#ارهقني_النصيب
بارت6
بقلم اميرة عادل
يوم النتيجه
ثريا:يالا ي ساهر نروح ل رونزي ونشوف عملت اي ونبارك لها ي حبيبي
ساهر :حاضر ي أمي يالا
وراحوا ع بيت رونزي ودخلوا
ساهر :ها ي رونزي عملتي اي طمنيني
رونزي بحزن:جبت70%
ثريا بغصب:نعممممم 70 اي يختي ودول هتعملي بيهم اي هي دي ي سي ساهر ال مستواها حلو دي حتي مجبتش 90 % ي بجاحتك ي شيخه وليكي عين تقوليها انا كان قلبي حاسس من أول يوم وانتي بتدافعي ع الكليات ال تحت انك فاشله بس هنقول اي ربنا يسامحه ابني معرفتش اربيه لو كنت ربيته مكنش اختارك
رونزي واقفه ساكته وبتبص ل ساهر ال كانت مستنياه يدافع عنها بس كان سامع كلام أمه وساكت
رونزي وهي بتبص لبابها ومامتها
رونزي: مع كامل احترامي ليكم
وتلتف رونزي لساهر
رونزي:دبلتك أهي
ساهر مصدوم
ثريا بابتسامه نصر
ساهر بصدمه وتقطيع بالكلام: أ .أ انتي بتقولي اي انتي مخك فيه حاجه م تقول حاجه ي عم عماد
عماد:بنتي معاها حق ي ساهر الفتره ال فاتت كان ف خلافات بينكم كتير وبنتي قررت
لتقاطعه رونزي
رونزي: انا اسفه بس انا مستحيل اكمل مع واحد مش قادر يدافع عني ولا يقول حتي لأمه انا عايزها هي مش عايز الكليه ولعلمكم بقا أنا مش جايبه 70% زي م قلت لكم لا انا جايبه98%وهدخل طب باذن الله كنت عايزه أشوف ردت فعلك اي وردت فعل مامتك كذالك انا اسفه بس أنا من حقي أختار شريك حياتي وأهله كمان مش هو بس من حقي يكونوا متقبلين وجودي بينهم وقت م احتاجهم الاقيهم مش أكون متجوزه واحد كل شويه أمه هتعملي مشاكل
ثريا:هه جايب 99 لا حلوه مفكراني هصدق ي بت الكلمتين دول
رونزي:مش مستعده اثبت لحضرتك اي حاجه تصدقي او متصدقيش حاجه ترجع لحضرتك
ساهر والدموع بدأت تتجمع ف عيونه
ساهر بصوت مكتوم:رونزي انا بحبك متعمليش فيا كدا
رونزي ادته ضهرها
رونزي:بعد اذنكم
ومشيت وسابتهم
ثريا:يالا ي بني نمشي من البيت الفقر ده
ساهر واقف وبيبص ع طيف رونزي و مش سامع أمه
ثريا وهي بتشده :يالا يلا ولا انت عايز تتهزق اكتر من كدا
ساهر بص لأمه بوجع ومشي معاها
ساهر وثريا روحوا
ساهر كان طالع وسايبها
ثريا : ساهر ي حبيبي متزعلش نفسك ابدا ولا يهمك ي حبيبي بكرا اخطبلك ست ستها البت أصلا مش وش نعمه و
ساهر بصلها وبغضب
ساهر بغضب:و!!! ...و اي ي أمي ها قووووولي
انتي لي مش عايزه تفهمي أن أنا بحب رونزي ومش عايز غيرها ها لي مش عايزه تفهمي ان لو كل البنات اتعرضت عليا مقابل رونزي عيني مش هتشوف غيرها لي ...لي شايفه نفسك بالكليه ال انا داخله وأنها كليه عاديه واي حد لو ذاكر يجبها ها ليييييي ردي عليا لي مصبرتيش شويه بس اهي جايبه مجموع الطب وكان زمانك راضيه غروورك انا مش فاهم لي شايفه أن احنا احسن منهم مع ان كانت حالتنا أسوأ منهم بكتير لولا كرم ربنا
وسابها وطلع والغضب عمي عيونه
طلع ع اوضته كسر كل حاجه وفتح الدولاب بهدل الهدوم ال فيه ووقعها ع الأرض وهو بيبهدل الهدوم شاف حاجه غريبه لونها اسود مدفونه بين هدومه مسكها وبص لها وغضبه زاد ونزل لأمه ال كانت لسه واقفه مصدومه من كلام ابنها
ساهر بغضب: ماااااماااا
ثريا بصت لابنها بخوف أول مره تخاف منه بالشكل ده
ساهر وهو ماسك الحجاب والغضب مسيطر عليه
ساهر:اي داااا هااا اييييي دااااا
ثريا بتلعثم :م م عرفش
ساهر بسخريه:متعرفيش !!! قولي تاني كدا متعرفيش اي!!! طيب انا اقولك دا حجاب ولاقيته بين هدومي تفتكري مين ال حطه
ثريا بتلعثم وتوتر:م معرفش قولت لك
ساهر وبصراخ: ازاااي متعرفيش ازاااي مافيش حد بيدخل البيت ده غيرك وبالذات اوضتي ولا بجيب صحابي هنا ولا حد بيدخل اوضتي غيرك ااااااه أكيد دا عشان يفرق بيني وبين رونزي صح! !
ليصرخ بصوت أعلي:انتي مبترديش ليي
لتنتفض ثريا من الخوف
ساهر وهو بيحاول يهدي أعصابه
ساهر:ماشي مش دا كله عشان الكليه العاليه ال شايفه بيها نفسك قدام الناس! طيب ماشي اي رأيك بقا مش هكمل الكليه دي عشان لما أروح أتقدم لواحده أقل مني تاني متبقيش شايفه نفسك بيها
ثريا ببكاء:لا لا ي ابني انا اسفه انا هروح أعتذر لرونزي وارجعهالك بس متسبش الكليه مضيعش مستقبلك ي بني
ساهر بسخريه:هه ابنك ! ومستقبلي مره واحده لا بجد صعبتي عليا
ورمي الحجاب ع الأرض تحت رجليها ومشي وساب لها البيت
وثريا قعدت تعيط
¤¤¤¤¤¤~~~~~~~~~~~~~~♡♡♡♡♡~~~~~☆☆☆☆☆~~~~~☆☆☆☆~`
عند رونزي
رونزي قعده ف اوضتها
دق دق دق دق دق
رونزي فتح الباب لاقيت مالك
رونزي:تعالي ي مالك
دخل مالك وقعد مع رونزي وكان بيبص ع رونزي ال منزله رأسها وهو ساكت
مالك مسك دقن رونزي ورفعها له
مالك:بصي ليا ...انا مش جاي اعاتبك لأني واثق فيكي وبثق في قرارتك و مش هلومك بس هسالك سوالين
رونزي وهي بتبص ل مالك يترقب
مالك: انتي حبيتي ساهر
رونزي ترد بسرعه:لا
مالك بيبص لها وبيتوقع أجابت السوال التاني
مالك اتنهد
مالك:طيب السوال التاني. .انتي لسه بتفكري ف تميم
رونزي نزلت رأسها تاني وبكت
مالك بحنان: قلت لك ارفعي رأسك متنزلهاش بس انتي مقتنعه ب ان تميم لسه عايش!
رونزي بصوت مكتوم من البكاء:ايوا انا متاكده ان هو لسه عايش ولسه فاكرني زي م انا فكراه ومتاكده ان ف يوم هيجي وربنا هيجمعنا سوا باذن الله انا مش قادره أتخيل أن حصل له حاجه تعرف حاولت انساه بساهر كتير بس مقدرتش غصب عني والمشاكل ال كانت بتحصل بيني وبين ساهر صعبت الأمور اكتر انا كنت مدياه ومديه نفسي فرصه ومكنتش هسيبه والله بس حسيت أن أمه مش عايزاني ولا متقبله وجودي كنت بحس أنها بتعايرني عشان احنا أقل منها
مالك حضن رونزي
ورونزي صوتها بدأ يعلي ف البكاء
رونزي وهي ف حضن مالك
رونزي :انا ماليش أخوات ولاد بس انت مش خالو وبس انت أخويا وكل حاجه ليا تعرف عني اكتر م بابا يعرف عني وبلاقيك دايما جنبي ف كل قرارتي شكرا ي مالك ع وجودك ف حياتي
مالك ليخفف من توتر الجو
مالك بهزار:ابوكي وامك يقولوا اي دلوقتي ها! لو شافوا بنتهم حضناني ولا رنا يختتتتي لو شفتنا كدا دي كانت كلت
رونزي ابتسمت:هيقولوا خال بيحضن بنت اخته
مالك بغمزه:يعني لو مكنتش خالك كنتي تتجوزيني
رونزي:صراحه آه واخطفك من رنا
مالك وضحك بصوت عاالي :رنا لو سمعتك هتعمل منك كفته
رونزي:متقدرش
مالك:أحم طيب بمناسبه انك جايبه مجموع عالي و هتبقي دكتور ان شاء الله تعالي نحتفل نخرج شويه وبالمرة نحتفل بالبت رنا جايبه 97% و واجعه دماغي عايز أروح اتفسح ي مالك
رونزي بضحك:ههههه اه لو سمعتك
رونزي بهدوء:روح أنت وهي اتفسحوا انا مش هاجي عشان مش أكون عزول بينك
مالك:هه عشان تقتلني دي مصممه انك لازم تكوني ف الخروجه هاهون عليكي تقتلني
رونزي:لا مش هتهون عليا هقوم ألبس وبالمره أغير جو
مالك:هو دا الكلام كفك بقا ي روزا
رفعت رونزي كفها لمالك و مالك قابلها بكفه
مالك:اسيبك بقا تلبسي متتاخريش
رونزي :عيوني
ساهر سابها وطلع ورونزي قامت تلبس
&&&&&&&&&&&&&&&&&&&&&&&&&&&&&&&
عماد :عامله اي
مالك:متقلقش هي كويسه واقنعتها تخرج معايا انا و رنا زي م رنا اقترحت عشان تفك شويه
عماد:ربنا يسعدكم ياارب
مالك:ياارب
شويه ورونزي نزلت
رونزي:يالا ي مالك انا جاهزه
مالك :يالا ي روزا
رونزي ومالك خارجين لقيوا ثريا ف وشهم وباين عليها انه كانت بتعيط
ثريا بحزن:رونزي لو سمحتي عايز اتكلم معاكي شويه
مالك :تقدري تتكلمي قدامي عادي رونزي مش بتخبي عليا حاجه صح ي رونزي!! ا
رونزي:ايوا مالك معاه حق اتفضلي
ثريا : رونزي ال خلافات ال كانت بتحصل مكنتش من غير سبب كانت غصب عنكم انتي وساعر كان معمول ليكم عمل بالتفريق بينكم و انا كرهي وانانيتي عموني ارجوكي ارجعي لابني ساهر ساب البيت وهيسيب الكليه عشان خاطري ابني بيدمر
رونزي بهدوء:ولما انتي خايفه ع ابنك لدرجة دي محافظتيش عليه وع مستقبله لي روحتي لدجال
عايزه تفهميني ان ابنك هان عليكي واذيتيه وانا الغريبه ال هطبطب عليه غريبه انتي قوي مش فاهمه بس اسفه مش هينفع ارجع له هخاف ع نفسي منك تاذيني إذا كان اذيتي ابنك مش هتاذيني اسفه طلبك مرفوض
ثريا :عشان
مالك قاطعها:أظن سمعتي جوابها
ثريا مشيت وهي حزينه ع ابنها
مالك:يالا ي رونزي
رونزي:خلاص ي مالك أجلها ليوم تاني مش هقدر أخرج انهارده
مالك:لا وحيات عيالك انا عرفت ام رنا ان احنا هنخرج مش هينفع
رونزي:بس
مالك:م بسش يالا
وخدها وراحوا ع بيت رنا
ام رنا فتحت لهم الباب ودخلوا
ام رنا:مبروك ي رونزي
رونزي :الله يبارك فيكي ي طنط ومبروك ل رنا
أم رنا:الله يبارك فيكي ي حبيبتي ..اومال اتاخرتوا لي
مالك:مافيش حصل شويه حاجات كدا
ام رنا:حاجات اي
رونزي:أصل سبت ساهر
ام رنا بشهقه :لي بس كدا ي بنتي دا كان إنسان محترم و
مالك:النصيب ي ماما
ام رنا فهمت:ربنا يعوضك بالاحسن منه أن شاء الله
رونزي :أن شاء الله
و رنا طلعت وسلمت ع رونزي وباركوا لبعض ومالك خدهم ونزل
اتفسحوا ع البحر وراحوا الملاهي واتعشوا
رونزي: هتتجوزوا أمتي
مالك:هنكتب الكتاب الأسبوع الجاي
رونزي:مبروك ربنا يتمم ليكم ع خير
مالك و رنا :أمين
رونزي:بفكر بمأ ان أقرب اتنين ليا هيسافروا القاهره أقدم انا كمان كليتي ف القاهره وأكون معاكم ولا هتتضايقوا مني متخافوش هاخد سكن بس عشان أكون قريبه منكم
رنا سبقت مالك: انتي هبله ي رونزي طبعا هتقعدي معانا ف الشقه ومش هتروحي سكن وبعدين ياريت تكوني معانا بدال م أحس بالوحدة وانا ماليش حد ولا أعرف حد ف القاهره هتبقي فكره حلوه
مالك:وانا مع رنا معنديش مشكله بس بعد حضرتك تيجي ع بدايه الدراسه ع م نكون قضينا شهر العسل
رنا ضربته بكوعها ف بطنه
مالك بوجع:ااااه ي مفتريه
رنا :احسن
رونزي ضحكت عليهم الاتنين
عدت الأحداث
وساهر لسه مرجعش البيت وثريا هتموت عليه
ومالك و رنا اتكتب كتابهم وعملوا فرح كبير ف القاعه وسافروا ع شرم الشيخ
ورونزي قدمت الرغبات لها و ل رنا ومستنياها تظهر عشان تعرف جالها اي وتعمل تقليل اغتراب للقاهره لها و ل رنا
&&&&&&&&&&&&&&&&&&&&
بعد شهر ونص كمان
رونزي قدمت طب بشري جامعه القاهره
و رنا صيدله جامعه القاهره
و رنا ومالك رجعوا من السفر ورونزي سافرت لهم عشان الدراسه بدات
&&&&&&&&&&&&&&&&&&&&&&&&&&&&&&&&
ف القاهره
رونزي وصلت القاهره لشقه مالك و رنا
دق دق دق دق دق دق
رونزي عماله تخبط لكن مافيش حد بيرد
رونزي:وبعدين بقا هما فين بس ياارب انا قايله لهم إني هكون هنا انهارده
وقعدت ع السلم
رونزي:أهي قعده م انا مش عارفه حاجه يااربي عشان أمشي خايفه اتهوه
فجاءه خرجت ست عجوزه من شقتها وشافت رونزي قاعده ع السلم
الحاجه اعتماد: انتي مين ي بنتي
رونزي :انا رونزي ي طنط ويبقي مالك ال ساكن هنا خالي
الحاجه اعتماد : طيب وقاعده كدا لي ي بنتي
رونزي:أصل انا مش من هنا وجايه أعيش معاهم هنا عشان الكليه
اعتماد:طيب قومي تعالي جوا ع م يجوا
رونزي:لا لا شكرا انا اتصلت بيهم وقالوا زمانهم جايين
اعتماد:طيب ع م يجيوا ادخلي مينفعش قاعدتك دي وبعدين متخافيش قاعده لوحدي ابني ومراته وابنه قاعدين ف بيت لوحدهم تعالي متخافيش
رونزي اترددت ف الأول بس حست بالراحة للحاجه دي ودخلت معاها
رونزي والحاجه اعتماد قعدوا مع بعض واتكلموا كتير
وعرفت رونزي ان الحاجه اعتماد عندها ابن متجوز بس ممنوع من الخلفه واتبنوا ولد
وقعدوا يرغوا كتير
لحد م فون رونزي رن
رونزي:ده مالك وصل هقوم بقا كفايه كدا شكلي صدعتك
الحاجه اعتماد :لا أبدأ ي بنتي يااريت تيجي تقعدي معايا وتسيبي خالك ومراته براحتهم واهو انتي شايفه أهو قاعده لوحدي
رونزي:.........