رغما عني بقلم اميرة عادل
تاني نرجع!!!!
بتقول نرجع بالسهوله دي وبعد كسرت قلبي تقولي نرجع بعد ما سبتني
ف أكتر وقت كنت محتجالك فيه وتقولي نرجع!!...اسفه مش هينفع
أنت اي ي أخي نسيت اللي حصل وجاي بسهوله تقولي نرجع
ياااااااه متاخره قووووي
استنيتك كتير بقول يمكن ترجع تعتذر بس مرجعتش عايز ترجع دلوقتي بكل سهوله
مستحييييل لو آخر واحد ف الدنيا مستحيل ارجعلك
محمد:شهد لو سمحتي اسمعيني انا عارف إني غلطت ف حقك وبعدت عنك قووي بس والله لسه بح
شهد قاطعته بصرااخ : اووووووعي تنطقها أنت فااهم انا بحذرك اوعي
أنت كنت غلطه غلطه عمري وعمري مهكررها ابدااا. ..أبعد عني ومش عايزه أشوف وشك تاني انت فاااهم
شهد جت تسيبه وتمشي محمد مسك ايديها وبيوقفها
شهد ضربته بالقلم وقالت بتحذير:اوعي تفكر مجرد تفكير أنك تلمسني انت فاااهم اوعي المره الجايه هقطعهالك وسبته ومشيت
أحب اعرفكم شهد بنت ف كليه علوم عندها 21سنه بنت جميله وعيونها ملونه مش طويله قووي لبسها كله واسع وبتلبس خماار
محمد كليه تمريض عنده 27سنه مخلص كليه وسافر برا اشتغل وكون
نفسه أهله متوفيين وعايش ف اسكندريه لوحده
وهنعرف عرف شهد ازااي بعدين
شهد بعد ما مشيت وسابت محمد هي لي مش عايزه تسمعني انا عارف اني
سبتها لوحدها ف اكتر وقت كانت محتجاني فيه بس غصب عني مكنتش اتصور انها تتغير لدرجه دي
ف الجانب التاني:شهد بتعيط وبتقول ف نفسها هو ازااي كدا ازااي بعد
ما سبني وانا اتحايلت عليه هو مفكرني رخيصه لدرجاادي لو اخر راجل ع الارض مستحيل ارجع له ابداا انا بكرهه
شهد وهي بترجع بذاكرتها لورا واتعرفت ع محمد ازااي.....
#رغما_عني
#Part _2
نتعرف ع عيله شهد . .شهد بباها مات وهي عندها سبع سنين بباها كان
دكتور صيدلي وعنده صيدليه شهد البنت الوحيده بباها قبل ما يموت كتب الصيدليه والبيت ال عايشين فيه باسم شهد وخلي مامتها الوصيه الوحيده عليها
شهد عندها عم واحد عبد الرحمن ومطلق مراته ومعاه ولد واحد إسمه محمود أكبر من شهد ب أربع سنين
بعد ما والد شهد مات مامتها اتجوزت عم شهد بطلب من جد شهد
عشان كلام الناس (ان ام شهد جوزها ميت وعم شهد مطلق مراته ومش ينفعوا يقعدوا ف بيت واحد إلا لما يتجوزوا)
مي بعد ما خلصت امتحانات تانيه ثانوي وكان كلها كام شهر وتدخل تالته ثانوي
شهد بخوف:بابا
(عبد الرحمن عم شهد) انا عايزه انزل اشتغل ف الصيدليه ف الأجازة
عبد الرحمن :احنا مش اتكلمنا ف الموضوع ده قبل كدا وقولنا مافيش هو أنا حرمتك من حاجه كل حاجه عندك عايزه تشتغلي لي
شهد:لا ي بابا أنت مش مخليني محتاجه حاجه بس المكان ده بابا كان بيشتغل فيه وهو مكانه وانا عايزه أتعلم عشان أن شاء الله هدخل صيدله وانا هقف فيه
عبد الرحمن :لا انا قلت لا ومافيش نقاااش انتي فاهمه وخشي شوفي لك اي حاجه اعمليها بدل تضيع الوقت ده يلاااا
شهد مشيت و هي زعلانه مهي مش أول مره يعاملها بالأسلوب ده دايما
بيفضل ابنه عليها ومش عايزها تنزل تشتغل عشان مش تمسك الصيدليه
شويه ومحمود جه لاقي شهد قاعده ف البلكونه بتعيط (هما الاتنين
الحب ال مابنهم اخوي وعمره ما تعدا الحدود ابدا ومحمود بيخاف ع
زعل شهد وبينفذ لها اي حاجه هي عايزاها )محمود:اي ده ماالك ي شهد بتعيطي لي من زعلك
شهد وهي بتمسح دموعها وهي عارفه أن مافيش حد هيقنع عمها غيره:
محمود بابا مش راضي يخليني انزل أقف ف الصيدليه وانا مش
ورايا حاجه وخلصت امتحانات وأنت عارف انا بحب المكان ده قد أي وأن
شاء الله هدخل صيدله واقف فيه أقنع بابا لو سمحت ي محمود
محمود:بس كدا هو ده كله ال مزعلك ولا يهمك ي ستي اعتبري نفسك خلاص اشتغلتي فيها خلاص
شهد بفرحه:بجد ي محمود
محمود بيهز رأسه بمعني ايواا
شهد :انا بحبك قووووي ي محمود أنت أحلي أخ ف الدنيا كلهاا (حب اخوي ي جماعه😂)
اسيبك انا وادخل ع المهمه اللي دكتوره شهد كلفتها ليا سلاموز ي شهد قلبي
محمود راح لوالده ... ...محمود:ازيك ي حاج عامل اي وحشني ي راجل فينك من زمان
عبد الرحمن:عارف انا الداخله دي قول عايز اي من الآخر
محمود:بابا حبيب قلبي ال فاهمني
عبد الرحمن:قول ي ي حبيبي عايز اي
محمود اي رأيك. .........
#Part3
#رغما_عني
محمود:اي رأيك هنزل اشتغل انا وشهد ف صيدليه عمي
عبد الرحمن بتفكير :موافق
محمود بصدمه:اي ده هو ال انا سمعته صح!!!
عبدالرحمن:ايوا هو أنا عندي كام محمود .....محمود بيبص لوالده
عبدالرحمن:انا عارف البصه دي أكيد قالت لك أن انا مش عايز أنزلها صح....محمود هز رأسه بمعني ايوا
عبدالرحمن كمل وقال
بخبث :انا هخاف عليها تنزل لوحدها وبما أنك نازل فهنزلها واهو يمكن تقربوا من بعض وتتجوزو
محمود:بابا لو سمحت انت عارف أن انا بعتبر شهد أختي وهي كذالك لو سمحت ي بابا متبوظش علاقتنا ببعض
عبدالرحمن بعصبيه:
يعني اااي أخوات ..انتو مش اخوااات ولا عمركم هتكونوا انتوا الاتنين لبعض فاهمين!!
محمود عشان مش يطول ف الكلام وابوه يجبره قرر يسبها لوقتها .....محمود:
سيب الموضوع ده دلوقتي ي بابا لسه شهد صغيره وانا لسه ف الكليه نبقي نشوفه بعدين...ومشي وسابه ونزل يجيب حاجه من السوبر ماركت وجه.....محمود:شهد ي دودو
شهد:نعم ي حودا
عندي ليكي مفاجاءه. ..شهد بفرحه :أكيد اقنعت بابا صح
محمود قال :ايوا وجبت ليكي حاجه معايا عشان كنتي زعلانه انهارده
شهد بفرحه:أكيد جبت لي شكولاته صح!!
محمود وهو بيلعب ف شعره :اي ده هو أنا مكشوف لدرجادي
شهد خدت منه الشكولاته وضحكوا هما الاتنين
محمود:ها ي دودو هتنزلي الصيدليه تشتغلي أمتي!!
شهد بلهفه:دلوقتي
محمود بصدمه:اايي حيلك حيلك انا لسه مخلص امتحانات انهارده هننزل ازاي
شهد بتعجب:هننزل هو انت هتنزل معايا ..محمود:ايوا يستي عشان بابا خايف عليكي
شهد ببرود:ماشي وقت ما تحب ننزل هننزل وسابته ودخلت اوضتها وكانت زعلانه لأن عمها مكنش راضي ينزلها وأنه
دايما بيفضل محمود عليها وقالت :ي ريتك ي بابا عايش انت وحشتني قوي لي سبتني لوحدي وعنيها دمعت ونامت
(اااه نسيت أقولكم أن محمود ف كليه الطب )......تاني يوم
محمود:شهددددد اصحي ي شهد. ..شهد قامت مفزوعه ف اي ف اي
ي محمود ...محمود:
اي ي بنتي ده كله نوم وبعدين مش عايزه تنزلي تقفي ف الصيدليه ولا أقول للحج يغير رأيه
شهد بلهفه:لا لا قلبك كبير ي أبو صلاح خمس دقائق وتلاقيني لابس
بعد نص ساعه شهد طلعت وكانت لابسه دريس بامبي وطرحه افوايد كانت قمر(مكنتش لسه لبست خمار)
محمود:هي دي ال خمس دقايق ي بنتي آمال لو كنتي قلتي نص ساعه كنتي جيتي أمتي بكرا
شهد:خلاص ي أبو صلاح كنت بصلي وبلبس يسطا براحه شويه وبعدين كدا ده انا لابسه بسورعه
محمود:شهد يالا ي شهد عشان مروحش اخلي الحاج يغير رأيه
شهد:لا لا خلاص بكرا هقوم من الفجر عشان ألبس ...ضحكوا هما الاتنين
وبعدين ام شهد :يالا ي محمود يالا ي شهد كلوا قبل ما تنزلوا ...خلصوا آكل ونزلوا ووصلوا الصيدليه وبعدين......
الفصل الرابع والخامس والسادس
بقلم اميرة عادل
محمود خد شهد وركبوا العربيه ووصلوا الصيدليه
محمود:يالا ي شهد أدخلي الصيدليه هركن العربيه واجيلك
شهد:ماشي ......دخلت شهد الصيدليه وهي فرحانه جدا اخيرا نزلت بعد محاولات إقناع عمها
شهد دخلت لقت شاب طويل عيون عسلي وجسم رياضي
الشاب:اتفضلي ي فندم تؤمريني بحاجه!
شهد :لا انا جايه اشتغل ف الصيدليه
الشب:طيب ممكن
تسيبي رقم فونك وهعرف صاحب الصيدليه لو محتاج حد هرن عليكي
شهد:لا مهو انت مش فاهم...
فجاءه دخل محمود :ازيك ي محمد عامل اي
محمد:الحمد لله ي دكتور عامل اي
محمود :مش قلنا
قبل كدا بلاش ألقاب وبعدين انت ال أكبر مني مفروض عليا انا ال احترمك
محمد:العفو ي دك. . أقصد ي محمد والدك قالي أنك هتنزل انت وبنت
عمك تشتغل هي فين !... محمد وهو بيبص ع شهد ماهي واقفه قدامك اهي ..
محمد:انا انا آسف ي فندم والله مكنتش اعرف أن حضرتك الانسه شهد
شهد:أولا كدا زي ما محمود قالك بلاش القاب اسمي شهد وبس وثانيا انا لسه مكنتش كملت كلام مافيش حاجه
محمد:تشرف ي أنس.أقصد ي شهد
محمود ومحمد وشهد ضحكوا
شهد :بقول لكم اي انا عايز اشتغل احنا مش جايين نضحك
محمود:مستعجله ع اي يختي استني شويه ومش هتترحمي
شهد :ي مسهل الحال
بعد شويه دخل مريض:
لو سمحت عايز العلاج ده ..محمد خد الورقه من المريض وقراها واداها لشهد ومحمود
وكان بيطلع العلاج ويخليهم يرجعوا ع الاسامي عشان يتعلموا .
...فضلوا يشتغلوا لحد ما شهد قالت :ااه ي انا ياما وانا ال مستعجله ع الهم بدري بقولك اي ياض ي محمود
محمود بتعجب:خير ي شهد ي حبيبتي عايزه تروحي
وكان ف قلب زعل لما سمع كلمت حبيبتي
شهد :بقولك اي ياض انت عارف لو اتخرجت وكتبت بنفس طريقه الدكاتره
دي هعمل فيك اي هقفل لك العياده وأقول للناس أنك دكتور فاشل ماشي !!
محمد ضحك هو ومحمود وقال لها حاضر هبقي اكتبهالهم بالعربي ولا تزعلي يسطا اي رأيك 😂😂😂
شهد :انت بتتريق ماشي ي محمود ماشي انا مش هكلمك تاني
محمود واهون عليكي
شهد :اه تهون. ...... . (شويه كمان ومحمد هيقوم يولع فيكم أنتم الاتنين😂)
بعد شويه شهد :احممم محمود
محمود:انتي مش قولتي مش هتكلميني تاني!
شهد :قلبك ابيض دا انت قلبي من جوا
محمود:عايزه تاكل اي ي شهد !! كريب بانيه سبايسي!!!
شهد:اي دا اي دا عرفت ازاي
محمود:ي بنتي عيب عليكي دا انا عارفك أكتر من نفسك
شهد:مش بحبك من فرااغ والله
ده كله ومحمد شغال وسامعهم وحاسس أنه نفسه يقوم يضربهم😂😂
محمود:طيب خليكي هنا هروح اجيبوا ليكي واجي وهروح لواحد صحبي هاخد منه حاجه مش هتاخر محمد خلي بالك منها
محمد وشهد ف صوت واحد :حاضر
محمود ركب العربي ومشي ومحمد وشهد بيشتغلوا من غير كلام غير ف الشغل بس
ف ست كبيره دخلت عايزه الدوا ده ي ابني
محمد :حاضر ي حجه
الست الكبيره:ممكن ي ابني تجب ليا أشرب
محمد:حاضر ي حجه شهد لو سمحتي ممكن تجيبي مايا لها من التلاجه
شهد :حاضر وراحت جابت المايا والست مشيت شهد وهي راحه تدخل المياه
شهد:عااااااا يلهووووي..........
#رغما_عني 5
شهد:عااااااااااااا يلهووووي الحقوني وعيطت ساعدوني .....ف الوقت ده دخل محمود محمود رمي أكياس الأكل ع المكتب عشان يشوف ف اي
... محمود ومحمد جريوا ع شهد عشان يشوفوا في اي
محمد:ف اي مالك ف اي
شهد وهي بتعيط:ف ف اااااار
محمود:ده كله عشان فار
شهد :والله وبزعل طفولي هو الفأر مش بيخوف
محمود باستفزاز:فار اي ي ماما ال يخوف انا مش بخاف غير من ال خلقني ....ف الوقت ده محمد كان بيجري ورا الفار ... .
شهد:طيب وأنت أما مش خايف مش روحت تمسكه مع محمد ليييي
...ف الوقت ده محمد كان موت الفأر وماسكه شهد شافته بعدت عنه
ومحمود وهو بيتكلم محمد قاله:خد يسطا الفأر أهو روح ارميه وقربه منه محمد بفزع:اععععععععااااااااه..
شهد ومحمد ماتوا ع نفسهم من الضحك ......شهد:اي ي ابو الرجوله مش كنت من شويه بتقول مش خايف ههههههههههه. ......محمود:احم انا مش خايف انا بقرف منهم مش أكتر
شهد:مهو واضح ي دكتور ....محمود:شوف من بيتكلم مين صوت وكأن الكهربا مسكتك
محمد:م خلاص ي شباب انتوا بتردحوا لبعض 😂😂
شهد ومحمود انتبهوا أن محمد واقف :ممممم.....محمود :يالا ي ختي عشان تاكلي الأكل هيبرد
شهد :ماشي يالا انا هموووت من الجوع 😆...احمم شكرا ي محمد
محمد:ع اي انا معملتش حاجه وهجيب حد يرش المكان عشان لما تيجي ماتلاقيش حاجه تاني ..
محمود:اجيب اتنين لمون يالا ي شهد ي أما هخلص الأكل لوحدي وربنا (فصيل)
محمد:احم يالا عشان تروحي تاكلي أكيد جعانه
شهد:تمم
خلصوا آكل وكملوا شغل وطول اليوم نظرات من محمد لشهد ومن شهد لمحمد وتوزيع ابتسامات بلهاء😆
محمود:يالا ي شهد كفايه كدا عشان هموت وأنام
شهد:خلاص ماشي يالا انا كمان تعبت
محمود:هجيب العربيه واجي ..
شهد :تمام
محمد:مع السلامه نورتي الصيدليه انهارده ي انسه شهد
شهد:احم هو احنا مش قلنا مافيش ألقاب اسمي شهد
محمد:هتنزل كل يوم!!
شهد:أن شاء الله طول الأجازة
محمد:سمعت أنك عايزه تخشي صيدله
شهد:ادعيلي انت بس أقدر اذاكر واجييها
محمد:هتجبيها ام شاء الله انا واثق فيكي ....لسه شهد هترد صوت كلاكسات العربيه محمود:شهدددد
شهد:مع السلامه
محمد:لا إله إلا الله
شهد:محمد رسول الله سلام
ركبت العربيه. ..محمود:اي ي ماما عجباكي القاعده لو عجباكي قولي نستنا شويه متتكسفيش انا زي اخوكي بالظبط .شهد بصت له :تقصد اي
محمود:لا ولا حاجه بس شكل السناره غمزت
شهد:محمود أحترم نفسك محمد زميل ف الشغل وبس
محمود:ومين جاب سيرت محمد اشمعنا هو ال جبتي اسمه
شهد:محمود ممكن تسكت عايزه أنام وأما نوصل صحيني ماشي!
محمود:عبقاااالي ياارب😁
شهد سندت رأسها ع باب العربيه وابتسمت ونامت
محمود:شهد شهد ي شهددددد
شهد:اي ف اي محموود ف اي محمود حد يصحي حد كدا
محمود:مش انا عملت كدا يبقي في😂 آسفين لست الهانم قطعنا حبل أفكارها ....
شهد بصت عليه وقالت مستفز😑
محمود ضحك ونزلوا من العربيه ودخلوا البيت .....
#رغما_عني 6
دخلوا البيت وكانت ام شهد مستنياهم :حمد بالسلامه ي ولاد اي أخبار الشغل انهارده عامل اي
محمود وشهد قعدوا معها يحكوا لها ال حصل ويضحكوا
ام شهد :ربنا يسعدكم ي رب واشوفكم احسن ناس
محمود وشهد:يااارب
شهد:طيب عايزين مني حاجه انا هدخل أنام عشان هموت وانااام
محمود:تصبحي ع خير ي ماما هقوم أنام
وعدي اليوم وفي أذان الفجر ام
شهد صحيت وصحت محمود ينزل يصلي وقومت شهد تصلي الفجر ...خلصوا صلاه وكل واحد قرأ الورد بتاعه ودخل ينام
الساعه 7شهد كانت ظبطت المنبه وقامت صلت الضحي ولبست خلصت
ع الساعه 8...محمود لسه هيخبط شهد فتحت وكانت لابسه ....شهد:مش لك حجه لابسه أهو. ....محمود:يعيني يعيني ع الناس ال صحيت ولبست بدري وغمز لها ...شهد ضربته براحه ع كتفه لم نفسك انا لابسه
من بدري عشان مش تسبني وتنزل ....محمود :شهد عليا انا الكلام ده..... شهد :خلاص بقا ي محمود
مش نازله انا داخله أغير وأنام .....محمود:لا لا انتي عايزاه يعمل مني بطاطس محمره😂😂.....شهد
بغضب خفيف:محمووووود... .محمود:احم يالا ننزل عشان مش نتاخر أكتر
من كدا ...شهد جريت وراه عشان تضربه ولفت الشقه كلها وراه وفجاءه شهد تخبط ف عمها....عبد الرحمن:انا مش عارف هتعقلوا أمتي مربي حيوانات ف البيت صبرني ياارب.
.محمود : احم اسفين ي حج بعد اذنك هننزل بقا ....عبد الرحمن :مع السلامه ي شويه حيوانات. ..نزلوا وركبوا العربيه....
.محمود:شهد مالك ساكته لي ...شهد:مافيش ي محمود يالا نمشي ....
محمود:مش عليا ي شهد الكلام ده...شهد:هو بيعملني كدا لي هو مش بيحبني!!..
.محمود:اي الكلام ده ي شهد مهو شتمني معاكي مش لوحدك؟!...
شهد عشان تلم الموضوع :ااه معلش فكرته بيشتمني انا خدت الكلام عليا معلش ي محمود ....محمود :شهد انتي كويسه ..
.شهد:ااه ي محمود مش تقلق ويالا بقا عشان منتاخرش ...
..محمود :ماشي ي دودو ودوني ع بيت حبيبي.
..شهد:شكلك عايز تنضرب انهارده تاني!...محمود :لاحظي ان انا بقيت
بهون عليكي 😢...تصدق صعبت عليا يالا ي محمود ي أما هنزل والله . .محمود خلاص يستا قلبك ابيض يالا نمشي ...ووصلوا .
..شهد قبل ما يتكلم:انا نازله ومسمعش منك كلمه فاااهم. ..محمود:فاهم ي فندم وغمز لها نزلت ودخلت ...شهد:السلام عليكم .
..محمد:وعليكم السلام ورحمه الله وبركاته اتاخرتوا لي انهارده ..شهد :مافيش حاجه ...محمد:حمد الله
بالسلامه ...شهد :الله يسلمك .....محمود دخل
علفكره عيد ميلادها انهارده ....شهد:محمووود. ...محمد فهم قصد محمود وانكسف. ..محمود:الآه هو مش زميل شغل بردوا
ولازم يجي حفله عيد الميلاد ولا اي! ...محمد:كل سنه وانتي طيبه ي شهد
..شهد :وأنت طيب ي محمد ..محمود:يالا نشتغل ي حلوين وابقوا قولوا
كل سنه باليل يالا ...شهد بتوعد:ماشي ي محمود بني أدام برأس كلب
بصحيح .......عدي اليوم وجه باليل ف الحفله شهد كانت لابسه درس زهري
وعليه طرحه بيضه كانت قمر وكل صحاب شهد جم الحفله ومحمد جه الحفله
وكان جايب هديه عيد ميلاد شهد واداها لها ...محمد :افتحيها. .شهد:دلوقتي!!....محمد:ااه