#اليتيمه وابن البصره
بقلم هديل احمد
الفصل السادس والسابع
………………………………
كبرت وعرفت انو ماكو شيء يدوم
كبرت وعرف انو اغلب الصداقات مصلحه
كبرت وعرفت انو محد يستاهل تعبي او حزني او حتى دمعتي
كبرت وعرفت انو بهل وكت الوعد هم مجرد كلام
كبرت وعرفت هواي اشياء والاهم عرفت انو انا النفسي فقط محد دايم الي ومحد تهمه راحتي ومحد يهمه حزني او ضروفي
كبرت وعرفت انو لازم ما اتنازل عن اي حلم علمود أჂ̤ شخص كبرت وعرفت انو الاهل وكل العلاقات مجرد رابط خفيف جداً بسهوله كلش ينكطع وتنتهي كل القصص
كبرت وعيت هواي وتعلمت 🙂💔
……………………………………………
رنا: اي بنات سولفولي عن حياتكم
تاليا: اول شي انتي سولفي شلون ابوج توفئ وشلون امج توفت ادري راح تتئذين بس بلكي نساعدج بشي سولفي خيه
رنا احجي ودموعي تصب : ماشي جنا طالعين نتعشا بمطعم انه وابوي وامي جنا هواي فرحانين وماكو مشاكل بحياتنا رغم جدج هواي عذبه لابوي بس صارت ماضي المهم تعشينا وكملنا رجعنا للبيت وطول الوكت ايدنا ع كلبنا منو ذوله الديلحكونه
وشيريدون منا ابوي كال لامي طبي جوه انتي ورنا اريد اشوف شكو دخلنا جوه والاصوات علت بره اخر شي سمعنا صوت 3 طلقات امي وكعت بلكاع وابوي ضاربينه واني حرت
اوكف يم امي لو اروح اشوف ابوي رحت ركضت ع ابوي واكع بلكاع ودمه بطوله توسلت بي ميعوفني عيونه دمعت واخر كلمه طلعت منه كال بنيتي رنا ديري بالج ع روحج وع امج انه رايح يم اعزاز كلبي صيري قويه رنا وبعدها مات ابوي خلاني
طير مذبوح ع نص لايكدرون يكملونه ولا يكدرون يرجعونه من اول كمت اصرخ والجيران كلهم طلعو ع صوتي ومادري شصار بامي كلت لواحد من الجيران بس اشوف امي خليك يم ابوي رحت لامي شفتها كاعده وصافنه هزيتها كلتلها يمه ابوي
نكتل الله يوفقج كومي وياي يمه لتعوفيني مثل ما ابوي عافني يمه كومي وياي ابوي ينتضرنه يمه يلا الله يخليج كامت امي اخذنا ابوي للمستشفئ صح هوا بس جسد بدون
روح بس اخذنا علمود يطلعون الطلقات من جسمه ونغسلله المهم غسلوله وجفنو ومع العلم هما ناس غربه بس جدج الشفيهه مافكر بي مافكر ابنه ميت لو عايش اخذنا ابوي لنجف هنا انهاريت وامي تلطم ع وجها وتصرخ اني كمت احجي ويا او بل احرئ ويا جسده الملفوف بلبياض ⛓️
احب كعدت ابوي وذيج الايام 😭 من جنت اعله حضنه صغيره وانام صرخت بويييييه بعد متعود ليله حتئ الاحلام ابويه الراح وعاف بداره يتيمه 😔 بابااااا كوممم باباااا يمههه
كلبيييي 😭 ولكك بويه جبيره والفاكد ابو مايشوف غيره بويه يتمتني واني بصغر سني بويه فدوه اروحلك حاجيني بويه بعدك بعز شبابك والتراب اخذك الله يساعدنييي فكدت نصيري بوييييههه تصير الدنيا بلاياك حيره. عزيز شكدد
ابوييي ياناااسسس ابوييي مات. بابا حرام بدونك حتئ الانفاس بعد ياايد غيرك تمسح الراس بوييييه يابويه اطب للبيت واتفكد مكانكك اااااااه 😔 بويه احضن مكانك بي ريحت حنانك يمه احجي ويا الله يخليييج لتخلي يروح ابوييي عزيز
ياناسسس 😭 مثل فيت ابويه بضلمت اليل 😭😭 اخخ بعد ماكو مثلك بكل حياتي بويهه اكعددد ..امي كامت تصيح لليليه يابو طيبات يتيمه اصبحت بعدك بنيتي انت الجنت زود وهبه النا كوم اكعد ياشمعه البيت طفت شمعتنا من بعدك يابو
گلب(قلب) طيب كوم لبنيتك. خذيته يا دهر من بين اديه 😔 اخخخخ. رجعنا للبيت وشكل ابوي والدم تارس روحه متروح من بالي
راما: اوف يروحي الله يرحمه
( للعلم من رنا جانت تحجي البنات كامن يبجن )
رنا: شبيكم تبجيون
تاليا: ولج اهئ شكد اهئ متعذبه 😭
رنا: عادي تعودت
ياره: وامج شون ماتت 😭
رنا: بديت احجيلهم شلون ماتت امي ……تخيلن محد وكف وياي الغريب وكفلي وفتحلي بيته
لارا: تحبينه لجود
رنا : اي احبه
راما: زين عندي فكره هم اني اخلص من عذاب جدج وهم انتي تخلصين باعي نروح لبغداد اني وانتي يعني ننهزم
تاليا بشهكه: ولج تخبلتي شنو تنهزمون
رنا: مو هسه خلي اجرب عذاب جدي عود بعدين
راما: كل عقلج ولج شايفته من يضربج بلخيزران ينبش اهل اهلج
رنا: ميخالف ولج والله جعت
العمه: يلا بنات كومن اكلن
رنا: اي عمه هسه نجي
العمه: رنا تعالي انتي اريدج بشغله
رنا: اي عمه 🏃♀️🏃♀️ كولي
العمه: باعي قبل شويه جدج كال شلون صارت رنا كتله بعدها مو زينه ف شنو من تشوفينا بلبيت انتي ضلي متمدده ووني من الالم ماشي حبيبتي
رنا: لا عمه مااكدر وعدت ابوي اخذ حقه
العمه: بس لو ادري ابوج شلون يحجيلج جان رتاحيت
رنا: هوا ماجان يريد يحجيلي بس اني اصريت حتئ ماما جانت تكعد تبجي من حجي بابا شلون ابوج عذبه حتئ كلمه جدي مااكدر اكولها لان الجد يصير بمقام الاب مو يصير عدوه الاب
العمه: الله كريم بنيتي تاكلين وياهم لو اني وياج وحدنا نصبلنا ونكعد ناكل ع عناد نسوان عمامج
رنا : عمه رادت تروح لزمتها من ايدها ……عمه انتي هم تكرهيهم
العمه: بعدين نسولف خلي ناكل
رنا: بدت عمه تصب الاكل رحنا بلصاله الكل كاعد كعدت يم عمه وكعدت اكل بشهيه ع عناد نسوان عمامي الشفييهين وابتسم
ام مهدي: والله اول مره اشوف يتيمه تاكل ومايهمها ولا عبالك اهلها ميتين
ليث: خاله اسكتي خلي ناكل
ام مهدي: دااحجي الحق ابني
ام ليث: عوفيها يمعود بهل وكت الميت ماعنده احترام
رنا: ذبيت الخاشوكه من ايدي وانداريت عليهم ……انتو شبيكم وياي يعني اليتيمه لا اكل ولا شرب وبعدين انتي الي مسميه روحج مرت عمي تذكري عندج بنات باجر تموتين العالم يحجون عليهن وانت مسمي روحك اخوهن باجر تلحك ورا مرتك وتعوف خواتك يتيمات ولو هنه مايستاهلن وهسه بدون حجي زائد خلي اكل
صكر: اف اف اف ولج اكلتيهم وشربتيهم
رنا: اعجبك ابن عمي
ام مهدي: والله من هسه رعنه باجر الله اعلم شراح تسوين يجوز تنهزمين ويا رجال ومحد يدري بيج
رنا : عيني ام مهدي لتخليني اذكرج من جنتي تحاجين زلم قبل لاتحجين احسبي حساب واني اعرف عنكم كلشي واحد واحد
مهدي: شنوو امي ام الزلم الزمي لسانج لا اكصه
العمه: صحيح كلام رنا شو من امك وام ليث يحجن متردولهم الجلب ياكل لسانكم بس من رنا تحجي تكبون بوجهها
ام مهدي: عيني سوزان لاعبالج بنت اخوج هنا يصير عندج ضهر تره مااخاف لا منج ولا من اكبر وحده
رنا: هيهي مني هاي دتحجي باعي عيني ام مهدي انتي اكبر مني والج احترام مو صح خلينا ساكتين ولتسوين اكلنا سم
دخل جد رنا
الجد: شلونج رنا
ام ليث: ياعمي بدون حتئ ماتكول السلام عليكم كبل شلونج رنا
الجد: انلصمي انتي
رنا: بخير جدو( سويت روحي ابجي اي اريد اخذ حقي منهم )
الجد: شبيج منو حجه وياج
رنا: تقبل نسوان عمامي يحجن هيج ……… بديت احجيله
الجد: ميخالف بنتي اكبر منج
رنا كمت وكفت: لا مو ميخالف ولا اكبر مني اني معندي لا جبير ولا صغير اني اضربها بلوجهه واحجي الحق تقبل مرت ابنك تكول لبنتك باجر تنهزمين ويا زلم بس لو اكو نقطه غيره عدكم ماجان سكتو عذبتو ابوي لان مجان يقبل الغلط مجان يقبل احد يحجي ع امي او عليه
ليث بصياح: رنا الزمي لسانج عاد لا عبالج راح ندللج. انتي صيري زينه والله كريم
رنا: اني كلشي مابيه وهاك شوف. اذا كلت اخ عود احجي كمت اضرب ع مكان العمليه هواي تاذين بس صرت قويه العمليه نفتحت والدم صار بطولي ……هااا شفتو صرت زينه
صكر: 👋👋 شسويتي انتي
رنا: لاتمد ايدك عليه الله ينتقم منكم واحد واحد عمه انطيني الشال والعبي ماابقئ دقيقه هنا واطلع مو خوش ادميه اذا بقيت هنا
صكر: اجا الوقت اعرف عن نفسي اني صكر عمري 26 هستوني راح اصير ضابط ملامح وجهي مثل ليث …… عرفت من رنا هيه بت عمي وشكد عدها الجرائه ماتقبل الحجي ع
روحها يجيها كلمه تردله بعشره عجبتني شخصيتها رغم يتيمه وصح بداخلها هواي تتاذه بس متبين لاحد تشتاق الاهلها بس
متكول لاحد ومن شفتها تضرب ع عمليه ونزفت هواي رحت بدون وعي ضربتها راشدي وكامت تحجي اويلي شون حجي
الجد: تطلعين منا رجلج اكسره
رنا : انت ماعليك لا ابويه ولا اخويه خلوني اروح ماريدكم ولكم افتهموو انتوو عدوانييي كافي عادد ملييت
صكر: عمه البسي خليها ناخذها للمستشفئ
العمه: اي هسه يلا امشي
رنا: اخذوني للمستشفه والدم ينزل ع جسمي احس هاي اخر ايام حياتي انتهيت وراح اروح يم امي وابوي دخلونا لصاله العمليات ضربوني ابره وبعد ماحسيت ع شي
صكر: دخلو رنا ع صاله العمليات واني وكفت يم عمتي كلتلها ……عمه ليش رنا مشيله الذنب لجدي
العمه: هلسوالف متنحجي هسه خليها من يجي الوكت المناسب
صكر.:بروح امج عمه تحجين ليش رنا تكرهنا
عمه: ماشي ..ابوها جان عمره 23 سنه راد يتزوج امها بس ابوي ماقبل كال لو كرايب لو ماكو هنا ابو رنا تعصب كال لابوي
ابو رنا: يابه افهم اني مااريد اخذ كرايب واذا تتبره مني اتبره
الجد: ماشي اخذها واني متبري منك ليوم الدين واذا شفت وجهك اعتبر نفسك ميت
ابو رنا: انعل شيب الخلفني اذا اجي هنا بعد اني كلتلكم يا هلحرمه لا مااتزوج
الجد: تريد المره مو
العمه: ابوي اخذ ابو رنا رغم هوا جبير ومو مال ضرب اخذه للمخزن وشبعه كتل سووه دمه بطوله يوميه جان يعذبه كلنا
هاي هيه مات رحت اني اشوفه لان ابوي جان طالع يحل طلابه الناس ومايحل طلابتنه شفت ابو رنا وياريت ماشفته
الدم مغطي جسمه كله ضعفان لان قطع عنه الاكل والشرب رحت حضنته وكتله عندي جم فلس اخذهن وروح لبغداد اتزوج التحبها واذا اني انكتل هم ميخالف المهم هزمت ابو رنا
وابوي كام يعيط ومتعصب يكول منو الهزمه اخ لو الزمه انعنع عضامه ماهتميت دخلت جوه فتحت الشباك اني جان عمري 20 سنه المهم فتحت الشباب شفت امك وام ليث مدري
شديسوون بلحديقه جان بيدهن شي مثل الطحين ديذبنه ويقرن عليه مدري شنو ماهتميت نمت وكعدت ساعه 3 الفجر جان اشوف 3 زلم وجههم مدري شونه يخوف يجيتون عليه
ويخنكوني امك وام ليث اجو للغرفه ويضحكن اتوسل بيهن بس ينقذوني ماكوو ولا عبالك يسمعن حرمني من الزواج ياهو الجان يجي خطابه امك ومرت عمك يكولون للنسوان هاي بيها
جن اذا موتت ابنكم احنا ماعلينا جنت هواي اكرهم ولحد هسه اكرهم وهسه عمري 40 سنه عجزت وماعندي لا بنيه تربيني ولا ولد يسندني بقيت تحت رحمه امك ومرت عمك
صكر: اسمع عمتي شون تحجي ودمعها يصب وشون امي ومرت عمي عذبنها وجدي عذب ابو رنا والله اني من عندي حقدت عليهم عاد هيه حقها تكرهنا ………اوف ياعمه كل هذا صاير وياج وانه ماادري ولا يهمج اني ازوجج فد شايب يلوكلج 😂😂 ( حبيت اضحكها)
عمه: نجب اغم بس اني اكلك لتخلي امك تلعب بعقلك ودكلك لتتقرب يم رنا تره ماكو اطيب منها ولتخلي جدك ياخذ قرار واحد منكم خليكم انتو اخذو قراراتكم بيدكم ماشي خاف اني ماكدرت احجي ع اقل انتو تحجون
صكر: دللي عمتي شعندي غيرج كم سوزو عندي بست راسها طلع الدكتور
الدكتور: ادري عيونكم وينها البنيه متأذيه وبلكوه سوينالها العمليه ولا جان ماتت هواي نزفت ولكم بنيه بعمر الورد هيج تسوون بيها بس العتب عليكم مديرون بالكم عليها
صكر: دكتور شلون صارت هسه
الدكتور: زينه روحو شوفوها بلغرفه
رنا: فتحت عيوني بثكل شفت صكر وعمه فوك راسي العمليه جانت تاذيني كلت العمه ……عمه فدوه خلوني اروح
عمه: وين تروحين يا بنتي
رنا: اروح لبيتنا واحسبو ماعدكم لا اخ ولا بت اخ انسوني
عمه: ولج ماصدكت انتي يمي تريدين تروحين مااخليج
رنا: لعد حضل طول عمري انهان
صكر: رنا سمعت كلشي من عمتي واسف ع راشدي
رنا: شسمعت ؟؟ سمعت اني شكد تعذبت لو سمعت ابوي شكد تعذب لو امي شكد تعذبت لو عمتي شسمعتتت ..ولكم اكرهكم افهوني مليييتتت
صكر: ………
#اليتيمه وابن البصره
#بارت7
#الكاتبه هديل احمد
………………………………
الدنيـــــــــــــه😔 توجــــــــــع لو رحــــــــل عــــنــــك عــزيــز تــــــــبقـــه صــــافــــن🤨 جــــن اخـــــذ مـــــــــنــكـ عـــمر 💔💔💔
……………………………………………
العمه: يمه ع كيفج مو زين عليج هستوج طلعتي من العمليه بعدين نحجي بهل موضوع صكر
صكر : ع راحتج عمتي …رنا تكدرين تكومين
رنا: اي اكدر …اااخخ
العمه : سوده بوجهي شبيج يمه
رنا: عمه عمليتي اخخ
صكر: تعاي اسنديني
رنا: سندت صكر وصعدت بلسياره وانطلقنا للبيت او لجهنم راح ارجع وااواجه الاعداء بس مو هسه خلي اصير زينه واني الهم مااطلع بنته لابوي اذا ماخليتهم يتخبلون اصبرولي ……وصلنا البيت وسندت صكر دخلني جوه
ام مهدي: من هسه اخذتي ابني مني
رنا: قابل انه دست ع ايده الا تاخذني للمستشفئ سكتي الله يستر ع بناتج ولو منينلج بنات حتئ هاي المتبنيتها معذبتها انتي وعمج …دخلني جوه صكر اتمددت البنات ضلن يمي صدك حبيتهن
راما: شلون صرتي حبيبتي
رنا : من الله زينه بس من عبده مو زينه خلوني انام
صكر: بنات صيحن عمتي واطلعن بره
رنا: ليش اكو شي
صكر: داحجي ويامن
راحن البنات اجت عمتي
العمه: ها صكر كالو تناديني
صكر: اي عمه اريد رنا تحجي كلشي عن ابوها وامها وانتي تحجيلها عن جدي وشسوه بابوها لان حقها تعرف
العمه: يمه مو هسه
رنا: عمه احجي
بدت عمه تحجي واني دموعي تنزل……الله لايوفقه بس لو ادري شلونن سوه هيييج
صكر: زين افتهمت انتي تكرهين جدي ليش تكرهينا?
رنا: لان انتم مثله دمه يجري بجسمكم كافي تعبت
العمه: كافي تبجين يمه مو زين عليج
رنا: شجااان يريييد من ابوي ليش ماعافه يشوف حياته ضل يلحكه لحد ماكتله ليش هيج
العمه: منوو يكول هوا كتله
رنا: لا عمه هوا لان ابوي قبل ماايموت كال ……كلتلها لعمه
العمه: لازم جدج جان موجود من ابوج نكتل
صكر: رنا اني وياج وراح اخذ حقج وحق ابوج وعمتي
رنا: ههه شلون راح تاخذه ؟ راح تعذب جدك مثل ماعذب ابوي وبل اخير كتله؟ لو تكله ليش سويت هيج بعمه؟ لووووو دكله لاتعذببب رنااااا
العمه: صكر عوفها بعدين نسولف اروح اطبخ انه
رنا : عمه صيحي جدي كوليله رنا دتبجي عليك مشتاقتلك
العمه: عزا بعينج تخبلتي
رنا: عمه مااكدر احجي
راحت عمه تصيح جدي. اجا جدي
الجد: ها رنا كالو تصيحيني
رنا: جدي تعال اكعد هنا اريد اطلب منك طلب
الجد: اي بنيتي كولي واني الي عليه انفذ
رنا: انت تاخذ القرارات هنا مو صح
الجد: صح
رنا: زين خلي اقسم الشغل ع نسوان عمامي وعمتي لان عمه وحدها ماتكدر وانت ادرى بيها هيه مره جبيره
الجد: هاي هيه تكدرين تجين وياي
رنا: اي اكدر انطيني ايدك جدي( سويت هيج علمود عمتي لا اكثر اريد تكعد لان تعبت هواي )
رحنا للصاله وجدي صاح الكل من الجبير الئ الصغير
الجد: من اليوم ورايح تسمعون كلام رنا هيه راح تقسم الشغل بينكم وبين بنتي اعتبروها عمتكم وانه كلام رنا مااكدر اردها
ام مهدي: ها تالي وكت راح نسمع كلام زعاطيط
الجد: ماعاجبج الباب يوسع جمل روحي البيت اهلج خلي عود يلفوج
ام ليث: بس احنا كبرنا ومو مال شغل
رنا: لعد عمتي مال شغل هيه اكبر منكم تطبخ وتنضف وشغل البيت فوك راسها ولا وحده بيكم او من بناتكم يساعدها ضلااام
الجد: كلامي مايصير ثنين ومن هل لحضه الي ماتسمع كلام رنا ياويلها
رنا: سمعتو مو اخذ راحتك جدي اخرتك عن شغلك
راح جدي كعدت ع قنفه لان هسه راح انتقم لعمتي……عيني ام مهدي انتي عليج تنضيف البيت وانتي ام ليث عليج يوميه الصبح وبليل تشطفين البيت وكل اسبوع ثنينجن تغسلن منام مااكدر انطيكم الطبخ خاف بالجن تسون سحر لا الطبخ عمتي تطبخ وغسل المواعين ع ياره والتعزيل ع تاليا والي تساعد عمتي بلطبخ لارا اما راما راح تبقئ كاعده مفهوووم
ام ليث: شو انت...
رنا: رفعت ايدي يعني اسكتي … لا انتي ولا اني الي كلته راح يصير واذا كلت لجدي انتن داتعارضن يذبجن ببيت اهلجن الي ذبوجن علينا
لارا: رنا تدرين امي..
رنا: لارا لادافعين لا الامج ولا لمرت عمج ماتدرين شجانو يسوون بعمتي جانت خدامه الهن خليني ساكته امهات سحوووره
(احجي والولد واكفين )……اكلك ليث اريد غرفه وحدي
ليث: وشنو المطلوب مني انضفلج الغرفه 😡
رنا: ع كيفك يا عيني بعد ماكلت شي اريد تشتريلي غرفه جاهزه وتجيبه بعد سبوعع فتهمت سبوع (احجي ويا روحي واكول صح انتم مالكم دخل باهلكم ولا الكم علم شجانو يسوون بس اريد احرگ كلب امهاتكم عليكم وهيج انتقمت. اما جدي شلون انتقم منه بعدين افكر بانتقامك ياجدي هيج تسوي بيه انه الك )
ام ليث: ابني مايجيبلج شي عندج رجل وايد روحي وشتريلج
راما: بس اذا كالت الجدي راح يذبجن عد اهلجن 😂
صكر: شراح تسوين يا رنا وشنو اكو بالج ……احم واني شنو شغلي
رنا: نادي عمتي للغرفه وانت تعال وياها وانتي راما هم تعالي عود انتن البنات من تخلصن اريدكم بشغله تنضيف وانتم يانسوان عمامي بين مااطلع من الغرفه اريد البيت يلمع لمع اريد بي تغيرات وبعدين شنو هلصبغ الحايط صاير قديم يلا عود بعدين اخليهم يصبغو
اجت عمتي وصكر وراما ……اكيد جاي تكولون ليش سويت هيج وشون قنعت جدي وادري انتم احفاده مالكم شغل بس اريد احرك گلب اهلكم من يشوفونكم وين جنتو وهسه جاي تخدمون بت عمكم
راما: والله طلعتي مو هينه
رنا: شون حركو كلبي ع اهلي واخذوهم مني ابوي راح ورا بكم شهر اخذ امي يمه واني وعدته انتقم اله لتوكفون بطريقي الله يخليكم
العمه: انعنع عضامه الي يوكف بطريقج هيج بنيتي كلبها محروك وانه ماادري
صكر: رنوش انه وياج بكلشي لان انه من سمعت هيج صاير وياج من عندي حقدت عليهم
رنا: يلا ولكم روحو هسه نسوان عمامي الحنونات يحجن علينا 😂🥀
العمه: رغم كل الي بداخلج بس متبينين الاحد
راما: ها عمه بعتيني
العمه: فلك طرج وكبر لفج وين انه بعتج
رنا: اي صكر بشنو داتفكر
صكر: هاه لا ماكو شي اجت بالي سالفه يلا اني اروح محتاجيين شي
العمه: سلامتك وانه اروح اطبخ
راما: اجا الوقت اعرف عن نفسي اني راما عمري 19 صف سادس ادبي بطلني جدي مقبل اكمل المهم طولي 158 وزني 55 ملامح وجهي حنطاويه عيوني كبار بس مو ذاك الكبار وسط يعني حلكي صغير خشمي صغير 🤓 حواجبي ثخان
وسود لون عيوني رصاصي ……من جان عمري 6 سنين اهلي ذبوني بدار الايتام اجو بيت ابو مهدي تبنوني فرحت هواي بس يافرحه ماتمت دائمه حانو يكولولي انتي بنت حرام اهلج
ذبوج بدار ايتام هما من ذبوني مجان عدهم مصرف عيشه وانه عاذرتهم محد وكف وياي من بيت ابو مهدي بس صكر وعمه وياره ولارا وتاليا اما ام مهدي جانت تكومني بكتل
وتكعدني بكتل جنت اشكي لصكر وتاليا وهما مابيدهم شي القرارات بيد جدهم اجا يوم جدهم اخذني للمخزن وشبعني كتل مابقه شي بجسمي صاحي هواي كرهته كمت احجي ع
اهلي الي ذبوني بدون يمفكرون شراح يصير بيه تقريبا بقيت سبوع بلمخزن لحد مااجت عمه وصكر طلعوني ومن جدهم عرف انو عمه وصكر طلعوني تعارك وياهم وام مهدي وام ليث
فرحانات من يشوفوني اتعذب مادري ليش يكرهوني ويكرهون رنا لان مانقبل ع باطل؟ لو لان نحجي الحق؟ من اجت رنا دخلت بكلبي كلت هيه راح تاخذ حقي منهم وصدك جايه تاخذ
حقنا كلنا صرت الهم خدامه حتئ ميعذبوني مرات ينوموني بلكراج بعز البرد ومااحجي شي المهم ابقئ وحدي يوم من الايام نوموني بلكراج شفت تاليا جايبه بطانيه وجودليه كالت
هاي الج لان جان برد مو طبيعي كلتلها مااكدر خاف يكتلونج ماريد ائذيج كالتلي معليج بيه اخذيهن عساهم موتوني انه وياج خوات من الطفوله انه وياج توام شون اعوف توامي
نايمه بلبرد حضنتها وطكيتها بجيه ولج تاليا محد سندني كالتلي معليج وهسه اروح للغرفه خاف جدي يجي راحت تاليا ونمت محسيت الا ذابين عليه مي كعدت مخترعه تاليها طلعن
ام مهدي وام ليث يابويييه شكد مكروهات عرمات ونبي من اجت رنا اني مرتاحه من ناحيه التعذيب ومن نايحه الخدم خلي يحسون بينه عاد
…………………
رنا: اي راما احجيلي عن حياتج
راما: بديت احجي كلشي لرنا
رنا: وحق كل دمعه نزلت من عيونج لااخذ حقج وداعتج
راما: فدوه الج هسه خلي نروح نشوف نسوان عمامج شسوو
رنا : كومي ولو ماليه خلك اشوفهم بس لخاطرج ...طلعنا من الغرفه عمه حانت تطبخ وياها لارا وام مهدي دتنضف وام ليث تشطف الا اطلعها من. عيونكم اوكفولي ...اكولج ام ليث
ام ليث: شرايده
رنا: وينه ابن عمي ليث شو مانضفلي الغرفه
ام ليث: معندج ايد كومي مضفي
راما: مو جدي كال اعتبروها عمتكم شلوت تقبلوها ع نفسكم عمتكم تشتغل تخسوون
ام مهدي: طلعت عينج انه الج
راما: رادت ام مهدي تضربني بل ماسحه بس رنا لزمته
رنا: اياج يا ام مهدي تلزمين شعره من راما لاعبالج ساكته يعني تمدين ايدج ع رانا او ع اي بنيه ماشي
ام مهدي: اخخ لو بدال عمي جان لزمتج وشبعتج كتل
رنا: استهدي بلرحمان مرت عميي..فجئه سمعت صوت 😱………