#اليتيمه وابن البصره
#بقلم هديل احمد
الفصل الخامس والسادس والسابع عشر
………………………
_ليغرك شاربك وتكول رجال أوصلك واتعداك وابقه بنية🐆✨🔥
…………………………
ايه: الحمدلله ع سلامتج كلبي
رنا: هيه بقت سلامه
ايه: ليش شكو تعاي احجيلي
رنا: اول شي انتي احجيلي شون اجيتي لهنا وانتي تكرهين شي اسمه مستشفئ
ايه: اليحب يضحي لو جان بلزبل
رنا: 😂😂 صدك ضحكتيني
ايه: اوكفي خلي احجيليج...جود كعد من النوم وكال لامي امشي اخذج للمستشفئ ع رنا اني كتله. اني هم اجي المهم بدلت واجينا هنا صارلنا 3 ساعات انتي مافاتحه عيونج امي
كالت لازم اشوفها خطيه كعدت يم راسج تقره ايات وتبجي اني بقيت بره لان اخاف ضليت واكفه راح جود ويا صكر ومهدي واني بقيت ويا ليث اااه يا ليث
رنا: ام الاااه كملي
ايه: سلم عليه لان جنا خايفين لا جود يجي ويصير سالفه والله جود مااجا وامي بقت يمج ليث كال
ليث: اووف ياريحتج دخلت لكلبي
ايه: فدوه
ليث: احبجج
ايه: ضليت خجلانه منه خدودي صارن حمر شويه ويطكن لزم ايدي
ليث: نعومه ايدج تخبل
ايه: 🤭 كافي تخجلني …وبعد شويه اجو الولد وهاي كل مابلسالفه
رنا: ربي يحفضكم لبعض كلبي
ايه: تسلمين تعاي شو سمعت نهيتي كلشي ويا جود تخبلتي؟
رنا: لا ماتخبلت بس.......حجيتلها كلشي
ايه: تدرين ينراد الزم جدج واشبعه كتل وهذا صكر غير مخبل شون يرجعج
رنا: هههههه وينه جود
ايه: بره انادي
رنا: لا عوفي
ايه: ايييييههه ياحسرتي عليج
رنا: لزمت ايد ايه وغفيت اجاني اابوي وامي بلحلم
ابوي: لاتسوين شي وتتندمين عليه
امي: لاتخسرين اليحبونج
ابوي: واجهي كل المشاكل وحدج
امي: افراحنا واحزانا بأيدج
ابوي: لتخلين اي بشر يوكعج بحفرته
امي: لتخلين احد يأذيج
ابوي: عوفي جود
امي: جود مو من قسمتج
ابوي: خلي يعيش حياته لتأذي
امي: اذا بقيتي ويا تاذينه وتاذين روحج
رنا: اييييههه انتم مرتاحين واني العايشه بلظلم
ابوي: لتحجين هيج احنا هواي متاذين من اقرب ناسنا
امي : انتي بنتي مستحيل تضعفين
رنا: بس ضعفت
ابوي: لا يابنتي انتي طالعه من ضهر رجال قوي روحج احنا وياج
رنا: بس جود شون اعوفه وهوا روحي من الدنيا
امي: راح تاذي عوفي رناا لاتاذين ابن العالم
رنا: اوكفووو لتروحون يمههه بووويه لتروحووون
…………
جود: سمعنا صوت عياط رنا تنادي ابوها وامها ركضنا عليها مغمضه عيونها وتصرخ ……رنااا شبيج صكرر نادي للدكتور
رنا: لتروحوووون باباااا يمهههه اااخخخخ
جود: اجا الدكتور والممرضين
الدكتور: راح انطيها مهدء شكد شايفه ناس ضالمه مقلكم ماشايف بنيه بعمر الورد هيج تسوون بيها
جود: اترجاء دكتور مو وكت هلسوالف انطيها شي يهديها
الدكتور: انطيتها ابره مهدء راح نعوفها تحت المراقبه حالتها ديسوء اكثر اني اكول لتبقون كلكم فوك راسها. واحد منكم يبقه والبقيه يروحون احسن الها والكم
ليث: اني اضل يمها انتم ارجعو
جود: ليث انه ابقه فدوه لعمرك روح وياهم ..الكل راح ليث وصل امي وايه للبيت واني بقيت لازم ايد رنا اريدها تصحه ..بعد 3ساعات
رنا: ااااه راسي
جود: رناا بيج شي
رنا: وينهمم
جود: رجعو للبيت
رنا: محد ضل الي 😔
جود: لتنسين اني وياج بس الموت يفرقنه
رنا: جود لتفكر بيه بعد لان راح ائذيك هوايه شوف طريقك يجوز تلكي احسن مني
جود: يجوز الكه احسن منج بس ماحبها بكد حبج
رنا: لخاطر الله انساني ماافيدك اني مراح تحصل مني غير الاذيه روح الله يخليك من اشوفك اتذكر كلشي ليش تاذيني
جود بعصبيه : مو اني الجاي ائذيج انتي الجايه تاذيني
رنا: مااحبك والله عوفنييي 😭 لاتنسئ اني متزوجه صكر
جود: انعل شيب اهل صكر وهسه اخلي يطلكج
رنا: احب صكرر مااحبكك روح( كلت هيج والله ماعلمود شي بس كل مااشوفه اتذكر تهديد جدي ماريده يروح من كبالي اريده يفهمني بس ماكو اني احب صكر مثل اخوي)
جود: تحبين صكر موو لعد لييش خليتيني انطيج كلبي وسلمتج حبي ووثقت بيج ثقه عمياء حبيتج من كل كلبي فسخت الخطبه من سعاد لان حبيتج فهمييي احبجج
رنا بعياط: ماااحببكك اطلللعع مناااا
بهد اثتاء دخل الدكتور والممرضه
الدكتور: رجاءا بدون تهور اطلع بره ليما تهدأ
رنا: عوفووني ماريد احدد ليش محد ديحس كافس تعبتت اتركوني اروح يم اهلي ليش متمسكين بيه اكرهكم كلكم اكرهكممم ...احجي واضرب ع سرير تهورت وبجيت بحرگه
جود: طالع والله بس اهدي
الدكتور: ياممرضه نطيني ابره مهدأ
رنا: ماريد والله مابيه شيي عوفوني اطلع مناا خلي اموت انتم مالكم دخل بيه ..الدكتور راد يضرب الابره كبل لزمت ايده...دااكول مابييييه شيي شبيكمم
الدكتور: الزمها استاذ
رنا: جود لزمني بكل قوته يردوني اهدأ بس ميعرفون كلشي بداخلي اصرخ بلعوه صوتي ....ااااااخخ عوفني ولكمم كافي
اذيه بعدها هديت ..واحجي بهدوء... اكرهكم عوفوني اروح
جود: هدوئها ورا شي ربي سترك ....هاي هيه اني رايح
رنا: لزمت ايده وكتله...اوعدني بعد مااشوفك
جود: وعد ابد مراح تشوفيني راح اطلع من العراق كله
رنا: فقدت الامل انو ارجع لجود مره ثانيه ...عفت ايده وراح واني ابجي بحرگه ...لوبيدي مجان خليتك تروح بس جدي
الحقيرر هددني بيك لزمني من ايدي التوجعني ..الله ينتقم منكم عود هما بمقام اهلي ااااه ياربي تعبت ...ماريد اعيش بعد ليش هيج يصير وياي ليش ماكو احد يفهمني ..ربي انت
الوحيد التدري شكو بداخلي ..ربيي اخذني عند اهلي ...ربيي مالي غيرك انت الغفور الرحيم ..اغفرلي ياربي ..ضليت ادعي واقره ايات لحد ماغفيت
كلمات رنا 👇
هلي يتموتوني واني بصغر سني
هلي وحق علي اخذ حقوقكم
هلي تعذبت بس علمودكم
هلي راضيه بكلشي بس انتم ترتاحون
هلي انه بنتكم الكسرتو ضهرها
هلي تعب السنين شلت قهرها
هلي انتم هلي وانه بنتكم
هلي مشيت مكسوره الضهر من بعدكم
هلي كل المصايب احلها بزودكم
هلي يلجنكم هلي يل بيه ريحتكم
هلي.......................هلي 💔🥺
…………………
جود: رجعت للبيت سلمت ع ابوي ورحت للصاله لامي جانت تصلي هيه وايه ....تقبل الله
ام جود: الله يرضه عنك شلونها رنا
جود: زينه يمه انه راح اسافر
ايه: بس رنا اكيد راح تزعل عليك
جود: هيه الرادت هيج اصلا هيه متزوجه وحرام افكر بيها وهيه تحب زوجها
ام جود: باوع ابني اشيلك لسما وللغيم بس تشيل عني الضيم لاتروح وتعوف رنا بضيمها انه ام واحس بتجاه اولادي ورنا بنتي وانه احس بيها
جود: يمه مخنووك وداعتج
ام جود: تعاال ابني اعزملك وروح صلي واقره قران الله يسهل امرك ويفتحلك باب خير ونشالله رنا الك وانت الها اليحب يضحي ياابني
ايه: صح حجي ماما لاتروح جود
جود: هيه طلبت مني هيج
ام جود: توكل بالله وروح صلي وادعي لربك ان الله غفور رحيم ياابني
جود: احله ام شفتها بلدنيه
ام جود: الله يرضه عليك لاتروح وتعوفنا وتعوف رنا هيه الك صدكني القدر جمعكم مره واكيد راح يجمعكم مرتين
جود: نشالله محتاجه شي
ام جود: سلامتك
ايه: ماما يمته شفنه جود هيج مهموم وقهر الدنيا فوك راسه
ام جود: الله يوفقه بنتي من تحبين او تتزوجين الشخص الي انتي تحبينه ..اذا عفتي ثانيه وحده راح تنقهرين وتكعدين
تفكرين بي تره مو أي شخص حب يعني بس يكول احبج واحبك لا بنتي اليحب من صدك يجيب اهله ويجي
ايه: واذا معنده اهل
ام جود: يجيب واحد من عمامه او خواله وبعدين شكو تسئلين
ايه: هيج مجرد فضول اكوم احضر عشه
ام جود: انه احضر عشه انتي روح يم جود واقري قرأن ع راسه
ايه: حاضر....رحت لجود جان نايم ومطفي الضوه ودخان الجكاير يخنك كعدت يم راسه وقريت سوره النور احسه ديتحرك.....جود كاعد
جود: شدتسوين هنا
ايه: ماما كالت اقري لجود ايات
جود: ايه اخوج انكسر تخيلي حبيبتي تكلي انه احب صكر
ايه: الا اكو سبب ياخويه الله ينتقم من كل واحد ضلمها
جود: امين
ايه: غمض عيونه ورجعت اكمل القراءه حسيته نام براحه ...دائما المخنوك او الممرتاح خلي يقره سوره النور او يشغلها ع
تلفزيون يفتح كلبه ويريح باله وخاصتأ من انتي وحدج بلبيت خايفه ومخنوكه وتشغلين سوره النور بلتلفون وتلبسين الهيتفون تحسين روحج ويا الجاي يقره
…………………
مهدي: رنا شلون صرتي
رنا: اني ونايمه كلت...عوفوني اكرهكم
ليث: اهدي
رنا: كبل فزيت ....شكو جايين
صكر: نطمن عليج
رنا: طلعوني منا صرت زينه
صكر: بعدج مو زينه
رنا: دااكول زينه لاتلحووون طلعووني
ليث: اروح اشوف الدكتور يقبل لو لا
رنا: مو بكيف الدكتور اني حره بروحي ...ردت اكوم لزمني صكر
صكر: متطلعين منا
رنا: ماريدد ابقئ افهموو
ليث: خلي نطلعها للبيت
رنا: مارييد اروح لجهنمم اخذوني لبيت ابوي انسوو عدكم بت عم
صكر: اتذكري انتي زوجتي شرعا
رنا: صكر ماريد اطلك منك
صكر: بس وجود
رنا: ماريده اكرهاا
صكر: باعي رنا انتي مثل اختي ماريد ابقيج ع ذمتي وجود يتأذه وانتي هم تتأذين
رنا: جود شلته من بالي
صكر: بس باقي بكلبج اني اعرف شنو غايتج لتخسرينه( ارجع واكول تره مجاي نكود الها 🙂🔪)
رنا: ماعندي أي غايه رجعوني لبيت ابوي
صكر: مااكدر ارجعج يأما اني وياج يا كلنا نرجع
مهدي: روحو انت ورنا ع بيت عمي واحنا نرجع للبيت واذا جدي كال وينها نكول ..
رنا: كولوله رجعت لبيتها ويمها صكر
ليث: هاي هيه يلا امشو
رنا: صعدت بلسياره وانطلقنا لمنطقتنه بكل زاويا الي ذكره بيها جان النا جيران بس حرمه وحدها ارمله هواي متعلقين بيها انه واهلي صكر نزلني من السياره المره جانت تشطف يم بيتها ويم بيتنا
المره: ها رنا ياستار شبيج
رنا: مابيه شي خاله مجرد حادث بسيط
المره: الله يكومج بلسلامه منو هذا الوياج اول مره اشوفه
رنا: ابن عمي وبنفس الوكت..
صكر: اخوها
المره: الله يحفظكم شتحتاجون اني موجوده بس دكو الباب
صكر: تسلمين خاله
رنا: خاله نطيني مفتاح البيت ..بوكته نطتيها المفتاح الها لان المره جبيره بلعمر ونثق بيها..نطتني المفتاح وفتحت الباب مشيت واباوع بكل زاويا واتذكر كلشي حلو صار وياي مشيت
ودخلت لغرفه ماما الفراش مموجود يجوز المره شالته..فتحت الكنتور مالت ماما وبابا ملابسهم موجوده اخذت قميص ابوي ودشداشه امي احجي وابجي ...ليش عفتوني لييش خليتوني
يم عالم ضالمين بابا مو انت دائما تكول مجتمعنا ماعدهم شي غير يحجون وصح كلامك هواي حجو عليه ليش لان اني يتيمه؟لو لان اني معندي اهل يمه ليش جبتيني ع هل دنيا الماترحم ربي ارحمني 😔
صكر: كافي رنا مو زين عليج هذا حكم ربج منكدر نعارضه
رنا: والنعم بالله اكوم اسوي شي ناكله
صكر: ماكو شي بلثلاجه اجيب مسواك واجيب عشه
رنا: ماشي ..راح صكر..وبديت ابجي واني شابگه ملابس اهلي انفتح الباب ودخل 😳……
الفصل السادس عشر
…………………………
مرات الواحد يحس بتعب فضيع لدرجه لووو الدنياااا تنكلب كدامه والكل يروح منه ويبتعدون عنه راح يظل بس صافن هاي اهنا الواحد واصل مرحله تعب من نفسه ومن مشاعره ومن تفكيره ومن كلشي بي
شايفين الحيل لمن ينهد ؟بضبط تماماً المشاعر بداخلنا هم تنهد العالم راح يفسرون انو هذا عدم اهتمام و انت ما تحس او ماعندك مشاعر مايعرفون الي بداخلي شنوو ما يعرفون الخراب والرماد بداخلي شنوو ماكو اصعب من انو تتعب من نفسك 💔
…………………………………
مهدي: رجعنا اني وليث للبيت جدي جان كاعد ع تخم كال
الجد: وين رنا
مهدي: بيتها
الجد: شنوو بيتها مو كلتلكم ماتعوفونها هلبنيه ماندري شراح تسوي
ليث: تره صكر وياها
الجد: انعل شيب اهل صكر ان ماجبتوها تعرفون شسوي
مهدي: شلك دخل بيها خليها هيه وزوجها
ام مهدي: هيه وزوجها منو زوجها بله
ليث: خاله منو ماسح عقلج
الجد: يلاا جيبوها
مهدي: امشي ليث اكيد تعبان مو
الجد: الله كريم اني رايح اجيبها بطريقتي
مهدي: طلع جدي بره وركضنا ورا لزمنا وكلناله...جدي عوفهاا البنيه تعبانه طالعه من حلك الموت
الجد: عساها ماتت ولا ردت
ليث: استهدي بلرحمن جدي عوفها بين متصير زينه ونفسيتها ترتاح
الجد: اكل تبن لك انت ماتعرفها
مهدي بعياط: بس انت التعرفها كهربتها ماحجينا شي ضربتها كلنا جدها اكبر منها بس ماتعوفها ترتاح لا هنا زادت عن حدها .
الجد بعياط: انجب مو انتم تمنعوني من شي ليث امشي وياي
ليث: مهدي اشرلي براسه يعني روح ويا ...رحنا لبيت عمي دكيت الباب محد فتح جدي كال ادفره دفرته وجدي دخل جوه اني ردت افوت سمعت عياط وراي ..
............
رنا: دخل جدي وعيونه بكصته من العصبيه ...شرايد مني عوفني
الجد: اذا مارجعتي للبيت اكسرج
رنا: ميهمني عوفوني ارتااح منكم
الجد: ترتاحين مو
رنا: لزمني من شعري وضربني راشديات روحي شاغت بس لزمت نفسي.
الجد: كح.... انعل والديج تريدين ترتاحيننن
رنا: ماجاوبته. دخل صكر وسحبني منه
……………………
صكر: رحت للاسواق اشتري مسواك ..كملت المسواك ورحت لمطعم طلبت كباب ..طول الطريق بالي يم رنا خاف يصير بيها شي تتخربط ..ركبت سيارتي وانطلقت للبيت شفت سياره ليث
كلت يجوز اجا يطمن ع رنا بس سمعت صوت جدي جوه ركضت جان لازمها من شعرها ويضرب بيها سحبتها من ايدها وكتله....شوكت نرتاح
الجد: ترجعون للبيت وكبال عيني ترتاحون
صكر: وتاخذ رنا وتكهرب بيها وتضربها مو؟
الجد بلهفه: باوعو ثنينكم واسمعوني زين ان مارجعتو وياي اخليكم طول عمرك تندمون ع ساعه الاجيتو بيها للدنيا
رنا: شراح تسوي مثلا تضرب صكر؟ لوو تموتني هااا شتسوييي كوللل
الجد: جو. قبل لايكمل قاطع كلامه صكر كال
صكر: خلااص جدييي ابن العالم مو لعبه بيدككك
رنا: ماشي ياجدي ماشي. (بنفاذ صبر) جايينن
صكر: جدي من هسه اكلك رنا مرتي وماالك الحق تمد ايدك عليها
الجد: وشنو يعني هيه حفيدتي ترا
رنا ببرود: كافيييي. ردت اشيل ملابس ابويه وامي اخذهم وياي
الجد: هي هي وين جايبتهم
رنا: ملابس امي وابوي رايدتهم
الجد: بيتي مو محل بالات
صكر وليث: جدييييي
الجد: يلااا كدداميي
رنا: كلشي تهون يا الجد الحنون...اخير نظره نظرته للبيت الي هوا نظره اشتياق ..نظرت عتب...نظرت حب ...شتاقيت لاهلي
...شتاقيت لكل مكان موجود ريحتهم...شتاقيت لابوي من يرجع من شغله لهفاان ..جوعان..عطشان..علمود يعيش
عائلته...شتاقيت لامي من تكلي ادرسي اريدج مهندسه..تكلي كومي ساعديني ...شتاقيت لكلشي موجود بحياتي من الماضي...بس للاسف كلشي تحطم...كلشي صار ذكره وماضي
من حياتي..صرت لعبه بيد الناس...ياهو اليسئل هاي يتيمه...ماكول غير الله يستر من الجاي ..خايفه من مصيري المجهول...طلعت من الباب وقفلته چني قفلت كلبي ..انطيت
المفتاح لصكر ...صعدت بلسياره..وتوجهنا للبيت او بل احرى لجهنم ..بس من اشوف عمتي..چني شفت ابوي ..حنان ابوي كله بيها..من اشتاق ل اهلي اباوع عليها
كلمات رنا 👇
هلي شيب العلي مو گد مواليدي
هلي جمر الجگاير جاس جلد ايدي !
هلي كل وجع منكم 💔☹️
……………
....وصلنا البيت واشوف عمتي رايحه وجايه بلمطبخ..رحتلها واني دموعي تنزل ...عمه ميخلوني ارتاح..عمه بداعت كل غالي ع كلبج بس مره وحده ياخذوني لاهلي خلي انضرب خلي انهان بس ياخذوني لاهلي ....احجي وياها وحنا متحاضنين
العمه: شبيدي يابنتي والله اخليهم ياخذوج بس المشكله جدج ميقبل بنات تطلع من البيت
رنا: شنو ميقبل رايحه لاهلي ....طببتني عمه جوه شفت البنات شوي رتاحيت ..شلمت عليهن وطبيت للغرفه طفيت الضوه
وقفلت الباب كعدت بزاويه ضلمه ماريد اشوف احد ضليت كاعده بلكاع والهوا البارد ع وجهي ..تمنيت اضل هيج ..بس شسوي الله كاتبها عليه ..كلشي عشته ضلم من بعد اهلي
علمتني الحياه ان اكعد بزاويه ضلمه وابجي وبعدين امسح دموعي واطلعهم هيج علمتني الحياة ....اندك الباب مافتحته مره مرتين هم مافتحته ماريد اسمع صوت احد اريد هدوووء ..
صكر: رنا فتحي الباب
رنا بعياط: عوفووني ماريد اسمع صوتكم خلي بس ثانيه وحده ابقه وحدي
صكر: ولج ياثانيه صارلج من العصر وهسه صار الدنيه ليل يلفاهيه هسه وين انام وانتي بغرفتي
رنا: شكد غبيه ..فتحتله الباب فرشتلي بلكاع وتمددت. صكر جان يسبح بلحمام الغرفه طلع
صكر: ها خيرج شو نايمه هنا
رنا: عادي عوفني انام
صكر: دكومي كومي انتي خطار ولازم تنامين ع جربايه
رنا:فدوه عوفني انام مرتاحه هنا
صكر: نجبي وكومي.
رنا: اووف كمت كمت. رحت ع جربايه تمددت والمفاجئه جان.......صكر نام بلكاع واني من ورا غبائي وعنادي عبالي
راح ينام وياي ع جربايه ابتسمت ونمت وتمنيت مااكعد الصبح....كعدت ع صوت السشوار مالت صكر ...
صكر: صبحج الله بالخير
رنا: ياخير ماتكلي بعدين شهل صوت روح نام
صكر: ضحكتيني 😑😂 ساعه بل1 الضهر
رنا: هاه اي لعد خلي انام طفي الضوه مو عيوني عمت
صكر: فوك ماغرفتي تحاسبيني يلا اني رايح اذا تردين اقفلي الباب علمود ترتاحين اكثر
رنا: تمام...راح صكر واني بلكوه كمت من النعاس الي عندي طفيت الضوه وسديت البرده كملت نومتي ..حلمت اشوف جود يعاتبني يكلي ليش سويتي هيج بيه اني حبيتج بس
ماتوقعت انتي تحبين صكر واخر كلمه كالها وصرخ ....اتذكريييي اني احبجج ..فزيت من نومي وجهي كله عرگ
وارجف كعدت ع جربايه وابجي بلهفه شتاقيت كلش لجود ميدري ديهددوني بروحه ماريده يخسر الحياة بس شنو ذنبه اذا حبيبته تكله والله اني احب صكر اخخ مني ولا ارتاح ..اندك الباب ...منووو
راما: انيي فتحي ولج
رنا: فتحتلها الباب جان بيدها صينيه اكل ...فوتي
راما: يلا اكعدي كبالي واكلي
رنا: مو جوعانه
راما: بس صكر كال صارلها من البارحه مماكله شو اكلي يلا تره متت جوع
رنا: اكلي انتي اني مااشتهي
راما: تره ازعل منج
رنا: والله لو جوعانه جان اكلت
راما: بكيفج بعد مااجبرج
رنا: بدت راما تاكل واني كعدت كبالها ..اكلج
راما وهيه تاكل: ممم
رنا: ليش الحياة هيج ضالمه يعني ليش ماتاخذ جدي ليش ماتاخذ ذوله الضلام ليش بل ذات ياخذ الزين والحنون
راما: والله رب العالمين ياخذ الزين يعني خاف ممرتاح بلدنيا يرتاح بل اخره اماا الي مثل جدج يريد يعذبهم بلدنيا
رنا: زين متشتاقين لاهلج
راما: اشتاقلهم بس هما سبب اذيتي ذبوني گبل ميعرفون شراح يصير بيه يعني ياهو اليجي يسئلوني عن اهلي اغير السالفه ومحد يفهمني غير تاليا هيه اكثر من اخت الي هيه الي
وكفت وياي ..من جدو جان يضربني تدخل للمخزن وتكله اضربني اني هم ..من مرت عمج ترزلني ع شي تافهه كبل تاليا
تكول اني سويته ..اما ياره ولارا ذنه شبعن تبن من جدي ..لا والحلو مسويله جدول كل سبوع يضرب وحدا عبالك يمه حيوانات ومع كل هذا اضحك بس بداخلي هواي حروب
رنا: حبيبتي الدنيا مراح يضل هيج يجيهم يوم والله امنيتي انو اصير اكبر من جدي واشبعه كتل اخذ حقي وحقج وحق
البنات واخذ حق كل واحد مضلوم. اكلي كلبي ...راحت راما وقفلت الباب وطفيت الضوه وتمددت غفيت شفت هواي كوابيس كل شويه افز بل اخير كعدت اندك الباب ...منوو
صكر: اني فتحي
رنا: فتحتله الباب شو كبل سحبني من ايدي
صكر: ليش مماكله
رنا: مااشتهي اكل
صكر: بس ميصير متاكلين صحتج بعده مو زين
رنا: ليش ضل صحه بهلبيت شوه كله قهر بقهر
صكر: ماعرف شكلج بس راح اجيب العشه واذا مااكلتي شسمه
رنا: ههه روح ..راح صكر ورا شويه اجا شكد حاول وياي بس مااكلت اني جوعانه بس مااشتهي اكل شلون صار ماادري ...اكلك ابن عمي
صكر: هاا
رنا: اخذني ازور اهلي بس مره وحده
صكر: اي اخذج بس بشرط
رنا:وهوا؟
صكر: اريد تاكلين هل اكل كله واذا مااكلتي راح تبقين هنا
رنا: لا يابه اكل ..بديت اكل وصكر يضحك عليه اشرتله شكو
صكر: اذا هيج تاكلين يوميه اخذج لاهلج
رنا: والله تسوي فضل بس خايفه من جدي لا يطلع بطريقي وانجب بلبيت
صكر: رنا اني كدامهم زوجج محد يكدر يلمسج او يحجي وياج كدامهم انتي مرتي ووين مااخذج لا جدج ولا ابو جدج يكدر يمنعني
رنا: اي صح والله ...اكوم اشيل الصينيه وارجع انام..اخذت الصينيه للمطبخ شفت تاليا تبجي...شبيج تاليا شكو تبجين
تاليا: اكيد راما حجتلج شيصير بينا ..باجر هئ عقابي 😭
رنا: كنبزت كبالها....لاتبجين مراح اخلي احد يلمسج باجر راح تشوفين
تاليا بهدوء: شراح تسوي
رنا: انتظري وشوفي يلا اروح انام...رحت للغرفه شفت صكر نايم ع جربايه كلت مااكعده حتئ عيب فرشتلي بلكاع وغفيت
..الكوابيس ماخلتني انام ضليت كاعده لحد ماسمعت ديأذن كمت توضيت وصليت كعدت ع سجاده وادعي ...اللهم ارحم
موتانا...اللهم شافي وعافي مرضانه ...اللهم يسر امري. ربي مالي غيرك انت سندي ووكيلي بلدنيا وبالاخره ...ربي انت ادرى بيه ..ربي ماريد اخسر أي شخص احبه ...اللهم ارحم ابوي وامي واجعلهم من مثواه الجنه ....قريت الفاتحه وكمت تمددت غفيت شويه وسمعت 😱……
الفصل السابع عشر
#اليتيمه وابن البصره
#بارت17
#الكاتبه هديل احمد
………………………
لطالما اعتبرت الهروب إيقاف مؤقت لكل قضيّة، لذا واجه وأَغلق الملفات للأبد، فليس الهروب حلاً ولن يكون .
…………………
رنا: كعدت ع صوت صريخ تاليا فزيت وركضت فتحت الباب شفت ام مهدي تبجي ع بنتها واخيرا نزلت دموعج يا مرت عمي بس مو بهلطريقه....وين وين تاليا
العمه بدموع توسل: رنا تاليا راح تموت 😭
رنا: فهموني شكوو
ام مهدي: بنتيي راح تموت الله يخليك عمي طلعها ..ولجنن سوو شي
رنا: توجهت لباب المخزن ..جدي الله يخليك افتح الباب اضربني بس لاتضرب تاليا
تاليا: اااخخ يمممهه
الجد: امشوو منااا
رنا: اجا ليث وشاف الكل يبجي ياريتهم يبجون من يشوفوني اتعذب ....ليث ادفر الباب
ليث: ليش شكو
رنا: مو وكت الاسئله افتح الباب…ليث دفر الباب وشفنا تاليا الدم تارس وجهها ركضت عليها وحضنتها ونبجي اني وياها ..خلص الله يخليك جدي لاتأذيها ولك شهل انسانيه الي عندك شتحس من تضرب بنات. مانشوف غير الاذيه منك ليش
ماتبطل طبعك ليش ماتطلع قهرك بغير شي ليش وليش هاي كله ليش بس ماتبطل طبعك ابد عشت ببيتك اسوء ايامي تمنيت ماعندي لا جد ولا اعرفك كافي
الجد: شوفي تاليا عبالج خلص عقابج لا ابد ماخلص
تاليا: الله ياخذك نشالله ..الله ياخذ الزين ويبقي هيج نماذج تفوو عليك
رنا: راد يضربها بس صرت كبالها والضربه اجت عليه شاغت روحي ...لو شنو ماحجيت مراح يأثر شي بيك انت صنم كلبك من حجر دمك سم كلك ع بعضك ضالم ليش تعاملونه هيج شمسوين الك هااا
ام مهدي: يمه بنتي راح تروح مني
تاليا: هم حاسبه روحج ام كافي تمثيل الله يخليج محد بيكم يحب بنيه بهل بيت اصلا البنيه عدكم او بتفكيركم عاار بطلو هلعادات وانت ابن عمي وبمقام اخوي واكف ولا كأنو صاير شي ملينا كمت ادعي اموت ولا ابقه
رنا: امشي لو منا لباجر نحجي مراح يفرق شي ..اخذت تاليا لغرفه صكر غسلت وجهها وبدلت ملابسها ..لارا وياره وراما واكفات يبجن مو بيدهن شي يشوفن اختهن و بت عمهن تتعذب اكيد راح يبجن ...
تاليا: رنا شكرا كلشش
رنا: ابتسمتلها ..ليش يروحي
تاليا: محد ساندني غيرج لو مو انتي جان اني ميته
رنا: عمري هلمره اني ساندتج مرا ثانيه انتي ساندي روحج صيري قويه حلي اصعب المشاكل بسهوله لاتخلين احد يكول والله تاليا هيج وهيج لتخلين الشماته يفرحون قوي روحج
..جدج يعذبج قوي روحج ولا تصرخين ولا تنزلين دمعه من عيونج لان اذا صرختي راح يأذيج اكثر اذا تبجين يفرح ..انه شو من عذبني سمعتو عياطي سمعتو صوتي واني ابجي ..بس
بداخلي تحطم بداخلي ديبجي..وانتن هم مثل ماسمعتن سوون ..احنا عايشين بمجتمع يحب الشخص الضعيف حتئ يحجي عليه يفرح من يشوف واحد يبجي يتشمت من يشوف واحد حزين
راما: كلامج كله صح ووعد من اليوم نصير شخصيه قويه ونقاوم كلشي
لارا ويارا: وعد نسوي هيج
رنا: يلا تاليا نامي انتي جسمج يوجعج
تاليا: وصكر؟
رنا: صكر اخوج مو غريب ينام بلكاع
تاليا: بس انتم متزوجين وعيب هلشي انو انام يغرفتكم
رنا: نجبي اني ماعندي لا عيب ولا شي انه وصكر ننام بلكاع وانتي ع جربايه...يلا بنات امشن نساعد عمه الظاهر امهاتجن هم كعدن عبالهن رنا انكسرت بس اني اعلمهن
البنات: حقج تحجين عليهم
رنا: يلا امشن ...رحنا ع عمه بلمطبخ جانت تسوي عشا ودموعها ينزل ..له له له عمه دتبجي شبيج عمتو
العمه: تاليا بيها شي
رنا: لا لتخافين مابيها شي نايمه هسه
العمه: والله لو ماانتي جان. تاليا بلمستشفئ 😭
رنا: حضنت عمه وشميت ريحتها بيها ريحه اهلي ...اوف ياعمه شنسوي بعد نعيش ويا شسويتي اكل
العمه: هل موجود
رنا: لعد راح اصب النا ولل تاليا..صبينا الاكل ورحنا للغرفه جان طافي الضوه وتاليا نايمه رحت باتجاها عفت ايدي ع شعرها وفزت ...اهدي شبيج
تاليا: لا ماكو شي
رنا: متاكده خاف بيج شي
تاليا: لا مابيه شي
رنا: تعالي اكلي ويانا حتئ تقاومين..بلكوه كعدت تاكل كل شويه تصفن دمعها ينزل وتمسحه ..انحرمن من احله شي بحياتهن ..انحرمن من الدراسه انحرمن من الطلعه
تاليا بصفنه وابتسامه: تدرن شغله احس روحي يتيمه وضايعه بين ناس ماعرفهم ..لا اب يريد الي الراحه ولا ام تريدلي
الفرحه ..كل واحد يريد راحه باله ميهمهم هسه اذا اجا ابوي وكالوله عليه انو جدي ضربني راح يكول اي صوجها ...ليش
معندي حض اشوف البنات يمرن منا يم بيتنا كل وحده لازمه ايد امها وابوها وتمشي فرحانه واني اليسئلني وين امج وابوج شكول؟ والله اهلي ميعتبرون عدهم بنيه؟ تعبت هواي
رنا: الغصه واكف بنص بلعومي ..كمت من الاكل ورحت للحديقه كعدت بلكاع و بجيت بحرگه گلب اريد اطلع البداخلي بلبجي ورا شوي حسيت ايد ع كتفي نداريت وشفت صكر ..
صكر: ليش هلدموع
رنا: اريد اطلع حرگه كلبي ..لزمت ايده وكتله...محد يفهمني محد يعرف شبيه ع اقل انت قريب مني اريدك تفهمني فدوه 😭
صكر: افهمج تريدين تروحين لاهلج تريدين راحه بالج تريدين جود تريدين اهل جود تريدين واحد يطمنج ويكلج انه بصفج تريدين اهلج يمج
رنا: بجيت وبجيت هوايه ..حضنته وبجييت اكثر ...ليش هيج يصير بينه شنو ذنبنا شكو نتعذب انحرمت من ابوي كلت امي
يمي نحرمت من امي كلت اهل جود بصفي نحرمممت من دراستييي ونحرمت من احلامي مستقبلي كلشي جنت اتمنه انحرمت منه ماعندي حلم تحقق كل احلامي فشل... هذا كله جنت احجي واشهك وابجي
صكر: باجر اخذج لل نجف ادللي هم تزورين عمي وامج وهم نزور امير المؤمنين عليه السلام
رنا: صكر رب العالمين ماانطاني اخ بس انت صرت اخويه صكر هذا المعروف مراح انساها الك بحياتي كله...سمعنه صوت من ورانا
مهدي: ها ياخاينه قابل بس صكر وكف وياج لعد احنا شنو 😑
اثير: امشي خويه امشي احنا نترزل وصكر ياخذ حضن بمكانه ترا احنا هم اخوانج
رنا: ضحكت ع حجيهم .. قسمم ثلاثتكم احبكم
مهدي: تعاي يبعد اخوج تعاي
رنا: رحت حضنته وحضنت اثير هم. هما اخواني واني اختهم الي مجابتني امهم
اثير: باجر اني ومهدي راح نجي وياكم
صكر: ولد اللذين انتم شكو
رنا: ميخالف انغير جو شويه. بس اريد منكم شغله
الولد: شنوه
رنا: البنات هم يجون ويانا
مهدي: خرب بيومج
رنا: ليش
مهدي: خربتي ام الفاجئه كلت اخليها مفاجئه الج
رنا: صدكك يعني انتم واح تجيبون البنات همم
اثير: اي راح نجيبهم
رنا: جا شكد حنونين انتم جا جدي عليمن طالع
صكر: طالع من بطن امه 😂
الكل: 😂😂😂
رنا: هسه اريدكم تجون وياي وتطيبون خاطر تاليا
مهدي: قابل احنا ضربناها
رنا: ميخالف خلي تحس عدها احد يسندها ...رحنا للغرفه البنات جانو بغرفهم بس تاليا نايمه دخلت وحدي كلت للولد اكفو هنا واسمعو ردة فعلها ..رحت يمها هم فزت ياربي شبيها ....تاليا عمري جبتلج شي
تاليا: ميهمني
رنا: بس اكيد راح تفرحين بيهم
تاليا: رنا بعد ميهمني احد
رنا: ادخلوو
تاليا: نزلن دموعي من شفت اخواني وابن عمي ...اجيتو حتئ تشوفوني مكتئبه اجيتو تشوفون اختكم هسه تذكرتوها مجنت اعرف الشغل ينسيكم اختكم
مهدي: رحت باتجاها ...محد يكدر ينسيني اختي وبنيتي
صكر: زعلانه منا مو
تاليا: شدتشوف ..فد يوم شفتو بنيه بهل بيت فرحانه؟ اكيد راح نزعل و راح نبجي
ليث: انتي اختي وبنت عمي وكلشي بنفس الوكت مستحيل بعد نقبل احد يلمس بنيه بهلبيت
تاليا: بعد ايش؟ ليما طلع حرگه كلبه باختكم شوو حتئ جدول مسوي كل سبوع بنيه والله ذكي ههه
مهدي: تعاي ياروح اخوج كون اني ولا انتي
تاليا: حضنتهم وبجيت ..رنا واكفه ودموعها بطرف عيونها تكابر تنزلهم ...نزليهن رنا لا تكابرين
رنا: نزلت دموعي نهدت حيلي وكعدت بلكاع
صكر: هوهو كلبنه مناحه 😂😑
تاليا: دومك تخجل الواحد
صكر: هسه نسكتج لو نسكت رنا ديله بالله شهلسمعه
ليث: عوفهن يكلعن البكلبهن
مهدي: لعد راح نضل شهر نسكت بيهن وميسكتن
صكر: احنا النبتلي بس والله ناخذلنه حضن من كل بنيه 😂😂
تاليا: ها لازم اخذت حضنه 😉
صكر: اي يابه حضن الا بشده 😂
رنا: عابتلكم امشووو طلعوو براااا
الولد: ع كيفج يابه هاي شبيج طلعنا..راد يطلع صكر بس رجع كال
صكر: لحضه لحضه الغرفه وغرفتي اني ياهو الاطلع منه
رنا:هسه ديلا انت نام بغرفه واحد من الولد اني وتاليا ننام هنا
صكر: ديلا فوتي افرشيلي وباجر بل 5 نطلع حضرن ارواحجن
رنا: رحت فرشتله ورجعت للغرفه نمت يم تاليا اليل كله اقره ايات ع راسها تفز وترجع تنام ..........صار الساعه بل 4 ونص كعدت ع صوت الاذان كمت صليت وقريت قرأن ومثل كل مره اقره الفاتحه ع اهلي واترحملهم كعدن البنات وو........