#اليتيمه وابن البصره
#بقلم هديل احمد
الفصل السابع والثامن والتاسع والاربعون
دعهم يرحلون..
لست مجبراً على تحمل المزيد
ربما أخطأت في بعض الأحيان، وربما غلبك خوفك في أحيان أخرى وجعلك تفلت أيدي من تحب..
………………………
.......قبل شهر ....... طبعا هنا راح اكتب شلون كشفو سعاد ++ اما ع نارين ف الاحداث كملته مال اخر بارت من جانت نارين موجوده بيه يعني قبل شهر او بعده مايربطه بنارين بس برنا
.....
قرائةة ممتعةة
……
رنا.. كعدنا الصبح وانه كلبي ناغزني وماعرف شراح يصير سويت ريوك ورحت كعدت عمتي وايه وعمو وجود. سعاد ماتاكل ويانا ..المهم خلصنا ريوك عمو طلع لشغله وجود بمكتبه. عزلت البيت وايه عزلت المطبخ وطلعنا كل واحد لغرفته هنا سعاد جانت جوه المهم طبيت سبحت وطلعت شفت ايه بغرفتي ....شبيج ايه
ايه: ولج رحت لغرفه سعاد لان جود كلي اكو ملف بلكنتور ف من فتحت الكنتور شفت هلتقارير قريتهن سعاد طلعت مو حامل
رنا: صخاام بوجهج سعاد يعني جذبت علينه
ايه: انه الها هل بت الكلب الا اربيها ع ايدي
رنا: رادت تطلع بس لزمتها. اوكفي خلي نتأكد من شغله وبعدين
ايه: شنو هوا
رنا: اريد اعرف منو عاف الزيت ع درج وخلاني اطرح الطفل
ايه: عزاااا امشي نشوف الكامرات
رنا: طبعا جود مشكل كامرات بكل البيت وحته بره البيت. رحنا للغرفه وايه طلعت التصوير وشفنا سعاد هيه الي عافت الزيت ع درج صدك حقدت عليها
ايه: انه اعلمها اذا ماخليت طلاكها ع ايدي فلا يطلع اسمي ايه
رنا: راحت ركض جوه بس لزمتها ..ايه مو هسه
ايه: چا يمته ماتكليلي هاي وحده جذابه كل عقلج
رنا: شلون ماحبلت وجود لمسها مرتين هاا
ايه: اااخ منج شنسوي هسه هيه ماحامل شلون وهيه كالت انه حامل وجذبت علينه
رنا: لازم اكو شي ومحد يعرفه خلي مع مرور الايام نكشفها
ايه: بس وداعتج مااخليها تعيش هنا دقيقه وحده ولازم انكث غرفتها بدون ماتشوفني
رنا: ماكو غير حل واحد
ايه: وهوا؟ ؟
رنا: خلي جود ياخذها لبيت اهلها
ايه: خوش فكره
رنا: نزلت جوه وراحت لمكتب جود
ايه: جود تكدر تاخذ سعاد لبيت اهلها
جود : ليش شكو
ايه: نريد انضف البيت بدون سعاد اخذها لبيت اهلها بعد باجر جيبها
جود: ناديها هنا
رنا: راحت ايه تنادي لسعاد ورا شوي اجت
سعاد: ها رايد شي
جود: حضري روحج اخذج لاهلج
سعاد: شنو المناسبه
جود: هيج عاجبني مايصير اخذج
سعاد: لا يصير حروح احضر نفسي
جود: احسبي حساب 3 ايام واجي اخذج
سعاد: حاضر
حضرت روحها واخذها جود كلت لايه مو اليوم اندور خلي باجر هيه ماحجت شي سويت غده ونوب عشه اجا جود ساعه 8
جود: حضريلي الحمام وطلعي هدومي حروح للمركز
رنا: حضرت الحمام وطلعت هدومه وكعدت ع جربايه حته نسيت الزعل . بعد شوي طلع جود كنبز كبالي وعاف ايده ع رجلي
جود: بعدج زعلانه وبعدج تفكرين انه بارد وياج
رنا: لا مو زعلانه بس اطلب منك طلب
جود: كولي
رنا: اريدك مثل قبل وخلي ننسى الماضي ونبدي من جديد
جود: تدللين بنيتي
رنا: باسني براسي وطلع من البيت وانه هم فكرت اتقرب منه الى متى نضل بعيدين عن بعض ... نوب عزلت وكمت صليت مالت المغرب والعشا الئ..........
صار اليل وجود مارجع لبست دشداشه كصير لحد الركبه وعفت مكياج خفيف حطيت حمره يبرز شفتي وكعدت ع جربايه اباوع للتلفون تاليا دازتلي طلب ع فيس وانستا(بوكته جان عدها انستا بس هسه حذفته) وافقت عليها سديت التلفون وتمددت غفيت وماادري بروحي الا ع لمسات جود ..يمته اجيت
جود: قبل شوي وشنو هل اناقه كله الي
رنا: اي چا الجدي
جود: الله عليج هسه تذكرتي جدج بهل ليل
رنا: هههه تمام بعد مااجيب سيرته
جود: حتسلميني روحج وبكامل ارادتج
رنا: انه مرتك والك الحق بيه
جود: فدوه اروح لمريتي
ووووووووووووووو(شبيكم هما متزوجين شعلينا بيهم خلي نروح لبيت نارين )
نارين: طبعا انه ويوسف علاقتنه صارت قويه ولحد هسه رنا ماتعرف انخطبت حته اخجل اكوللها صارلي 6 اشهر مخطوبه بلحق هيه اول وحده تعرف انه انخطبت المهم عمه سمر اطلكت وطلبت حقوق نرجس من زوجها وطبعا زوجها حالته الماديه زينه.. جنت كاعده اكل تفاح دك تلفوني طلع يوسف جاوبته ...هلا
يوسف: هلا بيج شلونج
نارين: حمدلله وانت
يوسف: تمام دوم اكلج
نارين: اي كول
يوسف: بعد شكد لسنه مالت ابوج
نارين: بعد 5 اشهر
يوسف: يبوووو يعني موت يا جحش
نارين: تره الصبر احساسه حلو ليش ماتصبر
يوسف: صابر وداعتج بس الى متى
نارين: انه كتلك ورا سنه مالت ابوي نتزوج وبكيفك بعد
يوسف: هاي هيه بكيفج اصبر ماعندي شي عمري
نارين: اي ..ضلينا نحجي لحد ماسمعنا الجرس يدك كتله حروح انه طفيت المكالمه ورحت للباب فتحته طلعت امي واخوي انصدمت شجابهم هذول مو علساس ب سويد
ام نارين: شنو ماراح تستقبليني
نارين: خاف نسيتي انتي الي ردتي تطلعين وتعوفين بنات ثنين وحدهم
ام نارين: لا مانسيت بس اجيت اطمن ع سهاد واروح
نارين: سهاد بخير تكدرون تروحون ماريد اشوفكم وانه كتلكم ذاك المره انتم الي راح تخسروني ويجيكم يوم
حسين: احنا ماضل النا مصرف واتبهذلنا هناك خلي نكعد هنا
نارين: ههههه وانت شكو ماتطلع تشتغل وتعيش امك لو بس تعرف تنفخ علينا
حسين: الزمي حدودج واعرفي ويامن دتحجين
نارين: برأيك ويامن ههه ويا تربيه خوالك دااحجي خلي اهل امك يستقبلوك بل اخير هما احسن من عدنا خلي يلفوج يا ام حسين
ام نارين: استغفري ربج وخلينا هنا شلون تطردين امج
نارين: بيت ابوي الي يطلع منه مستحيل يطب لو مدري منو يجي ماترجعون شلون الكم الجرئه تجون هنا موو انتم سبب موت ابوي مو انتم ردتو ورثكم من ابوي وطبعا انطيتكم ورثكم وسفرتكم اطلعو من حياتي خلاااااااص
حكم: ها نارين شكو. انتم شجابكم
حسين: مالك دخل روح صيح ابوك وعمك
نارين: اي روح حكم صيح عمامي خلي يجون ويشوفون عدنا ضيوف
سهاد: نارييي.. ماما
ام نارين بدموع: يمه بنتي شلونج تعاي بعد امج
سهاد بنفاذ صبر: انه ماعندي ام انتي ماتتسمين ام لان ماكو ام تعوف بناتها وتروح ويا ابنها
حسين: طالعلج لسان
سهاد: شتريد مني هاا شتريد...
اجو عمامي..
ابو حكم: شكو خير انشالله
ابو موسى : طبو جوه نسولف..
طبينا جوه وكعدو بالصاله...
حسين: عمي اجينا من السويد لان افلسنا مابقالنا حك خبز نشتري..
نارين: وكلتو خلي نروح نمثل كبال نارين احنا نحبها صح...
ابو موسى: وهسه شتريدون بلضبط بدون لف ودوران..
ام نارين: نريد نستقر هنا وبت بطني ماتقبل...
حجيت بعياط...
نارين: تدرين ليش مااقبل خلكلج ليش..اول شي تتذكرين شكد جنتي تعاقبيني وتضربين بيه وانه اكول يلا الا يجي يوم وتحن عليه بس انتي شسويتي ببنت بطنج خليتها تحقد عليج...شلون نسيتي من جنتي تسافرين وتخلين ابوي بدون غده وعشه وانتي تدرين بيه مااعرف اطبخ شلون نسيتي جنتي تتشمتين بأبوي وتكوليله شلل بس هوا مو هيج هوا من وراج وورا ابنج كلياته يبسن اريدج تفهميني شلوون اجا من كلبج تبجين وانتي الردتي ابوي يموت حته تملكينه جاوبيني شلووون بجيتي عليه من دفنوو شلون اجا من كلبج تكولين اريد ورثي من زوجي انتي هم تحسبين روحج ااااام
سهاد: اشش لو شكد ماتحجين ماراح يرجع الزمن انه اتفق وياج ع كل كلمه كلتي بس كلشي راح ..
نارين: حته انتي جنتي كارهته الابوي وانتي تدرين هوا يحبج حته اكثر مني بس مع الاسف خلف هيج جهال محد يستاهل تفله منه يلا خلصت كلامي تكدرون تروحون لبيت اخوانج
حسين: مانطلع منا اذا ماسجلتي نص املاك ابوي بأسمي
موسى: لك شلون يجي من كلبك تاخذ حق يتامه هااا
حسين: انت مالك دخل انه واهلي لحد يدخل
حكم: چا من خوالك يدخلون هم انت واهلك مو
حسين: هههه بكيفي ادخل منو واطلع منو افتهمتو جلب منكم لايدخل
نارين: مابعد اسيطر ع روحي كمت ولزمته من ياخته... محد جلب غيرك وغير خوالك ياا ادبسزز يا بلا تربيه وعلي بكلمه وحده اخليك تعفن بلسجون
حسين: وخري لجج عااار
نارين: انصدمت شلون يكلي عار كام موسى وكفخه راشدي وحكم كمله عليه دمه صار بطوله
حسين: الا اخليكم تصرفون كل فلوسكم علمود اطلعون ولدكم ومايطلع اسمي حسين اذا ماطببتكم السجون
موسى: صاير يهدد المخنث امشي لكك خلي انه المحك بلمنطقه وشوف شسوي بيك
حسين: انه خايف منك باوع شلون ارجف ههههههه ..يضحك بأستهزاء
ابو موسى: راح نشوف منو اليطب سجن احنه لو انتم
ام نارين: امشي ابني مايفيد وياهم الزينيه
سمر: اي والله مافاد وياج الزينيه جنتي وحده من اهل البيت بس هسه صرتي عدو النا
ام نارين: انتي اسكتي لو بيج خير جان مايطلكج زلمتج
سمر: والله انه ماعندي حض مثل بنات فليحه زلمهن محبس بأيدهن ( تقصد ع بيبة نارين الي هيه ام امها)
ام نارين: بس انه ماصار محبس بأيدي وواااخ لو سمعانه كلام اختي
سمر: دربج ودرب اختج سحوره وشكد جنتي تسوين سحوره لاخوي انه اروح وافتحها خاف متدرين
نارين: كااااااافييي يلااااا ماريد اشوفكم هنا اليوم طببتكم البيت باجر بلحلم اطبون هلبيت مفهوووم
طلعو وهما يهددون طبينا جوه عمامي بقو ع عشه عمه حضرت العشه انه ماجان الي نفس اكل من بعد هلعركه نمت وماحسيت الا ع صوت عياط ....
……
رنا: كمت سبحت ونوب هوا طب سبح نمنا بدون وجع راس وجانت احله ليله نكضيها انه ويا ..كعدت الصبح ع ايه فتحت تك عين جود ماموجود بس ايه جاي تكعدني ..شكو منو مات
ايه: خالج.. بشرفج هذا سؤال كومي اريد افتش اليل كله مانايمه دزيت امي لبيت جارتنه وابوي طلع لشركته وجود طردته للمركز في سبيل اكشف سعاد
رنا: روحي انتي اغسل واجي
ايه: انتضرج مو ترحين تنامين ..
رنا: لاتخافين ماانام..
ايه: اي يلا حروح للغرفه بين ماانتي تعزلين البيت..
رنا: تمام..
ايه: طبيت لغرفه سعاد فتحت الكنتور مابي شي جوه الملابس ماكو شي مهم ورا البردات بلكومدينه بلجرارات مالت الكنتور حته تعبت واني ادور اخر شي جوه فراش مأل الجربايه جان اكو حبوب مادري مال شنو.. اخذتها كلت اشوفه لرنا بلكي تعرفه ضميته بجيب التراك وطلعت اجاني احساس مال انتصار نزلت جوه شفت رنا كاعده تاكل..
رنا.. ها بشري شصار
ايه.. لكيت هلحبوب مادري ادل ع شنو
رنا.. اخذته منها مادري شلون اوصف الحب اول واحد جان لونين وحب الثاني لونه اصفر... لازم نسئل بلصيدليه
ايه.. منو يروح يسئل
رنا.. انه وانتي نكول لجود ياخذنا لنارين ونطلع وياها للصيدليه
ايه.. خوش فكره حخابره واكول لامي ترجع هنا.. خابرت جود كال ادزلكم انور لان عندي شغل.. وخابرت امي كالت روحو بعد شوي اجي المهم حضرنا ارواحنا اجا انور
انور.. صاير شوفير وماادري بروحي
ايه.. امم مو تريد حساب بنيه عيونها بحر ع كولتك..
انور.. هاا احم. اي انه خادم الكم ادللو
رنا.. ميصير نعرف منو هلحوريه
انور.. حجي بيني وبينج مرت اخوي بس مو تنصدمين
رنا.. كول خويه بلكي اعرفها
انور.. بت عمج تاليا
رنا.. 😳 انت صدك تحجي منين تعرفها
انور.. مجرد مرتين او ثلاثه لمحتها طبت لكلبي
رنا.. اي وسالفه الحساب شبي
انور.. انه رايد حسابها واتعرف عليها وداعت امي نيتي شريف ورايدها بلحلال
رنا.. الله كريم خويه اذا هيه من نصيبك تصير الك
انور.. ادعيلي انتي بلكت الله وتصير حلالي
رنا.. نشالله واحنا مانلكه احسن من عندك بس الغضب جدي اذا دره انت من طرف جود حشاك لو يطلع نخله براسك فلا ينطيك
انور.. اقنعه بس خلي اتعرف عليها وبعدين.. شبيج ايه تره الصفنه لابو صابر
ايه.. صافنه عليكم كملتو
انور.. اي ليش..
ايه.. صارلنا ساعه واكفين كبال بيت البنيه جاي افكر بلفشله اذا طلع واحد من اهلها وشافنا مثل المخابيل نسولف كبال بيتهم
رنا.. يافشله يلا خلي ننزل.. نزلنا دكينا الباب انور راح.. طلعت بنيه اول مره اشوفها.. هلو عمري وين نارين
نرجس.. جوه منو انتي
رنا.. صديقتها تكدرين تصيحيهأ
نرجس.. اتفضلو عمري
رنا.. طبينا جوه وكفنا بلمطبخ طلعت نارين وثنين بنات وياها ومريه يطلع عمرها بل ٤٠ سنه
نارين.. شعجب عيني خاف تيهتي بلطريق
رنا.. لا ولج شتاقيتلج وكلت امرلج
نارين.. اي عاش من شافج طبن جوه
رنا.. تسالمنا وطبينا جوه جابن ماي وببسي وكرزات.. خايب اجينا بشغله
نارين.. كولي شكو
رنا.. اريد اروح للصيدليه علمود شغله
نارين.. اي عادي تردين احد وياج
رنا.. اي انه وانتي وايه نروح طبعا اذا عمتج ماعدها مانع
سمر.. لا بنتي خلي تجي وياجن بين مااخابر حكم يجي ياخذجن
رنأ.. تمام خاله. ضلينا كاعدين لحد مانارين حضرت نفسها وابن عمها اجا صعدنا السياره جان تكول نارين
نأرين.. هوا مدري شلون راح اكلج بس لازم اكلج
رنا.. صاير شي شكو..
نارين.. لا بس صارلي ٦ اشهر مخطوبه ونسيت اكلج
رنا.. صدك فدوه مبروك عمري منو هذا سعيد الحض
نارين.. كلت هسه تكفخني بدون ماادري
ايه.. مبروك حب تستاهلين
نأرين.. يوم الج يارب
ايه.. امين
نارين.. رنا انتي تعرفين خطيبي حته كرايبج
رنا.. صكر
نارين.. لا
رنا.. مهدي
نارين.. لا
رنا.. ليث اهوو كولي عاد
نارين.. يوسف ابن خال صكر
رنا.. كولي والله
نارين.. والله العظيم
رنا.. اختاريتي احسن واحد بس هوا هم بذات شلون ميكول
نارين.. كل اسبوع يررحون لبيت جدج وانتي مموجوده هناك شلون يكلج
رنا.. اي صح والله.. ها وصلنا.. نزلنا للصيدليه انطينا الحبوب والصدمه كال
صاحب الصيدليه. هذا حبوب منع الحمل والثاني ينطي اعراض حمل شلون تاخذينه اذا ماتردن حبلان شكو تتزوجن
رنا.. مو انه اخذه هاي كرابتنه
ايه.. والله لاعلمها درس طول عمرها ماراح تنساه
رنا.. امشي خلي نرجع
نارين.. هاي منو الماتخاف الله تاخذ هل حبوب
رنا.. سعاد
نارين.. بس لو ادري ليش امها سمتها سعاد وهيه شر ماادري
ايه.. انتي هم تعرفيها
صاحب الصيدليه.. تكدرن بلبيت تسولفن
رنا.. اسفين خويه.. اترخصنا وطلعنا طلبت من حكم يرجعنا للبيت....... وصلنا البيت نارين ماقبلت تنزل المهم طبينا جوه عمه جانت موجوده
ام جود.. وين رحتن
ايه.. يمه انتي تدرين بسعاد حامل
ام جود.. ليش
ايه.. انتي رحتي وياها للدكتوره وكالتلج انو سعاد ماحامل شلون جذبتي علينا وع ابنج
ام جود.. چا تريدين اهجم بيتها
ايه.. ومن هجمتي بيت ابنج شلون احساس اجاج لو ولدج حلال بيتهم ينهجم اما بيت اختج شلون اهجم بيتها
ام جود.. والله اذا بس سمعت جود يعرف تدرن شصخم بيجن
ايه.. اكله وشتريدين تسوين سووي چا تريدين اعوف ايدي ع خدي واباوع لبت اختج الحيه شلون تجذب
ام جود.. شي صار وراح كافي
ايه.. لا بعده مانتهى وانه راح انهي بالطلاك
ام جود.. تردين تموتيني بس ماتدرين شلون
ايه.. انه مالي دخل وكل عمري مامجذبه ع جود واذا تقصدين رنا هيه مراح تكول انه الراح اكله... مشيت وعفتها تعيط وراي
تسريع الاحداث ثاني يوم العصر
جود هنا جاب سعاد وطبعا ايه طلبت َمنه
ايه.. رحت لمكتب جود وبيدي التقارير
جود.. شنو هذن
ايه.. اقره وانت تفتهم
جود.. بديت اقره وعيوني صعدت الكصتي جذبت عليه وشلون
ايه.. هذا الحبوب هم
جود.. حبوب مال شنو
ايه.. منع الحمل ؤهاذ ينطي اعراض حمل
جود.. بت الكلب تجذب عليه انه الها
وصار الي صار بذاك البارت لحد مااخذها لبيت ابوها
...
جود.. وصلت بيت خالتي نزلتها سحل من السياره دكيت الباب طلعلي ابوها
ابو سعاد.. نورتونا شبيج سعاد
جود.. انه سعاد بعد ماريدها مره اليه ورقه طلاكها يوصلك باجر
ابو سعاد.. غير افتهم شكو
جود.. خلي هيه تحجيلك وبدون ماتجذب بحرف
ابو سعاد.. تمام طبي طبي
جود.. اترخص رجعت للبيت واعصابي فول طبيت جوه شفت امي وايه ورنا كاعدات.. يمه من رحتي للدكتوره شكالتلج
ام جود.. سعاد مو حامل
جود.. وشلون ماكلتيلي
ام جود.. شلون اهجم بيتها تقبلها ع رنا
جود.. رنا ماجذبت عليه ولو هيه بمكان سعاد جان هم سويت هيج بيها وماكو مره تغير رجال
ام جود.. چا خلي رنا تحبل انه هم رايده اشوف احفادي
جود.. وليش بت اختج ماحبلت
ام جود.. كافييي ماريد اسمع صوت واحد منكم افتهمتووو
جود بعياط.. انعل عشريتي اذا بقيت دقيقه هنا عايشين كله جذب بجذب كولولي احنا بيا عصر هااا
ايه.. يمه لادافعين ع بت اختج وانتي سمعتيها باذنج تكلي ام الزلم شنو شايفه عليه قابل مثلها
ام جود.. كلت صوت مااسمع ولا اعوفكم واروح بحلمكم تشوفوني
جود.. لا تطلعين ولا شي انه حروح وعود كولي ااأخ لو كايله الحقيقه لجود
ام جود.. وين تريد تروح انتو تردون تجيبون اخرتي
جود.. خلاص اخر مره تشوفيني خلي سعاد تفيدج
رنا.. صعد فوك وصعدت وراه اريد اعرف وين يروح.. جود وين حتروح
جود.. لجهنم الحمره
رنا.. جود مهمه يكون هيه تضل امك شبيك انت
جود.. رناااا كافي تلحيين
رنا.. كول وين حتروح
جود.. ماعرف مااعرف لاتسئلين
رنا.. كعد ع جربايه وايده ع راسه.. فدوه لتروح اذا رحت ع اقل كلي وين
جود.. شكلت اني كافي تحجين
رنا.. سكتت وكعدت يمه ١٠ دقايق نسمع بس صوت انفاسنا العاليه... قبل متروح فكر بأمك واختك وابوك وبيه وين تروح وتعوفنا وحدنا وانت الوحيد الساندنا
جود بهدوء.. اريد ارتاح نفسيتي تعبت وانه اكللهم لاتسوون هيج سوو هيج كافي ارحموني انتم مو صغار
رنا.. تمام روح بس مثل ماكتلك فكر وبعدين قرر
كام اخذ جنطته ونزل جوه
جود.. مع السلامه
ام جود.. سويتها صدك الله وياك بس ماراضيه عليك لان طلعت منا علمود حجيت عليك
رنا.. طلع جود دموعي نزلت من وحدهن ايه وعمتي كعدن يبجن صعدت لغرفتي وقفلت الباب وابجي بحرگه كلب معندي غير مهدي اشكيله خابرته ثاني رنه رد
مهدي.. هلا برنوش شعجب ذكرتيني
رنا.. حجيت بغصه كتله.. جود عافنا مهدي
مهدي.. شنو عافكم شبيج
رنا.. اي عافنا وطلع زعلان فدوه انتي حاجي تره تعبت والله
مهدي.. خلاص انه احجي ويا وافتهم وانتي هم لاتضغطين عليي بلكت تعبان ويريد يرتاح شوي اذا اليوم مارجع باجر يرجعلج كلنا نفسيتنا تعبت حاولي تسندي وتشيلين شويه من حزنه
رنا.. والله لو اكدر اشيل كل القهر والحزن من عيونه چا اخذتهن بس شلون بيه
مهدي.. طبعا يعوفج اذا انتي كاضيته بجي حته الزلمه مل منج بله رجال متزوج يرجع يلكي مرته كالبته مناحه
رنا.. شبيدي اسوي ماتكلي
مهدي.. ماكو غير تلزمين سجادتج وسبحتج وتدعيله
رنا.. انشالله اسفه زعجتك وياي بس ماعندي غيرك
مهدي.. انه اخوج بأذن الله يلا بلكت احصل جود واحجي ويا
رنا.. تمام باي سديته كمت توضيت وصليت من خلصت نزلت شفت ايه يم عمتي وتحجي وياها وتعاتبها بعدين صعدت فوك ضليت ادك ع جود يطلع مغلق .. ياربي ارحم بحالي وين راح الزلمه
.
.
........
جود: طلعت من البيت رحت للمركز اخذت اجازه اسبوع كلتلهم عندي شغل بلعشيره المهم ضليت اسوق ومادري بروحي الا وواصل البستان هناك صاحبي مكعده بلبستان لان هوا وحيد وماعنده اهل وطبعا هوا دكتور نفس ومتخرج ويفتهم احسن من الكل ودائما اشكيله وهوا ينطيني الحل المهم طبيت للبستان جان كاعد ويشرب بقهوته ..السلام عليكم
ادهم.. عليكم السلام تفضل
جود .. زاد فضلك شلونك شخبارك
ادهم.. الحمدلله بهاي الدنيا الماترحم
جود .. اي والله اوووف اوووف
ادهم.. من الحسرات مالتك صاير شي احجيلي شكو
جود.. تعاركت ويا امي وطلعت وهيه ماراضيه عليه
ادهم.. خلي اكلك شغله وخليها بالك
جود.. كول اسمعك
ادهم.. تدري رضات الام اهمشي بهاي الحياة وانت جاي اتكول امي مارضت عليه شلون اجا من كلبك تطلع بدون رضات امك شفت شكد انه عانيت وشكد تعبت نفسيتي لان كلمه من امي خربت حياتي كلها
كالتلي روح خلي زوجتك تفيدك انه ماراضيه عليك الله لايرضه عليك شوف وين وصلت بهاي الاربع كلمات بنتي وهيه راجعه من المدرسه دعمها سياره
امها اطلكت بسبب شي تافهه ليش تريد تخرب حياتك مثل ماخربت حياتي انه. وهسه امي توفت واريد بس رضاتها اريد بس اشم عطرها
بس شوف وين صفه بيه الدهر لاتصير مثل صاحبك كسر كلام امه علمود يعيش زوجته روح لامك وخليها ترضه عليك حته تعيش حياتك وانت مرتاح
بله لاسامح الله صار شي بأمك شيصير بيك ةهيه اخر كلمه كالته انه ماراضيه عليك
جود.. صحيح كلامك كله بس انه هم نفسيتي تعبت
ادهم.. نفسيتك تعبت من ورا منو
جود.. من الجذب العايش بي
ادهم.. تدري شلون تتخلص من الجذب
جود .. شلون؟
ادهم.. خلي اكلك شلون. دائما سايسهم وصير وياهم واحد مرح ويشاقه وانت راح تتخلص من كل الجذب وبنفس الوكت تكشف هواي اشخاص ع حقيقتهم
جود.. يامه ضحكت بس ماكو شي
ادهم.. ماكو احد يعرفك بكدي المهم روح للبيت وبوس راس امك واعتذر منها ولايصير راسك يابس يلا روح واسمع كلامي بعدين مو تعض اصابيع الندم تره مايفيدك
جود .. خليها باجر
ادهم.. ليش تخليني اخذك بيدي لامك روح انه مافيدك يلا
جود .. تمام حروح بس اذا طردتني
ادهم.. عود تعال هنا
جود.. تمام يلا تعبتك وياك وزعجتك بهيج وقت
ادهم.. تستاهل جويد الله وياك خويه بأي وكت تلكاني عندك
جود.. ماتقصر والله. طلعت من البستان احس روحي شوي ارتاحيت وراح امشي ع كلام ادهم واشوف اخرتها فتحت تلفوني لان جنت قافله لكيت مكالمات من مهدي ومن رنا وايه ذبيت التلفون ووووووصلت البيت .....
#اليتيمه وابن البصره
#بارت48
#هديل احمد
باچر تلمنة الشوارع وأشبع شوف بعيونك💙📌🔗
…………………………
مهدي.. يوسف وين رايح
يوسف.. لجهنم شتريد مني ياخي
مهدي.. احجي وياي باسلوب حلو
يوسف.. ياخي ضوجه شبيك
صكر.. سالمين شكو
يوسف.. تعال لاخوك يريدني انضف الديوان وحدي
مهدي.. علساس اخاف من هلخايس
صكر.. انه اخوك والنعم منك..
مهدي.. شو ثنينكم كدامي يلا للشغل
صكر.. لاا االه الاا الله
بوسف.. محمد رسول الله
صكر: علي ولي الله
يوسف: بسم الله الر.
مهدي: بسسسكم يلااا كدامي
صكر: ههه اصلا احنا نحب التنضيف مو يوسف ههه
يوسف: ههههه اي ياخوي جنك ع ديوان اصلا اذا تريد انضفلك البيت كلها
مهدي: حبيت استفزهم. احمم چا شايفين سارتي وسيارة ليث
صكر ويوسف: اي شايفي
مهدي: تمام چا من تخلصون تنضيف الديوان تغسلون السيارات
صكر: شنوووو والله ماعليه. يوسف الطلي علساس داتكحلها عميتها
يوسف: انه شعليه. نوب سياره ليث من اشترى الى حد الان مامغسول وينجج يمههه
مهدي: بسكم دوختوني يلا بدون حجي زايد
صكر: راح مهدي واحنا ضلينه ننضف الديوان تقريبا ساعتين احنا بس ننضف الديوان خلصنا.
يوسف: يلا نسلم عليكم في امان الله
صكر: وعليكم الس. هي هي وين رايح تريد تنهزم من الشغل موو لزمته من ياخته. تعال. لا ونوب اني الذكي اكله وعليكم السلام
يوسف: كافي شبيك شهرتنه عابت
صكر: يلا انت سياره ليث واني سياره مهدي
يوسف: لا والله شايفني غبي مثلك اني سياره مهدي وانت سياره ليث
صكر: دوخر شكد تلغي. بديت اغسل السياره واني بمكاني لان الصراحه من صدك وصخه طلع ليث جان يحجي بلموبايل
ليث: جنت احجي ويا ايه وقررت انو اتقدملها هل اسبوع وشيصير خلي يصير طلعت برا وشفت صكر يغسل سيارتي ضحكت ونزلت الموبايل من اذني. ها ها سالمين 😂
صكر: ليث روح من يمي لا اخلي قهري براسك
ليث: ادري تسودنت انت 😂 ههههههههه. اخخ يمه بطني. لا باوع ع يوسف يغسل من كل كلبه هههههههههه
يوسف: سمم ع هلصوت
ليث: ههههههههه ولك ههههه صكر هه تخبلت وكاعد تغسل بلسياره هههه اخخ بطني
صكر: وهههااا وههههها 😒
ليث: 😂😂 اخخ يمه احم سكتت. كوه حابس الضحكه
صكر: اضحك اضحك راح اطك 😒
ليث: ههههههههههههههه
صكر: ارتاحيت
ليث: ااووف هسه ارتاحيت. يلا اني اروح بعد ربع ساعه اريد السياره
صكر: انعل ابوك لابو مهدي لابو حتى يوسف انعل والديكم كلكم ولد الك.....
يوسف: انعل والديك انت هم
ليث: هسه قابل اني الي جبرتك تغسل كيييببوووررر حته كييبوورر
صكر: يتموع ابن ال.....
ليث: تمون منك يبن العم 😂😂
صكر: تمون وخبز روح روح انه صوجي كعدت من النوم انعل والديك يوسف المطي. اذا تريد نغسل البيت كله ..يحجي ويقلد يوسف
يوسف.. دكل خرا واغسل
صكر.. هذا صارله شكم سنه مامغسول
يوسف.. علمي علمك
بعدها خلصنا غسل وطبينا جوه...
.
....
جود.. دكيت الباب طلعت ايه والعيون مورمه.. شبيج تبجين
ايه.. جوود 😭
جود.. بعدني عايش تره هاي اذا متت شتسوون
ايه.. ضربته ع ضهره بخفه.. لاتكول هيج ويلا طب.
جود.. طبيت جوه شفت امي ع قنفه نايمه ودموعه تجري ورنا كاعده تبجي وصافنه.. السلام عليكم
رنا.. فزيت وطفرت.. جود ياحسرتي
جود.. اجت وحضنتني.. تره نص ساعه ماطولت
رنا.. لاتعيدها مره ثانيه
جود.. تمام. رحت يم راس امي.. يمه كومي
ام جود بفزه.. منو
جود.. نسيتيني بهل نص ساعه
ام جود.. لا مانسيتك بس انت صاير تزعل من اذنه شي احجيها وياك
جود.. خلص بعد لو تضربيني وطيرين هيبتي ماازعل وهاي بوسه براسج وهاي بايدج ردت انزل ع رجلها بس رفعتني
ام جود.. شدتسوي يانور عيني انه مازعلانه منك يشهد الله بس ضوجتني
جود.. وكلمتج مالت ماراضيه عليك
ام جود.. مو من كل كلبي جانت
جود.. ادري بيج كلبج حنون يبعد هلي وناسي.. حضنتها ولاول مره تنزل دمعتي
ام جود.. شكبرك وشعرضك تبجي يافشلتي من الناس
جود.. اهو يمه دخليني مشتاك لحضنج
ام جود.. طبعا حضن رنا نساك حضن امك هههه
جود.. ههههههه يلا بمناسبه الصلح الام وابنها اليوم اطلعكم
ايه.. ياااهووو 😂 راح نطلع تعال ابوسك
جود.. ههههههه وانتي رنا شبيج واكفه تعاي
رنا.. ميصير ادخل باحضان العائله ههه..
ام جود.. يااا ولج تعالي عود انه اخجل طاحت خالتج
رنا.. خلي اطيح فدوه الج يمه.. رحت حضنتها وكعد جود يسولف ع ادهم صاحبه
ايه.. هاذ ادهومي لىش بس بلبستان
جود.. مايحب يطلع
ايه.. خطيه انه بس يمكن من جان عمري ١٤ شفته ٣مرات وبعد ماشفته
ام جود.. چا خلي نعزمه نتونس ويا
جود.. اكله ونشوف اذا يجي.. يلاااااااااا
ام جود.. طكك وجع كون شبيك تعيط بله ضابط وهيبه وشخصيه تعيط شبيك..
جود.. اليوم انتي فاصله يايمه خلي يجي ابوي ويشوف شغله وياج
ام جود.. هوا وينه ابوك شو من الشغل للبيت يرجع يلف راسه وينام
ايه.. هسه يطلع متزوج عليج
ام جود.. حته احركهم بكاز ونفط
جود.. عادي تره الشرع حلل اربعه
ام جود.. ندري حگ بس انتم الزلم عينكم ماىمليها بس التراب
جود.. استغفرالله كومن سون اكل طكني الجوع
ايه.. من يوم يومك تاكل مابقه الا وتاكلني
ام جود.. خمسه وخميسه كولي ماشالله
ايه..ماشالله شكلنه غىر الحقيقه
جود.. هسه ليش مضغوطه
أيه.. ياا منو مضغوط كومي رنوش نسوي اكل انه هم جعت
رنا.. كمنا للمطبخ طلعت باميه ثرمتها وسويتها مركه نوب طلعت دجاج من المجمده كطعتها وعفتها بلجدر وعفتهم ع نار
ايه.. حسوي زلاطه
رنا.. تمام انه وياج نسوي
ايه..ماشي.. رحت غسلت الخيار والطمامه والكرفس والبصل وثوم واليمون كعدنا نثرم دك تلفوني... اوووه منو هاذ.. امم المتصل ليث
رنا.. ياا جاوبي شوفي شيريد
ايه.. الو هلا
ليث.. هلا بيج عمري شلونج
ايه.. تمام كلبى
ليث.. خابرتج علمود مؤضوع
أيه..كول اسمعك
ليث.. الخميس اجي اخطبج
ايه.. كول والله
ليث.. مجذب عليج؟؟
ايه.. حشاك من الجذب بس شلون اكول لاهلي
ليث.. اي كوليلهم شكو خايفه
ايه.. وجدك قبل
ليث.. اليكول حتتزوجين جدي قابل بكيفه
ايه.. لا استغفرالله تمام حكول لرنا وهيه تكول لاهلي
ليث.. احسن
ايه..بعدها صوته صار بعيد ومدري ويامن ديعيط ويضحك... شبيك تعيط
ليث.. ههههه هاذ صكر ويوسف جاي يغسلون الضاهر مهدي معاقبهم
ايه.. حيل بيهم
ليث.. ىلا حب اني اروح تردين شي
ايه.. سلامتك.. سديته وكلت الرنا.. احم. شسمه. ليث. الخميس. حيجي. يخطبني
رنا.. بربج
ايه.. والله بس شلون حكول لاهلي
رنا.. انه اكوللهم
ايه.. اوف خايفه من شي واحد
رنا.. من شنو
ايه.. هسه جود يكول منين يعرف ايه
رنا.. عادي اكله مره وحده شافها من رحنا للمطعم
ايه.. دبريها من يمج
رنا.. الله كريم .. حضرنا الاكل اجا عمي سلم وطب كعد هم كاكو يسولفون ع شغل والعركه الي صارت
ام جود.. اكلك ابو جويد
ابو جود.. كولي
ام جود.. شو من تجي من الشغل تلف راسك وتنام خاف متزوج عليه
ابو جود.. صدك بطرانه انه بوحده مامدبرها نوب ثنين 😂
جود.. ها حجي سالمين هههههههه
ابو جود.. مو عدها اسئله تضوج الواحد
جود.. ميخالف اعذرها
ام جود باوعت بطارف عيونها ع ابو جود
ابو جود.. ههههههههههههه مسوي جريمه وماادوي تره اروح اتزوج
ايه.. انه ازوجك بيدي بويه ادلل 😂..ااخخ
ام جود.. هسه بلخاشوكه بعد شوي اكوم اشوهج
ايه.. تره الزلمه حقه يتزوج رب العالمين حلل 4 ونبي محمد اتزوج 13 وانه ازوج ابوي درزن بس خلي اتوضف
جود.. واخوج ماتزوجينه
رنا.. غصيت بل اكل..كح كح كح
جود.. اسم الله بعد مامتزوج
ام جود... ولك البنيه شركت انطيها ماي يل اثول
جود.. اهوو راح تذلني
ام جود .. شون حكوم انعله نعل
رنا.. انطاني ماي وهمسلي
جود بهمس.. هاي لو سويتها صدك شتسوين
ايه.. يلا تكبرين تنسين
رنا.. خلصنا اكل كمنا عزلنا البيت والمطبخ كلعاده نطفي الاضويه ونطلع لغرفنا. طبيت الغرفه جود جان متمدد ولازم تلفونه ومبتسم .. منو صاحب هل ابتسامه
جود.. ماكو احد ميصير ابتسم
رنا.. شو خلي اشوف
جود.. خصوصيه بنيتي
رنا.. والله ماعليه الا اشوف. لزمت التلفون وكعدت جان ناشر صورته وبنيه معلقتله كاتبتله
_ فدوه لالله تخبل يبعدي
رنا.. منو هاي
جود.. علمي علمج
رنا.. رديت ع تعليق كلتلها. تسلمين خيتي
شسمه موضوعنا مو هاي
جود.. چا شني
رنا.. ليث يريد يتقدم لايه
جود.. منين يعرف ايه
رنا.. مو مره وحده شافها بلمطعم
جود.. مم هوا انه ماعندي مانع طبعا خلي يجون ونشوف وشي المهم انو ايه توافق بارادتها
رنا.. اكيد الخميس يجون
جود.. وجدج
رنا.. مااعتقد يجي بعدين جدي اذا اجا او مااجا نفس الشي
جود.. الله كريم شنو محتخليني انام
رنا.. لا عيني نام 😒
جود.. دتعالي شلعتي كلبي
رنا.. حضني بقوته وغمض عيونه ونمنه وكلوبنا كلها حب وصافيه .....
.
.
.........
ليث.. رجعت للبيت بعد ماحجيت ويا ايه طبيت جوه الكل جان كاعد كعدت وكلت .. اريد احجي بموضوع
الكل.. سولف
ليث.. انه قررت اخطب
الجد .. منو هاي
ليث.. اخت جود
الجد.. شنوو بلحلم اخليها اطب هنا خلصن النسوان ماضلت بس اخت جود
ليث.. قابل انت راح تتزوجها ولا تخاف من نتزوج نسافر
الجد.. والله لو تموت مااجي اخطبلك
ليث.. ومنو كال راح تجي اصلا
ابو ليث.. البنيه مالها دخل باخوها الي عليه انه اروح واخطبها ونشالله ماكو شي
ابو مهدي.. انه مااجي
ليث.. بكيفك عمي اهمشي ابوي يجي هاي هيه
ام ليث.. هاي تاليتها نجيب كح... ع بيت
ليث بعصبيه.. ييييمه شنو هل الفاظ البنيه ماشايف عليها شي ليش تضلمين حضج وبختج خلي بناتج بين عيونج
ام ليث.. بناتي اشرف من الشرف
ليث.. البنيه هم مابيها شي اذا تجين او ماتجين نفس الشي
العمه.. ابني لاتهتم اهمشي مستقبلك واخذ الي تريدها ونشالله اكون بمقام امك
ليث.. الخميس نروح مهدي انت ماتجي؟
مهدي.. والله بكيفك اذا تريد عادي اجي وخلي خالي ابو يوسف هم يجي
ليث.. احسن
صكر.. وانه محد اخذ رائي
ليث.. انت تجي بدون محد يكلك
ياره ولارا وراما وتاليا .. واحنا هممم
ليث.. اي اي يلا اودعناكم
:
:
:......
نارين..كعدت مفزوزه ع صوت عياط طلعت لكيت ام موسى وام حكم وعمتي يبجن ويعيطن ..شكو شصاير
نرجس.. اجو المفرزه اخذو حكم وموسى وماندري ليش
نارين.. عرفت حسين وامي ورا هلسالفه .. عمامي وين
نرجس.. راحو وراهم
نارين.. عمه تجين وياي
سمر.. وين
نارين.. نروح للمركز
سمر.. شنسوي
نارين.. اريد اعرف شمجذبين ع شرطه وهيج اخذوهم
سمر.. امشي
نارين.. لبست صايه ولفيت شالي وطلعت ويا عمتي اخذنا تكسي ووصلنا المركز طبينا بي عمامي جانو ديحجون ويا الضابط
ابو حكم.. شجابجن هنا
نارين .. عمو خليني احجي ويا الضابط بس اكله كلمتين
ابو حكم.. تمام بويه
نارين.. طلعو وضليت ويا الضابط
_ شتصيرين من هلولد
نارين.. بت عمهم
_ سولفي شكو
نارين.. اولشي شنو مشتكين عليهم
_ رافعين دعوه متعدين ع الوالده
نارين.. شهكت. شنووو يمته بالله
_ علساس البارحه
نارين.. جذب انه اكلك جذب
_ وشنو اليثبت كلامج
نارين.. كلامي هوا الدليل
_ انلطقي واحجي بلتفصيل
نارين.. حجيتله كلشي من مات ابوي لحد البارحه ..هذا كلشي صار
_ يعني جذب مامتعدين عليها
نارين.. اي مامتعدين عليها هما عود يردون يسوولي فركه اذن بس مايدرون بضهري زلم
_ خليهم اليوم بلسجن بين مااسمع منهم هم
نارين.. اكدر اشوفهم
_ لا وتكدرين تروحين
نارين..بس
_رجاءا برا
نارين: طلعت برا حجيتلهم كلشي. اجت ببالي رنا. جود هم يشتغل بهلمركز خابرتها. الووو
رنا: هلا والله
نارين: رنا فدوه بلكي تساعديني
رنا: اي كولي
نارين: اخويه وامي البارحه اجو ووووو حجيتلها كلشي. واليوم اشتكو ع ولد عمي بلكي جود يحلها
رنا: تدللين هسه اروح اكول ل جود واجي
نارين: سديت الموبايل من رنا. ورا نص ساعه اجا جود
.
.
.
رنا: جنت بلمطبخ اسوي الغده خابرتني نارين وكلتلي ع الي صار خطيه هل بنيه ولا شافت الفرحه صعدت للغرفه لكيت جود متمدت ويدخن جكاير. ياربي صبرني ع هلزلمه 24ساعه جكاير. جودد يعني انت هستوك كعدت من النوم شكو دخن
جود: متعود لو بيدي حتى اني ونايم ادخن
رنا: هذا الناقص. جود نارين خابرتني وكالتلي...حجيتله كلشي
جود..تمام بويه حضري زي العسكري مالتي حروح
رنا.. طلعته الملابس كام بدل والجكاره بحلكه..يوو خنكتني طينياه اخذته وذبيته
جود.. ليش سويتي هيج
رنا.. موزين بابا
جود.. هاي عليمن طالعلج لسان خلي ارجع واكصه الج
رنا.. يلا احضرلك السجينه من ترجع
جود.. يلا حروح ... وصلت المركز طبيت عمام نارين وعمتها وهيه واكفين كبال باب الغرفه مال الضابط..السلام عليكم
ردو: عليكم السلام
جود: انه الضابط جود زوج رنا صديقت نارين
ابو موسى: شرفتنه
جود: تسلم حطب للضابط واشوف القضيه شنو
ابو حكم: تمام بويه ننتضرك
جود: طبيت للغرفه وشفت مصطفى .. ها لك عار شدتسوي
مصطفى: دايخ بدعوة مال هلمره
جود: شسمها
مصطفى: (........) وابنها(حسين.....)
جود: اها شوي وارجعلك .. طلعت بره كتلهم.. الدعوة الي رافعي حسين وامه تعرفوهم
نارين: اي امي واخوي
جود: والي مكتوب بلدعوه صدك لو مخترعين جذبه
نارين: كله جذب وروح ابوي
جود: تمام بويه .. طبيت المصطفى .. تره هاذ حسين وامه جذابين
مصطفى: اي ادري البنيه حجتلي كلشي بي كتلها اليوم ولد عمها يباتون بلسجن
جود: ليش هما ممسوين شي
مصطفى: احسن بين مااسمع منهم هم
جود: چا انه ليش اجيت غير حته نطلعهم اليوم
مصطفى: ويمته احقق وياهم استاذ جود
جود: هسه نحقق ..بعد مامكمل كلامي طب انور
انور: ها عمي اليوم جود هنا
جود: بالله مافارغلك جود. حروح احقق وياهم واجي
انور: اجي وياك احب الاكشن
حود: شون راح اكلب وجهك سفن امشي وياي ..رحنه لغرفه التحقيق جابهم الجندي وكعدو كبالي .. تكدرون تحجون البارحه شصار
موسى: شنحجي وكلشي ممسوين
جود: چا غير نسمع منكم هم حته نشوف طريقنا
حكم: يابه البارحه اجا حسين وامه تعاركو ويا نارين ورادو املاك ابوهم والاملاك متسجله بأسم نارين ومتقبل تنطيهم ف حسين كال لنارين انتي عار وانت افتهم شنو يعني كلمه عار للبنيه كمنا انه وموسى شبعنا نعل وثاني يوم اجت المفرزه اخذتنا وطلعو مشتكين علينه بتهمه عود متعدين ع امه
انور: كفوو والله لو بدالكم سجينه بنص كلبه
جود: ااااانوووورررر اسكت
انور: سكتت
جود: تمام خليك وياهم شوي واجي طلعت من غرفه التحقيق ورحت المصطفى ..كالو. ووووووحجيتله كلشي
مصطفى: تمام طلعوهم وجيبولي حسين خلي اربي
جود: اشنغل عندك انه
مصطفى: لك راح تجلطوني .. وولككك عمرررررر
عمر: خير خير شبيك تعيط جنك وحده حامل وجتها الطلوكه
ممصطفى: والحسين موتوني امشي جيبلي هلسكط حسين
عمر: هاذ ياهو حسين
مصطفى: يكلك المثل تعب رجلك ولا تعب لسانك اروح اجيبه وانعل عشيرتكم نفر نفر ولد ال....
جود: عفيه والله تسوي خير بحياتكم وهسه نطلع الولد لو لا
مصطفى: طلعوهم
جود: تمام.. رحت طلعتهم واتشكروني .. ماسويت شي
نارين: شكرا خويه تعبناك
جود: لا خويه عادي تعبكم راحه بعدها طلعو
انور: اخخ ولكم مشتهي كبه من ايد نبع الحنان
جود: ينراد نروح للبستان ونسوي كبه هناك ويا ادهم
عمر: صدك شو ماله حس
جود: البارحه جنت عنده هم بعده تعبان
عمر: نروحله باجر خلي امي تسوي دولمه وامك تسوي كبه وام انور تسوي برياني ومصطفى يجيب مشاوي
جود: خوش يلا اترخص حرجع انه
انور: ليش يمه شكو ترجع
جود: ماخذ اجازه اسبوع
انور: طكو الوصخين عمي
جود: محد وصخ غيرك يلا باي.. عفته يدردم ويبسمر وانه اضحك عليه .. رجعت للبيت مخلصين غده .. شنو ماكو غده
رنا: اكو عفت الك بلفرن
جود: صعديلي ياه للغرفه
رنا: تمام.. حضرتله صينيه وصعدته فوك جان لابس فانيله وشورت .. شني هاي عمي شلابس
جود: والله يبعد عمج الدنيا تسمط سمط
رنا: هههههههه بالعافيه اكل
جود: تعاي اكلي وياي
رنا: هستوني كمت من الاكل .. بده ياكل وانه صافنه عليه اجا اشعار ع تلفونه ردت اخذه كال
جود: عوفي
رنا: شبيك اريد اشوف منو دزلك رساله .. فتحت التلفون شفت البنيه الي معلقتله طابتله خاص
جود: شتريد
رنا: تكول صارلي هواي اراقب حسابك وانه حبيتك وياريت تتقبلني ك حبيبه
جود: اممم كوليلها افكر
رنا: شنوو شكلت باع شراح اكتبلها .. باعي خيتي انه رجال متزوج وعندي 4 جهال بركبتي يعني مافارغ الج تمام
جود: هاي ليش ولج
رنا: شون ذبت نفسها عليك من اكلك لاتنشر صورك بس انت ماتسمع كلام
جود: يعني شنو مسوي حساب وطاب 25k ترديني انشر صور جهالي ع كولتج
رنا: هسه امسح صورك والحساب الغي والتلفون يمي
جود: رناا تره حطلعيني من طوري شنو كدامج جاهل
رنا: 😐 شبيك دااشاقه والزم ضل احجي وياها ليما تمل والله يالله ماتعرف اكو حيوانه تنتضرك
جود: ااخ ياكلبي ماحبيت غير هلخبله
رنا: ع اقل ماذبيت روحي ع زلم
جود بعصبيه: رنااا لاتخليني امد ايدي عليج
رنا: خلص بعد مادخل بيك اصلا منو انه
جود: سويتي الاكل زقنبوت بكلبي شيلي مااتسمم
رنا: شلت الصينه وغسلت المواعين
صارلنا يومين محد يحجي ويا الثاني اجا يوم الخميس وراح يجون يطلبون ايد ايه وطبعا عمو وعمه عرفو انو ليث الي راح يجي نضفنا البيت وكملنا راحت ايه تسبح وتبدل وانه هم سبحت وطلعتلي فستان اسود طبقتين بي ورود ناعم ونازوك عفت كحله ومرطب شفه ومسكاره ورفعت شعري سويته ذيل حصان لان مو غريبين هما طب جود للغرفه شافني خزرني وطب سبح من طلع كلي
جود: شنو هل لبس
رنا: ماكو احد غريب تره
جود: واذا يعني ماعندج غيرهن
رنا: لا ماعندي .. الفستان جان ضيك عليه مادري اشتريته ضيك لو انه سمنانه
جود: اتوجهت لباب الغرفه قفلته وسحبتها من خصرها
رنا: عوفني شدتسوي
جود: تره انه زلمتج مو صاحبج
رنا: عوفني حتخرب وجهي القميل
جود: بستها بشفتها .. خففتلج الحمره
رنا: ياا اصلا ماعايفه حمره بس مرطب
جود: ميخالف عيب بنيتي
رنا: اووف رحت عدلت روحي ورجعت عفت حمره مو مرطب ونزلت جوه ورا شوي نزلت ايه لابسه فستان للركبه وهيه حنطيه تخبل طلعت عبالك لعابه جانت عايفه كحله وشويه ضل وحمره شبه وردي وتاتو وووكلشي
ايه: شلون طالعه بشرفج
رنا: تخبلين عين الحسود كلبي
ايه: يمه فديتني
اندك الباب وطلعو..............
#اليتيمه وابن البصره
#بارت49
#هديل احمد
كل الذي أحتاجُه
أن أمضي
ألاّ يُعرقلني شيء
أتوسل إليك يالله. 🖤
…………………………
اندك الباب طلعلهم جود وعمو
ابو جود: هلا زارتنا البركه تفضلو
ابو ليث: تسلم ابو جود انتم اصل البركه
تسالمو وطبو للاستقبال والنسوان بلهول كعدن
العمه: شلونج ام جود نشالله بخير
ام جود: الحمدلله انتي ام ليث صح
العمه: نشالله ماكو فرق انه بمقام امه
ام جود: تشرفنا حبيبتي شلونجن يبنيات
البنات: الحمدلله خاله
رنا: كلت لايه تنزل تسلم عليهم ورا شوي نزلت مدنكه راسها عود خجلانه
العمه: صلوات ع محمد شنو هلجمال بنتي والله ليث محضوض
ايه: شكرا خاله
رنا: تعالي وياي .. اخذتها ورحنا للمطبخ حضرنا العصاير والكرزات والكيك اجا جود اخذ للزلم وخليت ايه تاخذ للنسوان
العمه: ليش كلفتو نفسكم والله شوفتكم تكفي
ام جود: هذا شي قليل قدمنا الكم
العمه: احنا اجيناكم خطابه رايدين ايه ع سنه الله ورسوله ونشالله ماعندكم مانع
ام جود: بل نسبه اليه صح مااعرف ليث بس انه موافقه اما ايه ف مادري الشور شورها
العمه: اي صح چا ننتضر ليما توافق هلحلوه
تاليا: اكلج ايه
ابه: ها
تاليا: معندج انستا
ايه: بله طيني حسابج
تاليا: نطيتها الحساب تابعتني ورديتلها .. حم نشري حسابي عود
ايه: الله عليج جاييه خطابه لو تردين متابعين سكتي خلي نسمع
العمه: يشهد الله انه هسه حجيت وياج بس طبيتي بكلبي
ام جود بأبتسامه: والله حته انتي طبيتي كلبي
رنا: اووو يتغازلن احسن مني
العمه: يمته تجين عدنا
رنا: والله مادري اشوف يمته اجي
العمه: مرولنا عود
ام جود: انشالله
رنا: شفت جود بلمطبخ يأشرلي رحتله.. هاا
جود: طيني ماي
رنا: اووه عبالي شنو
جود: انتن النساوين. لو تكعدن منا لسنه ماتشبعن سوالف متنا عطش
رنا: مم عود انتم ماتسولفون
جود: يلا لج طيني ماي
رنا: تمام نطيته .. رحت للهول بعد ماحجيت لارا كالت
لارا: عمه ليث يكول خلي نروح
العمه: تمام يلا خيه نشالله غبر مره نجيكم
تسالمنا وطلعو وكلبي راح وياهم مادري ليش من يرحون اختنك طبينا جوه عمتي سئلت عمي شكالو وشحجو
ابو جود: طبو كعدو حجينه ع شغل وهل شغلات والله خوش ناس مو كدام رنا انه احجي بس الصراحه هما خوش ناس
ابو ليث: احنا اجيناكم بموضوع ونشالله خير
ابو جود: انشالله
ابو ليث: احنا نطلب ايد بنتك لابني ليث ع سنه الله ورسوله
ابو جود: النه الشرف والله انطونا مهله اسبوع ونردلكم خبر وانشالله خير وانه طبعا مالي حگ اغصب بنتي لان هيه وحيدتي ونشالله توافق ويصيرون لبعض
ابو يوسف: انشالله ع راسنا انتم
ابو جود: يسلم راسك خويه
ابو ليث: يلا چا احنا نترخص
ابو جود: بعد وكت
ابو ليث: الكعده وياكم طيبه نجيكم بغير وكت
ابو جود: ع راسنا. بأي وكت
ابو ليث: يلا ليث ابني كوللهم نروح
ليث: خابرت ع لارا كتلها يلا نروح.. يلا يابه اودعناكم
ابو جود: الله وياكم
وراحووووووووو
ام جود: والله حته عمته خوش مريه البنات فقيرات ومابيهن شي يخبلن
رنا: طبعا كضيتنه حياتي وحبيبتي ههههههه
جود: ها يمه تخونين ابوي
ام جود: يااا غير هيه مريه بكدي چا شتردون. اكللها
ابو جود: ايي يا ايه كبرتي وكام يجيج خطابه
ايه: بويه اذا تريد مااتزوج 🥺
ابو جود: لا بنتي انه مافيدج باجر اموت ع اقل يبقالج سند من بعدي وبعد اخوج
ايه: خلاص ماااوفق 😭
ابو جود: شبيج كلبتي مناحه دنشاقه وياج وخليها بالج انه مااجبرج انتي تعالي وكوليلي موافقه او مو موافقه
ايه: دلل يا احله اب بلدنيا
جود: اهووو شون طركاعه هاي
ايه: تروح فدوه
جود: ههههههههههههه صدك ضحكتيني كومي رنوشتي
رنا: وين
جود: استغفرالله جاني كلام دكومي ياعيني حضريلي الحمام نسوان كبل مو مثل نسوان هسه
ام جود: اي احنا من جنا شابات..
جود وايه: جنه نكعد بل4 الفجر نخبز ونخدر الجاي ونحلب الطليان
ام جود: خفه هلخلقه كون وخرو من يمي شون ثنين فاهيين وطاحين حض
ايه: يمه فديتني هم خلقه وهم اخلاق
ام جود: ااخ يلساني كوم يل اغم اخذ مريتك وروح شعدكم مكابليني
جود: خبزنا صار ثكيل عمي
ام جود: ولك ليش ماتسكت
جود: كومي حبيبي كومي بعد ميردونا
ام جود: اي عفيه اسمعو الكلام يلا من وجهي
رنا: صعدنا فوك كعدت ع جربايه .. شحتسوي
جود: اركص شتريدين اسوي
رنا: هوا انه صوجي احجي وياك
جود: خلي اكلج شغله بس بيني وبينج وماريد احد يعرفه واجا الوقت المناسب حته اكلج هوا
رنا: كول اسمعك
جود: قبل مااتعرف عليج كل ماجنت انشر صوره الي بنيه تعلق وتعليقاتها كله حلوه يعني منور خويه ومن هل حجي وربي يحفضك المهم اجا يوم طبتلي خاص كالت خلي نتعرف ع بعض انه كتلها عادي شسمج ومن وين وهيج شي كالت انه ليان من البصره وهيه تعرف انه من البصره ضلبنا نسولف تقريبا اسبوع ليما كالتلي نلتقي انه وياك بشي مطعم كلتلها زين اهلج مايحجون اذا طلعتي ويا شخص ماتعرفي كالتلي انه اهلي ماتو من جان عمري 3 سنين حته مااعرفهم ولا شايفتهم واهل ابوي وامي ذبوني بدار الايتام ليما صار عمري 19 كالو خلص مددتج هنا لازم تطلعين هيه هم طلعت وكامت تشتغل بمول بمحل مكياج ودبرت امورها واجرت شقه وعاشت حياتها بس لحد هسه انه وياها نسولف
رنا: صح اتأثرت بقصتها حسيتها مثلي مضلومه.. ولحد هسه تلتقون . حجيتها بغصه
جود: لا لان عرف انه تزوجت وكالت ماريد أثر ع علاقتكم واخرب بينكم خلي بس سلام بينا
رنا: ماعرف ليش نزلت دموعي او بل احرى اني ردتها تنزل لان صارلي هواي مخنوكه .. وو.انت.حبيت.هاا...حجيتها متقطع
جود: لا هيه مثل ايه شلون تردين احبها احنا علاقتنه صداقه واذا تريدين تتعرفين عليها وتشوفيها شلون راح تحبيها
رنا: هزيت راسي بمعنى لا.. ميحتاج بس اريدك دوم صريح وياي واريد اعرف كل ماضيك وحاضرك ماريد شي مااعرفه عنك
جود: تمام بويه هسه كافي بجي
رنا: حضني وووووووووووووصار الي صار احم احم 😂
:
:
:...........
ليث: من رجعنا من بيت اهل جود كبل جدي استلمنه رزايل... هسه شرايد مني هاااا
الجد: اختاريت الشخص الغلط وراح تخسر هواي
ليث: عود الله كريم لي ذاك اليوم بلكي متنا تفكرلي بلمستقبل
الجد: ينرادلك تربيه من جديد
ليث: بس لو ادري شتحس من تسوي هيج هاا مو كافي ضلم خلي كلبك ابيض وخلي رب العالمين بين عيونك كافي تصير ضالم
ام ليث: انه ماراضيه عليك لان رحت بدوني
ليث بعياط: دتحسسوني سويت جريمه مو من البارحه اكلج تعالي انتي تكولين مااجيب كح.. ع بيت انتي شمدريج بلبنيه
ام ليث: اسكت اسكت
ليث: انعل ر... اذا ابقه بلبيت سويتو عدنا عقده ولد ال...
الجد: ادبسزز ماتستحي
ليث: يابه دروح تنفخ ريشك علينا .. طلعت من البيت ومادري وين رحت ماشوف غير واصل شط العرب ضليت منتكي ع سياره واباوع للماي ضليت نص ساعه لحد ماشفت ايد ع كتفي
صكر: اييي عاشك ولهان
ليث: بطران ونبي تعبت صكر من هلعيشه
صكر: الله كريم يجي يوم ويعتذر من الكل
ليث: اي ومنتضر هل يوم حته اكله كلمتين
صكر: الله كريم بعدين شعندك واكف بهل حر هنا بلا شي انت اسود نوب واكفلي بلشمس
ليث: انه اسمر يل حيوان مو اسود بعدين الاسود ملك الالون فتهمت يلا ولي حروح للمركز
صكر: دروح عمي مو زين مكابلك
ليث: عود سويت فضل
صكر: الفضل لالله بعد روحي ليوثي
ليث: كيبوووورر حته كيبورر 😂
صكر: اوي حوبيبي خجولتني
ليث: مو موسحت كورامتك ههههههههههه
صكر: اي عادي حوبيبي فودوه الك
ليث: مو نعوج حكلي يلا باي
صكر: الله وياك حوبيبي اوي 😂😂
ليث: والله يالله صعدت بلسياره واتوجهت للمركز
نزلت وطبيت المركز
انور: لك هلا
ليث: انجب
عمر: منو انت ماعرفناك
ليث: ضابط ليث صديق نويره
انور: اهوو عاد هذا القالي صديقي
عمر: اتشرف بيكم نفر نفر
ليث: بعد كلبي.
ورا شويه جان يدخل ..