#اليتيمه وابن البصره
بقلم#هديل احمد
الفصل الرابع والخامس والسادس والاربعون
فعادت لقوتهـا وكأنها تؤكد مقولة ما لا يقتلـني يقويـني🔥💎.
.................
نارين: صار ثاني يوم كعدت من الصبح ويا عمتي نضفنا البيت وحور وسهاد يحضرن الكرزات عمتي اجت كعدت يمي كالت
سمر: يمه خلي اخاذج للصالون باعي وجهج كله شعر
نارين: عمه فدوه خليني ع طبيعتي ماريد اغير شي من وجهي
سمر: ولج نرجس جيبي الخيط
نارين : فدوه ماريد تره ابجي
سمر: هنيالي عليج تكعد تبجي بت حضي يلا عدلي وجهج
نارين: مااريد احف
سمر: باعي حواجبج اثخن من شوارب زلمتي
نارين: اووف ياعمه الج خلك هم تحششين..بلعياط وبلعركات يلا خلصت وجهي وصح قبل ماجنت احف وكلش اتأذيت بس طلعت حلوه وبيضه ..ارتاحيتي
سمر: اي تعبتيني كومي عوفيلج فد كحله شدكول امه عليج
نارين: عليج الله لاتخربين واهسي ع شنو البخ وجهي خليني هيج يشوفوني طبيعيه
بعد مرور ساعه
اندك الباب طبو عمامي وورا نص ساعه اجو بيت يوسف هوا واهله طبو الزلم جوه والنسوان طبو جوه انه صعدت لغرفتي لان عمه كالت من اصيحج انزلي المهم لبست فستان بيجي وعفت شال ع راسي ونادتني عمه جانو 3 وحده بكد عمتي وثنين يطلعن بكدي
ام يوسف: صلاوات ع محمد شهلجمال بنيتي
نارين: تسلمين خاله
نورس: عمري شلونج نشالله بخير
نارين: الحمدلله حياتي
سميره: هلو
نارين: هلاوات عمري
ام يوسف: تعالي اكعدي يمي
نارين: كعدت يمها تشاقه وياي وتضحك وكالت العمه انو اجو يخطبوني وعمتي كالت انه ماعندي مانع
ام يوسف: چا امها وين ابوها
نارين: اختنكت كلش من سالتني ع اهلي ..حجيت بخنكه كلت. ابوي توفه وامي عافتنا
ام يوسف: الله كريم بنتي ادري سؤالي محرج بس شسوي مو بيدي لازم اسئل
سمر: لا عادي ام يوسف حقج خيه
نارين: ورا شوي طلعو وانه طلعت لغرفتي وقفلت الباب وكعدت ابجي تمنيت يطلبني من ابوي 😭 ليش ياربي ليش حرمتني من احله شي بحياتي. اندك الباب فتحته وطب عمي
ابو موسى: ليش تبجين يابنتي احد جبرج ع زواج احد ضوجج بشي كوليلي انه بمقام ابوج
نارين بدموع: ليش ماطلبني من ابوي اليوم المفروض تكمل فرحتي ويا ابوي المفروض ابوي يجي يكلي بنتي موافقه ع زواج ليش ابوي مابقالي شمسويه انه
ابو موسى: لاتنسين انه بمقام ابوج حته احنه تمنينه ابوج يكعد بكرسي مالته وراسه مرفوع ببنته ويطلبون ايدج من ابوج بس هذا قدر ربج
نارين: خلاص ابوي لو يحبني جان ضل وياي زين ليش مااخذني ويا لان احبه
ابو موسى: استغفري ربج شهلحجي ابوج يحبج اكثر من الكل لاتنسين سوه المستحيل علمودج ياعيني امسحي دموعج بعدج صغيره
نارين: مسحت دموعي ونزلت ويا عمي وانه حاضنته ريحته مثل ريحه ابوي حته طريقه كلامه ..
سمر: ياا شبي عيونج مورمات
ابو حكم: تعاي اكعدي هنانه انتي شيخه ابوج ليش تبجين
نارين: شوي اختنكت
سمر: سوده عليه. اي ابو موسى شكالو اهل الولد زينين لو لا
ابو موسى: والله كلش زينين الولد حباب ومؤدب ابو وعمامه هم زينين والله كلهم اصول وخوش ناس بس نبقه نسئل عليهم ونعرف شنو هم
ابو حكم: يمته نردلهم جواب
ابو موسى: خلي نارين تفكر زين وتكوللنا واحنا نردلهم خبر. انشالله
نارين: صح اني موافقه ع يوسف بس خلي اتعرف عنه كلش زين وبعدين ..تمام عمو افكر واردلكم جواب .اترخصو عمامي وولدهم وطلعو
بعد مرور 5 اشهر
نارين: رديت الجواب بعد ماعرفت يوسف شنو وصدك طلع خوش ولد يشاقه ويضحك ويهتم ويتغزل وحبه يزيد يوم عن يوم بل اخير كلي بعد مااتحمل انطي موافقه المهم وافقت وعمامي كالو لابو يوسف انو البنيه وافقت بعد 5 ايام خابرو عمي
ابو يوسف: السلام عليكم ابو موسى شلونك الاهل شلونهم نشالله بخير
ابو موسى: وعليكم السلام الحمدلله بخير انتم شلونكم
ابو يوسف: كلنا بخير خابرتك اريد اخذ رائيك بعد اسبوع نعقد سيد ومحكمه وبعده خطوبه وحنه وعرس شتكول
ابو موسى: والله انه اكول يطلع السنه مال ابو نارين احسن احتراما اله وبدون حجي الناس لان تدري حجي الناس ماتخلص
ابو يوسف: انشاء الله الي تريده يصير من يطلع السنه مالت المرحوم
ابو موسى: انشالله
ابو يوسف : يلا خوي اترخص انه محتاج شي
ابو موسى: مرخوص خويه سلامتك
نارين: فرحت بكلام عمي وانه بالي هيج اكول ليوسف والحمدلله عمي كاللهم. ردت اخابر رنا وابشرها بس ماصارتلي مجال ف دكيت عليها ماترد يمكن بل 20 مكالمه وهيه ماكو كلت يجوز صامت لو مشغوله لحد ماخابرت رنا رديت جان يطلعلي صوت 😳....
.
ايه: جود شجابك هنا
جود بنفاذ صبر: وين رنا والطفل شلونه
ايه : الطفل مات الله يعوضكم بغيره ورنا تحت المراقبه
جود: شنوو شلون
ايه: ووو....حجيتله من وكعت رنا
جود: تمام اهمشي هيه مابيها شي
ايه: اي والله الطفل راح طير بلجنه
جود: الله كريم.صح انقهرت ع ولد بس اهمشي رنا الفرحه ماكملت 😓 ورا نص ساعه اجت الدكتوره طبت تتاكد ع حاله رنا المهم طلعت مبتسمه
الدكتوره: المريضه صحت والله يعوضكم
جود: تسلمين. طبيت ع رنا لازمه بطنها وتبارع عليه وتبجي ..ميخالف حبيبتي الله حبه واخذه
.
رنا: فتحت عيوني شفت بطني فارغ لزمته وكمت ابجي فرحتي ماكملت بجيت بحرگه كلب طبت الدكتوره كالت.
الدكتوره: الله يعوضج حبيبتي
رنا: تسلمين بس ليش ماكدرتي تنقذي
الدكتوره: نزفتي هواي وماكدرنا ننقذه الافضل هسه راح احسن من تشوفي وماتشبعين منه ويموت
رنا: ليش شنو سبب قابل مااكدر اربي
الدكتوره: لا مو هيج بس الطفل جان يجي متشوهه فتره ويموت
رنا: راضيه بقسمتي اهمشي بحضني هوا
الدكتوره: الله يعوضج بالاحسن
رنا: طلعت وانه بجيت وبنفس الوكت كلت اذا جان جاي للدنيا راح ينضلم مو مني من حجي الناس الحمدلله ربي بكلشي راضيه وامتحانك كلش صعب. طب جود وروحي فرفحت
جود:رنا عمري اهمشي انتي صحتج تمام
رنا: الحمدلله ع كلشي راح طير بلجنه
جود: چا ليش كاعده تبجين
رنا: ماردت اكله ع سعاد لان رب العالمين راح ياخذ حقي منها كلتله. اكو الم ببطني
جود: اناديلج الدكتوره
رنا: لامايحتاج. يمته نطلع من المستشفى
جود: باجر
رنا: غمضت عيوني نمت والدمعه بعيني بعد ماكو طفل ببطني 😔
.
جود: عفتها نايمه وطلعت
ايه: ها شلون صارت
جود: برودها كتلني هسه نامت
ايه: ميخالف بين ماتنسه. برائيك نكول لاهلها
انور: لا خلي من تطلع مو. يمعود شبيك صافن الصفنه لابو صابر مو لجويد
جود: 😒 اشش كافي تحجون
انور: تعاي ايو اخخ اقصد ايه جويد يطردنه
ايه: اي يلا تعال بس وين نروح
انور: شبيج صدكتي. المهم تعاي لا عبالج انسى وقطيتيني 25 الف. يلا الحساب
ايه: الصراحه اني جذبت علي لان ماعندي حساب تاليا. رفعت راسي عود علساس اغلس.
انور: شفتها تباوع ع سكف. هييي لاتغلسين اريد الحساب
ايه: يووو شبيك ماعندي حسابها ردت امشي وجرني من ياخه ملابسي
انور: تعاي وين تروحين انطيني ال25
ايه: ياا هاي شبيك مو علساس انت الجريم
انور: لا جريم ولامحمود لو الحساب لو الفلوس
ايه: اووفف الفلوس صرفتهن بعدين اخذ الحساب من رنا بهل اثناء دك موبايل رنا مكتوب عليه نارين رديت. الووو
نارين: هلو منو وياي
ايه: انه ايه اخت جود
نارين: هلا بيج عمري بس حبيت اسئل ع رنا
ايه: باعي هيه رنا مو حامل ف اليوم طاحت من الدرج وسقطت الطفل
نارين: سوده بوجهي هسه هيه شلونها
ايه: والله زينه بس مبين عليها مقهوره وتحجي ببرود
نارين: انتم بيا مستشفى
ايه: بمستشفى ال.....
نارين: چا مسافه الطريق وانه يمكم
ايه: لا عمري باجر نطلعها لل بيت ميحتاج نتعبج
نارين: چا غير هيه اختي وصديقتي
ايه: براحتج. سديت الموبايل
جود: منو هاي
ايه: نارين صديقه رنا حتجي هسه
جود: خوش بويه
ايه: شويه وطبت اول شي ماعرفناها لحد مااجت يمنا سلمت وكالت
نارين: عادي اطبلها لو لا
جود: لا خويه طبي
نارين: طبيت لرنا شفتها نايمه صدك نزلت دموعي ع حالها. لزمت ايدها وكلت. يلا كومي رنا لاتضعفين الكاتبه الله يصير يروحي الله يعوضج بالاحسن لاتعوفينا انتي هم يلا يابعد اختج كومي وداعتج يتعوض
رنا:حسيت ع شي لزم ايدي بس سويت روحي نايمه لحد ماسمعت صوت نارين تشهك وتحجي .ابتسمتلها وكلت. ليش تبجين شو انه بعدني عايشه ماصارلي شي
نارين: الحمدلله ع سلامتج وربي يعوضج
رنا: الله كريم طير بلجنه هوا هم ماراد يجي للحياة ورب العالمين استجابه بس انه صارلي هواي ادعي واكول ربي ياخذني بس رب العالمين مجاي يستجابني تدرين تأذيت هواي وحبلت كلت راح ينسيني همومي بس هوا فتح جروحي القديمه ورجع همومي كله
نارين:اووف الله يساعد كلبج 🥺 بعدها انفتح الباب ودخل ....
#اليتيمه وابن البصره
#بارت45
#هديل احمد
يؤلمني جداً حين اتظاهر
انني بخير وانا لستُ هكذا!💔
…………………
نارين: انفتح الباب وطب صكر ويوسف
صكر: الحمدلله ع سلامتج والله يعوضج
رنا: تسلم. منو كاللكم انه سقطت الولد
صكر: ايه كالت. خابرت عليج طلعتلي ايه ويوسف جان يمنا ف اجينا انه ويا
رنا: خوش 😔
نارين: حسيت رنا تريد تحجي ويا صكر ع انفراد ف كلت. يوسف خلي نطلع ونعوفهم يسولفون
يوسف: اي امشي
رنا: نارين عايشه بكلبي وصدك ردت احجي الي بكلبي لصكر .. 😓 صكر انفتحت جروحي كله كلت حبلت ووراح انسه كلشي بس طلعت غلطانه
صكر: وداعتج الله ياخذ حقج من كل واحد ضلمج
رنا: امتحان رب العالمين صعب كلش اخد كلشي املكه كلشي احبه
صكر: انتي شلون وكعتي
رنا: جنت داانزل من الدرج ومع انو الدرج جان مابي ماي بس اخر بايتين تزحلكت وقبله نضرات ضرتي مافتهمته وحقيره وياي
صكر: چا ماكو غيرها
رنا: خليها بينه ناريد جود يعرف وماريد بيتها يخرب وهيه حامل
صكر: منين جبتي هلكلب الطيب مادري
رنا: صكر كول لجود اجي وياك ينفتح خلكي شوي ونبي مخنوكه
صكر: اكله ادللي يلا نامي انتي
رنا: غمضت عيوني وماحسيت ع شي
.
صكر: طلعت من عدها وناديت جود ..جود راح اخذ رنا وياي لبيتنا
جود: وجدك يكتلها مو
صكر: مايكدر يمد ايده عليها هيه بأمانتي لاتخاف عليها حتجي ويا اخوها مو ويا احد غريب
جود: ادري بس خايف عليها
صكر: لاتخاف انه راح اضل يمها واذا تريد انام يمها هم 😁
جود: شايف هلسجينه مال العمليات اطببه ببطنك
صكر: تره هيه اختي قبل ماتصير مرتك
جود: وهسه مرتي انت شتريد
صكر: اريد اخذها وياي هيه كوه
جود: اخذها يابه بس اذا صار عليها شي انت المسؤل عنها
صكر: اكيد يابه
صار ثاني يووم ....
رنا: طبت الدكتوره فحصتني كالت
الدكتوره: ديري بالج ع نفسج بنتي وهسه راح تطلعين من هنا
رنا: هزيت راسي بمعنه اي وراحت . ياربي ماطلبت منك شي ليش دائما انكسر
..
الدكتوره: تكدرون اطلعون المريضه
جود: تمام مشكورا
صكر: اروح اجيب ورقه خروج واجي
جود: روح..طبينا ع رنا جانت صافنه
ايه: الحمدلله ع سلامتج حبيبتي
انور: الله يعوضكم نشالله
يوسف: الحمدلله ع سلامه والله يعوضج
نارين: لاتنقهرين حياتي واذا احتاجيتي شي انه موجوده
جود: تكدرون تطلعون وتخلوني ويا مرتي
انور: تره انت بلمستشفئ مو بلبيت دير بالك لايطبون دكاتره 😂
جود: ولك ادبسزز
يوسف: شوف شغلك بلبيت صهري مو هنا
ايه: ع شنو تحجون انتو
انور: بعدج صغيره بنتي من تكبرين تفتهمين شنو معناها 😂
جود: انه الكم جايين تنصبون عليه
يوسف: رنا ماوصيج تره زلمتج مخبل ومن البارحه صابر عليج 😂
رنا: ضحكت عليهم وكلت..قابل زلمتي همجي لو اول مره يشوف بنيه او اول مره يتزوج 🤨
جود: ردو بيكم خير 😂
انور: تريد الصراحه جويد مرتك الاولئ ثور بريطاني
جود: وانت منين شايفها
انور: غبر احنا وياكم من الطفوله وانتم اهلي الثاني وولو انام بنص البيت متحجون 😂 بس جنت نايم بلصاله وشفتها تنزل
جود: هااا خوش
رنا: من جاب اسم سعاد كلبي انغز ..يلا يمته اطلع اختنكت
جود: حتروحين ويا صكر
انور: لاااااا حرامات چا من البارحه ينتضرج بل اخير حتروحين ويا الخويس صكير
صكر: انجب عزيزي الجميل يلا رنا خلي نمشي اليوم ماكو حضن جود اليوم تنامين بحضني 😂
جود: خايس اثول غبي ملطلط ادبسزز شنو بحضنج وكدامي جاي تحجي
صكر: غير اخوها وبكيفي وين انومها بكيفي يلنسيب يلشسمه يلا كومي تعال ابن الخال خلي نساندها
جود: وخرر انه اطلعها. لك نزل اايدك
رنا: انه اطلع سويتوها سالفه . كمت امشي كدامهم ع كيفي اجا بصفي جود يهمس
جود بهمس: من ترجعين نسوي بيبي 😂
رنا: يوو هاي شبيك انعديت منهم
صكر: شبينا احنا
رنا: مابيكم شي .صعدت بسياره صكر وويانه يوسف ونارين .انطلقنا للبيت وهاي ثاني مره اطبله وماعرف شنو مصيري حيكون جدي هم راح يعذبني لو معاملته وياي خوش ........طبينا جوه نسوان عمامي جانن كاعدات والبنات بلغرفن وعمه هم كاعده
ام ليث: هم اجت ام المصايب خرابت البيوت
عمه: ماجايه عليج فتهمتي. تعاي بنتي وين هلغيبه لاتسئلين ولا تكولين عمتي ماتت لو عاشت
رنا: بس شفت عمه تذكرت كلشي صار حضنتها وكمت ابجي ..مشتاقتلج كلشش
عمه: كافي تبجين ياروحي انتي
رنا: ليش مجايه ارتااح كوليلي ليش 😭 والله ممسويه شي حته رب العالمين يعاقبني ليش مايحبني وياخذني
عمه: سوده بوجهي 😔 اكعدي ياروح عمتج
رنا: طببتني بلغرفه وكعدت وياي
عمه: يلا احجيلي ليش هيج مهمومه
رنا: بديت احجيلها كلشي صار وياي وانه وياها نبجي
عمه: كل هذا صار وياج وضامته عليه مو انه مثل امج ليش ما تفضفضيلي هاا انه بنتي هيج يصير بيها
رنا: وداعتج كلما اريد اتواصل وياج يصير شي وتدرين شكد احبج ومااكدر بدونج
عمه: الله كريم لاتنقهرين الله ياخذ والله ينطي
رنا: انطاني هلطفل واخذه وانتم تكولون رب العالمين يحب وياخذ زين ليش ماياخذني شكو عافني اتعذب
عمه: استغفري ربج شنو هلحجي انتي الج مستقبل حلو
رنا: ههه يامستقبل وانه كل ماافرح يطلع من خشمي
عمه: خلي ايمانج بربج قوي ولاتحجين هيج انه دااكلج عندج مستقبل حلو
رنا: مااعتقد بس نشوف مع مرور الزمن ..عافتني انام وهيه طفت الضوه وطلعت مانمت وكعدت ابجي ع حضي لحد ماغفيت ودموعي تنزل .......
.
جود: وصلنا البيت وتلكتني امي
ام جود: وينها رنا
جود: راحت لبيت اهلها يومين وترجع
ام جود : خوش چا طبو جوه
انور: اني حروح للولد ماتجي انت
جود: لا والله تعبان المغرب امرلكم
انور: خوش يلا اودعناكم
جود: الله وياك. طبيت وصعدت للغرفه سبحت وبدلت وطلعت شفت سعاد كاعده ع جربايه ومكشخه ومتمكيجه وكاعده مبتسمه وقافله الباب ..شكو اطبين للغرفه
سعاد: غير اشوف زوجي محتاج شي
جود: سلامتج مامحتاج شي اطلعي وطفي الضوه
سعاد: اوي شبيك ياعيني
جود: اتقربت عليه وعافت ايدها ع ركبتي ..وخرري لاتلمسيني يلا برررهههه
سعاد: بس لو ادري شمسويتلك رنا الحقيره حته هيج تحبها حته حبلان ماتحبل متخبل عليها شكو
جود: لان داخلها نضيف روحها حلوه مو مثلج تخلقين الحقاره بيدج يلا برررررههه
سعاد: 😏😏 طالعه
جود: عوجت حلكها ومشت طفيت الضوه وغفيت
.
ايه: صعدت لغرفتي بدلت وتمددت دزلي رساله ليث مكتوب
ليث: انتي هاملتني هوايه مو مثل قبل
ايه: دكيت عليي ثاني رنه جاوب ..بلنسبه لرسالتك مو انه الهاملتك انت الهاملني واعتقد جاي تمل مني
ليث: البشر يكولون سلام عليكم مو كبل يطبون بلسالفه
ايه: تره ميصير هيج اني متقيده كلش صرت اخاف لايطب جود ويشوفني احجي وياك تحبني تعال حالك حال الزلم اطلب ايدي من اهلي تعال اخطبني شبيك
ليث: ها اشو كلبتي ابو جبار
ايه: ليث مجاي اشاقه والله ميصير هيج
ليث: الله كريم
ايه: يلا حروح خاف احد يجي
ليث: باي
ايه: كتلني بروده صرت احسه تغير عليه ومدري شبي نقطه رومانسيه ماعنده سلمته بيد ربي عسى ولعل يصير من نصيبي
#اليتيمه وابن البصره
#بارت46
#هديل احمد
كبرنا ومازلنا نبحث عن الأمان
عن الصدق وعن الوفاء
عن قلوب نقيه صافيه كا قلوب الأطفال
قلوب صادقه لا تعرف الكره والحقد والخيانه والغدر
نعم كبرنا ولكن مازلنا نعشق الطفوله ونتمني
لو يعود بنا الزمان كما كان وكنا !!
……………
رنا: كعدت من النوم كمت ع كيفي وطلعت من الغرفه شفت الاخذ كلشي مني كاعد بلصاله
الجد: اي وانه اكول ليش البيت مضلم اليوم طلعتي انتي هنا الج عين تجين هم
رنا: انه ماجايه عليك لاتخاف باجر ارجع لبيت زوجي
الجد: بعد عقابج ماخلصان واشوف يازلمه اليردج لزلمتج
رنا: راح نشوف منهو اليردني وانت خليك ع طبعك ماتعرف ربك جاي يشوفك شدتسوي ذنوبك هلكثره من ورا تعذيب المضلومين مسمي نفسك شيخ وتحل طلايب الناس وانت ماعندك حل لطلابتك هه خوش شيخ والله
الجد: السانج ينرادله كص الضاهر كام يطول هواي
رنا: كام وكف كبالي ..يلا اضرب بس اكلك مو زلمه اليمد ايده ع مره
الجد: انتي عاااار افتهمتي اتزوجتي ثنين بنفس الوكت خوش والله
رنا: عار هاي هيه عار انت مالك دخل بيه انت مجرد ماضييي افتهمت خليني بحالي 💔
الجد: حته مامنج فايده تحبلين وطيحينه يا يطلع سكط
رنا: ماتحملت كلامه كتله ..كلشي يجي من ربي الحمدلله الطفل مايتعيب بس ناسنه اطلعله عيوب عفته وطبيت جوه
ضليت ابجي .شمسويه انه ليش محد يحبني ليش يحسون انه اتكبر وانه عار عدهم يحسسوني ابوي جان تاجر مخدرات هه والله جدي يكول عليه عار لا عتب ع غريب ..اندك الباب وطب مهدي
مهدي: شبيج تبجين
رنا: مااتحمل بعد دقيقه ابقه هنا رجعوني لبيتي
مهدي: استهدي بالله شصاير بنتي شكو هلبجي
رنا: جدك يكلي انتي عار ومو مال حبلان شنو بيدي انه . ليش محد يفهم الي بكلبي والله كلبي موچر لان فقدت ابني بس داامثل بلقوه واكول هذا قدر ربي كلكم عشتو حياتكم الا اني
تنتضرون رنا تملي فراغاتكم صايره عربانه احتياطيه للناس يحجون عليه اسكت مااردلهم بس وصلت لحد العار وانه مو مال حبلان ويعيروني بأبني لا وصلت حدها مهدي رجعني اذا بقيت هنا اموت نفسي واخلص
مهدي: چا هذا كله شايلته بكلبج انتي راح يجي يوم تنفجرين من القهر احنا وياج لاتنسين وباجر ارجعج ادللي
رنا: اذا ضليت لي باجر انه امووت روحي ومتلكون جثتي رجعني الله يخليك
مهدي: تمام بويه حضري روحج
رنا: باسني براسي وطلع حضرت روحي وطلعت من الغرفه. وانه بلكوات امشي لان سوولي عمليه شفت البنات وعمتي وصكر وليث كاعدين ويباوعولي رحت كدام عمتي دنكت بستها براسها وكلتلها .. اسفه لان ماضليت هنا وصح ماشبعت منكم بس مو بيدي والله
العمه: لا بنتي لاتكولين هيج قابل راح تنكطعين عنا عود انت وزلمتج واهله تعالو
الجد: شايفيني مفتح ملهى جود واهله مايطبون هلبيت
مهدي: شبيك جدي
رنا: عوفه واصلا هما مايطبون لبيت واحد مثلك يلا مهدي تأخرنا ..سلمت ع بنات وصكر وليث وطلعت صعدت السياره وانطلقنا ...وصلنا البيت مهدي ماقبل ينزل دكيت الباب وانه مابيه حيل فتحلي الباب جود وهوا مصدوم كتله . مايصير اطب
جود: لا شلون مايصير طبي جوه موزين عليج الوكفه ..شنو ماطب مهدي
مهدي: انشالله غير يوم لان هسه عندي شغل
جود: الله وياك خويه ..
رنا: وكفت بلحوش انتضره طب وسد الباب .. جود مجاي اتقبل خسرت ابني
جود: الله كريم حبيبي الله يعوضنا بل احسن
رنا: اتمنيته يجي لو حته نص ادمي احمد ربي واشكره
جود: طبي بعدين نسولف
رنا: طبيت جوه شفت عمتي وعمي وايه كاعدين ع تلفزيون ..السلام عليكم
ابو جود: هلا نور البيت والله شلونج بنيتي
رنا: رحت بست راسه وسلمت علي واتحمدلي بلسلامه وام جود كذالك وايه هم . اترخصت وصعدت فوك شفت سعاد طالعه من غرفتي ركض كلت وي روحي. شبيها وشعدها بغرفتي. ماهتميت طبيت واجا وراي جود
جود: متعشيه
رنا: اي اكلت واجيت
جود: ليش وجهج اصفر لاتجذبين عليه ماكله لو لا
رنا: جود الله يخليك لاتضغط عليه دااكلك ماكله
جود: ادري بيج مامتعشيه بس راح اخليج ع راحتج
رنا: نزل جوه وانه غسلت وجهي وبدلت تمددت ع جربايه غمضت عيوني اجو اهلي بحلمي وهما جنهم ملاك
ابوي: رنا الله يعوضج
امي: ابنج طير بلجنه لاتنقهرين
ابوي: ربج حبه واخذه بس احنه زعلانين منج
امي: من تزوجتي نسيتي اهلج مراح نسامحج
ابوي: ديري بالج ع روحج ودائما شيكلج زلمتج كوليله اي لاتخلي يزعل عليج
امي: لاتنقهرين من كلام جدج اعذري بنتي
ابوي: جدج اله يوم ويعتذر منج وانتي راح تسامحي
رنا: بعدها اختفو فتحت عيوني حلكي يابس ودموعي تجري عشرا عشرا وجهي عركان ..مسحت وجهي ودموعي مابطلت تنشف ابجي بدون صوت. انفتح الباب وطب جود مستغرب
جود: شبيج تبجين ياعيني هذا قدر ربج انسي الماضي
رنا: اهلي زعلانين مني شلون بيه 💔 جوود اخذني الهم وشتريد اسويلك
جود: ليش دتحجين هيج ولا كأنمه انه رجلج اذا ضليتي تبجين مااخذج الهم
رنا: مو بيدي افهمني
جود: حضنتها لحد ماحسيتها نامت عفتها وطلعت من الغرفه ورا شوي طبيت شفتها ع حطتها نايمه. نمت يمها ........
صار ثاني يوم المغرب
رنا: راسي مصدع واون من الالم جود الصبح طلع ولحد هسه ماشفته طبيت لغرفتي من ورا الصداع كمت اصرخ واتنفس بسرعه ماادري ليش صار بيه هيج طبو عمتي وايه ع عياطي
ايه: شبيج رنا يمه شبيها تعيط
ام جود : خابريلي جود تخبلت البنيه
رنا: يمه راسيي رااااح اموووووت
ام جود: اهدي بنيتي هسه يجي جود ناخذج للدكتور
رنا: ماريييددد راسيي يمهههه
بعد مرور نص ساعه طب جود لهفان
رنا: لاتتقربب اروحلك فدوه عوفنيي اطلععع بررررره
جود: شبيج انه جوود
رنا: اترجاااك اطلع ماريد اشوفك
ايه: ياربي شبيج
رنا: ايه طلعيي مارييدددد اشووفه خلي يطلععع
ايه: اطلع جود ليما تهدأ
رنا: كمت اضرب ع وجهي واملخ بروحي تهورت مادري شبيه ... ولج ييييييمه راح اموووت ياربييي وبعد محسيت ع شي
ام جود: صخام بوجهي مااتت البنيه
ايه: بجينا عليها كلنا خلاص خسرنه رنا عطت ع جود اجا واخذناها للمستشفى جان ساعه 7 ونص المغرب المهم وصلنا المستشفى اجا الدكتور والممرضه طببوها للغرفه ورا نص ساعه طلع كال
الدكتور: الله ستر ماراحت من ايدكم
جود: ليش شبيها
الدكتور: ضغطها صاعد وماتحس بشي الوجع يضرب براسها واحمدو ربكم جبتوها هسه والا جان ماتت
ام جود: اسم الله ماجان بيها شي مثل الورده
الدكتور: لاتخلوها انقهر حاولو وياها انو ماتنقهر بين ماطيب ويتعدل وضعها
جود: انشالله نكدر نشوفها
الدكتور: اي تفضلو من يخلص المغذي تكدرون اطلعوها
جود: اشكرك ..طبينا للغرفه جانت الممرضه يمها رحنا وكفنا يم رنا جانت مفتحه عيونها
رنا بتعلثم: شصاارر لييش ااانيي هنااا
جود: لزمج دوخه وجبناج للمستشفى
هزت راسها بدون ماتحجي هيج
ام جود: شلون صرتي بنتي نشالله بخير
رنا: هزيت راسي بمعنى اي. يمته نطلع
جود: خلي يخلص المغذي ونطلع
بعد مرور ربع ساعه خلص المغذي وطلعناها للبيت
رنا: وصلنا البيت طببوني للغرفه اجا جود وبيده صينيه اكل. المن هل اكل
جود: الي قابل المن
رنا: بالعافيه.
جود: يلا فتحي حلكج بنيتي
رنا: فتحت حلكي ووكلني لحد ماشبعت سئلته ..شصار وياي شو الدوخه مجاي تستوعب عقلي
جود: شنو نجذب عليج
رنا: حشاكم من الجذب بس احجيلي الصدك
جود. ببرود: ماكو شي ارتاحي
رنا: انت صاير كلش بارد وياي مو مثل قبل ليش هيج شمسويه انه يمته ارتاح مدكلي تره تعبت والعباس يجي بالي انتحر واخلص بس استغفر ربي ليش غيرت طبعك وياي لان خسرت ابنك لو ..قاطعني وكال
جود: لا بكل سالفه ابنك ابني طير بلجنه وراح الله يعوضنها وبلنسبه بلبرود ف انتي تردين هيج كل مااتقربلج تتنرفزين مني
رنا: وين حبك الي انتي تريد حقك الشرعي مني لو تحبني جان كلتلي بكل لطافه وحنيه مو بلبرود
جود: رنا السانج مو هيج قصدي
رنا: لا دكلي لسانج انت حبك الي مو مثل قبل شنو كمت تحن لسعاد انه ماامنعك هيه هم مرتك بس انت جنت دكلي لو ع ذبح ركبتي مستحيل احب سعاد شكلبك عليه هااا
جود: انتي كلتيها مثل ماانتي مرتي هيه هم مرتي تمام والسانج لاطولي عليه. وهسه يلا نامي وراي شغل
رنا: لو اموت فلا ابقه يمك
جود: شبيج تخبلتي انتي قبل شوي تصيحين ماريد اشوفك وهسه بس ترديني يمج تره حيرتيني
رنا بأستغراب: شنو انه يمته صحت ماريدك شصار
جود: ماكو شي لادوخيني خليني انام
رنا: طفيت الضوه بكل قوتي طلعت وسديت الباب رحت لغرفه ايه جانت تسولف مدري ويامن
ايه: يا بسم الله جن الله وكيلك شجابج هنا روحي لحضن اخوي
رنا: توبه بعد اذا ابقه يمه بلغرفه
ايه: هاذ حضي راح تضلين تكابليني
رنا: ويا ليث جاي تحجين
ايه: اي ويا ليث
رنا: كملي ويا من تخلصين اريد اسولفلج شي
ضليت انتضرها تخلص لحد ساعه 2كالتله باي
ايه: سولفي يا مرت اخي شكو
رنا: تره اخوج كلش بارد وياي
ايه: بالله هسه شسوي اروح احمي مادكليلي شسوي
رنا: مو صوجج صوج اليسولف وياج
ايه: نامي نامي خليتي جود وحده هسه سعاد تروح تتلوك
رنا من جوه الغطه: خلي تتلوك هوا يرهملها نمنا بخير وسلام
……………………بعد شهر
جود بعياط: سعااااااااااااد تضحكين عليه اليوم انعل شيب الخلفج بت الكلب صارلج شهور هنا طلعتي وحده جذابه
سعاد بدموع: شمسويه انه حته هيج تعيط وتغلط
ام جود: استهدي بالله ابني شجرالك
جود: شنوووو هلتقارييير وشنوووو هلحبووووب انعل ابو الخلفج وانعل يوم الي طبيتي بي بيتي ياحيوانه وانتي يمه شلون تجذبين عليه
سعاد: شنو هاي مو مالتي
جود: چااااا مااااالت امييي تجذب نووووب
ايه: جذابه انه بيدي شلتهن وبعيوني شفتهن
سعاد: جذب اكيد رنا عافته
جود: طررررااااك 👋👋 ضربتها راشدي. ..لجج اخر مره اعيد كلامي شنو هلحبووووب
سعاد: هسه شنو تريد اطلك؟ اي طلكني الف واحد يتمناني ماميته عليك اصلا منو انت
جود: چااا اذا ماميته علينا شكو سويتي هيج اذكرج من ملختي روحج عليه يلاا البيت اهلج انتي طالك طالك طالك ورقه طلاكج لبيت ابوج يوصل
سعاد بأستهزاء: ههههههههه خلي عاد رنا تحبل واتجيب لو بيها خير ماجان حبلت بواحد متشوهه
جود:چا انتي لو بيج خير ومو كح...مجان سويتي هيج جان انتي حبلتي مو تاخذين حبوب
رنا: مو انتي الي عفتي زيت ع درج هااا ليش تجذبين
جود بصدمه: 😳 شنووو انتيي خليتي رنا اطيح
سعاد : اييي ااانه شتريدون تسوون
تقدمت ايه ع سعاد وضربتها راشدي: يا حيوانه يا بلا ضمير طبعا ع منو طالعه ع ابوج اكيد بت الكلب اطيحين الولد انه اعلمج اتقدمت عليها وشبعتها كتل بحيث ماتت بيدي خاف ابوج وامج ماربوج انه اربيج بت الشوارع ولي لاهلج يلااا
سعاد بعياط: انجبي عاشكه اليل كله انتي تسولفين ويا زلم يا كح.... لاتصيرين شريفه براسي
جود: لزمتها من شعرها وضربتها ..امشي لابوج خلي يشوف بنته الادبسزز وانصحج اسم ايه لاتجيبي ع لسانج الزفت ياادبسزز محد غيرج ام زلم ..صعدتها سحل للسياره المهم وصلنا بيتهم نزلتها وكلت لابوها .......#يتبع
تصبحون ع خير ونشالله باجر هيج وكت انزللكم همات
طبعا كتبت احداث بعد شهر بارت الثاني حيكون احداث قبل الشهر شصار وشلون عرفو سعاد جذابه
بيباي 💞💞