رواية تبنيتها ولكن احببتها الفصل الثالث و الرابع بقلم منة الله وائل

نظرت له فريده برعب وكانت ترجع للوراء قائله بتوتر :

انا انا......انا ماعملتش حاجه

كامل وهو يقترب عليها:

اه يعني عفريتك هو اللي بهدلني تراب وهزقني مش كدا يا شاطره

فريده ترجع إلى الوراء برعب واثناء روجعها امسك شئ برجلها وكانت على حافة المسرح

فريده تصرخ بأعلى صوت

عاااااااااااااا

وأثناء ما كانت فريده ستقع وجدت يد تمسك بها وتجذبها لها وكانت مستقره بين احضانه.

كامل باستغراب لحالتها :

يا.... يابنتي انتي كويسه؟، طب انتي نمتي والا اي؟

فريده وهي في محاوله لالتقلط أنفاسها وجدت نفسها بين أحضان كامل

اتسعت عينيها بصدمه ثم ابتعدت عنه سريعا وكانت تعدل من هيئتها

وقالت بتوتر وهي ترجع إلى الوراء :

انا...... انا اسفه انا.....

قاطعها كامل وهو يقوم بتحذيرها:

لا خلاص  مفيش حاجه بس تعالي كده هتقعي تاني

انتبهت فريده لما يقوله ثم قالت :

اه طيب شكرا انك لحقتني

ثم انحنت مثل الاميرات وقالت :

بعتذر مسيو لازم امشي

وكانت ستهم بالرحيل ولكن امسك كامل يدها قائلا بابتسامه :

طب استني بس انتي رايحه فين؟

هو انتي بتشتغلي هنا والا طالبه والاي اي حكايتك انتي اصلك اكيد مش طالبه انتي مش لابسه لبس الطلابه اكيد بتشتغلي هنا، طب انتي اسمك اي؟

نظرت له فريده بغضب وكانت ستهم بالرد ولكن سمعت صوت خطوات احد ما سيأتي فاكتفت بالنظر له باشمئزاز ثم تركته ورحلت سريعا

نظر كامل لها وهي ترحل باستغراب ثم قال :

مالها دي، هي بتتكلم كدا ليه دي؟

موزوزيل ميرت :

مسيو كامل، اي رايك في المسرح؟

نظر كامل لانحاء المسرح ثم قال بابتسامه :

كويس جدا بس انا جيت هنا لاقيت بنت شغاله هنا وكانت هتقع من المكان دا ياريت المسرح يتقفل من الناحيه دي كدا البنات هتتعور

نظرت له موزموزيل ميرت باستغراب ثم قالت :

داكور نقفله مفيش مشكله، بس مين البنت دي؟

كامل بعدم معرفه :

معرفش انا لاقتها قاعده هنا

ميرت :

تلاقيها ايفون، المهم السيده ماري بتقول لحضرتك يلا عشان الفطار جاهز

كامل باعتذار :

مالوش لزوم فطار لي انا فطرت خلاص

موزموزيل ميرت باعتراض :

ازاي مسيو كامل انت النهارده ضيفنا من بداية اليوم فلازم تاكول معانا، عشان يكون عيش وملح زي مابتقولوا هنا في مصر

ابتسم لها كامل ثم قال :

معاكي حق خلاص يلا بينا

               بقلمي منه وائل

*************************

             في غرفة الفتيات

كانت الفتيات منشغلات في تجهيز فستانها لحفل الليله والتي تكون   منشغله في تسريحات شعرها والحذاء التي سترتدي، كل ذلك وفريده شارده في وادٍ اخر

انتبهت لها ڨيڨيان ثم ذهبت لها وقالت وهي تصفف شعرها :

فريده، انتي كل دا كنتي في المسرح؟

نظرت لها فريده ثم قالت بحزن واضح عليها :

هو انا شكلي عاملة نظافه؟

ضحكت ڨيڨيان على شكل فريده وهي تتسأل،ثم جلست بجانبها وقالت :

لي بتقولي كدا يا فريده؟

فريده وهي تقوم بفك ضفائرها قائله بحزن :

يعني لبسي باين عليه كدا؟

ڨيڨيان باستغراب وعدم فهم:

في أي فريده انا َمش فاهمه حاجه

فريده وهي تخفض صوتها :

الراجل اللي قولتلك عليه شوفته في المسرح وكنت هقع وهو لحقني بس   سألني وانا ماشيه اسمي اي ومااخدش باله اني طالبه وبيقولي انتي شكلك شغال هنا

ضحكت ڨيڨيان بشده على صديقتها وتفكيرها الغريب

فريده بغضب :

انتي بتضحكي على أي انا غلطانه اني قولتلك حاجه اوعي كدا

ڨيڨيان وهي تنتهي من الضحك وتقول لها باسف :

مش قصدي والله بس انتي تفكيرك غريب شويه، يعني هو عشان قال كدا يبقا انتي شكلك كدا، ماهو اكيد مش شايفك لابسه   الزي فمش هيجي في باله غير انك عامله هنا، بعدين سيبك من التفكير دا بقا ويلا قومي بسرعه عشان موزموزيل ريتا سألت عليكي عشان تدربي على اغنية النهارده وتشوفك حفظتي الاغنيه والا لا

فريده وهي نلف بظهرها لصديقتها وتقول :

طيب سرحلي شعري عشان اروح

ڨيڨيان :

تعالي يلا

              بقلمي منه وائل  

*************************

               في منزل مرام

كانت تجلس على الاريكه وتشرب مشروب ويبدو عليه خمر

وكانت تجلس أمامها سيده عجوز كبيره في السن

مرام بغضب :

بقا انا مايكلمنيش من امبارح، كل دا عشان اي؟

عشان قولتله يسيبوا من المدرسه دي

السيده وهي تواسيها:

معلش يا ست هانم ماانتي عارفه كامل بي طول عمره وهو مهتم بالمدرسه دي، يعني دي من ريحة المرحوم والده

مرام وهي تلقى بالكأس على الأرض وقالت بغضب :

ماهو انتي السبب ياغبيه بغبائك دا لو مكنتيش اتكلمتي بطريقتك الڨالجر دي كان زماني متجوزاه وكان زماني حرم رجل  الأعمال الكبير كامل عز الدين صقر بس طبعا الطبع غلاب اتكلمتي بطريقتك البيئه دي

نظرت لها السيده بحزن وقالت:

وانا مالي يا هانم، انتي طلبتي اني اعمل دور امك وانا عملت كل اللي قولتي عليه انا ذنبي اي بس

وقفت مرام ثم امسكتها من ملابسها وقالت :

اخرجي برا يا ام صبحي دلوقتي بدل ما اخلص عليكي اخرجي

ثم اغلقت الباب ووقفت أمام المرأه ثم صرخت بعلو صوتها وقالت بدموع :

لي بس يا ماما لييييي

وانهارت في البكاء على فراشها

اي يا حلوه مش كنتي عايشه اللحظه دلوقتي بتعيطي من أعمالكم 😏

             بقلمي منه وائل

*************************

              في منزل كامل

كانت تجلس أمام التلفاز وتاكول بعض الفشار فوجدت زوجة عمها تجلس بجانبها وتقول :

اي يا حبيبتي بتعملي اي كدا؟

بسمه وهي تبتسم لها قائله :

مفيش يا طنط كنت بتفرج على فيلم، خير يا طنط مالك حساكي مضايقه من حاجه

نظرت لها ميرفت ثم قالت وعلى وجهها علامات القلق :

انا مش عارفه كامل ماله يا بسمه بقاله كام يوم مش مظبوط من ساعة   اليوم اللي قبلنا فيه اللي اسمها مرام دي ومامتها البيئه دي وهو مش مظبوط

بسمه بعتاب :

ما انتي يا طنط اللي عملتي كدا كان فيها أي يعنى لو كنتي وافقتي على جوازهم

نظرت لها ميرفت بعصبيه ثم قالت :

انتي بتقولي اي يا بسمه أوافق دا اي بس انا ابني كامل عز الدين صقر يتجوز بنت واحده شرشوحه زي دي، ابقا اتجننت لو دخلتها بيتي، والبت اصلا شكلها مش طبيعي، شكلها مدمنه أصلا 

بسمه بضحك :

هههههههههه حرام عليكي يا طنط والله، يا طنط يعني دي لبسها شيك واكيد يعني بنت ناس محترمين

نظرت لها ميرفت ثم قالت بسخريه:

هههه بنت ناس محترمين، انتي الظاهر عليكي معندكيش نظره في  مخ الناس، بقولك اي لما يجي ابن عمك ابقى عقلي لان بالشكل دا انا اللي هتكلم معاه و اللي يحصل يحصل بقا

ثم تركتها ورحلت

نظرت بسمه لمكانها الفارغ ثم تنهدت وقالت بحزن :

انا مش معنديش نظره في الناس يا مرات عمي بس ساعات بنضحي عشان نشوف اللي بنحبهم فرحانين

              بقلمي منه وائل 

*************************

           في منزل في الصعيد 

كان يجلس كبير العائله على المائده والجميع يتناول الطعام

نظر الكبير الي التي تجلس بجانبه وقال بصوته الضخم :

فين بتك يا نعيمه؟

نظرت له نعيمه برعب ثم تركت مابيدها وقالت بتوتر :

ه..... فوج يا كبير هتنام هبابه، عاوز منيها حاچه يا كبير؟

الكبير :

هاتي بنك تاچي تاكول ويانا، ماهتفضلش أجده فوج لحالها همي يلا

نعيمه بخوف وقلق :

ح..... حاضر يا كبير

................                   

في غرفه مليئه من الفوضى والظلام الذي يدخلها يقول انها غرفه مهجوره لم يكن بها احد من قبل

كانت نائمه علي الفراش   وتنظر الي سقف الغرفه ولم تنتبه لوالدتها التي كانت تقول :

يابتي، ردي عليا بجا اني هفضل اكلم روحي اجده

نظرت لها ثم قالت :

إيه يااما عاروزه ايه ابوي رايدني يضروب فيا تاني والا ايه، ماتجتلوني َتريحوني اني تعبت بجا

نظرت لها نعيمه بشفقه ثم جلست بجانبها على الفراش وقالت :

اهدي يابتي ابوكي ماهيضروبكيش تاني اني چايه اجولك ابوكي رايدك تاچي تاكلي ويانا

ابتسمت لها بسخريه وقالت :

ههه اچي اكول معاكم،   سبيني يااما لحالي اني ماريداش حاچه اني عاوزه اموت، عاوزه روحي تطلع

نعميه بحزن :

انتي يابتي اللي عملتي اجده في حالك، كيف تهروبي مع ولد عبد الجوي وتتچوزوا من ورانا كيف، چبتلنا العار يابتي ولولا ان ابوكي روحوا فيكي كان خلص عليكي

نظرت لها ثم قالت والدموع في عينيها :

لما ترفضوا اكتر انسان حبيته بحياتي عشان ابوي ماريدش نسب عبد الجوي يبجا افتري، لما كنتوا هتجتلوا ضنايا بيدكم    دي وسهل عادي اجده يبجا ظلم وتطلجوني من چوزي غصب وكل ديه عشان مصلحتكم وبس اني ما عملتش حاچه حرام، اني اتچوزت على سنه الله ورسوله وخلفت منيه ضنايا، ضنايا اللي راح مني

نعيمه ببكاء :

جوليلي يا بتي جوليلي ودتي ضناكي فين؟ واني هتصرف

هبت واقفه وقالت بغضب :لاه اني ماهجولش ودت ضنايا فين بكفاياكم   بجا عملتوا اللي في راسكم ودمرتولي حياتي سيبوا بتي تعيش حياتها بجا

نظرت لها معينه ثم قالت :

ماشي يابتي ماتجوليش فين بس اني هثبتلك ان ابوكي ماهيجتلش بتك واصل يلا تعالي همي يلا ابوكي مستنيكي

                بقلمي منه وائل

*************************

                في المدرسه

موزموزيل ريتا وهي تصفق لفريده وتقول بابتسامه :

براڨو فريده براڨو هايل جدا انتي صوتك دا حنجره ذهبي هههههههه

ضحكت فريده ثم قالت :

مرسي موزموزيل ريتا، حضرتك عاوزه مني حاجه تاني عشان اروح اجهز

ريتا وهي تأذن لها بالرحيل :

يلا فريده انتي لسه واقفه قدامي يلا مفيش وقت

فريده بابتسامه صافيه ظهرت جمالها :

اوكي باي

....................                   

                  في المسرح

كان يجلس أمام السيده ماري يتفقان على التجديدات الجديده وقطع حديثهم اتصال تليفوني لكامل

كامل باعتذار :

بعتذر منك ميس ماري هرد على التليفون

الو ايوا يا مرام لا مش في الشركه لا مش هروح النهارده، لي كنتي عاوزه   حاجه؟، خلاص لما اخلص هبقا اعدي عليكي سلام

موزموزيل ميرت وهي تبلغ خبر بدء الحفله بعد ساعه للسيده ماري :

ميس ماري الحفله هنبداء خلال ساعه وفريده جهزت وادربت بس البنات   لسه بيلبسوا وموزموزيل نانسي مش هتقدر تحضر الحفله عشان عنيها

السيده ماري :

تمم ميرت ياريت تخلي فريده تخلص بأسرع وقت عشان كنت عاوزها قبل الحفل

ميرت وهي تهم بالرحيل :

داكور كيس ماري هنديها حالا

كامل بتساؤل :

مين فريده دي اللي بتتكلموا عنها مدرسه هنا؟

السيده ماري بنفي :

لا مسيو كامل دي طالبه هنا وهي اللي تغني في الحفله بنت صوتها جميل جدا وهي اصلا طيبه خالص ودمها خفيف تتحب بسرعه، هتشوفها النهارده في الحفله

كامل بابتسامه :

ان شاء الله

               بقلمي منه وائل

*************************

             في غرفة الفتيات

َكانوا يضحكون بصوت عالي ويمرحون

فريده :

تخيلوا بقا لو موزموزيل نانسي كانت حضرت باللي في عنيها دا كان زمانها اخدت في عنيها بكميات انا اول واحده هموت واديها على عنيها

ههههههههههههههه

وفجاءه صمتت فريده وقالت :

هو الحفله دي في أولياء أمور هيجوا

نظت الفتيات بعضهن لبعض ثم اقتربت منها إحدى الفتيات التي لا تحب فريده وتدعي مرونيا :

بيتهيألي اه يعني مامي قالتلي انها محصرتلي مفاجأه وكدا يعني، بس ماقولتلناش يا فريده انتي مامتك فين

نظرت لها فريده ثم نطت للفتيات وقالت بتحدي :

ماما مسافره برا يعني عندها شغل فأكيد مش هتقدر تيجي

ضحكت تلك الفتاه ذات الشعر الاحمر الغجري وعيونها الخضراء وقالت بسخريه :

ههههههههه مسافره برا، اومال لي موزموزيل نانسي بتقول ان مالكيش اهل وانهم لاقوكي على باب المدرسه برا

نظرت لها فريده بغضب ثم قالت بعصبيه :

انتي اي اللي بتقولي دا قولتلك ماما مسافره ولو سمعتك بتقولي كدا تاني هزعلك

مرونيا باستفزاز :

ماتحاوليش تداري حاجه لان كلنا هنا عارفين انتي جايه ازاي واصلك اي تمم، مش يمكن مالكيش اهل اصلا لاقيتا

اثار ذلك الكلام غضب فريده افامسكت شعرها وانهالت عليها بالضرب وكانت الفتاه أيضا تضرب فريده الي ان سمعت صوتهم السيده ميرت ودخلت وقالت بصوت عالي :

اي دا اي اللي بيحصل دا انتوا بناااات

توقفت الفتيات عن ما كانوا يفعلون ثم نظروا الي موزموزيل ميرت وعيونهم في الأسفل

ميرت بغضب :

انا مش هعاقب حد دلوقتي لان الحفله هتبتدي بعض الحفله كله هياخد جزائه، ثم نظرت لفريده وقالت :

يلا فريده عشان ميس ماري عاوزاكي وحسابنا بعد الحفله يلا

نظرا الفتاتان لبعضهما وكل منهما تسب الأخرى وتتواعد لها

              بقلمي منه وائل

*************************

           في دوار عبد القوي

كان يجلس أحدهم في المندره ويتنفس بعض من الدخان

عبد القوي بعتاب :

وبعدهالك ياولدي هتفضل أجده ماهتتحدتش مع حد واصل وجاعد اجده كيف الولايا

نظر له محمد بحزن ثم قال :

واعمل ايه يا بوي اذا كنت اني خسرت كل حاچه مراتي وولدي

عبد القوي :

لو مكنتش عاوز تخسرهم صوح كنت اخدت مراتك وولدك واندلتوا من البلد ديه لكن اخدتها وروحتوا دوار ابوها وكنتوا مفكرين ان ابوها هياخدهم تحت چناحوا لاه ياولدي اني اعرفوا من زمان جوي ماهيرحمش، حتى بتو اللي كان روحوا فيها مارحمهاش، كيف ياولدي تترك ولدك أجده

نظر له وقال بخيبة امل :

كنت عامل ايه يا ابوي اني مكنتش اعرف انها حبله الا لما چات وجالتلي وعرفت منيها انها اندلت على مصر ومعرفش ودت ولدي فين، سألتها جالتلي انه في امان ومن ساعتها يا ابوي 18 سنه واني معرفش حاچه عن ولدي ولا عن مراتي

عبد القوي وهو في محاوله للتهوين عليه :

اهدي ياولدي اكيد هيچي يوم وهتعرف ترچعهم جول يارب

محمد وهو ينظر إلى السماء ويدعو الله قائلا :

يارب انت عالم  بحالي يارب

             بقلمي منه وائل

*************************

                في المدرسه

بدءت الحفله وبدءت العروض المسرحيه وكان ينظر كامل على العروض بسعاده

نظرت فريده من وراء الستاره وجدته يجلس وسط الحاضرين تغيرت ملامحها ثم ذهبت إلى صديقتها وقالت بتوتر :

الحقني يا فيفي دا قاعد برا مش عارفه هخرج ازاي

كرستين بتساؤل :. هو مين دا؟

ميشيل وهي تصر الي التساؤل هي الأخرى :

ايوا يا فريده مين دا؟

فريده بقلق :

بس بقا بس اسكتوا

ڨيڨيان :

اهدي فريده مالك في أي واحنا مالنا بي واحنا نعرفوا اصلا

فريده بنفي :

لا منعرفوش بس هو من ساعة اللي حصل وهو كل مايشوفني يقولي عقابك لسه مابدءش، عقاب اي هو فاكرني بنته

ڨيڨيان وهي تطمئنها :

اهدي فريده اهدي حبيبتي مش مستاهل كل دا اقولك اقري اي ايه قرأنيه من عندكم اكيد هتهدي

نظرت لها فريده ثم قالت :

حاضر

وعندما كانوا يتحدثون سمعوا صوت مقدمة العروض تنادي على اسم فريده وتقدمها للحاضرين

فريده بتوتر :

يا خرابي بتنادي عليا

أصدقائها في صوت واحد وهما يحثوها على الخروج :

يلا فريده يلا بقا يلا

السيده ماري :

فريده طالعه دلوقتي صوتها جميل اوي هيعجبك

كامل :

اكيد هيعجبني

صفق الحاضرين فور انتهاء مقدمة العروض من تقديم فريده

فريده وقفت على المسرح ويبدو عليها التوتر والقلق وقع عينيها على ذلك الذي ينطر لها باستغراب، ما هذا اهذه فريده التي يتحدثون عنها أنها طالبه وليست عامله بالمدرسه

فريده بتوتر وخجل :

انا هغني اغنيه قديمه وان شاء الله هتعجبكم

بدءت فريده في الغناء وكان ينظر لها كامل ويركز على ملامحها جيدا وبدء ينصت لها

"انا بعشقك انا، انا كلي لك انا، انا انا، انا انا اناااااا، يامن ملك روحي في هوا روحي في هوا، الامر لك طول الحياه، طول الحياه، الماضي لك وبكرا لك وبعده لك، دا الماضي لم وبكرا لك وبعده لك"

وذلت فريده تغني وتجعل الحاضرين سعداء بذلك الصوت العذب وكانت كل كلمات الاغنيه تجعل كامل يتأثر بها، كيف لتلك الصغيره انا تغني بكل ذلك الاحساس؟ هل تشعر بالحب مثل الكبار؟

كانت تلك الاسئله تدور في ذهن كامل طوال الحفله

وكانت فريده تغني وبداخلها خوف وتوتر وقلق كانت تلاحظ مراقبته لها، ماذا تفعل الان؟ كانت تود لو تنشق الأرض وتبلعها انها تشعر بالخجل ولأول مره في حياتها فهي لم تخجل من قبل ولم تشعر بالخوف من احد من قبل

انتهت الحفل وذهب الجميع وهما في حاله من السعاده

ولكن عند فريده العكس كانت تجلس في الحديقه الخلفيه على الارجوحه حزينه وتكلم نفسها قائله :

يعني اي يعني، طب هو مين دا اصلا واي اللي جابه هنا، النهارده كان اليوم زي الزفت

وظلت تنظر للسماء وتقول بدموع حزينه وباهته:

انت عارف كويس اني ماليش غيرك، يعني جيت الدنيا لا ليا اهل ولا عيله معرفش انا جيت ازاي، طب هو انا جيت من عيله برضو زيهم؟ طب هو انا ليا ماما وبابا زيهم، طب سبوني لي؟ يعني حته انا كنت صغيره ملحقتش حته ازعلهم، يمكن انا ماليش اهل اصلا ومحدش يعرف حاجه عني

ثم بدءت في الغناء بحزن

كامل وهو يودع السيده ماري :

انا بشكرك جدا على الحفله الجميله جدا وبلاغي البنات والمورموزيلات إعجابي بالعروض اللي اتعملت

السيده ماري بامتنان :

انا اللي بشكرك جدا مسيو كامل على حضورك لحفلنا واتمنى يكون عجبك المسرح والتجديدات اللي حصلت

كامل بابتسامه :

اكيد عجبني جدا

 ثم صمت قليلا وبعد ذلك قال لها بتساؤل :

هي البنت اللي غنت النهارده اسمها اي؟ 

السيده ماري بابتسامه :

فريده اسمها فريده مسيو كامل

سرح كامل بضع ثوانٍ ثم قال لها :

تمم تصبحوا على خير

وأثناء ذهاب كامل للسياره للرحيل سمع صوت يخرج من الحديقه الخلفيه فنظر الي السائق وقال له :

لا استنى

ثم ذهب إلى ذلك الصوت وجدها هي نعم فريده كانت تجلس على الارجوحه وتغني اغنيتها المعتاده التي تحبها

"غاب عني بقاله يومين، معرفش واحشني ليييييه احترت اشوفه فين، وأن شوفته اقوله ايييييييه، اقوله احيييييه، قالي كام كلمه يشبهوا النسمه في ليالي الصيييييف، سبني وفي قلبي سوق بيلعب بي، وفي خيالي  طييييف"

كامل بصوت لم يسمعه احد غيرها :

تاو تعرفي اني متوقعتش ان الصوت الجميل دا يخرج منك انتي

انتبهت فريده الي ذلك صوته وجدته هو تغيرت ملامح وجهها ثم نظرت له وقالت بغضب :

لي يعني وانا مالي فيا اي

كامل باستفزاز :

لساني طويل وعاوز قطعه

فريده بصدمه :

انا؟!، وبعدين انت مين اصلا عشان تقف تتكلم معايا في وقت زي دا ها؟

ابتسم كامل ثم قال :

والله لما واحد زي يلاقي بنوته زيك لابسه لبس النوم وواقفه في الجنينه اكيد هاجي واقف هنا لأن اي شاب مكاني ممكن يعمل كدا 

ثم غمز لها بوقاحه

اتسعت عين فريده بصدمه ثم احمرت وجنتيها بخجل

هبطت من على الارجوحه وقالت له :

وانت حاسب نفسك من الشباب لي اصلا انت يتقالك عمو او جدو يا عجوز 

ثم أخرجت لسانها له ودخلت سريعا الي الداخل

صدم كامل من كلماتها تلك فقد شبهته بالعجوز

كامل وهو يتوعد لها بداخله :

عمو او جدو ماشي يا فريده شكلك حكايتك بدءت معايا

ثم رحل الي منزله وصعد الي غرفته وكان في محاوله للنوم ولكنه لم يعرف لما لم يستطيع النوم بقى طوال الليل هكذا حتى ذهب إلى النوم ولكن الأحلام كانت لها رأي آخر

"كان يقف في حديقه واسعه ومليئه بالاشجار كان يبحث عن شئ ما ولكن لا يعلم ماهو، وفجاءه وجدها نعم انها هي بفستانها ذو اللون الأزرق والتي كانت تشبه الاميرات به، ولكن شكلها كان مختلف ليست مثل الأطفال كما اعتدى عليها، انها أنثى ناضجه تقف امامه وتقول :

كامل، كامل تعالي هنا انت واقف لي هناك لوحدك

ابتسم لها كامل وكان سيذهب لها ولكنه وجد إحدى ما يأخذ فريده ويذهب تغيرت ملامحه وأصبح ينادي عليا كثيرا فريده فريده"

ترن ترن ترن

امسك كامل الهاتف وهو شبه نائم ثم قال بصوت حزين :

فريده وحشتني اوي

مرام بصدمه وغضب شديد :

اي فريده!، مين فريده دي يا كامل؟

اتسعت عين كامل بدهشه ونظر الي الهاتف وجده اسم مرام

كامل :

يانهار اسود

الفصل الرابع

امسك كامل الهاتف وهو شبه نائم ثم قال بصوت حزين:

فريده وحشتني اوي

مرام بصدمه وغضب  شديد :

اي فريده!، مين فريده دي يا كامل؟

اتسعت عين كامل بدهشه ونظر الي الهاتف وجده اسم مرام

كامل:

يانهار اسود

مرام بعصبيه وصوت عالي :

دي بقا الست هانم الجديده صح، ايوا منا ماصدقتش لما قالولي انك بتاع ستات ماشي يا كامل ماشي

ثم اغلقت الهاتف في وجهو

كل ذلك وكامل على حاله في حاله من الصدمه، متى وكيف ولما حدث كل ذلك؟ لا يعلم

دب دب

انتبه كامل لطرق الباب فااجاب قائلا :

مين؟

بسمه :

ممكن ادخل يا كامل؟

كامل وهو يأذن لها بالدخول :

ادخلي يا بسمه تعالي

فتحت بسمه الباب وجدته يجلس على الفراش ونصفه عاري من فوق

اتسعت عين بسمه من الصدمه ثم أدارت وجهها الناحيه الأخرى وقالت بخجل :

اي يا كامل دا بس مش  تقولي انك قالع يااخي 

انتبه كامل لما قالته فقام سريعا وذهب الي الدولاب وأخرج منه تيشيرت وقام بلبسه ثم قال لعا معتذرا :

معلش يا بسمه مااخدتش بالي انا اسف

بسمه :

لا مفيش حاجه المهم كنت عاوزه اتكلم معاك

كامل وهو يقوم بتحضير ملابسه :

خير يا بسمه اتكلمي

بسمه بتوتر :

كنت.... كنت عاوزه اقولك يعني ان ميمي زعلانه منك اوي

نظر لها كامل باستغراب ثم ذهب إليها وجلس بجانبها قائلا :

زعلانه مني انا؟ لي أن شاء الله، مش انا جيت امبارح وسلمت عليكم وطلعت نمت عادي في اي بقا؟

بسمه وهي في محاوله لتوضيح الأمور :

بص يا كامل انت من ساعة ما ميمي رفضت البنت اللي انت كنت عاوز تتجوزها دي 

وانت مش مظبوط وبترجع متأخر، انت بتحبها اوي كدا يا كامل

نظر لها كامل ثم ظل يفكر ولا يعلم ماذا يقول لها ثم هب واقفا واخذ ملابسه من الدولاب 

وذهب الي الحمام ولكن قبل انا يغلق الباب قال لها، اه يا بسمه بحبها وبحبها اوي كمان

ثم أغلق الباب وذهب للاستحمام

نظره بسمه الي مكانه الفارغ ثم تركت الغرفه وذهبت الي غرفتها ولكن ليست بحاله

 جيده فقد احست ان كل شئ حولها يختنق، احست ان العالم باكمله ضيق، لما هذا الشعور؟

"نعشق أشخاص لم نكن في بالهم ولا مره ويعشقنا أشخاص لم يكونوا في بالنا ولو مره" بقلمي منه وائل

انهارت بسمه في البكاء تبا لذلك الشعور المتعب احبه ولم يدري يوما، اتمنى الموت بالفعل فهذا الحل الامثل لي.

              بقلمي منه وائل

*************************

    في المدرسه في غرفة الفتيات

كانت جميع الفتيات ذهبت إلى عطلتهم في نهاية الأسبوع لرؤية عائلتهم ولم يتبقي سوي فريده وفيفيان

كانت تجلس فريده في الحديقه تشعر بالملل

وجدت فيفيان تضع يدها على كتيفيها وتقول:

قاعده لوحدك لي يا عصفوره؟

نظرت لها فريده وعلى وجهها علامات الحزن :

مفيش بس زهقانه، كله راح بيت عيلته الا انا وانتي، هو برضو محدش جه؟

نظرت لها فيفيان بضع ثوانٍ ثم جلست بجانبها قائله بحزن متخفي :

لا جم بس المره دي انا اللي رفضت اني اروح معاهم وكمان مش عاوزه اروح عند جدتي 

في المزرعه انا مبقتش عاوزه حاجه خلاص انا حياتي بقت كلها هنا، مش محتاجه حد جنبي

نظرت لها فريده بشفقه ثم وضعت يدها عليها وكانت تواسيها قائله بحنو :

ايوا يا فيفيان بس برضو دول اهلك مينفعش انك تتخلى عنهم بالسهوله دي، انتي... انتي لو مكاني كنتي هتحسي بكلامي دا

فيفيان بضحك هستري

 :

ههههههههههه اهلي ههههههه  ، طب تعرفي ان اهلي دول اول ماانا رفضت اني اروح معاهم  ماصدقوا ومشيوا، ياريت يا فريده اكون مكانك على الاقل كنت هصدق فعلا ان ماليش اهل خلاص

نظرت لها فريده بحزن شديد وكانت الدموع ستهبط من عيونها ولكن تمالكت نفسها وقالت بغضب :

عاوزه تكوني زي؟ عاوزه تكوني زي مش يبقا ليكي اهل، عاوزه تبقى زي وتفضلي تشوفي الشفقه في عيون كل الناس اللي حوليكي، والا تشوفي الكره    والغل والناس اللي فرحانه فيكي، طب اقولك كمان عاوزه تبقى زي ماتعرفيش اهلك لي رموكي او يمكن ماليش اهل اصلا هههه لاقيتا

هبطت دموع ڨيڨيان ثم قامت لكي تأخذها بين احضانها 

ولكن اوقفتها فريده وهي تقول بابتسامه تخفي حزنها :

اي يا فيفي انتي فكراني زعلانه لا طبعا انا كويسه جدا جدا ويلا بينا بقا

نظرت لها فيفيان باستغراب ثم قالت لها :

يلا بينا فين؟

فريده وهي تجهز ملابسها وعاقده على الذهاب :

هنخرج اي ملناش نفس في اجازه احنا كمان والا اي؟

نظرت لها فيفيان ثم هبطت رأسها بحزن قائله :

اجازه اي بس يا فريده احنا ملناش حد هنروح فين بس

تركت فريده ما بيدها ثم اقتربت منها وهي ترفع راسها قائله بطمئنينه :

مش لازم يكون لينا حد يا فيفي احنا سوا ومع بعض في كل حاجه اي رايك، اتفقنا ؟

ثم مدت يدها لها

نظرت فيفيان الي يد فريده بضع ثوانٍ ثم وضعت يدها على يد فريده وابتسمت وقالت :

اتفقنا

ضحكت الفتاتان واحتضنا بعضهما وشرعت كل منها على ارتداء ملابسها

               بقلمي منه وائل

*************************

            في مكتب عاصم

كان يجلس على المقعد وممسك بيده صورتها، ومن هي ؟ لا يوجد غيرها معشوقته، 

معشوقته التي لطلما حلم ان يبوح لها عن ما بداخله ولكنه يعلم

 انها لا تعشقه مثلما يعشقها

لما هذا الشعور با معشوقتي انني احبكي كثيرا ولا أريد احد ان يلامسك، لما الحب متعب هكذا لما أشعر بالالم في قلبي منذ رؤيتها

عاصم بتنهبدة وجع :

ااااااه يا بسمه  نفسي تحسي بيا

دب دب

عاصم وهو يأذن للطارق بالدخول :

ادخل

كامل على وجهه علامات التهجم:

صباح الخير يا عاصم

عاصم وهو يقف من مكانه معلقا على وجهه :

ياساتر اي الصباح دا  اي وشك دا يا بني في اي انت متخانق مع مرام والا اي؟

كامل وهو يجلس :

انا ماروحتلهاش من امبارح اصلا من يوم ما رجعنا من السفر ماشوفتهاش، واللي زاد وغطا بقا ان وهي بتكلمني في التليفون بدل ما اقولها وحشتني يا مرام بقولها وحشتني يا فريده

اتسعت عين عاصم بصدمه ثم قال له :

يا نهار اسود يا كامل وبعدين مين فريده دي، دي الحته الجديده والا اي؟

ثم غمز له في نهاية الحديث

كامل بنفاذ صبر :

حته اي بس يابني انا مفيش حتت في حياتي الفتره دي والله وخاصه بعد اما اتعلقت بمرام

عاصم بتساؤل:

اومال مين فريده دي؟

نظر له كامل وكان وجهه مرهق قائلا :

فريده دي.... دي عيله صغيره في المدرسه اللي انا مسؤل عنها كانت بتغني امبارح في الحفله

جلس عاصم بجانبه ثم سئله قائلا :

وانت مالك بيها يعني مش فاهم مش بتقول عيله، وبعدين اي اللي يخليك تركز معاها كدا 

هي عيله عيله والا عيله من نوع خاص

كاما وهو يضحك :

ههههههههه يابني يخربيتك قولتلك بطلت الحاجات دي عيله والله في المدرسه في ثانوي

عاصم :

ااااااه في ثانوي، يبقا انسه بقا مش عيله يا كامل في فرق، واكيد البنت دي حلوه كمان لدرجه انك تكون لسه فاكره وفاكر اسمها كدا

كامل بغضب :

يابني قولتلك عيله انت اي، وحتى لو انسه برضو انا مالي بيها دي مجرد بنت في المدرسه

 اللي مسؤل عنها مش اكتر وبعدين انت بتفكر ازاي بقا انا هيكون 

في بيني وبين طفله حاجه زي كدا لا طبعا مستحيل، انا هروح المكتب ولما تخلص الملفات ابعتهالي

عاصم باستغراب:

ماله دا اتعصب كدا لي، والله شكل في قصه جديده قريب يا سي كامل

             بقلمي منه وائل

*************************

             في مكتب كامل

كامل وهو بحدث نفسه :

عبيط دا والا اي بقا انا هبص لحتة عيله، دا انا لو كنت اتجوزت كنت خلفتها

ثم صمت برهة ثم قال :

أخلفها اي بس اكيد مش هلحق. يووووو بقا وانا شاغل بالي لي

ترن ترن

يانهار اسود بدءنا بقا، الو اي يا حبيبتي

مرام بسخريه:

حبيبتك هههههه، ياترى بقا فريده حلوه للدرجه دي، لدرجة انك بتقول اسمها في كل وقت

كامل وهو في محاوله للدفاع عن نفسه :

يا حبيبتي افهمي بس فريده اي اللي حلوه، دا انا بس كنت بتفرج على مسلسل فا اتلغبطت 

وانا بتكلم يا حبيبتي مش اكتر

مرام بغضب :

انت كل مره بتضحك عليا بالكلمتين دول، اي انت مش هتتغير ابدا وكل فتره مع واحده شكل، وانا اي ها انا اي يا كامل لي بتعمل معايا كدا انا كنت عملتلك اي بس دا انا بحبك

كامل :

وانا كمان يا حبيبتي بحبك بس صدقيني انا اتلغبطت والله حقك عليا معلش انا اسف

مرام بدلع :

طيب مش هتكررها تاني

كامل بحب :

لا ياقلبي والله اخر مره

مرام :

طب هتجيلي النهارده

كامل :

ايوا يا حبيبتي هجيلك هخلص بس اللي ورايا واجيلك حالا

مرام وهي تتصنع الحزن :

بس انت مش هتيجي وتمشي على طول ها هتبات عندي تمم لان والله لو مشيت هزعل منك بس

كامل :

ماشي يا حبيبتي حاضر بلا بقا سلام يا روحي

مرام وهي تقبل الهاتف :

باي يا بيبي، ام صبحي، ياام صبحي انتي يا وليه

ام صبحي وهي تأتي سريعا :

ايوا يا هانم اؤمزيني

مرام وهي تلعب في شعيراتها :

حضرلي الحمام وخليهم يعملوا الاكل اللي كامل بيحبه وانزلي هاتي الفستان اللي قولتلك عليه امبارح كامل جاي

ام صبحي :

حاضر يا هانم عينيا الاتنين، بس هو البيه هيبات؟

مرام وهي تصفف شعرها :

اه بس اشمعنا؟

ام صبحي :

اصل يا هانم كنت عاوزه يعني اقوله على ابني ال.....

قطعت حديثها مرام قائله :

طيب طيب حاضر هقوله، بقولك هي ماما مااتصلتش؟

ام صبحي وهي تنظر إلى الاسفل :

لا يا هانم مااتصلتش

مرام بحزن :

بعتت الفلوس بس صح؟

ام صبحي :

لا يا هانم ولا بعتت الفلوس

مرام :

اي مابعتتش، طيب روحي انتي وانا هتصرف

أمسكت مرام هاتفها وبدءت بالدق على والدتها وجائها الصوت من الناحيه الأخرى قائله :

هاي مرام اذيك؟

مرام بغضب :

زفت زي الزفت، طب مااتصلتيش وسكت كمان الفلوس مفيش مبعتيش الفلوس لي؟

والدك مرام :

فلوس اي يا مرام هو مش باين اني كنت ببعتلك الفلوس اللي والدك سبهم ليكي قبل 

ما يموت، ااااه صح نسيت اقولك اصل فلوس والدك خلصت من ست 

شهور والفلوس اللي كنت ببعتهالك كانت من معايا بس

 خلاص يعني المفروض بقا تتصرفي او تشوفيلك شغل لان انا مش بقا عندي طاقه للمصاريف دي كلها

مرام بصدمه:

اي خلصت، طيب ياماما شكرا سلام

جلست على الاريكه بتوهان ولا تعلم ماذا تفعل، كيف ستعيش الان؟

مرام :

انا لازم اتجوز كامل في أسرع وقت

              بقلمي منه وائل

*************************

                 في الصعيد

الكبير وهو ينظر إلى ابنته التي لم يعد لها قوي لكي تتحدث :

إيه بابتي هتفضلي اجده عاچبك حالك أجده؟

نظرت له كريمه وعيونها مليئه بالحزن والكسره ثم قاله له بصوت مكسور :

معنديش حاچه تانيه أجدر

 اعملها او اجولها، مش انت مرتاح أجده يا كبير  مرتاح أجده يا كبير النچع

نظر لها الكبير بغضب عكس ما بداخله، فبداخله حزن على ابنته التي تبدلت احولها فهي 

كانت صبيه تعشق الضحك وأي مكان تجلس به تملئه بهجه، متى أصبحت هكذا؟

ومتى وصلت إلى تلك الحاله وكيف؟

توقف عن التفكير ثم قال لها :

انتي تحمدي ربنا انب ماجتلتكيش وانك عايشه لحد دلوك بتاكلي وتشربي

نظرت له كريمه ثم ضحكت وفاله بسخريه :

هههههههههههه، تعرف يا بوي اني بشفج عليك جوي، بتتصرف مع الخلج بطريجه عچيبه

 كل حاچه عنديك وكل وشرب، كأنهم بهايم عنديك، انت كيف طايج حالك أجده

هب واقفا من هول كلماتها الصادمه ثم قام بصفعها على وجهها فرجعت الي الوراء أثر الضربه

نظر لها بغضب وقال :

اني سكت عليكي كتير جوي لحد اما اتچلعتي واني مهسكتش بعد أجده انتي بتي اه وروحي

 فيكي، بس معاش ولا كان اللي يجلل مني، سامعه يابت نعيمه

كريمه ببكاء :

اجتلني وريحني بجا اني تعبت

الكبير وهو يرحل:

الحاچه الوحيده اللي مهقدرش اعملها وعشان أجده مستحملك يابتي

ثم تركها ورحل

كريمه وهي تدعو الله ببكاء:

يارب اجف چنبي يارب يارب اشوف بتي جبل مااموت

               بقلمي منه وائل

*************************

                 في المدرسه

كانت تقف فريده أمام موزموزيل ميرت وتتوسل لها قائله:

بلييز موزموزيل ميرت وافقي اما زهقت من القاعده وبعدين احنا في اجازه وكله مشي الا انا وفيفيان

موزموزيل ميرت بتساؤل :

ايوا دول في عطله عشان رايحين لاهلهم إنما فيفيان رفضت، رغم ان دا ممنوع اني اسيب    طالبه نقعد هنا في المدرسه ومفيش عطله غيرك انتي يا فريده بس انا عشان عارفه ظروف فيفيان فمش اصريت عليها انها تمشي، انتي بقا هتروحي فين؟

نظرت فريده لفيفيان ثم نطرت لموزموزيل ميرت ثم قالت :

هشم هوا انا من ساعة مااتولدت وانا مش بخرج من هنا، عاوزه اشوف الناس، عاوزه اعرف   شكل الدنيا برا اي، ممكن دا؟ والا مش من حقي

نظرت لها ميرت بحزن ولم تستطيع قول شئ ثم قالت بابتسامه حنونه :

لا طبعا من حقك حبيبتي من حقك، بس أنا بخاف عليكي ومش هسمح لأي حاجه تئذيكي عشان كدا رفضت

فريده برجاء :

ايوا بس انا زهقت بليز موزموزيل بليييز

موزموزيل ميرت بموافقة:

ماشي فريده خلاص بس توعدني انكوا مش تتأخروا وتخالي بالكم من نفسكم داكور؟

فريده وهي تقبلها بفرح وتختضنها :

داكور ماما داكور ميرسي

ضحكت ميرت على طريقة فريده ثم قالت لها :

يلا روحوا اتبسطوا

اخذت فريده يد فيفيان وقالت بمرح وهي ترحل :

وي مامي وي باي باي. 

ضحكت ميرت بشده ثم قالت :

لو اعرف لي مامتك رميتك فريده

                ..............                

كان يجلس في سيارته امام المدرسه، لا يعلم لما اتي الي هنا وكيف؟، انه يعلم أن اليوم عطله ولا يوجد أحد غير المدرسات وأثناء ما كان ينظر إلى المدرسه وجدها نعم انها هي فريده 

كانت تمشي بمرح وهي تغني بصوتها العذب وبجانبها فيفيان 

"كان عندنا طاحون على النبع الماي، قداموا ساحات مزروعه، چدي صار يطحن في الحي    قمح وسهريه، اااااه ياسهر الليالي، اااااه يا حلو على بالي، غني اها، غني ااااه غني على الطرقااااا" 

فيفيان بتساؤل :

انا عاوزه اعرف بس انتي مودياني على فين؟

فريده وهي تجذبها من يدها خارج الحديقه :

امشي بقا وانتي ساكته الله، اي واخده بنت اختي، تعالي هفسحك الله، في مكان تحفه اوي انا سمعت عنه البنات قالوا عليه

فيفيان بعد تفكير :

خلاص ماشي يلا

وقف كامل ينظر باستغراب أين ذاهبات تلك البنات انه يوم عطله لما يذهبون الي بيوتهم   ، قرر كامل ان يتبعهم و لم يفهم لما ينتابه هذا الشعور لما بريد معرفت أين سيذهبون

               بقلمي منه وائل

*************************

              في منزل كامل

ميرفت وهي تنظر إلى بسمه التب كانت تجلس ولا تنتبه لاحد

ميرفت وهي تضع يدها على بسمه قائله :

مالك يا بسمه فيكي اي يا حبيبتي؟

بسمه بانتباه :

ها لا يا ميمي مفيش حاجه انا كويسه بس كنت عاوزه أسألك سؤال، هو كامل عرف مرام دي منين؟

تغيرت ملامح ميرفت ثم قالت :

يادب النيله وبعدين بقا هو مبقاش فيه سيره غير الست زفته دي، معرفش انا عرفها منين دي، هو لسه بيكلمها يا بسمه؟

بسمه بكدب :

ها لا طبعا يا ميمي منا خلاث كلمته هو سمع الكلام

نظرت لها ميرفت بشك ثم قالت :

اممم مش عارفه ليه حاسه انك بتكدبي

بسمه بتوتر :

ها لاطبعا يا ميمي عيب عليكي انا قولتلك خلاص

ميرفت بتفهم :

تمم، المهم ياحبيبتي طنط اماني وابنها جايين النهارده معزومين على الغدي عندنا و....

قطعت حديثها بسمه قائله :

تمم وطبعا عوزاني اقعد معاهم، ريحي نفسك يا ميمي انا مش هتجوز بالطريقه دي تمم

ثم تركتها وذهبت

ميرفت بدهشه :

ياحول الله يارب، البت دي انا مبقتش فاهمها حقيقي مبقتش فهماها

              بقلمي منه وائل

*************************

             في حديقه عامه

كانت تجرب فريده مثل الأطفال وتقطف بعض الورود

فيفيان بسعاده:

المكان دا تحفه اوي يا فريده إنتي عرفتي المكان دا ازاي؟

نظرت لها فريده ثم اقتربت منها وقالت بمرح :

بليل لما كله كان بينام كنت بخرج اتمشى لحد اما عرفت المكان دا، بقا هو دا المكان اللي   بيساعدني انب اقدر اتمالك اعصابي طول اليوم، يعني لما بضايق باجي هنا، بس بقولك اي محدش يعرف.

 فيفيان :

ماتخافيش مش هقول لحد حاجه، المهم انتي جمعتي كل الورد دا لي؟

فريده وهي تنظر الي الورود :

هحطهم في فازه جنب سريري اصل انا بحب نوع الورد دا اوي

فيفيان بتساؤل :

اسمه اي النوع دا؟

فريده وهي تستنشق رائحته :

اسمها وردة الياسمين بحب ريحته اوي، المهم خليكي انتي هنا هدخل جوا اجيب شوية 

ورد تاني والا تحبي تيجي معايا؟

نظرت فيفيان الي المكان ولم ترتاح له فقالت :

لا انا هستناكي هنا بس ماتغيبيش

فريده وهي ترحل:

 ماشي ماشي

كانوا يتحدثون وكان أحدا ما يستمع حديثهم وهو كامل فعلم امها ذاهبه الي هنام فقرر ان يدخل ورائها

فريده بغناء :

وكيف الومهم وانا الواچب ألوم روحي، يا جلبي سد انكتم ويا عيني لا تبوحي، ماخلاص نفد السهم بعت الأصيل بالوهم  ماخلاص نفد السهم، بعت الأصيل بالوهم ومفيش دوا لعلتي انا چبت دا لروحي انا چبت دا لروحي

.. هو راخ فين بقيت الورد بقا

كامل وهو يمسك ورده بيديه :

بتدوري على الورد دا؟

التفتت فريده سريعا الي ذلك الصوت فوجدته هو، من يتبعها في كل مكان تتواجد فيه

، فزعت فريده فور رؤيته واوقعت جميع الورود غلي الأرض وكانت تقف على حافة صخره وهب ترجع إلى الوراء

كامل بعلو صوته :

حسبي يا فريده

فريده بصراخ :

عاااااااااااااا

                   الفصل الخامس من هنا

لقراة باقي الفصول من هنا