العائلتين
بقلم دينا عبد الحق
الفصل الرابع
كان سليم و عاصم بمنزل نسمة بعد ان سافرت والدتهم للقاهرة
نسمة : ها يا ولاد محتاجين حاجة تانية قبل ما ادخل انام
سليم بصوت منخفض مجتاجين تنيمي البرص دا
عاصم لاخيه ؛ عيب كدا
شكرا يا طنط مش محتاجين اي حاجه انا هخلص مذاكرة و ادخل انام و سليم بيكلم اصحابه و هيخلص و ينام بردوا
نسمة : بالتوفيق حبيبي يلا محمود حبيبي عشان تنام
محمود : لا ماما انا هعد مع اصم حبيبي
نسمة: لا يا حبيبي سيب عاصم يذاكر
محمود : لا هو عايز اعد معاه صح اصم
عاصم : طب مش هتعمل شقاوة
محمود : فيش شقاوة محمود اعد عاقل
عاصم: هههههه خلاص طنط نسمة هو هيعد مؤدب مش هيضايقني متخافيش
نسمة : طيب حبيبي انا هدخل اضبط المنبه عشان اصحيك الصبح للامتحان
عاصم : معلش طنط هتعبك معايا
نسمة : مفيش تعب يا حبيبي ربنا معاك اعد مؤدب محمود
محمود : حاضر ماما
دخلت نسمة حجرتها
محمود لسليم : انت بتعمل ايه يا سولي
سليم : ملكش دعوه
محمود : شايف يا اصم هو اعمل معايا ايه انا اهو مؤدب مش اعمل حاجه
عاصم : سليم لعبوا معاك
سليم : انا مش بلعب يا عاصم انا بكلم اصحابي
محمود : انت كلم واحد صاحبك
سليم : ايوه بكلم واحد صاحبي
محمود : حلوة صورة واحد صاحبك هو البس فستان زي البت نور اللي في الحضانة
سليم : اسكت الله يخرب بيتك فستان ايه
محمود : هو سرح شعره حلو زي البت فيروز اللي في البيت اللي ادامنا
سليم : ولا انت ايه
محمود : انا عايز العب انت و انا العب انا مش ضايقك
سليم : تلعب ايه خلينا نخلص
محمود : تعالى و انا اقولك بعيد عن اصم عشان هو يضربنا علقنا هو مجنون
سليم : هههههه و الله عندك حق
محمود: عارف عارف تعالى
ذهب باتجاه البلكونة ثم
سليم : ها خلصني هنلعب ايه تيجي نستخبى من بعض و ندور على بعض
محمود : انت قديم اوي على فكرة
سليم : قول الجديد يا عم الجديد
محمود : استنى هنا ثم ذهب الى المطبخ و عاد بعد مدة و معه كيس مملوء بالماء
محمود : خد اربط دا
سليم : انت ناوي على ايه يا اوزعه ثم امسك بالكيس و ربطه
محمود : هات امسك بالكيس ثم قال احنا هنا نقف و نبص على اللي ماشي في الشارع اللي مش يعجبنا احنا نحدف عليه الكيس عشان هو مش عجبنا و احنا نجري جوا على طول
سليم : انت شرير ياللا
محمود : تلعب و الا اروح قول لاصم انت كلم ولد صاحبك لابس فستان
سليم : لا هلعب هلعب ربنا يستر
____________________________________
في صباح اليوم التالي بشقة مصطفى كانت عليا تقف في المطبخ تحضر الفطار
يخرج مصطفى من حجرته و يظهر عليه اثار النوم
مصطفى : صباح الخير يا عليا
عليا : صباح الخير يا قلبي لقيتك نايم مرديتش اصحيك قولت احضرلك الفطار اكيد وحشك اكل عليا و الا ايه
مصطفى : حبيبتي ربنا يخليكي ليا و ميحرمنيش منك ابدا
عليا : لا بس متتعودش على كدا بكرة تاكل اللي احلى من كدا
مصطفى : مش عايز اتكلم يا عليا ياريت منفتحش الموضوع دا
عليا : مش عايز تتكلم براحتك
مصطفى : ياريت يا عليا
عليا : انت براحتك متتكلمش لكن انا هتكلم و دا براحتي بردوا
بص يا مصطفى يا حبيبي انت عارف اني اختك و عايزه مصلحتك و بقولك انت و نسمة مكتوبين لبعض من زمان لكن
اللي حصل و دا قدر ربنا ان نسمة تكون من نصيب هشام الله يرحمه عشان يجي محمود زكرى من هشام ليكوا فاحنا نعمل ايه بقى نحافظ على الامانة اللي هشام سايبها لينا و على فكرة
مش محمود بس لا و امه كمان نسمة نسمة مش هتقدر تبعد عن ابنها و انت عارف ابوك ممكن ياخدوا منها هي مش هتقدر تعيش من غير ابنها و انت المنقذ للموقف دلوقتي دا اولا
ثانيا بقى يا روح اختك مش هنستعبط على بعض انت بتحبها فبلاش تضيع الفرصة من ايدك لانك متضمنش ممكن واحد تاني يطلع من العيلة بردوا مش هنخرج برا احمد و الا حسين ولاد عمك عادي يعني و يعرضوا على ابوك يتجوزوها و ابوك يوافق احتمال ممكن
مصطفى : محدش يقدر يعمل كدا متلعبيش في دماغي
عليا : لا ممكن يحصل و تبقى انت يا عيني لا نفذت وصية اخوك و الا استغليت الفرصة اللي جاتلك تصلح اللي هببته زمان
مصطفى : اتسدي يا عليا عشان خلاص الموضوع خلص وانا هتجوزها بس عشان انفذ وصية اخويا
عليا : اه ما انا عارفه ياللا افطر عشان تلحق تروح مشوارك و انا كمان اروح للراجل اشوف البيت
مصطفى : لسه مصممه مروحش معاكي
عليا : يا ابني محسسني اني عيلة دا انا اوديك البحر و ارجعك عطشان
مصطفى : مش مرتاح انك تروحي لوحدك انت بتعدي تستقوي و بعدين تاخدي على قفاكي و قام يجري على غرفته
عليا : طب و الله لما ارجعلك يا مصطفى انا باخد قفايه ماشي افتح يا جبان
مصطفى : هههههه لا مش فاتح الجبن نص الجدعنه
عليا : الجبن ماشي يا جبان لما اجيلك
_______________________________________
ببيت عصمت
خديجة : اصحي يا عصمت اصحي كل دا نوم
عصمت بنوم : اممممممم الساعة كام يا ديجا
خديجة : الساعة ١ حبيبتي
عصمت : ١ طيب يا ماما انا قايمة
خديجة : انت يا بنتي مش كنتي هتتصلي باسمه ايه مديرك دا عشان الشغل
عصمت : اه يا ماما هتصل عليه انهارده بتسألي ليه
خديجة : معلش يا بنتي اصل ابوكي عمال يسأل انت هتنزلي الشغل امتى
عصمت : هو ليه الفلوس اللي بياخدها اخر الشهر ملوش فيه بقى
خديجة : معلش يا بنتي بس انت عارفه
عصمت : انا عارفه يا ماما المهم انت علاجك بتاخديه و الا بتطنشي زي عادتك
خديجة : باخده يا بنتي ربنا يخليكي لينا لولاكي
عصمت وهي تضع يدها على فم خديجة ،: ماما حبيبتي انا جعانه اوييييييي
خديجة : ثواني و الاكل يكون جاهز يا قمر
اخرجت عصمت هاتفها ثم ضغطت على بعض الارقام
عصمت : البوص عامل ايه يا باشا مصر
اكرم : يا بنتي اعقلي بقى في بنت تتكلم بالاسلوب دا
عصمت : يا بوص و لو انا اتكلمت زي البنات هبقى مختلفة ازاي و بعدين هتلاقي مين يضحكك يا بوص
اكرم : بصراحه مفيش يا تيتو مفيش
عصمت : تيتو والله خارجه منك زي الحلاوة في الجبنة المهم هنرجع. للمرمطه تاني امتى انا تعبت من كتر الرفاهية يا بوص
اكرم : هههههه متصلة مصلحة مش عشان تتطمني عليه او تسلمي
عصمت : و انا اقدر يا باشا مصر بس انا لاقيت الصوت تمام قلت اكيد الصحة بومب عيني عليك بارده
اكرم ؛ اتسدي يا عصمت متقلقيش مكانك محجوز و احنا خلاص بنخلص ورق الشركة بتاعتنا و مش محتاج اقولك ان تيتو اول واحده في الاسطف بتاعي
عصمت : مبروك يا بوص و الله تستحقها و الجماعة الباقين اخبارهم ايه
اكرم : بتسألي على الكل و الا حد معين
عصمت : الكل طبعا يا بوص
اكرم : كلهم معانا ان شاء الله في الشغل الجديد و اهو عز بيحاول يخلص الورق في اسرع وقت عشان نبتدي
عصمت : اه طب كويس ربنا معاه و معانا جميعا اسيبك بقى يا بوص لا اكون ازعجتك و الا حاجه
اكرم : ازعاج هي تيتو تعمل ازعاج
عصمت : شكرا يا بوص
اكرم : انت الازعاج نفسه يا عصمت ههههههههه
عصمت: ماشي يا بوص سلام بقى عشان اخدت جرعة التهزيق بتاع انهارده اشوفك قريب يا باشا مصر
اكرم : اشوفك بخير يا لمضه
_______________________________________
ببيت نسمة
نسمة : انا هنزل اشتري شوية حاجات يا سولي هاخد محمود هتيجي معانا
سليم : لا يا طنط انا هعد استنى عاصم لما يرجع من الامتحان
نسمة : طيب يا حبيبي خلي بالك من نفسك
محمود بغمزه : ابقى سلملي على صاحبك يا سولي
نزلت نسمة لتحضر بعض الاغراض للبيت ذهب سليم للغرفة احضر اللاب الخاص بهم فتح الصفحة الخاصة به على موقع التواصل الاجتماعي فيس بوك
سليم : هايييييييييي
سندريلا : ايه يا ابني كل دي هاي
سليم : ههههه عامله ايه
سندريلا : انا كويسة انت عامل ايه
سليم : كويس اعد زهقان عاصم في الامتحان و ماما في كايرو و طنط نسمة راحت تجيب حاجات و انا اعد لوحدي قلت اكلمك
سندريلا : عندي ليك خبر
سليم : ايه هو
سندريلا : دادي قرر اننا نعيش في كايرو و هياخد لينا بيت هناك
سليم : وااااااااو بجد
سندريلا : بجد
سليم : بجد احسن خبر و يا سلام بقى لو نكون قريبين من بعض اخيرا هقدر اشوفك
سندريلا : هههههه و ممكن نكون كمان نفس المدرسة ايه رايك
سليم : لا انا كدا كتير تعرفي يا سيلا انت اقرب صديقة ليا بعد عاصم اخويا و بجد كان نفسي نتقابل من ساعة ما اتعرفنا على بعض
سيلا : اكيد هنتقابل سليم و ايه رايك بفكر عيلتنا كمان يتعرفوا على بعض و نعمل رحلة سوا واو بجد هتبقى حاجه تحفة
سليم : ان شاء الله يا سيلا و على فكرة هتحبي ماما جدا و لو شوفتيها مرة و كلتي من ايديها هتدمني اكلها
سيلا : واو من كلامك عنها انا حبيتها جدا و انت كمان لو شوفت دادي هتحبه جدا صح خالك لسه مش جاء من انجلاند
سليم : قصي راجع بعد بكرة انا اول ما اكبر هسافر زيه
سيلا : هتسافر تدرس برا
سليم : هههههه لا انا مش بتاع الكلام دا انا هسافر اتفسح و اشوف العالم دا كله اما بالنسبة للدراسة فاانا سايبها على عاصم يرفع راسنا اصل مينفعش انتين متفوقين في عيلة واحده هههههه
سيلا : ههههههه فاشل
سليم : اكس كيوز مي مش فشل دا تريح دماغ انا هاخد لهم الشهادة و ابقى اكبر بزنس مان في البلد دي و بكره تشوفي سيلا هانم
سيلا : امممممم هنشوف سلام بقى دادي عايزني انت عارف مش بيعرفوا يعملوا حاجه من غيري
سليم : هههههه مغرورة سلام
_______________________________________
بعد مرور اسبوع
كان هناك اجتماع لكل افراد العائلة لكتب كتاب نسمة و مصطفى و كان قصي قد عاد من السفر و عليا قد انهت اجراءات شراء البيت و توقف فقط على التسجيل في الشهر العقاري
في حفل صغير ببيت محمود عم نسمة و ابوه لمصطفى
المأذون : بارك الله لكما و بارك عليكما و جمع بينكما في خير مبروك
قصي لمصطفى : مبروك يا عريس
مصطفى : الله يبارك فيك يا قصي هترجعوا معانا انهارده صح
قصي : اه اختك جهزت كل حاجه خلاص
عليا : مبروك يا حبيبي ربنا يهديلكم الحال
مصطفى : الله يبارك فيكي حبيبتي
عليا : طب تعالا معايا يا عريس عشان العروسة عايزاك
قصي : ربنا يستر عليك يا زميل ما قلنا الجواز مرمطة محدش صدقنا
مصطفى لنفسه : مش لما يبقى جواز الاول
عليا : مصطفى مهما نسمة قالت انت حاول تمسك اعصابك
مصطفى : ربنا يسهل
دخل مصطفى الى الحجرة التي توجد بها نسمة
مصطفى : احم احم
نسمة التي كانت تقف امام صورة هشام المعلقة على الحائط : اتفضل
مصطفى : طب هنتكلم و انت مدياني ضهرك كدا
التفتت نسمة له و قد كانت الدموع تغطي وجهها
مصطفى و قد تفاجأ من مظهرها : انت بتعيطي ليه دلوقتي على فكرة كان ممكن ترفضي
نسمة : تعرف يا مصطفى انت و ابوك اكتر اتنين دمرتوني منكوا لله
مصطفى : لمي نفسك يا نسمة و بلاش تطولي لسانك يا اما هتشوفي وش تاني
نسمة : قول وش تالت ما انا شوفتلك وشين فاكر و الا مش فاكر يا مصطفى فاكر و الا افكرك
مصطفى : اللي حصل زمان مكنش بايدي و انت عارفه
نسمة : بايدك برجلك انا جيباك هنا مش عشان اتكلم في القديم انا جيباك اقولك انك لازم تعتبر الجواز دا كانه محصلش
مصطفى : ازاي يعني
نسمة : يعني انا لسه مرات هشام هشام اللي عمره ما اتخلى عني و انا عمري ما هتخلى عنه و اكون لغيره حتى بعد ما مات انسى الورقة اللي هتكون كتباني على اسمك دا شرطي عشان اتحرك معاك من هنا و الا
مصطفى : و الا ايه
نسمة : لا دي هسيبك تعرفها لوحدك لما ترفض شرطي
مصطفى : انا موافق انت اصلا مش فارقه معايا انا كل اللي يفرق معايا ابن اخويا ابن اخويا و بس فاهمة
نسمة : ياريت انت اللي تكون فاهم
مصطفى : الايام بيننا يا مدام ثم قال في نفسه مدام مصطفى مصطفى و بس