رواية غرام الاسد كامله جميع الفصول بقلم شروق محمد

 رواية سيوف الفارس كامله بقلم يارا حسنين

*الحلقة الأولى* 

بقلم يارا حسنين

*وسط الزغاريط و الانوار  و السعادة إلى فى قلوبهم و اخيرا 

هتتجوز حبيبها بعد العقبات الكتير إلى كانت بتواجهم*

*حطت أيدها على كتفها و ايديها التانية على شعرها و دموعها إلى بتبرق فى عنيها ، بصتلها و ابتسامتها على وشها*

: الله بتعيطى ليه بس يا ماما 

: دموع الفرح يا حبيبتى *بتمسح دموعها*يلا بقا اجهزى عقبال أما اشوف حبيب القلب 

فين (بابتسامة اخجلتها)

*وسط الناس و سعادتهم إلى على وشوشهم جاله تليفون فابتسم بمكر*

: أيوة حاضر خمس دقايق و كله هيخلص انا مش عايز حد يشك فى حاجة بس ...

.حاضر حاضر متقلقش الورق هيوصلك فى المعاد ......تمام سلام 

: جهزت اهو يا ماما ايه رأيك انا عمرى ما تخيلت انى هلبس فستان فرح و لا تخيلت

 اصلا (حست أن فى حاجة حصلت مع مامتها مش معقول دى دموع فرح ، دموعها مغرقة 

وشها و مش عارفة تتكلم أو تفاتح بنتها فى الموضوع ازاى)

: ماما انتى كويسة *بهدوء مصطنع عكس خوفها إلى جواها*ماما فى ايه !! 

*شافت فى ايديها ورقة مدت أيدها عشان تقرأها لكن الصدمة حلت على وشها*

*باك*

*المنبه رن زى كل يوم صحيت من نفس الكابوس إلى بيلحقها من زمان و تفتكر كل 

حاجة حصلت فى اليوم دا*

فاطمة : الجميل صحى من النوم أخيرا انا جهزتلك الفطار و مستنياكى *قربت منها 

و بتنعكش فى شعرها* نفسى اعرف كل البنات بتصحى تلاقى شعرها منعكش إلا انتى

 تصحى تلاقى شعرك مظبوط ولا كأنك كنتى فى مقابلة *بضحك*

وعد : طب كويس فكرتينى انا عندى مقابلة فى الشركة إلى سارة قالت عليها هى هتعدى 

عليا و هنروح سوا و ياريت يقبلونا احسن الواحد زهق من قاعدة البيت جهزى الفطار

 عقبال ما البس يا ماما بسرعة*بتحاول تقوم من السرير إلا أن آثار النوم بترجعها على السرير تانى*

فاطمة : انا إلى بسرعة الفطار جاهز يابت قومى انتى و اخلصى بلاش تضيعى وقت 

*سابتها و طلعت و افتكرت أن فاطمة دايما بتعرف تنسيها زعلها و زمان تعبت و كان 

لازم تحسسها أن كله تمام عشان تقدر تخفف من تعبها*

*فى مكان حل عليه الهدوئ لما وصل بعربيته دخل الشركة والكل وقف مكانه يشوفوه 

اصغر صاحب شركة أدوية فى الشرق الأوسط و أعلى خبرة و بالإضافة إلى أنه وسيم 

و البنات بتحاول تكسبه الا انه مبيعطيش اهتمام لاى واحدة فيهم هو دا فارس نور الدين دخل على مكتبه و وراه سكرتيرته*

فارس : ابعتيلى فنجان قهوه بسرعة و خلى امير يجيلى

: تمام يا فندم *و خرجت من المكتب*

*معداش دقايق و دخل امير بإطالته المعتادة*

امير : لا لا يا ابو الفوارس مينفعش كدا كل يوم تدخل من باب الشركة الكل يتنح فجاءة

 زى مايكون عذرائيل قدامهم

*بنبرة شبه جادة*

فارس: بتقول حاجة يا أمير *قام من مكانه و وقف قصاده*

امير : لا ابدا انا كنت

 بقول طلتك من باب الشركة دى بالدنيا والله

*رفع أيده يظبط شعره لكن امير رفع أيده على وشه و بعياط مصطنع*

امير : ايه يا فارس هو 

انا كل يوم اضرب *ابتسم فارس و كتم ضحكه*

فارس : ركز معايا بقا دلوقتى فى إلى هقوله 

*امير صاحب فارس

 الوحيد الى قدر يكسب ثقته و الاتنين ممكن يعملوا اى حاجة عشان بعض*

*فى بيت وعد الجرس رن*

فاطمة : خليكى يا وعد كملى فطارك *فتحت الباب*

فاطمة : ادخلى يلا من غير كلام كتير افطرى الاول الشركة مش هتطير يعنى

سارة : لا يا طنط شكرا انا لسة ..*قبل ما تكمل شدتها فاطمة و قعدتها تفطر مع وعد*

فاطمة: يلا افطروا بقا عقبال ما اعمل الشاى

وعد : لا يا ماما احنا خلاص ماشيين يلا يا سارة 

فاطمة : كملى أكلك يا سارة 

سارة : كلت يا طنط تسلم ايدك يلا يا وعد احسن نترفض قبل ما يقبلونا*بضحك*

فاطمة : خلوا بالكوا من نفسكوا يابت انتى وهي*من جواها بتدعلهم ربنا ييسر لهم امورهم ، بتعتبر سارة بنتها التانية بعد موت مامتها و ابوها فى

 حادث مع جوزها و بعد إلحاح طويل على سارة أنها تعيش معاهم إلا أنها أصرت على أنها متسبش بيتها و بقت الام والاب لوعد و سارة*

وعد : لا ثانية واحدة اوعى تفتكرى انى هركب معاكى الموتوسيكل دا و هنروح الشركة بيه كمان انتى اكيد بتهزرى 

سارة : اولا كدا دى اسمها ماكنة ثانيا اه هنروح بيها الشركة ويلا بينا عشان منتأخرش

وعد : طب افرضى لو اتقابلنا و حد شافنا بالماكنة بتاعتك دى 

سارة : يابت خليكى واثقة فى نفسك يلا بينا بقا *بهزار*

وعد : امرى لله يلا ياختى اما نشوف اخرتها

سارة : اخرتها خير ان شاء الله 

*فى مكتب فارس*

فارس : فهمت هتعمل ايه 

امير : اه تمام هلحق انا الميتنج مع الشركة المنافسة و هقولك الاخبار 

فارس : تمام ابعتلى نهلة بملفات الناس إلى هنعمل معاهم انترڤيو 

امير : حاضر اى أوامر تانية *بتريقة*

فارس: لا غور انت من هنا 

امير : تسلم يا باشا هغور انا بقا *بضحك*

*وصلوا الشركة والاتنين منبهرين بالشركة*

سارة : وعد ايه الى انا شايفاه دا 

وعد : الشركة حلوة اوى بجد يارب نتقبل *بأمل*

سارة : كانوا بيقولوا صاحب الشركة دا صعب اوى و لو اتعصب ممكن ياكل إلى قدامه*بتريقة* 

وعد :*بضحك*ياكل ايه لا بجد شوقتينى اشوفه 

: اتفضلوا هنا و لما ننده على اساميكوا تدخلوا المكتب دا *شاورت بايدها*

*قعدوا فى مكان فى ناس مقدمين عشان يشتغلوا برضو*

سارة : وعد ..وعد ..يا وعد 

وعد *كتمت ضحكها*:متتكلميش عشان انا عارفة هتقولى ايه

سارة *بضحك*: ايه دا بجد مش دول بنات زينا قصدى احنا بنات زيهم قصدى ايه الى   هما لابسينوا دا *صوتها عالى فى اخر جملة مع خروج امير من مكتب فارس إلى أتلفت للكلام و رفع حاجبه باستغراب لكن كمل طريقه عشان يخلص من إلى كلفه بيه فارس و يروح الميتنج*

وعد *بصوت مهموس تكاد تسمعه سارة*: الله يخربيتك هتفضحينا

سارة :  هما مش سقعانين*بضحك*

وعد : سارة ملناش دعوة بحد اهدى خلى اليوم يعدى على خير

*بعد ساعات*

نهلة : أستاذة وعد اتفضلى من هنا 

سارة : ربنا معاكى *بضحك*

*دخلت وعد المكتب بخوف زى البنت الصغيرة إلى وراها امتحان و هتاخد الشهادة بعدها كان فارس بيتكلم فى التليفون و متعصب*

فارس : سيف بلاش جنان احنا اتفقنا فى الميتنج إلى فات على كل حاجة ...الو الو يابن  ال*رمى التليفون على المكتب بعصبية ولفت انتباهه قاعدة إلى زاد عصبيته*

فارس: افندم .. انتى مين 

وعد *بخوف من نبرته*:انا انا وعد .. 

فارس : وعد مين *بغضب*

وعد : حضرتك دا الCV بتاعى وانا كنت عاوزة اشتغل فى الشركة *بهدوء مصطنع*

*مد أيده ياخده منها لكن هى سابته على المكتب إلى آثار استغرابه لكن خد الملف    و مهتمش و افتكر أنها بتتكبر عليه و دا ديقه و خلاه قلب فى الملف بسرعة من غير ما يقرأ ولا كلمة*

فارس : اتفضلى 

وعد : ايه !!

فارس : حظ سعيد المرة الجاية مع السلامة *بيتكلم ببرود الى نرفزها*

وعد : هو حضرتك قرأت حاجة من الCV معجبتكش أو حاجة يعنى حضرتك ملحقتش تقرأ حاجة 

فارس : اه قرأت و للاسف ملكيش نصيب معانا تقدرى تتفضلى *بيقلب فى الملفات و مش مديها اهتمام إلى زاد نرفزتها اكتر و دا خلاها تتكلم بسرعة*

وعد : طب تمام *قامت من مكانها*انا مش فاهمة يعنى بتتكلم كدا معايا ليه اصلا انتوا الخسرانين و انا متأكدة انك مقرأتش كلمة من الCVبتاعى بس    شكرا الف شركة تتمنى انى اشتغل معاهم *خرجت من المكتب قبل ما يرد وفى سرها ربنا يحرقك يا شيخ زى محرقت دمى*

*خرجت من عنده و نسيت الCV بتاعها و كاتمة نرفزتها قابلت سارة و سارة فهمت من وشها الاحمر أنها لو سألتها هتنفجر فيها فسكتت*

*فارس شاف الCV بتاعها على المكتب فمسكه و قراءه كويس لقى نفسه خسر أستاذة بامكانياتها على معرفة٣ لغات و بالإضافة لشهاداتها فى    معظم المجالات بس افتكر أنها تطولت عليه برميها للملف و أنها مدتهوش فرصة أنه يرد عليها و خروجها من المكتب   بسرعة إلى زاد استغرابه لكن تمنى أنها ترجع تانى و يعلمها قانون الفارس بطريقته هو فارس نور الدين إلى المعاملة معاه بطريقة خاصة*

*رفع تليفونه*

: انت فين 

امير : انا داخل الشركة اهو 

: تعالى استلم مكانى عشان ورايا ميتنج

امير : حاضر جاى *راح جابله قهوة سادة زى ما بيحبها و رايح على مكتب فارس*

نهلة : أستاذة سارة اتفضلى من هنا

: تمام * من جواها بتدعى ربنا أنها تتقبل ميكونش هى و وعد وشهم وحش على بعض فى كل حاجة و هى سرحانة لفت تسأل السكرتيرة استفسار لكن خبطت فيه و القهوة وقعت على قميصه وهى اتخضت من الصدمة و اتلعبكت و مش عارفة تقول ايه* 

امير : يا نهارك اسود انتى هببتى ايه*بغضب*

سارة : انا آسفة انا آسفة والله مكانش قصدى آسفة والله  *بصتله*

امير *بصلها بصة محدش هيفهمها غيره هو، انسحب من قدامها و راح ينشف قميصه و هى كملت طريقها بضيق من اليوم دا كله ملغبط دخلت المكتب لكن ملقتش حد موجود قعدت على الكرسى إلى قدام المكتب مستنية إلى هيعمل معاها الانترڤيو دخل المكتب و هى وقفت و شافته وفى نفسها لا كدا كتير شكلى هشرف مع وعد*

امير : انتى *تصنع الامبالاة و شايف توترها إلى مخليه كاتم ضحكه*هاتى الCV يا استاذة 

*ادتهوله و ايديها بترتعش و هو ملاحظ دا بيبص فى الملف و بيخطف نظرة عليها كل شوية و يبتسم على خجلها من الموقف إلى حصل*

امير : اهدى انا مش هكلك 

سارة : انا اسفة يا استاذ والله على إلى حصل كان غصب عنى والله 

امير : ما انا عارف أنه غصب عنك هو لو مكانش غصب عنك انامكنتش هسيبك فى    الشركة ثانية *بيتكلم و باصص فى الملف و مستنى ردها لكن مردتش رفع رأسه ليها*

امير : انتى بتعرفى تتكلمى انجلش على كدا 

سارة : اه حضرتك 

امير : تمام  بكرا هتمتحنى مع الناس إلى اتقبلوا و هيعرفوكى وظيفتك ايه بالظبط تمام

*تليفونه رن*

امير : أيوة 

فارس : حد من إلى قابلتهم بيتكلم اسبانى محتاجه ضرورى

امير : حد بيتكلم اسبانى *بيتكلم و بيدور فى الملفات الى قدامه لكن ملقاش* لا يا فارس ملقتش حد بيتكلم اسبانى انت محتاجه ضرورى 

فارس : اه ضرورى لأن المترجم رفدته من فترة 

امير : هشوفلك حد بس هو فى الغالب مفيش 

فارس : تمام*قفل معاه*

امير : تمام يا سارة كدا تقدرى تيجى بكرا

سارة : تمام *قامت من مكانها و مشيت خطوة ورجعت وهو مراقبها من بعيد*

سارة : هو انا صاحبتى بتتكلم اسبانى و هى معايا برا و مقدمة برضو ال CV  بتاعها 

امير : بجد طب هى فين 

سارة : برا حضرتك

امير : طب تعالى و هاتيها و رأيا

* خرجوا من المكتب و سارة فرحت أن ممكن وعد تشتغل معاها متعرفش أن كان كدا احسن لها*

سارة : وعد *حكتلها*

امير : تقدرى تيجى معايا لو موافقة

وعد : *بتسترجع إلى حصل بضيق لكن ابتسمت و فى نفسها اهى الفرصة جاتلك لحد عندك* فابتسمت*اه موافقة

امير*ابتسم أنه تخلص من طلب فارس*

* دخلوا صالة الاجتماعات و هو مستنى امير يجيبله المنقذ لكن شافها داخلة و افتكر الموقف لكن شاف امير معاها دا الى خلاه افتكر أنها بتتكلم   اسبانى لما قرأ الCV بتاعها شافته من بعيد كانت عايزة تستخبة منه إلا أن فارس كان جاى عليهم و كان بينهم شرار و كل واحد بتفكيره إلا أن امير قطع تفكيرهم*

امير : فارس دى وعد بتتكلم اسبانى و ممكن نعينها و نتفق بعد الميتنج انا اتكلمت معاها وهى موافقة

فارس : تمام يا أمير اتفضلى يا استاذة وعد *ابتسم بخبث وفى نفسه جيتى برجلك يا قطة*

*انسحب امير على مكتبه و افتكر طلب فارس*

*فلاش باك

فارس: ركز معايا بقا دلوقتى انا عايزك تعرف كل حاجة عن سيف عشان فى حاجة غلط وانا الى هصلحها 

امير : سيف ..ليه طيب

فارس : امير نفذ إلى قولتلك عليه 

امير : حاضر 

*باك

امير : شكلى هروح فى داهية بسبب جنان الاتنين انا كان مالى انا بالمجانين دول ياربى

#يورا

                 الحلقة الثانية من هنا

تعديل المقال