الاستقبال : تمام اتفضلى استريحى وانا هبلغ حضرتك
نور : تمام
دلف جاسر إلى المكتب
جاسر : لو سمحت انا كنت محتاج مربيه أطفال
موظف الاستقبال : للأسف يافندم عندنا عجز فى المربيات
جاسر بعصبيه وصوت عالى نسبيا : ازاى مكتب توظيف كبير زى دا مفيهوش مربيات يعنى انتو بتهزروا
نظرت نور إلى هذا الصوت وسمعت ماقاله
ذهبت إليه سريعا وقالت : يافندم بعد اذنك
جاسر بعصبيه : عاوزة ايه انتى كمان
نور بإحراج : انا ممكن اشتغل مربيه
جاسر : انتى .. ثم أكمل بسخريه :مستحيل دا انتى مشاء الله واضح انك عالطول سرحانه
ثم وجهه حديثه للموظف فين مكتب المدير
موظف الاستقبال : تمام يافندم اتفضل من هنا
ذهب جاسر إلى مكتب المدير
موظف الاستقبال : بصى حضرتك انا سجلت بياناتك واول ما نحتاجك أكيد هنتصل بحضرتك
نور : تمام متشكرة جدا
فى الداخل
جاسر بعصبيه : يعنى ايه مفيش مربيات امال انتو فاتحين المكان دا ليه
المدير : هدى نفسك ياجاسر باشا ، ثانيه واحدة
بص حضرتك متاح مربيه واحدة بس
جاسر : امال المتخلف قالى مفيش ليه
المدير : فعلا يافندم البيانات دى لسه متسجله حالا
جاسر : طب كويس ، اسمها ايه
المدير : نور عادل المهدى
جاسر : تمام ، أكيد هى لسه ف المكتب مادام البيانات متسجله دلوقتى ، ياريت تبعتها هنا
المدير : حاضر يافندم (فهو بالطبع يعرفه ومن لا يعرف جاسر السويسي )
المدير فى هاتف العمل : ابعتلى المربيه اللى لسه مسجله بياناتها حالا
موظف الاستقبال : حاضر يافندم ... انسه نور استنى حضرتك
نور وهى دلفت له : نعم
موظف الاستقبال : المدير عاوز حضرتك
نور بإستغراب : انا ، ليه
موظف الاستقبال : اتفضلى وحضرتك هتعرفى واشار لها تجاه المكتب
نور بإيماء : تمام
ذهبت نور إلى المكتب ودلفت بعدما طرقت ع الباب
جاسر بعصبيه : انتى تانى
بارت 2
ذهبت نور إلى مكتب المدير ودلفت إليه بعدما طرقت
جاسر بعصبيه : انتى تانى
المدير : حضرتك تعرفها ياجاسر باشا
جاسر بسخريه : طبعا دى أحسن واحدة تسرح وتلبسك داهيه
نور بنفاذ صبر : ماقولت أسف يا استاذ خلاص خلصنا ، ايه الاوڨر دا ، كنت سرحانه وخلاص الموضوع انتهى
جاسر وهو يوجه حديثه للمدير : وانا اسف مقدرش أعتمد عليها ، لا وكمان اسيب ابنى معاها مستحيل طبعا
المدير : اسف يافندم بس حقيقي انا عندنا عجز ف المربيات وممكن تتحل بعد شهر او أكتر كمان
جاسر بعصبيه وهو يقترب منها ويشير بأصبعه تجاها : بس اياكى بس تفكرى تهملى إبنى صدقينى هتندمى على اليوم اللى وافقتى على الشغل دا وانا قد كلمتى
نور بعصبيه : وانا مش بتهدد ومبخفش إلا من اللى خلقنى ورفعت بأصبعها امامه ايضا : والمفروض حضرتك اللى محتاجنى مش انا اللى محتاجه حضرتك يا.. ياباشا ... أكملت كلامها وهى تنظر إلى المدير : انا ماشيه ولما حضرته يوافق رقمى عند حضرتكوا .. واكملت بسخريه : سلام يا.. ياباشا
كان جاسر كل ذلك ينظر لها ويفكر فى شيئا ما ، وجاءت حتى تذهب ولكن اوقفه نبرته الحادة
جاسر : وانا موافق ،بس بشرط
نور بنفاذ صبر : خير
جاسر ببرود : هتفضلى مع ابنى ليل نهار ، إقامة يعنى .. ها قولتى ايه
نور بتفكير : بس..بس انا مقدرش اسيب أختى لوحدها
جاسر ببرود يحسد عليه : وانا مش مشكلتى ، ممكن تيجى معاكى بس طبعا هتشتغل عندى ،ها ايه رايك
نور : انا اسفه ، بس اختى مش هتشتغل عند حد ، انا ماشيه . وجاءت حتى تذهب ولكن اوقفها رنت هاتفها وجاوبت بعدما رات انها اختها
نور : ايوة ياريم فى ايه
ريم : تعالى بسرعه يا نور نزلت عشان ادفع فلوس حجز الاوضه وطلعت كتير جدا و لو دفعت مش هنعرف نأجر أوضه حتى ... اعمل ايه دلوقتى
نور بخوف : طب... والحل
ريم بعصبيه وخوف : انتى بتسألينى !! انا اللى بسألك يانور ،اعمل ايه دلوقتى
نور بإنكسار : ادفعى ياريم وانا هتصرف
ريم بخوف : ماشى يانور ربنا يستر ، هستناكى هنا
نور بحزن : ماشى ياريم
دلفت نور ثانيا إلى المكتب واثناء دخولها استمعت إلى حديثهم كالآتى ..
المدير : تمام ياجاسر باشا ، اول ما نلاقى مربيه هنطلب حضرتك أكيد
جاسر : تمام بس لازم تكون مقيمه مع ابنى
نور وهى تدلف إلى المكتب : وانا موافقه
جاسر بتعجب وغرور : غريبه يعنى غيرتى رايك بالسرعه دى
نور بإنكسار وتوتر : ع.. عشان محتاجه الشغل والإقامة فعلا ، بس انا واختى وهستأذن حضرتك انها تفضل معايا بس مش هتشتغل عشان دراستها وممكن تخصم من المبلغ اللى هخده حق إقامتها معايا
جاسر بغرور : اعتقد دلوقتى انتى اللى محتاجانى
نور بإنكسار : فعلا انا اللى محتاجه حضرتك
جاسر ببرود : تمام ، تقدرى تيجى من بكرا و...
قطعت نور كلماته وقالت : مينفعش النهاردة ، بصراحه احنا مش من هنا ومحتاجين مكان نقعد فيه
جاسر بإيماء : تمام مفيش مشاكل ، اتفضلى عشان اوصلكوا
نور بإيماء : حاضر
وخرج جاسر ومعه نور إلى السيارة
نور بإحراج : احم.. اسفه بس مقدرش أركب مع حضرتك لوحدنا
جاسر بعصبيه : نعم والمفروض اعمل ايه ، انا ورايا شغل ومش فاضى للكلام الفارغ دا ... هو انا هتحرش بيكى ، ايه الاوڨر دا
نور بعصبيه مماثله : اولا دا مش كلام فارغ فيه حاجه اسمها حرام وحلال ... ثانيا انا مقولتش لحضرتك توصلنى اصلا ، تقدر حضرتك تكتبلى العنوان فى ورقه وانا هجيب أختى وهاجى
جاسر بنفاذ صبر : اعملى اللى عاوزاه على العموم دا العنوان وياريت متتأخريش ... وذهب قبل ان يسمع ردها
نور بإستحقار وعصبيه : حقيقي بني آدم مهزء ، ايه الغرور دا ، دا حتى مستناش يسمع ردى ، جتك القرف فى غرورك وحلوتك ، ياختتتتتتى ايه اللى انا بقوله دا ، استغفر الله العظيم ، احسن اروح اجيب ريم ونروح للراجل المتكبر دا مش عارفه على ايه يعنى يلا ربنا يستر من اللى جاى بجد
قالت جملتها واتجهت إلى الفندق حتى تجلب أختها الصغرى وتذهب إلى هرقل كما قامت بتسميته فى عقلها
فى مكان اخر
فى كافيه فى المعادى
تاليا : انا مش هعرف أجيبلك فلوس تانى ، انت بتهزر جاسر شك فيا يا يوسف
يوسف بخبث : اعمل ايه يعنى مش انا بأمن مستقبلنا عشان لما تطلقى منه ونتجوز يكون معانا فلوس كويسه
تاليا بهيام : ياحبيبى انا عارفه الكلام دا ، بس انا كدا بأخد فى الشهر مبالغ كبيرة وهو بيسألنى بعمل بيها ايه
يوسف بخبث ويمسك يداها ويقبلها : قوليله اى حاجه ، خلاص هانت ياروحى ، نخلص على فلوسه وهنتجوز على طول
تاليا بهيام : بجد يا يوسف امتى بقى اخلص منه
يوسف وهو يتابع بخبث : هتخلصى ياروحى وقريب اوى .. ثم أكمل بجديه : اهم حاجه ميعرفش باللى بينا دلوقتى وايوة صحيح كنت هنسي ياريت تخليه يمضي على الورق دا
تاليا بإستغراب : ورق ايه دا
يوسف : دا ورق لإحدى شركاته عقد بيع
تاليا بتعجب : وانت عاوز تاخد شركة من شركاته ليه ، كدا هتعمل مشاكل لنفسك ولو عرف ممكن يقتلنى ويقتلك (اللهى تولعى ياشيخة 😒)
يوسف وهو يقبل يداها : متخفيش مش هيقدر يعمل حاجه بس انتى حاولى تخليه يمضي على الورق دا فى اسرع وقت
تاليا بهيام : حاضر ياحبيبى ، انا همشي دلوقتى عشان اتأخرت bye bye
يوسف بخبث : هتوحشينى ياروحى
تاليا بهيام : وانت جدا والله بس اعمل ايه بقى ... سلام
فى شركة جاسر السويسى ، وتحديدا فى مكتب جاسر السويسى
حسام وهو يقتحم مكتب جاسر كالعادة
جاسر بغضب : انت مش هتبطل الطريقه دى ياحسام
حسام بمرح : فى ايه ياجسورة هو انت عالطول متعصب كدا
جاسر يحاول كبت غضبه : المفروض ابقى تافه زيك كدا
حسام بمرح : ماشى ياسطا الحمد الله الذى عفنا مما ابتلى بنا غيره
جاسر رغم غضبه ولكنه ابتسم : عاوز ايه بقى
حسام بمرح : وربنا انا ما عاوز منك حاجه ، ثم وضع قدم فوق الاخرى ، انت اللى عاوزنى ياباشا
جاسر : بلاش بس النفخه دى ، عملت ايه فى صفقه السيارات الجديدة
حسام بجديه : كله تمام وهتوصل بعد بكرا ولازم طبعا تكون موجود
جاسر بإيماء : تمام ، بعتلك اسمين تعرفلى كل حاجه عن البنتين دول
حسام بمرح : اتنين دا من امتى وانت كدا وغمز له ،طب مش خايف لمراتك تعرف
جاسر بجديه : اتلم ياحسام عشان مقومش اربيك
حسام بمرح : خلاص ياعم الله يسهله ، خلاص اشطا هطير انا بقى
جاسر : والنبي فى مهندس محترم يتكلم بالطريقه دى
حسام بمرح : مش انا بتكلم كدا يبقى فيه عادى
وخرج حسام من مكتب جاسر واتجه إلى الاسانسير ودلف بيه حتى هبط إلى الاسفل وكاد ان يخرج من الشركه وقبل خرجه خبطت بيه فتاة فى منتصف العشرين وكان فى يديها كوب من القهوة وافرغت كل ما فى الكوب على قميصه الابيض
حسام وهو ينظر لها بغضب شديد وصوته عالى نسبيا : ايه التخلف دا مش تفتحى يامتخلفه انتى
الفتاة : اسفه جدا يافندم .. مخدش بالى والله
حسام بعصبيه : والمفروض اصرفها فين دى
البنت بغباء : هى ايه دى يافندم اللى تصرفها فين
حسام بعصبيه : لا وكمان غبيه ، امشي ازاى انا دلوقتى .
البنت بنفاذ صبر : ما خلاص ياعم .. احم .. قصدى خلاص يافندم مكنش قصدى
حسام بغضب : انتى مين وبتعملى ايه هنا
البنت ببرود تحسد عليه : والمفروض اقولك ليه
حسام بعصبيه : انتى هتتصحبى عليا
البنت بإستحقار : واتصاحب عليك ليه ياخويا مفكر نفسك ميكل جاكسين وانا معرفش ولا تكونش أحمد عز ... قالت جملتها وتركته يقف مكانه وينظر فى أثرها بغضب شديد وذهبت إلى وجهتها
ذهب حسام إلى الحمام حتى يحاول ان ينظف هذا القميص الابيض وهو يسب بها فى نفسه : إنسانه وقحه وغبيه
اما الفتاه ذهبت إلى موظف الاستقبال : لو سمحت انا كنت جايه اقدم عشان إعلان السكرتيرة اللى فى الجريدة دا
موظف الاستقبال : تمام : مكتب استاذ حسام المدير التنفيذى للشركه فى الدور الاخير
البنت بإيماء : تمام متشكرة جدا
وذهبت إلى مكتب حسام ....
فى الفندق
ريم بعصبيه : فى ايه يا نور كل دا
نور : معلش معلش ، الحمدلله لقيت مكان وكمان شغل
ريم بفرحة : بجد يانور الحمد الله ، بصي انا لازم اسافر دلوقتى عشان الدراسه كمان اسبوع وعاوزة اجيب ورق الجامعه ، ف المفروض اروح اجيبه دلوقتى
نور بإيماء : طيب ماشى يلا
ريم : لا روحى انتى المكان اللى هنقعد فيه عشان حاجاتنا كدا هتتبهدل وانا هروح أجيب الورق وهاجى عالطول
نور بعصبيه : تيجى فين وتروحى فين هو المكان ع أخر الشارع دا سفر ياريم انتى بتهزرى وبع....
قطع حديثها رنين هاتفها أجابت نور على الهاتف : السلام عليكم
جاسر : وعليكم السلام ، الهانم وصلت ولا لسه ع العنوان
نور بعصبيه من طريقته واوامره : لسه متهببتش
جاسر بعصبيه : ومتهببتش ليه لحد دلوقتي ، اعتقد ان اتفاقنا كان واضح وانا إبنى لوحده دلوقتى ، ثم أكمل بغضب شديد : هى ربع ساعه لو مكنتيش فى المكان يبقى تدورى على مكان تانى تشتغلى فيه
وقام بغلق الهاتف دون سماع ردها
نور بعصبيه : داهيه تاخدك عامل زى هرقل ... الله يخربيتك دا انا هشوف ايام سودة منك لله ياخالتى انتى وجوزك اشوفكوا والعين ومحدش عارف يطفيكوا
ريم بضحك : معلش يا نور فترة وهتعدى ، يلا همشى انا وانتى روحى ع المكان اللى أجرتيه وانا مش هتأخر
نور بخفوت : ها لا ما انا هروح على الشغل وهو نفسه اللى هنفضل فيه
ريم بإستغراب : ازاى يعنى
نور : روحى عشان تيجى قبل الليل ولما تيجى هتفهمى لوحدك يلا سلام
ريم بإيماء : طيب ماشى
وذهب كلتاهما إلى وجهته ، ذهبت نور إلى العنوان الذى اعطاه لها ذلك المتعجرف المغرور ، كانت تشعر ببعض الارتياح ،وانها وجدت أخيرا عمل ومسكن أيضا
هل يتبدأ الحياة تبتسم لهم أم للقدر راي أخر
فى فيلا جاسر السويسى
وقفت نور أمام بوابة الفيلا وذهبت حتى تخبر افراد الأمن والذى كان لديهم أوامر بدخولها
دلفت نور إلى الفيلا وهى تنظر بإنبهار شديد وكانت تقسم انها أجمل ما رأت عيناها ودلفت وهى تلتفت حول نفسها وتنظر بإعجاب شديد ... ولكن أوقفها صوت متعجرف انوثى : انتى مين
نور بتوتر شديد : انا... انا نور المربيه الجديدة
تاليا بغرور : امم .. انتى بقى المربيه الجديدة قالتها وهى تشاور بسبابتها نحوها بغرور
نور بتوتر ظهر عليها : ا... ايوة انا
تاليا بغرور : طبعا مش عاوزة اقولك انى لو بس حسيت بإهمال بإبنى انا ممكن اعمل فيكى ايه
نور بنفاذ صبر: لا يافندم بإذن الله مش هيكون فيه إهمال
تاليا بغرور : ماشي ماشي ، دادة فتحيه يااادادة
الدادة : نعم ياست هانم
وريها الأوضه اللى هتقعد فيها ، قالتها وهى تصعد على السلم
الدادة : حاضر ياهانم ، تعالى معايا يابنتى
نور بصوت منخفض للغاية : سبحان الله فعلا الطيور على اشكالها تقع ، هرقل متجوز هرقله والله .. داهيه تاخدكوا انتوا الاتنين
الدادة بعدما سمعت ماتهتف به وضحكت : يخربيتك لو حد سمعك هيقطع عيشك يابنتى
نور بمرح : ياااريت ، دا اهل قريش كانوا طيبين عن كدا ، ايه الوليه اللى شبه ابو لهب دى
الدادة بضحك : واضح انك مصيبه يا... صحيح انتى اسمك ايه
نور بمرح : خدمتك نور ياهانم وهنريحوكى خالص (بطريقه ريا وسكينة )
الدادة بضحك : تعالى يا نور عشان اوريكى أوضك
ومن هنا عزيزى القارئ هتبدأ معاناة الفتاتان وتنقلب حياتهما رأسا على عقب
فى جامعه المنصورة
دلفت ريم إلى الجامعه وذهبت إلى شئون الطلبة حتى تسحب ملفها وبالفعل قامت بسحبه واتجهت إلى الخارج ولكن اوقفها صوت رجولى حاد : مقولتيش يعنى انك هتحولى
ريم بغضب : افندم واقول لحضرتك ليه ، هتدينى المصروف مثلا ، ولا هتعمل السندوتشات قبل ما اروح الكلية
معتز بعصبيه : اتكلمى عدل ياريم ، انا ساكت كل دا عش... قطعت كلامه ريم وهى تقول بغضب : انت عبيط ولا معندكش دم و ايه بالظبط ، ماتغور من وشى بقى ياعم هو انا نقصاك دا ايه القرف دا
قالت جملتها وتركته وذهبت إلى طريقها
معتز بغضب : ماشي ياريم وراكى وراكى ولو روحتى فين ، ثم أكمل بخبث : انا وانتى والزمن طويل يا...يامحترمة قال كلمته الاخيرة بسخريه
(بصوا معتز معجب ب ريم بس مش بيحبها هو معجب بشكلها بس وطبعا انا عامله بارت لوحده بوصف فيه الشخصيات بلاش كسل واقرأه ها 😒)
فى شركة جاسر السويسى
فى مكتب جاسر
بعد الكثير من العمل شعر بوجع يفتك برأسه
جاسر بتعب : الغى كل مواعيد النهاردة
واغلق الهاتف وحمل متعلقاته ورحل ، فهو فى الفترة الأخيرة أصبح يشعر بألم كبير فى رأسه ولكن لايهتم
وذهب جاسر إلى منزله
وأثناء مروره من البوابة رمق نظره وجد فتاة تقف أمام البوابه ولا يسمح لها الأمن أن تدلف ، نزل جاسر من سيارته وذهب إليها وقال : انتى مين
ريم بعصبيه : انا ريم أخت نور واللى المفروض هى جوا
جاسر بعصبيه مماثله : وووووطى صوتك وانتى بتكلمينى
ريم بغضب : لا والنبي والمفروض انى أخاف مثلا
جاسر وقد وصل به الألم إلى أخره ، قال بتعب : دخلوها
وذهب إلى سيارته مجددا ، دلف كلا منهما إلى الفيلا
ولكن وقفت ريم مكانها عندما سمعت صوت يوقفها
كاد جاسر ان يصعد ولكن توقف عندما سمع كلام تاليا الموجه ل ريم وهى تقول بقرف واستحقار : انتى مين
ريم بعصبيه من طريقه كلامها : لا اله الا الله ، وبعدين بقى فى ام اليوم دا ، انا ريم إن شالله وابقى أخت نور وهى اللى اديتنى العنوان دا وكان يوم اسود الحقيقه
تاليا بغضب وغرور : انتى ازاى تتكلمى معايا كدا ، انتى متعرفيش انا مين
ريم بإستحقار : للأسف محصليش القرف والله
تاليا بغضب شديد وصوت عالى نسبيا : انتى يابت أحترمى نفسك
جاءت على صوتها نور عندما سمعت صوت أختها الصغرى ، نور بأسف : اسفه جداا ياهانم معلش هى مكنتش تعرف حضرتك
تاليا بغرور : يبقى تعرفى وتحترم نفسها
ريم بعصبيه : انا محترمه غصب عنك وكلمه كمان وربي لكون جيباكى من شعرك تحبي تشوفى
(ريم تختلف كثيرا عن نور وخاصة عندما يتحدث معها احد بطريقه لا تحبها )
كل ذلك وكان جاسر ينظر لها بإعجاب وانها عكس أختها تماما ،لا تتحمل ان يقول أحد ما كلمة تضايقها
تاليا بغضب وصوت عالى نسبيا : جاسر انت واقف وسايبها تقولى كدا
جاسر بغضب : صوتك ميعلاش ياتاااااليا
تاليا بعصبيه : ماشي ياجاسر وذهبت إلى ريم وأمسكت يداها تحت توسل نور حتى تترك يداها
ولكن اوقفتها يد جاسر والتى صفعها بقوة
بارت 3
قام جاسر بصفع تاليا بقوة حتى اوقعها من شدد الصفعه ، نظر كل من نور وريم بصدمه كبيرة
تاليا بغضب شديد : انت بتمد أيدك عليا عشان دى ياجاسر
جاسر بعصبيه وهو يقترب منها : انا ضربتك عشان صوتك عالى و عشان دا بيتى وانا اللى أحدد مين يمشي ومين يفضل ، مش انتى اللى هتحددى
ثم نظر إلى نور وقال بغضب : خدى أختك ياأنسه نور وأدخلى اوضتك
نور بخوف : ح..حاضر
اتجهت نور وريم إلى غرفتهم ودلفت الفتاتان إلى الغرفة
نور بعصبيه : ايه اللى هببتيه دا ياريم ، انتى نسيتى ان احنا محتاجين فلوس وكمان مكان نفضل فيه
ريم ببرود : هو انا اتكلمت يانور (امال لو أتكلمتى هتعملى ايه 😂)
نور بعصبيه : كدا ومتكلمتيش ياريم ، دا انت كنتى بتردى عليها كأنها واحدة عادية
ريم بمرح : امال هى مش عادية ، بتعمل بطير يعنى ولا بتعمل حمام صابون مواعين
نور بغضب شديد : انا مش بهزر دلوقتى ياريم ياريت متعمليش مشاكل عشان أحنا مش قدهم ها متنسيش نفسك وبع....
قطع كلام نور صوت الدادة
الدادة بتوتر : نور ..جاسر بيه عاوزك انتى ويم فى المكتب
نور بخوف : ربنا يستر ..حاضر جايه .. ريم أوعى تتكلمى انا بقولك أهو أفتكرى اننا عاوزين الشغل دا
ريم بزهق : خلاص يا نور مش هتكلم
تاليا بعصبيه وغرور : ماشى، انا هوريكى ياريم مبقاش انا تاليا العيوطى لو مخلتكيش تيجى وتتأسفى وتبوسى رجلى كمان ( ياما ياما ياما خاف ياعيد 😒 مبحبهاش البت دى 😒😂)
بعدما ترك جاسر تاليا ذهب إلى المكتب فكان يشعر بألم شديد فى رأسه ، جلس على أريكه فى مكتبه وسمع طرقات الباب : أدخل
دخلت نور وخلفها ريم بعدما سمعت صوته
نور بتوتر : أحم ... حضرتك عاوزنا
جاسر بتعب : ايوة يانور ... ثم وجه حديثه لريم وأكمل بغضب وهو يقترب منهما : مش معنا أنى مخلتهاش تمشيكى أنى هسمحلك تتخطى حدودك ، متنسيش هى هنا الهانم وكلمتها تمشي على الكل حتى انتى
ريم بعصبيه : وانا مش شغاله عندها عشان تكلمنى كدا ولا انت كمان مش مسمحلك تكلمنى كدا
جاسر بعصبيه : لا أكلمك وبراحتى كمان ولا نسيتى انتى هنا ضيفه مش أكتر وكلمة كمان واقسم بالله لهكون طردك انتى واختك وانا قد كلمتى
جاءت ريم حتى ترد عليه ولكن قطعتها نور : خلاص ياجاسر باشا ، احنا أسفين ومش هتتكرر تانى
جاسر ببرود وغرور : اتمنى دا يحصل
خرجت ريم بعصبيه من المكتب ولم تنتظر أختها حتى تخرج معها
وهى ذاهبه إلى غرفتها وتتحدث بغضب : دا اللى ناقص نمشي من قرف نيجى لقرف أكتر ، الله يخربيتك ياخالتى ومازالت تتحدث بصوت واطى وخبطت فى أحدا ما ريم بزعيق : انت متخلف مش تحاسب ياجدع انت
مازن بتصفير : ايه الجمال دا ... ثم أكمل بفرح انتى من المنصورة أكيد
ريم بعصبيه : ماتحترم نفسك يامهزق أنت .. وبعدين عرفت منين انى من الزفته
مازن بضحك : لا ثوانى دا بجد انا كنت بهزر ... وانا أقول ايه الجمال دا كله
ريم بزعيق وغضب : واقسم بالله كلمه كمان وهقلع اللى فى رجلى وهنزل بيه على دماغك ياحيوان انت
مازن بغضب : ماتتلمى يابت انتى هو انا عشان سكت هتسوقى فيها
ريم بعصبيه وذهبت من أمامه : يا عم غور هو انا ناقصه قرفك أنت كمان دا ايه حديقه الحيوان اللى وقعنا فيها دى ، ارحمنا يارب
مازن بهيام بعدما ذهبت ريم : يخربيت حلاوة امك ، فى ايه يامازن انت وقعت ولا ايه
تاليا بغضب وهى تنزل إلى الاسفل : مازن واقف عندك بتعمل ايه
مازن : أحم .. لا ابدا ...عامله ايه ياتاليا هانم
تاليا بإستغراب : تاليا هانم ... دا من أمتى انا اختك عالفكرة
مازن بمرح : انى أسف يااختاااه
تاليا بغضب : اختااه ماشي يامازن ، كنت جاى ليه بقى
مازن بقليل من الغضب : جاى أقولك انى مش موافق أشتغل مع جوزك ياهانم عشان انتى عارفه ان احنا مش بنضيق بعض من و احنا صغيرين
تاليا بخبث : بلاش غباء بقى يامازن .. انا عاوزاك تمسك مكان مهم فى الشركه بدل ما انت صايع كدا حتى الكليه مش نافع فيها
مازن بغضب : أولا انا مش فاشل انا اللى مش بذاكر بمزاجى ثانيا انا معرفش اي حاجه فى شركه جوزك ولا حتى مجالى وبعدين ما شركه بابا موجودة أهى ايه لزمتها بقى اشتغل معاه
تاليا : متنساش ان دى شركات عمى يعنى مش شركات جاسر ،هو بس كبرها مش أكتر
مازن بغضب : تاليا الموضوع دا انتهى وأخر كلام عندى انا مش هشتغل مع جاسر ،كفايه طمع بقى أعتقد هو مش مخليكى محتاجه حاجه ، ايوة انا مش بحبه بس بردو انا عارف انتى عاوزة تشغلينى عنده ليه ، مش عشان أخد مكان مهم زى ماقولتى ، لا عشان تعرفى كل كبيرة وصغيرة فى شغله وتعرفى تلعبى كويس ، مش عارف انتى ناقصك ايه عشان تعملى كدا ، ثم أكمل بإستحقار : ياريت تتغيرى ياتاليا قبل فوات الآوان يااختى .. سلام انا ماشي
تاليا بتوتر : مازن ايه الكلام الفارغ دا ، انت بتقول ايه بلاش هبل ، استنى
مازن وهو يذهب من أمامها : انا قولت اللى عندى ... سلام
تاليا بعصبيه : غبي ، أعمل ايه دلوقتى ، هخليه يمضى ازاى على الورق اوووف
فى مكتب جاسر
جاسر : اظن ان أختك لازم تركز شويه وياريت متنساش نفسها يا انسة نور ، اعتقد انا مش مسئول انها تفضل هنا ، انا بس سبتها عشان انا حقيقي محتاج مربيه و مفيش قدامى غيرك ، فى ياريت تنتبهى شويه لشغلك ثم أقترب منها وقال : عشان أنا مش برحم أى حد بيعمل غلطة حتى لو صغيره فى شغله ،تمام
نور بتوتر شديد من أقترابه : ح...حاضر ياجاسر بيه
جاسر بغرور : تمام اتفضلى انتى ، وهاتيلى فنجان قهوة سادة
نور بإيماء : حاضر عن أذنك
ذهبت نور حتى تلبي طلب جاسر ودلفت إلى المطبخ : ايه المصيبه اللى وقعت نفسي فيها دى ، يختلف ايه البهيم دا عن خالتى اللى ربنا ياخدها ، يارب كلهم يموتوا متفنجرين
- هما مين دول يابت انتى
نور بخضه : ها ... لا ابدا ياهانم .. اكيد مش بقول على حضرتك ، انا.. انا أقدر اقول على حضرتك كدا بردو ... حضرتك عاوزة قنبله لوحدك
تاليا بعصبيه : ايه...انتى بتقولى ايه
نور بخوف : يالهوى ... ايه اللى بقوله دا ... أكيد مقصدتش حضرتك ...انا بس....ب..ب
تاليا بإستحقار : خلاص خلاص ، اعمليلى فنجان قهوة وطلعيه أوضتى وبسرعه
نور بتوتر : ح...حاضر ياهانم
ذهبت تاليا إلى غرفتها ،مجرد ماخرجت من المطبخ حتى رن هاتف نور
نور بزهق : كنت ناقصك انا .. أجابت نور على الهاتف
نور بهدوء : السلام عليكم ورحمه الله وبركاته
محمد بعصبيه : انتى ايه يامحترمه اللى انتى عملتى دا
نور بغباء : عملت ايه
محمد بعصبيه : نور متستهبليش أزاى تسيبى البيت أنتى وأختك ، تقدرى تقولى انتى فين دلوقتى
نور بزهق : انا فى الشغل ، وأختى معايا متخفش علينا
محمد بعصبيه : يعنى أيه متهببش بصى يابنت الناس الكلام دا مينفعش ، أرجعى دلوقتى أنتى وأختك وبلاش قلة أدب
نور بعصبيه : قلة أدب ايه هو انا قولتلك انى بشتغل فى night club ولا ايه ، بص يا محمد رجوع مش هرجع ، طب أنا وكنا هنتجوز ، أختى بقى أسيبها فى العذاب دا لوحدها ، انا مستحيل أرجع وبع...
قطعها محمد : كنا .. ايه كنا دى ، أحنا كتب كتابنا كمان شهر ..
نور بهدوء : لا مش هينفع شهر على الأقل لما أختى تخلص كلية وتشتغل وأطمن عليها
محمد بغضب شديد : نععععم ، يعنى هستنى سنتين وأحنا مخطوبين بقالنا سنتين أصلا ، لا كدا كتير
نور بزهق : اسمع بس....
أغلق محمد الهاتف فى وجهها
نور : الو ...الو ، يلا فى داهيه جتك القرف ( طبعا مكنتوش تعرفوا مين محمد ما انتوا مقرأتوش بارت تعريف الشخصيات ، الأهتمام مبيطلبش ياخونا 😒😂)
جهزت نور القهوة وذهبت بها إلى مكتب جاسر طرقت على باب مكتبه ولكن لم يجيب ..طرقت عدت مرات ولكن لا رد أيضا ...دلفت نور إلى المكتب : أستاذ جاسر ... أستاذ ....ثم جريت على هذا الذى يقع على الأرض مغشيا عليه
نور بخوف : جاسر بيه ... انت كويس ، استاذ جاسر
قامت بإفاقته بكوب الماء
نور بعدما أفاقته : حضرتك كويس
جاءت ان تقوم وقالت: لازم نقول للهانم
أمسك جاسر يداها بتعب : لا يانور بلاش
نظرت نور على يداها الممسكه وتركته بخفه وقالت بتوتر : أحم ... تمام ، اتفضل قوم معايا ...حضرتك لازم تروح المستشفى
جاسر بتعب : لا دا إرهاق شغل مش أكتر ... جلس جاسر على الاريكه ، متشكر يا نور ، اتفضلى انتى .
جاءت نور حتى تذهب ولكن أوقفها صوت جاسر : نور أتمنى محدش يعرف باللى حصل دا
نور بإيماء : تحت أمرك ياجاسر بيه
دلفت نور حتى تأخذ قهوة تاليا إلى غرفتها وجاءت حتى تطرق الباب ولكن تفاجأت بتاليا تفتح الباب وهى تتحدث فى هاتفها وكادت ان تقع عليها القهوة ولكن أبعدتها نور سريعا
تاليا بتوتر بشديد : أيه دا بتعملى ايه هنا وواقفه بقالك قد ايه
نور بهدوء : كنت بجيب لحضرتك القهوة ولسه جاي وكنت لسه هخبط على حضرتك
تاليا بتوتر : مش عاوزه زفت يلا غورى من وشي
نور بنفاذ صبر : حاضر ياهانم
ذهبت نور إلى غرفتها : ياخدك ربنا يابعيدة ، اشوفك والعه ومحدش عارف يطفيكى
ريم : نور انا هروح بكرا عشان أقدم فى جامعه القاهرة
نور بإيماء : ماشي ياريم ربنا معاكى يارب ، عايزين أمتياز ها زى السنه اللى فاتت كدا (يعنى قمر وكمان دحيحه ياريم 😁)
ريم بإبتسامه : إن شاء الله ، صحيح كلمتى محمد
نور بزهق : هو اللى كلمنى ، بصى انا بفكر أسيبه بصراحه
ريم بفرحة : أحسن ياشيخه بلا قرف ، وهو دا حد يزعل عليه ، مشوفتيش القمر اللى برا دا ولا الواد المز اللى انا خبط فيه دا
نور بإهتمام : واد مين ، يخربيتك ريم أرحمى أمى مش كل شويه مشكله
ريم بخبث : أبدا دا انا كنت كيوته جدا معاه ، دا حتى خبطنى ومتكلمتش نص كلمه
نور بشك : ريم ، مش مصدقكى
ريم بإبتسامه خبيثه : عيب عليكى يانونو
فى شركه جاسر السويسى
طرقت شهد عدة مرات على باب مكتب أستاذ حسام
شهد : دا مات دا ولا ايه ... ظلت تطرق حتى ذهبت لموظف الأستقبال ثانيه وقالت : بعد أذنك أعتقد ان مفيش حد موجود فى المكتب
موظف الأستقبال : للأسف يافندم حسام بيه لسه خارج من شوية للأسف
شهد بحزن : تمام متشكرة جدا
ذهبت شهد شاردة حزينه ماذا ستفعل ، وكيف ستدبر مبلغ عمليه والدها فهو مشلول ولا يستطيع الحركة وتهتم به والدتها ولكن لابد من العمليه حتى يعود إلى الحياة مجددا
استوووووب
(شهد فتاة فى غايه الجمال لديها غمازة فى خدها جعلها تزداد وسامه ،قمحاويه اللون ، ذات رموش كثيفه وشعر طويل للغاية ولكن أخفته تحت حجابها الذى زادها جمالا ،لديها جسم نحيل كعارضات الأزياء ولكن تحميه بملابسها الفضفاضه فجعلها جميله للغايه
عندها 23 سنه وخريجه هندسه قسم ميكانيكا )
(نكمل، عشان اللى هتقولى البارت قصير هقتلها 😒😂)
ذهبت شهد إلى منزلها وهى حزينه ولكن بمجرد دخولها إبتسمت بسعادة حتى لايشعر والديها بشئ
شهد بمرح : سمعليكووو ياقوم
والدها بإبتسامه : وعليكم السلام ، ها ياحبيبتى عملتى ايه
شهد بمرح : ولا تشيل هم يا باشا انت مخلف ولا أجدعها راجل ولا ايه ياحج
والدها بضحك : طبعا انتى هتقوليلى حسبي بس الصرصار اللى وراكى دا
شهد بخوف : أحيه ... صرصار ، لا والنبي
والدها بضحك شديد : مالك ياراجل ايه اللى حصل
شهد بمرح : كدا ماشي ياحج ، الجايات أكتر من الريحات ، تدخل انا بقى اسلم على المطبخ قصدى على ماما وذهبت شهد إلى المطبخ
الوالد بضحك : ربنا يسترها معاكى ياشهد يارب وتلاقى اللى يصونك يااارب ، انتى طيبه وتستهلى كل خير
فى مكان أخر فى شقه فى المعادى وتحديد فى شقه
حسام وهو يقف فى البلكونة ويفكر ويزفر الهواء بملل
وبعدين هفضل كدا لحد أمتى حتى شغل لوحدى منفعتش فيه بسببها بردو ،ثم أكمل بغضب : كله بسببها مش عارف ازاى أم دى ثم أكمل بغضب : مستحيل أثق فى أى واحدة تانى كلهم نوع واحد
قال جملته واتجه إلى السرير ليغرق فى ثابت عميق
هل سيظل جاسر هكذا أم أن للقدر رأي أخر
جاء المساء سريعا على ابطالنا
فى فيلا جاسر السويسى
وتحديدا فى غرفة الصغير آدم
نور بإبتسامه : يلا يادومى كمل الواجب عشان نلعب
آدم بزعل : لا انا عاوز ألعب بلايستيشن
(ياختتتى هوا انا كنت ناقصه قرف آدم كمان ، وانا أصلا بكره الأطفال 😌😂 انى أسف ياجماعه يلا نكمل )
نور بإبتسامه : طب إيه رايك لو كتبت الواجب كله هجيبلك شكولاته وكمان هنعمل كب كيك مع بعض ، ايه رايك وهلعب معاك بلايستيشن كمان ، ماشي
آدم بفرحه : هياااااااا ماشى يلا
فهو كان يلعب دائما بمفرده لذلك فرح وبشدة
فى مكان ما ، فى كافيه ع النيل
تاليا بغضب : أعمل ايه يا يوسف يعنى ، كل محولاتى فشلت ، حتى الغبي مازن رفض يشتغل معاه
يوسف بخبث : خلاص ياحبيبتى أهدى وانا هتصرف
تاليا بعصبيه : وبعدين شيفاك بقيت مهتم بالورق دا أكتر منى
قام يوسف بمسك يداها وقبلها ثم قال بخبث : هو انا اقدر أهتم بحد غير ياروحى
تاليا وهى تنظر فى ساعه يداها : انا اتأخرت ولازم أمشى ، يلا سلام يا قلبي
يوسف بخبث : سلام ياقمر
ذهبت تاليا إلى منزلها فى وقت متأخر
تاليا بإرتياح : كويس محدش شافنى وانا داخله
- كنتى فين لحد دلوقت ياست هانم
كان هذا بالطبع جاسر وكان فى قمه غضبه
تاليا بتوتر : ك...كنت مع صحبتى بنجيب outfits
جاسر بغضب : مالك متوترة كدا ليه
تاليا بخوف شديد ليكتشف أمرها : وانا ...وانا هتوتر من ايه يعنى ... انا تعبانه وعاوزة أنام ، ت..تصبح على خير
نظر لها جاسر بشك وانتظر حتى تصعد السلالم ثم أخرج هاتفه ودقائق وأجاب عليه شخص ما
جاسر بعصبيه : عاوز تقرير مفصل بكرا على مكتبى بتحركات الهانم كلها فااااهم
قال جملته ولم ينتظر الرد وأغلق الهاتف ثم جاء ليصعد الطابق الثانى حتى ينام ولكنه توقف عندما سمع صوت طفله يضحك بشدة
فى المطبخ لم تكن سوى نور وآدم وكانت تصنع له كب كيك (ياريتنى كنت آدم والله 😂 )
وظلوا يضحكون وهم يلعبون بالدقيق
جاسر بإستغراب وهو يدلف إلى المطبخ ولكنه فرحان لأن طفله يضحك وبشدة : ايه اللى بيحصل دا ، انتى عارفه الساعه كام
نور بتوتر : ب..بصراحه آدم عمل الواجب كله وانا وعده انى هعمله كب كيك بس
آدم بفرحه : تعالى يابابي العب معانا ، دى نونو طلعت شاطرة جدا فى المطبخ
جاسر بإستغراب : نونو ، عيب كدا ياآدم
آدم بحماس : لا يابابي هى اللى قالتلى أقولها كدا ، وهى تقولى يادومى
أبتسم جاسر وذهب إلى آدم وقال : كفايه كدا الوقت اتأخر ولازم تنام وبع....
قطع كلامه آدم عندما أمسك بيده الصغيرة بعض من الدقيق وقام برمي على جاسر
(دا انت هتتنفخ ياآدم 😂)
جاسر بغضب شديد : ايه اللى انت عملته دا ياآدم
آدم بضحك : سورى يابابى
نظر آدم إلى نور وهى تحاول ان تكبح ضحكتها
آدم بسعادة : شوفت يابابي أهى نونو كمان بتضحك
نور بجديه : أحم .. يلا ياآدم كفايه كدا فعلا وجاءت حتى تذهب ولكن تزحلقت رجلها من الدقيق ولكن كانت يد جاسر الاسرع قبل أن تسقط على الأرض وامسكها من خصرها
نظر جاسر إلى عيونها ...ما هذا الجمال ... لا يوجد بكى أى شئ مميز .. لماذا يحدث هذا لي عندما أرى عيناكى
كل هذا وجاسر لا ينظر سوى لعيون هذه المتوترة للغايه والخاجله أيضا ولأول مرة تلاحظ نور ملامح جاسر بدقة
وكأن توقف الزمن عند كلاهما
- بعصبيه وزعيق : ايه اللى بيحصل هنااااا