#اليتيمه وابن البصره
#بقلم هديل احمد
الفصل الثلاثون والواحد والثانى والثلاثوت
الچانت أظفرها اذا مَكسور تِبچي !
هسه مَتكسر گلبها ..🖤
.....................
نارين: رنا ابوي ماميت صح
رنا: الله يرحمه كلبي تره ارتاح والله
نارين: وكفت واتوجهت لغرفه ابوي جان مقفول. . بويه افتح الباب ليش تكسر ضهري يلا بابا اطلع وكول انه ماميت ريح كلبي بويه
رنا: رحت وراها جانت واكفه ع باب غرفه ابوها اجن عماتها وكفن يمها ..نارين عمري راح لدار حقه كل واحد ويومه
سحر: اااخ ولك خويه بنتك راح تروح من ايدنه
نارين: عمه ليش الباب مقفول ابوي جوه مو هوا كال كعديني هوا كال مااعوفج هسه يتاخر لان ماكعدته يلا بابا افتح الباب
سمر: بنتي انه قفلت الباب وهذا المفتاح 😭
نارين: اخذت المفتاح من عمتي فتحت الباب وكمت ادور عبالك مضيعه شي اي ضيعت ابوي ..رنا ابوي جاي يسبح لان عنده شغل مو ولكم كولو. ابوج عايش ولكم لييش محد يريح كلبي
رنا: طلعناها من الغرفه وكعدت يمها بالصاله يم النساوين. نارين ضلت صافنه كل شويه تصرخ وتكول ابوي بعده عايش ..الدنيا صار مغرب وصار اذان المغرب الكل كام يصلي كامت نارين كتلها وين ..
نارين: احضر عشه لابوي
رنا: انه عبالي تريد تحضر حته اتطلع ثواب اله بس صدمتني من كالت
نارين: شو مااجا ابوي حته الاكل برد
رنا: 😤 اووف عمري ناريني استوعبي ابوج راح وداعتج من يشوفج ينقهر انه هم من ابوي مات سويت اكثر منج ولج احمدي ربج عندج اهل عندج عمام يحبونج ولد عم يحبونج
عندج ام اخ اخت ولج انه اتحسر ع عم بس يكلي شبيج ولج انتي عمامج يهدون بيج ماتهدين تره هذا حكم ربج مو بيدنه الديصير يعني لو البجي واللطم يرجع الميت جان ضلينا نبجي
ونلطم حته يرجعون الي نحبهم وداعتج ربج رحيم ابوج ارتاح من المشاكل وهل اكل طلعي ثواب اله
نارين: من رنا حجت وياي شوي ارتاحيت... ولج هذا ابوي دتسمعين شنو هذا اب هذا سند الي بس كسر ضهري بنومته 😔
رنا: بدال ماتبجين وتصفنين اقري قران وصلي واشكي الي بكلبج لربج تره رب العالمين ماينسه عبده كومي حياتي
نارين: وهل اكل منو يطلعه
رنا: انه انادي لابن خالي ياخذه ينطي للفقراء
نارين: براحتج ..ضليت بلمطبخ يم رنا ودموعي تنزل عشره عشره وكل شويه اكول هسه يفتح الباب وابوي يدخل بس مع الاسف ماجان ابوي 😔
رنا: دزيت جاهل يصيح ليوسف. اجا يوسف وكتله .انطيك اكل ثواب لروح الميت طلعه للفقراء
يوسف: جيبي. اكلج هلبنيه منو
رنا: صديقتي هيه هاي ابوها مات
يوسف: الله يرحمه
رنا: اخذت الاكل وانطيته اليوسف ..من ترجع دك الباب علمود نرجع للبيت
يوسف: ماشي
نارين: رنا تعبتج وياي اليوم 💔
رنا: ولج شهلحجي انتي اختي ويشهد الله اعز من الاخت انتي. بس مثل مكتلج صلي واقري الفاتحه ع روحه هم هوا يرتاح وهم انتي ترتاحين
نارين: الله كريم
رنا: يلا انه اروح اجا يوسف. مااوصيج بعد
نارين: الله وياج عمري 😔💔...
.
.
...
يوسف: اكلج رنا
رنا: اي كول
يوسف: شسمها هلبنيه
رنا: نارين. بس شكلك وكعت يبن الخال
يوسف: لا مو هيج ولج 😐
رنا: راح نشوف ..وصلت البيت نزلت سلمت ورحت للغرفه اجا صكر وراي وكال
صكر: رنا باجر حضري روحج نطلك
رنا: خاف واكع ولك وتريد اتطلك 😂
صكر: هاااه لا مو حرام تبقين ع ذمتي
رنا: الايام جايه يابن عمي. بس اذا طلعت تحب وماكايلي تعرف شسوي
صكر: الله كريم
(تسريع الاحداث)
...
رنا: صار ثاني يوم بدلت ورحت ويا صكر علمود نطلك رحنا للشيخ مال الجامع صكر كال للشيخ انو انه اريد اطلك مرتي ومن هلسوالف ف الشيخ كال
الشيخ: استغفرالله. ابني حرام هاي مرتك
صكر: شيخ انه وياها مانتراهم دائما مشاكل
الشيخ: بس مو توصلوها للطلاك
رنا: شيخ انه ماريده وانجبرت عليه
الشيخ: تمام انت ابني كوللها ثلاث مرات انتي طالك
صكر: انتي طالك طا. بعد مامكمل رنا عافت ايدها ع حلكي
رنا: صكر انه احبك ماريد اتطلك
صكر: شلت ايد رنا من حلكي وكلت بسرعه ..انتي طالك طالك طالك
رنا: الله لاينطيك صكرر 😑
الشيخ: هسه انتم اتفرقتو. كل واحد يروح بحال سبيله
صكر: ماتقصر شيخ. شفت رنا ضايجه انداريت وراي وشفت 😐
.
.
.
جود: اليوم كعدت من وكت لان جمعه اذن الضهر ورحت. لل جامع صليت وكملت شفت رنا وصكر. بس لحضه هذول شيسوون هنا. رحت اتبعت خطواتهم سمعت صكر كاللها انتي طالك وماخلته يكمل وكالتله انه احبك. بس صار الي صار فووك 👆 ورنا اتطلكت وانه فرحت وكلت ويا روحي انه الج رنا وعد مني الج اخليج ترجعين وتحبيني 😏 صكر اندار عليه
صكر: من انداريت شفت جود حجيت بهمس. رحتي بيها رنا
رنا: انه اعلمك يلعاشك الولهان تلحك تروح ل عشيكتك 😒
صكر: دخلي انسلم ع صهري. اخخخ اقصد انسلم ع جود عيب
رنا: انه الكك 😤
صكر: هلا جود شعندك هنا
جود: اجيت اصلي وشفتكم انتم شعدكم هنا
صكر: هااه احم شسمه
جود: شسمه
صكر: اجينا نصلي
جود: بس اعتقد هلجامع للزلم ورنا شعدها وياك
رنا: جايه ويا زوجي ميصير 😑
صكر: رنا هم زلمه نقطه انوثه مابيها اخخ
رنا: ضربته عكس ع بطنه ..انه زلمه مو اكلك حبيبي صكر شراح نسمي ابنا
صكر: انتي بكيفج
رنا: صدك جود مادريت انه حامل
جود: من كالت هيج تعصبت شنو يعني ماطلكو ..رحت يمها وهمستلها. صدكيني انتي مسجله بضهر جنسيتي وابنج راح يكون مني. رحت وعفتهم
صكر: عابت هلجهره بشرفج شكال لان فضول عندي وتدرين هلحساس ماحلو 😂
رنا: تريد تعرف مو كال بس ارجع للبيت وانه الك صكير. الخايس 😐
صكر: احترمي ولج انه اكبر منج
رنا: دنجب وخلي نمشي انصمط جدي بلحر
صكر: امشي نتغده ونروح
رنا: يبوووووووو
صكر: هاها خير منو مات
رنا: اخذني لنارين ركضضض
صكر: چا احنه بلسياره شلون تريدينه نركض
رنا: ولك يلاا اتأخرت عليها ..وصلت لنارين
...
نارين: صار ثاني يوم الفاتحه وابوي ماكو هواي افتقدته اجت رنا وهم كامت تنصحني وتكلي كل واحد ويومه لاتقهرين ابوج وهوا بكبره .....
(راح نسرع الاحداث لان انتم ردتو نسرعها)
ناارين: مر ع ابوي 7 ايام هوا مموجود يمي. عماتي بقن عدنا مايروحن لحد اربعينيه ابوي وهذا الشي كلش فرحني لان هنه يذكرني بأبوي اما رنا ضليت اتواصل وياها ع تلفون لان ماتكدر تجي او عدها دوام صار اسبوع وابوي مو يمي صار الحديث حاد بين امي وحسين وعمامي
حسين: عمي املاك ابوي النا
ابو موسى: قابل انه كايللكم راح اخذها الي
ام نارين: زين هسه ابو حسين توفى والاملاك بأسمه يصير نحوله باسمي
ابو حكم الي هوا عم نارين: اي يصير بس الافضل نحوله بأسم اولاده
ام نارين: ولدي مايعرفون يتصروفون سجلو باسمي
سمر: والله لو يطلع نخله براسج ماانسجله باسمج
نارين بعياط: شبيكم همكم بس الاملاك ولا عبالك ذاك اليوم مات الاملاك مايتسجل بأسم احد مفهوووم
حسين: انتي اسكتي من يحجون الكبار الزعاطيط يسكتون
نارين: هم مسمين روحكم ولد الشيخ .... وانتي تريدين الاملاك بأسمج حته اخوانج رايحين جاين والبيت يصير ملهى مووو
ام نارين: انجبي حقيره شلون تحجين ع خوالج هيج
نارين: ذوله مو خوالي انه ماعندي لا خوال ولا ام ولا حته اخ افتهمتو
سحر : ع كيفج مو هيج تحاجيها هيه هم كلبها محروگ ع ابوها
ام نارين: لا هاي وحده مامتربايه
سمر: انجبي واحترمي روحج
ابو حكم: اسكتي يابنت الناس مو ولدنا المامتربايين ذوله ولد شيوووخ افتهمتي والاملاك يضل بأسم المرحوم وبس سدو السالفه
نارين: لااا جييو الشيخ وخلي هوا يلكي حل ..انه كلت هيج حته ينصدمون من يسمعون املاك ابوي باسمي بس والله ماهامني انه كلبي محروگ ع ابوي الي بعد ترابه ماناشف اااخ يا نجف بيج ريحه الغوالي
ابو موسى: بويه موسى كوم نادي الشيخ
موسى: حاضر
نارين: ورا شوي اجا الشيخ دخل للاستقبال وراها دخلنا انه وامي وحسين وسهاد ويا عمامي وعماتي كعدنا جان عمي يكول
ابو موسى: شيخنا يصير نسجل الاملاك بأسم الام
الشيخ: بس الاملاك مسجله بأسم نارين
الكل: شنوووو
حسين: اكيد غلطان شلون يسجله بأسم هلجاهله
الشيخ: ابني ابوك سجل الاملاك بأسم بنته مو وحده غريبه وهاي الاوراق وهاي وصايته هم
نارين: بدو يقرون بالاوراق والوصايه وحسين وامي متعصبين ..
حسين: هسه تحولينه بأسم امي
نارين: مااكدر ابوي مايقبل
ام نارين: ابوج راح الله يرحمه انه اريد الاملاك افتهمتي
نارين: كامت رادت تضربني بي عمتي لزمت ايدها...صح هوا مات بس روحه بعده هنا افتهمتووو انتو يمكم ميت بس انه يمي عايش هوا يوميه يجي يزورني ويطمني ليش هلكثر مهتمين بل افلوس اتريدون ورثكم انطيكم ياااه بس حلو عنييي
حسين: عمي انه اريد ورثي من املاك ابوي وبسس
سهاد: انه مااريد شي من ورث ابوي اتندمت هواي ع شي الي جنت اسوي باختي وابوي ..نارين انه اسفه ع كلشي سويته وياج والله العظيم امي جانت تحش بدماغي وتكلي ابتعدي عن نارين والله انه احبج وماريد اخسرج
نارين: سكتت وانصدمت من سهاد يعني هيه تكرهني شلون كلبت ضدهم .. انه انطي ورثهم من فلوس ابوي واقبل يعيشون بيت ابوي بس والرب اذا غثوني بكلمه يصير غير شي
الشيخ: هاي هيه اذا هيج انه اترخص
الكل: مرخوص
ابو حكم: بويه نارين شوكت ابوج سجله بأسمج
نارين: ........حجيت كلشي
ام نارين: هاي وحده جذابه لاتصدكوها اكيد مزورات
سمر: انجبي تره بزعنا منج ومن طلايبج فكي عنا عاد
حسين: عمتي لاتحجي هيج ويا امي
سمر: انت انلصم ابو نسوان ابوك من ورا طلايبك وطلايب امك مات ويتم هلبنات حسبي الله
نارين: اهدي عمتي وهسه اجيب الفلوس واجي وشسوون بي سوو
ام نارين: ابني حسين احنا نطلع للسويد سهاد تجين
سهاد: مااجي ابقه يم نارين وبعد لاتحسبين عندج بنات لان تراب زوجج بعد ماناشف كمتي تسافرين
سحر: قابل اول مره تسويها
نارين: رحت لغرفه ابوي وجبت الفلوس اني وداطلع من الغرفه جان يندفر الباب ويطب ....
.
.
#اليتيمه وابن البصره
#بارت31
#هديل احمد
:أشـتـقت لـشـخص ليس موجود علـى الآرض بـل
نآئـم تحت التـراب🥀🖤🖇️
...............................................
رنا: مر اسبوع نفس الروتين بس دائما جنت اخابر نارين واطمن عنها وبهل اسبوع يجيني رسايل من رقم مااعرفه ومكتوب بي هانت قربت يارنا
ورسايل تهديد هوايه اني خفت بس ماهتميت . جان دنيا عصر طلعت للحديقه سمعت صوت مو غريب عليه اتقربت اكثر وشفت جدي ديحجي بلتلفون ويكول
الجد بعياط: اسمع المعارض والسيارات مالت علي ماريد احد يعرف بي انو لحد هسه مسجل بأسمه مفهوم وانه اقنع بنته توقع بمكان ابوها
رنا: سد الخط واني كبل ركضت لغرفتي معقوله ابويه عنده معارض وجدي يريد ياكل حقه نزلن دموعي لا
اراديا شلون يجي من كلبه ياخذ حق ابنه. يلا هسه يجي صكر واستفسر منه واخذ حق ابوي من حلك جدي ..صار اليل واجا صكر نزلت جوه وكت العشا كعدت يم صكر. ونسيت اكوللكم محد عرف بلطلاك بس مهدي وليث حته البنات ماكلتلهم ..كعدت اكل وهمست لصكر ...صكر ابوي عنده معارض وسيارات بلعماره
صكر: كح كح كح 😱
رنا: اسم الله
صكر بهمس : انتي اخت بليس ولج شلون عرفتي
رنا بهمس: بعدين اكلك
صكر: لا خيه كومي للغرفه الفضول كام يركص
ام مهدي: تلحكين تروحين للغرفه خلي ابني ياكل
صكر : يمه تره اني كمت وبعدين انتم مالكم حق تدخلون بيه وبمرتي
ام مهدي: هلعرمه مسويتلك شي شو كبل جنت تخاف مني وماترفع صوتك عليه بس هسه لسانك شطوله
رنا: انه ماامشي ع دروبجن وصكر زوجي وشسوي بي اني حره
الجد: كافي تتهاوشن
رنا: رحنا للغرفه كعدت ع جربايه
صكر: شلون عرفتي ابوج عنده معرض رسيارات
رنا: مومهم شلون. المهم اريدك تساعدني
صكر: بشنو اساعدج.
رنا: المعارض اريد ابيعها
صكر: بس هذا ينراد ضابط ويانه نروح لان جدي كايل ماينطوكم المفاتيح الا وضابط وياكم
رنا: اي ليث ضابط
صكر: تمام لعد انزل اصيح ل ليث
رنا: تمام
صكر: نزلت ولكيتهم بعد ياكلون. اكلك ليث
ليث: ها كول
صكر: احمم هوا شسمه صديقك خابرك وكال انطيني ليث والموبايل نسيته فوك تعال وياي واحجي ويا صاحبك
ليث: بس شكو خابر عليك
صكر: ياالله شراح يفهمه ونوب نضراتهم عليه. احم يكول مجاي احصل عليه يطلعلي مغلق. دكووم ياخيي
ليث: تمام يلا امشينا
صكر: قابل وين رايح هو فوك
ليث: نجب لكك
صكر: اوي عود خوفتني
ليث: يلا انطيني الجهاز
صكر: هههه لقد وقعت في الفخ. اخخخ
ليث: احجي عدل
صكر: رنا تحجيلك
رنا: باوع وووو حجيتله السالفه كلها
ليث: بس اني باجر عندي دوام ب بغداد وماينطوني اجازه
رنا: خررب بحضي
صكر: اصدقائك بل مركز
ليث: اها تذكرت صديقي انور كلشي ماعنده راح ادزه الكم باجر
رنا: تمام ماتقصر
صكر: دنجبي
ليث: والله يارنا طلعتي مو هينه
رنا: 😂😂 بعد ماشايف شي
تسريع الاحداث
ثاني يوم الساعه 5 الفجر كمت سبحت وبدلت وكعدت صكر..صكر يلا كوم
صكر: عليج الله خليني نايم
رنا: كوم ولك راح نتاخر
صكر: كايم والله ..كمت سبحت وحضرت روحي ورحنا لغرفه ليث جان كاعد
ليث: انور يم الباب يلا روحو
رنا: طلعنا بره والصدمه جانت .......
.
.
.
نارين: طبو خوالي ومتعصبين ومدري شنو ..هاها وين
خال الجبير: امشي لج زعطوطه ماعدما حجي وياج
نارين: لاتتجاوز واذا سمعت الخبر انو املاك ابوي باسمي ف هسه انت داخل لبيتي
خال الجبير: انجبي حيوانه
نارين: دفعني وطب رحت ورا راد يضرب امي راشدي بس لزمت ايده .. هيوو فوك مو بيتنا وتضرب بينا يلا برااا
خال الصغير: احنا مااتفقنا هيج حسين احنا اتفقنا تاخذ املاك ابوك وتبيعهم وتكعدون عدنا
نارين: اباوع لحسين وامي وجهم كام ينطي الوان ... والله ماجنت ادري انتم هيج حلوو 👏 وانت ياخويه فد يوم ماكلت لابوي محتاج شي وتاليها طلعت متفق ويا خوالك وانتي يامره فد يوم ماكلتي يارجال محتاج شي ولكم كل همكم جان
الفلوس جنتو كل كم يوم مسافرين وعايفيني انه وابوي يمي ولج يمه بهل ايام الي راح ابوي وخلاني مكسوره انتي ولا اجيتي واطمنتي عليه مكلتي عندي بنيه خلي اسئل عليها بهل
ايام جنت محتاجه ام تخفف عن حزني بس للاسف امي غير عن امهات العالم امي تريد تاخذ كلشي يخص ابوي وتروح يم
اخوانها امي متريد راحه جهالها اهمشي راحتها بس مع كل هذا راح انطيج ورث ابنج ورثج من فلوس ابوي وتروحون منا وماريد اشوفكم بعد مفهووم
ابو موسى: كافي نارين كلبج راح يوكف وانت جاي هداد علينه تره انتم غريبين علينه يلا بلا مطرود
خال الجبير: ام حسين انتي مالج كعده عدنا لان مو كد كلمتج
ام نارين: وانه منو اليه
حسين: يمه لاتتنازلين لاحد خلي نسافر وهاي هيه وانتي يا نارين يجيج يوم وتتندمين
نارين: عذا اليوم راح يجي الكم مو الي وراح نشوف منو اليتندم انه لو انتم
ام نارين: يمه سهاد تعالي ويانا مااكدر بدونج
سهاد: مااجي اضل يم نارين لان انتي تكرهين بناتج خلاص روحو الله يوفقكم توصلون بسلامه ..ورحت للغرفه
ابو حكم: هاي ورث حسين وهاي ورثج وانتم حرار هسه شتسوون بلفوس سوو
الخال الصغير: يلا خويه مالنا كعده هنا خلي نرجع
نارين: راحو خوالي وامي وحسين حضرو جنطهم مال السفر وطلعو تمنيت امي تكول بنتي اكعدي هذا حلم تمنيت ابوي لحد هسه عايش وانه وحيده الهم بس للاسف كله حقيقه ..كعدت بلكاع وكمت ابجي بحرگه كلب
العمه سحر: كافي يابنتي مو زين عليج
موسى: تره الدكتور كال عدها فقر دم.
ابو حكم: بويه حكم روح اشتري فواكه خلي مروه تسويلها زلاطه مال الفواكه وجيب امك وخواتك هم
حكم: حاضر بويه
نارين: ضليت ابجي وعماتي يمي ويهدن بيه اجن نسوان عمامي وبناتهن وهم كعدن يمي ويهدن بيه خوله بت عمي ابو
موسى راحت يم سهاد كالت جانت تبجي وحاضنه ملابس ابوي كلت بكلبي من بعد ايش ليما راح الكل اتندم رحتلها وهم شفتها كاعده تبجي وتناشغ ..سهاد
سهاد: والله امي جانت تتحكم بيه
نارين: اعرف يلا كافي بجي كومي اكلي شي
سهاد: مااكل اريد انام
نارين: طلعت وعفتها تنام وانه كعدت يم عمامي وعماتي والكل كعدو يحجون بطلايب العالم وكالو
ابو حكم: بنتي نارين المشيخه مالت ابوج المن ننطي
نارين: عمي بكيفكم لو بيدي جان انه اخذته بس عيب الافضل انتم تلكون حل
ابو حكم: انه حالتي مو مال المشيخه نسلمه لموسى هوا ادرى بهيج سوالف
موسى: بكيفك عمي
ابو موسى: بس الشيخ ابو نارين يبقى اسمه للموت
نارين: شيفيد الاسم اذا هوا ماكو
ابو حكم: ميخالف بنتي
نارين: ضلينا كاعدين لحد ماسمعنا صوت 💔😭…
.
.
.
...
رنا: الصدمه جانت هوا نفسه انور صديق جود يعني طلع صديق ليث هم ..
صكر: هذا انت
انور: انتم شتصيرون لل ليث
صكر: بيت عمه
انور: اهاا يلا چا خلي نروح ليما نوصل للضهر
رنا: ركبنا السياره وانطلقنا للعماره 3 ساعات ووصلنا لان ماكو احد بلشارع بس القليل من السيارات. نزلنا لفندق علمود نرتاح طلع صكر وانور يجيبون ريوك ..كعدنا نتريك ونوب رحنا شفنا المعارض
الحارس الي بلمعرض: ها خير شتسوون هنا
رنا: عمي هذا معارض علي مو
الحارس: اي انتو منو
انور: هذا الباج مالتي واحنا اجينا علمود رنا توقع ع تنازل
الحارس: يعني الشيخ. كاللكم
صكر: اي الشيخ دزنا
رنا: واني اصير بنت علي اجيت حتى اتنازل عن املاك ابوي.
الحارس: حياكم الله. تفضلو. هذا السندات مال المعارض ال 3
رنا: تمام عمي انت اخذ راحتك
الحارس: حياكم الله.
رنا: انور وصكر منا و ساعتين اريد ابيعهن
انور: انه عندي معارف هواي هنا خلي اخابر
الوو هلا والله. بخير. والله ياخوي اشغال وماكو بيدي مجال. اريد اطلب منك طلب. تسلم ماتگصر. عندي معارض مال صاحبي هنا بل عماره ورايد يبيعهن. صدگ عود تمام خويه انتضرك الله وياك
صكر: ها شكال
انور: اريد البشاره
رنا: هسه غير يحجي
انور: الشراي هسه يجي وانشالله ينباع
صكر: خويه معروفك ماننساه
انور: چا غير انتم ولد عمام صاحبي واخوي
صكر: تسلم خويه
رنا: اني الى حد الان بصدمه يعني راح انتقم من جدي. ههه اصلا بعد مشايف شي مني 😏
#اليتيمه وابن البصره
#بارت 32
هديل احمد
لسـَت مِـلاك مِن السمـَاء ، لـكني ؏ يقـين بــ أنني لسـت كـ الباقيـن شيِـاطيـن بـوجهـِين ؛
……………………………
ايه: صار اسبوع وسعاد ماموجوده رجعت خياتنه طبيعيه وهادئه وجود يغني وفرحان كل مااسئله يكول ماعليج اليوم كلعاده كاعده ع درج واقره نزل جود يغني كتله .. ها يلعاشك الولهان چنك وكعت بلعشك بس لاشتاقيت لسعاد ونبي اموتك
جود: عابت منج جبتي اسمها مزاجي تعكر نوب تريديني اشتاكلها
ايه: چا شبيك فرحان
جود: ماكو شي وبعدين يمته تغيرين طبعج شبيج كاعده ع درج
ايه: زعجتك بشي يلا اعبر
جود: حيضل عقلج صغير
ايه: ولك اخذني لرنا عليك الله
جود: هااه لا ليش تروحين اكعدي مو عندج امتحانات
ايه: ياخي هسه انه الي اروح لو انت
جود: ولي ولي مااخذج
ايه: چا حخابر لمصطفى ياخذني
جود: ولج اكعدي راحه والله يجي يشبعج نعل
ايه: الله يسامحك روح مامنك فايده ..طلع جود بره وانه كعدت ادرس خابرت ع ليث .هلو
ليث: هلا شلونج
ايه: تمام 😒
ليث: شبيج تحجين من طارف خسمج عبالك كاتل اهلج
ايه: شكو متسئل عليه
ليث: مو انتي كلتي اسبوع ماريد احجي وياك وهاي ماحجيت وياج
ايه: ماشي باي ..سديته من ليث وكعدت اقره بعصبيه دخل جود وامي هستوها كعدت
جود: يمه انه مسافر
ام جود: خير انشالله ليش شكو
جود: ماكو شي بس اريد اغير جو
ام جود: بكيفك يمه بس من توصل خابرنا
ايه: وين حتروح
جود: لبيت صاحبي بلنجف
ايه: اهاا بس مادخلت بعقلي مال بيت صاحبك يا صاحب هذا
جود: المفروض مو كلهم تعرفيهم
ايه: هاا تمام توصل بالسلامه
جود: رحت حضرت جنطتي علمود باجر اسافر ...
.
.
.
...
نارين: كعدنه اني وعمامي ونسوان عمامي وعماتي وولد عمامي ضلينه نسولف لحد ماسمعنه عياط زلم بره
ابو موسئ: خير انشالله مانخلص من طلايب ام حسين
ابو حكم: امشينا نروح نشوف منو
موسئ وهو يدخل جوه: يابه هذول زلم من العشيره ويكولون نريد المشيخه مدري شنو ولابسين حزام واسلحه بيدهم
ابو موسى: ياولد روحو اكو بل مخزن اسلحه جيبوهم يلااا بسررعه
نارين: راحو الولد والنسوان راحن يحضرن. وعمي ابو حكم راح يهدي الاوضاع برا اجا عليه عمي ابو موسى
ابو موسى: نارين بنتي ا.
نارين قاطعت عمي: عمي انتو حلوها اني بنيه ومااكدر انتو عمامي ادره بهيج سوالف وانتو بمقام ابوي
ابو موسى: نارين انتي تدرين انو انه احبج اكثر من بناتي
نارين: حضنت عمي وكمت ابجي
ابو موسى: بنتي لاتبجين
نارين: عمي مشتاكه ل ابويه 💔😭
ابو موسى: ماضل شي غير 3 اسابيع ويطلع اربعينته ونروح ل نجف
نارين: عمي شيصبرني الدقيقه كوه جاي يمشي 😔💔
ابو موسى: ميخالف بنتي وهسه امسحي دموعج وروحي شوفي اختج شصار بيها مهمه يكون هيه اختج الصغيره وهيه مجانت بوعيها من جانت تعوفكم انتي وابوج. تدرين البنيه
بدايه المراهقه شيكولولها تصدكهم شينطوها تاخذ بدون ماتفكر وهسه انتي صيريلها ام واب واخت يلا بنيتي كومي وصيري قويه علمود اختج
نارين: كلمات عمي ضل يرن بدماغي. صحيح كلامه. كمت ورحتلها لل غرفه جانت نايمه والشهكه ببلعومها. سهاد سوسو كومي عمري كومي شربي الماي
سهاد بشهكه ودموع: حضنت نارين. نارين متندمه اني والله العضيم ماشفت شي من ابوي ماشبعت منه ااااااخخخ
نارين بدموع: كومي عمري ابوي راضي عليج يلا كومي اكلي انتي بعدج صغيره وماجنتي بوعيج
سهاد: نارين سامحيني 😔
نارين: مسامحتج وراضيه عليج اني الله ومحمد وعلي يرضون عليج يلا كومي. كامت سهاد واني استغفرت ربي. سهاد بعدها طفله حرام احقد عليها. صارت الدنيا ليل اجو الزلم
ابو حكم: هذا هو المشيخه صارت ل موسى
نارين: بيها الخير خويه. راحو كلهم لبيتهم بس موسى وعماتي بقن يمنه الليل كله انه منايمه. صار الصبح ورحت لل كليه شفت رنا حجينه شويه ورنا لل محاضره.
.
.
...
رنا: اجا الشراي وشاف المعارض كلش جبيره ووافق يشتري انطانا المبلغ وسلمنا المفتاح وطبعا الفلوس اشتريت بيوت للفقراء وغراض منزلي وكلشي وفرتلهم وحته اشتريت محلات لكم شاب علمود يعيش اهله وسجلته بأسمي انه جان هيج بالي مااخذ فلوس انطي للفقراء واكسبلي اجر
انور: برأيج الي سويتي صحيح
رنا: اي لان انه مامحتاجه فلوس ولا اريده وهيج هم اكسب اجر
صكر: اخ بويه 6 معارض هلكبرهن والله معندج عقل
رنا: هسه الناس محتاجيني باجر اني احتاجهم مو صح ع اقل صار عندي بيوت ومحلات هاي هيه
انور: بكيفج بعد هذا فلوس ابوج وانتي حره احنا مالنا دخل
رنا: الله كريم يمته نرجع للبصره
صكر: خلي باجر
رنا: باجر عندي دوام
صكر: نطلع بل4 ليما نوصل يصير ساعه 7 نذبج بلجامعه وانه اروح للبيت
رنا: چا خوش ..رجعنا للفندق جان بي جربايتين ف انور راح لغرفه اليمنه تعشينا ونمنا ..نبهت التلفون بل 4 المهم صار ساعه 4 كعدت راح صكر اشتره ريوك واجا انور هم تريكنا وانطلقنا للبصره وصلوني للكليه وشفت نارين كاعده بلكوفي ..صباح الخير كلبي
نارين: صباح النور يروحي شو ماكو ماتسئلين صارلج يومين
رنا: سالفه طويله ورا هلمحاضره اسولفلج كلشي
نارين: ماشي چا خلندخل للمحاضره هسه الدكتور احمد يتعصب
رنا: يلا. رحنا للمحاضره وتلفوني ماوكف رسايل ومخابرات كلشويه يخابروني من رقم غريب ويجيني رسايل مكتوب بيها قربت يارنا
الدكتور: رنا اذا ماقفلتي تلفونج اطلعي بره
رنا: لا هسه اقفله .. قفلت التلفون واخيرا خلص المحاضره طلعنا للكوفي وحجيت كلشي لنارين
نارين: شنو حيكون ردة فعله لجدج
رنا: شيسوي خلي يسوي انه ماريد شي غير اخذ حق ابوي منه واحقق الي بالي
نارين: شنو الي بالج يارنا
رنا: هواي اشياء خلتني اكرهه لجدي اكثر كلما اكول تهون بس يسوي شي يخلي انتقامه سهل ف لهذا جايه انتقم لاهلي جاي يطلع وجهه الثاني وجاي ينكشف كلشي انه مااعرفه
نارين: الله موجود وداعتج
رنا: والنعم بالله ..خلص الدواام طلعت نسيت تلفوني مقفول فتحته ورحت للمكالمات ردت اخابر ع صكر بس حسيت ايد وانحطت ع حلكي وخشمي وبعد ماحسيت ع شي غير انه بغرفه اثاثه تجنن و بمكان كلش بعيد رحت ردت افتح الباب بس شفته مقفول صليت ادك ع باب واصرخ ..افتحوووو الباببب شتريديووون منييي ..دخل شخص ملثلم وكال
الشخص: واخيرا صرتي يمي
رنا: صوتك مو غريب كول منو انت ..جان يشيل الغتره عن وجهه ويطلع نفسه الحبه كلبي الخان حبي جود ...جوود ليش سويت هييج هاا انت رجال متزوج ليش تريد ادمر حياتي شمسويتلك
جود: رنا يشهد الله لحد هسه احبج
رنا بدموع: تحبني؟ هههه ولكك لو تحبني ماجان تزوجت بس مو صوجك صوجي اني سلمتك كلبي وسلمت روحي لجدي وكام يتفنن بضربي علمود شنو؟؟ حته حضرت جنابك تعيش
حته ماتصير ذكرى حته محد يكول رااااح جوود رااح ابو طول الحلوو حته محد يكلي مات حبيبج بس شسوي هيج ربي كاتبها خليني ارجع لبيتي ولرجلي الله يخليك ماناقصه مشاكل
جود: لزمتها من زندها وكلت ..رنااا انتي اطلكتي من صكر وسمعتكم بأذني وشفتكم بعيوني لاتجذبين
رنا: فضلت السكوت بس عيوني ودموعي الجايه تحجي ..رحت دورت ع تلفوني ماكو ..انطيني تلفوني
جود: رنا .سعاد بعد ماترجعلي
رنا: دااكول انطيني تلفوني
جود: ولج شمسويلج حته هيج تكرهيني والله احبج وحضل احبج
رنا: انت مابقيت نقطه حب او ثقه بكلبي اصلا نسيتك وعشت حياتي ويا صكر
جود: انتي اطلكتي مفهووم وهسه تجيب الشيخ يعقدلنا
رنا: خفت من كال هيج كبل لزمته من ايده وكعت يم رجله ..لا لاتأذيني ماريد اصيرلك مره عوفني الله يخليك والله بعد ماتشوفني خلي ارجع ولاتجيب الشيخ
جود: كومتها وكتلها... ليش دتسوين هيج وانه ادري انتي تحبيني خلاص مسحي دموعج حجيبلج غده
رنا: طلع وقفل الباب ..ياربي ليش ديسوي هيج صح احبه بس هوا متزوج ماريد الشر لا اله ولا لسعاد ياربي محد الي غيرك ..ورا شوي فتح الباب وجاب الاكل
جود: يلا تعالي اكلي
رنا: مااشتهي عوفني ارجع
جود: صدكيني رنا احبج وداعتج حته من اخذت سعاد اتخايلتها انتي و.. قاطعتني
رنا: انصدمت شنو اخذها ..شش.وو. اخذتها