رواية الفهد والفاتنه
الفصل العاشر والحادي عشر
بقلم منه هاني
تيا بصدمه : نععععععععععععم
ابيه هو انت عارف انت بتقول ايه
سليم : هو ايه الي عارف انت بتقول ايه عايز اخطب صاحبتك دي فيها حاجه
تيا : بس انت يا ابيه مش شوفتها غير مره وآحده لما جت المستشفى إنت متعرفهاش
وكمان إنت أكبر منها ب١١ سنه
سليم بحده :في ايه يا تيا
شوفت واحده واعجبت بيها وعاوز أتقدم محسساني إني عجوز فرق السن دا مش كبير في ناس كتير بتتجوز أكبر من كدا
تيا : خلاص يا ابيه تبقى قولي هنتقدم امتى واقولها
سليم وهو ينهض إلى غرفته : تمام تصبحي على خير
تيا وهي تتبعه بنظراتها : وحضرتك من اهلو
.......................................
اما عند رانسي بعدما خرجت من المستشفى وتوجهت إلى البيت لتفتح باب المنزل وتتفاجئ
بابيها يجلس على الكرسي في الصاله
رانسي بصدمه : بابا... لتجري عليه بسرعه البرق وهي تحتضنه بدموع
رانسي بدموع: كل دا يابابا في السفر هنت عليك تسبني لوحدي
السيد حمدي المغربي بحنان لابنته الوحيده : أنا آسف يا قلبي بس كان في مشاكل في الفرع إلى فى إيطاليا وكان لازم انا اسافر عشان احلها
رانسي وهي تمسح دموعها : خلاص المهم دلوقتى انك معايا
حمدي بمرح ليخفف عنها : ها ياست رانسي هتأكلينا من اكلك العك دا ولا نشتري بيتزا احسن
رانسي بمرح : لاااا انا هعمل الاكل دا انا عليا مكرونه فشر..
حمدي بيتريقه : ايوه منا عارف ياختي بأماره ما فضلتي ماسكه المكرونه وتغسلي فيها لحد ما بقت عصيده وبعدين رايحه تعمليها قال فشر قال يالا يا كدابه
رانسي بتذمر : الله انا حستها مش نضيفه وكل ماغسل فيها تطلع مايه وحشه اعمل انا ايه
حمدي بمرح : ولا حاجه اصل انا مش مستغني عن نفسي واتحجز في المستشفى أول ما انزل مصر كده هطلب بيتزا بالجبنه و اتنين بيبسي وخلاص
لحد ما اجيب واحده عامله تعمل الاكل
💖💖💖💖💖💖💖💖💖💖💖
اما عند أدهم بعد ما اخد شاور بسبب المقلب إلى ليان عملته فيه
قرر انه هيروح المول عشان يجيب له هدوم جديده ودريس مفاجأة إلى ليان جديد معه نقاب من نفس اللون
هو ينزل من الدرج ليسمع صوت تصفير
ليان بشقاوه : ايوه بقا اخويا المز متشيك ورايح فين كدا يا دومي
أدهم : بس يام لسان انا لسه منستش المقلب إلى عملتية فيا بس جهزي نفسك عشان هعمل فيكي مقلب تمام
ليان بخوف مصطنع : أنا قلقت منك
لترجع تردف بمرح وهي تغمز له : مقولتليش بردو رايح فين يا مز
أدهم وهو يضحك ويضرب كف على كف : مجنونه والله انا ياستي رايح اجيب شويه هدوم جديده ليا وكدا
ليان : تمام بس متنساش الشوكولا بتاعتي و الا هتتنفخ
أدهم وهو يمشي : تمام يا حجه حفظت واللهي
💜💜💜💜💜💜💜
في المول كانت لوجينا تختار لها فساتين محتشمه مع الحجاب المناسب وهي تمشي لتخبط في حائط ولكنه حائط بشرى
لوجينا : انتا يا بنآدم مش تحاسب هو إنت داخل تخبط في خلق الله
الشاب : معلش انا اسف بس انا مختش بالي
لوجي بغيظ : اعمل ايه انا باسفك إيه بقا افرض كنت وقعت اتعورت وإنت شبه الحيطه كده
الشاب : مقولت انا اسف يا انسه هو جر شكل وخلاص
لوجي : جر شكل ايه يا حيوان يجموسه انت مش بردوا انت الي طويل زياده ومفكر الناس كلها زيك ومش بتبص أن في ناس مش طويله زيك ماشيه على الأرض
أدهم : بقا انا حيوان وجموسه يا عيله برأس كلب انتي انتي اصلا آنتي مكنتيش منتبه اعملك ايه يعني وكمان انا اتأسفتلك مع إن مش أنا إللي غلطان امشي يا طفله شوفي انتي رايحه فين
لوجي لادهم الذي ابتعدا عنها : أنا مش طفله يا حيطه
لتذهب لوجي لتكمل ما كانت تفعله ولكن مع اختلاف انها تشتم أدهم في سرها
...............................
اما عند ليان بعد ذهاب أدهم ذهبت استحمت ولبست هوت شورت لونه اسود وتيشرت ابيض وتعمل شعرها الطويل الناعم على هيئه قطتين وتمسك الهاتف لتتصل على كيان
ثواني وردت كيان
_الو ي كيان مفتحتيش لي ي بنتي قلقتيني عليكي آوي.
لترد عليها كيان بتعب:تعبانه ي ليان حسه إن جسمي مكسر.
لتقول لها ليان بقلق:يا الله طب أنا هكلم رانسي وهنجيلك ي حببتي نطمن عليكي.
لتقول لها كيان:ماشي ي حببتي تنوروا.
ثم تغلق معها الهاتف وتهاتف رانسي :رانسي تعالي نروح علي بيت كيان نزورها وكده دي صوتها تعبان آوي ي بنتي.
لتقول لها رانسي :طيب يلا هقوم البس واجي عليكي بس بتاكسي وكده ف اجهزى علطول
لتوافقها ليان الرأي
وبعد فتره تأتي رانسي أسفل منزل ليان لتهاتفها تامرها بالنزول ثم يذهبوا.
وبعد فتره الوصول وقف التاكسي امام فيلا كبيره لا بل قصر فهم للغايه بأحد الاماكن الراقيه لتنزل كلا من رانسي وليان ويدفعو الأجره ثم تقول رانسي بصدمه:الله الله الله ده إحنا طلعنا مصاحبين اغنيا ي بت ي ليان.
لتقول ليان وهي تضحك :ي بنتي قولي الله أكبر يخربيت الدبش يلا اتفضلي قدامي عشان ندخل.
لتقول رانسي وهي تلف ورائها وتدفعها للامام :لا ي حببتي اتفضلي آنتي قدامي يلا.
لتضحك ليان ثم تقول وهي تلف راسها وتنظر لها:طب بالراحه لحسن أتخبط ف..... ولكن لم تستطع تكمله جملتها لتصتدم بشخص ما لتنظر له فتراه ينظر لها بغضب قائل بصوت اجش:مش تفتحي ي عاميه آنتي
لتقول ليان بحرج وتوتر : أنا... انا أسفه مم ممش قصدي..
لتقول رانسي من ورائها بغضب:إنت إللي اعمى ي بتاع إنت وبعدين منتا شايفنا داخلين كنت تمشي في حتة تانيه بلاوي وبتتحدف علينا اووف.
ليقول رائف بغضب :مش فاضي للعب العيال بتاعكو ده.
لتقول رانسي بغضب :طبعا مهو الفرجه في التليفون مهمه ليكو ولما تخبطو في الناس ترموها علينا..
لتقول لها ليان بحرج:رانسي كفايه يلا نخش ل كيان..
ثم يتحركو ليمنع رائف ليان من الحركة قائلا وهو يشهر ذراعه امامها مانعا أياها من الحركة :آنتي داخله فين ولمين ي بتاعه آنتي.
لتقول ليان بحرج وهي تنظر في الارض:أنا.. داخله ل كيان صاحبتي.
ليقول رائف بأبتسامه خبث:أهاا كيان أختي طب اتفضلي اتفضلي
لتدخل ليان وورائها رانسي التي ترمي رائف بنظرات الاشمئزاز والغضب لينظر رائف ل طيف ليان ثم يبتسم بخبث ويذهب لعمله.
.
.
.
بعد خروج رانسي من منزل رائف هي وليان تذهب إلى البيت بعد الاطمئنان على ليان
لتذهب ناحيه المكتب لتجد والدها يراجع بعض الصفقات
رانسي : ايه يا حجوج كل دا لسه منمتش ليه
حمدي بهدوء : مفيش يا راسو بس انا براجع شويه صفقات وكدا حمدي : لا ادخلي غيري لبسك ونامي وانا لما اخلص هدخل انام
رانسي بحنان : ماشي يا بابا بس حاول ما تتعبش نفسك كتير ونام تمام
لتذهب رانسي إلى غرفتها وتغير ملابسها وتقعد على السرير
ليرن هاتف رانسي بتيا
رانسي بقلق : في حاجه يا تيا انتي تعبانه ولا مامتك فيها حاجه
تيا بتلعثم : اصل........ اصل
رانسي بقلق أكبر : في ايه يا زفته قولي بقا متخرجنيش عن شعوري
تيا بسرعه : اصل ابيه سليم عاوز يتجوزك
رانسي بصدمه :إييييييييييه
.تيا بتوتر : في ايه يا رانسي
رانسي : تيا انتي عبيطه ولا عبيطه اخوكي مشفنيش لغير مره واحده ودي كانت في المستشفى هيخطبني ليه
تيا بتوتر زائد :مش عارفه واللهي هو قالي كدا بس وكمان... اصل.. اصل يعني
رانسي : في ايه يا تيا تاني قولي بسرعه يالا
تيا بسرعه : سليم جاي بكره هيتقدملك
رانسي بصدمه أكبر : نععععععععععععععم
*************&&&&******&&&&*****&&&&***
البارت الحادي عشر 11
.
.
في صباح يوم جديد يستيقظ بطلنا وذهب ليستحم ويصلي ويرتدي ملابسه للذهاب إلى فى العمليات الخاصه
لينزل إلى الأسفل ليجد الجد منصور وأخيه وعائلته تنتظره على مائده الطعام
رائف للجميع : صباح الخير يا جماعه ليرد عليه جميع عائلته
ويذهب رائف إلى والدته ليقبل يدها
رائف : صباح الخير يا ست الكل
لترد والدته الصباح عليه بحنان
ليجلس رائف في مقعده المحدد بجوار جده
الجد منصور بغموض : انت رايح الشغل يا رائف
رائف بنفس نظره الغموض : اه يا جدو
الجد منصور : تمام خلي بالك من نفسك
الجد منصور لمحمد : ايه يا استاذ محمد مش رائف كان قيلك انك تشتغل في الشركه وانت مروحتش ليه
محمد بتلعثم : اصل.. اصل يا جدي انا مش عايز انزل اشتغل معاه
الجد بصرامه : أنا قولت كلمه واحده هتنزل تساعد رائف في الشغل فاهم ولا لا
والد رائف بخبث : خلاص يا بابا طالما هو مش عايز يشتغل في الشركه هناخد منه العربيه والكريدت كارد وهو هيطير يدور بقا على شغل طالما مش عايز يشتغل معانا
كان محمد يستمع لما قاله جده وهو يشرب ولكن اول ما سمع حديث والده أفرغ الماء من فمه ليقول بتسرع : خلاص خلاص واللهي هنزل من النهاردة
والد رائف بضحكة :يعني هو كان لازم أقول كدا مكنت نزلت وخلاص من الاول
ليقول محمد بهمس :روحو وإنتو شبه أبو لهب وابو جهل كده...
ليعم الصمت وبعد فتره قطعه رائف ليقول لكيان :انتي كويسه دلوقتي يا كينو ولا لسه تعبانه
كيان : لا يا ابيه انا كويسه وميت فل وعشره
رائف : بيئه يا كينو يالا ياختي قومي عشان تروحي الجامعه وانت يا استاذ لو معملتش إلى قولته انا هنفذ إلى سمعته تمام كدا
رائف وهو ينحني ليقبل يد جده : سلام ياجماعه
ليذهب كل فرد من العائله إلى عمله
لأول مره نزور هذا المكان وهو السجن حيث تحتجز به سها
في داخل الزنزانه كانت تنام سها متكوره على نفسها وهي تتوعد لرائف.. ليدخل الشاويش
وهو ينادي :سها الدمنهوري
سها للشاويش : أنا في ايه
للشاويش : ليكي زياره يالا انجزي بسرعه
لتذهب سها إلى المكان الذي به الزياره لتجد رجل يعطيها ظهره ليلتفت فجأه إليها
سها بصدمه : معتز
معتز : ايه يا سها مش هتقوليلي ازيك يا معتز ولا ايه دا حتى احنا معرفه على رأي إلى بيقولوا وكلين عيش وملح مع بعضنا
سها : انت عايز ايه يا معتز جاي ليه
معتز : أنا عايز.. ايه عايز ادمر رائف المنصوري وجي ليه فدا بقا عشان اطلعك بكفاله من هنا
سها برفعه حاجب: هطلعني ازاي وكل الادله ضدي
معتز : ملكيش فيه انا هطلعك وبس من هنا بس هتساعديني اني ادمر رائف... لتهز سها رأسها دليلا على المواقفة
معتز في نفسه بخبث : اخيرا يا رائف هقدر ادمرك وادمر عيلتك
اما عند رانسي فهي أخبرت والدها الحاج حمدي ان اخ صديقتها تيا سوف يأتي اليوم لخطبتها
ليحضر الحاج حمدي عاملين لينظفوا المنزل واعداد الطعام
كما أن أخبرت رانسي كل من ليان ولوجي وكيان أن اليوم هو تقدم سليم اخو تيا لخطبتها
لتتجه رانسي إلى غرفتها لتعد نفسها وثواني لتجد هجووووم على غرفتها من أصدقائها
لتدخل ليان وهي تقول : يا دبله الخطوبه عقبالنا كلنا لولولولولولولوللي
لتكمل كيان : ونبني طوله طوبه في عش حبنا
ولوجي وهي تقول : تيييييراااا تييييييرااااا
لينفجر الأصدقاء في الضحك ولا يتوقفون
كيان : ايو يا جماعه بقا صحبتااااي الموزه دي عروسه
ليان بمشاكيه : َاحلا عروسه أبت يا كيان وبغمزة يا شقيه بقا هتتخطبي وكمان عايشه حاله حب من ورانا
لوجي بغناءها الشاذ : عيشا حاله حوب معاك وخداني وصعب انها تتكر تاني
وجأت لتكمل لتصمت فجأه عقب صريخ رانسي
رانسي بصريخ وصوت عالي : باااااااااس باااااااااس الله يخربيتك صوتك وحش خالص افصلي
وتوجه كلماتها ل. ليان : وانتي يا يست ليان انا عايشه حاله حب يا جموسه يا بقره ياكيس معفن في زباله
ليان بضحك:خلاص خلاص بس هو شافك فين بقا
رانسي بحيره : واللهي يابنات انا مشفتهوش لغير مره لما كنت رايحه اشوف تيا عشان كانت منهاره لما اخوها تعب واتصاب وهي أصرت عليا اني اشوفه مشفتهوش لغير المره دي وهو كمان مشفنيش لغير المره دي
وامبارح لقيت تيا بترن عليا وتقولي أن اخوها جاي يتقدملي النهارده
ليان بحنان : متخفيش يا قلبي انشأء الله خير
كيان :اه يا روحي يالا عشان نلبس بقا
ليوافها أصدقائها ويستعدون لارتداء ملابسهم
اما عند سليم فهو في غرفته يرتدي بدله من اللون الأزرق مع جرافة من اللون رصاصي ويستخدم عطره المفضل ليخرج من الغرفه ليجد أمه جاهزه واخته تيا التي ترتدي دريس من اللون الاسود ومنقط ابيض وعليه طرحه من اللون الأبيض وكوتشي ابيض
تيا بصفير : تعالو يا نااااس شوفوا اخويا المز وبغمزه مز يا خواتي مز
سليم وهو يضربها على مؤخره رآسها :
يخربيت الفاظك يابت خليكي كيوت كدا مش عبده موته
تيا وهي تضع يدها في وسطها : مالي يااخويا منا كيوته اهو
سليم بضحكه : منا عارفه
ليتوجه سليم إلى والدته وهو يقبل يدها : ايه رايك ياست الكل
والدت سليم بدموع الفرحه : قمر يا حبيبي ربنا يحرسك لشبابك
ليامن كل من سليم وتيا ورائها ويخرجون من المنزل بتجاه منزل رانسي وهو في طريقه يتجه ليأخذ كل من رائف ومراد معه
في منزل رانسي
في غرفه رانسي بعد أن تجهزت منتظره مجئ عريس الغفله كما اسميته
رانسي كانت ترتدي فستان من اللون الحمصي وعليه طرحه من اللون الاسود وكوتشي اسود مع بعض من الميكب الخفيف
وليان ترتدي دريس من اللون بيبي بلو بيلمع مع نقاب من نفس اللون
اما كيان كانت ترتدي فستان من اللون الأبيض وعليه الحجاب من اللون الأحمر مع بعض من الميكب
اما لوجي : فكانت ترتدي دريس مشابه لتيا دريس اسود منقط بيبي بلو مع حجاب بيبي بلو وجذمة سوداء وتضع بعض من الميكب الخفيف
لتمر عدت دقائق وليسمعوا الجرس يرن
رانسي بتوتر : جم انا متوتره وخايفه اوي
لوجي : بس يا هبله مفيش داعي للتوتر دا...
ليان : رانسي اهدي كدا تمام خدي شهيق وزفير يالا
اما في الخارج ليسمع حمدي جرس المنزل يرن لتوجه ليفتحه
سليم لوالد رانسي: ازيك يا عمي عامل ايه
حمدي : تمام يابني اتفضل
حمدي لولدت سليم : نورتينا يا هانم
والدت سليم بابتسامه مجامله : البيت منور باصحابه
ليسلم كل من رائف ومراد على والد رانسي
سليم نعرفهم إليه : دا يا عمي صاحبي رائف صاحب شركه كيان الفهد ودا مراد صاحبي بردو وكمان شريك في شركه كيان الفهد
والد رانسي : اهلا اتشرفت ببكوا
ليكمل سليم : دي والدتي وجاء ليكمل
ليقاطعه حمدي بضحكة : تيا
وذهب ليسلم عليها
_اذيك يا تيتو وياخذها في احضانه
تيا بضحكه : ازيك يا أبو حميد عامل ايه يا راجل اتجوزت ولا لسه
حمدي بضحك : الله يخربيتك بطلي بقا تقوليلي يا ابو حميد انا قد والدك يابت
تيا بمرح : اييييه قد والدي مين بس دا انت مش باين عليك سن تعرف لو مكنتش حما اخويا دا كنت اتجوزتك واللهي وأردف بحزن مصطنع؛ ملناش نصيب مع بعض
ليضحك كل من في الصاله عليها
والدت سليم بجديه : طبعا حضرتك عارف احنا هنا ليه حضرتك انا يشرفني اني اطلب ايد بنتك رانسي لابني سليم
ليقول رائف بجديه : حضرتك سليم بس مش صاحبي دا اخويا واكتر كمان وهو ليه نصيب من الشركه إلى انا بديرها وبنت حضرتك هتكون معاه معززه مكرمة
حمدي : واللهي يابني انا يشرفني انه يكون عريس لبنتي بس القرار لرانسي في الاخر
والدت سليم : طب ايه احنا مش هنشوف العروسه بقا
حمدي : طب ثواني بس وينادي على ليان
في الداخل تسمع ليان عم حمدي ينادي عليها لتخرج له
ليان للعم حمدي بعفويه ولا ترى من ينظر لها بنظره غريبه : نعم يا حجوج أمر يا كبير
حمدي بضحك : يا بنتي بطلي مش شايفه الضيوف
لتنظر ليان إلى من هم في الصاله لتقع عيناها على رائف الذي ينظر لها بطريقه لا تعرف ما تحملها
ليان لمن في الصاله بوجنتين حمراء من الخجل و الكسوف : اناا.. انا اسفه مختش بالي خالص
والدت سليم بلطف : ولا يهمك يا قمر بس انتي مين بقا
ليان بكسوف وصوت خافض شويه : أنا ليان صاحبه رانسي
والدت سليم : اتشرفت بيكي. يا قمر بس انتي ليه لبسه النقاب دا انا عايزه اشوفك لتصمت ليان بحرج
حمدي بضحك : لا بلاش عشان لو شفتها هتنصدمي عليها جمال يهلك وكانت كل يوم أخواتها يجبوهالي هنا تقعد مع رانسي من القسم وهي صغيره بسبب جمالها بس بعد تانيه اعدادي لبست النقاب ومقلعتهوش تاني
هناك من يحترق من الغيره ولا يعرف لما فكره ان الحج حمدي يعرف شكلها جعلته يموت من الغيره شعور غريب قد تملكه بشده
حمدي لليان : لينو يالا روحي هاتي رانسي وتعالى
لتدخل ليان إلى الداخل لتقول لرانسي أن والدها بنتظارها في الصاله
ليذهب البنات الي المطبخ لجلب المأكولات
لتخرج ليان وهي تحمل المشروبات الغازية
ولوجي وهي تحمل البسكويت
وكيان وهي تحمل بعض الوجبات الخفيفة
واخيرا عرستنا وهي تحمل العصير
حمدي للبنات : حطوا يا بنات الحاجات هنا وهو يشير إلى طاوله كبيره نوعا ما ... ويكمل حديثه لرانسي : تعالى يا رانسي جنبي هنا لتذهب رانسي إلى والدها وتجلس بجانبه
كيان بعد أن وضعت الوجبات من يدها لترفع وجهها لتصتدم من مراد الذي كاد أن يدهسها مره بالعربيه
مراد كيان في نفس الوقت
مراد لكيان : انتي
كيان : انت