رواية ولنا لقاء اخر
الفصل الفصل الثالث والثلاثون
والرابع والثلاثون
٣٣
بقلم نهال مصطفي
" قرأت يوماً أن راحة القلب في العمل ، وأن السعادة هي ان تكون مشغولاً إلى حدٍ لا تنتبه فيه انك تعيس "
"انت بتقول ايه ياحيوان انت "
قال عمر جملته بصدمه وذهوول
الظابط : بس القضيه دي اتقفلت .. واتقيدت ضد مجهول من ٥ سنين
عمرو : انا متاكد من كلامي اللي قتل منتصر الشرقاوي .. هو حازم حفيده انا شوفته بعيني
محمد بعصبيه : واي خصوص سلمي بالموضوع دا
عمرو بتلقائيه : بحبها
زمجز محمد وشرع بالامساك به
لكن عمرو تراجع ف اخر لحظه
" قصدي كنت .. والله كنت .. وكان حازم مستغل النقطه عشان انفذله كل طلباته .. وكنت عاوز سلمي اعتذرلها ع الل حصل .. والله ما كنت في وعيي .. كنت متقل شويه في الشرب ومعرفش ازاي دا حصل
محمد بيحاول يتحكم ف اعصابه
عمر : ملف القضيه دا لازم يتفتح .. والكلب دا لازم يرجع ومحدش هيقتلو غيري
* اهدي ياسيادة الرائد العداله هتاخد مجراها اكيد
■■■
مروان بيمشي زي المجنون وبيدور ف المستشفي ع رقم اوضة نورهان بعد اخر اتصال جاله م السفاره
وصل للدور التالت وبيقرا ارقام الاوض .. ميرنا ماشيه وراه وبتدور معاه
" هي هنيكك رقم الغرفه "
جري مروان .. لقي جنفير
جنفير : انت مروان .. صح؟
* انتي تعرفيني منين ؟؟
حكت جنفير كل اللي حصل بااختصار
مروان ردت فيه الروح : هي جوه ؟ .. انا هدخلها
لم ينتظر اجابه .. فتح الباب بلهفه وحب
وقف في مكانه متجمد .. هو جواه بركان شوق ولهفه
قرب منها وقعد ع كبته .. ووضع كفه راسها بحب .. وقبل كفها بحب .. دمعه من عيونه نزلت ع كفها
كانت سبب في رجوعها للوعي
" م ر و ا ن " بصوت متقطع
* ايوة مروان ياقلب وروح وعقل مروان .. قومي بقي متقلقنيش عليكي
= ب ح ب ك ( وبعدها غابت ع الوعي مجددا )
دخل الدكتور والممرضه
" انت مين سمحلك تدخل هنا يااستاذ"
مروان جز ع سنانه ولكنه التزم الصمت
دخلت ميرنا بسرعه مسكت ايده وسحبته بره الاوضه
( بنعتذر يادكتور )
مروان لجنفير : والكلب دا فينه
جنفير بصت ف ساعة المستشفي
" الحقنه المفروض بتنيمه ٤ ساعات وحاليا هو فالبيت والشرطه اكيد قبضت عليه "
مروان بدون تفكير ..
" تعالي معااايا وريني البيت دا فين .. لازم اوصله قبلهم .. ميرنا خليكي مع نور"
ميرنا : اهدي يابيشمهندس
اختفي مروان من قدامها هو جنفير
ميرنا : عمو فيك تقعد معها هون .. احسن هاد ممكن يودي نفسو بداهيه
وجريت تلحق مروان
■■■
محمود دخل الاوضه علي حامد اخوه لقاه مدبوح نايم ع الارض ومتغطي بجرايد والناس متجمعه.. والبوليس والعساكر .. والستات بتصووت
فهمي مسك محمود كانه بيقوويه
محمود : اكتمي يابت انتي وهي .. اكتموو
نادي ع شيخ الغفر
* مين الل عمل اكده .. وكيف مشوفتهوش
_ والله يابيه مانعرفو .. مافيش حد ولا دخل ولا خرج م البيت من امبارح .. مخابرش ديه حوصل كيف
* طيب انصبو صوان وامشوا ف اجراءات الدفنه والعزا
وصلت جنفير ومروان اول الشارع
" اهو البيت دا .."
وف لمح البصر كانت الشرطه وصلت وحاصرت المكان
نزل مروان واتكلم مع الظابط وبعدها بداو يدور ع حازم ف البيت والجنينه والبيوت اللي حوليهم ولكن بدون اي فايده
مروان بنفاذ صبر : يعني هيكون راح فين
الظابط : اكيد مابعدش عن هنا .. هنبذل قصاري جهدنا ونلاقيه متقلقش
مردش مروان عليه وبص لجنفير .. فهمت قصده ومشيت وراه
وصلو عند العربيه
مروان : تفتكري راح فين
جنفير : حل م الاتنين ياما جماعته المعاونه عرفت مكانه ووصلتله قبلنا .. او هو فاق وهرب بس لو الاحتمال التاني يبقي اكيد مابعدش لان حركته هتكون مش موزونه
*يعني!!
_ ممكن ندور ف الغابه يمكن يكون هناك
* طب اركبي اركبي
■■■
سلمي قاعده مع ولاد مروان وبتمسح دموعها
" طيب انتو بتعيطو ليه دلوقتي "
لوجين : بابي وحشني اوي وماما نور كمان هما ليه سابونا ومشيوا كده .. هما بطلو يحبونا
يوسف بيحضنها : متقلقيش يالوجين هما هيرجعوا انا متاكد .. هما عندهم شغل بس
سلمي ولوجي حضنو الاخوات بعض
راقبتهم سلمي بعيون دامعه وف سرها
" يارب عديها ع خير بقي "
سمعت صوت عربيه جريت ع الشباك لقيت محمد وعمر رجعو نزلت جري
سلمي بلهفه : طمني ي محمد ف اي
عمر بيقفل ف باب الفيلا : متقلقيش ياسلمي خير ان شاء الله
نزلت دمعه م عيونها : بردو مش هترد عليا ي محمد
محمد بيحاول يغير الموضوع : ماما ومريم فين
عمر بيحاول يلطف الجو : ماخلاص ي عم فكها شويه .. كل حاجه هترجع احسن محصلش حاجه للقلبه دي .. خدي محمد ياسلمي وخليه يرتاح شويه
محمد بص ف عيونها : اول واخر مرة اقول كلمه متتسمعش ..
سلمي ابتسمت وسط دموعها واترمت ف حضنه
" قسيت ع قلبي اوي يامحمد .. هونت عليك "
حضنها محمد : كنت هتجنن عليكي
عمر : احم احم .. متتلم ياض انت وهي ولا نسيتو نفسكم وانكم واقفين قدام رائد اد الدنيا
محمد ممازحا : اووبا نسور سيادة الرائد بدات ترفرف وهتعورنا
ضحكوا كلهم بوجع وكل واحد منهم جواه الل مكفيه وزياده .. فجاه سمعو جرس الباب
بعدت سلمي ع حضن محمد شويه
عمر ممازحا: وع ايه خليكي .. هفتح انا
فتح عمر الباب لقي بنت صغير لابسه فستان ابيض في اسود قصير وماسكه ورده حمرا
عمر: انتي مين
* عمو هو يوسف موجود
قرب محمد وسلمي م الباب
سلمي : انتي مين ياحبيبتي
* انا تاليا .. ساكنه ف الفيلا دي .. ممكن ياطنط تنادي ع يوسف عشان مش عاوزه اتاخر وماما تلاحظ غيابي
محمد بمغز : مممممم والله عال ياابن مروان هي حصلت تجيب بنات لحد البيت دا عمك عمره ما عملها😂
سلمي نكزته : اتلم ... حاضر ياحبيبتي اتفضلي وانا هندهه
نادت سلمي ع يوسف ..
يوسف اول ما شاف تاليا واقفه ع الباب ابتسم
محمد بتريقه : ياحنين
تاليا قربت منه وعطته الورده
" هو انت بطلت تيجي المدرسه ليه يايوسف "
يوسف : معلس سويه ظروف كده .. ومكنس ينفع اسيب اخواتي واجي
محمد بفخر : لا راجل يلا
نظرله يوسف معاتبا
" طب اتفضلي اتفضلي واقفه ليه ع الباب "
تاليا : لا انا كنت عاوزه اطمن عليك بس .. يلا باي باي عسان متاخرش اكتر م كده
وسابته وجريت
فضل يوسف مكانه يبصلها لحد مااختفت
اتفاجىء بمحمد الل علق من التيشيرت
" ياعمو مايصحش كده .. نزلني "
محمد : انزلك !! هي حصلت يابن مروان .. نسووان ف البيت .. يرحم ابووك ..
* ياعمو دي مش نسووان دي ماي كراش
عمر لاول مرة يضحك م وبنسي همومه لدقاايق
- خلاص ي محمد مالك بالواد سيبه يشوف مستقبله
سلمي: وانت متغاظ منه ليه
محمد : لا لا مش متغاظ ولا حاجه .. مقهور بس اني مكنتش صايع زيه ومكنش ف بنات تيجي تسال عليا
سلمي بنرفزه : وحياة خالتك ؟؟؟؟
محمد : بهزر يارمضان بهزززر
■■■
وصل جنفير ومروان الغابه وبيدور .. فجاة سمع مروان صوت نفس بيتاخد بصعووبه
مروان لجنفير : اشششششش استني كده
قرب ببطء م شجرة لقي حازم قاعد تحتها وماسك قلبه
اول ماشفه حازم حاول يهرب منه
مروان مسكه من الجاكت وضربه لكمه قويه علي سنانه .. حاول حازم يدافع ع نفسي ويبعد عنه لانه مرهق وتعبان .. لكن مروان مدلهوش فرصه .. انهال عليه بكل قوته وبيضربه ف كله حته ف جسمه لحد ما فقد وعيه تماما
جنفير واقفه مصدومه مش قادرة تنطق
مسكه مروان من ايديه وجره ع الارض لحد ما وصل للعربيه
جنفير : استاذ مروان ماينفعش كده .. لازم نسلمه
مردش عليها .. حط حازم ف شنطه العربيه
وسابها لوحدها ومشي ورفض يركبها معاه
جريت جنفير ع الشرطه تبلغهم باللي حصل
وصل مروان لمكان بعيد عن الانظار .. نزل م العربيه ونزل حازم الل بدا يسترجع وعيه تدريجيا
اول ما نزله خبط دماغه بكل قوته ف الشجرة
صرخ حازم بصوت عالي .. وفقد كل طاقته ع الحركه
مروان لم عشق وورق الشجر وحطه علي جسمه
وفتح شنطه العربيه ومسك جركن الغاز ودلقه عليه
حازم برعب : انت هتعمل ايه .. مروان اعقل .. انا اسف والله اسف .. سامحني بس متموتنيش
مروان بسخريه : اسف ع اييييه
ع العذاب الل شافته مراتي منك ١٢ سنه
ع ظلمك للخلق وخراب البلد .. ع الل كانت مراتي و لعبت انت وهي لعبه قذرة عشان مصالحكم وطمعكم ..
ولا اختي الل ماتت هدر بسببكم .. ولا كل الم ووجع عشناها بسببكم .. انت الل زيك لازم يموت .. لازم اخد حق الناس دي كلهااا منك ..
سابه مروان ورجع بدور ع ولعااه ف صندوق العربيه .. للاسف ملقييش
*حظك حلو .. مافيش ولاعه
حازم اطمن : مروان سيبني امشي .. والله ماهتشوفني تاني .. انا اسف
* اخرررس .. بس متقلقش ف حل اكيد
وانا هخليك تتمني المووووت ولا هطوووله
الفصل 34
وٓ لنا بعد البُعد لقآء .. يا أجمل حاجة ابتليت بيها ..
°°°
"يامروان ابووس ايددك .. ابوووس رجلك سيبني .. وحياة عيالك "
قال حازم جملته متوسلا محاولا استعطاافه
بتلقائيه مروان دفثه برجله .. ارتطم ظهره بالشجرة
" ماتجبش سيرتهم ع لسانك ياحيوان .. ما هو اكيد ..اكييييييييد ف حل !!"
مروان رجع ايدو ورا ضهرو .. ومسك مسدسه الل انقذوه من ايدين مراد واعوانه .. وف نفس الوقت مسك جركن الغاز وحطه جمب حازم
" هي رصاصه واحده ف الجركن دا .. هينفجر فيك ويخلصنا منك "
* لا لا لا ياامروان .. متوديش نفسك ف داهيه عشان .. نور .. نور وولادك محتاجينك
قال حازم جملته وهو بيترعش
_ مروان .. وقف .. هاد كلب ما بيسوي تلوث ايدك فيه
( اتت ميرنا ف الوقت المنااسب .. الل كانت ماشيه ورا مروان من اول ماخرج م المستشفي ..)
مروان : ميرنا !! جيتي ازاي
ميرنا بتجري تقرب منه : جنفير قابلتها ع الطريق وقالتلي .. اترك هاد الل بايدك مروان
مروان بعصبيه : لازم اخد حق كل الناس م الكلب دا
ميرنا : وقف .. مابيستاهل واالله .. جنفير هلا راحت تبلغ الشرطه .. وهما بيرجعوا حقك
مروان معاندا .. قرب منه ورفع سلاحه ع راسه
ميرنا صرخت : مرووووان ارجع لوعيكككك
فجاة كانت الشرطه محاصره المكان كله .. ميرنا استقوت وقربت منه ومسكت المسدس
" بيكفي هيك بتودي حالك ف داهييه "
مروان بص لحازم باشمئزاز .. وف نفس الوقت مسكت الشرطه حاازم وحطوه ف عربيه الشرطه
■■■
" كده نبقي احنا في السليم "
اتي صوت اجش قوووي في مكاننا المعتاد المظلم الذي لم تزاح ستائره بعد
* مراد عمل الصح وفهم مابنشير له
- وكده خلصنا من دوشه مصر
= هلا الثروات كلها اشتعلت بالوطن العربي .. ودي فرصتنا لنسود العالم .. ونثبت نفسنا
* بتفكر في ايه حضرتك
- انا فهمت اللي يقصده
* الل هوو
- الوطن العربي كله .. هايبقي تحت ايدينا .. تماثيل شطرانج نحركها زي مااحنا عاوزين
= هاا .. للاسف مستوي تفكيركم لسه موصلش لهدفنا الاساسي .. لسه الاوامر جايه من فوق .. وهنسود العالم
سااد صمت تاام والف علامه استفهااام علي الجميع
اكمل حديثه سااخرا
" هتعرفوا كل حاجه في وقتها وف النهايه .. النصر لنا "
رددو جميعا فارحين
" النصر لنا "
■■■
مر قرابة ال٨ اعوام الي وقتنا الحالي
لتشرق شمس تفاؤل وامل وحب وفرحه
ليقترب من محبوبته مقبلا لجبهتها بحب ودفيء
متاملا ملامحها الملائكيه الهادئه
لتجيبه بصوت كله نووووم
" هتفضل تبصلي كده كتير .. "
* مش عارف اشبع منك يانور .. اعمل ايه طيب
- ياسيدي ع الكلام الحلو دا اللي انا مابشبعش منه
صفف شعرها بانامله واقترب منها اكثر ليأسرها بين احضانه
" طب ايييه دكتورتي العالميه مش هتبطل كسل بقي وتقووم .. هي نسيت ان عندها مؤتمر عالمي النهارده ولا ايه"
اعتدلت نور ف جلستها لتستند براسها ع صدره
" اعمل ايه طيب .. في حضنك بنسي العالم كله "
*انا الل معاكي لقيت العالم يانور ..
- ربنا مايحرمني منك ياحبيبي .. مروحتش الشغل ليه الوقت اتاخر
* تؤ مافيش شغل النهارده .. عاوز اقعد مع دكتورة قلبي شوويه .. قبل ماابحاثها تاخدها مني .. ينفع !!
التزمت الصمت ولم تجيبه اكتفت بدفث راسها بين احضاااانه
°°°°
" يللاااا يلااا ياولاد عشان تفطرررو "
منيررره بصوت عالي وهي بتنادي ع الولاد
محمد من وراها : صباح الورد يااامي
* صباح الفل .. يلا رووح ناادي ع العيال دي عشان يفطرو
_ هي مريم مش جايه النهارده ولا ايه
* هتيجي بس بالليل عشان المؤتمر بتاع نور .. وبصراحه يابني مابقتش مستحملة دوشة العيال لما يتجمعووا
_ الله يامنيره !! مش انتي الل كنتي عاوزه عيال كتير .. اشربي بقي
* تقوم تخلف ٤ والخامس ف بطنها!!!!! ..
_ ههههههههه حد يقووول للرزق لا يامنيره 🙈🙈
*يالهوووي منككككك .. ابقي وريني هتربيهم اززاي
_ ان جيتي للحق هما اللي بيربووني ..
* ذنووووووب وبتخلص 😂 تستاهل فرحانه فيككك
اتجمعوا ولاد مروان اللي بيقوا في اعدادي دلوقتي وولاد محمد حولين منيره
لوجين : انا جوعت اوي اوي يانينه ..
لوجي : وانا بطني بتصووووص
* الله ! اومال فين يوسف ؟
سلمي بارف : تلاقيه واقف مع البت بتاعته برا بيعزمها ع المؤتمر
محمد : الواد دا عاجبني اوي .. لا دماااغ حلوة مش بيضيع وقت 🤔
سلمي وشوشت محمد : اومال لو تعرف بيعمل ايه ف المدرسه
محمد باهتمام : بيعمل ايه ..قولي قولي
سلمي: ولا بلاش ياعمو احسن تقولوا عليا فتانه ولا حاااجه 🙊
محمد بقهرة : لا منا لازم اعرف اي الل بيحصل في المدرسه .. متهزريش يابت مروان
منيره : كفااايه كلام .. سلمي رووح صحي بابا وماما يلا .. وانتو يلا روحو اغسلو ايديكم وتعالو
محمد لنفسه : الواد دا بيعمل ايه ف المدرسه .. يخربيت تربيتك يامحمد الواد خاربها وانت قااعد مكانك كده
بنته : داد حازوه اغسل ايديا
محمد بقهره بيشيلها : تعالي ياقدري .. هي دي اخرتكك ياامحمد🤷♂️
°°°°
" نور .. هو انتي محلوة ليييه النهارده .. فيكي ايييه"
ابتسمت نور
" لا ياحبيبي دا بس عشان عينيا شايفاك قدامها .. وانت حاضن قلبي بين ايديك .. هعوز ايييه تاني "
* احمممم بس انا الل عاوز حاجه مهمه اوي جدددا فووورا ..
- مروان .. حفظتك خلاص بطل بقي
سلمي ف الوقت دا خبطت الباب
مروان بنرفزه : خش .. مين؟؟
سلمي قربت منه بعد مافتحت الباب وهي بتنام ف النص مابينهم
" انا يابابي .. صباح الخير ياحبيبي .. وحشتني ع فكرة اوي "
نور مستغربه
" انت هتنامي فين .. دا مكاني ع فكرة "
سلمي حضنت ابوها اكتر : يامامي عاوزه اقول لبابي حاجه ممكن تسبينا شوويه لوحدنا وتنزلي تفطري
نور بغيظ : بتك بتغير مني ياامروان
ضحك مروان بصوت عالي
" خلاص بقي يانور لو سمحتي اسمعي الكلام وسبيني مع بنتي شويه الله!"
قال مروان جملته وهو بيحضن بنته ويقبل جبهتها
" حبيبة باابي بقي عااوزه اي "
نور بغيظ : ماشي مااشي يامروان .. بكرة الشوق يجيبك
مروان بيعض ع شفته السفليه
نور بعناد وهي خارجه م الاوضه : انسسسي .. خلي بنتك تنفعكككك
سلمي : بابي ممكن تركز معاايا شووويه
* معااكي ي قلب بابي عاوزه تقولي ايه بقي
_ كنت عاوزه نخرج انا وانت سوا نعمل شوبينج ونجيب حاجات لل school طلبتهم مننا المس
* ممممممممممممم بس كده .. المهم المس دي حلوة
_ ودا اي علاقته بكلامي
* احم ولا حاجه .. يلا يلا ننزل نفطر ونشوف الموضوع دا بعدين
_ طب يلا شليني ورا ضهرك زي زمان
■■■
ع السفره كلهمم متجمعييين
نور لاختها: سلمي .. ماما وبابا جاايين امتي
سلمي : حاليا ف الطريق .. كام ساعه وهيوصلو
نور : يوصلو بالسلامه يارب .. محمد المستشفي مااشيه تمام ؟
محمد وهو بياكل : تقلقيش يانور انا اسبوعيا ف قنا وبشرف ع كل كبيره وصغيره .. وكمان كنت لسه بقول لسلمي نعيش ف البلد وكده هيدير المستشفي بنفسي احسن بدل التشتت دا
سلمي بحده : لا يامحمد ومدارس ولادنا .. ماينفعش
منيره: اششششش بطلو كلام وكلو يلا
مروان جاي وشايل بنته : ايه دا يالولي الحقي دول اكلو من غيرررنا
نور بغيظ : لا والله .. واي الروقان دا بقي ..
مروان بوشوشه : انزلي طيب ويلا ناكل احسن امك شكلها ناوياها
■■■
مريم بتفتح الستاير: يااااياسين اصحي بقي كفايه نووووم .. هو دا الل هاخد اجازه عشانك ي مريومتي ياحبيبتي
ياسين بصوت كله نوم : عاوزه اي بس .. اقفلي النور دا
مريم بعند : لااااا.. وقوم يلااا
ياسين بخبث : احمم تعالي قوميني طيب
مريم مسكت ايده : قوووم بقي يلا وبطل دلع
ياسين بكل قوته جذبها لحضنه : بس اي الجمال دا ..
مريم ابتسمت : بطل دلع وقوم عشان منتاخرش كلهم مستنينا ع الغدا
ياسين طبع قبلته ع خدها
" بطلي فصلااان وخلي الواحد يركز بقي "
* اييييه بقي ..
_ وحشتيني
قبل ماتجاوبه سمعت صوت بنتها بصرخ
" لين ياياسين صحيييت .. اوعي بقي اقوم اشوفها"
وسابته وجريت ع بنتها
ياسين بقهره : منا مش دافع مليون جينه ف الجوازه عشان تقولي اوعي بقي .. يعني ياربي ولا مارسنا حب قبل الجواز ولا بعد اول عيل .. خلاص ع كده.. انا بدات اتوغوش .. اي النحس دا
■■■
" الحمد لله رب العالميين "
قالت نور جملتها وهي ترتشف كوب المياه
* هنا وشفي ياقلبي
_ تسلملي ياحبيبي .. يلا يااولاد .. كلكم تخلصو الهومورك بتاعكم قبل العصر .. والل هيخلص الاول ليه مني هديه حلوووة
لوجين : انا خلصتو كله يامامي بالليل قبل الوويكككك اند
نور: شطوورة انتي .. والبهوات التانين عملو ايه
لوجي: وانا كمان باقي كوايز صغنن واخلص ..
نور : والبكري عامل ايه ؟؟
محمد بسخريه : البببسسسسس ياعم يوسف ..
يوسف : ياماما عاوزك تتاكدي انك هتنبهري
نور بحده : يوووسف نشددد ونتلمممممم وانت فاهمني
* مش فارقه بقي يامامي كده كده هدخل شرطه وابقي ظابط زي خالو عمر
_ نعمممم ياروح امككك .. لا ياحبيبي تدخل طب الاول وتحقق الل انا عاوزاه وبعدين ادخل الل انت عاوزه .. فاهم
* لقد وقعنا ف الفخ
مروان حاول يغير الموضوع .. قام مسكها من ايدها
" طب ايييه نتكلم شويه بقي .. بعد اذنكم ياجماعه "
■■■■
" اي يامروان الطريقه الل انت اخدتني بيها من وسطهم دي"
مروان سحبها وقعدها ع الارجوحه
" وممكن اعرف اي الل بتقوليه ليوسف دا "
* مروان مالكش دعوة .. دي حاجه محسووم امرها .. ولادنا مش هيبقو غير دكاترة
_ هههههههههه .. اي الرجعيه دي !!.. بقي الدكتورة نورهان الشرقاوي الباحثه العالميه ف جامعات كاليفورنيا لمرضي السرطان .. بتفكر بالرجعيه دي .. هما بتوع طب كرفو عليكي ولا اييه
* ما علينا .. فكك كنت عاوز تقول ايه
_ تؤ مش عاوز اقول حاجه .. عاوز اسمعك
حضنت كفييه بكفيها
_ قلبي عاوز يسمع ايييه
قبل اناملها برفق
* حااسس جواكي كلام كتير ..شغلي وابحاثك خدتنا من بعض .. وانا جاهز اسمع كل دا
ابتسمت وسرحت في عيونه
" انت جنتي يامروان .. انت السند اللي بجد .. عملت كل حاجه تفرحني .. حققلتلي كل احلامي .. عملتلي المستشفي الل بحلم بيها لحد مابقيت من اكبر المستشفيات الخيريه .. وقفت ف ضهري لحد مااثبت ذاتي وكياني وبقيت الدكتورة والباحثه نورهان الشرقاوي .. معايا منك ٤ قطع من الجنه .. ولادنا ❤ .. وبس كفايه انك جمبي مش عاوزه حاجه تاني"
ضمها لصدره : ربنا يمد في عمري واعوضك عن كل ثانيه اتوجعتيها .. نفسك ف اي يانور
* نفسي افضل كده ف حضنك ع طول
_ مافيش قوه هتخرجك منه .. مقولتليش بقي اي القنبله الل هتفجريها ف المؤتمر
* احممم .. مفاااجئه قولت
- طيب فووكيره صغننه لجووزك
* تؤؤؤتؤؤؤؤ .. صحيح قولي .. نادين وحازم وكل دا حصل فيهممم اييييه ؟؟
_ مممممممممم ليه العكننه دي بس
* قولي بس
_ ياستي دول ناس ملهمش ولا اصل ولا فصل .. سقطت من عنهم الجنسيه واعتقالوهم وحاليا معرفش عنهم حاااجه .. كل الل صعبان عليا بناتي .. فاكرينها ماتت وياريتها مااتت فعلا
المهم سيبك انتي مش عاوزك غير تركزي ف المؤتمر وبسسسس فااهمه
* متقلقش عليا😎 وراك رجااااله .. تعالي يلا نشوفهم واكلم ماما وبابا كمان اشوفهم وصلو لفين ..
_ احمممم خليكي فااكرة انك بردو ماقولتيش ولا فوووكيره حتي بخصوص المؤتمر
* 😂😂😂😂😂قولت ف المؤتمر الله!!