تزوجت مُعلمي ....
. (Part 3)
بقلم إهداء محمود (ملكة الأقلام)
عُديّ:عايز رقم صحبتك دينا
سهيلة:انت متخلف أكيد انت متخيل اني ممكن أديك رقم صحبتي
عُديّ:أولًا متغلطيش.. ..ثانيًا ممكن أهكر تليفونك واخد رقمها عادي جدًا
سهيلة:أعلى ما فى خيلك اركبه ويلا هبي بلوك بقا..وعملتله بلوك وبعدين نامت
تاني يوم
~~~~~
سهيلة:دينا فكريني أقولك حاجه مهمه بعد الحصة
دينا:تمام يلا علشان المستر هيبدأ شرح
بعد الحصة ما خلصت
دينا:ها يا بنتي كنتي عايزه تقولي اي
سهيلة: عارفه الواد الي اسمه عُديّ فى درس الفيزياء
دينا:سمعت عنه المهم
سهيلة:طلب مني رقمك إمبارح
دينا:نعم اي المتخلف ده
سهيلة: إهدي وأنا هفهمك كُل حاجه وحكت لها كل حاجه حصلت فى الشات
دينا: ده أنا ههكرله حياتة كُلها بس لما أشوفه الحصة الجاية
سهيلة:فكري ومتتهوريش يلا نروح....وروحوا الإتنين
______________________________________
فى سنتر لمادة الأحياء لكن للصف الثاني الثانوي
~~~~~~~~~~~~
~~~~~~~~~~~~~~~~~~
هنا:بت يا هايدي
هايدي:.......
هنا:انتي يا بتنجاله انتي
هايدي:نعم يا ست هنا عايزه اي
هنا:يلا نجنن المستر قبل الإمتحان بالله
هايدي: لا يا ست مليش دعوة اعملي الي عيزاه انتي
هنا:خلاص هعمل الي أنا عيزاه فى الإمتحان.... وبدأ الإمتحان وهنا خلصت فى نص الوقت وحبت تلعب مع المستر
هنا:يا مستر لو سمحت
المستر:خير يا هنا
هنا: خير يا مستر بس هو السؤال ده عامل زي الخلطبيطه بالصلصة كده لي
المستر:فين ده
هنا:خلاص فهمته
المستر:تمام ومشي
هنا:يا مستر مش فهماه
المستر:انتي مش لسه قايلة إنك فهماه
هنا: اه نسيت
المستر مشي خطوتين
هنا بصوت عالي: طب مش فاهمه حاجه هه
المستر:هموت وأعرف انتي طالعة لمين عمار اخوكي مكنش زيك كده
ولد من ورا: شكلها عايزه تطلع زي الممثل عادل إمام يا مستر
هنا: أحسن ما اطلع سوسن زيك
الطلبة:بوم هات الدكتور عشان يخيط
المستر:بس اسكتوا كلكم وانتي يا هنا عيب كده ويلا باقي خمس دقايق والم الورق
الخمس دقايق عدو والمستر لم الورق وخرجوا من السنتر
هايدي:بس اي يا بت يا هنا الجمدان ده الله عليكي
هنا:اومال يا بنتي هو أنا اي حد
نفس الولد من وراها:لا طبعًا مش اي حد بقا انتي تعرفي تقولي عليا سوسن
هنا بصتله من فوق لتحت وقالتلة:لما تبقي راجل هبقي ارد عليك...وسابته ومشت روحت البيت
هنا:ماما يا مامععععععع
رضا:فى اي يا بت اي الصوت ده
هنا:عايزه اكل جعانه هموت من الجوع مستخصره فيا الأكل يا رضا
رضا:ما هو أنا معرفتش أربي الأكل جوه
هنا:اشطا هروح اكل سلام يا موزه
رضا:موزه!! ربنا يهديكي يا هنا يا بنت بطني
فى بيت دينا
~~~~~~~~
دينا: بس يا ماما هو ده كل الي حصل
حنان:تمام يا دينا انتي عاقله يا بنتي وده ولد باين عليه أنه مش محترم متخطلتيش بيه
دينا: يا ماما ده ممكن يشوه سمعتي ويتكلم عليا مع صحابه وأنا أصلا معرفوش
حنان:يا حببتي إن شاء الله مفيش حاجه هتحصل يلا إدخلي ذاكري
دينا: حاضر يا ماما ادعيلي....ودخلت دينا تذاكر بس فى الأول بعتت الأسئلة لدكتور عمار
فى المستشفى
~~~~~~~~
الممرضة: يا دكتور كده الحالات بتاعت النهارده خلصت
عمار:تمام تقدري تروحي
الممرضة:تمام شكرًا
عمار:اه يا ربي ده كان يوم مُتعِب...ومسك تليفونه وشاف الأسئلة
عمار: تمام يا دينا بصي دول فكرتهم وحده وهيتحلوا كده ......
دينا:تمام يا دكتور بس هو سؤال هو يعني احنا كنا نيوتن علشان الأسئلة دي
عمار: ههههههههه لا طبعًا انتو أشطر ههههههههه
دينا:اه ما أنا بقول كده برضوا
عمار: يلا روحي ذاكري
دينا:حاضر...وراحت دينا حطتت إستوري على الواتس بتقول فيها:السمك صحاب مش طواجن
عمار:هو أنا مش قولت روحي ذاكري
دينا:ما أنا بذاكر اهو يا دكتور
عمار:اه ما هو واضح عارفه لو مقفلتيش فى الإمتحان هعمل فيكي اي
دينا:لا لا هقفل إن شاء الله يلا سمو عليكم وقفلت
عمار: ههههههههه مجنونة بس قمر ربنا يخليهالي..اي أنا قولت اي! لا فوق يا عمار مش
طالبة عندك هي الي هتعمل فيك كده وتخليك تقع فى الحب فوق لنفسك أنت ياما شوفت أجمل منها فى الجامعة فوق
وعَدي الإسبوع وجه وقت محاضرة دكتور عمار
دينا وهي داخله شافت سهيلة بتعمل......
دينا:يالهوي هو انتي لسه مبطلتيش إدمان الهباب ده؟