رواية سرق عذريتي
بقلم سلمى سمير
الفصل الاول والثاني
في احدي الاحياء الراقية ومن داخل فيلا فاروق صفوان
تخبط الخادمة هند علي باب نوم الهانم الكبيرة
عنايات:- ادخلي يا هند
تدخل الخادمة وتضع الفطار للمدام وتقولها
هند:- يا ست هانم زين بيه منتظرك تحت من بدري انا جهزت ليه الفطار ورفض وطلب فنجان قهوة وقالي لما تصحي ابلغك انه عايزك ضروري وسأل عن الهانم الصغيرة
عنايات:- ليه مصحتنيش اول ما وصل وتقوم تلبس روبها
هي يمني هنا ولا راحت كليتها
هند:- لا يا ست هانم الهانم الصغيرة من ساعة ما خرجت الفجر
مع اصحابها مرجعتش لحد دلوقتي
عنايات:- بذعر ليه هي الساعه كام دلوقتي وليه خرجت متاخر اووي كده وتبص لساعتها تلاقيها ٧ صباحا بس ايه جاب زين دلوقتي يارب خير
بقولك ايه يا هند خدي الفطار نزليه تحت انا هفطر مع زين وشوفي فاروق بية هيفطر معانا ولاهيفطر بالشركة
هند:- فاروق بيه مش عايز يفطر وهو قاعد مع زين بيه بالمكتب وطلب فنجان قهوة زيه وطلب مني اطلعلك الفطار وابلغك بحضوره وتروح تشيل الفطار وتاخده وتخرج
عنايات:- تاخد شاور سريع وتلبس وتنزل تقابل زين وتدخل مكتب جوزها فاروق صفوان وتشوف زين تاخده بالحضن
زين:- يحضنها بحب ازيك يا عمتي هو انا لو مجتش سالت عليكم محدش منكم يسال عليا نسيتوني خلاص
عنايات:- ازاي انساك ده انا اللي مربياك بس ياحبيب قلبي
انا كنت مسافرة انا وعمك ولسه راجعين امبارح هو انت مقولتلوش ليه يا فاروق ولا ايه علي موضوع سافرنا
فاروق:- طبعا قولتله وليه حق يزعل انت وعدتيه ووعدتي اخوكي وفيق من مده تسافري تقعدي معاهم يومين انتي وبنتك لا روحتي ولا اعتذرتي ليهم وتستاهلي زعله منك
عنايات:- انت بكلامك ده هتزعل زين مني وهو عارف انه ميمنعنيش عنه غير الشديد القوي ده الغالي ابن الغالي
زين:- انا عارف ومقدر يا عمتي بس خلاص ملكيش حجه
زفاف خلود الاسبوع الجاي وانا حبيت اعزمكم بنفسي علي الفرح وتقعدوا معانا يومين انتي ويمني وعمي فاروق بيه
ايه رايك احسن فرصة نتجمع فيها زي زمان
فاروق:- لا انساني انا كلها بكره ومسافر تركيا لصفقة انسجة
وهغيب اسبوعين يعني مش هقدر احضر الفرح عندك عمتك تعوض غيابي وبلغ عمك اسفي وعدم قدرتي علي الحضور وخليه يسامحني وقوله اني هعوضهاله بزيارة ليه خصوصي لما ارجع من السفر وهاجي ابارك للعروسه ان شاء الله
زين:- طيب يا عمي انا ليا عندك طلب اتمني مترفضوش السنادي اخر سنه دراسيه ليمني وكلها كام شهر وتتخرج وانا طلبتها كذا مره وانت وعدتني لما تخلص دراستها هتمم خطوبتنا رسمي وانا طلبي اننا نخلي الفرحه فرحتين
وتوافق علي الخطوبة لحد ما تخلص دراستها ونتمم الزفاف
فاروق:- يرتبك اكيد يا زين انا مقدرش ارفض طلبك مش هلاقي ليمني حد احسن منك بس يا ابني يمني مش بتفكر بالارتباط دلوقتي وبتفكر في مستقبلها ودراستها وبس وانت
عارف انها بنتي الوحيدة ومش عايز افرض عليها حاجه هي رفضاها اصبر كلها كام شهر وتتخرج وساعتها هنتمم الخطوبة
زين:- خلاص مفيش مشاكل وانا واثق في كلمتك ليا يا عمي من ان يمني هتكون من نصيبي اومال هي فين منزلتش تسلم عليا ليه هي مش عندها كليه النهاردة ولا ايه
عنايات:- بتوتر وارتباك لا يا حبيبي هي طلعت رحله مع اصحابها بالكليه وهترجع كمان يومين بقولك ايه انا مفطرتش تعالي افطر معايا واحكيلي عن شركتك واخوك عامل معاك ايه
زين:-ماشي يا عمتو ويقبل راسها باحترام اسمحيلي الاول اطلع اوضتي يا عمتي اغير واخد شاور وانزل افطر معاكم لو كنت اعرف ان يمني مسافرة كنت اجلت زرةحضوري لحد ما ترجع بالسلامه بس يسعدني اقعد معاكي انتي وعمي
فاروق:- وانا علشان خاطرك هقعد النهاردة معاك ومش هروح الشركة يلا اطلع خد الشاور بتاعك واحنا بانتظارك
_______________&#&#&#
زين:- شكرا يا عمي وياخد شنتطه ويطلع لاوضته ويلاقيها زي ما سابها اخر مره من سنتين زي ما هي ويفتكر اول يوم جه عاش معاهم هنا كان من ١٢ سنه بعد موت امه حسرة لما عرفت بجواز ابوه عليها من واحده تانية وجت سلمت ابنها لينا بعد ما عرفت ان مفيش ميراث لابنها
ويرجع بالذكريات لليوم المشئوم اللي خسر فيه امه لكن قبلها يتذكر قصة حب امه وابيه التي كانوا دائما يتحاكوا بيها امامه امه كانت بنت من عائلة ثرية جدا وابيه كان مهندس في شركة
من شركات ابيها وبعد عدت لقاءات بينهم صارحها ابي بحبه لها وكانت امي تبادله نفس الشعور ليتقدم لها واهلها يرفضون بشده لعدم وجود التكافؤ الاجتماعي بينهم لكن امي اصرت
وتركت بيت اهلها لارغام اهلها علي الموافقه ولانها كانت بنتهم الوحيده رضخوا لها وتزوجوا بمباركة اهلها ولكي يليق ابي بهم في وسطهم الاجتماعي اعطوا له شركة من شركاتهم كجزء من نصيب امي في الميراث وقبل ما تمر ٣ سنوات اصبحت
شركة ابي من اكبر الشركات الهندسية واصبحت عائلة امي فخورة بيه وبدء ابي في تكوين ثروته اللي هي بالاساس من مال امي واشتري ارض وتركها لعمي وفيق يزرعها ويصبح بسببها من اعيان البلد وزوج عمتي عنايات لشاب فقير لانه
مقتنع ان الحب ليس عليه سلطان ودائما كان يوصيني ان اتزوج من احب لانه هيكون سبب لنجاحي وبعد ان بلغت ال١٣ عشر بايام توفي ابي اثر سقوطه من مبني سكني تحت الانشاء
وبعده بست شهور علي وفاة ابي تحضر سيدة تطلب مقابلة
امي و يظهر من مظهرها ولبسها انها امراءه لعوب
واستقبلتها امي بكل ترحاب لتصدمها بانها زوجه ابي ولها منه ولد يبلغ من العمر ٦ سنوات وطلبت بميراثها في املاك ابي ليها
ولابنها حمزه اللي ثبت بالاوراق انه اخي وهي زوجته تزوجها من ٧ سنوات وكانت صدمه لامي اصيبت علي اثرها بجلطه ماتت بعدها بشهرين واكتشفنا بعد موت امي انها طليقته وليست زوجته و انها كانت نزوه عابرة لابي و
تجوزها فقط لمده شهر حتي لا يصبح ابنه منها ابن حرام واعطاه اسمه وعائلة ينتسب لكنها لما يردها لعصمته مره
اخري بسبب احساسه بالذنب قي حق امي و تكفير لذنبه في حقها كتب كل ثروته باسم امي وبعد موتها اصبحت انا الوريث الوحيد لكل املاك امي وابي امي واصبحت مليونير في سن صغير لكتي يتيم الاب والام ولي اخ انا مسئول عنه وطلبت
عمتي بالوصايه عليا تلبية لرغبة امي قبل وفاتها وعشت معاها في منزلهم الصغير جدا لضيق حال زوج عمتي فاروق صفوان واخد عمي اخي حمزه ليرببه وكانت يمني بنت عمتي في الثامنة من عمرها وتربينا سويا ولثقتي في زوج عمتي تركت
لها ثروتي يديرها وياسس لها منه عمله الخاص واكون شريك له بالمال وهو بالمجهود وكبرت اعمال شركة زوج عمتي وبعد ثلاث سنوات انتقلنا للفيلا التي يقيمون فيها الان وتم تخصيص غرفه خاصه لي احتفظت بها رغم عدم اقامتي معاهم منذ سنتين وانتقلت لفيلتي الخاصه انا واخي الذي
اصبحت واصي عليه ويتذكر كل ذكرياته مع يمني وامنيته في ان تصبح زوجه له لكنها في السنتين الاخيرتين اصبحت تبعد عنه وتتحجج بدراستها كل ما يطلب منها اتمام خطوبتها رسمي
________________/%%%%
ويدخل ياخد شاور ويلبس ترينج رياضي مريح ويخرج للفراند يستنشق نسيم الصباح ويتصدم لما يشوف يمني نازله من عربية شاب هو عارفه كويس لانه في عيد ميلادها الاخير
كان بيرقص معاها بطريقة مش محترمه ولما اتخانق معاه وطرده يمني اتخانقت معاه وخصمته ومابقتش تكلمه
ويجي ينادي عليها يشوفها وهو بيقبلها ويضمها ليه بقوة وهو حاطط ايده في داخل جيبتها القصير جدا من ورا ليغلي الدم في عروقه وينزل مسرعا ويصطدم بيها داخله من الباب
تشوفه تبصله بتكبر وتشاور ليه بغرور وتتكلم وهي سكرانه
يمنى:- هاي زيزو جيت امتي وعاش مين شافك
زين:- ينزلها ويمسكها بقوة لتنغرس اصابعه في كتفها انتي كنتي فين وجاية سكرانه كمان وايه اللي كنتي بتعمليه انتي والزفت اللي كان معاكي وازاي تسمحيله يبوسك ويلمس
جسمك بالطريقه المنحرفه دي وايه لبسك ومظهرك المخجل ده ويبص لعمته كنتي بتكذبي عليا وبنتك سهرانه بره طول الليل ايه يا عمي يا صعيدي ازاي تقبل علي بنت تبقي بالشكل ده وكمان تبات بره البيت وتسمح لانسان حقير يبوسها
يمنى:- اسمع انت ملكش دعوة بيا او بمظهري انت مش واصي عليا ولا ليك عندي حاجه ومتحرضش اهلي عليا انا حره
زين:- بغضب لا انت مش حره انت خطيبتي يعني في حكم مراتي واسمعي لو محترمتيش نفسك ورجعتي في تصرفاتك اللي بتقل منك انا هتجوزك وهعرف احكمك كويس
يمنى:- تضحك بهستريا انت بتحلم من المستحيل اني اتجوزك
انا بحب كريم وهو بيحبني ومش هتجوز غيره فاهم
زين:- انتي بتقولي ايه يعني ايه هتتجوزي كريم
يمنى:- يعني كريم اتقدم لبابا وهو وافق بس بيراعي مشاعرك المتطفله عليا مش معني انك وقفت جمب بابا بمالك تبقي اشتريتنا لو عندك كرامة تقبل رفضي ليك بصدر رحب وانت عارف كويس ان الجواز قسمة ونصيب
زين:- انا عمري ما طلبت مقابل مساعدتي لابوكي وعمرك ما هتكوني الثمن انا بحبك ومن زمان وطلبتك كتير ويروح لابوها ليه يا عمي مقولتليش ان بنتك رفضاني ليه يا عمتي تخليني صغير اووي قدام نفسي
انا اسف ليكي يا يمني وطبعا ليكي حرية اختيار شريك حياتك بس انا ليا سؤال ايه سبب رفضك ليا رغم صداقتنا
يمنى:- يوه انت مش شاب روش كل دماغك حسابات وارقام انا عايزه حبيبي يكون رومانسي واكون انا اهم ما في حياته
قبل ماله وشركاته انت عايز تتجوز واحده تحسب وتعد اللي بتكسبه لكن قولي هتتمتع امتي بمالك وهتصرفه علي مين وانت متعرفش يعني ايه حياة
زين:- مش هنكر فعلا انا كده لاني مستنيكي اشوف الدنيا في عينيكي كاره متعتي من غيرك حرمت نفسي من كل السعادة علشان اعيشها وياكي لكن الظاهر انك محستيش بيا علشان كده مقدرتيش كل اللي كنت بعمله وهعمله ليكي
يمنى:- فعلا انا مش قادرة احبك دايما شايفه نفسي ثمن لكل خدماتك لاهلي وده سبب كرهي الارتباط بيك
زين:- وانا مش هفرض نفسي عليكي وتقدري تختاري اللي يناسبك وهفرحلك ويطلع انا اسف يا عمتي مش هقدر افطر
معاكم بس ياريت تمنعي بنتك من الانحدار الاخلاقي وتخليها تحافظ علي نفسها وكرامتها وتصون اسم عيلتها اللي بتمرمطه في الارض بافعالها الغلط ويطلع اوضتها ويقفلها بغل
ويقول لنفسه بقي ده جزاء حبي ليكي يا يمني الاهانه والاستهتار بمشاعري بكره تندمي لما تعرفي انك ضيعتي حبي الكبير مقابل نزواتك ويغير هدومه وينزل ويبصلهم كلهم بحسرة ويخرج من غير ولا كلمه
فاروق:- مبسوطه ياهانم انتي وبنتك كل ده بسبب دلعك فيها السهر والبيات بره وكمان ترجع سكرانه ويمسكها ويهزها بقوة انتي ازاي تسمحي لكريم يبوسك يا سافله
يمنى:- وهي بتترنح لانه حبيبي وهتجوزه وافق انت واحنا نتجوز من بكره وكده احسن للكل اني صرحت زين برفضي ليه مش هيذلنا بماله انت خلاص مش محتاجه
فاروق:- لانك غبية مش حكاية محتاجه او لأ ده واحد لولا هو عمري ما كنت غني ولا عندي شركة ورجل اعمال شهير
يمنى:- وعايزني انا دفع ثمن جميله معاك اسفه يا بابي انا انسانه وحره وليا شخصيتي المستقله اللي اقدر بيها اختار الانسان اللي يشاركنا حياتي مش مقابل رد جميل
وكفاية كلام وملامه انا تعبانه وعايزه انام واسمعوا انا هخرج اسهر بليل والاسبوع الجاي طالعه رحلة سفاري مع كريم
عنايات:- خلصتي كلامك اسمعيني بقي خروج وسهر تاني مفيش ولما تخلصي دراستك ابقي اتجوزي اللي انت عايزه او تتحرقي بجاز والاسبوع الجاي هتسافري معايا الصعيد نحضر زفاف بنت خالك وفيق واعملي حسابك انك لو مسافرتيش
معايا واعتذرتي من ابن خالك زين هخلي ابوكي يحرمك من كل حاجه لا عربية والكريديت كارت ولا لبس وفسح فاهمه
يمنى:- بغضب كل ده علشان ابن اخوكي بس بردك مش هسافر واللي انتي عايزه تعمليه اعمليه تصبحوا علي خير
وتطلع اوضتها وتدخل تاخد شاور وتخرج ببورنص الحمام
وتجي تقلعه تشوفه في المرايا وهو داخل من الفراند
تروح تقفلها لكنه يزقها ويدخل ليها وهي شبه عريانه
وتجي تصرخ يحط ايده علي فمها ليخرسها .....!!
ألفصل الثانى
🌿ليلة الزفاف🌿
تدخل يمني اوضتها وهي متعصبه من موقف اهلها معاها بسبب زين وتدخل تاخد شاور يفوقها وتخرج وهي لابسه البورنص وتروح لدولاب ملابسه تطلع بيجامه تنام فيها تلمح شخص يتسلل من الفراند لتسرع وتغلق بابها بوشه لكنها يزقها ويدخل الغرفه وقبل ان تصرخ يضع يده علي فمها
كريم:- اسكتي هتفضحينا هشيل ايدي واهدي واسمعيني
يمنى:- تبصله بغضب وهو بيشيل ايده انت ايه طلعك هنا وبطريقة الحرامية دي انت اتجننت اتفضل اطلع بره
كريم:- في ايه يا يمني انا بنفذ كل اللي بتطلبيه مني حتي لما طلبتي ابوسك لما وصلتك وشوفتي ابن خالك في الفراندا وطلبت نمثل عليه اننا علي علاقة ببعض وشديتي ايدي
وحطتها هنا مرفضتش رغم اني عارف لو ابن خالك كان مسكني ساعتها كان قتلني كل ده عملته ارضاء ليكي مع اني كنت هروح فطيس في تمثليه لكني قبلت علشان بحبك
يمني:- شيل ايدك انت هتستهبل انا طلبت منك كده علشان يفقد فيا الامل وميحسبش نفسه وصي عليا ويبعد عني ونقدر نتجوز بعد ما بابا يقتنع انه زين صرف نظر عن الجواز بيا
لكن انك تلمسني وتتجراء تدخل اوضتي بالشكل ده انا مش هقبل بكده ابدا واتفضل اطلع بره بدل ما افضحك وساعتها مش هيبقي في جواز بينا يا استاذ كريم
كريم:- انا مكنش قصدي حاجه بس انتي نسيتي شنطتك في العرببة ولما جت ارجعها ليكي سمعت كلامك مع ابن خالك
وهجوم مامتك وباباكي عليكي فضلت ما ادخلش لتحصل مشكله ولما رجعت لعربيتي لقيت ابن خالك خارج بعربيته قلت اجي ارجعلك شنتطك بصراحه فضلت ادخلك بالطريقه دي
بعيد عن اهلك ويقرب ليها نفسي ادوق من شهد شفايفك قبله تانيه لان واحده كانت كفيله تسكرني مش حال واحده كمان هتخليني اسبح في عالم حبك وبحر غرامك للابد ويمد ايده ليه يحاول يضمها لصدرها ويحضنها لكنها تزقه بقوه
يمنى:- تعبد عنه وتبصله بغضب وتقوله اطلع بره يا كريم وخلي وعدك ليا انك عمرك ما هتفكر تلمسني غير لما اكون مراتك
قدام عينيك علشان لو فكرت تاني تطلب اللي طلبته دلوقتي اتاكد ان فكرة ارتباطي بيك هتبقي مستحيله انا عايزه اتجوزك وانا فخورة بنفسي وراسي مرفوعه ومحدش كسرني او اخد حاجه مني مش من حقه فاهم
كريم:- وانا فخور بيكي وسعيد انك محافظه علي نفسك علشاني وهتوهبيني نفسك يوم زفافنا وهكون اول راجل يلمسك ويبصلها برغبه لكن يمنع نفسه عنها خوفا من خسرتها
بس عارفه يا يمني لو كانت دي تمثليه عليا انا كمان وبتمثلي عليا الشرف مش هتتصوري هعمل فيكي ايه هفضحك
ويخرج من الفراند زي ما جه وهي تقفل الباب وراها وتقفل الستاره وتقلع البورنص وتبص لنفسها بالمرايا بزهو
يمنى:- صحيح انا ظهرت ليك اني ساقطه يا زين لكني اطهر من بنات كتير بينافقو اهاليهم بطاهرتهم وهما ساقطين انا
جسمي هيفضل طاهر للزوجي وحبيبي هو الوحيد اللي ليه حق يملكه بسببك يا زين اتغصبت وخليت كريم يلمسني تمثيل قدامك علشان تفقد الامل فيا وتصرف نظر عن الارتباط بيا
بس خلاص مش هتتكرر تاني بعد ما فهمت اني رفضاك وكارها ارتباطي بيك واللي هيلمسني بعد كده هيكون بالحلال وشرع ربنا وتلبس بيجامتها وتدخل تنام وهي سعيدة بنفسها
______________________&&
وفي المساء تصحي يمني وتنزل تتعشي معاهم وهي صامته
عنايات:- ايه يا هانم مش قد المقام تعبرينا وتتكلمي معانا
يمنى:- اتكلم ايه واكلم مين وانا شيفاكم بسبب ابن اخوكي مقلوبين ضدي مكنتش اعرف انه عندكم اهم من بنتكم الوحيدة يارب اموت واريحكم مني
فاروق:- بغضب يمني اخرصي احنا لو بنحب زين بنحبه لانه راجل بجد ومفيش حد هيقدرك ويحبك ويصونك زيه يمكن انت شيفاه راجل عملي لكن مش ملاحظه انه اتيتم من امه وابوه في سنه واحده صحيح معاه المال لكن افتقد الحب وخزن كل ده ليكي عايز يعيشه معاكي لكن انت مبتفهميش
يمنى:- يوه افهم ايه انا مش بحبه وربنا ما بحبه انا مش شايفاه غير انه بنك متحرك ليكم ولعيلته كلها لكن انا مش عايزه عايز انسان احس معاه اني ملكة علي قلبه وحلم حياته مش بنت حبها ويقدر يشتريها بماله زي ما بيعمل معاكم
فارق:- انتي بقيتي واقحه مش معني اننا بنعترف بجميله علينا يبقي اشتراني يا كلبه ما ينكر الجميل الا خاين العشرة عايزاني خاين يا يمني ويمسك انسيالها اللي في ايدك شايفه ده وده وده وكلك علي بعضك كله من مال زين لولا ثقته فيا ووقفته جمبي مكنتش خرجت من شقة الشرابية اللي فوق السطوح وكان اكبر احلامك تجيبي شنطه او فستان جديد
يمني:- يمكن كلامك صح لكن علي الاقل هعيش عيشة اهلي واحتفظ بعزة نفسي لكني دايما شايفه زين اشترانا كلنا بماله ومحدش منكم قادر يعصية او يزعله قول عني معقدة لكنه احساسي انا حتي مش قادرة اتعامل معاه كابن خالي
عنايات:- بطلي هبل ابوكي شريكه مش شغال عنده ولو زين كان سبب في اللي احنا وصلنا ليه لكن ابوكي بمجهوده وتعبه كبر نفسه وشركته اصبحت ارباحه تنافس ارباح مجموعته
يمنى:-اما هو كده ليه عايزين تراضوه علي حسابي وتجوزوني ليه رغم انكم واثقين اني مش بطيقه ولا بحبه
فاروق:- لانك انسانه متخلفه وغبيه وفعلا مستاهليش واحد.زي زين يعبرك روحي لكريم اللي عايش علي مال ابوه بكره لما يزهق منك هيدور علي غيرك لانه مش هيعرف قيمتك ولا هيقدرك ولا يحافظ عليكي ويصونك
يمنى:- ايوه كريم بحسه وبحبه وقلبي اختاره ليه بتلموتي علي اختياري وانتي لما اتجوزتي بابا وكان فقير خالو وافق لانه مقتنع ان الحب اساس الحياة السعيدة وانا مليش سلطان علي قلبي هو اللي اختار وبيكره حب زين ليا وسيطرته عليا
فاروق:- خلاص انت حره بكره تندمي بس بردك هتعتذري من زين لاسلوبك معاهاوشكلك المخجل اللي كنتي داخله بيها واسمعي من النهاردة مفيش سهر بره البيت ولما تخلصي كليتك هجوزك واخلص منك وابقي اسهري انتي وجوزك براحتك اتفضلي ويمد ليها فونه اتصلي اعتذري لي زين
يمنى:- انا مغلطتش فيه انا كنت صريحه معاها ولو علي مظهري واسلوبي وسهري الواجب اعتذر ليكم انتم مش هو
عنايات:- خلاص يا فاروق هي هتسافر معايا وتعتذر ليه بنفسها علي صرحتها المحرجه معاه وقلة ذوقه
يمنى:- سفر ايه انا استحاله اسافر الصعيد هو انا ناقصه امراض نو ماما مش هسافر اسفه ليكم وتقوم من علي السفره
عنايات:- اسمعي لو عايزه ابوكي يوافق علي جوزك من كريم تجي معايا فرح خلود بنت خالك وبعدها هنسيبك براحتك غير كده هتجبيه لنفسك لا كليه ولا خروج ولا اي حاجه
يمنى:- بعصبيه ونرفزه اوك بس يومين انا بتعب من جو الصعيد وجوهم الحار والخنقه والتزمت في اللبس موافقه
عنايات:- موافقه بس تعتذري لزين بطريقه لطيفه علي قلة ذوقك معاه مهما كان ده اسمه ابن خالك ومتربي معاك
يمنى:- اوك مامي بس عايزه وعد منك ومن دادي لما نرجع كريم يتقدملي وانتو توافقو علي الخطوبة ممكن
فاروق:- انا موافق ومدام زين عرف انك رفضاه وبتحبي غيره خلاص مظنش هيطلبك تاني ومش هيقبل علي كرامته يفرض نفسه علي واحده رفضاه حتي لو بيحبها
يمنى:- تجري علي ابوها وتحضنه بفرحه انت احلي اب بالدنيا ممكن اتصل بكريم اعرفه واخليه يستعد للخطوبه لما نرجع
قاروق:- لا طبعا بعد ما ترجعو واتاكد ان مازن خلاص صرف نظر عن الارتباط بيكي وسامحك علي قلة ذوقك معاه انا هتصل بكريم بنفسي وهطلب منه يحدد ميعاد للخطوبة ها موافقه يا ست البنات ولا في اعتراض
يمنى:- ها ايه طبعا موافقه ها يا ماما هنسافر امتي وقوليلي البس ايه علشان خالو وفيق ميتعصبش عليا هو واستاذ زين زي اخر مره سافرت فيه للصعيد
عنايات:- البسي كل اللي نفسك فين بعيد عن جيباتك القصيرة والضيق والمكشوف واوعدك لو التزمتي محدش منهم هيزعلك او يضايقك بالتعليق علي لبسك لانه محتشم
يمنى:- تحضنهم سمعا وطاعا يا ست الكل
عنايات:- يا يمني انتي بنتي الوحيدة اللي ربنا عوضني بيها بعد ما كنت فقدت الامل انا وابوكي في الخلف متخيله نزعلك او نبيعك زي ما بتتخيلي سعادتك وفرحتك هي همنا الاكبر واذا
كنا موافقين علي جوزك من زين لانه الراجل اللي يقدر يصونك وبيحبك وراجل بجد مش زي كريم بس هنقول ايه القلب وما يهوي ربنا يسعد قلبك ويفرخك وافرح بيكي
يمتى:- ربنا ما يحرمني منكم يارب وتبوسهم وتطلع اوضتها تجهز شنطتها وقلبها طاير من الفرحه انها حلصت من زين
__________________&&
في فيلا زين
يرجع للفيلا متاخر وهو حزين ومكتئب ويقابله اخوه
حمزه:- ايه يا ابية نسيت نفسك عند عمتو وحبيبة القلب ونسيت اخوك المسكين طب كنت خدني معاك ولا هما مش اهلي زي ما هما اهلك ولا انا ابن البطه السودة
زين:- بعصبية اخرص يا حمزه وايه لزمة كلامك ده انا بقالي اكتر من شهرين مرحتش هناك ثم انا مكملتش ساعه ومشتيت وارتاح حبيبة القلب قلتها في وشي مش بتحبني ولا عايزاني وهتتجوز صديقها كريم بتاع حفلة عيد ميلادها فاكره
حمزه:- خلاص ولا تضايق نفسك انت شاب وسيم واخلاقاك عاليه ومليونير الف مين تتمنا ترتبط بيكي هي الخسرانه
زين:- بس انا بحبها هي ومش قادر ولا هقدر احب غيرها انا هموت لو بقت لغيري فاهم الموت عندي اهون من انها تبقي لراجل غيري انا لازم اتصرف واحاول اقنعها تفكر وتحس بيا
حمزة:- انت كده بتتعب نفسك زيادة بص يا ابيه ادخل نام وارتاح والصبح نتكلم تكون روقت ونشوف حل للست يمني
زين:- بطل تريقه واحترمها دي هتبقي مرات اخوك الكبير
حمزة:- يبصله بصدمه ايه يا ابية انت بشتغلني مش قلت رفضاك وكرهاك وبتحب واحد غيرك هتبقي مراتك ازاي
زين:- جوزي من يمني حلم عمري كله مستحيل اتنازل عن بسهوله انا لازم اتصرف وبسرعه قبل ما تضيع مني للابد
حمزة- لا يا ابيه انت حالتك بقت صعبة اوووي ربنا يشفيك
زين:- اتلم يا فاشل وروح ذاكر بدل ما تسقط السنادى كمان اللي في سنك هيخلصو كليه وانت لسه في سنه اولي
حمزة:- اعملك ايه انت اللي اصريت ادخل تجارة علشان اساعدك في ادارة المجموعة بتاعتك وانا مش بحب التجارة كان مالها السياحه والفنادق كنت بقيت مرشد سياحي واتعرف
كل يوم علي مزه او بنت روشه اجنبيه كانت الحياة هتبقي بيس يا مان مش حسابات ومسك دفاتر حد قالك اني الخوارزمي في زمانه استحمل بقي سوء اختيارك ليا
زين:- كلامك بيعصبني انا عايزك تبقي راجل محترم وامسكك مركز مرموق في المجموعه وانت كل اللي يهمك الخروج والبنات اسمع انت لو منجحتش السنادي هتترفد من الكليه وانا هطردك من الفيلا شوف مين هيتحملك بعدها من شلتك
حمزة:- روق يا ابيه هي يمني تنكد عليك وهتطلعه عليا خلاص هاذاكر وهانجح متزعلش بقي هو انا ليا غيرك يا ابيه
زين:- طيب كويس ربنا يهديك اتعشيت ولا لسه
حمزة:- اه اتعشيت انتي بقي اتعشيت ولا مضرب عن الاكل
زين:- مليش نفس خدت جوله بالمجموعه وحاليا انا مرهق وتعبان جدا محتاج انام وارتاح يلا تصبح علي خير
ويطلع علي اوضته وقبل ما يقلع بدلته يجيله اتصال يبتسم
زين:- الشقيه اللي مبتسالش رجعتي مصر اخيرا وحشتيني
سلوان:- رجعت ونفسي اشوفك موووت تعالي انا مستنياك
زين:- تعبان والله يا سلوان ونفسيتي مدمرة خليها في يوم تاني انا محتاج انام يمكن ارتاح واقدر افكر كويس
سلوان:- لا مفيش كلام من ده حبيب قلبي حزين وتعبان اسمع لو مجتش هجيلك وهتعرض نفسك لمشكله مع اخوك حمزه
تعالي انت وفضفض ليا بكل اللي وجع قلبك يا روح قلبي
زين:- يتنهد حاضر هجيلك دلوقتي انا واثقك انك هتقدري تريحني زي ما كنتي دايما بتريحيني يلا سلام وعشر دقايق واكون عندك لسه في سكنك القديم ولا غيرتي شقتك
سلوان:- لا في شقتي القديمة شهر كده وانقل لواحده جديدة
البركة فيك بقي تعملها ليا هدية لحبيتك سلوان
زين:- بس كده انت تأمري لما اجيلك نتفق علي كل حاجه سلام يا شقية ويهندم نفسها ويتبرفن وينزل يركب عربيته
ليذهب لشقة سلوان اللي اول ما تشوفه تحضنه بقوه وتقبله
______________________&&
وبعد مرور اسبوع يسافر زين وحمزة الصعيد وينزل في داره بعد رفضه اقامته في بيت خاله لنزول عمته وبنتها في ضيفته
وفيق:- ليه كده يا زين يعني انت ضيفي ليه تنزل في دارك انت واخوك لحالكم الدار كبيرة وتساع من الحبايب الف وانا بتشرف بيكي وولاد عمك بيحبو مجلسك يا ولدي
زين:- يحضن عمه معلش يا عمي خليني براحتي وكمان علشان يمني تاخد راحتها انت خرجت ولادك من الدار
علشانها هقعد انا مع الحريم اعمل ايه
رفيق:- الحريم دول بنت عمك وعمتك وبنت عمتك وانا اما الشباب كل واحد ليه داره مع مرته هيجي يقعد معانا ليه يلا هما اقفل دارك وتعالي انت واخوك شرفونا بوجودكم بينا
زين:- يا عمي انا هفضل معاك وجمبك بس مش في الدار
دي هجي هنا للنوم ومسعده جهزتها ومش هضيع تعبها علي مفيش خلينا هنا افضل للكل وبليل بالحنه هكون موجود جمبك مقولتليش يا عمي الزفه هتعملوها فين
وفيق:- هنعملها في قاعة المناسبات اللي غرب البلد العمال جهزوها وعلقو فيها الكهارب والزينه
زين:- كويس وانا اتفقت ليها علي فرقة كامله من مصر هتحي الفرح ومعاها مطربها المفضل انت عارف خلود غاليه عليا اووي وبعتبرها اختي مش بنت عمي
حمزة:- اه فهمت ليه كنت بترفض تجوزهالي بس هي اختك انت مش اختي انا ليه ترفض تخليني اتجوزها
زين:- علشان انت فاشل وهي هتبقي دكتورة وانت ساقط تجارة يا فاشل الحق نفسك قبل ما تعنس زي البنات
رفيق:- يضحك اخوك بيهزر معاك خلود موهوبه لجلال من وهي باللفه ولما كبرو اتخطبو من ٧ سنين وما صدقنا جلال خلص دراستة وجيشه وهنجوزهم اما انت شاور علي اجمل بنت وانا هخطبهالك وسيبك من كلام اخوك زين
حمزه:- انا بضحك يا عمي انت ناسي اني عشت معاكم ١٢ سنه وشوفت حب جلال وخلود انا بس بحب انكش زين ربنا يتمم ليها علي خير وزي ما زين قال انا مش هتجوز غير لما اخلص كلية التجارة اللي شكلي بسببها هنعس فعلا ويبكي بتمثيل ليضحكو كلهم عليه
وفي المسا يذهب زين وحمزه لحضور ليلة الحنه ويشوف عمته يسلم عليها ويحضنها وهو مبتسم ليها
عنايات:- وحشتني يا زين كده من الصبح في البلد ومتجيش تسلم عليا ولا لسه زعلان من كلام يمني معاك
زين:- لا يا عمتي يمني صح انتي وعمي فاروق السبب في اللي حصل لو صارحتوني برفضها مكنش ده كله حصل
عنايات:- كنت صابره عليها يمكن تعقل وتراجع نفسها عمرها ما هتلاقي راجل زيك يا ابني
زين:- يا عمتي انا مش ملاك وفي احسن مني وهي تستحق كل خير وربنا هيعوضها باللي يستاهله وتكون قسمته ونصيبه
يمنى:- تخرج من الدار وتشوفه كانت لابسه فستان طويل بنص كم لكن عليه شال جميل وانيق وتروح تسلم عليه
زين:- يبصلها ويعجب باحتشامها وشياكتها ويسلم عليه بتحفظ ويبعد.عنها لكنها تناديه
يمنى:- زين ممكن اكلمك كلمه علي انفراد
زين:- مفيش بينا كلام يتقال تاني يا بنت عمتي عن اذنك
يمنى:- بغيظ لا في ممكن نتكلم دقيقه واحده بس
زين:- حاضر اتفضلي اتكلم كلي اذآن صاغية
يمنى:- انا اسفه علي اسلوبي معاك اخر مره انا كنت مش حسا بنفسي بس كويس اني صارختك بمشاعري تجاهك صحيح جرحتك بس ارحم من اني اخدعك وكانت النتيجه واحده وهي اننا مش لبعض ونصيبي مش معاك ولا ايه
زين:- صح كلامك كله صح وانا قلت لعمتي الغلط مش غلطك كانو يقدرو يصارحوني من اول مره طلبتك فيها هما خافو علي زعلي ومقدروش اني استحاله اتجوزك غصب عنك
ويتنهد الحمد لله حصل خير وكل حاجه انكشفت وارتاح الكل
يمنى:- انا سعيدة اوووي لتفهمك ليا وهستناك تجي تخدني للفرح بكره في عربيتك ماشي
زين:- مش مستاهله عربية بس حاضر من عيني هجي اخدك
ويتصالحو ويحاول زين يكسب حبها بطريقة الصداقه الاول
وفي ليلة للزفاف يروح يخدها هي وعمته والدار تفضي ويقفلوها وراهم لان عمه سبقه علي القاعه مع اولاده
ويصلو القاعه في وقت وصول العروسة وكانت ليلة ولا الف ليلة ويتم فتح البوفيه ويعمل زين طبق ليمني وطبق لعمته
يمنى:- لا لا ايه كل اللحوم دي كفاية قطعة ستيك وكوباية عصير برتقال لو ينفع
زين:- ولو مينفعش ينفع علشان خاطرك ويطلب من اخوه يطلب من عامل البوفيه يجهز كوباية عصير برتقال ويستاذنها ويروح لعمه يقف جمبه يستقبل المهنئين
حمزة:- اتفضلي يا جميل عصير برتقال فرش للحلوين
يمنى:- ايه اسلوبك السوقي ده احترم اني اكبر منك
وبلاش تكلمني بالطريقه دي تاني وشكرا علي العصير
حمزة:- بغضب انا ابن خالك يا انسه مش واحد جاي اشحت منك ولو بهزر معاكي لاني بعتبرك زي اختي اتفضلي انا غلطان اني جبتلك حاجه لولا زين اللي طلبه مني ولا كنت عبرتك
عنايات:- ليه كده يا بنتي زعلتيه ده دمه زي العسل وبيهزر معاكي نفسي اعرف انتي ليه كارها ولاد خالك محمود زين وحمزة قوليلي سبب واحد بتعامليهم بتعالي وغرور لبه
بمنى:- معرفش يمكن بسبب مالهم مش عايزه اهرب من احساس انهم اصحاب فضل عليا ويبعدو عني بمالهم
عنايات:- لا انتي مجنونه حمزه مايملكش ولا مليم واحد لولا اخوها كان اتشرد وكمان زين مش كده وعمره ما بيحسس حد بفضله عليه ياريت تشوفيه صح وتحسي بقلبه الكبير
و عقدتك منها دي تنفك قبل ما تخسريه يا بنتي
يمنى:- يوه يا ماما تاني هنتكلم في الموضوع ده انا عملت اللي طلبتوه مني وصالحته واعتذرت ليه خلاص بقي خلصنا
انا اتخنقت وحسا بصداع رهيب تعالي نروح
عنايات:- انا عمة العروسة مينفعش امشي قبل الزفه خلي حد من الغفر يروحك او قولي لزين يوصلك للبيت
يمنى:- لا انا هروح لوحدي هروح انام وهجهز الشنط نسافر بكره زي ما اتفقنا ماشي
عنايات:- ماشي وتقوم يمني من علي تربيزاتها ويشوفها زين
زين:- راحه علي فين الفرح لسه مخلصش
يمنى:- تمسك دماغها معلش عندي صداع شديد مش متحملاه
هروح اخد شاور وانام يمكن يرووح الالم
زين:- استني اشوفلك برشامه للصداع او اجي معاكي اوصلك
يمنى:- لا خليك علشان معازيمكم انا هتمشي في الهوا وهرتاح
زين:- طيب خلي بالك من نفسك وخدي مفتاح الدار ويشوفها خارجه لوحده بكل غرور يقول في سره
عنادك ملهوش حل بس هسيبك علي راحتك يا يمني
يمنى:- تخرج من القاعه وتتمشي والصداع بيزيد وتحس بدوخه بسبب الالم وتتسند علي باب بيت ويسندها حمزه
حمزة:- ابيه طلب مني اوصلك تعالي اركبي
يمنى:- بضيق لا مش هركب معاك انت طايش ومجنون اتفضل ارحع لاخوك انا عارفه السكه كويس
حمزة:-اوف براحتك انت فظيعه معرفش زين بيحبك علي ايه
يمتى:- تكمل طريقها والصداع يزيد كمطارق بتضرب راسها وتحس بدوار عنيف من قوة الالم وتشوف البيت بعيد اووي
وتلمح بطرف عينها الغفير اللي واقف علي دوار العمدة بيبصلها بطريقه مستفزه وتلمح عربية زين وراها وفيه حمزه
وتحاول تستنجد بحمزه يجي يوصلها لانها مش قادره تكمل
وبعد اكتر من ساعتين ياخد زين عمته وعمه يوصلهم للدار بعد ما اتزفت خلود لعريسها ويقرب من البيت
ويشوف عربيه بتجري مسرعه من امام البيت يستغرب
زين:- عربية مين دي هو في ضيوف عندك ياعمي عندهم عربية
وفيق:- لا يا ابني يمكن حد كان بيسال عن الفرح
زين:- بس مفيش حد بالدار غير يمني انا قافل الدار بنفسي
ولما يمني اصرت تروح اديتها المفتاح
عنايات:- قلقتني يا زين ويمني اصلا كانت مصدعه وتعبانه ويوصلو للبيت وتنزل عنايات وعمه
زين: بعد اذانك يا عمي
ممكن ادخل اطمن علي يمني وبعدها هروح
وفيق:- عيب يا ابني تستاذن تدخل دارك روح اركن العربية وحصلني ويدخل الدار ورا اخته اللي تطلع جري تطمن علي بنتها وتشوفها نايمه بسريرها ومتغطيه وشعرها متبهدل
بطريقه غريبه تروح تصحيها وتساله عن حالها
عنايات:- يمني يمني حبيبتي عامله ايه
يمتى:- تفتح عيونه بصعوبة وتتلمس جسمها وتتالم اه يا ماما جسمي كله بيوجعني اووي
وتنتبه انا جيت هنا ازاي وتنفض وتقوم من علي السرير
وامها تشوف قمميصها والدم اللي عليه تصرخ...!!!