رواية انت لي
الفصل الرابع والخامس
بقلم الكاتبه/ منه ياسر محمد
سليم: نعم يارغد
رغد: انبسط اوى ياسليم بالفيلم
سليم: هو كان حلو اوى
رغد: اه تصبح على خير
سليم: وانتى اهله
رغد: سليم
سليم: نعم يارغد
رغد: انت هتمشى تسهر بره
سليم: لا هنام فى الاوضه التانيه
رغد: ماشى... رغد كانت مبسوطه جدا ونامت... وسليم طلع بره ونام هو كمان............
رفيف كانت مع لچين وبيرقصوا وفرحانين....
لچين: بس مامتك ديه مفيش اجمد منها
رفيف: ايوه يابنتى ديه ماما وانا عارفها
لچين: اه صح بتشوفى سليم
رفيف: لا للاسف اخر مره روحت وكنت عايزه اسهر معاه بس اختى الانسانه المعقده ديه رفضت اصلا ومش هنسالها الموقف ده ولا هنسا جوازها من سليم ال محبيتش غيروا
لچين: طيب هتعملى ايه عشان تقربى سليم منك
رفيف: لسه هشوف وممكن واقول لماما انى اروح تانى عندهم.... سيبك من كل ده المكان حلو اوى يلا نرقص قومى.........
فى الصباح........
سليم قام وعمل فطار وقال هعمل لرغد معايا تاكل مع انى سليم عمره ما عمل لحد حاجه كان نفسه وبس بس قال هعمل لرغد فطار معايا.........وفضل يعمل.....رغد قامت على صوت حاجات بتقع فى المطبخ......رغد جريت شافت فى ايه...لاقيت سليم بيلم الحاجات وبيرتبهم تانى ......رغد مبينتش نفسها.. وفضلت تبص عليه من بعيد وتضحك....وبعدين راحت تغسل وشها وتفوق شويه................سليم كان داخل يصحيها لاقاها صاحيه وقالها انا جهزت فطار يلا عشان تفطرى....
رغد كانت فرحانه... وقالتله بجد مش مصدقه
سليم: مش مصدقه ايه
رغد: استاذ سليم بنفسه عملى اكل
سليم: عادى يعنى كنت بعمل لنفسى وعملتلك يلا قومى بقا متعصبنيش
رغد: حاضر خلاص.... قامت معاه وفضلت تضحك............
فى منزل رغد.........
مدام مليكه كانت لسه مروحا بيتها بعد المؤتمرات الكتير وكل ده وكان عندها سفر بعد يومين .....وجت اتصلت برفيف تشوفها فين....
بس رفيف مش بترد..........
رفيف: يلا يالچين نمشى بقا كفايه...
لچين: استنى يابنتى هو مجاش ليه
رفيف: مش هيجى خلاص يالچين يلا بقا انتى نايمه على نفسك ولا ايه...
رفيف ولوچين مشوا ........لچين روحت بيتها... ورفيف كانت فى الطريق عشان تروح......استاذ اسلام كان لسه ماشى من الشركه وروح البيت وقال انا هطلع اشوف رفيف اتعصبت عليها جامد....طلع وراح على اوضتها ولسه بيفتح الباب....
لاقى مدام مليكه قفلتوا وقالتلوا البنت نايمه وياريت تسيبها هى حكتلى ال انت عملتوا وكانت زعلانه وهى نايمه من بدرى........
استاذ اسلام: انا بعمل كل ده لمصلحتها نفسى اشوفها زي رغد كدا
مدام مليكه: كل شخص بيختلف وحاول متتعصبش عليها خلاص
استاذ اسلام: طيب لما تصحى اديلها العربيه وهرجع المصروف ماشى
مدام مليكه: ماشى يااسلام....
بعدين مليكه شافت رفيف لسه جايه.. رفيف طلعت ومليكه فتحت باب اوضتها ودخلتها ودخلت.......
مدام مليكه: كل ده يارفيف كنتى فين
رفيف: كنت مع لچين ياماما هو بابا حس بحاجه
مدام مليكه: كان طالع من شويه يشوفك وقلتلوا نايمه.....
رفيف: اه وبعدين قالك ايه
مدام مليكه: رجعلك العربيه والمصروف
رفيف: بجد شكرا اوى ياماما انتى احسن ام فى الدنيا بجد
مدام مليكه حضنتها.... وقالتلها انا عايزه مصلحتك ومش عايزاكى تكونى زعلانه ماشى انا كمان احتمال اسافر فى اى وقت ماشى ياحبيبتى خدى بالك بقا
رفيف متخافيش ياماما انا متعلمه منك... وضحكوا ورفيف دخلت نامت ............
رغد: الاكل حلو اوى ياسليم
سليم: عجبك اه
رغد: تحفه بجد ياسليم
سليم: ضحكلها وهى ضحكت وكملت اكل..... سليم شاف انو هى بتشكر فى اكله مع انى مش بيعرف يعمل اكل واكله مش حلو اوى بس هى شكرت فى اكله عشان ميزعلش.... وهولما هى عملت اكل قعد يطلع فيه عيب.....
سليم حس بالذنب لاول مره وقالها انتى اكلك احلى على فكره
رغد: ضحكتله وقالتله عارفه
سليم: ياسلام
رغد: نعم عايز ايه يعنى
سليم: خلاص كلى واسكتى..... خلصوا اكل وبعدين سليم قعد شويه ماسك التيليفون.........ورغد راحت تعمل اكل.........رغد جالها اتصال من باباها.....ردت.........
رغد: الو يابابا عامل ايه واحشنى اوى
استاذ اسلام: وانتى ياحبيبتى قولت اتصل اطمن عليكى مبسوطه يارغد فى حياتك ولالا
رغد: اه يابابا مبسوطه
استاذ اسلام: طب كويس يارب تبقى مبسوطه دايما فين سليم
رغد: لسه فاطرين.. وهو قاعد بره يابابا
استاذ اسلام: ماشى ياحبيبتى هقفل انا عشان تكملى ال وراكى سلام.....
رغد فرحت باتصال ابوها وكملت الاكل...........
فى منزل رغد........
استاذ اسلام كان نازل وشاف مدام مليكه.......بتجهز نفسها ونازله هى كمان.......
استاذ اسلام: ريحه فين يامليكه
مدام مليكه: على شغلى واحتمال اسافر كمان
استاذ اسلام: ماشى انا رايح الشركه...اه صح بنتك بقالها يومين مش بتروح الكليه ممكن اعرف ليه
مدام مليكه: ممكن تسيبها براحتها بقا
استاذ اسلام: طيب انتى شايفه ده صح تمام وسابها ومشى....
مدام مليكه شافت رفيف نازله...........
رفيف: فى حاجه ياماما
مدام مليكه: لا ياحبيبتى مفيش....انا خارجه باى......
رغد خلصت الاكل....وسليم كان بره قاعد وفجأه سمع رغد بتصرخ........
بقلمي الكاتبه/ منه ياسر محمد
...................................
part 5
انت لى...♡
سليم راح يشوف فى ايه..... لاقى رغد بتصرخ من ايديها عشان وهى بتحط المايه السخنه وقعت على ايديهاا...... سليم راح وشالها لحد الاوضه جوه..... رغد كانت بتعيط من الوجع.... سليم حضنها وقالها خلاص يارغد متخافيش استنى بس هلفهالك وهتبقى كويسه...... سليم قعد وكان جنبه شنطه اسعافات صغيره وقعد يلف ايديها ورغد فضلت تتوجع....... سليم خلص وقالها مش تاخدى بالك كويس ولا انتى مبتشوفيش يعنى عايز افهم انا....
رغد: هى وقعت على ايدي وانا مشوفتهاش
سليم: لا تشوفى ربنا ستر موقعتش كلها.... ومتعمليش اكل هطلب من بره خلاص.......
رغد: ايدى وجعانى اوى مش قادره
سليم: انا لفيتهالك وهتبقى كويسه وحطيت حاجات عليها عشان متوجعكيش.... متعمليش اكل تانى يارغد خلااص............
فى منزل رغد.......
رفيف صحيت وقالت انا هروح اعمل شوبينج عشان عايزه فساتين كتير اوى وهتصل بلچين تيجى معايا........
سليم طلب الاكل وقعد هو ورغد على السفره..........
سليم ينفع أكلك انا عشان ايدك
رغد لالا هحاول اكل بأيدى التانيه... رغد كانت بتحاول تاكل بأيديها التانيه عشان المايه وقعت على ايديها ال يمين.............
خلصوا اكل........ورغد لاقيت اتصال من باباها كان بيكلمها ويطمن.......
في المساء.......
رغد لاقيت سليم بيلبس وماشى..... رغد سألته رايح فين ياسليم....
سليم: هسهر مع صحابى وهرجع الصبح .......... سليم مشى ورغد قعدت تتفرج على فيلم وكانت زهقانه ومش لاقيه حد تتكلم معاه.. قالت هتصل برفيف يمكن تيجى تقعد معايا.....
رفيف كانت فى مول كبير هى وصاحبتها..... وبعدين رفيف لاقيت اتصال من اختها.....
لچين: مين ال بيتصل يارفيف
رفيف: يوه ديه اختى مش عارفه ارد ولا ايه
لچين: ردى يمكن الموضوع لى علاقه بسليم.... رفيف ردت...
رغد: الو ياحبيبتى فينك
رفيف: بعمل شوبينج يارغد
رغد: طيب مينفعش بعد ماتخصلى تيجى تقعدى معايا شويه
رفيف: اه اه اكيد ياحبيبتى هاجى......... خلصت المكالمه... ورفيف قالت للچين يلا خلصى بسرعه عشان اروح عندها يمكن الاقى سليم موجود.........
سليم: كان قاعد مع صاحبوا وليد وسهران معاه
وليد: ايه مالك
سليم: لا عادى حاسس انى عايز انام
وليد: لا مش ده سليم ال كان بيسهر ايه ده ال حصلك
سليم: منمتش ياوليد
وليد: ليك حق متنامش ورغد موجوده بصراحه ديه تجنن
سليم: اتنرفز وقاله وليد اتعديت حدودك هاااا
وليد: متزعلش بهرز غيرت ولا ايه
سليم: مبيغرش خلاص اقفل على الموضوع بقا..............
رغد كانت قاعده ولاقيت الباب بيخبط.. وفتحت لافيت اختها حضنتها وكانت مبسوطه جدا انو هى جت عشان تقعد معاه.. رغد كانت بتحب رفيف جداا كانت بالنسبالها نصها التانى..... بس رفيف للاسف بقا.... رفيف دخلت وكانت بتبص عشان تشوف سليم بس مش موجود....
رفيف: هو سليم فيم يارغد
رغد: مشى من بدرى اصلا.... رفيف كانت بتقول فى سرها اما اتصلتى ليه بقا وخلتينى اجى.........
رغد: تعالى يابت اقعدى الفيلم ده حلو اوى
رفيف: ايه ده اللى فى ايدك يارغد مالك
رغد: المايه السخنه وقعت على ايدى وسليم لفيلى ايدى كدا
رفيف: اه خدى بالك يارغد...... وقعدوا يكملوا الفيلم........
استاذ اسلام كان قاعد فى مكتبه وبعدين جاله ظرف فى كل ال رفيف صرفته فى المول من الڤيزه....... فتح الظرف لاقى رفيف صرفت مبلغ كبير جدا جدا.. وقال كل ده مبلغ يارفيف جابت ايه لكل ده.. كل ده اتسحب من الڤيزه.. واتعصب جدا وقال ماشى حسابها معايا لما اروح......
رفيف كانت قاعده مع رغد وبعدين قالتلها انا همشى بقا عشان هروح الكليه بكره
رغد: لسه بدرى ياحبيبتى
رفيف: لالا هروح بقا انا
رغد: استنى هتصل بالسواق
رفيف: لالا معايا عربيتى
رغد: مكنتيش جيباها المره ال فاتت جيتى بعربيه تانيه مع السواق
رفيف: اه بصراحه كنت لسه صاحيه ومش قادره اسوق
رغد: ماشى ياحبيبتى باى تصبحى على خير
رفيف: وانتى من اهله باى.........رفيف كانت نازله زعلانه عشان مشافتش سليم زي المره ال فاتت........
وبعدين رفيف روحت البيت ولسه طالعه على اوضتها لاقيت باباها بينادى عليها.......
استاذ اسلام: رفيف تعالى عايزك ادخليلى على المكتب
رفيف: حاضر يابابا جايه..رفيف دخلت ورا......
استاذ: اسلام كنتى فين
رفيف: عند رغد
استاذ اسلام: وقبل رغد
رفيف: كنت بعمل شوبينج مع صاحبتى
استاذ اسلام: ممكن تقوليلى المبلغ ال دفعتى
رفيف: مبعدش....ابوها اتعصب جدا على استهترها......
استاذ اسلام: يعنى ايه مبتعديش انتى عارفه سحبتى كام من الڤيزه ال سحبتى ده فى ناس مش لاقيا انا تعبت فى الفلوس ديه واشتغلت ليل و نهار عشان اجيب نص ال انتى صرفتى يارفيف.. ودلوقتى الحمدلله والمفروض نحافظ على الفلوس وانتى جيتى صرفتى كل ده فى شويه فساتين
رفيف: وايه يعنى يابابا كنت عايزه البس حاجه جديده عشان الكليه فيها ايه ديه
استاذ اسلام: رفيف اكلمى بأدب معايا انا مقولتش متشتريش لكن كل المبلغ ده يتصرف فى يوم..ال انتى صرفتى فى يوم فى ناس بتقعد بالشهور عشان تاخد نص المبلغ ده يارفيف
رفيف: بابا انا اسفه بس مكنش اصدى لكل ده
استاذ اسلام: رفيف نفسى تعقلى بجد وتبقى زي رغد
رفيف: يوه بقا كل حاجه رغد رغد انا مش رغد انا رفيف وهفضل كدا
استاذ اسلام: اتعصب وكان ماسك اعصابه وقالها الڤيزه ال انتى ضيعتى نصها ديه كل الفلوس هسحبها منك عشان تعرفى قيمه الفلوس ديه كويس اتفضلى على اوضتك يلا
رفيف: بابا....استاذ اسلام: يلاااا......رفيف كانت زعلانه جدا وكمان افتكرت انو مامتها مسافره وقالت مش فاهمه انا ازاى هقعد معاه لحد ما ماما تيجى من السفر..........
فى الصباح......
رفيف صحيت لاقيت صوت بره.....طلعت لاقيت امها معاها شنطه السفر بتاعتها ومسافره...رفيف جريت عليها....
رفيف: ماما كنت عايزاكى
مدام مليكه: خير يارفيف فى حاجه ياحبيبتى بسرعه بس عشان الطياره
رفيف: بابا سحب منى الڤيزه عشان بس صرفت مبلغ يعنى واشتريت فساتين
مدام مليكه: ايه ده للدرجادى بقا بخيل واخدها منك طيب ياحبيتى هطلع اكلموا دلوقتى هو كان بيلبس عشان عنده حاجه مهمه لازم يروح
رفيف: قالت لمامتها مش فاهمه ازاى هقعد من غيرك ياماما هو اصلا مبيحبنيش وبيحب رغد اكتر منى
مدام مليكه: حضنتها وقالتلها لا يارفيف كلكوا واحد عنده وانا هكلمه متزعليش ياحبيبتى يلا حضرى نفسك عشان تروحى كليتك.........
رفيف ارتاحت لما سمعت مامتها ودخلت اوضتها تحضر نفسها.........
استاذ اسلام نازل ورايح شغله.....
مدام مليكه: اسلام كنت عايزاك فى حاجه
استاذ اسلام: قولى يامليكه
مدام مليكه: زعلت رفيف تانى ليه
استاذ اسلام: انا برضوا.. بنتك كل حاجه بتعملها غلط فى غلط وانتى بدل ما تمنعيها بتشجعيها على كدا
مدام مليكه: انا مش شايفه اى سبب عشان تقول الكلام ده يااسلام
استاذ اسلام اتعصب وقالها مفيش سبب.......