حب بنت الشوارع (حياه الصقر) 20
الفصل العشرون والواحد والثانى والعشرون
عمار و هو حاضنها: بابا.. تعالي هوريهولك
ملوك و حياه بصوله بأستغراب بس حياه مشيت معاه لحد ما وصلت الأوضة و هنا أتصدمت إن أبوها واقف علي عكاز..
حياه بصدمه و دموع: دا بجد!!
أبوها قرب منها و حضنها: آه بجد
حياه بتبصلهم كلهم: طب حصل إزاي
عاصم: هات أختك و أقفل الباب يا عمار
عمار سند حياه و أبوه قعد قدامه هو و عاصم..
عاصم: أبوكي من فتره كان بيتحرك حركه بسيطة زي إيده رجله كدا و كان ممكن يكتب فطلب من الممرضة تطلب صقر في البيت و طلب منه أنه ميعرفكوش أنه بدأ يتحرك و أنه هيتابع مع الدكتور خلال شهر لحد جوازك يا حياه و كان حابب يفاجئك يوم جوازك أنه بدأ يمشي حتي بدون عكاز..
حياه بصت لأبوها و حضنته: يعني أنت بقيت بخير يعني بقيت كويس كدا!!
أبوها باسها: آه يا حبيبتي بقيت كويس
حياه: خلاص نأجل
قاطعها دخول صقر و بصوت عالي: نأجل إيه يا دلعدييييي دا أنا ما صدقتتت يلاا يا بت علي الأوضة بتاعتك كملي لبس بدل ما والله أخطفك و محدش يعرفلك طريق قااال نأجل قال
كلهم ضحكوا عليه و هو بصلهم بغيظ: إيه!!
عاصم: أصلك مخدتش بالك إننا عرفنا إنك كنت بتسمعناا
صقر بتوتر: اناا أبداً أبداً حتي أهو
حط أيده علي ودنه و هو بيضحك حياه قامت بصتله بخبث و قالت: إلا قولي يا صقورتي
صقر بتبريقة: صقورتك إيه يخربيتككك أطلعي برااا يا بت
حياه ضحكت و طلعت و هما بدأوا يجهزوا..»
*باليل *
حياه واقفة علي السلم و جمبها عمار و أبوها هيسلموها لصقر.
عمار: مش هديكي لصقر علي فكره
حياه ضحكت: خلاص خلاص ملوك ياسيدي صحبتي من زمان كنا مع بعض عند أمك يعني
عمار: أمك يا بيئه!!
حياه: بابا تعالي أنت سلمني لوحدك
عمار بيشد علي إيدها أكتر: لا طبعآ
حياه ضحكت و مسكت إيده زي ما مسكها و نزلوا التلاتة علي السلم..
صقر واقف أخر السلم بيبص عليهم و أستغرب ليه الإتنين بيسلموها بس فرح بوجودهم جمبها.»
عمار بيسلم حياه لصقر: خد باالك منها ها يا زفت
صقر: يارب أرحمني أخلص يا حيواان
عمار ضحك و باس رأسها و سلمهاله.»
صقر أخدها في حضنه و باس رأسها و بدأوا يدخلوا قاعة الاوتيل علي الأغاني..»
*علي الأستيدج *
عمار ماسك مايك هو و سفيان و وليد..
عمار بيحكي طفولتهم و كانت عامله إزاي و خلص و قال: صقر مش صاحبي بس دا أخويا صقر طول عمره جدع مع كل اللي حواليه و بيحاول يفرحهم فأحنا قررنا نفرحه
وليد بيكمل: مش بس نفرحه لا و نفرح عروسته إحنا و صقر علاقة قوية مش صحوبية و بس علاقة محدش هيفهمها عشان كدا قررنا نعمل حاجه مختلفة
سفيان بيكمل بضحك: لا و جديدهه و تليق بصقر الصفتي
كلهم ضحكوا و سفيان قال: بصوا قدامكوا كدا
بصوا كلهم و كان في شاشة كبيرة كانت كلها فيديوهات لصقر في كل حته حتي الشركة و مع الفيديوهات صوت مختلف لكل
أفراد العيلة و هما بيتكلموا عنه و في الآخر حياه ظهرت في الشاشة و هي بتقول: من وقت من ركبت عربيتك وأنا اتأكدت إنك هتكون حاجه مهمه في حياتي صقر أنا بحبك. ♡
صقر بصلها و حضنها و قرب من صحابه و حضنهم و من جواه بيتمني يفضلوا كدا و كل العيلة قربت منه و حضنهم بعد كدا بدأوا يرقصوا وسط فرحتهم.»
*بعد وقت طويل *
الفرح خلص و صقر مع حياه في عربية وليد و مها..
صقر: يابني ما تخليك سريع بقي
وليد بضحك: هطير أنا يا صقر مثلا!!
مها ضحكت و حياه نامت في حضن صقر..
وليد متعمد أنه يبطئ.
صقر في بغضب: ولييييييييييد
وليد بخوف: خلااص والله أهو
مها ضحكت عليه و هو بصلها بتحذير..»
وصلوا أخيرا الڤيلا و صقر شال حياه اللي نايمه في حضنه و طلع الأوضة و وليد أخد مها عشان مسافرين.»
*في الأوضة *
صقر حط حياه علي السرير و مرديش يصحيها قلعلها الجزمة و الطرحه و كان لسه هيفتح سوستة الفستان عشان تنام براحتها لقاها صحيت ..
حياه بفزع: أنت بتعمل إيه!!
صقر بضحك: بقلعك
حياه بعدت عنه: أنت قليل الأدب
صقر: طب ما أنا عارف
حياه قامت و لسه هتمشي صقر شدها: تعالي بس أقولك سر..
*تاني يوم الصبح *
حياه صحيت: اعااااااااااا
صقر بفزع: إيه في إيه
حياه: أنت نايم جمبي كدا إزاي!!
صقر بصلها و أنفجر في الضحك: قومي يا حياه قومي يا ماما الله يرضي عنك
حياه بنعاس: لا أنا هكمل نوم
صقر بضحك: يبقي أحسن برضو.
حياه نامت و صقر قام أخد دش و فتح اللاب يخلص شغل..
*عند عمار *
بيتخانق هو و ملوك عشان مش عايزها تمشي بس هي عايزه تمشي.
ملوك: ياااابني بقي
عمار: ولاا كلمه يلا علي فوق
ملوك ضحكت و خبطته علي رأسه بخفة: علي فوق بصفتي إيه بقي!! يعني هعيش هنا بصفتي مين!!
عمار: صاحبة حياه
ملوك: والله و حياه أتجوزت كدا هبقي بصفتي إيه بقي
عمار: بصي أطلعي و نبقي نحل كل دا بعدين يلاا
*عند صقر *
خلص شغل و قام يصحي حياه.
صقر: حياه أنتي ياابت
حياه: اممم
صقر: قومي يلا عشان ننزل تحت نسلم عليهم و نمشي
حياه: سبني شوية شوية بس
صقر: لا قومي يلا
حياه بصتله بنعاس: طب تعالي نام أنت كماان
صقر: بطلي كسل الساعة 1قومي
حياه قامت: حااضر أهو قومت
*بعد وقت *
حياه و صقر نزلوا سلموا علي الكل و قعدوا معاهم بعد كدا وليد و سفيان و عمار وصلوهم المطار عشان شهر العسل..»
حياه: بقولك يا صقورتي
صقر: يادي صقورتك
حياه ضحكت: الله بدلعك مدلعكش يعني!!
صقر بضحك: لا دلعي برااحتك بس متهنيش البرستيج كدا
حياه: مرااتك ولا البرستيج
صقر: لا البرستيج
حياه خبطته في صدره: طيب يلاا عشان نلحق الطيارة
صقر: والله لو عليا أفضل في المطار
حياه بتشده: يلاا يا صقر
صقر: طب أصبري أشوف الرسالة دي
صقر فتح الرسالة و حياه جمبه شافتها و بصتله بدموع: ماتت!!
حب بنت الشوارع (حياه الصقر) 21
الفصل الواحد والعشرون
حياه بدموع: ماتت!!
صقر بصلها و حضنها: أنتي مكنتيش بتحبيها زعلانة ليه بقي!!
حياه بزعل: أيوة بس هي بنت صغيرة يا صقر متستاهلش
صقر: دا سبب تهورها أكيد أميرة طول عمرها كدا المهم هتصل بوالدها أعزيه و أرجعلك
حياه هزت رأسها و هو بعد شوية أتصل بوالد أميرة يعزيه و خلص و أخدها و ركبوا الطيارة و هي سرحانة حتي لو بتكرهها هي متمنتش موتها قبل كدا و في حادثة كمان..»
*في الطيارة *
صقر و هو بيلعب في خصلات شعرها: نامي يا بابا نامي
حياه بتعب: أنا زعلانة عليها أوي
صقر: عارف يا حبيبي بس دا قضاء ربنا يلا نامي و متفكريش في حاجه ولا في حد
حياه نامت و هو أتنهد و بص قدامه.
*في بيت عمار *
كالعاده عمار و ملوك بيتخانقوا.
عمار: لا يا ملوك
ملوك: هو أنت واصي عليا أفهم أنا بس!!
عمار ببرود: آه
ملوك: ياخي بطل برادتك دي
عمار كان هيضحك بس بصلها ببرود: حاضر
ملوك دبدبت في الأرض و مشيت و هو بيبص عليها بأبتسامة..
*في الطيارة *
صقر: حياه حبيبي يلا أصحي
حياه بنوم: شوية صغنين يا صقر
صقر ضحك: حبيبتي أصحي الطيارة هبطت و مفيش غيرنا موجود.
حياه فتحت عينها و بصت ملقتش حد غير المضيفات اللي واقفين يضحكوا عليهم.
حياه بغيرة: طب يلا
صقر : تمام
صقر أخدها و نزلوا أستلموا الشنط من المطار و خرجوا كان صقر طلب عربية ركبوا و السواق حط الشنط و مشيوا.
*عند سفيان *
تولين: أنا زهقت يا سفيان بطل تحكم بقي
سفيان بعصبية: دا مش تحكم دي غيرة
تولين: غيرة!! تقولي متلبسيش داا قصير متسلميش علي دا مش مرتاحله مش عارفة إيه
سفيان: تمام يا تولين أعملي اللي عيزاه وأنا المرادي اللي بقولك زهقت من عندك دا سلام
قفل معاها و هو متعصب ضغط علي أسم وليد.
*عند وليد *
سمع موبايله بيرن.
وليد: لاا مش وقتك خالص
مها في حضنه: وليد رد ممكن يكون حد عايزك
وليد: اووف حاضر
مد إيده و بص في الشاشة.
وليد بأستغراب: غريبة دا سفيان
مها باسته من خده: طيب رد وأنا هقوم أخد شاور و أشوف ماما ناهد
وليد هز رأسه و هي قامت و هو أتعدل و رد.
سفيان: فاضي!!
وليد: مالك في إيه!!
سفيان: تعلالي علي المكان اللي بنتجمع فيه و أتصل بعمار برضو
وليد قام يلبس هدومه: ماشي نص ساعة و نكون عندك
قفل و دخل أخد شاور و لبس و نزل أتصل بعمار في الطريق و قاله و هو كمان نزل وراه.
*عند صقر *
حياه بزعل: عارف كان نفسي ماما تكون معانا
صقر باس رأسها: معلش يا بابا
حياه خرجت من حضنه و بصتله: هو أنا وحشه!! يعني هي ليه سابتني!!
صقر رجع رأسها مكانها: لا مش وحشة بالعكس هي اللي وحشة انها سابتك بس برضو نرجع و نقول إن هي عندها شوية حق لأنها كانت معيشة نفسها في القرف دا
حياه: ما هي عيشتني فيه
صقر: بس أنتي بتقولي إنها مكانتش بتسرحك زي البنات ولا بتبعيك و لما جه وليد باعتك لأنه عرفها إنك هتعيشي مع العيلة
حياه: بس برضو عارف لو عرفتني إني بنتها كنت هحاول نخرج أنا و هي من القرف دا كله بس هي أختارت الطريقة السهلة
صقر ضحك بخبث: و أنتي بتحبي الطرق الصعبة بس
حياه ضربته بخفة علي صدره: لم نفسك مش محترم
صقر بخبث: معاكي أنتي بس يا حبيبتي معاكي أنتي بس...
*في مكان قدام الجبل*
سفيان و عمار و وليد قاعدين.
وليد: يعني هي مش عيزاك تتحكم
فيها!!
سفيان: تصور بتقول ان دا تحكم
وليد بصله: سفيان اتجاهلها
عمار: لا طبعآ أكتر حاجه البنات بتكرهها التجاهل
وليد: طب ما هي بتعمل اللي بيكرهه يبقي هو يعمل برضو اللي بتكرهه.
وجه كلامه لسفيان: أتجاهلها و ملكش دعوة بلبسها اعمل كأنك ملكش دعوة هي هتحس و هتقولك مالك قولها أنك ملكش دعوة بأي حاجه في حياتها ساعتها هتحس هي بالخسارة و هتبدأ تقرب تاني
عمار: و أفرض محستش
وليد: ساعتها نخليها تغير
سفيان ضحك: هي دي قعدة بنات ولا ولاد!!
عمار بضحك: والله ما أنا عارف هي قلبت حريمي كدا ليه.
وليد: أنا غلطاان إني بنصحك يا معفنن
*تاني يوم عند صقر *
حياه: صقر صقررررررر
صقر بنوم: في أيه يا حياه
حياه: عايزة أخرج
صقر: حاضر شوية
حياه: قوم يا صقر عشان مخرجش لوحدي
صقر بصلها بنص عين: أعمليها كدا
حياه: اووف يا صقر يلاا بقي
صقر قام و لبس التيشرت: حاضر ياختي حااضر جايب بنت أختي أنا
حياه: نينينينيني
صقر: لا بنت أختي بنت أختي يعني
حياه بصتله بغيظ و هو بغمزة: بس أحلي بنت أخت صح
حياه: بطل قلة أدب و قوم
صقر ضحك: ما أنا قومت
حياه: صقرر
صقر بيقلدها: حيااه
*بعد نص ساعة *
صقر و حياه بيلفوا في الشارع..
حياه: أيوة هنفضل نلف كدا هو أنت جايبنا تركيا نلف!!
صقر ضربها علي رأسها بخفة: عايزة تعملي إيه
حياه و هي بتجري من قدامه: عايزة اروح الملاهي أشوف الممثلين أعمل حااجات كتير
صقر بيشدها: طب تعالي ياختي تعالي
صقر أخد حياه الملاهي و فضلوا يلعبوا و أخدها البحر اللي كان منظره روعة خصوصآ في تركيا.
*باليل *
قاعدين قدام البحر و هي في حضنه.
صقر: مبسوطة
حياه: أنت عارف لو كانوا قالولي هيحصل كذا كذا مكنتش هصدق و حقيقي حاسه إني دلوقتي في حلم. ♡
صقر باس رأسها: الأحلام بتتحقق و أنتي حلم غريب مكنتش قادر أحلمه و من غير ما أحلم أتحقق. ♡
حياه بصتله بحب: بحبك.
*تاني يوم الصبح *
صقر أخد حياه يتمشوا في الشوارع عشان كان في محضرلها مفاجأة علي العصر و جه الوقت و أخدها و راحوا قدام البحر أخد مركب صغير ركبوا هما الإتنين فيه و كان صقر هو اللي بيسوق..
حياه: طيب هنروح فين طيب
صقر: ماا تهدي يا بت أنا هخطفك!!
حياه: لا أصل مني زكي في الفيلم كانت مش مدية خوانة برضو و جوزها خطفها فعلآ
صقر ضحك: مني زكي!! يالله منك
أخيرا وصلوا و صقر وقف.
حياه: إيه داا؟؟
صقر: شايفة إيه!!
حياه بصت حواليها بصدمه: جاي ترميني في البحر و تعذبني هنا ولا إيه
صقر مادد إيده ليها: تعاالي يا أخرة صبري تعالي
حياه ضحكت و مدت إيدها مسكت إيده و هو شالها و دخلها البيت و ربط المركب و دخل هو كمان.
صقر: ها إيه رأيك
حياه: تحفهه يا صقر تحفه
البيت كان عبارة عن بيت في وسط البحر بعيد عن الشط خالص و عن أي ناس و عبارة عن طابقين في كل طابق سرير و حمام و تلفزيون و المطبخ موجود في الصالة الصغيرة.
حياه: بحبك علي فكره
صقر ضحك: طب ما أنا عارف و يلا عشان ننزل البحر
حياه: أوك بس هننزل بأيه!!
صقر: أفتحي الدولاب يا بابا
حياه فتحت الدولاب و كان فيه هدوم ليها و في ميوهين بكيني و مايوه بوركيني أخدت البكيني و بصت لصقر بمكر.
حياه: صقوري هلبس دا
صقر بصلها و ضحك: حبيبتي البيت أصلا بعيد عن الناس و محدش يقدر ييجي هنا و لو حد جه بنشوفه يعني ألبسي اللي أنتي عيزاه و كمل بغمزة: انشاءالله متلبسيش حاجه يعني عادي
حياه: تعرف تبطل قلة أدب!!
صقر بضحكة: لا معرفش
حياه لبست المايوه و صقر نزل و أخدها كانت خايفة في الأول و متشعلقه فيه بس بعد كدا سابت نفسها و فضلوا يعوموا مع بعض..
في الآخر تعبت و طلعت البيت و هو لسه في البحر أخدت دش و غيرت هدومها لفستان كات لونه أسود تحت الركبة
بشوية و عملت شعرها ديل حصان فضلت مستنية صقر بس مطلعش لحد دلوقتي طلعت و وقفت قدام البحر تشوفه بس
مكانش موجود و مفيش أي حركة في المايه تدل أنه بيعوم خافت ليكون حصله حاجه في المايه و لسه هتنط عشان تشوفه فجأة..
حب بنت الشوارع (حياه الصقر) 22
فجأة صقر طلع من المايه و سحبها معاه و هي لسه مش مستوعبة و صقر بيضحك بدأت تضربه علي كتفه.
حياه: أبعد كدا بقي أبعد
صقر بضحكة و برائة: أبعد ليه يا حبيبتي هو أنا عملت حاجه
حياه بصتله بسخرية: لا وأنت بتعمل
صقر: لا ما أنا هعمل كتير..
*مر أسبوعين كانوا أحلي أسبوعين بالنسبه لصقر و حياه و خلاص النهارده هيرجعوا *
*عمار أعترف بينه و بين نفسه أنه بيحب ملوك و مستني الفرصة المناسبة عشان يقولها *
*وليد كل يوم حبه بيزيد لمها *
*سفيان بيعند هو و تولين لحد دلوقتي *
*في تركيا *
صقر و حياه راحوا جابوا هدايا كل العيلة و أتفسحوا كتير و رجعوا وضبوا الشنط و أستعدوا للسفر و نزلوا ركبوا تاكسي عشان العربية سلموها خلاص و وصلوا قدام المطار و دخلوا ركبوا الطيارة علطول.
* بعد ساعات كتير عند عمار *
عمار: ملوووووووووك
ملوك بتحاول تكتم ضحكتها: نعم
عمار: مين اللي عمل في وشي كدا
ملوك: وأنا هعرف منين بس يا عمووور
عمار: عموور!! طب تعالي بقي
بدأ يجري وراها و هي بتجري منه و بتضحك و خبطت في حياه.
ملوك بصويت: اعاااااا حيااه وحشتيني
حضنوا بعض جامد و ملوك فرحانة برجوعها و عمار قرب منهم و حياه كمان حضنته و صقر دخل وراهم و سلم عليهم و ضحك علي شكل عمار و ودعوا بعض علي وعد أنهم هييجوا بكرا تاني.
عمار بخبث: كنا بنقول إيه بقي يا لوكاا
ملوك بخوف: هو عمو أبوك فين
عمار: لا ما بابا في الشركة
ملوك و هي بتجري: طيب روح أنت كمان الشركة بقي
عمار ضحك عليها: لا ما أنا أجازة يا حبيبتي و مشرفك النهارده.
*عند حياه *
وصلوا الڤيلا و سلموا علي الكل و طلعوا برضو عشان يرتاحوا.
صقر بيلعب في شعر حياه: حبيبي أجهزي بكرا هننقل للڤيلا التانيه
حياه بصتله: بس مش حرام مامتك و باباك هيبقوا لوحدهم و كمان وليد و مها نقلوا أمبارح
صقر أتنهد: يعني أنتي عايزة تفضلي معاهم!!
حياه: آه نقعد معاهم و برضو الڤيلا التانية خليها لو حبينا مثلا نتلم كلنا فيها
صقر باس رأسها: ماشي يا حبيبي اللي عيزاه هيكون. ♡
*عند سفيان *
بيتخانق مع تولين
سفيان: طيب تمام يا تولين براحتك أنا ولا هكلمك ولا هقولك حاجه أنا مليش دعوة أصلا مش دا قصدك
تولين: لا مش قصدي يا سفيان أنتي خطيبي تمام بس أنا عيزاك لما تعارض حاجه كلمني بهدوء هنتكلم مع بعض مش تزعق و مستنيني أقبل بالأمر الواقع و أنفذ اللي عايزه أنت أنا مش أمينة وأنت مش سي السيد يا سفيان لا أنا تولين و أنت سفيان فاهمني!!
سفيان بهدوء: تمام فاهمك ممكن بقي تشرحيلي وجهة نظرك إيه يا توتو
تولين أبتسمت: وجهة نظري إننا نأكل الأول و بعد كدا نتكلم و تفك التكشيرة دي هاا
سفيان ضحك: عشانك ياستي التكشيرة و صاحب التكشيرة يفكوا. ♡
*بعد يومين *
صقر نزل الشغل و سفيان عرف برجوعه و عمار و وليد راحوا معاه و أتجمعوا في مكانهم المفضل.
حياه جمعت البنات في بيتها و باباها كمان جه و سلم عليها و قعد مع عاصم يتكلموا في الشغل.
مها و هي بتتكلم معاهم حست بدوخة بس أتغاضت عنها و حياه لاحظت.
حياه: مالك يا مها
مها: دوخة بسيطة بس
ملوك: أنتي أكلتي!!
مها: آه
تولين بصتلها بحماس: ممكن تكوني حامل
مها بصتلها بفرحة: ممكن فعلا!!
حياه: آه ممكن اول ما تروحي جيبي أختبار و شوفي
مها: لا أنا مش هستني أنا هجيب حالا
التلاتة بصولها و حياه قالت: لاا وليد هيزعل لو مكانش أول واحد يعرف
مها بحماس و فرحة: خلاص أنا هروح دلوقتي يلا سلام
كلهم: سلام
*باليل *
صقر رجع البيت و سلم علي ناهد و عاصم و قعد معاهم و حياه طلعت من المطبخ و قعدت معاهم.
عاصم و ناهد طلعوا أوضتهم و صقر بصلها و شدها و طلع.
حياه: في إيه يابني حد يشد حد كدا
صقر: آه أنا
حياه: صقر ما تيجي ننزل نتمشي
صقر بغيظ: والله
حياه بضحكة و هي بتقرب منه: آه معلش شوية قد كدهوو
صقر: ماشي ياختي أجهزي
حياه باسته من خده و جريت: حبيبي أنا
ضحك عليها و أستناها تلبس و لأنه كان جاهز أخدها و نزلوا يتمشوا شوية..
*عند عمار *
كان بيتمشي في الجنينة و لمح حد واقف مع ملوك قرب منهم شوية و كان واحد ميعرفوش.
عمار: مين دا يا ملوك
ملوك كانت بتعيط و مش بترد.
عمار بقلق: في آيه أنت مين!!
الشاب: أنا واحد تبع الريسة
عمار بينقل نظراته بينهم: مين الريسة!!
ملوك بعياط: والدتك
عمار بجمود: مالها!!
الشاب: عايزة ملوك ترجع الشغل تاني
عمار و هو بيمسك ملوك بتملك: و أنتوا متعرفوش إنها خلاص أتجوزت و مش هترجع تاني ولا إيه!!
الشاب بأستغراب: لا منعرفش خلاص أنا هقولها
عمار: تمام أتفضل بقي
الشاب خرج و ملوك بصتله: أتجوزت!!
عمار ضحك علي صدمتها: آه يا حبيبتي دا أعتبار ما سيكون
ملوك: يعني!!
عمار: يعني بحبك يا ملوك
*عند وليد *
دخل الڤيلا و كانت هادية خالص طلع السلالم و دخل الأوضة و أستغرب النور مطفي و في شموع مها قربت منه و حضنته.
وليد بغمزة: هو في إيه!!
مها بفرحة حطت إيده علي بطنها: في هنا حد بقاله 30يوم مشفرنا
وليد بصلها بصدمة: بس أنا مش مستعد و كمان إحنا متفقين
مها بصدمة و هي بتشيل إيده: مش مستعد لأيه بالظبط!! و متفقين علي إيه!!