رواية العاشق المغرور الفصل الاول1والثاني2 بقلم حنان احمد ماهر
روايه العاشق المغرور
بقلم حنان احمد ماهر
الفصل الاول1والثاني2
نبدأ حكاياتنا بسم الله ونصلى على نبينا محمد صلى الله عليه وسلم
كان راكب سيارته الفاخره تليفونه رن عليه رقم صديقه المقرب وكان عنيه على التليفون بتاعه وماخدش باله أن الإشارة أتقفلت
فى نفس الوقت بطلتنا كانت بتعدى الطريق وبطلنا منتبهش غير فى اخر لحظه داس فرامر ولكن للأسف خبطها
نزل جرى عليها لقه رأسها بتنزف شلها وحطها فى عربيته واخدها وجرى لاقرب مستشفى وصل بطلنا ونزل بسرعه وشلها ودخل يصرخ ويقولهم سعدونى الحقوها بسرعه
جريو عليه الممرضين بالترولى واخدو بطلتنا منه ودخلوا بيها غرفة الطوارئ
نتعرف على ابطالنا
ذياد الطحاوى 29 سنه متخرجه من كلية إدارة الأعمال شاب قليل يتقال عليه وسيم جميل لدرجه البنات مش بتقدر تشيل عنيها من عليه من شدت وسمته وده بيخليه مغرور جدا ومش اى بنت تعجبه على شان كده مرتبطش
لاحد دلوقتي.
أما بطلتنا واللى اسمها نجمه هى فتاه جملها عادى ولكن جمال روحها طاغى هى ملتزمه ومحجبه الحجاب الشرعي اللى أمر بيه الله هى فى كلية العلوم السنه الرابعه
اما بقى ابطالنا نتعرف عليهم فى الرواية
فاق عل صوت الدكتور وهو بيقول انت تابع الحاله اللى جوه
رد ذياد ، ايوه يادكتور طمنى هى عمله ايه
الدكتور ، خبطه فى الرأس من الخلف اخذت خمس غرز عملنا اشاعه على الرأس ليكون فى نزيف على المخ بس الحمد لله كويسه بس رجليها اتجبست من الفخد لاسفل القدم
اتنهد ذياد أنها كويسه على شان ميروحش فدهيا
كمل الدكتور وقال أنا لازم اتصل بالشرطه على شان تيجى تحقق على شان دى حادثه
قلق ذياد وتوتر وقال للدكتور بقلق . طيب استنا لما تسأل المريضة
بصله اوى الدكتور وقاله انت مش عارف الانسه اللى جوه
رد ذياد ، لا معرفهاش وكمل بأسف أنا اللى خبطها بعربيتى
بصله الدكتور بتعاطف . ضميرى المهنى يخلينى ابلغ أنا اسف وسابه وميش
جلس ذياد على اقرب كرسي وهو قلقان هيدخل فى سين وجيم وهو رجل اعمال مشهور ووالده مش هيسكت وممكن يضغت عليه فى جوزته من بنت شريكه وهو مش بيطقها فاق من سرحانه على الممرض وهو بيقاله المريضة كلها نصف ساعة وتفوق
دخل ذياد على نجمه ولقاها نيمه جلس جنبها وهو بيسأل نفسه يتراى هتعملى ايه معايا
بدقت تفوق نجمه وتفتح عنيها براحه وهى حسه بالم فى رأسها بتبص لقت ذياد جمبيها ورغم جماله بس هى مركزتش فيه وعماله تبص حوليها سالته
نجمه ، انت مين أنا فين اه اه
ذياد ، أهدى حسه بأيه انادى الدكتور
نجمه ، أنا فين
ذياد ،انت فى المستشفى
نجمه ايه اللى جبنى هنا
ذياد ، أنا اسف خبطك غصب عني بسى شوفى التعويض اللى يريحك وانا تحت امرك بصراحه الدكتور بلغ الشرطه وأنا رجل اعمال وحاجه ذى دى هضر أسمى
بصتلو نجمه والباب خبط دخل الدكتور وسألها ، ها عمله ايه دلوقتي
ردت نجمه ،الحمد لله يادكتور بس حسه بالم فى راسى مش قادر استحمله
الدكتور تمام أنا هكتبلك على مسكن هتخديه دلوقتي وهتبقى كويسه
نجمه ،تمام يادكتور شكراً
الدكتور ، أنا بلغت الشرطه لانك جايه فى حادث الظابط بره على شان ياخد أقوالك
نجمه ،تمام يادكتور خليه يتفضل
ذياد كان وقف على أعصابه ومش عارف هى هتقول ايه
الظابط دخل ،مساء الخير معاكى الظابط محمد المهدى
الف سلامه عليكى عمله ايه دلوقت
ردت نجمه بابتسامة رقيقه بص ليها ذياد اوى وخطفته ابسمتها للاحظه
ردت نجمه ،الحمد لله حضرتك أنا بخير
الظابط ،عال طيب احكيلى ايه اللى حصل
بصت نجمه لذياد اللى اتوتر
نجمه مفيش حضرتك أنا كنت بعدى الطريق فى أمن الله اتفجات أن عربيه خبطيتى وجريت
الظابط ، جريت اذاى الدكتور بيقول أن الشاب اللى خبطك هو اللى واقف جامبك
نجمه ، لا حضرتك اللى خبطنى جرى أما الشاب اللى جابنى كتر خيره لقانى مرميه على الأرض اخدنى في عربيته وجبنى على المستشفى
الظابط ، طيب شفتى رقم العربية
ردت نجمه وهى بتضحك ، لا أصل كنت مخبوطه مش فضيه
ضحك الظابط على هزار نجمه وقلها طيب ياسيتى حمد لله على السلامه وسبهم وخرج
ذياد أنا متشكر جدا على تفهمك لوضعى انا تحت امرك فى اى طلب
نجمه بصته وهى مبتسمه وقالت . عايزه تليفونك
بصلها ذياد بضيق وقال وهو متعصب. أنا مابديش تليفونى لحد
بصتله نجمه باستغراب ومضيقه فى نفس الوقت
كمل ذياد انا مليش فى الصحبيه ولو هصاحب مابحبش النوع اللى بيترامى عليه
ردت نجمه بغضب وقالت . انت بتقول ايه صحبيه ايه احترم نفسك أنا مش مالبنات دى انت فهمت ايه اصلا
انا كنت عايزه اكلم اى حد من أهلى على العموم مش عايزه حاجه اتفضل انت أمش وانا هتصرف ملهوش لزمه وجودك هنا
ذياد كان حرفيا حاسس أنه مدلوق عليه مايه سقعه فهمها غلط واول مره فى حياته وحده تكلمه بالطريقة دى
ذياد . احم أنا اسف اصل كتير اوى بنات بيطلبو رقم تليفونى
تغاظت نجمه وقالت لنفسها مغرور .تمام حصل خير حضرتك ممكن تتفضل وشكراً انك جبتنى على المستشفى ومسبتنيش مرميه فى الشارع
ذياد استغرابها اوى بتشكره بدل ما تبهدله
ذياد . بشكرينى ايه بس انتى ليكى حق عندى انا السبب في اللى انتى فيه
نجمه بصدق . انا وحده مؤمنة بالابتلاء والحمد لله ربنا نجانى
استغرابها ذياد اوى اد ايه انسانه جميله ومتادينه
ذياد . طيب ياستى اتفضلى التليفون وكلمى اللى انت عيزاه
نجمه بطفوله . لا خلاص مش عايزه منك حاجه لتقول عايزه رقمك
ذياد ضحك على طريقتها. لا ياستى متخافيش مش هقول كده انا اللى ليه الشرف انى اخد رقمك
نجمه باندفاع وحده. لا طبعا أنا مش بدى رقمى لحد
اخدت نجمه التليفون على شان تكلم ولدتها
وذياد بيبص عليها بإعجاب انسانه مؤدبه وبريئه وجميله
فاق وهى بتكلم ولدتها
نجمه . متقلقيش ياماما أنا كويس هديكى الاستاذ اللى جبنى وهو هيقولك العنوان
اخد ذياد التليفون وسلم على ولدتها واداها العنوان وقفل معاها
ذياد . استاذ شيفانى فى مدرسه
نجمه بطفوله . وعيزنى اقولك ايه إن شاء الله كابتن
ذياد . كابتن لا دا انت حكايه انتى معاكى كليه ايه
نجمه وبتشاور على نفسها . أنا وبلا فخر اخر سنه فى كليه العلوم والاوله كل سنه على دفعتى
ذياد مشدود للكلام معاها وحب يغظها .الاولى اه ماهو باين باكبتن
نجمه .بصتلو بغيظ وكملت بطفوله. اه الاولى وكمان أن شاء الله هبقى معيده اد الدنيا وطلعتلو لسانها
ذياد ضحك جامد من قلبه وكأن مضحكش بالشكل ده قبل كده
نجمه .بصتلو باستغراب ورغم أن ضحكتو خطفتها بس هى فاقت لنفسها وستغفرت ربها لأن مينفعش وحرام لازم غض البصر
نجمه .انت بتضحك كده ليه هو انا قولت حاجه تضحك
ذياد لا ابدا ياستى إن شاء الله هتبقى معيده اد الدنيا
على العموم أنا هنزل اجيب اى حاجه تتاكل
نجمه لا لا متتعبش نفس انت ممكن تمشي وانا ماما زمانها جايه
ذياد . لا طبعا أنا لازم اطمن عليكى لحد ما تخرجى من المستشفى وتروحى بالسلامه
نجمه . لا خلاص انا الحمد لله كويس انت أمشي شوف مصلحك وبعد كده تبقى تركز فى الطريق
ذياد استغرابها اوى كان ممكن تستغل الموقف وتقرب منه أو تطلب مبلغ على شان تتنازل على المحضر فاق على دخول ولدتها و ............
الفصل الثاني
روايه العاشق المغرور
بقلم حنان أحمد ماهر
دخلت ولدت نجمه ومعاها عمتها
عمت نجمه واسمها سماح اتكلمت بلهفه مصتانعه . نجمه حبيبتي الف سلامه ياقلب عمتك ده حسن خطيبك هيجنن وكان عايز يجى بس انا قولتله بلاش لحسن يخصمه منك فى الشغل ومتقلقيش أنا هطمنك وكده أو كده فرحكم يوم الخميس الجاي
استغرب ذياد من كلام الست دى وقال فى نفسه هو فضل الشغل عن خطبته فيه كده انسان غريب
ردت نجمه بضيق . بس ازاى ياعمتى الكلام ده فرح ايه بشكلى ده
سماح بتصنع . متخافيش ياحبيبتي حسن هيرعيكى وهياخد بالو منك
فكرت نجمه بسرعه وبتمثيل . ياحبيبتي ياعمتى رغم اللى عرفتو عن حالتى وانى اتشاليت متخلتيش انت وحسن عنى
سماح بخضه وقامت وقفت . ايه الكلام ده يانجمه يابنتى
وفي نفس الوقت ذياد باصص ليها بذهول
نجمه بتمثل العياط وبتغمز لذياد . اه ياعمتى تخيلى انى بقت مشلولة خلاص مبقاش ينفع أمش على رجلى تانى
بس فى فرصه انى اعمل عماليه وفرصه نجاحها 10فى الميه وتكلفتها مليون ونصف
شهقت سماح وضربت اديها على صدرها . وقالت يانصبتى ياعنى ايه الكلام ده
نجمه وبتمثل الحزن . ايوه ياعمتى أنا هطلب من بابا يبيع البيت والمحلات بتاعته على شان العمليه ومادام حسن هيبقى جوزى يبقى يدفع الباقى واسافر واجرب حظى يمكن تنجح وقف على رجل تانى
حتى اسالى الدكتور جنبى اهو وغمزت لذياد تانى
رد ذياد بسرعه وقالها. فعلا هى محتاجه عمليه ويتنجح يامتنجحش
ردت نجمه . بس انا مبسوته انك هتبقى معايه ياعمتى ومش هتسبينى لواحد اكيد حسن مش هيقدر يشلنى لوحده ويرعينى يعنى انتى اللى هتغيرلى وهدخلينى الحمام
وتلبسينى البامبرز
هنا ذياد كتم ضحكته بالعافيه
عمت نجمه بحده وغيظ. وليه أنه إن شاء الله وامك راحت فين
نجمه . ميصحش ياعمتى لانى هكون فى بيتك بعد ما اتجوز حسن
سماح . لا ياحبيبتي مافيش جواز انتى متنفعيش لحاجه عايزه تجوزى ابنى وتميلو بخته وكمان هتبيعى أملاك ابوكى على شان العملية ياتنجاح يا لا
لا ياحبيبتي انسى جوازك من ابنى خالص وحمدلله على سلامتك وسبتهم وخرجت
كان ذياد متفأج هو ومامت نجمه
أما نجمه كانت بتضحك وفرحانه أنها خلصت منهم ومش هتجوز البنى ادم السايل ده
هدى ودى مامت نجمه . يالهوى على دى وليه وطيه صحيح وجريت على بنتها قلتلها ايه الكلام اللى بتقوليه ده يابنتى صحيح انتى وسكتت ومش قادره تكمل
نجمه . ماما حبيبتي متقلقيش أنا كويسه وزى الفل وده كسر عادى شهر وهفكه
هدى . طيب ليه قولتى كده
نجمه بضيق.علشان اخلص من الجوازه الهم دى بابا مصمم يجوزنى إبن اختو ومش شايف أن كل اللى همامهم أن يخدو كل فلوسه واديكى شفتى اول ماقلت انى هعمل عمليه وهبيع أملاك بابا كل حاجه بانت على أصلها ارجوكى ياماما اوعى تقولى لبابا انى كويسه لغايط لما يكتشف بنفسه اد ايه هما مش كويسين
هدى . ماتقلقيش ياحبيبتي أنا اصل رفضه النسب ده متقلقيش
كل ده وسط أنظار ذياد
هدى قربت من نجمه . بصت على ذياد وسالت نجمه مين الخواجه ده يابنتى
نجمه ده استاذ ذياد اللى خبطنى بس انا فرحنه باللى حصل ده على شان اخلص من عمتى وابنها
ذياد بيسلم على مامت نجمه أنا اسف ياطنط صدقينى ماكنتش اقصد
هدى وهى معجبه سرحانه بيه وبتتخيلو عريس بنتها شاب طول بعرض وقمر
نجمه هزت أمها هى عارفه هى بتفكر فى ايه . ماما ذياد
بيكلمك
فاقت هدى من سرحنها . ها اه خير ياحبيبى الحمد لله انها جت على اد كده
ذياد . انا مطر امشى دلوقتي عندى مشوار مهم اعمله وهرجع تانى
هدى بابتسامة . بالسلامه ياحبيبى ربنا يحفظك
ذياد بابتسامه ممثله . شكرا ياطنط وستاذن وخرج وهو خارج بص على نجمه وغمزلها
نجمه اصدمت من الحركه دى ووشها جاب الوان
ذياد ركب عربيته وهو فى الطريق رن موبايله برقم صديقه نور
نور . انت فين يابنى الاجتماع هيبدء كلها 10دقايق وسيتك لسه موصلتش
ذياد. أنا جى خلاص قربت اوصل
نور . وايه اللى اخر سيتك كده كل ده بسبب سهراتك يابنى ارحم نفسك صحتك ياحبيبي
ذياد بضحك . يابنى انت عارف كويس أنها سهرات بريئه و انى مليش فى الحرام
نور . ولما هى بريئه مبوظ سمعتك ليه ده ابوك قرب ينشل منك ياخى ومفكرك مقطع السمكه وديلها وحلف لهيجوزك بنت شريكه اكمل بيه
ذياد . ما ده سبب من الأسباب انى بعمل كده جايز اللزقه اللى اسمها نيفين تفكها منى لما تعرف انى بتاع بنات
نور . طيب انت كنت بايت فين امبارح
ذياد . لا دى قصه كبيره لما اجى الشركه هحكهالك تمام يا صاحبي وقفل معه
وصل الشركه وجلس مع المستثمرين بعد ما خلص الاجتماع ناداه أبوه وقاله يحصله على المكتب
راح ذياد على مكتب أبوه اللى هو اسمه خالد الغمرى
خالد . انت كنت بايت بره البيت فين ياستاذ
ذياد . ابدا يابابا كنت مع جماعه أصحابى والسهره طولت وتاخرت عندهم ومقدرتش ارجع
خالد بغضب وبيخبط على المكتب. انت هتبطل استهتار أمتى فهمنى
ذياد بنفس الغضب قام وقف قال. أظن أنى كبير كفايه وعرف اعيش حياتي بالطريقة اللى عايزها
وبعدين أنا مدخلتش فى حياتك لما روحت وتجوزت على امى وحده من دور ولادك
خالد حاول يتحكم فى غضبه . اسمع لما اقولك انت خطبتك على نيفين الخميس الجاي
ذياد قام اتنفض وتكلم بغضب . أنسى حياتى مش على كيفك وسابه وخرج من المكتب لقه الموظفين وقفين بيبصه عليه زعق فيهم كل واحد على مكتبه ودخل مكتبه ودخل وراه نور صديقه
نور . أهدى يابن هى يعنى اول مره
ذياد . انا مش عارف هو بيعمل فيه كده ليه مش كفايه أن جاب لامى وحده من دور ولاده وتجوزها لا ومكفهوش ومقعدها معها
انا كل يوم اشوف القهر على وشها ومش قادر اعمل حاجه
لا وهى سلبية ولما قولها نمشي تقولى مينفعش نسيب ابوك لوحده لازم نكون جنبه
انا مش فاهم تفكيرها أنا على شان خطرها مستحمل أن أكون معه
نور . طيب أهدى كده وروق وكل حاجه هتتحل أن شاء الله بس قولى انت كنت فين امبارح اول مره تبات بره
ذياد حاكله كل حاجه عن الحادثه ونجمه
نور . معقول فى كده لو واحده غيرها كانت مسبيتش حقها
يسجنتك يطلبت تعويض
سرح ذياد وفتكر طريقه كلامها. هى فعلا مختلفة ومحترمه وطفله جدا
نور وهو بيحط أيده على خده وبيتنهد . وبعدين
فاق ذياد وتعديل فى قعدته وتكلم بجديه . وبعدين تاخد
بعضك وتروح مكتبك على شان ورايه شغل
قام نور وتحرك على شان يخرج . ماشى يا صاحبي لينا
قاعده
ذياد خلص شغله وعده على مكتب نور وقاله إنه هيروح لنجمه على المستشفى على شان يطمن عليها
وصل ذياد المستشفى وقبل ما يخبط على الباب سمع زعيق
نجمه بدموع . حرام عليك يابابا أنا مبحبوش انت بتعمل فيه كده ليه
والد نجمه واللى اسمه ابرهيم
ابرهيم بغضب . أنا كلمتى اللى هتمشى هتجوزيه ورجلك فوق رقبتك
نجمه بستعطاف . انت عمرك مكنت قاسى عليه بالشكل ده يا بابا ليه كده
ابرهيم بهدوء شويه . يابنتى أنا اضرا بمصلحتك حسن هو اللى هيحافظ عليكى ده من لحمك وانا مش هعايشلك العمر كله
نجمه بغضب . يحافظ على مين يابابا ده طمعان فيك هو وعمتى ده اول واحد هيرمينى فى الشارع ابوس ايدك ارحمنى
ابرهيم. اوعى يكون دخل على عمتك الفلم الهابط اللى عملتيه معاها اعملى حسابك كتب كتابك يوم الخميس خلاصنا وسبها وخرج
نجمه انهارت أما عند ذياد اول ماحس أن أبوها خارج بعد عن الباب ولما اتاكد أنه مشى من المستشفى رجع ودخل عند نجمه وشاف انهيارها جرى على الدكتور
الدكتور ادها حقنه مهدأه ونامت
فضل قاعد جنبها وعمل يفكر هو ليه اتقصر اوى كده بدمعها وعايز يساعدها
نجمه بدأت تفوق وبتفتح عنيها بشويش لقته ذياد قدمها قعدت تبصله من غير رد فعل
ذياد . عمله ايه دلوقتي بقيتى أحسن
نجمه . الحمد لله انت جيت ليه
ذياد . مش عيزانى اجى
نجمه . مقصدش بس يعنى خلاص انا بقيت كويسه فوجودك ملهوش لزمه
ذياد . طيب ياستى متشكر ممكن تقوليلى ايه وصلك للانهيار بالشكل ده
نجمه . لا ابدا أنا كويسه
ذياد . على فكره انا سمعتك وانت بتكلمى مع ولدك وعندى الحل
نجمه عنيها لمعت. بجد هتعمل ايه هتخطفه وتوديه اخر نقطه فى الارض وتكون غابه مليانه بالحيوانات المفترسة ويفضل خايف ويهرب منهم ومش عارف يعمل ايه وينتحر ونخلص منه صح
ذياد مش قادر يمسك نفسه من الضحك. اده ايه البنت ديه
بتقدر تخرجه عن العالم كله بضغطاته
ذياد بضحك. لا مش هخطفه هتجوزك
نجمه بصدمه . نعم ياخويه هو انا اخلص من واحد يجيلى التانى
ذياد . التفاجىء بردها
هو انتى بتشبهينى بيه بوسمتى وجمالى وانى رجل اعمال مشهور والبنات هتموت عليه
نجمه . على فكره انت مغرور اوى ده من تواضع لله رفعه
ذياد . ده مش غرور دى ثقه على العموم جوزنا هيكون على الورق بس متقلقيش
نجمه . هو انت هتعمل كده ليه وعايز تساعدنى اكيد مش لله
وللوطن
ذياد . السبب الأول انك مرفعتيش قضية ضدى وانا استجتعتك ثانيا أنا كمان محتاجك تقفى جنبى لأن ولدى أنا كمان عايزنى اتجور غصب
نجمه . بس انا مقدرش اكسر بابا واتجوز من وراه
ذياد باستغراب. يعنى تجوزى واحد مبتحبهوش ودمري مستقبلك عادى
نجمه . بابا بيعمل كده من دافع الحب أنا مقدرش اكون السبب فى كسرته
ذياد اعجب بيها وبحترمها وتربيتها .
متقلقيش ياستى أنا هخلى ولدك نفسه هو اللى يجوزنا
نجمه .باستغراب و. هتعملها ازى على كده
ذياد . متستهونيش براجل جميل ذى
نجمه . مغرور
و ...........