فلير كانت بتتكلم في التلفيون قطعها دخول فراس الاوضه
وهو بيمسكها من شعرها من فوق الطرحه التلفيون وقع من ايدها من الخضه
فلير بآلم وهي بتحاول تخليه يسبها : ااه ااه ابعد شعري انت مجنون في ايه
فراس سبها فجأه وزقها وقعت على الارض : بقولك ايه لمي لسانك ولو على الجنان انت لسه مشوفتيش حاجه
فلير وهي بتعدل طرحتها وبتحاول تقوم من على الارض وهي بترتعش : انا مش فاهمه هو في ايه
فراس : بكل وضوح ومن غير لف ولا دوران تعرفي بدر منين
فلير ساكته ومش عارفه ترد بس اطمنت انه مسمعهاش وهي بتتكلم في التليفون
فراس بزعيق : متنطقي
فلير بتوتر وخوف : انا اعرفه ..كان كان معايا في انجلترا وكان بيجي عندنا كتير حتي بابا يعرفه بس معرفش كان بيجي ليه والله ولا ابه علاقته ببابا
فراس: وهو طلاما عارفك انكر ليه
فلير بصوت عالي: معرفش معرفش روح اسأله
فراس : وطي صوتك ،صوتك ده ميعلاش انت فاهمه
فلير بعصبيه : لا مش فاهمه انت داخل جايبني من شعري وبتقولي تعرفي بدر منين انت اصلا مالك اعرفه معرفوش ده شئ ميخصكش تدخل الداخله الهمجيه دي ليه
فراس مشي وسابها وخرج برا الاوضه مشيت وراه بسرعه ووقفت قدامه
فلير بعصبيه زياده : لما بكون بكلمك تقف تسمعني وترد عليا زي الناس الطبيعيه
فراس : ابعدي من قدامي احسنلك
فلير وهي حاطه ايدها في وسطها : ولو مبعدتش هتعمل ايه
فراس وهو بشيلها : هعمل كده
فلير وهي بتضرب فيه : نزلني نزلني بقولك
فراس دخلها الاوضه بتاعتها ورمها على السرير
فراس بخبث : اتقي شري يا فراوله احسنلك وخرج ورزع الباب وراه
فلير : ينهاار اسود ينهاار اسود ده شكله عرف ربنا يستر
في بيت سميه كانت قاعده مع الخدامه الي بتنقل ليها الاخبار
سميه وهي بتديها علبه صغيره : بصي يا بومه انت هتحطي ليها في كوبايه العصير كل يوم نجطه
الخدامه : اوامرك يستي ..وكملت بفضول ..بس حبوب ايه دي يستي
سميه بحده : ملكيش صالح عاد انت تنفذي الي بجولك عليه من غير حديت فهماني
الخدامه بخوف: امرك امرك يستي
سميه: اوعاكي حد يشرب من الكوبايه غيرها
الخدامه : حاضر حاضر يستي
في قصر الاسيوطي في اوضه سالم كان قاعد وفجأه جاتله رساله " للاسف بغبائك دخلت
بنتك في اللعبه احسنلك تترحم عليها من دلوقتي " سالم خاف وقلق على بنته مش عارف يعمل ايه
في اوضه نسمه كانت قاعده ماسكه الموبيل وبتقلب في صور ليها هي وشخص تاني
نسمه وهي بتكلم الصوره وبتعيط: وحشتني اوي مش قادره انساك بس مش قادره اسامحك
مش قادره اصدق انك كنت بتضحك عليا كل ده ليه لييه ده انا حبيتك بجد ليه تعمل فيا كده افتكرت عوض عن موت
امي وابويا وعم قسوه اخويا عليا ليه تخذلني كده لييه ورغم كل ده مش عارفه اكرهك مش عارفه
فجأه جالها ماسدج من رقم غريب بصوره للشخص ده وواحده تانيه وهما بيلبسو الدبل مكتوب تحتها " مش تبركلنا ..شوفتي الفرق بينك وبيني انا خليته يطلبني في النور قدام الناس كلها وانت كان اخرك يومين في الضلمه"
نسمه قعدت تعيط مكانها لحد منامت
بعد كام يوم كانوا نسمه وفلير قاعدين في الجنينه بالليل
فلير : مش ناويه تحكيلي مالك يا ست نسومه
نسمه بابتسامه باهته : هتسمعيني
فلير بابتسامه : هسمعك
نسمه بوجع ودموع : كنت بحب واحد لا كنت ايه انا لسه بحبه كنت عايشه اجمل ايام
حياتي ..هه كان حبه جنه انا عيشت فيها فعلا ..تخيلي كده تكوني عايشه في حلم جمييل جمييل وفجأه تقومي على كبوس
مرعب ..طلع بيلبعب بيا يا فلير طلع كل ده بيتسلي ...طلع كان واخدني رهان مع صحابه انه هيعرف يعلقني بيه وكسب
الرهان فعلا ..طلع ممثل شاطر اووي ياخد الاوسكار بجداره ..
.وفي الاخر بعد اما كسرني راح خطب بكل برود ولا كأنه ضحك على واحده ووهمه بحبه....عارفه نفسي اعرف
ازاي في ناس بتقدر تزيف مشاعر تبني عليها علاقه كامله ازاي بيقدروا لا وبينجحوا كمان
فلير خدتها في حضنها : اهدي اهدي ياحبيبتي اهدي ...مش هقولك انت مغلطتيش انت
عارفه ومتأكده ان الي عملتيه ده مش غلط ده حرام كمان بس
انا عارفه انك ندمتي على كل ده وربنا غفور رحيم وهيقبل توبتك دي وهيحاول ذنبك لحسنات كمان بس انا عايزه اقولك
حاجه واحده بس ايه الفايده انك تعملي كده من الاول هتستافيدي
ايه ؟ عايزه تحبي ؟ عايزه تتحبي ؟ انت ممكن تحبي وتتحبي من غير كل ده اصلا لما نصيبك الي بجد يجي الي
هيجي قدام كل الناس ويتجوزك الي مش هيخليكي خايفه طول مانت معاه الي هيحبك بجد ويقدرك ويبق يعارف قيمتك .
..انت نصيبك لسه مجاش وصدقيني عوض ربنا بيبقي جميل اوي صلي وادعي ربنا كتير انه يغفرلك ولو لسه بتحبيه
يطلع حبه من قلبك ولو اني اشك اصلا انك بتحبيه يعني ممكن
كان يكون اعجاب او بس علشان كنتي مفتقده الحنيه مش اكتر
نسمه وهي بتحضنها جامد : انا بحبك اوي وان شاء الله هعمل بالي قولتي عليه
فلير لسه هتتكلم
دخل عليهم فراس كان راجع من الشغل
فراس : في ايه الي مسهركم في جنينه لحد دلوقتي
فلير بلا مبلاه : عادي يعني قاعدين
فراس بامر : طب يلا كل واحده على اوضتها
نسمه بصت لفلير ولسه هتقوم
فلير : احنا مش عايزين نقوم دلوقتي عايزين نقعد
فراس بحده :مش بمزاجكم انا قولت كل واحده على اوضتها يلا
نسمه جريت على اوضتها
فلير وقفت قدامه : ولا بمزاجك على فكره وانا مش طالعه ها
فراس بخبث : اطلعي بمزاجك احسن ماطلعك غصب عنك شكلك خدتي على الشيل
فلير بعصبيه: انت قليل الادب اصلا مش فاهمه ازاي تسمح لنفسك تشلني
فراس بسخريه: هو محدش عرف الهانم اني جوزها
فلير : ده لاسباب معينه وقدام الناس بس
فراس وهو بيبعدها من طريقه وبينام على الارض : طب اوعي يا شاطره وطلعي اوضتك
بقي علشان انا جاي مزاجي رايق ومش عايز اتخانق
فلير بفضول : خير ايه الي مروقك
فراس باستفزاز : وانت مالك
فلير وهي ماشيه : بنأدم برأس كلب والله مستفز وغتت وبااارد عااا كتك القرف
فراس بصوت عالي : سمعتك ع فكره ومش هعيدها
فلير دبدت على الارض وطلعت جري
فراس : مجنونه والله اما نشوف اخرتك ايه يا فراوله
في بيت بدر
بدر : بقولك اتجوزها اتجوزها
=..........
بدر : مش هسيبه يتنهي بيها انا الي المفروض كنت هتجوزها مش كل حاجه هو هياخدها
=............
بدر : لا انا وقف كل حاجه دلوقتي لحد اما خليه يتطلقها وانا اتجوزها علشان ميبقاش
ليها علاقه بيه وتيجي في الرجلين ساعتها هكمل انتقامي منه بمزاج
عند فراس كان طلع الجناح بتاعه دخل الجناح راح نحيه اوضتها قعد يخبط على
اوضه مفيش رد فضل يخبط مفيش رد فتح الباب بسرعه واتصدم و....
الفصل_ السادس#تار_صعيدي
بقلم ملك شاهين
*التفاعل وحش ع فكره وبيقل 🙃
فراس اول لما دخل الاوضه اتصدم من شكلها اول مره يشوفها
من غير حجاب شعرها احمر اووي بشرتها بيضه عينها زرقه
نفس شكلها بالظبط نفس الهيئه كأنه بيشوفها تاني قدامه مش
مصدق عينه حاسس بزغلله كان لسه هيقع فلير حست ان في
حد معاها في الازضه بتبص وراها لقيته واقف وفجأه حست
انه هيقع جريت عليه سندته وقعدته على السرير
فلير بقلق : فراس انت كويس
فراس بدون وعي : احضنيني
فلير بصدمه : ايه
فراس مستناش وحضنها هو ونام وهي في حضنه فلير فضلت مصدومه مش عارفه تعمل
هي متأكده انه فكراها واحده تانيه كانت عايزه تشيل ايده من عليها وتخرج بس كان حضنها جامد فاستسلمت ونامت
صحيت الصبح لقيته لسه نايم حاولت تقوم لان تليفونها كان بيرن وقامت من حضنه بالعافيه خدت تليفونها ودخلت البلكونه
فلير : الو
يوسف : فلير عامله ايه
فلير : انا كويسه يا حبيبي عامل انت ايه وبابا عامل ايه
يوسف : احنا كويسين الحمدلله وحشتيني اوي
فلير : وانتم كلكن وحشتوني جداا
يوسف : فلير انت عارفه ماري جت
فلير : بجد ازاي ؟ هي مش قالت ...جت امتي يا جو
يوسف : جت من ساعتين كده وعايزه تشوفك
فلير : نعم ماري عايزه تشوفني انت بتهزر يا يوسف صح
يوسف : انا كمان استغربت حتي بابا بس قولنا هنجيلك بالليل وانا قولت لبابا اكلمك اقولك عادي ولا لا
فلير : لا يا حبيبي عادي تنوروا هستناكوا
يوسف : خلاص يلا اشوفك بالليل
فلير قفلت معاه وفضلت باصه قدامها بتفكر ماري رجعت ليه بعدين دخلت الاوضه تاني ملقتش فراس
فلير : راح فين ده انا مش فاهمه ايه الجنان الي انا عايشه فيه ده ياربي وبعدين دخلت الحمام وخدت شاور ولبست ونزلت
فلير بابتسامه : صباح الخير
هارون : صباح النور يا بتي
الجده: صباح الخير يا حلوه انت
فلير : ده انت الي حلو يا حلو انت
نسمه : مفيش صباح الورد يا نسمه صباح الجمال يا نسمه ايه شفافه انا ولا ايه
فلير : صباح الورد يا ورد
نسمه : صباحك قمر زيك يا قمر انت
فلير بضحك : واضح ان الغزاله رايقه النهارده
نسمه : الفضل يرجعلك يا فيري يا جامده
فلير بغرور : مش عارفه من غيري كنتوا هتعملوا بجد
نسمه : ولا اي حاجه
ضحكوا الاتنين وبعدين فلير بصت لهارون
فلير : جدو يعني انا بستأذن حضرتك بابا واخواتي جايين يزروني بالليل
هارون : وه ايه الي بتجوليه ده البيت بيتك يا بتي ينوروا طبعا
فلير : شكرا
فلير همست لنسمه : هو فراس خرج
نسمه بخبث : وانت بتسألي على فراس ليه
فلير : انت رخمه والله اخلص
نسمه بضحك : ايوا خرج راح القاهره تعرفي وربنا انت خساره في الواد اخويا ده متيجي اطلقك واجوزك غيره
فلير بضحك: رضوي الشربيني اوي
الجده بحده : وجفوا حديت شوي انتم التنين واشربو العصير وكلو
فلير ونسمه سكتوا وكملوا اكل في سكوت
في شركه عند فراس كان قاعد مع هيثم صحبه
هيثم : عاش من شافك وسمع صوتك يا فراس بيه
فراس بحب : وحشني يا هيثم والله
هيثم : طول عمرك بكاش لو واحشك كنت سألت عليا
فراس : انت عارف بقي مشاغل والله
هيثم : ايوا ايوا يا عم المهم انت انا كمان مشغول جدا ع فكره
فراس : ماشي ياعم المشغول المهم كنت عايزك في خدمه
هيثم : مانا عارف انت هتكلمني غير علشان مصلحه طول عمرك مصلحجي
فراس بعصبيه : قوم غور يا هيثم مش عايز من شكلك حاجه
هيثم : خلاص يا عم يخربيت الي يعثبك اومر يا فراس بيه
فراس : عايزه كل المعلومات عن ( فلير سالم الاسيوطي ) يا هيثم وياريت يكونوا النهارده بالكتير
هيثم : حاضر يا عم اعتبره حصل ...كمل بخبث ...بس هي مين المزه الي خلت فراس الجناوي يعوز يعرف معلومات عنها
فراس بعصبيه وهو بيضربه بالبوكس: مزه مين يا حيوان دي مراتي
هيثم : خلاص يا عم ان....ايييه مرااتك انت اتجوزت من ورايا يا فراس
فراس : ايه اتجوزت من وراك دي انت ليه محسيسني انك مراتي وجبتلك ضره
هيثم بتمثيل : اخص اخص عليك يا راجل بتخوني وبتتجوز عليا طلقني طلقني بقولك يا خااين بتخدني لحم وترميني عضم
فراس وهو بمسكه من هدومه : ولا اظبط يلا كده انا بدأت اشك انك ظابط
هيثم بجديه : مسمحلكش انت بتتكلم مع سياده الرائد هيثم الزيني نزل ايدك دي كده يا حتت مواطن عادي
فراس : هيثاااام بطل استفزاز
هيثم : يخربيت الي يهزرك معاك انا ماشي على باليل كده بكره الصبح بالكتير هتكون كل المعلومات عندك
فراس : تمام
هيثم : بس مش هتعرفني على المدام
فراس وهو بيجز على سنانه : هيثم
هيثم : خلاص خلاص انا ماشي
بالليل في قصر الجناوي عيله فلير جت وكانوا قاعدين في الجنينه الحج هارون والجده سلموا عليهم وهارون خد سالم وقعدوا في المكتب والجده طلعت ونسمه فضلت قاعده جنب فلير
يوسف : وحشتييني يا فوفا
فلير وهي بتحضنه : ده انت الي وحشتني كتيير يا صغنن انت
يوسف بتذمر : فلير انا مش صغير علشان تقوليلي صغنن دي
فلير وهي بتلعب في خدوده : لا هتفضل الصغنن بتاعي مليش فيه
ماري : ايه يا فلير مش هتسلمي عليا ولا ايه
فلير : ازاي يعني ازيك يا ماري وحشاني
ماري : انت موحشتنيش الصراحه
فلير سكتت نسمه تنحت
يوسف : فلير ممكن اروح اشوف الاسطبل الي هناك
فلير : اه يا حبيبي روح بس خلي بالك من نفسك
ماري : اومال فين جوزك يا فلير
فلير : في الشغل بتسألي ليه
ماري : اكيد بيزرع الارض فلاح بقي .. يا حرام يا فلير مش مصدقه والله ان ده يبقي نصيبك
نسمه : فلاح
ماري : وانت مين بقي
نسمه : انا اخت الفلاح ..ااه قصدي اخت جوزها يعني
ماري : امم شكلك مش باين يعني انك عايشه هنا
نسمه سكت وبصت لفلير : انت متأكده ان البت دي اختك
فلير بضيق : للاسف اسكتي بقي
في الوقت ده فراس جه
فراس : بردو قاعدين في الجنينه
فلير بهمس ويه بتضرب ايدها على رأسها : الله يخربيتك يشيخ كان لازم تيجي دلوقتي
ماري باعجاب وهي بتسلم على فراس : هاي انا ماري
فراس : اهلا وبص لفلير ونسمه بمعني مين
ماري : فلير حبيبتي هو مين ده
فلير وهي بتلوي بوزها : الفلااح يختي
ماري : what !! Are you kidding ??
فراس راح قعد بين نسمه وفلير وقال باستغراب : فلاح فلاح ايه ..هي مين دي
نسمه وهي بتقوم من جنبه : اخت مراتك
ماري مصدومه وبتبص لفراس بنظرات اعجاب واضحه : فلير he is your husband ???
فلير بغيظ من نظرتها وهي بتحضن كتف فراس : اه يختي my husband الفلاح ليكي شوق في حاجه
ماري بقرف من طرييقتها : ooh no مش هتغيري الطريقه الlocal بتاعتك دي انت بنت سالم الاسيوطي و كنتي عايشه في انجلترا يعني حسني الفاظك
فلير بضيق : اللهم ما طولك يرووح
ماري بدلع : انت عارف يا ..هو انت اسمك ايه صحيح
فراس لسه هيرد فلير قطعته
فلير : اسمه فراس يا حبيبتي
ماري : هو معندوش لسان يرد يعني
فلير بلغه صعيديه : لااه معندناش رجاله تتحدت مع حريم واصل
فراس ماسك ضحكته بالعافيه
ماري : بقيتي تتكلمي صعيدي كمان ooh my god بجد مش كفايه اسلوبك الlocal كملت وهي بتبص لفراس ...انت مش باين عليك انك صعيدي خالص شغال ايه
فراس باقتضاب : بيزنس مان
ماري بصدمه : really ?
فلير كانت قاعده هتشيط ومضايقه جداا فراس حس بكده حب يغظيها اكتر
فراس :ااه ... بس تعرفي فعلا مش باين عليكي خالص انك مصريه
ماري بثقه : اكيد طبعا جمالي مستحيل يكون مصري
فراس : اكيد طبعا
فلير بغيظ: اجبلكم شجره واتنين لمون
فراس باستفزاز : يااريت
فلير قرصته في كتفه وقامت وقفت فجأه فراس قام جنبها وهمس في ودنها : بتغيري يا فراوله
فلير بصتله بغيظ : ولسه هترد قطعها
ماري الي كانت قاعده مش مصدقه ان هو ده الي هي رفضته من غير اما تشوفه وسابته
لاختها بكل بساطه قالت في نفسها : مبقاش ماري الاسيوطي ام خليته يتجوزني انا ويطلقك يا فلير
ماري بخبث : ايه رأيك يا فلير اما اقول لبابا يخليني اقعد معاكي لحد اما اسافر i think we will enjoy كملت بخبث ولا انت يا فراس مش عايزني اقعد عندكم
فلير اتصدمت ومعرفتش ترد تقول ايه بتبص على فراس لقيته مبتسم لماري وبيقولها ....