رواية احببتها_ولكن
#الفصل_الرابع_عشر
بعد شهر ولسه هادي ف الغيبوبه بس تعدي مرحله الخطر وفرح كل يوم بتبقي عندو وتجبلو ورد وتفضل جنبو لحد الليل وتروح وتجيلوا الصبح وكانت بتعمل كده من غير اي ملل وكان
كريم كل يوم ف المستشفي بينام معاه عشان لو فاق ف اي لحظه وكانت فرح بتنام ف بيت فرج لانها مش قادرة تروح البيت من غير هادي
وفي يوم كانت فرح قاعده جنب هادي وماسكه اديه وحطاها علي وشها وبتعيط
فرح ببكاء:هو انا مش وحشاك يا هادي ولا ايه للدرجادي مش عايز تصحي تشوفني انا احسن منك وبقولك انت وحشتني أوي نفسي اسمع صوتك نفسي انام ف حضنك نفسي ترجع
تعمل حركاتك الي كانت بتكسفني ولما كنت بتحضني وحشتني وحشتني أوي وفضلت تعيط وهي بتبوس ف اديه
هادي بضعف ومرح:ياريتني كنت اضربت بالرصاص من زمان عشان اسمع الكلام ده
فرح ببكاء:بعد الشر عليك يا حبيبي
فرح بعد ما وعت علي نفسها:ه.. هاادي ورفعت وشها وجدته ينظر لها ويضحك
فرح ببكاء وحضنته جامد:اخس عليك شهقه يا هادي كل دة سايبني لوحدي شهقه وحشتني أوي ااااه
هادي بحزن عليها وبادلها الحضن:اهدي يا حببتي وانتي كمان وحشتني وحط وشه ف رقبتها بيشم ريحتها
هادي:ااه وحشتني ريحتك أوي
فرح ببكاء:وحشتني كلك علي بعضك يا هادي الشهر دة عدي عليا سنين وعذاب مكنتش متخيله حياتي من غيرك بس الحمدلله
هادي:وانتي وحشتيني أوي يا حببتي معلش عارف اني كسرتك وزعلتك بس كل دة عشان احميكي والله متزعليش مني
فرح دفنت وشها ف رقبته:عمري ما ازعل منك وكريم حكالي كل حاجه بس انت وجعتني أوي بس طلعت ف الاخر انا الي ظلماك وفجأة بعدت عنه وبصت ف وشه ودمعت جامد:هو انا لما روحت المستشفي وشوفتك مع سوزي انت حقيقي حضنتها
هادي بيمسح دموعها:اهدي يا قلبي بس والله لما انتي جيتي هي حست بيكي ولما فتحتي الباب وراحت هي الي حضنتني انا اتصدمت بس بعد كده ما قدرتش ابين عشان الخطه متبوظش ف متكلمتش بس والله ما بدلتهاش الحضن والله مفيش غيرك انتي بس الي بحضنه
فرح ببكاء:انا مصدقاك بس كل ما افتكر وهي بتحضنك وبتلمسك بتجنن
هادي بابتسامه:طب ما تيجي امحي الحضن بتاعها بتاعتها
فرح باستغراب:ازاي
هادي بابتسامه خبيثه:كده وفجأة شدها لحضنه جامد جداً وفضل حاضنها وهي حضنته جامد لانه كان واحشها جداً
وفجأة دخل كريم وجد هذا المنظر ففرح بشدة من ان صديقه قد فاق من الغيبوبه وخجل من المنظر وكانت معه ام فرح وابو فرح ووجدو هذا المنظر وفرحو لهادي
عند هادي وفرح ابتعد هادي عن فرح
فرح:انا بحبك أوي يا هادي
هادي:وانا بموت فيكي
كريم بخجل:احم
فرح شهقت ودفنت نفسها ف عنق هادي
هادي بخجل:انتو هنا من امتي
كريم بمرح:من اول الحضن
فرح لما عرفت بأن عائلتها شافت المنظر دة خجلت اكتر
هادي بضحك:البت ساحت ف حضني من الكسوف
الكل ضحك وابتعدت فرح وهي خجله ايضا واتجه كريم لهادي واحتضنه بشده
كريم:وحشتني أوي يا هادي
هادي:وانت كمان يا صاحبي
ام فرح:حمدلله علي سلامتك يا ابني
هادي:الله يسلمك يا ماما
فرج بخجل من هادي:طبعا انا لو اعتذرت ليك من هنا لبكرة مش هتسامحني وده حقك بس انا حبيت اقولك شكرا علي انك سددت الديون الي عليا واسف علي كل حاجه عملتها فيك وفرح قالتلي انها مش هتسامحني غير لما انت تفوق
هادي بابتسامه:اولا انا مسامحك علي كل حاجه عملتها ثانيا ف حد بيشكر ابنه علي حاجه
فرج بصله وابتسم وحضنه جامد:حبيبي يا ابني
هادي:فرح تعالي احضني والدك وبوسي علي راسه وسامحيه محدش ضامن دنيته
فرح راحت حضنت بباها جامد
فرج:وانت يا كريم يا ابني اسف اني معتمدتش عليك انا عرفت اني ورايا راجل واسف ومن بكرة تستلم شركاتي وكل حاجه انا كبرت وعجزت علي الشغل عايزك تعمل الشركات حاجه تانيه بأسمك
كريم حضن ابوه جامد والمنظر كان جميل وكلهم كانو سعداء
ام فرح:اقعدي يا فرح مينفعش تقفي كتير عشان متتعبيش
هادي بقلق:مالك يا حببتي انتي عيانه
كريم بابتسامه:هو انتي مقولتيش ليه لسه
فرح:لاء لسه
هادي باستغراب:فيه يا جماعه متخوفونيش
كريم اخد ابوه وامه وقال: انا مالي يا اخويا عندك مراتك اهي تقولك وخرج
فرح قعدت جنب هادي علي السرير
هادي بقلق:مالك يا حببتي متقلقنيش
فرح:مفيش قلق يا حبيبي ومسكت اديه و حطتها علي بطنها بس فيه حتي مني ومنك هنا بتكبر
هادي بصدمه:انتي حامل
فرح اومأت براسها
هادي حضنها جامد:انتي عارفه من امتي؟
فرح: من يوم الي حصل يعني من شهر وفرح حكتله علي انها دخلت العمليات وهي الي عملتله العمليه وحكت كل حاجه حصلت ف العمليه
هادي حضنها:يعني انتي الي عملتيلي العمليه انا اسف علي الموقف الي حطيتك فيه بس انا لو كنت موت كنت هموت علي اديكي ودي احلي حاجه
فرح حطت اديها علي بوقه:متقولش كده تاني دة انا لما لقيت ان ضربات قلبك مفيهاش فايدة اغمي عليا فوقيك وصحيت افتكرتك موت فضلت اعيط واصرخ جامد لحد ما كريم قالي انك عايش
هادي:خلاص يا حببتي ماتعيطيش خلاص
فرح:عايزة اروح بيتنا انا مروحتش بيتنا كنت بنام ف بيت بابا مقدرتش ادخل البيت من غيرك مش هعرف انام غير ف حضنك
هادي حضنها:خلاص هنروح بيتنا وهتنامي ف حضني ديما ومش هتطلعي منه ابدا
وبالفعل خرج هادي ف نفس اليوم وراحو بيتهم ورفض كريم يروح معاهم خلاص هيرجع بيت ابوه
هادي دخل البيت:ياااه وحشني اوي البيت
فرح:وانا كمان هادي انا بقالي شهر منمتش حلو خالص هموت من التعب تعالي نطلع نغير وانام ف حضنك
هادي راح شايلها
فرح بشهقه:لاء يا هادي انت تعبان نزلني بسرعه
هادي:اسكتي انتي خفيفه كده ليه لازم تهتمي بأكلك شويه وانا الي ههتم بيه وصعد بيها للغرفه وغيرو هدومهم وواخد فرح
ف حضنه بمجرد ان استقرت ف حضنه نامت بعمق ظل هادي يراقبها وهي نائمه حتي غلبه النعاس ونام ايضا