الفصل السادس عشر والسابع عشر
بقلم منه ياسر محمد
.............................
part 16
.
مدام مليكه: عايز ايه
استاذ اسلام: مش هتبطلى بقا تتجاهلى رغد دايما
مدام مليكه: فين ده مش كفايه مستحملاها اصلا فى البيت
استاذ اسلام: لو سمحتى لأخر مره هقولك عاملى الاتنين زي بعض ليه الكراهيه ليه
مدام مليكه: مش فاضيه للكلام ده ورايا شغل كتير يلا تصبح على خير.....
سليم كان قاعد فى البيت وبعدين اتصل بيه مدير شركه رحلات وقاله انو مدام رغد طالعه هى هتيجى من غير خضرتك.... وسليم حجز تذكره وقال هيطلع معاها يعنى هيطلع.....
فى الصباح.....
رغد ورفيف حضروا نفسهم وركبوا العربيه وراحوا الأوتيل وحجزوا وهما لسه بيحجزوا رفيف قالت زي ما قولت اوضتين
رغد: ليه خليها واحده
رفيف: بصراحه عايزاكى تكونى لواحدك عشان مقلقكيش ياروحى
رغد: ليه بس كدا
رفيف: معلش عشان تكونى براحتك وانا ممكن اسهر كده بليل يعنى..... اتفقوا وكل واحده راحت على اوضتها....... رفيف كانت بتقول فى سرها مستحيل اقعد معاكى فى اوضه واحده اصلا......
رغد طلعت اوضتها وكانت بتفتكر لما كانت هى وسليم مع بعض وفضلت تعيط لوحدهااا........
رفيف بقا طلعت على البحر وحطت الهاند فرى وبتسمع اغانى ومبسوطه وكانت بتتخيل لو هيا وسليم فى بيت واحد واجوزوا........
رغد كلمت رفيف وقالتلها يلا ننزل نتغدا
رفيف: انا تحت اصلا تعالى هدخل اهو..... رغد نزلت واتقابلوا واتغدوا وبعدين مشوا على البحر شويه وهزروا مع بعض......
فى المساء...
رغد: هطلع انا بقا يلا باى
رفيف: طيب ماشى باى......
سليم كان فى الفندق وكان عمال يدور على رغد وبعدين راحل وسأل وقال اسمها وقال عايز اعرف اوضه كام وقالهم الأسم
الموظفه: اسفه يافندم مينفعش نقولك ديه قوانين الأوتيل
سليم: ديه مراتى ال بسأل عليها على فكره
الموظفه: اسفه بس....سليم: انتى ازاى تكلمى معايا كده انتى مش عارفه انا مين وابن مين انا سليم ال عمره ماحد يقدر يقوله لا خلااص فين المدير بقاا
الموظفه: انا اسفه اوى بجد ممكن تهدى
سليم: هاتى رقم الاوضه بدل ما ارفدك وانا عندى شركتى كمان رحلات يعنى وعارف كل ده بس انا محتاج الرقم ده ضرورى ومدير الاوتيل صاحبى حتى كلمى واسألى
الموظفه: ماشى اسفه يافندم على الازعاج وبعدين قالتله رقم الاوضه سليم طلع جرى........
رغد كانت قاعده وكل ما تفتكر ال سمعته تقعد تعيط وتقول ليه انا يحصلى كل ده ليهه وبعدين سمعت الباب بيخبط رغد فتحت لاقيت سليم واقف متعصب وقالها هااا هتهربى فين تانى....رغد حاولت تقفل الباب بس سليم زقها ودخل وقفل الباب وقالها ايه اللى مغيرك معايا هاا ممكن افهم
رغد: ابعد عنى قولتلك بقا انا مش طيقاك لو سمحت ابعد
سليم: لا وفضل يقرب عليها ويقولها طب فهمينى غلط فى ايه
رغد عيطت وقالتله اطلع بقا اطلع
سليم: تؤ مش طالع ومسك ايديها وقالها ليه بتعملى كده ليه بتبعدى عنى
رغد: انت اتجوزتنى عشان مصلحتك عشان تاخد الشركه من باباك وبس انا سمعت كل حاجه
سليم: انتى ظلمتينى وحكمتى عليا بسرعه اوى انا بابا فعلا قالى انو ممكن اطلقك بس انا رفضت والكلام ال سمعتى هو كان بيسألنى وانا قلتلوا كنت بقول عليكى ايه قبل ما يعنى قبل..
رغد: قبل ما ايه ياسليم انت عمرك ماحبيتنى ابداا وانا عارفه كدا كويس جوازتنا كانت غلط من الاول واحنا لازم نطلق.....
يتبع.............البارت الثانى والثلاثون...
انت لى...
سليم: انتى بتقولى ايه انا يارغد
رغد: انت ايه
سليم: انتى ليه مش حاسه بيا ليهههه
رغد: احس بأيه
سليم: خلاص انا ماشى وغلطان انى جيت.... رغد مسكت ايده وقربت وقالتله قول انت ايه
سليم قرب منها واخدها فى حضنه وقالها انا... ايه ده
رغد: ايه
سليم: حاسبى السلك بيولع يااارغد
سليم كان بيحاول يبعدها عن الكهربه ديه ورغد كانت بتعيط وخايفه ومش عارفين يطلعوا وبعدين شافوا حد هبد الباب ودخل وكانت رفيف...
رغد: جريت عليها وقالتلها كويس انك جيتى بجد
رفيف: انتى كويسه يارغد
سليم: ازاى السلك وصلتلوا كهربا كدا ازااى
رفيف: حادثه يعنى مش اكترر واكيد غلطه كهربا ياسليم
رغد: انا كنت خايفة اوى مش فاهمه ايه اللى بيحصلى ده بجد
رفيف: متقلقيش انا معاكى وهحميكى دايما
سليم: طيب انا همشى
رغد: هتروح فين
سليم: مروح مليش لازمه... ومشى..... رغد كانت واقفه عينيها مدمعه وكانت مصدقا المرادى وحاسه بحاجه غريبه...
رفيف: هو ايه اللى جابوا هنا
رغد: هو انا ظالما
رفيف: لا طبعا هو ال.... رغد: لا انا ظلمته بجد
رفيف: لالا اكيد فهمك غلط
رغد: لا يارفيف قالى كل حاجه وكان عايز يقول حاجه تانيه
رفيف: طيب انا همشى عشان عايزه انام تصبحى على خير... رغددد
رغد: اه معاكى وانتى من اهله.......
رغد فضلت تفكر فى كلامه ومنامتش..........
فى الصباح.......
رغد برضوا منامتش واتصلت بأختاه وقالتلها يلا عشان هنمشى انهارده
رفيف: ايه احنا لسه جايين فى ايه
رغد: انا عايزه اروح بيتى لازم اكلم معاه
رفيف: لا يارغد... رغد: رفيف لو سمحتى انا كدا حياتى هتتخرب هتروحى ولا هتفضلى
رفيف: طيب هروح بس هو..... رغد قفلت وكانت بتجهز نفسها عشان تمشى..... ورفيف كانت متعصبه وبتقول ازاى متسمعش كلامى ازاى هى فكرا نفسها هتاخده منى لا يارغد.... وبعدين رفيف جالها اتصال من شخص وردت وقالتله هتفضل كل شويه تزن تزن كدا خلصنا بقا زهقتنى بجد فلوسك هتوصلك لحد عندك مش لازم كل شويه ترن سلاام......
رغد طلعت من الأوتيل هى واختها ووصلت بيتها واختها كملت بالعربيه عشان توصل الڤيلا.....رغد طلعت بيتها وبعدين شافت سليم بيجهز شنطه سفر....
رغد: انت رايح فين
سليم: انا مسافر ومش راجع تانى وهشتغل هناك
رغد: هتسافر وتسيبنى بالسهوله ديه
سليم: وجودى مالوش لازمه خلاص
رغد: ازاى ياسليم
سليم: رغد اطلعى بره.....
رغد مسكت ايده وقالتله عشان خاطرى لا ياسليم لاا
سليم: انتى مش كنتى كرهانى عايزه منى ايه تاانى افهم بقااا
رغد: ممكن تخليك معايا انا منمتش والله طول الليل ومش قادره ياسليم عشان خاطرى متمشيش ياسليم طيب خليك بس انهارده
سليم هى ليله هقعدها معاكى مش اكترر ماشى..وطلع بره وسابها...رغد كانت مبسوطه وجريت على السرير ونامت اخيرااا.....
رفيف كانت لسه مروحه وشافت باباها نازل سألها فين رغد وانتو روحتوا ليه
رفيف: روح اسألها ديه فقريه اصلا.......وبعدين طلعت اوضتها وجالها نفس الاتصال رفيف اتنرفزت وقالت امتى هخلص من المصيبه ديه بجد وردت وقالت الو عايز ايه تانى فلوس ايه ماقولنا فلوسك هبعتهالك انت مش بتفهم ولا ايه وبعدين مترنش كتير انا مش عايزه مشاكل ومش عايزه حد يعرف بالموضوع ده تمام نتقابل انهارده بليل انت عارف المكان ال بسهر فى اكيد استنانى بقا يلا بااى.........
فى المساء.......
رغد صحيت وطلعت بره تتأكد انو سليم موجود ولالا....وشافته قاعد
رغد: سليم سلييييييم
سليم: حد يصحى حد كدا انتى عايزه ايه
رغد: مأخدتش بالى انت نايم اسفه بس ممكن تطلب اكل انا جعانه ولا ادخا اعمل
سليم: لالا هطلب
رغد: مش فاهمه ليه محسسنى انو اكلى وحش يعنى
سليم: محسسك محسسك يابنتى كفايه الرز ولا المكرونه ولا ولا ولا
رغد: كفااايه ياسليم اطلب وانت ساااكت بقا...سليم طلب الاكل ورغد دخلت جوه......
رفيف كانت بتلبس ونازله....
مدام مليكه: ايه يارفيف مالك
رفيف: لا كويسه اهو مالى ياماما
مدام مليكه: اول مره تنزلى بدرى كدا على طول بتنزلى متأخر
رفيف: لا عشان انهارده هنتجمع انا وصحابى بس كدا يلا باى ياماما.....
مدام مليكه طلعت تغير هدومها وجالها اتصال بخصوص السفريه الجديده بتاعتها وفضلت تكلم............
واخيرا الطلب وصل سليم فتح واستلمه ورغد جت وقعدت....
سليم: ياساتر جريتى على الاكل على طول كدا مش فاهم ايه ده
رغد: اما هجرى عليك مثلا
سليم: مثلا
رغد: سليييم متزهقنيش واقعد بقااا........وخلصوا غدا وبعدين سليم قالها رايح اكمل تحضير الشنطه ورغد زعقت وقالتله برضوا مفيش فايده...سليم مردش عليها ودخل......ودخل الاوضه لاقى رغد جايه وجريت عليه وحضنته وقالتله متسبنيش
part 17
انت لى...
متسبنيش عشان خاطرى متسبنيش محتجالك.. سليم قرب عليها وحضنها وقالها بتعملى كل ده ليه
رغد: عشان اناا
سليم: انتى ايه قولى
رغد: كنت عايز تقولى ايه امبارح ممكن تقول
سليم: اقول ايه
رغد: ال كنت عايز تقولهولى امبارح وحياتى عندك تقول ومتتهربش
سليم: بصراحه انا مش بكرهك وبدأت احس بحاجه غريبه اتجاهك يعنى انا اتأكد انو...... رغد حضنته اكتر وقالتله انا مش بكرهك ياسليم يمكن فى الاول كنت كدا انت متعرفش بقيت ايه عندى بجد
سليم: رغد انتى كويسه
رغد: ايه فى ايه
سليم: بتنامى على كتفى مالك
رغد: لا كويسه.... سليم شالها وحطها على السرير ولسه هيقوم مسكت ايده وقالتله خليك جنبى.... سليم نام جنبها وهى نامت فى حضنه وفضلت تقرب منه...........
رفيف كانت واقفه فى الشارع وبتقول يارب بقا هو فين ده راح فين وبعدين قالت اخيرا تعالى يااستاذ رد قالها كنت مستنى صحابك يمشوا عشان محدش يشوفنا يارفيف
رفيف: طيب خد فلوسك اهى رد قالها هنعمل ايه تانى الامور كلها اتعقدت خلاص
رفيف: مش عارفه انا عايزه ادخل اسهر دلوقتى مش فاضيه لكل ده بس الخطه الجديده هقولهالك بعدين يلا باى......
فى الصباح....
استاذ اسلام كان راجع ومتنرفز وطلع فوق لاقى مراته بتكلم فى التيليفون سحب التيليفون من ايديها وقالها انتى كل حياتك شغل فى شغل طب اطمنى على الغلبانه ال مش بتسألى عليها ديه
مدام مليكه: غلبانه لا متخافش طالعه زي امها الغلبانه ديه
استاذ اسلام: اعتبريها بنتك انتى ايه مش بتحسى
مدام مليكه: لتانى مره انا مبخلفش بنت خدااامين سامع ولا اكررهاا تانى وحذرتك كذا مره انك تقارن بنتى بديه تعرف ليه اقولك عشان ديه ولا حاجه انا ديه مش بحبها ولو كنت ربيتها مع بنتى بس عشان كلام الناس وعشان تكتبلى الڤيلا بأسمى مقابل تربيتها دلوقتى خلاص مش محتاجه ومش خايفه ومبقاش يفرق عندى خلااص
استاذ اسلام: تعرفى حاجه انا بتشرف برغد اكتر من رفيف تعرفى ليه عشان بحسها انو ديه البنت ال تشيل اسم ابوها بجد مش تربيتك ممكن تقوليلى بنتك كانت فين يوم ماعملتى الحادثه
مدام مليكه: يوه قولتلك كانت نايمه
استاذ اسلام: انتى بجد بتحبى تدارى عليها كتير كده يعنى انتى فخوره اوى بيها
مدام مليكه ومين انت بقا ال هتيجى تعلمنى هااا مين انت اصلا..........
سليم صحى وفضل يحضن فيها وبعدين قال اقوم احسن ديه مجنونه وممكن تقوم تصرخ لو لاقتنى كدا اصلا لسه هيقوم لاقى رغد مسكت فيه وصحيت وقالتله خليك شويه معايا......سليم ضحكلها وقالها احم يعنى كدا مش هينفع خاالص هاا
رغد: ياسلام ايه ده بقا
سليم يعنى كدا وضحك وقالها يلا نقوم نحضر الفطار بقا
رغد مسكت فيه وقالتله مش هتمشى صح سلييم مش هتمشى
سليم: طيب لما نشوف اخرتها معااكى ياستى يلا قومى بقا بطلى كسل يابت...
رغد: سليم
سليم: نعم
رغد: هو انت حلو ليه اصدى يعنى انت كدا ليه
سليم: فوقى ياحبيبتى الله يرضك عنك يابنتى خليها حلوه هااا يلا قومى..
فى منزل رغد...
مدام مليكه: سكت ليه هااا...متنطق
استاذ اسلام: هاتى البخاخه مش قادر اتنفس هاااتى همووت....مدام مليكه راحت طلعتها ومدت ايديها بعيد عنه وقالتله اها يلا تعالى خودها.....راح يخدها بس بعدتها عنه تانى وهو كان مش قادر يتنفس خاالص وبعدين قالتله اه صح رغد حبيبتك هتيجى دلوقتى تنقذك من ايدى ياترى وفضلت تضحك وبعدين هو قرب منها عشان ياخدها بس هى رميتها وكسرتها فى الارض وقالتله يلا انزل هات واحده بقا عشان ياحرام وقعت منى بالغلط ياابو رغد او نقول ياجوز مديحه حلوه ديه مش كده اقولك سر من سنين محدش يعرفوا انا ال قتلت مديحه انا ال قتلتها من سنين شوفت بقا الايام ودلوقتى جوزها بيحصلها يارحرام وبعد كدا بنتهم واكون انا خلصت منكم واحده واحده ايه رأيك حلو بقا مش كده
هو كان بيرد عليها بصعوبها ومش قادر يتنفس وبيقولها ليه عملتلك ايه لكل ده كانت طيبه..مش قادر اتنفس بمووت
مدام مليكه: طيبه اه انت عايز تتجوزها عليا انا انت متعرفش بتكلم مين ولا ايه ياابو رغد او سورى جوز مديحه وفضلت تضحك....وهو مقدرش يتنفس وبعدين اترمى فى الأرض...........وهى سمعت صوت كأنه حد بيفتح الباب جريت على برا بسرعه وعملت نفسها لسه بتطلع السلم...وشافت رفيف وقالتلها يااه انتى لسه جايه وانا كمان
رفيف: اه ياماما لسه جايه
مدام مليكه: تمام انا هطلع بقا ياروحى....ايه ده اسلااااام اسلااام فوق ماالك ياحبيبى ماالك اسلام...رفيف جريت وشافت المنظر ودخلت جوه وفضلت تصحى فى بس للأسف مصحاش.....
رفيف: بابا مالو ياماما مالو
مدام مليكه: انا لسه جايه زي زيك يارفيف مش عارفه فى ايه قوم يااسلام مالك
رفيف: بابا كان لازم ياخد البخاخه بس هو كسرها فى الأرض
مدام مليكه: انا هطلب الدكتور بسرعه...........
رغد وسليم كانوا بيحضروا الاكل ورغد كانت واقفه تضحك
سليم: ليه الجميل مبسوط اوى كدا ليه
رغد: مبسوطه اوى وتعرف ياسليم اول واحد هيتبسط ويفرح اننا رجعنا بابا بجد
سليم: انا شايف انك متعلقه بيه اوى يعنى
رغد: بابا قريب منى اوى بصراحه وطول عمرى باخد بالى كويس من الأدويه بتاعتوا وكل حاجه انا بحبوا اوى بجد
سليم: ربنا يخليكوا لبعض يارب يلا انا حضرت الاكل يارغد............
فى منزل رغد.......
الدكتور جه وطلع وكشف عليه وقالهم للأسف البقاء لله
رفيف اتصدمت وقالتله ايه
مدام مليكه: حاول تانى ازاى...الدكتور رد وقال مفيش امل للاسف خلاص مات..........الدكتور مشى....وبعدين هما طلعوا من الاوضه ورفيف كانت عينيها مدمعه بس امها زعقتلها وقالتلهت ماالك انا علمتك تكونى ضعيفه كدا ده امر الله خلاص اهدى بقا
رفيف: بس ده بابا ياماما
مدام مليكه: ياروحى اهدى شويه ادعيله خلاص....
رفيف: هتصل برغد
مدام مليكه: طبعا ديه رغد ديه لازم تتصلى عليها حالا........
رغد كانت مبسوطه ومش مسدقه نفسها من الفرحه وسليم كان بيأكلها ومبسوطين وبعدين جه تيليفون رغد ردت
رفيف: تعالى بسرعه يارغد
رغد: اجى فين وليه
رفيف: تعالى بس مصيبه بسرعهه يارغد
رغد: انا جايه خلاص..رغد قامت وجريت على اوضتها تلبس وسليم لبس وقالها هاجى معاكى فى ايه........ركبوا العربيه...ووصلوا لاقوا ناس كتير هناك فى الڤيلا......
ورغد كانت داخله ورفيف كانت عينيها مدمعه.....
رفيف: رغد اخيرا جيتى
رغد: فى ايه وبابا فين هااا رودى عليا
رفيف: بابا مات
رغد اتصدمت وقالت انتى عبيطه صح انا طالعه فوق دلوقتى وهشوفه ايه الهبل ده سليم قولها انو هى عبيطه ياسليم وبتستهبل....سليم كان واقف مصدوم ومش قادر يتكلم....وبعدين رغد راحت لمدام مليكه وقالتلها ماما قولى انو بابا كويس ياماما قولى يلا صح يعنى انتو كلكم مش عايزين تردوا انا طالعه اشوفه خلااص طالعه اهه بس بقاا..رغد جريت على فوق وفتحت الباب شافته...وراحت وقالتله بابا يلا اصحى بقا يلا مالك ها اجيبلك ايه طيب يلا نقعد نهزر بقا يلا طب اقولك حاجه استنى فى كتاب كنت بتحبه هقرأهولك ياحبيبى وتعرف وهنتفسح يلا عشان خاطرى تعرف انا كنت عايزه افرحك واقولك انو بنتك اخيرا مبسوطه مع الشخص ال بتحبه يابابا اصحى بقا يلا بابااااااا......سليم طلع وقالها تعالى بس رغد فضلت موجوده وتقوله انا هصحى اطلع بره انا هصحى.......سليم اخدها فى حضنه وشدها بره وهى كانت بتعيط ومنهاره وعماله تنادى باباااا بس سليم طلعها واخدها فى حضنه وقالها هشش اهدى شويه اهدى بسس رغد انا معاكى اهدى شويه بسس.......
فى المساء.......
سليم قال لرغد انا شويه وجاى بس رايح اشوف حصل ايه وجاى....
وبعدين رغد كانت قاعده بتعيط ورفيف قاعده ومدام مليكه وبعدين المحامى جه وقال بالنسبه للمرحوم كتب كل حاجه للاستاذه رغد اسلام.... وكتب الربع لرفيف اسلام......
مدام مليكه: نعمممم انت متأكد من الكلام ده
المحامى: اه استاذه رغد ممكن تمضيلى هنا
رغد: انا مش عايزه حاجه خدوا كل حاجه انا عايزه يرجعلى بس وفضلت تعيط....
وبعدين مدام مليكه اتعصبت وقالتلها انتى مين اصلا عشان تاخدى كل ده... رغد اتصدمت وقالتلها مالك ياماما... مدام مليكه مابلاش ماما ديه احسن...
رغد: نعم فى ايه مالك
مدام مليكه: انا عايزه كل ده لبنتى بس كده
رغد: احنا اخوات وانا بنتك
مدام مليكه: متنرفزنييش انتى مش بنتى ولا ديه اختك فاهمههه انتى بنت الخدامه..... رفيف قالتلها بتقولى ايه ياماما انتى فى ايه
رغد: ماما انتى اكيد تعبانه ياماما صح انا بنتك فى ايه
مدام مليكه: انتى مش بنتى لتانى مره هقولك وملكيش حاجه عندنا
رغد: رفيف قوللها انو انا بنتها هاا رفيف
مدام مليكه: مش مصدقانى صح طب استنى... راحت وجابتلها كل الورق ال يثبت كدااا ..... رغد اتصدمت وقالت ليهههه عملت ايه انا لكل ده يحصلى ليههه يعنى انتى مش امى ليهههه
مدام مليكه: يلا برااا يلاااا اخيرا خلصت منك بقا انتى طول عمرك كنتى كابوس فى حياتى واخيرا راح.......
رغد: لا كل ده هزار صح ماما حرام عليكى انا معملتش حاجه وحشه
مدام مليكه اه ماانتى هتطلعى لمين لامك طبعاااا.......... وبعدين مسكتها وطلعتها برا الڤيلا ورميتها برااا وقالتلها للأسف بقا خليت ابوكى يكتب الڤيلا بأسمى ياحبيبتى وكان شرطى الاساسى عشان اربيكى وخلاص دلوقتى بقا اياكى ترجعى تانى مااااشى...........
رغد مشيت وكانت منهاره من العياط ومش قادره خلااص وحاسه انو هيحصلها حاجه فى الوقت ده وبعدين جالها اتصال من مستشفى وقال مدام رغد الاستاذ سليم فى المستشفى عندنا من تسمم اكل.........