الفصل الخامس
#تزوجت_مُعلمي
#إهداء_محمود
جت الشتا وهتغير حاجات كتير اوي
دينا:يا ماما مش قادره جسمي كله واجعني وحاسه إن فى نار فى دماغي
حنان:يا حببتي ما أنا بقولك تعالي اكشف عليكي وانتي مش راضيه وبتقولي لا هذاكر لمستر عمار علشان عندي امتحان بكره
دينا: ايوه يا ماما مينفعش اجيب درجه وحشه فى الإمتحان
حنان:وهو اشمعنا مستر عمار ده ما انتي غبتي من درس مستر علي بتاع الاحياء النهارده
دينا:خلاص يا ماما ما انا تعبانه اهو علشان كده مروحتش
حنان: ماشي نامي شويه وأبوكي جي كمان شويه وهنروح للدكتور مش عايزه اعتراض وبقولك نامي مدخلش اشوفك بتذاكري سمعتي
دينا:حاضر حاضر
ونامت دينا شويه وبعدين أبوها جه وراحوا للدكتور
الدكتور:بتشتكي من اي
دينا:فى وجع فى جسمي وسخونه وصداع
الدكتور:تمام وبدأ بالكشف عليها
أشرف:طمني يا دكتور عندها اي
الدكتور:اطمن ده إرهاق
الثانوية العامة وشوية سخونه فى معدتها هتاخد العلاج ده وتعلق المحلول وتجيلي بعد أسبوع
أشرف:تمام يا دكتور شكرًا....وخرجوا من عند الدكتور روحوا وعلقوا لها المحلول واكلت ونامت
تاني يوم
*******
دينا:يا ماما علشان خاطري عايزه اروح الدرس
حنان:لا يعني لا انا مش ناقصه وبعدين انتي لسه متحسنتيش والكلونه لسه فى إيدك
دينا:يا ماما بالله المعاد قرب ييجي وأنا والله حاسه إني أحسن ولو تعبت هستأذن واجي
حنان:بصي ابوكي عندك اهو قوليلوا
دينا:يا ماما علشان خاطري الحصه مهمه
حنان:ماشي يا دينا بس اوعديني إنك لو تعبتي تستأذني وترجعي
دينا:حاضر يا ماما وعد....وراحت أوضتها لبست ومشيت على الدرس
فى سنتر الفيزياء
************
عمار:الإمتحان هيبدأ كمان 10دقايق فى حد لسه مجاش
سهيلة:اه يا دكتور دينا لسه مجتش
عمار:اتأخرت لي
سهيلة:مش عارفه والله بس هي مجتش درس الأحياء إمبارح
عمار:تمام .... يلا جهزوا حاجتكم السكرتير هيدخل بالامتحان كمان دقايق ..... وطلع من المكان
عمار لنفسه: طب ارن عليها والا اي ما أنا ببعتلها رسايل على الواتس بقالي يومين مش
بترد لا أنا قلقت خلاص أنا هرن عليها....لسه بيطلع التليفون ودينا بقت قدامه بس باين عليها التعب والإرهاق
دينا: أسفه يا دكتور على التأخير
عمار:اقعدي بس ارتاحي
دينا:شكرًا يا دكتور هلحق الإمتحان
عمار:ما تهدي فى اي امتحني بعد الحصه وبعدين اي الكلونه دي؟
دينا:اه تعبت بقالي يومين وكشفت والدكتور علقلي محلول بس
عمار:قالك عندك اي؟
دينا: إرهاق الثانوية وسخونه فى المعده
عمار:تمام اقعدي كده ارتاحي وابقي امتحني بعد الحصه
دينا:تمام
عمار:ولو تعبتي فى المحاضره ابقي قوليلي
دينا بإستغراب: لي؟
عمار:ملكيش دعوه سمعتي كلامي
دينا:اه تمام
عمار لنفسه:إهدي يا عمار كده هي كويسه قدامك اهو واي ده حد يلاحظ يبقي يطلع عليها
كلام بسببك وأنا مش هتحمل حد يقول عليها كلمه واحده
خلص الإمتحان ودخلوا المحاضره وعمار قعد دينا فى كرسي قدام علشان تبقي قدام عينه بحيث لو تعبت ياخد باله
بدأ يشرح المحاضره وكل فتره يبص بإهتمام عليها وسهيلة ودينا لاحظوا خلص شرح المحاضره وكله مشي وبقت دينا علشان تمتحن
دينا:يا دكتور ممكن امتحن
عمار:اه دقيقه هجبلك الورقه وجبلها الورقه وقعدت تحل الإمتحان وهو قاعد قدامها ومركز معاها وخلصت الإمتحان وجت تمشي
عمار:استني هوصلك
دينا:لا شكرًا يا دكتور انا هاخد اي مواصله
عمار:قولت هوصلك يبقي خلاص وبعدين الجو شتا والوقت أتأخر يلا قدامي ..... وركبت معاه العربيه والجو هادي جدًا
عمار: فهمتي الحصه كويس؟
دينا:اه الحمد لله
عمار:امممم تمام
دينا:دكتور ممكن سؤال
عمار:اتفضلي
دينا:هو حضرتك تخصص اي؟
عمار:جراحه
دينا: اي ده نفس المجال الي حابه أكون فيه
عمار:بإذن الله يتحقق
دينا بإبتسامة: إن شاء الله
دينا لنفسها:هو الدكتور ماله النهارده مهتم بيا هو ممكن يكون بيحبني زي ما أنا بحبه بس بس يا هبله أكيد بيعاملك زي أخته بطلي تفكيرك ده
ووصلها لحد البيت وبعدين مشي..
دينا: السلام عليكم
حنان و أشرف: وعليكم السلام
حنان:اتأخرتي لي كده؟
دينا:إمتحنت بعد الحصه علشان ملحقتش فى الأول
أشرف:وجيتي موصلات فى الوقت ده؟
دينا:لا يا بابا مستر عمار وصلني
أشرف: أنا مش عارف انتي لي مش راضيه اني اعينلك سواق
دينا:يا بابا بحب اتعامل مع الناس وأشوف حياتهم عامله ازاي واعيش زيهم بس
أشرف:تمام يا حببتي ربنا يهديكي
حنان:يلا يا دينا ادخلي كُلي وخدي العلاج
دينا:حاضر يا ماما.... ودخلت غيرت وكلت
فى بيت عمار
**********
عمار: السلام عليكم
رضا:وعليكم السلام ازيك يا حبيبي
عمار:كويس الحمد لله يا امي
رضا: الحمد لله يا ضنايا
عمار:امال فين هنا؟
رضا:نامت
عمار: كويس علشان عايزك فى موضوع
رضا:قول يا حبيبي
عمار: بصي يا امي أنا أول مره أكون متلغبط كده مش عارف الي بعمله صح والا غلط
رضا:فى اي يا ابني قلقتني عليك
عمار:احم بصي يا امي أنا عندي طالبة فى الدرس مجتهد وشاطره ما شاء الله فى الأول أعجبت بيها بس بعدين كانت بتكلمني واتس علشان الأسئلة
وكده فحبيتها وبقيت بهتم بكل حاجه ليها يعني النهارده علشان كانت مركبه كَلونا للمحلول زعلت عليها جامد وكنت
كل شويه ابص عليها فى المحاضره وهي لسه صغيره خايف اضرها
رضا: بص يا حبيبي حكاية صغيرة دي فالحب مش بالسن خالص بس انت مينفعش
تشغلها بيك أو بأي حاجه هي فى تالته ثانوي يعني مستقبلها
ولو انت بتحبها مش هتخلي مستبقلها يضيع قدامك أهتم بيها بس من بعيد يا حبيبي وعلشان محدش يقول
عليها كلمه بالكدب مهما كان دي بنت وانت عندك أخت عارفه أنك مش بتعمل حاجه بس برضه يا حبيبي فاهمني
عمار: اه يا امي فاهمك
رضا: ربنا يجمعكم فى حلاله يا حبيبي
عمار: يارب يا امي يارب
رضا: يلا بقا قوم غير لبسك عقبال ما اسخنلك الاكل... وغير عمار ونزل أكل وبعدين طلع نام لأن عنده شغل الصبح
فى اوضة دينا
*"********
دينا قاعده بتذاكر ومامتها دخلت عليها
حنان:دينا
دينا:نعم يا ماما
حنان:انتي مخبيه اي عليا؟