حب بنت الشوارع (حياه الصقر) 16
بقلم ملك اسامه
الفصل السادس عشر والسابع عشر
صقر اتجمد مكانه مش عارف يعمل إيه و إيده علي الاوكرا بيتنفس بسرعه حاول يفوق نفسه و قرب من التسريحة فتح الدرج و طلع المسدس بتاعه فتح موبايله اتصل بعمار..»
*عند عمار *
كان لسه هيقرب من البنت بس موبايله رن طلعه من جيبه و أستغرب إن اللي بيرن عليه صقر فتح.»
عمار: الو ياعمناا آيه وحشتك
صقر: عمارر اسمعني تعالي الڤيلا و معاك الشرطة بسرعه
عمار: شرطة ليه و في إيه!!
صقر: مش وقته تعالي بسرعه و متجبش حياه
عمار كان هيرد بس صقر مداهوش فرصة و قفل.. عمار طلع اوضته بسرعه و لبس و هو خارج حياه خرجت من أوضتها و وقفت قدامه و عمار رفض إنها تيجي لكن هي نزلت و ركبت في العربية فأضطر يأخدها.»
*عند صقر *
فتح الباب براحه و أخد نظرة بعيونه قدر يحدد العدد اللي تحت و اللي قدامه و قدام الأوض خرج براحه و سحب الراجل
اللي قدامه في الأوضة و كتم بوقه و ضربه بالمسدس علي دماغه فقد وعيه سمع دربكة قدام أوضته فهم أنهم أتجمعوا
كلهم قدام بابه و دا اللي كان عايزه فتح الباب و المسدس كان لسه في إيده و بدأ يضربهم و لأنه عارف إيه الإصابات الحيوية و إيه لا مكانش بيموتهم مجرد إغماء و بس و مهتمتش
بالإصابة اللي جت في كتفه مع الأصوات دي كلها الكل صحي و وليد و عاصم طلعوا بمسداستهم و وليد مع صقر فضي الموضوع..»
*في عربية عمار*
بيسوق بسرعه و الشرطه وراه وصل و نزل و منع حياه إنها تنزل و دخل هو و الشرطة خبطوا و اتفاجئوا بالمنظر.
صقر بتعب و هو بيبصلهم:متخافوش إصابات عادية هيفوقوا يعني
عمار بصله و لاحظ تعبه و بص علي كتفه:إيه يا صقر الغباااء دا إيدك بتنزف
صقر:مش مهم
مكملش الجملة بسبب أنه فقد وعيه..عمار قرب منه و سنده هو و وليد و طلعوا حطوه في الإسعاف اللي جت إحتياطي.»
الشرطة اتعاملت مع الموقف و أخدوا الناس و أخدوا أقوال الكل و مشيوا.»
*في المستشفي*
عمار هو و حياه و وليد مع صقر و حياه بتبصله بدموع.
صقر:أهو عشان كدا قولتله ميجبكيش
حياه ضربته في كتفه:والله
صقر:اهههه كتفااااي
حياه:ياارب التاني
صقر:أهون عليكي طيب!!
حياه:لا متهونش
عمار:يالله علي المحن
صقر:اللي غيران مننا يعمل زيناا
عمار:هو مش غيرة خاالص دا أنا هرجع في وشكوا من المحن دا
كلهم ضحكواو صقر:يلاا عايز اروح
وليد:يلا كدا كدا الدكتور كتبلك علي خروج
صقر قام و حياه قربت تسنده باس رأسها:أنا بخير مش محتاج تسنديني
حياه:لا محتاج إيش فهمك أنت
صقر ضحك و مشي معاها و عمار و وليد قدامه.»
*تاني يوم *
حياه صحيت صبحت علي أبوها و فطرت معاه هي و عمار و اخدها و نزلوا راحوا لڤيلا صقر و سلموا علي ناهد و عاصم و قعدوا صقر نزل و قعد معاهم و بعدها بوقت وليد و مها و فطروا مع بعض..»
صقر:صح يا بابا معرفتش مين اللي عمل كدا!!
عاصم بصله و بص لناهد:لا
وليد:هو اللي عمل كدا أكيد مختل عقليآ أساسا
صقر بصله و رجع بص لأمه و أبوه بشك:أنتوا معرفتوش مين عمل كدا بجد!!
ناهد:آه يا صقر في إيه
صقر:لا مفيش
حياه بصتله بعنف عشان لاحظت نظراته
صقر بصوت واطي:آيه!!أنا حساس أنهم عرفوا حاجه
حياه:متبصلهمش كدا دول ابوك و امك
صقر اتنهد و كمل أكله و الكل بيأكل في صمت.»
*مر اسبوع في تجهيزات كتب الكتاب و صقر نسي حكاية التحقيق دي و الكل بقي مشغول في التجهيزات *
*في يوم *
صقر كان في الشركة و رقم غريب أتصل بيه رد.»
صقر:الو
علي الجانب الآخر:مش ناوي تعرف عمتك قتلت مين ولا ايه!!
صقر:مين
مفيش رد و الشخص قفل صقر اتعصب و خرج من المكتب ركب عربيته و وصل قدام الڤيلا نزل بخطوات سريعه و دخل.»
حياه بابتسامة:أهلا صقر
صقر بصلها و بص لأمه:أنتوا برضو لسه معرفتوش مين اللي بعتلنا الناس دول
أمه بتوتر:لا لسه
صوت من ورا:بس أنا عرفت...
*للتذكير عمة صقر هي ام وليد*
حب بنت الشوارع (حياه الصقر) 17
صقر: عرفت إيه!!
وليد و هو بيقرب منهم بجمود و بيقف قدام ناهد: عرفت إن أمي قتلت واحد زمان و المفروض أنه يكون ميت بس هو مش ميت
ناهد: مش ميت!!
وليد هز رأسه: آه مش ميت و هو اللي كان بيهددكوا و هو اللي بعت الناس دي
صقر: و قتلته ليه!! أو حاولت تقتله ليه!!
وليد: كانت سايقة و خبطته معرفتش تعمل إيه فمشيت راحت لبابا و أبوك راحوا مكان الحادثة
مكانش موجود أستنتجوا أنه يكون مات و كل السنين دي بيحاولوا يداروا علي جريمة متعملتش أصلا لأن ولا الراجل مات ولا هي داسته
عاصم من وراه: و دا اللي عرفناه متأخر طلع إن الراجل دا من الناس اللي بيرموا نفسهم علي الطريق
و مماتش و رجع بعد كل دا يهددنا بإنه شافها و هي بتخبطه
صقر بصلهم: و هو دلوقتي أتقبض عليه يعني!!
عاصم: أتحبس بتهمه التهديد و شروع في قتل و عمتك جاية هي و أهلنا عشان فرحك هأخدها و نروح القسم تقول أقوالها و بس
صقر: و خبيتوا علينا ليه!!
عاصم: أكيد مش هقول لوليد أمك قاتلة ولا هقولك أنت إن عمتك قاتلة صح!!
صقر بصلهم و أتنهد: ياريت أي حاجه بعد كدا متخبوهااش عليا ممكن!!
ناهد و عاصم سكتوا و هو أتنهد و طلع و وليد وراه..»
*باليل في أوضة حياه *
صوت همس من البلكونة: حيااه حيااه
حياه قامت من مكانها و طلعت البلكونة.
حياه بصدمه: يخربيتك أنتي بتعملي إيه هناا
البنت: طلعيني بس طلعيني
حياه ساعدت البنت تطلع و دخلتها الأوضة.
حياه فتحت النور: بتعملي إيه هناا ها !!
البنت: عرفت مكانك من الريسة و إنك هتتجوزي قولت لازم أجي عشان أبقي جمبك
حياه بتفهم: فهمت بس كنتي أتصلي بيا مش تعملي كدا أيه منظرك لو أخويا هو اللي شافك
البنت: لاا ما أنا عامله حسابي و درست الڤيلا و عرفت أوضتك فين
حياه: أنتي هنا من أمتي!! و أوعي تقولي أمبارح
البنت بضحكه و هي بتفرد ضهرها علي السرير: من أسبوع
حياه: يالهويييي
البنت ضحكت: إيه!! مكنتش عارفة أدخل الڤيلا دخلت الأوضة اللي تحت و بصراحة الأوضة بتبص علي أوضة أخوكي و هو ماشاءالله قمر
حياه ضحكت و جبتلها هدوم: خدي أدخلي خدي دش و البسي لحد ما ننزل بكرا نجيب هدوم
البنت: اشطااات
أخدت الهدوم و دخلت و حياه بتضحك عليهاا مسكت موبايلها و كلمت صقر و حكلها اللي حصل.»
حياه: أيوة يعني أنت زعلان منهم!!
صقر: أيوة طبعآ خبوا علياا
حياه: مكانش ينفع يقولوا يا صقر مكانش ينفع عشان عمتك متنزلش من نظرك
صقر أتنهد لأنه عارف إن كلامها صح.»
حياه: ياااه قصة قصيرة حزينهه
صقر ضحك: يا باارده
حياه: بس بتحبني هاا تنكر!!
صقر: لا طبعآ منكرش دا أنا بموت فيكي كمان
حياه: الله يكرمك
صقر بصدمه: الله يكرمك!! أقفلي يا حيااه أقفلي
حياه ضحكت و قفلت.
البنت نطت عليها: بخخخ
حياه: يا حيوااانه
البنت: حبيبي
حياه: إلا قوليلي يا ملوك هو أنتي فعلآ أسمك ملوك!!
البنت: آه لأن زي ما أنتي عارفة أنا كنت عايشة فتره مع أهلي بعد كدا ماتوا فدا أسمي فعلآ
حياه: ربنا يرحمهم يا حبيبتي
ملوك: يارب
البنات فضلوا يتكلموا بعد كدا ناموا..
*تاني يوم في أوضة حياه *
صحيت ملاقتش ملوك جمبها قامت ومسكت موبايلها اللي رن في نفس اللحظة..»
صقر: يا صبااح الخير و الجماال و كل حاجه حلوة زيك
حياه بضحك: ياسيدي ياسيدي
صقر: أيوة أومال
حياه: كل
ملحقتش تكمل كلامها و سمعت صوت صويت من برا طلعت تجري و....