رواية حب بنت الشوارع (حياه الصقر) 12
الفصل الثانى والثالث عشر
بقلم ملك اسامه
حياه أخدت نفس طويل و دخلت المكان و كل الذكريات بتهاجمها ذكريات طفولتها في المكان دا ألتفت قدامها و كانت الريسه قاعده.»
حياه بجمود: عيزاكي
الريسه: كنت مستنياكي
الريسه قامت و حياه وراها دخلوا أوضة و قعدوا قصاد بعض.»
حياه: أحكي اللي عندك
الريسه بزهق و هي بتحرك إيدها: فلوس
حياه فتحت شنطتها و طلعت فلوس كان صقر مديهالها لو احتاجتها.»
حياه:أحكي
الريسه:زمان كنت بشتغل في كباريه يحيي الدسوقي كان بييجي الكباريه شافني حبني و أتجوزني من ورا أبوه خلفنا
عمار قعدنا خمس سنين و بعد كدا عرفت إني حامل فيكي كنت هقوله بس لقيته في نفس اليوم طلقني و أخد عمار
رجعت لشغل الكباريه تاني و عشان أنتي متعرفيش إني أمك كنت بحطك مع البنات بتوع الكباريه
حياه بخنقه:و أنتي أيش عرفك أنه أبويا!!أنتي كنتي شغاله في كباريه يعني دا شغلك
الريسه:شغاله في كباريه آه لكن حد يلمسني لا كان آخري ضحكة رقصة غير كدا لا
حياه:ليه خبيتي أنك أمي!!
الريسه:كنت هعيشك إزاي!!أنا معيشه نفسي بالعافيه و مش حمل حد تاني
حياه بصتلها بقرف و أخدت شنطتها و كانت هتطلع بس وقفت::عارفة كنت جايه و أتمني إن الكلام دا يبقي كدب و
إنك مش أمي كنت فاكره إنك بتضحكي عليهم بالكام كلمه دول مكنتش أتمني أمي تبقي بالقذارة دي
الريسه بصتلها و كانت في لحظه هتندم لكن بصت للفلوس و بدأت تعدهم حياه بصتلها بوجع و طلعت ركبت تاكسي و
وصلت قدام بيت صقر حاسبت التاكسي و نزلت أول ما دخلت صقر جري عليها و هي ما صدقت تلاقي الأمان و بدأت تعيط
بدأت تعيط و هي بتفتكر من بداية حياتها لحد دلوقتي من وقت ما كانت بتتحايل علي الريسه إنها تعرف أمها و الريسه
كانت بترفض لحد دلوقتي لما عرفت إن الريسه هي نفسها أمها هي نفس الست اللي كانت بتوجعها هي أمها نفس الست اللي كانت بتكسرها و تضربها هي أمها..!
حياه فضلت في حضن صقر بتعيط بحرقه مش عايزة تسيبه أو مش قادرة.»
صقر حس بيها بتترخي بين إيده شالها و تطلع علي أوضتها و أبوه طلب الدكتور.»
الدكتور جه و صقر أخده يكشف عليها و ناهد معاها و هو خرج..
الدكتور:إنهيار عصبي نتيجة تعرضها لصدمة
صقر:كل دا سبب أمها كله بسببها هي السبب
صقر دخلها أوضتها و قعد جمبها و بدأ يلعب في شعرها
*في ڤيلا عمار*
عمار علي الموبايل: أمم يعني خرجت لوحدها من غير سواق طيب حلو المره الجاية أول ما تخرج من غير سواق تكلمني علطول
خلص كلام و رمي الموبايل جمبه و قال:يا أنا يا أنت يا صقر يا صفتي زي ما حرقت قلبي علي أبويا هحرقلك قلبك علي حبيبتك
*عند صقر *
حياه فتحت عينها و صقر أبتسملها بيطمنها مسكت إيده و اتكلمت بتوهان:أنا عايزة أهلي
صقر بوجع:حاضر يا عيوني حاضر أنتي بس قومي بالسلامه و هتروحيلهم حاضر
باس رأسها و أتنهد بأسي و هي غمضت عينها بأرتياح و نامت تاني.»
*تاني يوم *
حياه صحيت و كان صقر حاطط رأسه علي المخده و باقي جسمه في الأرض و نايم أبتسمت و قامت من جمبه أخدت هدومها و دخلت أخدت دش و لبست طلعت كان صقر لسه
نايم بصتله كتير بعد كدا أخدت شنطتها و نزلت و لحسن حظها محدش كان صاحي ركبت تاكسي بعد ما رفضت الحراسه و السواق.»
*ڤيلا عمار*
عمار و هو بيتعدل في نومه:حلو أقطع عليهم الطريق و خدها علي المخزن و متعملوش حاجه غير لما أنا أجي
خلص كلامه و قام لبس و نزل كانت مرات أبوه تحت و بتأكل أبوه سلم عليها و باس رأس أبوه و مشي.»
*عند صقر*
صحي و اتجنن لما ملقاش حياه موجوده و دور عليها ملقهاش طلع عند الحراس و أتجنن أكتر لما عرف إنها خرجت و ركب عربيته و بدأ يتصل بيها.»
في نفس الوقت كانت رجالة عمار قطعوا الطريق علي التاكسي اللي راكبه فيه حياه و طلعوا منه حياه و خدروها و أخدوها و موتوا صاحب التاكسي و مشيوا بحياه.»
عمار وصل المخزن و فتح موبايله و دخل شافها و هي متربطه بالحبل و ابتسم و اتصل علي صقر اللي رد من أول مره كأنه مستني خبر منها حتي لو من عدوه.»
عمار بضحك:مستعد تشوف حبيبت القلب و أنا بتعدي عليها!!
صقر بزعيق:لاا يا عماار أوعي عماار دي قبل ما تكون حبيبتي دي أختك يا غبي
حب بنت الشوارع (حياه الصقر) 13
الفصل الثالث
عمار بتريقة:أوووه بجد أختي!! و اختي دي عمل شيطاني ولا إيه
صقر بتعب:عماار وحياة أغلي حاجه عندك متعملش كداا
عمار:أغلي حاجه عندي أنت دمرتها يا صقر
صقر:مش أنا السبب و الله ما انا والله
عمار:أومال مين
صقر:قولي بس مكانك عشان خاطري يا عمار لو لسه صحوبيتنا مهمه عندك
عمار غمض عينه بوجع و أتنهد:المخزن القديم هستناك مش هعمل فيها حاجه لحد ما تيجي
صقر قفل الموبايل و أتنهد براحه و غير مسار الطريق للمخزن القديم و زود السرعة
*عند عمار*
شئ جواه مصدق صقر و أنه مش السبب في شلل ابوه و شئ جواه بيقول لا لو مش هو يبقي مين السبب!!
اتنهد و قام فتح الباب بتاع أوضة حياه و كانت حياه صحيت و أول ما الباب أتفتح أتفزعت.
عمار:أهدي أهدي أنا مش هعملك حاجه صقر جاي دلوقتي
حياه بصتله بأستغراب و في نفس الوقت قلبها بيدق بعنف
عمار دقق في ملامحها و أخد باله إن عيونها نفس عيونه نفس الغمازات و واخده من ملامحه أستغرب معقول!!طب إزاي!!
حياه بخوف:صقر جاي!!طب أنت مين و هو جاي إزاي!!
عمار أتنهد:لما ييجي هتفهمي
قفل الباب و سابها في الاوضه و هي كانت نوعآ ما أرتاحت.
*عند صقر*
كان وصل قدام المخزن و نزل بسرعه و دخل
صقر أول ما شاف عمار قاعد:هي فين!!
عمار شاورله علي أوضة و هو جري فتحها و أول ما لمح حياه جري عليها حضنها..
عمار بصلهم و أستغرب نفسه ليه مش عايزه يحضنها!!
عمار:مش هتحكي ولا إيه ولا أنا جايبك هنا تحضن!!
صقر هز رأسه و بعد عن حياه
صقر:قبل أي حاجه حياه تبقي أختك
عمار:أنا مش جاي أحكي عن اختي و مش أختي أنا عايز أسمع حكاية أبويااا
صقر:أبوكواا يا عمار مش ابوك بس أبوكواا
عمار بنفاذ صبر:هتحكي ولا لا!!
صقر:هحكي حاضر
صقر أتنهد و بدأ يحكي:لما سافرت أنا كنت بأخد بالي من أبوك زي ما قولت و في يوم مرات أبوك دي جت الشركة بتاعت ابوك
تشتغل سكرتيرة ابوك وافق و بعد وقت أتفاجئ بيه بيتجوزها طبعآ متكلمتش و سكت لأني مليش حق المهم بعد شهرين من جوازهم رن عليا باليل و قالي بالحرف كدا "الزباالة بتخوني يا
صقر هقتلها"و بعد كدا الخط فصل طبعآ أنا قلقت روحت علي البيت و لاقيته مرمي في الأرض في أوضته كنت لسه هساعده
أضربت علي رأسي و صحيت زي ما أنت لاقتنا أنا و مرات أبوك و أبوك زي ما شوفته كان مش بيتحرك مش بسببي لا دا بسبب الضربة اللي أخدها علي ضهره وقتها أنت حللت كل دا أنا اللي عملته و مستنتش تسمع
عمار بصدمة:إيه اللي بتقوله دا؟؟
صقر:دي الحقيقة مرات أبوك هي السبب وانا قولتلك متثقش فيها بس أنت مسمعتش كلامي
عمار:و اللي يثبت!!
صقر:هثبتلك
صقر طلع من جيبه موبايله و فتحه علي ڤيديو
عمار:مين دا!!
صقر:عشيق مرات ابوك بيعترف باللي عملوه
عمار بيسمع و قلبه مصدق..مصدق صاحبه و حياته و عشرة عمره..مصدق كل كلمة بتتقال
عمار بدموع:وأنت ليه متكلمتش طول السنين دي!
صقر:عشان أنت كنت مصدق يا عمار مصدق إني أعمل كدا و آه خد بالك من مرات أبوك الأيام دي عشان اللي متأكد منه إنها بتحط لأبوك أدوية تخليه كدا زي ما هو
عمار بتوهان:أعمل إيه!!
صقر بصله جامد:تقوم تقفلها في وشها يا عمار و تطردها برا بيتك و تصلح اللي عملته
عمار بصله و قام حضنه:أنا أسف
صقر حضنه و بعد كدا بعد:اللي يستاهل الأسف مش أنا أختك هي اللي تستاهل يا عمار أختك اللي عاشت عمرها كله من غيركوا
عمار بصله و بص لحياة:أختي ازاي!!
صقر بدأ يحكي كل اللي حصل و منها عمار ربط بين كلام أبوه لما يسأله عن مامته و بين كلام حياه و قلبه مقتنع بكده و عينه لكن عقله...عقله محتاج إثبات أكبر
عمار:هنعمل تحليل
صقر:أكيد ولو عاوز دلوقتي كمان
عمار:يلا
طلعوا التلاتة من المخزن و راحوا معمل تحاليل و عملوا التحليل و النتيجة بعد يومين عمار مرضاش يأخد حياه معاه
غير لما يمشي مرات ابوه من البيت و روحها مع صقر و روح هو علي بيته طلع أوضة أبوه و ملقهوش موجود دخل أوضته
و كمان مش موجود ولا مرات ابوه ولا أبوه موجودين و كمان لأن مفيش خدم فمحدش هيعرف هما فين نزل المطبخ و هنا أتسمر مكانه و هو شايف أبوه واقع علي الأرض و مش بيتحرك...