رواية هل القدري
الفصل الاول والثاني
بقلم سلمي عاطف
في مدينة القاهره في منزل بسيط
الام: قومي يااابت اهو انا مش بستفاد منك غير اكل ونوم ومرقعه وخلاص وجنونك ف الحمار ال فوقك ده قومي يازفته
اوركيد: اي ياماما بتشتميه ليه الاه
الام:ده ال انتي فالحه فيه قومي يااخرة صبري قومي ياابت سهي رنت عليا وقالتلي انها جيالك واخيرا لقت ليكي شغل
اوركيد بفرحه: بجد طب هتيجي امته
الام: لسه مكلماني من خمس دقايق وقالتلي ف الطريق زمانها جايه قومي يلا
اوركيد: حاضر
بعد وقت
الام:يااوركيد
اوركيد: نعم ياماما
الام: تعالي سهي جات بره اهي
اوركيد: حاضر ياماما جيت اهوو
اوركيد: قلب عمووو عامله اي معقوله الشغل خدك مني ياجزمه
سهي:مقدرش بس انتي هتلحقيني اهوه وهتعجبك ان شاء الله
اوركيد:اشجيني ياختي
سهي: بصي ونا بقلب في الجورنال الصبح لقيته طالبين مديرة اعمال خاصه لحد مشهور بس مش هقولك عشان تبقي مفاجاه وتيجي تشكريني
اوركيد : ايوه بس انا مش بفهم في الشغل ده
سهي: يابنتي انتي مش هتعملي حاجه هتظبطيله مواعيده هتبقي معاه في كل حته بيروحها يعني هتبقي عارفه كل كبيره وصغيره عنه وانا بصراحه شايفه انها فرصه متتعوضش وكمان مرتبها كويس
اوركيد : ايوه بس مين ال هشتغل معاه ومشهور من اي نوع يعني رجل اعمال يعني ولا اي
سهي : مفاجأه قولتلك روحي انتي وشوفي اسمعي يااوركيد لو موافقتيش يالشغل ده ف انتي هتخسري كتير معاش بباكي معتش بيكفي ومصاريفك انتي ومامتك كترت بصي لمصلحة مامتك وقد اي تعبت
اوركيد : فهماكي بس انتي قولتي مشهور يعني عايز مديرة اعمال تليق بيه مش واحده معروفه بإسم تختوخه
سهي: يابنتي تفائلي وبعدين انتي جميله كفايه قلبك خليكي واثقه في نفسك يااوركيد انتي حنيله جدا كفايه وشك ال شبه الاطفال ده وشعرك القمر الي انتي مغطياه بالحجاب انتي جميله قلبا وقالبا ياقلبي الناس طول عمرها بتتكلم المهم انتي اي فاهمه
اوركيد: فاهمه ياقلبي تسلميلي يارب وقفتك جمبي دي بالدنيا
سهى : طول عمري هفضل جمبك يابت ده انتي صديقة الطفوله يلا قومي عشان افهمك هتعملي اي
اوركيد: تمام
في مكان اخر مليئ بالكاميرات
المخرج: يلا يااساتذه ٣ ٢ ١ اكشن
الممثله: يعني اي يعني انت طول الفتره دي بتضحك عليه
الممثل : ياحبيبتي افهمي لا والله انا مكذبتش عليكي
الممثله: انت حيوان بكرهك بكرهك
الممثل: سما افهميني انا عملت كده عشان بحبك من خوفي عليكي
سما: كداب خوفك عليه يخليك تتجوز واحده بحجة ان والدها وصاك عليها انت كداب خود دبلتك اهي معتش عايزه اشوف وشك
الممثل : سما سما ااااااه سمااااااا متسبنييييش
المخرج : استوووووب برافو يااساتذه ممتاز ياسيف ادائك كان خرافه وطالع من القلب
سيف بثقه وبعض العجرفه: تليمذك وبعدين اقل حاجه عندي يلا سي يو لازم اروح دلوقتي قبل مااي حد من المعجبين يجو ونا مفييش دماغ سلام
ذهب سيف ناحية سيارته كاد ان يركب لكن سمع صوت انثوي يناديه وكانت هذه لينا
لينا بدلع: ادائك كان جامد النهارده اووي ياسيف
سيف بلا مبالاه:عارف
لينا: مالك بتكلمني بطرف مناخيرك كده ليه
سيف: اقوم ارقص ليكي يعني اعملك اي لينا احنا زملاء عمل وبس مفيش داعي للشويتين دول عن اذنك
لينا:ماشي اما وريتك مين لينا وخليتك تجيلي راكع ياابن اصلان
في منزل اصلان
سيف: ياكووكي
الام: ولد عيب اسمي ماما
سيف: لا كوكي وبس امال فين الزقرده الصغيره
الام:كالعاده نايمه
الام : المهم عملت اي في التصوير
سيف:كويس كان حلو النهارده
الام: طب روح ياحبيبي ارتاح شويه وبعدين تعالي عشان عايزاك في موضوع مديرة الأعمال
سيف: ياماما مش قولتلك مش عايز انل مش بحب كده وبعدين مش هأمن حد علي عملي غيرك
الام: ياحبيبي هو نا قولت هسيبه انا بس هجيب واحده تساعدك مش اكتر
سيف: ياماما
الام: سيف خلاص انتهى
سيف : ال تشوفيه بش تقابليهم بقه انا معنديش استعداد اقابل حد
الام: ماشي اطلع قوم البت ال ملهاش لازمه دي وبعدين ارتاح ونبقي نشوف الحكايه دي
سيف : حاضر
صعد سيف الي غرفة اخته الصغيره
سيف : رهف ياقلبي
رهف : سبوني شويه هخطف حلم واصحى
سيف:قومي يابت بلاش دلع يلا
رهف: هووف حاضر حبيبي عملت اي النهارده
سيف:اخوكي جامد يابت الاه
رهف: طبعا ها قولي لسه البت لينا دالقه نفسها عليك
سيف بضيق: اعوذ بالله شبه اللبانه
رهف: الله يسهله
سيف: نييينييني وبعدين انا مرتبط اصلا
رهف بضيق: رنيم مش عارفه عجباك علي اي يااابني دي كل تفكيرها الشهره والفلوس وبس
سيف: بحبها ياستي يلا قومي عشان ماما سيكا وهتيجي تتبري منك
رهف : طيب يااخويا
نزلت رهف للاسفل والقت السلام علي والدتها
الام:اخيرااا
رهف: خلاص ياكووكي بقه
الام: يلا ياختي اقعدي عشان عايزاكي في موضوع
رهف: اشجيني ياكبير
الام :عايزه اجوز اخوكي
رهف شرقت وقعدت تكح
رهف: بتهزري
الام: وانا ههزر ليه يابنت بطني في موضوع زي ده
رهف :انتي ناسيه ان سيف مرتبط ب رنيم
الام: متهمنيش مش هحطها لي دماغي اصلا فتره مؤقته لحد مالاقي ال تستاهل تبقي مراته
رهف: وياتري مين
الام: قريب هنعرف بإذن الله قومي يلا عايزيم نجهز نفسنا هنعمل انتر فيو لل هيشتغلوا مع اخوكي
رهف:مش مستريحالك ياكوكي اشمعنا يعني عايزه تشغلي بنت ليه فجأه اوعا يكون ال ف دماغي صح
الام:هو يابنت بطني بس بقه
رهف : بتهزري ياماما ده لو سيف عرف هيطربق الدنيا
الام: لا مش هيعرف بس المهم تساعديني
رهف: وانتي ازاي هتختاري من البنات ال هتيجي اكيد كل واحده جايه عارفه هتشتغل مع مين وكل واحده عايزه توقعه وعنيها ع الفلوس والشهره وبس
الام: يابنتي ربنا يقدم ال فيه الخير بلاش نقدر البلا قيل وقوعه
رهف: ربنا يسهل يلا هروح الجامعه
الام: سلام ياحبيبتي
في منزل اوركيد
سهي:ها فهمتي
اوركيد : تمام ربنا يستر بس قوليلي يابنتي هشتغل مع مين هروح علي العمياني كده
سهى : قولتلك لا مفاجاه وكمان هيتيجي تشكريني يلا وابقي نامي كويس بالليل بقه عشان هتروحي بدري يلا سلام
اوركيد: سلام
ومر اليوم سريعا وجاء يوم تغير حياة الاوركيد
الام : قومي يااوركيد هتتاخري يلا
اوركيد: حاضر ياماما قومت اهو
الام:ربنا معاكي يابنتي وتتقلبي
اوركيد :بإذن الله
قامت اوركيد ونظرت الي صورة فتي احلامها وقالت: صباح الخير علي اجمل ضحكه في حياتي امته هشوفك بقه هييح احلام اما اروح اصل اتأخر
ظلت اوركيد تنتقي ثياب فضفاضه حتي لا تظهر جسدها السمين وارتدت دريس من اللون الأزرق علي حجاب من اللون الابيض وكانت رقيقه جدا
اوركيد :يارب خليك معايا توكلت علي الله
خرجت اوركيد وفطرت مع امها وذهبت بعد دعوات امها لها بعد قليل اوصلها السائق لغيلا اقل مايقال عنها انها فيلا لملك نظرت لها قليلا ودخلت لقدرها
جلست اوركيد بجانب الفتيات منهم من تنطر لها بسخريه ومنهم من يتجاهلها ومنهم من يهمس ويضحك عليها نظرت لنفسها وقالت بسخريه : لو مفكره انك هتتقلبلي تبقي يتحلمي يااوركيد تيجي اي جمب دول يارب لا يااوركيد خليكي واثقه ف ربنا وف نفسك انتي قويه
ظلت قليلا حتي جاء دورها ودخلت لمقابلة العمل
كاميليا : اسمك اي يابنتي
اوركيد : اوركيد هاشم عمران
كاميليا:كام سنه
اوركيد :٢٣
كاميليا:اشتغلتي قبل كده في عمل زي ده يااوركيد
اوركيد: لا
كاميليا: متخرجه من كليه اي يااوركيد
اوركيد :فنون جميله يافندم
كاميليا:طيب اي خلاكي عايزه تشتغلي شغلانه ملهاش علاقه بمجالك
اوركيد: بصراحه في امس الحاجه للعمل ده عشان ابويا توفي وانا وامي المصاريف زادت علينا دورت علي شغل كتير بس للاسف كنت بترفض لحد ماواحده صحبتي جبتلي الشغل ده وربنا يسهل
كاميليا: تمام يااوركيد اعتبري نفسك اتوظفتي من النهارده
اوركيد بفرحه: بجد انا مش عارفه اقول لحضرتك اي شكرا جداا
كاميليا:متقوليش حاجه دلوقتي هقولك علي البروجرام بتاع سيف عشان تمشي عليه كويس عشان سيف بيحب النظام
اوركيد : طبعا يافندم
كاميليا :مبروك عليكي الشغل تقدري تبداي من دلوقتي
اوركيد:تمام
كاميليا:ده معاد صحيان سيف هتروحي دلوقتي تقوليله علي مواعيد شغله والناس ال هيعقدوا معاه اي شغل
اوركيد : تمام يافندم عن اذنك
كاميليا: رهف هتوصلك اوضة سيف
رهف : ها اه اه طبعا يلا يااوركيد ثواني بس وجايه وراكي استنيني بره
اوركيد : تمام
رهف:بتهزري صح
الام :اي الهزار في كده انا شايفه انها احق واحده تتجوز سيف
رهف: انتي مش عارفه سيف ياماما ده دبش
الام: وهي البنت فيها اي يارهف عشان يبقي دبش معاها
رهف: يعني انتي مش شايفه جسمها عامل ازاي بقي لما واحده تشتغل مع سيف اصلان تبقي دي
الام بعصبيه : رهف انا ربيتك علي كده انك تحكمي علي الناس مش شكلهم اعتبري نفسك كنتي هي ترضي حد يقول عليكي كده ويحكم عليكي لمجرد بس انك جسمك مش عاجبهم
رهف بأسف: انا اسفه ياماما مقصدتش
الام بحزم: مفيش مناقشه في الكلام ده هي انسانه زينا زيها مش من حق اي حد ينتقضها لمجرد ان جسمها مليان شويه كلام الناس عمره ماكان تقييم لحد وعمر ماالناس رضت عن حاجه دايما يطلعوا حاجه وحشه في الشخص ال قدامه لمجرد ان الانسان ماشي في حاله ومش عاطي اهميه ليهم يقوموا يقولوا اي بص شوف قليلة الادب ازاي مفكره نفسها في عالم تاني وكلام يودي كلام ومهما حاولتي تكوني مثاليه مش هيعجبهم حاجه فهمتي يارهف اتمني الكلام ال قولتيه ده ميتكررش تاني احنا مش هنتحاسب علي تخننا او مثاليتنا او رفعنا يارهف احنا هنتحاسب علي قلوبنا ولسانا وحسن معاملتنا مع الناس ماشي
رهف:انا اسغه ياماما انا فعلا غلط فهمت كل ده
الام: ربنا يهديكي ياحبيبتي يلا روحيلها
رهف :حاضر ياكوكو
رهف خرجت وراحت ل اوركيد
رهف: يلا ياقمر تعالي اوديكي ل هولاكو
اوركيد بخوف : هولاكو
رهف بضحك : بهزر بهزر يلا انتي خوفتي ليه تعالي
صعدوا هم الاثنين الي اعلي وطرقت رهف الباب
سيف من الداخل :خشي يارهف من امته الادب ده يابت
رهف: ماهو انا مش لوحدي ياسيفو افتح
سيف فتح الباب وبص بإستغراب وبص لاخته بمعني مين دي
اوركيد بصدمه : وفجأه اغمي عليها..
رواية هل قدري
الفصل الثاني
بقلم سلمي عاطف
رهف بصدمه : اوركيد
سيف بعصبيه : هو اي ده
رهف: انت عندك وقت تتعصب يابني ادم انت ساعدني نوديها اوضتي
سيف: صبرني يارب اوعي اوعي
رهف: الاه الجيم مرحش ع الفاضي اهوه جدع ونا ال كنت بقول عضلاتك نفخ علي الفاضي
سيف: اوعي من وشي انتي لسه هتتكلمي
بعد قليل
رهف جابت برفان عشان تفوقها
رهف: اوركيد اوركيد فوقي
اوركيد بتعب: ا.. ااه انا فين
رهف براحه : اخيرا اي ال حصلك يابنتي
اوركيد: انا انا لازم امشي
سيف: ايييي استني هنا انتي في زريبه انتي مين
رهف: اهدي ياسيف دي اوركيد مديرة الأعمال ال اختارتها ماما
اوركيد :انا انا اسفه لازم امشي مش.. مش
رهف:اهدي اهدي يااوركيد في اي مالك
اوركيد : انا بعتذر عن الشغل اسفه هستقيل
رهف : يابنتي هو انتي اشتغلتي عشان تستقيلي اهدي مفيش حاجه اي ال حصل
سيف مقاطعا : سبيلي انا الطلعه دي هي البرنسيس مش عاجبها شغلها معايا ولا حاجه
اوركيد بتعلثم: لا اصل.. اصل
سيف: احنا فينا من التهتهته يلا ساعة شغلك بدات اتفضلي قوليلي المواعيد بتاعتي
اوركيد :نعم
سيف: مش هقول تاني انا ع تكه انجزي ورايا اي النهارده
اوركيد: ها اه اه حاضر
وقالت له عن روتين يومه
سيف: تمام ورايا عشان متتأخرش النهارده يوم طويل
اوركيد : تمام
سيف: يلا
اوركيد : يلا فين
سيف ينفاذ صبر:هي مراره واحده هنروح فين يعني انتي مش لسه قايلالي عندي تصوير النهارده الساعه ١٠
اوركيد: ها اه اه
سيف:قدامي لو نطقتي حرف واحد كمان انا مش عارف هعمل اي قدامي
اوركيد بخوف :حاضر حاضر
دلفوا لاسفل والقي السلام علي والدته
الام:صباح الخير ياحبيبي مش هتفطر
سيف: لا معلش هفطر في الموقع عشان اتاخرت النهارده
الام:ماشي ياحبيبي بالتوفيق
سيف: قدامي ياا يا فكريني بإسمك تاني كده
اوركيد : اي اوركيد
سيف : اممم يلا اسبقيني علي بره
اوركيد :تمام
سيف لامه: بقه كده ياماما
الام:سيف لو جرحتها او عملت اي حاجه للبنت انا ليه تصرف معاك
سيف ببرود:مش هتعامل معاها اصلا الا في حدود الشغل عن اذنك
الام:ربنا بهديك ياابني
اما بالخارخ عند اوركيد كان ذهنها مشتت لا تصدق الذي حدث منذ قليل افاقت علي صوته الساخر وهو يقول :الاميره تحب تاخد صوره من الزاويه دي
اوركيد:ها
سيف: اتفضلي وبلاش سرحان كتير فاهمه
اوركيد : حاضر
سيف:هي شكلها ايام فله يلا بينا اتاخرت بما فيه الكفايه
في موقع التصوير
َصل سيف واوركيد ولم يسلم سيف من المعجبات والصحافه ودخل بأعجوبه الكرڨان
كانت اوركيد تنتظره بالخارج الي ان جاءتها فتاه تتحدث بتكبر وتقول: انتي مين وازاي يسمحولك تدخلي هنا اكيد انتي شحاته ياامن تعالو خرجوا الزباله دي بره
اوركيد : لالا انتي فاهمه غلط انا مع الاستاذ سيف
لينا بإسمئزاز:وسيف هيعرف الأشكال د منين العبي غيرها ياامن
اوركيد :لالا ياااااسيف بيه ياااستاااذ سيف
كان سيف بالداخل يتحدث الي رنيم حتي سمع صوت نداء بالخارج
سيف: طب ياحبيبتي هرجع اكلمك تاني هشوف حاجه بس سلام ياقلبي
خرج سيف الي الخارج وجد لينا تسب اوركيد وتهينها والامن يحاولون اخراجهم وهي تنادي عليه
سيف :اي ال بيحصل هنا ده
لينا:متخفش ياسيف سوء تفاهم وانا اتصرفت سيبك
اوركيد ببكاء: استاذ سيف الحقني مصممين يطلعوني بره واتهموني ب اني شحاته
سيف بعصبيه: سبوها دي مديرة أعمالي
لينا بذهول: انت بتتكلم جد
سيف بلا مبالاه : مش محتاج ابرر لحد سبوهااا
الامن بإعتذار:احنا اسفين يافندم جدا لسوء التفاهم سامحينا
اوركيد بحزن: محصلش حاجه
سيف: بعد كده لو شوفت معامله زي دي لاي حد انا تصرفي مش هيعجبني مش ل اوركيد بس فاهمين
الأمن : فاهمين احنا اسفين ياانسه
اوركيد: مفيش حاجه
بعدما ذهب الامن نظر سيف ل لينا نظره حارقه وقاد بصوت عالي وغضب: انتي معندكيش احساس انتي ازاي تعاملي الناس كده
لينا بتكبر: والله و لما اشرف واحده معفنه زي دي اتلكم ازاي
سيف بعصبيه : لينااااا
لينا بلا مبالاه : انا ماشيه مش هقدر ابقي في مكان مفيهوش اكسجين هوووف
كانت اوركيد دموعها تأخذ مجراها علي وجنتها وتبكي بصمت
زفر سيف بعصبيه من هذه المغروه والتف لتلك التي تبكي نظر لها وهي تبكي بصمت ووجهها لاسفل
سيف: ارفعي راسك
طلت تبكي ولم تستمع له
اقترب منها ورفع ذقنها لاعلي وقال: انتي معملتيش اي حاجه عشان تنزلي راسك ارفعيها دايما راسك تفضل مرفوعه متسمحيش لاي حد مهما كان هو مين يهينك فاهمه
اجابته بشهقات: اناا.. اناااا
سيف:هشششش اهدي اهدي روحي اغسلي وشك وانسي ال حصل ومعتش هيتكرر تاني اوعدك مش هسمح لحد يكلمك كلمه خلاص بقه فكها بقه يانكدوو
اوركيد بإبتسامه : حاضر انا متشكره أوي يااستاذ سيف مش عارفه اقولك اي
سيف : ياستي متقوليش حاجه انتي زي رهف عندي وانا مرضاش لاختي تتحطط في الموقف الي اتحطيطي فيه واه عايزه اعتذرلك علي طريقتي الصبح اصل اي حاجه تيجي فجأه مش بحبها
اوركيد:مفيش حاجه حصلت ان شاء الله شغلي يعحب حضرتك
سيف بإبتسامه: ان شاء الله يلا
اوركيد :هو انا ممكن اقولك حاجه
سيف : قولي
اوركيد : حضرتك اخر واحد كنت اتخيل انك تعاملني كده
سيف : اشمعنا
اوركيد : يعني مشهور وكده كنت متوقعه معاملتك تبقي زي الانسه ال مشت من شويه
سيف: مش معني اني مشهور اني ابقي حيوان امشي اجرح في الناس بحجة اني هوووو انا سيف اصلان ال مفيش زيي اتنين ووو الي آخره انا في الاخر انسان وليه اخت وام وممكن يتعرضوا لاي موقف من المواقف دي وانا مرضاش ليهم كده فهمتي متاخديش بمعاملتي في التصوير بس انا بدي كل واحد علي قد معاملته مع الناس فهمتي ويلا ياانسه اتاخرت علي التصوير
اوركيد : شكرا جدا اه طبعا يلا
المخرج :يلا يااساتذه كله جاهز جاهز ياسيف
سيف:اه
المخرج :اجهز يامعتز يلا
معتز ببعض التكبر:باخد حقي زي مانجمنا اخد اكتر من حقه
لم يعيره سيف اي انتباه لما يقوله ونظر يمينا ويسارا وجد اوركيد تبتسم بتشجيع وهناك لمعه في عيونها لروئية ما سيحدث
ابتسم لها وعلي لمعة عيناها وكأنها طفله تنظر لابيها الذي يعمل عمل انساني وهي فخوره به قطع سيل تأمله بها معتز وهو يقول : انا جاهز
المخرج: تمام يلا كله جاااهز 321 اكشنننن
سامر بعصبيه: لو لمست منها شعره مش هيكفيني روحك فاااهم
عاصم:هه بتحلم حبيتك بقت بتاعتي خلاص مش كده ياحلوه
سما: الحقني ياسامر
سامر بحنان:متخفيش ياحبيبتي مش هيقدر يلمس منك شعره
عاصم: انت بوق وبس
سامر : انا هوريك من ال بوق امسكه من تلابيبه وظل يضرب به ولكن امسك مسدسه ووجهه نحوه وقال: هخلص منك واخد منك كل حاجه
ضرب عاصم علي سامر طلقه توجهت لقلبه فورا ووقع والدماء تسيل منه
كانت اوركيد تشاهد هذا المشهد وعندما وجدت سيف وقع علي الارض في دماءه نست انه مشهد تمثيلي وتوجهت الي مسرعه واقتحمت التصوير وقالت بعلو صوتها: سييييف سييبف حبيبي قوم سييبف لالا هاتوووو دكتور
رجل من وراء الكاميرا : اي ال بيحصل ده
المخرج :هششش استني خليها تكمل محدش يتحرك من مكانه كل يثبت خليها تكمل متتحركش ياسيف
الرجل:بس
المخرج :قلت اسكت انت هتعلمني شغلي
اوركيد ببكاء: سيف قووم ياحبيبي عمل فيك الكلب الحيوان ده سيييف ذهبت بإتجاه معتز وبكل غل صفعته كف دوي صوته بانحاء المكان قالت بصريخ: انت انت قتلت حبيبي انا مش هسيبك ياحيوان هقتلك بنفس المسدس
اتجهت الي المسدس: وظلت تضربه كثيرا ولكنه لا يؤثر عليه ذهبت مره اخري بإتجاهه كي تضريه مره اخري
معتز بعضب وهو وهو يرفع يده عليها :انتي اتجنن....
امسكه سيف من زراعيه وقال : اياك
اوركيد بدون وعي: سيف سيف انت كويس
استغلت لينا شرودها وقامت بدفشها بغل حتي وقعت علي رأسها ورأسها نزف
سيف بزعر: اوركيييد.....