رواية ظلام الرعد
الفصل الاول والثاني
بقلم فاطمة عيد
👇المقدمه👇
أقسم أن لا يقع في الحب مجدداً،وهذا العهد ليس ضعف منه أو قسوةً بل ما كان إلا خوفاً علي المرآه التي ستقع بشباكه
المظلمه المليئه بالأشواك الناميه
ولكن عندما إخترقت هي حصونه القويه المشيده علي قلبه بإتقان
حينها انهارت تلك الحصون ووقع صريعاً مستسلماً للعشق
والشمس قد شهدت ولازالت تشهد علي حكايه فتاه طغت
ألوانها الزاهيه حياة الرعد السوداء وقضي عشقها علي ظلام دنياه
❤الشخصيات❤
رعد الجبالي:29سنه مهندس معماري يدير شركه الجبالي للمقاولات ...شخصيته غامضه وقويه ذو طباع حاده ..ملامحه
الرجوليه الشرقيه جعلت لوسامته رونقها الخاص فهو لديه جاذبيته الخاصه في كل شي ملامحه وطباعه ولو كانت قاسيه
فكان يتفنن في إتقان قسوته ولكن ذلك عند اللزوم
ادهم الجبالي:27سنه ابن عم رعد مهندس معماري أيضا
ويساعده في اداره الشركه جاد في عمله لكنه لا يفضل الجديه خارج العمل طباعه هادئه عكس شخصيه رعد تماما
فاروق الجبالي:والد رعد وهو في العقد الخامس من عمره ويقيم في المانيا
سيد الجبالي:وهو والد فاروق ومؤسس شركه الجبالي أيضاً ..طباعه قاسيه لا يستطيع احدا معارضته وهو كبير عائله الجبالي
داليا الجبالي :والدت رعد وهي منفصله عن والده منذ 5سنوات وهي ربه منزل فضلت الاهتمام بعائلتها عن العمل
ورد الجبالي :هي الاخت الاصغر لرعد 19سنه متوسطه القامه وعلي قدر عالي من الجمال وطباعها هادئه ورقيقه للغايه
..قوامها كاعارضات الازياء وبشرتها بيضاء واعينها بنيه وشعرها البني الطويل يزيدها جمالا
مازن الجبالي:الاخ الاصغر لرعد 23سنه يمتلك نفس صفات رعد عدا الطباع وهو يقيم في مصر وألمانيا أيضا ك محاوله
لإرضاء الجميع
كيان الجبالي :ابنه عم رعد وهي 20سنه توفي والديها وهي في 15 من عمرها كانت تقيم في المانيا ولكنها قررت الاستقرار
في مصر ..قويه الشخصيه عاشقه لدراستها فهي طالبه في كليه الهندسه وكانت هذه رغبتها وهدفها منذ الصغر متوسطه
القامه ..قوامها ممشوق وشعرها طويل وترتدي نظارات في أغلب الوقت أعينها رماديه وبشرتها بيضاء
چنا الهواري:صديقه ورد المقربه 19 سنه متوسطه القامه وقوامها ممشوق ..اعينها زرقاء وبشرتها بيضاء مائله للقمحيه وشعرها باللون الكنستنائي
💖💖💖💖💖💖💖
الفصل👇1👇
_لازال مندثر في فراشه شارداً يتراجع الزمن به للوراء ويلوم نفسه علي ما حدث بالماضي يلوم نفسه علي استسلامه الذي
حدث بماثبه ثأر بالنسبه له لن تهدأ تلك العاصفه الا بأخذه ...
_دلفت والدته لتجده بنفس الحاله تنهدت بألم وقالت:-رعد
رعد بهدوء:-صباح الخير ياماما
داليا :-صباح النور ياحبيبي ...احم احم كنت عايزه اتكلم معاك
_لاحظ توترها وعاتب نفسه في سره علي حدته كيف وصل لحد القسوه التي تجعل والدته تخشاه أجابها :-اتكلمي طبعا
داليا:-انت عارف ان مازن راجع النهارده.... كيان راجعه معاه
رعد بملل:-شئ متوقع عشان الدراسه هتبدأ انا مش فاهم
تدرس هنا ليه المانيا مفيهاش تعليم يعني
داليا:-انت عارف ان ابوك قرر يخلي في رابط بينها وبين مصر عشان تعرف أهلها ...التعليم كان هو الرابط ده
رعد:-يوصلو بالسلامه هبقي اخلي ادهم يروح يستقبلهم
داليا:-كيان مش هتقعد فتره الدراسة بس...كيان هتعيش معانا هنا للابد
رعد:-هنا فين
داليا:-هنا فالقصر ده
رعد:-مفيش مشكله
داليا:-اوضتها هتكون اللي جنب اوضتك
حاول اصتناع الهدوء قائلا:-انتي عارفه أن الدور ده كله بتاعي لوحدي الدورين التانين اتصرفو فيهم زي ما انتو عايزين ده الجناح الخاص بيا
داليا:-ياحبيبي ده أمر من جدك مش بايدي عموما أما تنزل لو حابب تجادله اعمل كده
-قالت كلماتها وخرجت من غرفته..
_اتجه الي غرفه ادهم ويظهر علي ملامحه الضيق ليقول ادهم:-مالك يابومه
رعد:-انا بومه
ادهم:-انا مش فاهم مكشر ليه علي الصبح
تنهد بضيق:-كيان هتعيش معانا علي طول
ادهم:-وفيها اي مش بنت عمنا
رعد:هتاخد الاوضه التانيه اللي فالجناح بتاعي
ادهم:-قال يعني الجناح الملكي..ماتبطل تفاهه
رعد بغضب:-انت عارف اني بحب النظام
ادهم:-او بمعني اصح مبتحبش كيان تبقي موجوده هنا
رعد:-ايوه عشان انا مبحبش شغل العيال بتاعها ده انا مش حمل مناهده ولا مسؤوليه حد معنديش طاقه
ادهم:-كيان مش ساره يارعد
رعد:-كلهم نفس التفكير...كلهم عاطفيين فالاول وسطحيين انت عارف اني مبحبش البنات عموما مش كيان بالاخص
ادهم:-اما انت بتكرهم ليه كل يوم مع واحده شكل
رعد:-انت بتحاسبني....انا راجل اعمل اللي انا عايزو
ادهم:-لا احاسبك ولا تحاسبني يلا نروح نفطر معاهم قبل ما نروح الشغل ...بس متنساش انت معاك اخت بنت
رعد:-حتي دي مش عارف اتعامل معاها زي اي بني ادم
ادهم:-يلا ياخويا بلاش نكد علي الصبح
-نزلو ليجدوا الجميع جالساً علي مائده الطعام ليقولو:-صباح الخير
سيد:-صباح النور....عرفت التغييرات اللي هتحصل يارعد
رعد:-ايوه اللي تشوفه ياجدي
سيد بفخر:-ده اللي كنت منتظره منك
رعد:-انا محتاج ابقي لوحدي فتره...هروح شقتي شويه
سيد:-مش وقته..لو حابب تعمل كده يبقي مش قبل اسبوع ع الأقل
رعد:-طيب انا ماشي...يلا ياادهم
أدهم:-روح انت هاجي وراك شويه كده
رعد:-اشمعنا
ادهم:-ورد رايحه مشوار هوصلها الاول
رعد بغضب:قولت ميت مره بلاش خروج معاها
سيد بغضب:رعد ده خطيبها وابن عمها اللي متربي معاها وانا لو شايف في غلط كنت هوقفه عند حده
_صحيح كل قوي في اقوي منه..
قالها ادهم بسخريه...ليغضب الآخر ويذهب متجهاً الي عمله
_نزلت من غرفتها قائله بابتسامه :-صباح الخير ياجدو ..قالتها وهي تقبل أحدي وجنتيه
سيد بابتسامه:-صباح النور ياقلب جدو
ادهم بتنهيده:-يابخت جدو
سيد:-بتقول حاجه ياادهم
هز رأسه بيأس وهو يقول:-لا مبقولش..
ثم قال في نفسه:-تتباس انت علي الصبح واوصل انا علي الجاهز ...طب هو انا ليه مش جدو...اي ده مانا لو كنت جدو
مكنتش هعرف اتجوزها..اي الهبل اللي انا في ده
ورد:-انت ياحج ...هتفضل سرحان كده كتير مش يالا بقا
ادهم بابتسامه:-يلا
_وصلو الي المكان الذي ترغب فيه وقال:-مبسوطه انتي أن كيان جايه
ورد:-بصراحه اها هي وحشاني اوي...بس انت زعلان
ادهم:-اما بتيجي بحسها بتشغلك عني وبتاخدك مني
ورد:-محدش فالدنيا دي يقدر ياخدني منك ياادهم ده انا بعد الايام اللي فاضله عشان نبقي ف بيت واحد لوحدنا
ادهم بتنهيده:-ايام كتيره
ورد:-مش انت بتحبني استحمل..وبعدين ده ف مصلحتك اصلي كل يوم بحبك اكتر من اللي قبله
ادهم:-اتجرأنا اهو وبقينا نقول بحبك عادي كده ...الله يرحم ايام ماكنت اقولك صباح الخير تتكسفي
ورد:-كنت بخاف منك
ادهم:-ودلوقتي
ورد:-دلوقتي بخاف من بعدك
..................
_دلف الي الشركه وسط نظرات الإعجاب المعتاده من الموظفات ونظرات حاقده من الموظفين ليستمع الي أحدهم
وهو يقول:-شايف نفسه ومديهم بالجزمه وكل واحده فيهم مستنيه منه اشاره وتبقي تحت رجليه كل ده علي اى مش
فاهم اي المميز فيه..
-رمقه بنظرته الحاده ليبتلع الآخر ريقه بقلق ..اكتفي رعد بنظرته وتجاهله وأكمل سيره الي مكتبه دلف ودلفت السكرتيره من خلفه قائله:-وحشتني
رعد:-مي احنا فالشغل
مي:-وفيها اي يعني
رعد:-فيها كتير انتي عارفه اني بحب النظام
مي:-طب نتقابل ف شقتك النهارده
رعد:-لا مش هينفع خالص الفتره دي...ويلا علي شغلك
_قال جميع كلماته بجمود وجفاء أصبح خالي تماماً من المشاعر ...ذهبت واخذت مشاعره معاها هكذا كان يعتقد ..فالأمر معقد
بالنسبه له تذكرها للحظات وهمس بأسمها بنبره مؤلمه:-ساره...نفض الفكره من رأسه وقرر البدأ في العمل
__________________
في مطار القاهره...
ادهم:-حمدالله علي سلامتكم
كيان ومازن:-الله يسلمك
ادهم:-رعد عنده شغل كتير ف انا اللي جيت استقبالكم
هزت رأسها معلنه معرفتها بالأمر قائله:-زي كل سنه
ادهم:-زهقتي مني ولا اي
كيان:-انا اقدر
-شردت للحظات وتسارعت دقات قلبها ستعود من جديد ..اقترب موعد لقائهما من جديد ...أفاقت من تلك الشرود
متذكره جميع لقائتهما القصيره والبارده..تنهدت بألم وقالت :-ادهم معلش روحنا بسرعه انا تعبانه اوي
💖💖💖💖💖
الفصل الثاني
_وكالعاده اجتمع جميع افراد الاسره في الصالون لاحتساء الشاي وتبادل الحديث بينهم في الأمور العائليه والعمليه أيضاً
هذا التجمع يحدث يومياً بأمر من سيد الذي كان وسيظل محافظاً علي نظامه في كل شئ وخاصه عائلته....تحمحمت
داليا بحرج وهي تقول:-مش كنا لغينا قاعدتنا النهارده كيان مرهقه اوي...علي الاقل اسمحلها هي تروح ترتاح
سيد:-ده نظام ياداليا...وكيان بالذات هي أهم واحده موجوده هنا النهارده
تفاجأت كيان وقالت:-انا...طب ليه ياجدو
سيد:-فاروق بلغني أن انتي اللي اصريتي تستقري ف مصر للابد مش عايزه ترجعي المانيا وانا حابب اعرف سبب قرارك
كيان:-عايزه ابني مستقبلي هنا ياجدو ..هناك انا حقيقي مش عارفه اتعايش هناك ببقي محتاره احافظ علي أصولي الشرقيه واحتفظ بعادتها ولا اتعايش مع اجواءهم
_جملتها الاخيره لفتت انتباه ذلك الذي كان يتابع الحديث بصمت ليقول بتلقائية وهو ينظر لها:-واختارتي اي
كيان:-تفتكر انت اي يارعد...اكيد لو اتخليت عن عادتنا مكنتش رجعت
رعد:-ناس كتير عايشه هناك وبتتجاهل التغيير
كيان:-مش كل الناس زي بعضها ياباشمهندس في اللي بيسيطر علي نفسه بعد صراع وفي اللي بيتجاهل وفي اللي بيتأثر وانا
مش عايزه ولا حاجه من دول واعتقد اني حره ف حياتي
سيد:-اهدو شويه انتو هتتخانقو قدامنا ولا اي..عموما يابنتي قرارك سليم واول ما تبدأ الدراسه هنزلك تدريب وادهم ورعد
هما اللي هيشرفو عليكي عشان تتعلمي كل كبيره وصغيره وتبقي من احسن المهندسين اللي عندنا
رعد باعتراض:-ياجدي انت عارف ان مينفعش ..احنا مش بندرب طلبه حاليا هي هتيجي بأمارة اي
سيد:-دي مش طالبه عاديه متنساش أن بعد عمرا طويل ليا هتكون من ضمن الشركه وانا احب أنها تفهم كل حاجه وانا موجود
رعد:-بعد الشر عليك ياجدي حاضر اللي تشوفه
سيد:-دي الحقيقه ان طالت ولا قصرت انا راجل كبير عايز
امشي وانا مطمن عليها هي بنت وملهاش غيري ...من ساعه ما مات أهلها وأهل أدهم وهما مسؤولين مني بس ادهم راجل خلاص اعتمد علي نفسه مفاضلش غيرها
رعد برسميه:-انا هتابع معاها كل حاجه لحد ما تتعلم عن اذنكم
سيد:-علي فين
رعد:-خارج شويه
_غادر الجلسه وابتعد قليلا وأخرج هاتفه وقام بطلبها
_غادرت الأخري محاوله معرفه اين هو ذاهب ولكنها صدمت عندما سمعته وهو يقول:-مي انا رايح الشقه تعاليلي هناك....ثم
اكمل بعد فتره:-غيرت رأيي يامي انا حر هتيجي ولا هنقضيها تحقيق.....مسافه السكه واكون عندك اجهزي انتي بس
_غادرت مره اخري وظهر الغضب علي ملامحها ..قابلتها ورد وهي تقول لها:-زعلانه ليه كده
كيان:-مش شايفه بروده ولا كأنه شايفني واما بيتكلم بيتكلم بمنتهي الرسميه والجفاء ..بقيت بحس أنه ربوت مش بني ادم بيحس زينا
ورد:-اللي حصله مكنش قليل برضو
كيان:-واللي في ده حل ...هو اي حد يحس ان الناس غلطت ف حقه يعمل كده
ورد:هو مش شايفك عشان انتي مش مناسبه لي ياكيان
كيان بحزن:-ليه مش مناسبه ليه ..مش انسانه
ورد:-ياحبيبتي ده واحد مطلق وطلق لسبب كبير عقده ... عارفه يعني ايه مطلق يعني كان لي حياه قبل كده
كيان:-قولتي كان..دي حكايه وخلصت خلاص
ورد:بس تأثيرها عمره ما هيخلص ولا هينتهي حياه رعد
مبقتش حياه كل هدفه الشغل وبس وطبعاً عاجبه حوار أن كل البنات اللي تعرفه هتموت عليه حتي لو مش مبين لكن ده راضي غروره اكيد
كيان:-مش لازم اكون زيهم ولا اخليه يحس اني بحبه اصلا....وانا مش هستسلم ولا هضيع حبي لي انا راجعه المره دي وانا واثقه أن شعوري تجاهه فعلا حب ومش
هسمح لحد غيري يقربله
ورد:-ناويه علي اي
كيان:-مفيش خطط ولا قواعد ...خلي القدر هو اللي يلعب دوره ويتحكم فينا
ورد:-مش يمكن انتي اللي تخسري
كيان:هبقي حاولت...مش هخاف ولا هتراجع
ورد:-ربنا يستر
كيان :-انا طالعه انام
_مرت ثلاث ساعات ولازال في الخارج اشتعلت نار الغيره بقلبها وتساقطت دموعها رغماً عنها ..تعلم بأنه مع واحده أخرى
ولا تستطيع منعه ولا يحق لها كانت تبكي بكل طاقتها وكانت وتبكي وهي تناجي ربها وتدعوه بهدايته وبعد قلبها عنه لو كان هناك احتماليه الفش
_عاد الآخر وقبل أن يصل الي غرفته سمع صوت نحيبها طرق بابها عدته مرات واخيراً فتحت له وكان وجهها شاحب للغايه ليقول هو:-كنتي بتعيطي ليه
كيان باستنكار:-مكنتش بعيط
رعد:-كدابه الدموع لسه علي وشك
كيان:-اعيط براحتي انت هتعد عليا انفاسي
رعد:-انتي بتكلميني كده ليه
كيان:-انا اتكلم زي مانا عايزه انا براحتي
رعد:-فعلا مانا اللي سمحتلك انك تكلميني بالطريقه دي انا غلطان اني جيتلك
كيان بتلقائيه:-وتجيلي ليه اصلا ما تروح للهانم اللي كنت معاها
_ادركت خطورة ما قالت وفضلت الصمت ..
ليقول هو:-انتي مالك بالحاجات دي اصلا ابقي مع واحده ولا اتنين انا حر..ومتسمحيش لنفسك تقولي كلام زي كده تاني عيب انتي صغيره
كيان بصوت عالي:-انا مش صغيره
رعد:-بالنسبالي صغيره ..ادخلي اوضتك نامي أو كملي عياط
كيان:-يا بارد
_قالتها وهي تغلق باب الغرفه في وجهه ..ليتجه هو الي غرفته وهو في شده غضبه منها ليقول:-كانت ناقصه هي شغل
الاطفال