#الفصل_11 و 12
#تار_صعيدي
بقلم ملك شاهين
ماري جت من وراها وهي بتحضن وبتسلم على حمزه قالت بخبث : فلير اختي
حمزه بغيظ : ماري حبيبتي ازيك يا ابليس عامل ايه
ماري بضيق : اووف اووف بجد
لورين بتذمر : مامي فيين بقي
حمزه وهو بيبص على نسمه الي متنحه : ندلها فلير
نسمه بصدمه : هي هي مامتها بجد
حمزه : ناديها بس
نسمه : اعتقد لسه مصحيوش لانهم منزلوش لما يصحوا
فوق عند فلير وفراس
فراس : كنتي عارفه انها امي ؟
فلير : كنت عارفه
فراس وهو بيغمض عينه جامد : احكي
فلير بتنهيده : انا كنت عايشه مع خالتو في انجلترا انا وحمزه اخويا من ساعه وفاة ماما
زي مقولتلك حمزه دخل مدرسه داخليه مكنش بيجي البيت كتير وانا فضلت عايشه مع خالتو ولما كبرت شويه خالتو
فجأه تصرفتها بدأت تتغير بقيت احس انها بقت غريبه خروجتها كترت لبسها شكلها حاجات كتير مبقتش بتتكلم معايا زي
الاول كانت بتقعد تتكلم معايا كتير عنك بذات كل ده وقف وفي يوم لقيتها داخله البيت ومعاها واحد بتقولي انها اتجوزت !
فراس بصدمه وزعيق : ايه اتجوزت ! ازاي انت بتهزري
فلير : لا مبهزرش اتجوزت بجد
فراس بزعيق : اتجوزت ازااي وهي متجوزه انت تعرفي انها فاكرنها ميته وهي بتولد نسمه ! وانت جايه تقولي انها عايشه ومتجوزه كمان
فلير : ممكن تهدي ومتقطعنيش
فراس بنفاذ صبر : اخلصي
فلير بضيق من اسلوبه بس هي عذراه : المهم انا طبعا اتأكدت ان خالتو حصلها حاجه
وان هي مش طبيعيه بعد جوزها بكام شهر طلبت الطلاق وفعلا
اطلقت بس كانت حامل ساعتها خالتو لما عرفت انها حامل كانت عايزه تنزل البيبي
لما لقيت كده مكنتش عارفه اتصرف
كان لينا جار دكتور نفسي روحت حكتله كل حاجه هي مرت بيها قالي هي من كتر الصدمات الي في حياتها رفضت الواقع
بتاعها لازم يشوفها وفعلا راح البيت وشافها وقالي انها لازم تقعد في مصحه علشان متعملش حاجه في نفسها او في البيبس
بعد كام شهر ولدت وانا خدت البيبي وهي فضلت في المصحه
لحد من كام شهر كنت بزورها من الوقت لتاني واوريها بنتها الي تقريبا بعتبرها بنتي انا وبتقولي انا ماما
فراس : ازاي اطلقت من بابا انا كل الي فاكره وعارفه انها دخلت تولد نسمه وماتت
فلير : باباك كان مطلقها اصلا من اول لما حملت في نسمه وكان دايما
بيعذبها وكان بيهددها انه هيبعدها عنكم ويحرمها منكم وهو
الي قال للدكتور يموتها بعد اما تولد بس الدكتور قاله انه موتها بس هو مموتهاش وسفرها برا
فراس : بابا وهو هعيمل كده ليه
فلير بتوتر : علشان بابك كان كان زاني وبيخونها وهي لو اتأكدت من كده هددته انها هتعرف جدك
فراس قاعد مصدوم مش مصدق الي بيسمعه
فلير قامت وقربت منه ومسكت ايده : عارفه انه صعب كل الي قولته ان تعرف ان باباك
كان كده وان مامتك الي فاكرها ميته عايشه وان ليك اخت تانيه
متعرفش عنها حاجه اصلا ..بس انا عارفه انك قوي وهتستحمل كل ده
فراس : قوي ؟ واستحمل ؟ ..انت تعرفي انا من
ساعه موت ليله وانا عايش ازاي اصلا .
..تعرفس ان عمري مقربت من نسمه ولا شلتها وهي
طفله ولا لعبت معاها ولا عملت ليها اي حاجه تحسيسها اني اخوها طول
عمرها بعملها اسوء معامله روحت اعيش في القاهره
بعيد عنها وسيتها هنا ولما رجعت خليت جدي يوديها هي تعيش
هناك وتكمل تعليمها لوحدها كنت دايما محملها سبب
وفاه امي دايما شايف انها السبب ان هي تعيش وامي ماتت...تخيلي بعد
كل ده واكتشف ان امي عايشه لا وعندي اخت كمان معرفش عنها حاجه بردو
فلير ساكته مش عارفه تقول ايه بتعيط بس
فراس : ساكته طبعا مهو هتقولي ايه ..مفيش حاحه تتقال ...بس عارفه كنت دايما
عندي احساس انك تقربلها لدرجه اني شكيت انك ممكن تكون اختها قولت اكيد مش هيجوزوني اخت امي بس الشبه بينك
كبيير جدا ...لم هيثم جابلي كل حاجه عنك كنت عايز اعرف انت تعرفيها منين
..بس يارتني معرفت نسمه مش لازم تعرف حاجه دلوقتي اوعي تقوليلها
فجأه الباب خبط فراس مقمش من مكانه فلير راحت تفتح لقت نسمه ولورين
لورين وهي بتحضنها : مااامي وحشتيني
نسمه : لما لقيتكم منزلتوش وهي عماله تزن تحت قولت اطلعها اشوفكم صحيتو ولا لا
فلير وهي شايله لورين : لا صاحين ....خلاص سيبيها معايا وشويه ونازلين
فلير دخلت وهي شايله لورين وبتبوسها : وحشتيني يا زقرده انت
لورين : وانت كمان وحشتني كتييير اوي ..كملت بهمس وهي بتشاور
على فراس الي قاعد في البلكونهوسرحان وباصص على الارض ...مين ده
فلير بهمس : ده ابيه فراس
لورين : ايوا بردو يبقي مين
فلير بهمس : يبقي جوزي واخوكي
لورين وهي بتحط ايدها على بوؤها : يلاهوي انت اتجوزتي ومعزمتنيش انا كنت عايزه البس فستان عروسه
فلير : معلش يا لوري بقي ان شاء الله في فرح حزومس تلبسي يستي
لورين بزعل : طييب ..هو يعني اخويا بجد
فلير : اه والله اخوكي بجد وعارفه نسمه الي جبتك دي
لورين هزت رأسها : اه عارفاها قصدك نوني انا بحبها اووي ع فكره علشان هي طيبه جداا
فلير : دي كمان اختك
لورين بفرحه : بجد يعني انا عندي اتنين اخوات وانت وزومي
فلير : شوفتي يستي
لورين : طب نزليني يا مامي اسلم عليه
فلير نزلتها ولورين جريت نحيه فراس ومسكت ايده
لورين : هااي انا لورين مامي قالت انك اخويا واني اقولك ابيه
فراس رفع رأسه ليها وخدها قعدها على رجله وبص
لفلير الي جت قعدته جنبه وهمست في ودنه : دي لورين اختك بس هي بتقولي مامي
فراس خدها في حضنه جامد بيحاول يعوض الي
معملهوش مع نسمه وقال : انا عارف انك لورين اختي
ع فكره وانت قولي ابيه قولي الي انت عايزاه كمان
لورين : بجد خلاص هقولك فروسي وانت قولي يا لوري
فراس : ماشي وانا موافق يا لوري
فلير بغيظ : لا والله ايه فروسي دي ان شاء الله لا اسمه ابيه
لورين بتذمر : يووه يا مامي انا عايزه اقوله يا فروسي
فلير بغيظ : انت بتعيدها تاني ..انا قايمه علشان متشلش
فراس بضحك همسلها في ودنها وهي قايمه : بتغيري من عيله
فلير : انا وهغير ليه خليها تنفعك وقامت دخلت الاوضه
لورين : فروسي بقولك ايه
فراس : قولي يا حببتي
لورين بهمس : عيد ميلاد مامي بكره وزومي قالي
اقولك علشان لو مش عارف علشان نعملها surprise بس متقولهاش
فراس : خلاص ماشي هو زومي ده فين
لورين : تحت علشان متعور في ايده العصابه ضربته بالنار استني نسيت اقول لمامي صحيح
لورين نزلت من على رجله وفضلت تنادي على فلير
فلير خرجت ليها من الاوضه : ايه عايزه مش خلاص بعتيني وقعدتي مع فروسك
لورين : نسيت اقولك يا مامي ان زومي اضرب بالنار واتعور في ايده وهو قاعد تحت
فلير مستنش حتي تلبس طرحه ونزلت جري على تحت فراس نزل وراها هو ولورين بسرعه
فلير نازله بتحسس علة حمزه وتحضنه : انت كويس ايه الي حصلك مين عمل فيك كده
حمزه وهو بيحاول يهديها: اهدي يا حبيبتي اهدي انا كويس والله ده طلقه طايشه يعني الصعيد بترحب بيا مش اكتر
فلير وهي بتمسح دموعها الي نزلت ( مشوفتش
عيوطه كده بجد😂 ) : يعني انت كويس
حمزه : والله كويس وزي الفل
فراس كان واقف وراها حمزه بيرفع رأسه فمد ايده يسلم : فراس مش كده ازيك
فراس بغيظ : اهلا ...حضرتك ممكن تطلعي تبلسي طرحتك وتنزلي هو كويس قدامك اهو
حمزه وحب يستفزه : مش لازم يعني تلبس طرحه مفيش حد غريب
فراس بص لفلير بصه هي فهمتها وخلتها تطلع بسرعه
فراس : اعتقد ان ده شئ بيني وبين مراتي ملكش دعوه بيه
حمزه : اممم عندك حق بس انا اخوها من قبل اما تبقي مراتك
بعد اما قضو اليوم كلهم مع بعض وحمزه وفراس الي عاملين زي القط والفار
طول يوم يتخانقوا ...بالليل في اوضه ماري كانت بتتكلن في التليفون
ماري : لا يا اندرو انتم هتيجو بكره ...اندرو اسمعني لازم تيجي لازم نجبله
دليل هي سميه دي قالت كده ...هي عارفه ابن خالها
وقالت مش هيصدق من غير دليل ....تمام انا هستناكم في المطار انت وزيزي .....يلا see you
في جناح فراس وفلير ...فراس كان قاعد على اللاب وفلير كانت في اوضتها مع لورين بيبص لقا موبيل فلير الي معاه في ماسدج
جت عليه في نفس الوقت فلير كانت نيمت لورين وخارجه الصاله لقته باصص في تليفونها ومبرق
فلير : فراس في حاجه
فراس حط التليفون في وشها فلير تنحت
فراس وهو بيقوم : انت مش قولتي انك قولتي كل حاجه ومش مخبيه حاجه ...ايه ده ؟
#البارت_12
#تار_صعيدي
فراس حط التليفون في وشها فلير تنحت
فراس وهو بيقوم : انت مش قولتي انك قولتي كل حاجه ومش مخبيه حاجه ...ايه ده ؟
فلير : معرفش انا قولت كل حاجه بخصوص بدر وكل الي اعرفه عنه
فراس : هو عايز يقابلك ليه ؟ وجاب رقمك منين اصلا ؟
فلير : روح اسأله وانا مالي
فراس : اتكلمي عدل
فلير بزهق : هو انا بتكلم بالمشقلب يعني
فراس : اللهم مطولك يا روح انت ايه الي خرجك من اوضتك
فلير بتوتر : انت مش واخد بالك ان لورين نايمه جوا و..
فراس بعد اما فهم قصدها وانها خايفه لورين تروح تقول ان كل واحد في اوضه حب يستفزها : ايوا وبعدين يعني عايزه ايه
فلير بضييق : اووف مش عاوزه هنام على الكنبه هنا
فراس بضخك : متقوليها يستي اسهل قولي انك عايزه تنامي في اوضتي وفي حضني
فلير : انت قليل الادب ع فكره .... كملت بتوتر انا بس علشان علشان لورين
فراس : اممم همشيها علشان لورين ... طب يلا علشان عايز انام وبقفل باب اوضه بدري
فلير : نينينيننينيني
فراس وهو رايح الاوضه : يلا اخلصي
فلير بضيق : جاايه جاايه ....كتك القرف يشيخ في حلاوتك دي خالتو كانتت بتتحوم على كريم كرامل
فراس من جوا بصوت عالي : يلاااا متكلميش نفسك كتيير هتتجنني قريب
فلير دخلت الاوضه وربعت ايدها على صدرها : ممكن اعرف هنام فين
فراس : افندم ؟ مش فاهم مش شايفه السرير يعني ولا ايه
فلير : طيب وانت
فراس : نعم يختي انا ايه
فلير : هتنام فين يعني
فراس وهو بينام على السرير : انا نمت اهو فين المشكله في نومي
فلير : نعم ..انا مش هنام جنبك اكيد
فراس وهوبيشدها على السرير وياخدها في حضنه : على اساس انها اول مره يعني ...اهدي بقي وكفايه حركه
فلير : كل مره بالعافيه
فراس بخبث : بالعافيه ااه عليا
فلير غمضت عنيها : انا عايزه انام تصبح على خير
فراس فضل باصص لسقف وهو حاضنها بعد شويه : عارفه وانا صغير مكنتش
بعرف انام غير في حضنها ...كانت بتقعد تحكيلي
في حواديت كتير اوي ...كانت وهي حامل في نسمه تقولي خلي بالك من اختك خليك ضهرها وسندها ..
وانا كنت بقول حاضر بس معملتش اي حاجه من
ده مش عارف هواجه نسمه ازاي حتي لو اتأسفتها مفيش اسف هيرجع السنين دي كلها
بص ليها لقاها مفتحه وبصاله بتركيز واهتمام
فلير : كفايه ندمك الي انا شايفاه في عينك هي اكيد هتشوفه ونسمه قبلها طيب صدقني وبتحبك وهتسامحك
فراس وهو باصص ليها : يااااه قد إيه الندم ده مؤذي بطريقه بشعه متتوصفش
تخيلي تبقي ندمانه على حاجه عملتيها او كلام
قولتيه اوحاجه معملتيهاش وكلام كان المفروض
تقوليه ومقولتيهوش ، علي طريق إختارت تمشي فيه وخسّرك ناس كتير بيحبوكي وطلع غلط،
الندم ده بيبقي جوانا زي النار ما بتعمل في الفَحم كده بالظبط انا جوايا نار يا فلير مش عارف اطفيها .
فلير وهي بتمسح بايدها على رأسه : بس بيجي يوم انّه خلاص عفا الله
عمّا مضى الماضي هيفضل في الماضي عشان نتعلّم
منّه بس وعشان بس نفتكره نقول احنا كنا فين وبقينا
فين ، وخليك عارف ان اكيد ربنا ليه حكمه في كل ده مش لازم نعرف سببها ايه وليه بس نخلينا
واثقين اننا بنفر من قدر الله لقدر الله وكله مكتوب .
..فالندم عمره هيفيدك في حاجه بالعكس هيخليك واقف مكانك تفكر في الماضي وبس رغم انك بايدك تصلح
كل ده وترجع مامتك واخواتك حواليك وتعوضوا الوقت الي ضاع منكم
فراس حضنها جامد لدرجه انها استخبت في حضنه وحضتنه هي كمان وقال : كُنت محتاج حد أتكلم معاه .. أتكلم معاه
ويسمعنى ويطّيب بخاطرى وميجيش عليا ويبقي
عليا القاضي والجلاد في نفس الوقت .. ولقيتك أنتِ انت عملتى كُل ده ربنا يخليكي ليا .
فلير بخجل : تصبح على خير
فراس : تلاقي الخير
الصبح على الفطار كان الكل متجمع
هارون :منور يا حمزه يا ولدي
حمزه بحرج : بنورك يا حج ومعلش لو تقلت عليكم
هارون : وه عيب عليك عاد ده احنا صعايده يا ولدي وبيوتنا مفتوحه للغريب جبل الجريب...انا جايب علشان رايح الارض
حمزه : ربنا يخليك يا حج ويعينك
ماري : ااه صحيح يا فلير اندرو و زيزي جايين كمان شويه وانا هروح اجبهم من المطار واستأذنت من هارون بيه
فلير تنحت وبصت لفراس الي قال : هما مين دول
ماري بخبث : دي زيزي صحبتي واندرو الاكس بتاع فلير
فراس وهو بيبص فلير الي هزت رأسها بلا : الاكس بتاع فلير ! اممم وجاي ليه ان شاء الله
ماري بدلع : اصل هو يا فراس يبقي صديق عزيز ليا انا وزيزي فيقضي هو وزيزي يومين يعني هنا كتغيير نفسهم يشوفوا الصعيد وكده
فراس وهو بيبص لفلير : اممم نفسهم يشوفوا الصعيد ....انت ايه رأيك
فلير بهمس وهي بتبلع ريقها : متوافقش
فراس بصلها باستغراب
فلير : متبصليش كده متوافقش بس
فراس بهمس : هو انا الاكيد مش هوافق بس ليه
فلير : هقولك لما نبقي لوحدنا
بصلها وهز رأسه وقال بصوت عالي : معلش يا ماري بس ضيوفك غير مرحب بيهم
ماري : يعني ايه دول المفروض ضيوف مراتك اصلا
فراس وهو بيسأل فلير : هما ضيوفك يا حبيبي
فلير اتنفضت من الكلمه وبصتله
فراس وهو ييهمسلها : اقفلي بؤك يا فراوله لدبان يخش
فلير وهس بتقفل بؤها وتكح : لا لا مش ضيوفي ولا اعرفهم
ماري بغيظ وهي بتقوم : والله...على العموم مش
مشكله هقول لبابي يستضفهم عنده وهروح معاهم
نسمه كانت قاعده جنب فلير من نحايه وفراس من ناحيه قالت بهمس : سكه السلامه
فلير وهي بتضحك : شوفت انا منك انت يما
نسمه وهي بتضحك معاها : يلا بسلامه رد الباب
وراك .... كملت وهي بتبص على سميه الي قدامعا
...عقباال الي في بالي يارب
سميه ودت وشها الناحيه التانيه وبصت لحمزه
باعجاب وقالت بدلع : الا جولي يا حضره الظابط
حمزه وهو بيبصلها : هو انت بتكلميني انا
سميه : هو في ظابط غيرك اهنيه ..المهم جولي انت عندك كام سنه
نسمه بغيظ : ليه هطلعيله بطاقه
سميه : وه انا كلمتك عاد انا بكلم حضرت الظابط هو عينك محامي عليه
نسمه بغيظ وهي بتقلد صوتها : انا بكلم حضرت
الظابط هو عينك محامي عليه ...كتك نيله في تقل دمك
فلير وحمزه هيكوتوا من الضحك على نسمه وفراس بيبصلها بابتسامه ونظره غريبه
سميه : مش هرد على عيله
نسمه : لا ردي كده وريني
فلير : نسمه خلاص سييك منها ...حمزه يبقي اخويا التؤام يا سميه يعني ادي
سميه : انا سألته هو مسألتكيش ولا سألتها
حمزه بضحك : يلاهوي قصف جبهه ليكم انتم الاتنين فلير ونسمه بصوله
جامد راح مكمل ....احم احم جرا ايه حضرتك ميردو
عادي انت هتمسكي لسانهم يعني
سميه : مجصدش يعني...قطع ملامها حمزه وهو بيقوم علشان موبيله رن
حمزه : معلش عندي شغل هرد وارجعلكم
نسمه : احسن بنأدمه لازقه ...بقولك يا فلير تعالي
نقعد في الجنينه عايزه اتكلم معاكي شويه ونخلي لورين تلعب برا
فلير : خلاص ماشي
فراس : ممكن اجاي معاكم انا كمان يا نسمه
نسمه بصدمه متنحه هي تقريبا اول مره تسمعه
بيناديها او بيوجه ليها كلام بصت لفلير وبعدين بصتله وساكته
فراس : يااه ده انا وجودي مش مرحب فيه لدرجادي خلاص يس..
نسمه بسرعه : لا طبعا تعالي بس انا كنت فاكره هتروح الشركه
فراس : لا مش رايح هقعد معاكم ولا مضايقك
نسمه : وانا هضايق ليه ...بصت لفلير يلا
فلير مسكن ايد لورين : يلا
في المطار عند ماري كانت هتفرقع من الغيظ
زيزي : كان لازم يعني تقولي ان اندروا يبقي الاكس بتاع فلير
ماري : قولت اهو يمكن يتخانق معاها مكنتش فاكره انه هيرفض انه يجي
زيزي : يبنتي ده صعيدي اكيد دماغه ناشفه يعني
وتفكيره قديم ومش هيرضي ابدا ان Ex مراته يقعد معاهم في البيت
ماري : اهو جيت اعملها عمتها
زيزي بتصحيح : اسمها جيت اكحلها عمتها
ماري : what ever ..كملت وهي بتبص على اندرو ...ساكت ليه
اندرو : هقول ايه
ماري : هنعمل ايه هنجيب دليل ازاي
اندرو وهو بيطلع سيجاره من جيبه ويولعها : مش لازم نجبله دليل احنا هنشكهه فيها
ماري : وريني شطارتك ...واه بدر عايزنا في فيلا الساحل كمان يومين
زيزي : ooh why
ماري: معرفش
اندرو : ايه الي فكره بينا يعني
ماري : بردو معرفش لما نروحله ابقي اسأله
راحوا قعدوا في الجنينه وفراس قام يوري لورين الخيل
نسمه : حاسه فراس متغير اوي انهارده واول مره يغيب من الشغل
فلير : لا عادي
نسمه : عادي ايه لا مش عادي في حاجه غريبه
فلير : سيبك من فراس وقوليلي عايزاني في ايه
نسمه بتوتر : مدحت بيهددني
فلير : مدحت مين
نسمه : في ايه يا فلير متركزي
فلير بتذكر: ااه الواد الي كنتي مرتبطه بيه ده وانا اعرف اسمه منين انت مقولتيش اسمه اصلا
نسمه : طب المهم اعمل ايه
فلير : بيهددك ازاي يعني
نسمه : انه هيقول لفراس يا فلير انت في ايه مش مركزه النهارده كده ليه
فلير بتوهان : مش عارفه حاسه اني دايخه اوي
نسمه بقلق : طب انادي فراس او حمزه
فلير وهي بتقوم تقف : لا لا انا هطلع ارتاح فوق ومعلش يا نسمه نتكلم ...
ولسه مكملتش كلامها وقعت على الارض اغمي عليها