رواية اعشقها
الفصل الاول والثاني
بقلم مريم الشهاوي
"ما تقول بقا يا علي
لا اما تقولي انت الاول
" طب نقولها ف نفس واحد
ماشي
"انا هخطب
انا بحب..
«مقدرتش اقولها بحبك جملتها زي ما تكون ربطت لساني»
علي بحزن: بجد
نورا: اه مش هتقولي مبروك
علي بحزن: اه طبعا الف مبروك
علي ابتسم ابتسامه مزيفه: ويطلع مين بقا
نورا: ابن صاحب بابا بس ولد عسول يا علي وطلع بيحبني موووت
علي: حبيب قلبي صعبان عليا اقسم بالله
نورا: من اي بقا ان شاء الله
علي: من الي هيشوفه منك
نورا بغيظ: والله طويب ان ماشيه
علي بضحكه: استني استني خلاص انا اسف تعالي ناكل ايس كريم بالخبر السعيد دا نحتفل
نورا: لا ناكل وافل بعدين ايس كريم
علي: ماشي يا لمضه قدامي علعربيه
«خلصت يومي معاها وانا بموت ف كل لحظه وما صدقت اني رجعت البيت نسيت اقولكوا انا علي مهندس ديكور بابايا
متوفي مليش غير ماما واختي ريناد ومصطفى ابن خالتي دا 24 ساعه معانا اتربينا سوا لان اهله كانوا مسافرين تقدروا تسموا حبي لنورا حب من نوع تاني لان الي هعملوا مكنش
يخطر على بال حد ولا حتى انا كنت مصدق انه ممكن يخطر على بالي»
نورا:مش هتطلع تسلم على بابا وماما
علي:خليها مره تانيه عشان تعبان وعاوز انام
نورا:خلاص ماشي باي
علي بحزن:باي
~رجع البيت~
علي دخل على اوضته وكان متنرفز ومصطفى طلع وراه بسرعه
مصطفى:ها قالتلك اي
على بزعيق:معرفتش اقولها معرفتش
مصطفى:طب اهدى يا علي اي الي حصل طب قولي
علي وشه احمر من كتر الإنهيار الي ف قلبه
علي بزعيق:هتخطب( وبدأت دموعه تنزل)الانسانه الي طول عمري بتمناها هتخطب ضاعت مني خلاص (قعد على الارض
وبدأيعيط)يارتني ما سمعت كلامك يارتني فضلت مخبي ف قلبي ولا اني اعرف انها هتخطب انا بحبها
مصطفى:دا قضاء وقدر ولازم ترضى بيه و..
علي:سيبني دلوقتي يا مصطفى انا عاوز ابقى لوحدي
مصطفى:ايوه يا علي بس..
علي:مبسش عاوز ابقى لوحدي لو سمحت
~علي روحه كانت هتتطلع لانه استنى كتير عبال ما قدر انه يقولها على الجمله الي فضل سنين مخبيها ف قلبه
ريناد:ماله بيزعق ليه يا مصطفى
مصطفى:مفيش يا ريناد حاجه بخصوص الشغل
كريمه مامت علي:طب يلا يا ابني ناديه عشان ياكل ويلا انت كمان
مصطفى:لا ما هو مش هينزل بقولك متعصب اوي تعالي احنا ناكل
كريمه:وعلي
مصطفى:يا ستي يبقى ياكل بعدين بقولك متعصب
قعدوا كلوا ومصطفى كل الي بيفكر فيه هو علي
مصطفى ف نفسه:انا كل الي كنت عاوزه انه يرجع فرحان اي الغلط ف كده مش فاهم نورا بعد كل الي حصل ما بينهم ومحستش ولو للحظه ان علي بيحبها
ريناد:مالك يا صاصا ما تاكل
مصطفى:ها لا باكل باكل تسلم ايدك يا خالتو يا قمر انتي
كريمه:بالهنا والشفه
_________________________________
نورا:يا بابا هو عاوز يخرج يتعرف عليا اكتر
حسن:لا يا نورا لا عيب يا بنتي دي مش اخلاقنا
نورا:يا بابا انت مربيني كويس واستحاله اعمل حاجه توطي راسك
حسن:يا حببتي انا واثق فيكي اكيد بس مش واثق الناس هتقول اي انت ولا حتى لبستي حاجه ف ايديكي لسه وانا مرضاش بنتي حد يتكلم عليها
ضحى:كلام ابوكي صح يا نورا
نورا:بس يا ماما
ضحى:بس انا مش عاوزه ازعلك ممكن تاخدي حد معاكي صح كده يا حسن
حسن:ماشي موافق تاخدي حد معاكي خدي بنت عمتك سلمى
نورا:لا الا سلمى ولا هيه بترتحلي ولا انا برتحلها
ضحى:طب خدي منه انتي بتحبيها
نورا:لا منه قايلالي انها مسافره النهارده مع صحابها
حسن:طب خلاص يا نورا مفيش نزول
نورا:لا لا خلاص خلاص ونبي
حسن:يا هتروحي مع حد يا مش هتروحي من اساسه
نورا:علي
ضحى:بنت حلال هو علي محترم وعرفينه كويس جدا
حسن:ماشي موافق علي بس قللي هزارك معاه شويه عشان فريد ميزعلش او يضايق
نورا بفرحه: حاضر انا هروح اتصل ب علي بقا
علي كان نايم ف سريره وماسك اللاب توب بيقلب ف صور نورا
ززززززززززز:الو
علي:ايوه
نورا:علي مال صوتك
~علي قام ومسح دموعه ~
علي:مال صوتي مانا كويس اهو
نورا:لا انت زعلان باين من صوتك
علي:يا نورا لا انجزي قولي عاوزه اي
نورا:مش كان نفسك تتعرف على فريد اهو يا سيدي بابا وافق تخرج معانا النهارده
علي:بابا وافق ولا عشان انا هبقى موجود وافق
نورا:الصراحه......اه
علي بحزن:عيب عليكي استحاله ينزلكوا انتو الاتنين لوحدكوا اكيد بسبب كلام الناس
نورا بضحك:دا انت حافظ ابويا اكتر مني انا شخصيا يلا البس
علي:اي يابت دا مش مثلا ممكن تيجي لا علطول يلا قوم البس
نورا:يلا بقا يا علي عشان خطري هو قالي انه عاوز يتعرف عليا اكتر
علي: واشمعن انا
نورا:عشان انت اخويا وحبيبي الي مقدرش استغنى عنه وبيخاف عليا من دبة النمله
علي:كلي بعقلي حلاوه كلي انا قايم البس يا نورا سلام
«قفلت التلفون وانا بتقطع خايف اتصرف غلط صليت المغرب ودعيت ربي اني معملش اي حاجه غلط مطلعش عن شعوري مره واحده وابوظ كل حاجه اخدت مفاتيح العربيه ونزلت»
كريمه:اي اي واخد بعضك ورايح على فين
علي:مشوار كده يا امي مع نورا وجاي علطول
ريناد:ما تاخدوني معاكوا ونبي
علي:لا مهو مش هينفع
ريناد:ليه بقا
على:عشان طالع انا وهيه وخطيبها
ريناد: اي دا هيه اتخطبت
مصطفى:لسه هاتخطب
ريناد:الف مبروك وصل سلامي ليها
علي بضحكه مزيفه:حاضر وانت يا ماما مش هتقوللها حاجه
كريمه بحزن:هقولها اي يعني يا بني ربنا ييسر طريقك
~كريمه كانت عارفه ان ابنها بيحب نورا لانه كان قايلها وزعلت عليه وهنا عرفت هو ليه كان جاي زعلان من برا~
علي ركب العربيه:يلا توكلنا على الله الو يا نورا انتو فين
ايوا يا علي انا وفريد مستنينك ف العربيه الزرقه الي وراك تعالى
علي: لا تعالوا انتو ابوكي قايلي نمشي بعربيتي
نوا: معلش يا فريد هنركب ف عربية علي
فريد:خلاص ماشي هيه هيه
«واتقابلت بفريد شخص كويس جدا ومدير حسابات ف شركة باباه وباين عليه بيحبها اوي💔»
فريد:والله يا باشمهندس علي انا اتشرفت بمعرفتك جدا وواثق اننا هنبقى صحاب لدرجة انك هتنسى ان نورا صاحبتك من اساسه
نورا:والله يعني هتتفقوا عليا
علي بضحكه:انا بقول كده بردك ولا اي يا استاذ فريد
فريد:ناديني فريد بس احنا خلاص بقينا صحاب
علي:تمام ماشي وانا علي علي وبس
فريد:مش هتاكلوا بقا
«نورا كان شكلها مبسوط انها لقت حد بيحبها بس انا كنت عامل نفسي مبسوط او لا انا فعلا كنت مبسوط مش انها هتبقى لغيري انا مبسوط لانها فرحانه ومظقططه لانها لقت الشخص المناسب وبيحبها صدقونيي انا بحب فرحتها حتى لو كانت وجع ليا»
~ضحى اتصلت ب علي
ضحى:ايوه يا علي عامل اي ياحبيبي
علي:الحمد لله يا ماما وانت عامله اي واخبار عمو حسن اي
ضحى:كلنا كويسين يا حبيبي كريمه وحشتني اوي
علي:والله كانت لسه بتسأل عليكي وبتقول نفسها تشوفك
ضحى:ان شاء الله اروحلها قريب المهم كنت عاوزاك ف موضوع يا حبيبي
علي:موضوع اي
ضحى:ابعد بس عن العيال
علي:ثواني يا جماعه هقوم ثانيه.......اهو قومت
ضحى:نورا قالتلي ان فريد عاوز يقعد معاها لوحدهم يتكلم معاها شويه وباباها كان مش راضي انهم يبقوا لوحدهم وكدا
علي:ماماا لخصي عاوزه اي
ضحى:نورا قالتلي اقولك انك تسيبهم شويه مع بعض لوحدهم كده وكده يعني عشان فريد عاوز يتكلم معاهم و
علي بوجع:نورا قالتلك كدا
ضحى:ايوه يعني ممكن تتطلع تلف شويه بالعربيه او تشتريلك حاجه
علي:لا يا ماما عمو حسن منبهني مشلش عيني من عليهم بس انا ممكن اسبلهم الطرابيزه واقعد انا على واحده تانيه واهو ابقى قريب منهم ومقصرتش كلمة عمي
ضحى:ماشي يا حبيبي الي تشوفه سلملي على ريناد ومصطفى سلام
علي بحزن:سلام
«قعدت على طرابيزه تأنيه وانا بموت من جوايا طلبت قهوه عشان اتمالك اعصابي فلقتها بتعملي بس بس عشان ابصلها اما بصتلها لقيت خاتم شكله جميل جدا على ايديها فضحكتلها وبعتتلي رساله بتقولي فيها ان دا هديه من فريد والخطوبه الاسبوع الجاي احساس انها بتبعد عني حته حته احساس صعب جدا انا من رأيي ان لو كنت قولتلها بحبگ ورفضتني كان بنسبالي ارحم بكتير من العذاب الي انا فيه دا»
روايةاعشقها
الفصل الثاني
بقلم مريم الشهاوي
«النهارده خطوبة نورا وفريد فرحان انها مبسوطه وزعلان انها لغيري هل انا هفضل ف العذاب دا كتير»
ترن ترن ترن
علي: الو يا نورا
نورا: ايوه يا علي انا ف الكوافير بقولك انا معنديش اخوات ولاد والي اعرفوا ان الي بياخد العروسه من الكوافير اخوها يلا جهز نفسك وتعالى خدني
علي: تؤمرى يا ست البنات
«قفلت معاها وانا سامع نبرة صوتها كلها فرح وسعاده الظاهر انها مش ليا فعلا»
علي راح الكوافير عشان ياخد نورا
علي اتصل بنورا؛ مهو انا اكيد مش هدخل ادور عليكي وسط البنات اتفضل ياطلعي
نورا: حاضر طالعه اهو
~علي اتفاجئ بجمال نورا كانت جميله اوي وكان الفستان عليها اجمل ~
على: اي الحلاوه دي
نورا: ليه وهو انا كنت وحشه انا طول
عمري حلوه يابني بس فيه ناس مكنتش بس واخده بالها
علي: فعلا ممكن مكنتش باخد بالي عشان مش بتحطي ميكب الا فين وفين بس انت عارفه يا نونا ان الجمال جمال الروح مش الشكل
نورا: تفتكر دا الي عجب فريد فيا
علي: والله ماعرف بس الواد حليوه ويتحب قبل ما يحبك اصلا
نورا: طب يلا بقا عشان منتأخرش
~علي فتحلها الباب
نورا: دا اي الادب الي هب عليك فجأه دا
علي: اخرسي يا حيوانه واركبي بدل ما اسيبك وامشي وانت زي القمر كده هتتخطفي مني
~نورا ركبت وهيه بتضحك~
وصلوا الحفله~~
"حببتي الف الف مبروك
نورا: الله يبارك فيكي يا شهد وحشاني والله
شهد: والله وانت (وبصت لعلي بحب) ازيك يا باشمهندس علي اي اخبارك
علي بلا مبالاه؛ كويس الحمد لله مش يلا يا نورا
نوار: اي يابني بتشدني كدا ليه
علي: انت عارفه اني مش بحب البنت دي
نورا: عارفه بس انا عزمتها عشان اغيظ فيها مش اكتر
علي: يعني انت بعد ما قولتلك انها بتحقد عليكي بردك مفيش فايده فيكي
نورا: يا حبيبي لا عشان كانت بتعايرني مين هيبصلي بمنظري دا وقالتلي كلام وانت سمعتها بتقول عني كلام فانا جبتها الخطوبه عشان اخزق عنيها الاتنين
علي: طب قدامي يلا عمو حسن مستنيكي
كريمه كانت واقفه مع ضحى
كريمه: الف مبروك يابنتي
نورا: الله يبارك فيكي يا ماما
كريمه: علي تعالي عاوزاك
على: نعم يا ماما اخدتيني بعيد ليه
كريمه: انت بتعمل ف نفسك كدا ليه
علي بوجع: صدقيني انا نفسي مش عارف
كريمه بوجع قلب: كنت اعمل اي عذر سافر لكن تشوفها بعينك وانت الي تروح تجيبها من الكوافير وتروح معاها المطعم هيه وخطيبها ليه يا ابني كل دا
علي: يا امي نورا تبقا حببتي مجيش ف اهم لحظات ف حياتها وابعد وانت عارفه هيه بتعزني ازاي وبتحبني قد اي
كريمه: زي اخوها هيه متعرفش الي جوه قلبك
علي: والحمد لله انها معرفتش
كريمه: يا حبيبي انا بزعل عليك انت بقيت معدوم حتى كانسيلت كل الشقق بقالك فتره لو فضلت كده هتبقى انسان معدوم الروح بس عايش
علي: هو انا لسه هوصلها من ساعت ما قالتلي انها هتخطب وانا معدوم الروح انا بعشقها يا امي عارفه يعني اي بعشقها
كريمه: كفايه يابني كفايه وجع اكتر من كده يله نمشي ادينا باركنا يلا
علي: دي مش شخصيتي يا ماما انا سند لنورا زي ابوها ومتخافيش عليا اناكده كده زعلان مش هزعل اكتر من الي زعلته يلا عشان وقفنا كتير (وشدها من ايديها لنورا)
علي: فريد الف مبروك
فريد: الله يبارك فيك يا علي عقبالك
علي: حبيبي تسلم
«نورا وفريد لبسوا الدبل لبعض ورقصوا مع بعض ودموعي ابتدت تنزل وانا بحاول اغطي نفسي عشان محدش يشوفني لقيت ايد بتتحط على كتفي
علي: مصطفى
مصطفى: انت لسه بتحبها
علي: مش وقته الكلام دا دلوقتي لحد يسمعك
مصطفى: انت شايف الي بتعمله دا صح
علي: طالاما نورا فرحانه يبقى صح انت مش شايف الابتسامه على وشها من هنا لهنا ازاي
مصطفى: لحد امتى يا علي
علي: لحد اما اموت يا مصطفى انا خلاص كده انتهيت
مصطفى؛ متقلش كده طول منا معاك مش هيحصلك حاجه الدنيا مش بتقف على حد يا علي
علي ابتسم: وانا واثق يا صاصا ان طول مانت جمبي مش هيحصلي حاجه اومال ريناد فين
مصطفى: ريناد يا سيدي راحت عزومه ف بيت جوز صاحبتها الي لسه متجوزه الهبله فرحانه وبتقولي هشوف اخيرا بقا اذا كان فعلا العرايس بيحلوا بعد الجواز
علي بحزن: اديك شايف نورا اهي من الخطوبه وهيه بتحلوا ما بالك لو اتجو.....(دموعه ابتدت تنزل)
مصطفى حضن علي ونورا خلصت الرقصه وراحت عندهم
نورا: صاصا
علي اتفاجئ وحاول يمسح دموعه
مصطفى: يا شيخه خضيتيني
نورا:عامل اي يا صاصا مش بنشوفك يعني وبعدين اي الي جايبك بعد لبس الدبل
مصطفى:والله انا جاي اقول مبروك وامشي عشان ميتعمليش هوليلا الصبح
نورا ضحكت:طب كويس انك عارف تعالى اعرفك على فريد
مصطفى:يعع فريد اسم بايخ اوي
نورا:خبطته ف كتفه؛اتلم
مصطفى بضحك:يلا بقا نشوف النقاش دا
نو،ا:يا علي خلي اخوك يتلم نقاش اي بس
علي:لا لا يا مصطفى ميصحش البنت لسه متعرفه عليه تقوم قايلها الحقيقه كده فجأه تؤتؤتؤ😂
نورا:والله طيب متشكرين يا رجاله على ذوقكم
علي مسك نورا من ايديها
علي:خلاص يا ستي حقك عليا مصطفى اتأسف
مصطفى بضحك:انا اسف وبعتذر للاستاذ فريد النقاش
نورا:انت هتتلم امتى
مصطفى:بذمتك مش شكله نقاش
فريد:مين النقاش
مصطفى اتوتر
علي بقلق:بيضحكوا عليا عشان وقع عليا الجاتوه بيقولوا عليا اني شبه عم صبحي النقاش يرضيك يا فريد
فريد بضحك:لا طبعا ميرضنيش طب ادخل الحمام نضفوا معرفتنيش يا مورا
نورا:دا مصطفى ابن عم علي وزي اخوه بظبط كان عايش معاه طول عمره
فريد:اتشرفت بمعرفك استاذ مصطفى حضرتك شغال اي
مصطفى:مهندش كمبيوتر
فريدبضحكه:دا انتوا عيله كلها مهندسين بقى
مصطفى:اوماال
علي كان رايح عشان ينضف البدله الي وقع عليها جاتوه بالقصد عشان يلحق الموضوع
كريمه:مش يلا بقا يا علي
مصطفى:انا بقول كدا برضو كفايه بقا
علي وافق وراح سلم على نورا وفريد ومشي ~
«عدى شهر على خطوبة نورا وانا كل يوم بموت وف يوم نورا طلبت اني اقابلها ف الكافيه
علي:خير يا نورا
نورا بعياط:انا هفسخ الخطوبه