عشق المراد
الجزء الثاني
Part 4
بعد مرور ثلاثين عام
عاصم بيدخل بهيبته المعتادة .. صباح الخير يا ماما صباح الخير يا بابا
عز وليليان .. صباح الخير يا حبيبي
عز .. رايح شركتك
عاصم .. اه عندي مواعيد كتير انهارده وهاجي لحضرتك
عز .. عمتا انا رايح في اجتماع مهم لازم تحضر فين ادم
ليليان .. طب ما تسيبو ادم معايا انهارده
عز .. حبيبتي ادم راجل وبيشتغل مينفعش كدا
ليليان بزعل .. لا بقي انا زهقت كلكو بتخرجو وتسيبوني
عز .. ينهار اسود ما ليان في اجازه و قاعده معاكي
ليليان .. بردو ادم دمه خفيف وبيضحكني
عز .. والله ادم دمه خفيف وانا يا هانم
عاصم .. لا والنبي كفايه حب في بعض
عز .. وانا بقول القر منين عرفت مين اللي بيقر
عاصم ضحك .. هنفطر والا انزل الشركه
ليليان جريت عليه .. اقعد الفطار جاهز هصحي اخواتك
ليليان طلعت تصحي ادم وليان
عاصم بإبتسامه .. ماما هتفضل بتخاف علينا زي زمان
عز اتنهد .. امك كل يوم حبها بيزيد في قلبي
عاصم .. الا قولي يا زيزو انت مزهقتش من ماما
عز .. انا وليليان عيشنا قصة حب حوالي تمن سنين وبعد كدا اتجوزنا واليوم اللي مصحاش فيه علي صوتها وابتسامتها معرفش هيحصلي اي
عاصم .. ربنا يخليك لينا بس بردو انت و ماما مش باين سنكو وبصراحه ماما باين انها عشرين سنه
عز .. ليليان جميله من يومها ربنا يخليها لي
ليليان .. ادم حبيبي اصحي يلا
ادم بنعاس .. شويه يا ماما
ليليان .. يلا بقي بلاش كسل
ادم قام وقبل ايد ليليان .. صباح الخير يا حبيبتي
ليليان .. صباح النور يلا قوم كدا وانزل عشان عاصم مستني هو وبابا وانا راحه اصحي اختك
ادم .. هتعرفي
ليليان .. تصدق انا مبعرفش اصحيها روح صحيها بطريقتك
ادم .. من عيوني انزلي وانا هنزل انا وهي
ليليان نزلت تحت وادم جهز وراح يصحي ليان
ليان نومها تقيل جدا لو البيت وقع هي مش هتحس
ادم دخل اوضتها وشالها ودخل الحمام وفتح عليها الميه
ليان .. يح بغرق
ادم .. قومي يلا عشان تفطري وارجعي كملي نوم
ليان .. يا ادم حرام عليك هدومي اتغرقت
ادم ضحك وبانت غمازاته .. لو كان نومك خفيف مكنتش عملت كدا
ليان .. انت رايح الشركه
ادم .. اه
ليان .. ادم هو انت وعاصم وبابا حلوين كده لي
ادم مسكها من خدودها .. وراثه يا حبيبتي وبعدين ما انتي قمر
ليان .. انا عايزه اتجوز واحد زيكو
ادم .. عاصم لو سمعك هيزعلك قومي يلا
**********
كلهم اتجمعو علي الفطار
ليان .. زيزو وحشتني اوي
عز ضحك .. بكاشه
ليان بزعل طفولي .. انا بكاشه انا غلطانه شايفه يا لي لي
عز .. بت محدش يدلعها غيري
ليان .. الله الله وانا مين يدلعني
ادم .. انا يا حبيبتي
عاصم .. وانا روحت فين
ليان .. يحيا العدل
**************
(اسر ومرام ربنا رزقهم بزين وحور بعد صبر خمس سنين من جوازهم )
اسر .. انا مش فاهم ما كنت تشتغل معايا في الشركه
زين .. يا بابا انت كنت ظابط واونكل مراد واونكل ادهم بس خلاص سيبتو الداخليه وقررتو تكونو في الشركه وانا حابب شغلي
مرام .. ربنا يحفظك يا حبيبي انت واختك
حور .. اي جايبين سيرتي في اي
اسر .. حبيبت بابا صحيت بدري دي معجزه
حور ضحكت .. لا قومت عشان اسمع المحاضره اللي بتقولوها لزين كل يوم
اسر .. شايفه بنتك
مرام .. اي يا اسر ما تسيبها
اسر .. قلب اسر والله
زين .. نفسي افهم مزهقتوش من بعض انا رايح الشغل
اسر .. مع السلامه
مرام .. انت كمان هتنزل يا اسر
اسر بحب .. اه يا حبيبتي
مرام .. تروح وترجع بالسلامه يا حبيبي
حور .. هاتلي حاجه حلوه وانت جاي
مرام .. وانا يا اسر
اسر ... لا اله الا الله بطلي تغيري من البت
مرام حضنت حور .. اغير براحتي والا اي
حور .. براحتك يا ماما
اسر ضحك .. انتو صغيرين عشان اجيب حاجه حلوه وانا جاي
حور ومرام بزعل طفولي .. ملناش دعوه
مرام .. هات اندومي
حور .. وانا بيبسي ومولتو
اسر .. صبرني يا رب حاضر
***********
فريده بدلع .. ادهم يا ادهم
ادهم .. صباح النور
فريده .. صباح الخير يا حبيبي يوسف نزل من بدري مش هتقوم
ادهم .. خليني معاكي انهارده وهكلم اسر يشيل مكاني انهارده
فريده سندت رأسها علي كتفه .. مش هنكبر بقي يا ادهم
ادهم بحب .. تؤتؤ احنا هنجوز يوسف ونرجع تاني بالزمن
فريده .. مزهقتش مني حتي بعد ما كبرت كدا
ادهم .. كبرتي فين شكلك متغيرش ولسه محافظه علي رشاقتك وجمالك
فريده .. والا انت اتغيرت بالعكس احلويت
ادهم خدها في حضنو وهمس .. بحبك يا ديدا
فريده .. قوم روح الشغل يا حبيبي متأثرش فيه
ادهم .. ماشي
***********
عمر .. نانسي انا مستعجل جدا هيدي فين
نانسي .. لسه نايمه يا حبيبي
عمر قبل نانسي .. سلام
نانسي .. ربنا معاك
*******
كيان .. وليد انا همشي واسيبك والله
فرح .. الله ما تسيبو نايم شويه
كيان .. فرح في اجتماع مهم مع شركة عز وعاصم بلاش استهتار
فرح زعلت .. انا مستهتره شكرا
كيان .. مش قصدي يا حبيبتي
فرح .. عمتا وليد بيلبس وسليم راح المستشفي
********
داليدا في التليفون
مراد .. اي يا حبيبتي
داليدا .. انت نسيت ورقه علي مكتبك
مراد .. ينهار اسود في اجتماع مهم كمان ساعتين مع شركة عز وعايزين الورقه
داليدا .. طب ابعت السواق يا خدها
مراد .. ماشي حازم راح الجامعه
داليدا .. اه
مراد .. ماشي عايزه حاجه يا حبيبتي
داليدا .. عايزه سلامتك
Fatma goda
ميرا .. مش هتجوزه يا بابا
الاب .. عايزه تحرجيني قدام الناس ما انتي بنت امك وضربها بالقلم
ميرا وهي حاطه ايديها علي خدها مكان القلم .. نفسي افهم ماما الله يرحمها عملتلك اي بتنتقم منها فيا لي
الاب .. ميخصكيش هتتجوزي ورجلك فوق رقبتك
ميرا .. يا بابا ارجوك انا فاضلي اخر سنه في الجامعه حرام انا في كلية صيدله
الاب .. اخرسي يا سافله عايزه تتخرجي عشان تدوري علي حل شعرك
ميرا .. ربنا يسامحك وياخدني عشان كدا كتير فوق طاقتي
الاب .. اوقفي مكانك مكانك واجهزي عشان العريس جاي بليل
ميرا .. انا هوديك في داهيه لو قربت مني
الاب ضربها بمنتهي العنف والوحشيه بدون رحمه
ميرا .. اااااه كفايه والنبي هموت
الاب .. قومي جهزي نفسك
ميرا بنبره هاديه .. متزعلش مني يا بابا انا اسفه انت عندك حق واكيد عايز مصلحتي انا هتجوز العريس وهسمع كلامك
الاب .. اهو كدا تبقي بنتي بحق
ميرا .. طب انزل اجيب فستان حلو كدا والا البس كاجوال من عندي
الاب .. ماشي متتأخريش
ميرا .. متقلقش ساعتين بالكتير
الاب خرج برا البيت
ميرا رنت علي ليان
ليان .. مال صوتك
ميرا .. ليان الحقيني هيجوزوني بليل
ليان بلهفه .. اوعي توافقي
ميرا .. انا ههرب من البيت دلوقتي بس مش عارفه اروح فين
ليان بحب .. تعالي عندي
ميرا .. طب واهلك
ليان .. تعالي بس
ميرا .. شكرا ليكي
ليان .. مفيش شكر بينا تعالي بسرعه
**************
عاصم .. وبكدا هنقدر نستفاد اكتر ونزيد نسبة الاسهم للشركات
كيان .. طب ازي هنزود الاسهم لشركتنا
(شركة عز وعمر وادم وعاصم اسمها الالفي وعاصم عندو شركه لوحده اسمها الالفي بردو وشركة كيان ومراد واسر وادهم اسمها الجوهري )
عاصم .. حضرتك عارف أن شركتنا بتتعامل مع شركتم من زمان جدا والسوق كلو عارف كدا ف بالتالي اي شركه هنتعامل معاها هتكونو معانا لأن الشركتين بيكملو بعض
كيان .. برافو يا عاصم تربية عز بصحيح
عمر .. الأسهم هتكون بنسبة كام في الميه
عاصم .. خمسين في الميه لشركتنا وخمسين في الميه لشركتهم
مراد .. واحنا موافقين والا اي يا جماعه
ادهم واسر وكيان .. موافقين
عمر وعز وعاصم وادم .. يبقي متفقين
عاصم .. اتفضلو الاجتماع خلص
(شركة عمر كانت بتتعامل مع شركة كيان من زمان جدا وبقو من أكبر راجل الأعمال في العالم والشركتين ليهم فروع في العالم كله وعاصم اثبت جدارته في الشركه وبقي اعلي منصب فيها وكمان عمل شركه خاصه بيه لوحده من غير عز وادم وعمر وهي اللي بتكمل شركة كيان وشركة عز وعمر )
Fatma goda
ليان بعياط .. ماما
ليليان .. مالك يا حبيبتي
ليان .. صحبتي يا ماما أهلها هيجوزوها بالغصب عشان الفلوس
عز وعاصم وادم جم
عز .. مالك يا حبيبتي
ليان .. ممكن تسمعوني
عاصم بحده .. اتكلمي
ليان .. صحبتي أهلها عايزين يجوزوها بالغصب وأبوها بيضربها وبيبهدلها ممكن تيجي تقعد معايا
عاصم .. تيجي فين بطلي هبل وشغل عيال
ليان .. من فضلك يا عاصم يا بابا والنبي البنت حالتها تصعب على الكافر ومامتها متوفيه
عز .. بس
ليليان .. خليها تيجي يا حبيبتي
عز .. ليليان انا بتكلم
ليليان .. مش البيت بيتي والا انتو بس اللي من حقكو تاخدو القرارات بتقولك البنت حالتها تصعب على الكافر ومامتها متوفيه اي فين الرحمه اللي في قلوبكم
عز .. خلاص اهدي بس خلاص يا ليان خليها تيجي
ليان .. بجد شكرا ليكم
ميرا جت ليان فتحت وخدتها في حضنها
عز .. اتفضلي يا حبيبتي
ليليان بصت لعز
ليليان .. تعالي يا حبيبتي نورتي
ميرا بحرج .. انا اسفه علي الازعاج بس حقيقي انا مليش أهل اروح عندهم
عاصم .. انا طالع مكتبي
ادم .. معلش متزعليش هي دي طريقتو
ميرا .. لا مش زعلانه
عز .. احكيلي حكايتك يا بنتي
ميرا والدموع تملأ عينيها .. انا مامتي متوفيه من خمس سنين ومن ساعتها بابا اتغير في معاملته معايا وكل يوم ضرب وإهانه عشان كان بيكره امي الله يرحمها وانهارده جايب عريس غني مع اننا مقتدرين ماديا بس هو طماع جدا ضربني كتير اوي واظن باين علي وشي بس انا هربت منو وكلمت ليان عشان هي صحبتي المقربه ليا وعارفه كل حاجه عني بس امي الله يرحمها كانت سيبالي فلوس في البنك عشان اخش كلية صيدله من غير ما احتاج لحد والا حتي لابويا
ليليان عيطت .. يا حبيبتي يا بنتي
عز همس ل ليليان .. قومي احضنيها
ليليان بالفعل قامت حضنتها
ميرا .. انا اسفه جدا علي ازعاجي
عز .. بس يا ميرا انتي دلوقتي زي ليان هتعيشي معانا هنا واعتبرينا اهلك يا بنتي
ميرا .. ربنا يخلي حضرتك
عز .. ادم من فضلك وريها اوضتها عقبال ما ماما وليان يحضرو الغدا
ادم .. ماشي اتفضلي معايا
ميرا .. حاضر
ادم طلعها الاوضه .. بس غريبه ان واحده في جمالك تتبهدل كدا
ميرا بخجل .. الظروف
ادم جاب منديل ومسح دموعها وهو مركز في عينيها
ميرا شالت ايدو .. شكرا انا هغسل وشي
ادم .. الاوضه فيها حمام
ميرا .. ماشي
ادم .. لو عوزتي حاجه انا موجود عن اذنك
*******
في أمن الدولة
زين .. خلصت والا لسه
يوسف .. اه خلاص
زين .. طب يلا نمشي احسن انا واقع من الجوع ما تيجي تتغدي معانا ماما هتفرح اوي
يوسف .. مينفعش انت عارف ماما مبتعرفش تاكل غير واحنا معاها
زين .. طب يلا
********************
Fatma goda
(عاصم طويل وجسمه رياضي وعيونه سوده وشعره ناعم قمر جدا و وسيم 30 سنه عنده شركته الخاصه بيه لوحده شركة عاصم الألفي وبيشتغل مع أبوه وعمر في شركتهم مجموعة شركات الألفي )
(شركة كيان اسمها الجوهري لأن دا اسم عيلة كيان ومراد وطبعا اسر وادهم مازالو شركاء فيها والشركه ليها اسمها في السوق )
(ادم بيشتغل مع عز وعمر في الشركه طويل وجسمه رياضي وعيونه بني غامق وشعره اسود ناعم قمر وعنده وغمازات 26سنه )
(حازم ابن مراد وهو دكتور في الجامعه دكتور قمر جدا وسيم وعنده وغمازات 27 سنه )
(كارمن اخت حازم بنت مراد قمر جدا ومحجبه قصيره وعيونها بني فاتح بشرتها بيضه وعندها غمازات وجسمها متناسق 22 سنه كلية صيدله)
(ليان بنت عز قصيره وعيونها رصاصي بشرتها بيضه وعندها غمازات وجسمها متناسق كلية صيدله محجبه )
(ميرا قمر جدا وجسمها متناسق وطولها متوسط 22 سنه كلية صيدله صديقة ليان محجبه )
(وليد ابن كيان طويل اوي وجسمه رياضي وعيونه رصاصي بشرته قمحاويه وبيشتغل مع كيان في شركتهم 29 سنه )
(سليم ابن كيان دكتور امراض نفسيه وعصبيه وعندو مستشفى كبيره طويل وجسمه رياضي وعيونه سوده وشعره ناعم عنده دقن 27سنه )
( زين ابن اسر بيشتغل ظابط في آمن الدوله طويل وجسمه رياضي ملامحه جميله 25 سنه )
( حور اخت زين قمر جدا وجسمها متناسق وشعرها طويل وعندها غمازات خريجة السن 23 سنه محجبه )
(هيدي بنت عمر 25 سنه جميله جدا عيونها زرقاء في كلية طب محجبه )
(يوسف ابن ادهم ظابط في آمن الدوله مع زين 26 سنه طويل وجسمه رياضي وعيونه سوده وشعره ناعم بدقن )
*********
لأن الابطال كتير كل بارت هناخد كام واحد منهم عشان تبقو فاهمين
أبناء عز وليليان
*عاصم وادم وليان *
أبناء كيان وفرح
*سليم و وليد *
أبناء اسر ومرام
*زين وحور *
أبناء نانسي وعمر
*هيدي *
ابن ادهم وفريده
*يوسف *
عشق المراد
الجزء الثاني
Part 5
ليليان .. عاصم فين
عز .. في الجيم
ليليان .. انا مبحبش اللي انتو عاملينه دا
عز .. يا حبيبتي عشان نحافظ على جسمنا والرياضه مهمه غلط في اي لما عملت اوضه خاصه بالأجهزة الرياضيه
ادم .. بصراحه يا ماما هي حلوه في البيت جدا وبعدين البيت واسع جدا عادي يعني
ليليان .. انتو مجانين والله يلا الغدا جاهز
عز .. ادم من فضلك نادي ميرا وعاصم
ليليان .. كدا ميرا بقت من العيله خلاص
عز .. اه البنت محتاجه أهل معاها
ليليان ... قطعت قلبي والله
Fatma goda
********
ادم بيخبط علي الباب
عاصم .. ادخل
ادم .. ماما بتقولك الأكل جاهز
عاصم .. ماشي جاي
ادم .. بقولك
عاصم .. نعم
ادم .. عامل ميرا كويس بلاش تعاملها وحش
عاصم بغموض .. انشاء الله بس انت حنيت والا اي
ادم .. للأسف مينفعش انت عارف اني مرتبط
عاصم .. مش هتقول ل بابا وماما
ادم .. هقول قريب بس لما اتفق انا وهي
عاصم .. ماشي
ادم بيخبط علي ميرا
ميرا .. مين
ادم .. انا ادم الاكل جاهز انزلي
ميرا بحرج .. شكرا مش جعانه
ادم .. ممكن تفتحي الباب
ميرا فتحت
ادم .. مش عايزه تنزلي لي
ميرا .. بصراحه مكسوفه
ادم سند علي الباب وابتسم .. مكسوفه من مين فينا
ميرا اتكسفت
ادم ضحك وبانت غمازاته .. لا بتهزري مكسوفه مني دا انا طيب والله وملاك
ميرا ضحكت وادم تاه .. عادي ممكن من عاصم واونكل عز
ادم شدها من ايديها .. تؤتؤ ملكيش حق يلا
ميرا بإحراج .. هنزل سيب ايدي
ادم .. اه معلش مش قصدي
*******
كلهم اتجمعو
ليليان .. اعملو حسابكم أن بكره اليوم عند داليدا
ليان .. مش بكره يوم فيري
ليليان .. احنا خلاص اتفقنا كلو بقي
عز .. طبعا هتيجي معانا يا ميرا
ميرا بحرج .. شكرا يا اونكل انا هفضل هنا
ليليان .. بصي يا حبيبتي انتي خلاص بقيتي مننا احنا كل جمعه بنتجمع عند حد من العيله
ميرا .. عشان محدش يضايق منهم
ليليان .. لا طبعا متقلقيش دا هيحبوكي اوي
**********
عهد .. ماما انتي حالتك بتتأخر كل شويه
روان بتعب .. خلاص هنسافر بكره الاوراق جهزت
عهد .. ربنا يشفيكي يا حبيبتي
روان .. عندي مشوار لازم اعمله قبل ما اسافر
عهد .. هاجي معاكي
روان بتعب .. مش هينفع مش هتأخر
*********
مرام .. اي هتفضلي في اوضتك
حور .. جايه هو زين جه
مرام .. اه وبابا كمان
حور نطت .. جاب الحاجه الحلوه
مرام جريت .. انا هروح الحق قبل ما تخديهم
اسر .. اي بتجرو لي
حور .. فين الحاجه الحلوه
اسر طلع شنطه مليانه حاجات حلوه كتير
مرام .. تدري انك قلبي
حور وشها اتبهدل نوتيلا .. بابا فين الاندومي
اسر .. الله يقرفك انتي طفله انك تبهدلي نفسك كده
حور بزعل طفولي .. انا طفله ماشي يا اسر طلقني
اسر .. مرام البت طالعه هبله زيك
مرام .. الله يكسفك
حور .. انا راحه لزين حبيبي
حور راحت اوضة زين
زين ضحك .. اي دا
حور قعدت علي السرير وربعت رجليها .. قولت اجي اقعد معاك
زين .. برا يا حور هتبهدلي السرير
حور .. اخس عليك يوسف روح البيت
زين .. اه بتسألي لي
حور .. انت عارف انو صديقي
زين .. طب ما انا اخوكي احسن اكون بير أسرارك
حور .. امم هو انت بتحكيلي حاجه
زين .. مهو انا معنديش حاجة احكيها
حور .. خلاص اصبر هسألك شوية أسأله عشان انا زهقانه
زين .. اسألي يا لمضه
*********
Fatma goda
روان راحت لبيت عز
ليان فتحت .. مين حضرتك
روان .. استاذ عز موجود
ليان .. ايوه
عز .. مين يا ليان .. روان اتفضلي
روان .. ازيك يا عز
عز .. الحمدلله
ليليان .. جايه لي يا روان عشان نطلق المرادي
روان بتعب .. ممكن اتكلم معاكو لوحدنا
عاصم .. لي احنا ولادهم
عز .. اطلعو فوق
عاصم .. بابا
عز .. يلا يا عاصم اطلع وخد اخواتك
عاصم طلع هو وأخواته وميرا
عز .. خير يا روان
روان عيطت .. ممكن تسامحوني انا اسفه علي كل اللي حصل انا فعلا كنت عايزه اخد عز منك بس اتغيرت والله سامحوني
عز .. روان العلاقه انقطعت بينا من سنين
روان .. ارجوكم اسمعوني لأني مش قادره اتكلم والله
ليليان صعبت عليها .. اتكلمي
روان .. من اخر مره شوفتكم روحت اتعالجت نفسيا والحمد لله اتجوزت راجل مقتدر ماديا وعيشت عيشه كويسه
ليليان .. طب الحمدلله
روان .. بعد مرور 20 سنه اتوفي الله يرحمه
انا خلفت بنتي عهد عندها 22 سنه
انا جايه اقولكم سامحوني عشان اموت وانا مرتاحه
عز وليليان .. بعد الشر عنك
روان .. انا خلاص يا ليليان هموت انا عندي كانسر وفي آخر مراحله
ليليان عيطت .. لا اله الا الله
روان بعياط .. انا اهل جوزي عايزين يموتو عهد عشان كانو رافضين جوازي انا وهو بس هو وقف قدامهم ولما مات قالولي أنهم هيجوزو عهد لابنهم عشان ياخدو الورث ويقتلو عهد عشان ينتقمو مننا
عز .. روان اهدي انا قادر احميكي انتي وبنتك
روان .. انا مسافره امريكا اتعالج بس هما هيعرفو اني في امريكا ويوصلو لعهد ويقتلوها
ليليان .. مش هي هتسافر معاكي
روان .. ايوه انا طالبه منكم حاجه
ليليان .. اطلبي
روان .. لو هما عرفو ان إحنا هناك هيموتو عهد انا بمجرد ما اعرف هخليها تيجي عندكم ممكن
عز طبطب عليها .. طبعا يا حبيبتي ولو عايزه تجيبيها من دلوقت البيت هينور
روان .. انا الحمدلله عايشه بس يا عز بمجرد ما ابعتلك المحامي تعرف أن عهد في خطر
عز .. طب وانتي
روان .. هما عايزين عهد عايزين يحرقو قلبي علي بنتي
عز .. في اي عمليات تقدري تعمليها
روان .. اه انا هعمل عمليه كمان اسبوع بس بالله عليك يا عز لو رسالتي وصلتك تاخد عهد وتحافظ عليها يمكن ربنا يكتبلي اني اعيش واخف
عز .. متخافيش يا حبيبتي
روان .. مسمحاني يا ليليان
ليليان حضنتها .. مسمحاكي والله
روان .. انا همشي بقي عشان عندي سفر بكره
عز .. ربنا يتم شفاكي علي خير
روان مشيت
ليليان .. انا خايفه عليها يا عز
عز .. متقلقيش انا متفائل ان ربنا هيشفيها.
*********
فوق عند عاصم وادم
عاصم .. بس دمك خفيف
ميرا .. شكرا
ليان .. طب وانا يا عاصم
ادم .. طب ما انا بدلعك وبجاملك كتير يا نكرة الجميل
عاصم .. وانتي يا حبيبتي
ليان طلعت لسانه لميرا وميرا ضحكت
عاصم .. انتي تافهه لي
ليان .. انا عسل والله
ميرا .. طب وانت يا ادم لي معملتش شركه لوحدك زي عاصم
ادم .. عادي حابب اكون مع ابويا واونكل عمر
*********
كارمن .. حازم
حازم .. اي
كارمن .. مش هتخرجني
حازم .. برا يا كارمن
كارمن .. يا حازم عشان خاطري انا زهقانه
حازم .. برا يا كارمن
كارمن .. يا باااااابا
مراد .. اي يا كارمن
كارمن .. حازم مش رادي يخرجني
داليدا .. ما تخرجها يا حازم
حازم .. ماما والنبي خليها تسكت
داليدا .. خلاص بقي يا كارمن تعالي ساعديني عشان اليوم بكره عندنا
كارمن .. احلفي لولولولولولولي
داليدا .. بس يخربيت صوتك
حازم .. بنتك دي مجنونه
**********
Fatma goda
حور .. انت بتكلم بنات قول عادي انا اختك
زين .. اه هي دي الاسأله اطلعي برا
حور .. يعم قول
زين حدفها بالمخده .. برا يا بت
*********
تاني يوم
داليدا .. يلا يا حازم قوم عشان صلاة الجمعة
حازم .. حاضر حاضر
داليدا .. قوم يا ابني بقي
حازم .. قومت قومت
******
ادهم .. يوسف انت فين
يوسف .. انا خلصت اهو يلا
******
عز ..صحي عاصم وادم عشان الصلاه
ليان .. حاضر
ميرا .. صباح الخير
ليليان .. صباح النور يا حبيبتي فوقي كده والبسي عشان نروح عند داليدا
ميرا .. طب وصلاة الجمعة
عز .. هنروح نصلي ونيجي علي طول
عاصم .. انا جاهز
ادم .. وانا
عز .. يلا
صلاة الجمعة خلصت
عز .. يلا ادم خد ميرا وليان في عربيتك واحنا في عربيه
ادم .. يلا
وصلو البيت وليليان عرفتهم علي ميرا بس هي صاحبت كارمن لأنها في نفس الجامعه
الكل اتجمع واتعرفو علي ميرا
داليدا .. اي رأيكم في الاكل
وليد .. تحفه يا ديدا
(هما بيدلعو فريده وداليدا وليليان ودا بينرفز عز )
كارمن .. انا اللي عملاه اصلا
وليد .. تسلم ايدك يا كارمن
الجميع .. تسلم ايدك يا ديدا
كارمن .. يا جماعه انا اللي عامله الاكل والله
وليد ضرب كارمن في كتفها بخفه .. منا قولتلك والا انا مش مالي عينك
الكل ضحك