مابين الحلم والحقيقة (دار الايتام 2)
بقلم اميره اسامه
الفصل الاول والثاني
مقدمه...
كل واحد فينا جه الدنيا دي وهو عارف كويس اوي ان هيجي يوم تاني ويمشي ويسيبها
حياتنا فتره محدش عارف امته هتخلص بس خلينا متفقين ان احنا بعد ما بنيجي الدنيا بنعيش واحنا منعرفش حاجه عن بكره ولا أيه اللي هيحصل فيه بنعيش اليوم بيومه سواء كان حلو او مر لكن محدش فينا جرب انه يعيش حياة كاملة بتفاصيل كتير وفي الاخر يلاقي نفسه صاحي من النوم وحياته اللي عاشها دي كانت مجرد حلم يمكن تكون حصلت مع ناس كتير بس المرعب لما تصحى من الحلم تلاقيه بيتحقق وتضطر انك تعيش الحياه اللي شوفتها في حلمك لكن المرادي على ارض الواقع والاصعب لما تصحى من حلمك اللي حياتك انتهت فيه وتعيش نفس التفاصيل في الواقع وانت عارف ان ممكن تموت تاني الموت مش وحش ولا هو حاجه تخوف بس اللي يخوف انك تسيب حد بتحبه اللي يخوف الفراااااااق.....💔💔💔
مابين الحلم والحقيقيه🥺ج٢ من دار الايتام
بقلم اميره اسامه
الفصل الاول
الساعه السادسه ق🕕
أشرقت السماء بنور الشمس🌇 الدافئ على القاهره تحديدا في خان الخليلي...❣️
في شقه حاج محمد..📻
ياصباح الخير ياللي معانا ياللي معانا الكروان غنا وصحانا والشمس اهي طالعه وضحاها والطير اهي سارحه في سماها يلا معاها يلا معاها يلا معاها ياصباح الخير ياللي معانا ياللي معانا....
ياحلو صبح يا حلو طل ياحلو صبح نهارنا فل ياحلو صبح ياحلو طل ياحلو صبح نهارنا فل...
الساعه الان السادسه والربع ...هنا القاهره...بالسلامه ياحبيبي بالسلامه بالسلامه تروح وترجع بالسلامه بالسلامه ياحبيبي بالسلامه بالسلامه تروح وترجع بالسلامه عزيزي المستمع في طريق السلامه صباح الخير صاحبتك السلامه...📻📻
تمارا...يا سيدي يا سيدي على الروقان على الصبح وريحة الفطار اللي قالبه الحسين والخان وكل مكان فيكي يامصر
حاج محمد ...صباح الفل على احلي تمارا في الدنيا
تمارا...صباح النور يا بابا
حاج محمد...امال فين اخواتك
تمارا...زهره في الحمام ونور بتحضر هدومها لحد ما زهره تخرج وعشق بتصلي الصبح
حاج محمد...ربنا يتقبل منها انتي صليتي ولا لسه
تمارا...صليت الحمد لله انا اصلا من ساعةة الفجر ما أذن مجاليش نوم قولت ادخل اخد شاور واظبط نفسي قبل ما يصحو بدل خناقه كل يوم مين يدخل الاول
خلصت ودخلت الاوضه لبست وفضلت اقرأ قرآن
حاج محمد ...بضحك اهي خناقه كل يوم دي انا بستناها حرمتيني منها انهرده
تمارا..بضحك انت جيت في جمل ملحوقه بكره ياسيدي هنقطع بعض ادام الحمام ولا تزعل نفسك
حاج محمد....بضحك انتي مصيبه يا تمارا.
تمارا...قولي بقى عايزني اساعدك في ايه
حاج محمد...انا خلصت خلاص خدي الاطباق عل السفره وانا جاي وراكي بالشاي
تمارا....طيب يا احلى بابا. بقول ايه يا ريت ننجز بقى مش ناقصين رغي كل يوم عندنا شغل كتير في الشركه انهرده
حاج محمد...حاضر متقلقيش هنفطر وننزل بسرعه
تمارا...ماشي أشطا...خرجت تمارا بالاطباق...
عشق...صباح الخير
تمارا...صباح الفل عالقمر بتاعنا
عشق...امال فين بابا
تمارا...بيعمل الشاي وجاي ورايا
عشق...ماشي
دخلت عشق عليه المطبخ صباح الخير يا بابا
حاج محمد....بأبتسامه جميله...يا صباح الرضا القمر بتاعنا صحي
عشق....انا صحيت من شويه بس كنت بصلي وكنت براجع شويه في الملازم
حاج محمد ..ربنا ينجحك انتي واخواتك يارب واشوفكم احسن الناس
عشق ..يارب ويخليك لينا يا اطيب انسان فس الدنيا...يلا روح بقى على السفره وانا هجيب الشاي واجي
حاج محمد انا خلصت خلاص يلا بينا نخرج سوا
زهره صباح الخير
الجميع صباح النور
زهره...الله الفطار شكله حلو اوي
نور...شكله بس طب بالنسبه لريحته اللي قالبه الدنيا دي.
حاج محمد وهو بيضربها بخفه على راسها طيب قولي صباح الخير الاول.
نور....صباح الخير
الجميع....صباح النور يا نور
نور...😒😒😒عرفت بقى مقولتش ليه عشان الاستظراف ده قال صباح النور يا نور قال
تمارا...لا خناقة كل يوم ورغي كل يوم يارب ننجز بقول ايه انا جعانه وعندي شغل عايزة الحق انزل ورانا شغل كتير انهرده.
نور....بت انتي من ساعة ما اشتغلني في شركة السيوفي وانتي مش عجباني 🤨🤨اتعدلي عشان مزعلكيش
زهره....تقصدني انها شافت نفسها صح 😁🙄
نور...اه 😁🙄
تمارا وهي بصالهم بغضب 😡😡اتلميتوا على بعض بصوا لولا اني مش عايزه اضيع وقتي كنت روقتكم بعلقة كل يوم بس يلا هخليها عليا المرادي بس اوعدكم لما اجي بليل همسي عليكم بعلقه اتنين في واحد زي الشامبو كده😒😒
عشق...بطلوا بقى شغل العيال ده ويلا افطروا الاكل هيبرد
حاج محمد..بابتسامه ربنا يخليكم ليا يا بنات غيرتوا حياتي انا ونور مبقتش اقدر اتخيل حياتنا من غيركم ابدا. الشهرين االي اعدتوهم معانا كأنهم يومين بس
عشق...ولا احنا والله يابابا بس على فكره هما شهرين ونص🤭😂
تمارا....ربنا ما يحرمنا منك يارب ولا من الرخمه نور😡😡
نور...😂😂 ده انتي حبيبتي يا توتي
عدى الوقت بين البنات في هزار وضحك ومشاكسه بينهم....واخيرا خلصوا فطار
حاج محمد...يلا يا تمارا عشان منتأخرش
تمارا...يلا بينا.
حاج محمد....هترجعي امته يا نور
نور...انا عندي محاضرتين وسكشن هخلص وارجع على طول يعني ممكن على العصر كده
حاج محمد...وانتي يازهره مش رايحه لنور
زهره...لا يابابا مش هينفع اسيب المحل انا جبت اللي ناقصني يوم الحد لما روحتلها هخلص شغل واطلع على طول.
بص حاج محمد لعشق بأبتسامه وسكت
عشق....بأبتسامه هاديه انا مش هنزل انهرده ادور على شغل انهرده الخميس فقررت اعد بقى اعملكم اكله حلوه واظبطلكم
السهره بتاعة كل اسبوع وبصراحه كده تعبت من كتر التدوير على شغل اكيد مستسلمتش بس انهرده خليني مرتاحه ومن بكره هنزل
حاج محمد ...مش عايزك تزعلي يابنتي ربنا لسه مأذنش بشغلك وبامر الله هيرزقك بشغلانه كويسه بحق تعبك ولفك ده
عشق...مين بس قالك اني زعلانه بالعكس وبعدين كفايه ان زهره وتمارا لقوا شغل الحمد لله هنطمع بقى اكيد مش كلنا هنشتغل على طول ربنا هيسهلها ان شاء الله..
حاج محمد...يارب.
دخلت عشق المطبخ تدخل اطباق الفطار.
تمارا...بحزن عشق صعبانه عليا اوي لحد الوقت ملاقتش اي شغل وحساها مضايقه
زهره...عشق اصلا متغيره من يوم بابا لقانا دي مش طبيعة عشق دايما حساها في عالم تاني وكانها بتفكر في حاجه طول الوقت..
تمارا...فعلا في حاجه مضيقاها.
نور....فعلا هي مضايقه بس مش حابه تبين ماتشوفلها هي كمان يابابا شغل زي تمارا في الشركه
حاج محمد ...والله يا بنتي انا بفكر في كده بس بقول استنى شويه خصوصا ان تمارا لسه مستلمه شغلها من اسبوعين مش عايز ليل يحس اني بستغل حبه ليا عيزالها ترتيب وبامر الله ربنا هيرتبها وقريب هتشتغل معانا
زهره...ان شاء الله طب يلا بقى انا نازله عشان متأخرش..
حاج محمد ...يلا احنا كمان نازلين سلام يا عشق يا بنتي
عشق.....سلام يا بابا سلام يا بنات
نزل الجميع...
اما عشق فبعد ما خلصت تنضيف البيت دخلت اوضتها اعدت على السرير بشرود وهي بتفكر....لمحت بعينها كشكول مذكرات بتاعها...ابتسمت وفتحته...
عشق عمرها ما فكرت تكتب مذكراتها ولا حتى اهتمت لان بأختصار مكنش عندها حاجه تكتبها حياتها كانت فاضيه ملهاش اهل ولا ليها اي ذكرى حلوه تكتبها كل ذكراياتها كانت
قاسية وصعبه مكنتش محتاجه انها تكتبها لانها مكنتش بتنساها بالعكس كانت بتحاول على قد ما تقدر متفكرش في ذكرياتها في الدار وفي اهلها اللي هي متعرفهمش
لكن ابتدت تكتب مذكراتها من اليوم اللي حاج محمد لقاهم فيه...
كل حلمها تنقل بخط ايدها على ورق في الاول عشق كانت مضايقه جدا ان كل ده كان حلم مكنتش قادره تصدق ان ليل مش موجود وان كل اللي شافته مش حقيقه بس بعد كده
ابتدت تتأقلم واللي كان مصبرها هو وجود حاج محمد اول حد شافته في بدايه الحلم وهو نفسه اول حد شافته بعد ما صحيت من الحلم اطمنت ان احتمال تلاقي ليل من تاني ....
عشق....مسكت قلمها وابتدت تكتب...
اليوم 7/2/2020
الساعه 8:17دقيقه..
يمكن اكون لسه مفوقتش من صدمة الحلم يمكن يكون كل اللي حواليا ملاحظين تغييري خصوصا تمارا وزهره لانهم
يعرفوني اكتر من بابا ونور كان نفسي اوي اتكلم واحكي كل حاجه جوايا بس اقول ايه ولو قولت ياتري حد هيصدقني اذا كنت انا مش مصدقه اللي حصل...
يمكن كنت بحلم احلام بتتحقق ويمكن كنت لما بحس بحاجه بتحصل لكن اني احلم حلم واصحى الاقيه بيتكرر طب ازاي...
مين هيصدقني...؟؟؟
يمكن كلهم مضايقين اني لسه ملاقتش شغل بس انا كدبت عليهم واللي هيجنني اني يمكن اكون لاقيت الشغل ده من تالت يوم وصلت فيه بيت بابا محمد ولقيت نفسي رجلي
بتاخدني على طول على العياده اللي كنت بشتغل فيها طب ازاي عرفت المكان والطريق وانا عمري ما خرجت من الدار غير للضروره
يمكن الحاجه الوحيده اللي كانت نفعاني من الحلم ده اني تقريبا كنت بمشي في كل مكان وكأني عرفاه من زمان... بس مقدرتش اقولهم ان في شغل ادامي فقررت اني مشتغلش ازاي
اشتغل وانا عارفه ان تمارا هتعمل حادثه....بس اللي خوفني ان تمارا عملت الحادثه ومقدرتش امنعها في الحقيقه انا قررت اني اغير كل حاجه حلمت بيها بس مقدرتش امنع القدر وده
خوفني اكتر حاجات كتير اوي من حلمي اتحققت ظهور بابا ونور شغل زهره في نفس المحل شغل تمارا في شركة السيوفي حادثة تمارا ظهور هايدي والغريبه....اني مش بس
حلمي بيتحقق انا كمان بقيت اشوف اللي كان بيتحكي من بعيد زي مثلا مشي جاسر ورا تمارا بعد ما خرجت من المستشفى....
بعد ما تمارا راحت المستشفى وبعد ما انا مقدرتش امنع تحقيق الحلم ده....قررت اني مدخلش وراها المستشفى وفضلت واقفه من بعيد براقبها لحد ما خرجت وخدت تاكسي وراها.....او ورا جاسر اللي كان ماشي ورا تمارا....
ويمكن جاسر كان تالت شخص اشوفه بعد ما شوفت بابا محمد ونور....انا بكتب وانا بعيط وبضحك في نفس الوقت اصل اللي بقوله ده غريب ويخوف. ويقلق.....
المشكله مش في كل ده.....المشكله
اني لازم اقوم البس وابتدي اجهز من الوقت واروح ادام الشركة
أصل انهرده بيوافق نفس اليوم اللي بابا اتوفى فيه وعمل الحادثه ياتري هقدر الحقه وامنع موته او امنع ان الحلم يتحقق..... 🥺🥺🥺🥺🥺🥺🥺
مابين الحلم والحقيقة (دار الايتام 2)
بقلم اميره اسامه
الفصل الثاني....
عشق.......🖋️🖋️
أحساس صعب اوي لما تتفاجئ بموت حد غالي عليك.💔 بتحس بعدها ان ضهرك اتقسم او أنك أتعريت وسط ناس كتير كلهم شايفينك وانت ومش قادر حتى تغطي نفسك وقتها
بتبقى تايهه مش سامع اي حاجه ولا حتى شايف و حرفيا انت عقلك في مكان تاني انت نفسك مش عارف هو فين بتحاول على اد ما تقدر انك تجمع نفسك بس في حاجه غصب عنك
بتمنعك بتحس كأن كل الحواس بتاعتك وقفت إلا خطوات أقدامك وبس هي اللي ماشيه ومكمله.......بس الاصعب من كل ده لما تبقى عارف ان في حد غالي عندك هيموت في
توقيت معين وانت بس اللي عارف لا انت قادر تتكلم ولا انت عارف أذا كنت هتقدر تبعد الموت عنه ولا لا....صحيح محدش فينا بيقدر يمنع موت إنسان..لانه مكتوب بس في أسباب ربنا بياخد بيها...
عشق.....سألت نفسي كتير اوي هو انا ليه حلمت؟؟؟طيب هو انا ليه صحيت من الحلم ؟؟؟؟ طيب مش يمكن اكون لسه بحلم اصلا؟؟؟؟؟ طيب مش يمكن اكون انا مكنتش بحلم واضربت فعلا بالرصاص وانا الوقتي في غيبوبه واللي حاصل ده اصلا حلم🙄؟؟؟
طيب ليه هو كان حلم اصلا ليه مفضلش حقيقه وانتهت بموتي وخلاص؟؟؟أصل أستحاله اكون حلمت عشان اصحى والحلم ده يتحقق من تاني كل دي أسأله كانت في بالي من يوم ما
صحيت من الحلم وشوفت قصادي بابا من تاني.......بس اخيرا وصلت لاجابه تريحني عالاقل شويه من دوامة الاسئله اللي مش قادرة الاقيلها إجابه👌يمكن دي رساله من ربنا ليا عشان اقدر امنع حاجات كتير هي بالفعل ممكن تكون هتحصل أمنع
موت بابا أمنع انتقام هايدي من تمارا امنع فضيحة نور ونوح من سامر وهايدي وريما امنع عم ليل من انتقامه منه امنع حاجات كتير اوي ممكن تحصل يمكن اكون مقدرتش امنع حادثه تمارا مع ان كان فاصل بيني وبين اني انقذها خطوات
بس حاجه وقفتني من بعيد أشوف الحادثه حتى من غير ما انطق ولا اصرخ لما شوفتها واقعة وفاقدة الوعي.يمكن وقتها حسيت اني في كابوس مش قادره اتحرك واجري عليها مش قادره اصرخ بأسمها عشان تنتبه وما تتخبطش بالعربيه
احساسي وقتها وانا شيفاها واقعه عالارض والناس حواليها كأن حد شال قلبي من جوايا ورماه ي فالارض وداس عليه حتى دموعي رفضت انها تنزل وكأني مطمنه انها هتفوق منها ومش هيحصلها حاجه غير ان ايدها بس هي اللي هتتصاب
اصل اللي خلاني أصحي واشوف بابا ونور واشوف عيادة الدكتور واشوف المحل اللي اشتغلت فيه زهره واشوف الشوارع بكل التفاصيل اللي حصلت يخليني اطمن ولو واحد فالميه ان تمارا مش هيجرالها حاجه وفعلا كل حاجه حصلت
زي الحلم من وقتها بس وانا بقيت واثقه ان كل حاجه هتمشي زي الحلم وبالرغم من اني كان ممكن امنع اي حاجه وحشه تحصل لتمارا إلا اني سكت اصل يمكن تكون حادثه تمارا هي الحاجه الوحيده اللي كانت لازم تحصل حادثه تمارا هي
الاساس وهي الحاجه اللي مترتب عليها كل حاجه انا حلمت بيها......فكرت كتير اني امنع حادثه تمارا وبالتالي مكنتش هايدي شافت تمارا ولا حطتها في دماغها وكانت هتتجوز جاسر وبابا مكنش هيموت لانه موته كان بسبب ظهور تمارا
مكنش هيحصل حاجه لنور كنا هنعيش في امان. مكنش حد من الشباب اللي دخلوا علينا عشان يغتصبونا هيدخل علينا...بس مقدرتش مقدرتش اني مشوفش ليل مقدرتش أني مقربش منه يمكن تكون انانيه مني ودي لاول مره في حياتي
اني افكر في نفسي بس غصب عني اصل استحاله يكون حبي لليل كان مجرد حلم وبس لااااااا انا لحد الوقت حبي ليه زي ما هو او يمكن يكون اتضاعف اصل اغلبنا بيحلم وبمجرد ما نصحى لو حلم حلو بنضايق اننا صحينا منه بس شويه
وخلاص بننسى الحلم لكن أني احس ان ليل لسه جوايا ده استحاله يحصل مع اي حد اللي كان مصبرني طول الوقت ده اني خدت رقمه من موبايل بابا من غير ما يحس لان رقمه
الحاجه الوحيده اللي مكنتش فكراها من الحلم....ومن يوم ماصحيت وانا مبقدرش انام غير لما اسمع صوته واطمن عليه واحس انه كويس وأتاكد انه موجود فعلا.......والاهم من كل
ده حتى لو كنت اكتفيت بمنع حادثة تمارا وفكرت اننا نعيش في امان طيب ما هو ليل في خطر ليل محتاجني اوي ليل لسه ميعرفش مين اللي ممكن يأذيه من اللي حواليه وانا استحاله أسيبه لوحده.👌👌
بعد وقت طويل من الكتابه...
سابت عشق القلم من ايدها وقررت تقوم تجهز وتنزل....وفجأه الباب خبط..
عشق....مين
نور....افتحي يا عشق انا نور
عشق...باستغراب بصت في الساعه كانت داخله علر 9الصبح.....نووور؟؟
فتحت عشق الباب....ايه ده انتي ايه اللي رجعك فيكي حاجه
نور...لا انا بخير الحمد لله بس المطر بره مغرق الدنيا والجو وحش اوي.. وواحده زميلتي قالتلي ان الدكتور لغى محاضرات انهرده حتى السكشن اتلغى فرجعت من الطريق مكملتش خصوصا الجو قالب جدا تحت.
عشق ..المهم انك كويسه الحمد لله
نور...بضحك شوفتي مهونتيش عليا رجعتلك على طول ازاي 😉😉
عشق...حبيبتي بس انا يعني كنت
نور....كنتي ايه مالك يا عشق
عشق...مفيش بس كنت نازله لقيت إعلان عن شغل دكتور بيطري محتاج مساعده معاه فقولت اروح اشوفه
نور...ايوه يا عشق بس ده الجو وحش اوي تحت هتنزلي ازاي
المطره مغرقه الدنيا تحت
عشق...معلش مش مهم دي فرصه بالنسبالي يا نور ماصدقت اني اشوف إعلان شغل ينفع مع تخصصي ادعيلي بس تظبط معايا انهرده واشتغل بقى
نور...يا حبيبتي ان شاء الله ربنا يوفقك بس بردو انا قلقانه عليكي وبعدين انتي من امبارح مرشحه ومش مظبوطه وشكلك كده داخله على دور برد
عشق...ربنا يستر يا نونه سبيني بقى البس وانزل واااه معلش ممكن لو اتأخرت تجهزي الاكل وانا والله هرجع بسرعه اساعدك.
نور ..تساعديني في ايه بس احنا عندنا عزومه ده انا هعملكم اكله إنما ايه هتاكلوا صوابعكم وراها هعملكم شاورما لزوم السهره بتاعة انهرده بمناسبة اني رجعت
عشق...تسلم ايدك يا قلبي 😘
نور...يلا روحي البسي لحد ما اغير هدومي
عشق...حاضر.....
عدى حوالي ربع ساعه كانت عشق لبست بسرعه...
عشق....نور انا هنزل عايزه حاجه
نور...لا يا قلبي خلي بالك من نفسك بس وحاولي تبعدي عن المطر
عشق...حاضر
نور...لابسه تقيل
عشق...يا بنتي متعطلنيش بقى اه والله لابسه سلام بقى
نور....باي البت دي متسربعه كده ليه 🤔🤔🤔
..............
اما في شركة السيوفي..
دخل جاسر مكتب ليل..
جاسر..صباح الخير
ليل...صباح النور اعد
جاسر....لا انا داخل المكتب انا قولت اعدي عليك اشوفك
ليل....ايه زعلان زي العيال الصغيره عشان اللي حصل امبارح من هايدي
جاسر....مين قال اني زعلان انا تمام
ليل...لا والله عليا على فكره انا مكنتش حابب كل ده يحصل بس مينفعش با جاسر الشركة والموظفين يأعدو يتفرجوا على اصحاب الشركه وهما بيتخانقو
جاسر...والله ياليل انا مش زعلان وهايدي اللي غلطت وانا عارف من البدايه ان هي لما تيجي وتشوف تمارا كل ده كان هيحصل
ليل طيب المهم عايز بس اقولك ان تمارا ملهاش ذنب
جاسر ..متقلقش عارف هي اه لسانها عايز قطعه بس متقلقش المهم معرفتش اي حوارها مع عم محمد ولا كبرت دماغك
ليل...انت تعرف عني كده متقلقش كله تحت السيطره وخلاص قربت اعرف ايه حكايتها.
جاسر ماشي ياعم تمام
ليل...تمام يا صاحبي يلا روح شوف شغلك لحد ما يجي معاد الاجتماع
جاسر...تمام
عدى الوقت بسرعه وابتدا الاجتماع
في الوقت ده كانت عشق واقفه تحت ادام الشركه بقالها اكتر من ساعه باصه عالشركه بشرود شيفاها بكل تفاصيلها كأنها شافتها قبل كده مش مصدقه ان بيفصلها عن ليل خطوات بسيطه وخلاص اخيرا هتشوفه بعد غياب اكتر من شهرين....وقفت سرحانه ومش حاسه بالمطر اللي نازل عليها وابتدت تقول عشق لنفسها..
انا هطلع اقول ايه لبابا وتمارا هقولهم اني جيت ليه؟؟؟ طيب الاهم من ده كله ازاي امنعهم يخرجوا انا خلاص هتجنن...انا هدخل واللي هيجي في بالي هقوله والاهم اني لازم امنع موت بابا واللي يحصل يحصل..
دخلت عشق بخطوات بطيئه وضربات قلب عنيفه وكأنها مغيبه تماما كل خطوه بتمشيها هي عرفاها حاله من الدهشه والخوف والذهول كانت مسيطره عليها...
الامن...يا انسه على فين.
عشق...طالعه لبابا او يعني زي ما بتنادوله حج محمد
الامن....حضرتك بنت حاج محمد
عشق..ايوه هو مستنيني فوق
الامن...طيب اتفضلي بس عارفه الدور
عشق...عارفه.
الامن...تمام اتفضلي
طلعت عشان وكل ما تقرب ضربات قلبها تزيد وصلت ادام مكتب عم محمد سابته واتجهت على طول على مكتب ليل
قابلت عشق نفس الموظف اللي شافته فالحلم
عشق....لو سمحت
الموظف....اتفضلي
عشق... بابا مش موجود في مكتبه هو مع مستر ليه في الاجتماع
الموظف...هو حضرتك تقصدي مين مفيش جوه غير عم محمد
عشق...ايوه هو.
الموظف...حضرتك نور بنته
عشق...لا قوله عشق
الموظف...متنح في جمالها عشق حاضر حاضر هو عموما الاجتماع خلص وانا هدخل لمستر ليل الورق وهبلغه
عشق...تمام.
دخل الموظف جوه سلم ليل الملف.
ليل...شكرا اتفضل
الموظف...ايوه بس
ليل...في ايه
الموظف...في بنت بره بتقول انها عايزه حاج محمد.
ليل....بنت
حاج محمد...عيزاني انا مين دي
الموظف...بتقول بنتك
حاج محمد بخوف هو تمارا مع بعض...نووور
ليل...طيب خليها تدخل فورا احنا خلصنا
الموظف...لا هي مش نور هي بتقول ان اسمها عشق.
ليل...عشق
قام حاج محمد هو وتمارا وقفوا بخوف.
حاج محمد.... استر يارب
ليل....دخلها🤨
خرج الموظف لعشق وقالها تدخل...
دخلت عشق بخطوات بطيئه قلبها بيدق بعنف رهيب خبطت براحه وفتحت الباب....ومن اول ما فتحت الباب وهي مركزه عينها على نقطه واحده بس ليل❣️
دخلت من غير ولا كلمه وعينها مانزلتش من عليه لدرجه ان الجميع كان مستغرب
حاج محمد....عشق في ايه يا بنتي انتي فيكي حاجه طمنيني
عشق.......سكوت تام
تمارا...عشق في ايه ردي نور وزهره فيهم حاجه ايه اللي جابك
حاج محمد...ماتردي يابنتي قولي مالك.
حست عشق...ان الكلام كان صعب انه يطلع مش عارفه ترد مش قادره تتكلم مش مصدقه انها شايفه ليل مش عارفه تقول ايه سبب انها جت مش قادره تتكلم
نوح....طيب براحه عليها ياجماعه شويه انتي كويسه
جاسر....مين دي يا حاج محمد.
أسئله كتير كانت بتتسأل من كل واحد فيهم للتاني حاج محمد وتمارا بيسألوا عشق عن سبب وجودها جاسر بيسأل حاج محمد مين دي...ادم كمان بيسأل نوح بيحاول يعرف ويهدي الموقف..
لكن عشق وليل وكأن اصابهم سهم الصمت الاتنين باصين لبعض وساكتين
حاج محمد...يابنتي ردي سيبتي مفاصلي كلمي نور يا تمارا بسرعه اطمني عليهم..
اخيرا عشق اتكلمت...لا انا كويسه وهما بخير متقلقش يا بابا
تمارا...امال في ايه جيتي ليه ومال شكلك.
عشق...مفيش والله انا بخير اطمنوا
حاج محمد...نطمن ازاي انتي وشك اصفر د وجسمك بيتنفض وكأنك شايفه عفريت نزلتي ليه من البيت
عشق...صدقني انا بخير ممكن اكون بس خدت برد انا بس نزلت عشان لقيت اعلان شغل عند دكتور بيطري فقولت اشوفه يمكن الاقي شغل
تمارا...تقومي تنزلي في الجو ده
حاج محمد...طيب بردو انتي جيتي هنا ازاي وعرفتي العنوان منين وايه اللي جابك
عشق...ارتبكت انا انا مش فاكره سمعت العنوان من حضرتك او من تمارا وجيت لاني نسيت المفتاح في البيت ولما الجو قلب معرفتش اروح فين وخوفت اروح الشقه افضل اعده كتير عالسلم.
تمارا.....طيب ما زهره في الشغل وقالت مش رايحه الجامعه كنتي خدتيه منها.
حست عشق انها ارتبكت اكتر ومبقتش عارفه ترد.
واخيرا ليل انقذ الموقف.
ليل....خلاص يا تمارا بقى وانت ياراجل ياطيب أهدى المهم ان مفيش حاجه حصلت اتفضلي اعدي يا انسه استني معانا احنا خلاص خلصنا
هزت عشق دماغها بهدوء واعدت مصدقت وكأنه انقذها من سؤال ملهوش اجابه
حاج محمد...الحمد لله دمي نشف
ليل...نرجع لشغلنا تاني بقى
كمل ليل الشغل وهو دماغه مشغوله ومش مصدق اي كلمه من كلام عشق ارتباكها وخوفها وكلامها اللي مش مترتب كانوا بيأكدو كل شكه لكن قرر انه يتجاهل اللي حصل
عدى الوقت بسرعه وخلصوا ولسه عشق في دوامه ازاي هتقدر تنقذ حاج محمد
تمارا...عشق انا هروح المكتب الم حاجتي بسرعه وارجعلك
حاج محمد...يلا نستناها في مكتبي.عايز حاجه يا ليل يا ابني
ليل...تسلم يا راجل يا طيب...نورتي يا انسه
حاج محمد..عشق اسمها عشق نسيت اعرفك دي اخت تمارا وفي اختهم التالته اسمها زهره..
ليل...نورتي.
عشق...شكرا.
خدها حاج محمد وراح عالمكتب حاول يطمن منها لان هو كمان مقتنعش
عشق...صدقني يا بابا مفيش اي حاجه والله اطمن انا اللي شكلي هتعب
حاج محمد...ربنا يستر باين على وشك ياريتك مانزلتي
عشق...حصل خير هبقى كويسه..
دقايق وكانت تمارا دخلت المكتب اطمنت على عشق ونزلوا مع بعض ومع كل خطوه كانت عشق بتحس ان قلبها هيقف من الرعب.
وقفوا ادام الشركه وفضلت عشق عينها على باب الشركه مستنيه نزول ليل وجاسر وادم ونوح.
واخيرا ظهروا ادامها..
قربوا منهم
ليل...ايه ياراجل يا طيب واقفين كده ليه.
عشق...كانت بتسمع كل كلمه بتتقال وكأنها فلاش باك للحلم كانت بتردد الكلام بداخلها قبل ما يتقال منهم
حاج محمد...مستنين تاكسي او اي مواصله.
ليل...مواصله ايه الوقت يا راجل يا طيب يلا تعالي انا هوصلكم
حاج محمد...لا توصلنا ايه بس احنا هنروح
ليل..الجو قالب ومش هينفع تروحوا ولا اصلا هتلاقوا حاجه توصلكم...
في اللحظه دي....بصت عشق على اول الطريق وكأن المشهد بيتعاد من تاني وهي بتلمح العربيه جايه من بعيد شكلها كان يخوف مش سامعه اي حد فيهم هما مستغربين شكلها
تمارا...عشق انتي كويسه
حاج محمد...مالك يا عشق يا بنتي
حست عشق انها متكتفه لتاني مره زي ما حصل مع تمارا لا قادره تتكلم ولا تصرخ ولا تنقذها حست ان نفس اللي حصل هيحصل مع حاج محمد قررت انها تتغلب عالكابوس اللي ماسك جسمها ولسانها ومسيطر عليها.
ليل...انسه عشق في حاجه؟؟انتي كويسه؟؟؟
بصتله عشق بسرعه واستغرب الجميع من كلامها وخصوصا انها اتكلمت معاهم من غير القاب والمفروض انها اول مره تشوفهم ويشوفوها...
عشق...والدموع بتجري بسرعه من عنيها..ليل ....انا عارفه انك مبتثقش في اي حد بسهوله بس ارجوك حاول تثق فيا وفي اللي هقوله انا عارفه انك مستغربني الوقت بس ارجوك مش
وقته ارجعوا لورا كلكم بسرعه في عربيه جايه من بعيد عايزه تخبط تمارا وتموتها بس جاسر هيلحقها وبابا هيتخبط وهيموت ارجوك اوعي تسيبه يموت
الكل كان باصصلها باستغراب مش فاهمينها ولا فاهمين تقصد ايه
ليل....انا مش فاهم حاجه
عشق...ارجوك مش وقته ارجعوا لورا بسرعه.
تمارا....بخوف مستر ليل اسمع كلام عشق ارجوك
رجع الجميع على الرصيف الفاصل للشركه وفي اقل من ثواني كان صوت اصطدام العربيه وصرخه عملت صدى صوت في المكان 🙄🙄
لقراءة الجزء الاول كاملة من هنا