رواية انت لي
الفصل الثامن والتاسع
بقلم / منه ياسر محمد
فتحت الباب لاقيت سليم...رفيف فرحت اوى انها شافته.....رغد قالتلها مين...
سليم: انا يارغد
رغد: جيت بدرى
سليم: اه خلصت شغلى وجيت......
سليم: ازيك يارفيف
رفيف: كويسه ياسليم.......
سليم: هدخل اغير هدومى ......وبعدين عدا وقت ورغد ورفيف قاعدين....
رغد: هروح اشوف حاجه واجى
رفيف: رايحه فين سليم جوه
رغد: اه عرفا خليكى هناا ثوانى....رفيف مكنتش عايزاها تدخل بس فضلت باصه على رغد من بعيد ........
رغد دخلت وخبطت على باب اوضه سليم..........سليم فتح الباب....
رغد: سليم كنت جايه اقولك اصدى يعنى اسألك اكلت
سليم: لا مش عايز
رغد: فى اكل تاكل
سليم: لالا مش عايز هقعد شويه اظبط شويه ورق
رغد: ماشى...........وبعدين طلعت عند اختها...
رفيف: دخلتى عندوا ليه يارغد
رغد: كنت بسأله اكلت
رفيف: وانتى مالك يارغد سيبى....وكانت بتقول فى سرها محدش يهتم بيه غيرى ايه ال دخلها ديه.....
رغد: صعب عليه بصراحه يعنى........رفيف سكتت وفضلت متعصبه وقالت فى سرها شكلوا قعدهم مع بعض هيحنن قلبها لازم اعمل حاجه.......
رفيف: لازم امشى بقا
رغد: لسه بدرى ليه خليكى
رفيف: لا خلاص عشان بابا كمان
رغد: ماشى ياحبيبتى باى...........رفيف مشيت..ونزلت وركبت عربيتها وكانت متعصبه..........
رغد دخلت اوضتها لاقيت سليم طالع....
رغد: ايه ده كنت مستنى رفيف تمشى ولا ايه
سليم: لا كنت قاعد جوه عشان تعرفوا تكلموا براحتكم
رغد: يعنى هنقول ايه عادى..هتاكل
سليم: لا مش عايز....ومشى طلع بره
رغد كانت مديقه وبتقول هو مكلش اكيد من الصبح مش عايز ياكل ليه.....وبعدين دخلت اوضتها وقعدت
فى المساء........
رغد لاقيت باب اوضتها سليم بيخبط.....
سليم: جيت اخد تيشيرت وامشى
رغد: ماشى ياسليم
سليم: اخده ولسه هيطلع......
رغد: مش هتاكل ياسليم
سليم: يوه بقا فى ايه.. قولنا مش عايز متزهقنيش وتخلينى اتعصب عليكى...ومشى وسابهه...رغد زعلت وقالت انا غلطانه بجد انى بسألك انا غلطانه ياسليم...........
سليم كان قاعد بره بيعمل حاجات للشغل وبعدين قال انا اتعصبت على رغد هى مكنتش تقصد حاجه كانت بتسأل بس...هدخل اشوفها...سليم دخل وخبط بس مفيش رد..فتح الباب لاقاها نايمه... وطلع وقال لما تصحى بقا هكلمها........
فى منزل رغد.......
رفيف كانت قاعده وبتقرأ مجله عشان تشوف حاجات جديده تشتريها وبعدين جه اتصال من أياد......
رفيف الو
أياد: قولت اطمن عليكى
رفيف: ليه يعنى اتخطفت مثلا
أياد: لا مش بتكلمى
رفيف: ليه وانا من امتى كلمتك اصلا.....أياد مردش وقالها سلام وقفل......
رفيف قالت احسن سلام مش فاهمه عايز ايه ده..........وبعدين قعدت تكلم صحبتها..........
استاذ اسلام كان لسه جاى وطالع على اوضه لاقى صوت بينته بتضحك بصوت عالى وبتهزر.......وقف وخبط ونده عليها.....
رفيف: نعم يابابا
استاذ اسلام: ايه صوت ضحكتك ديه بتكلمى مين
رفيف: صاحبتى
استاذ اسلام: صوتك يوطى وانتى بتكلمى انا سامعه من تحت
رفيف: عادى يعنى بكلم
استاذ اسلام: لا مش عادى افرضى حد من الشغالين سمعك هيقولوا ايه عليكى
رفيف: ايه ده واحنا من امتى بنعمل حساب للشغالين بقا
استاذ اسلام: احنا نعمل حساب لكل حاجه مش معنى انهم بيشتغلوا عندنا او شغلتهم كدا فيتقال كده عليهم لا يارفيف
رفيف: بابا خلاص مكنش صوت يعنى
استاذ اسلام: مفيش فايده فيكى يارفيف..... انا طالع انام
رفيف دخلت اوضتها وقالت متروح تنام اعملك ايه يعنى اوف..........الو يالچين تعالى نكمل.......
رغد صحيت بليل وقامت تشرب بره..... لاقيت سليم
سليم ايه اللى مصحيكى دلوقتى
رغد ايه مصحاش كمان يعنى ده اللى ناقص
سليم مش قصدى كدا
رغد طيب عدينى بقا..... سليم اتعصب ومسك ايديها وقربها منه وقاله ليه بتعاملينى كده......
رغد اه انا
سليم ممكن اكون اتعصبت عليكى بس كنت مشغوله
رغد طيب ابعد ياسليم
سليم مش هبعد غير لما اعرف مالك
رغد ماليش ابعد ياسليم..... سليم لاقى عينيها مدمعه وقالها مالك يارغد ايه اللى مديقك
رغد مفيش قولتلك بقا ابعد...... سليم بعد عنها وهى مشيت من قدامه.....
سليم كان واقف محتار يعمل ايه وقال انا مالى مهتم بيها ليه كده ........
رغد دخلت اوضتها وقفلت الباب.........
فى الصباح.........
فى منزل رغد.........
رفيف صحيت وحضرت نفسها عشان الكليه...... ولسه نازله
استاذ اسلام: رغد انا هوصلك يلا تعالى معايا
رفيف: لا يابابا هروح بعربيتى
استاذ اسلام لالا يلا معايا...............
رغد صحيت وقامت طالعه عشان تشوف سليم ملقيتهوش وقالت اكيد راح الشركه....... رغد حاولت تفك ايدها بقا وتعمل اكل..... لاقيت سليم فاتح الباب وداخل..... رغد مكلمتش معاه وكانت بتفك ايديها
سليم: بتعملى ايه... رغد مردتش
سليم: انا مش بكلمك
رغد: اه عايز ايه
سليم: بتعملى ايه فى ايدك
رغد: بحاول افكها
سليم: هاتى طيب افكهالك
رغد: لا ابعد بس
سليم: فى ايه يارغد هاتى.... وفكهلها وقالها خلى بالك بقا هاا.. رغد مردتش عليه ودخلت المطبخ.......... سليم كان مستغرب وبيقول مالها ديه وبعدين سليم دخل المطبخ وراها وقالها فى حفله بعد يومين وهاخدك معايا فيها..
رغد: حفله ايه
سليم: حفله تبع الشركه يعنى
رغد: ماشى...
لچين: ايه يارفيف بتفكرى فى ايه
رفيف: فى سليم واحشتى اوى والمشكله انو مش عطيلى اى اهتمام مع انى بلبس شيك وكل حاجه مش زي رغد
لچين: اه غريبه ديه يعنى... ممكن يكون مش بيحبك يارفيف
رفيف: ممكن تسكتى يعنى هيسبنى انا بجمالى ويروح لرغد مثلا لا طبعا
لچين مش هما هيطلقوا
رفيف: اه بعد مالشركه تكتب لسليم هيطلقها انا سمعت ابو سليم بيكلم معاه يوم الفرح وسليم قاله كدا...
لچين: هى عشان تقويه الشراكه مش اكتر
رفيف: اه عشان كده.... طيب يلا معاد المحاضره جه......... أياد كان واقف يبص على رفيف من بعيد.....
سليم كان قاعد بره وبعدين دخل يشوف رغد وفضل يبص عليها من بعيد وبعدين دخل ووقف وراها
رغد: فى ايه ياسليم مالك
سليم: مفيش عايز اقف عادى يعنى
رغد: سليم بتوتر اطلع بره لو سمحت
سليم: مش طالع قولت هقف يعنى هقف
رغد كانت بتعمل اكل وسليم واقف بيتفرج عليها وكانت متوتره ووبعدين وهى ماشيه كانت هتقع.... سليم لحقها وقربها من حضنه وقالها مش تاخدى بالك...... رغد سرحت فى عينيه........... سليم همس فى ودنها وقالها رغد... رغد قالتله اه اسفه وبعدت عنه وبعدين اتعصبت عليه وقالتله كل ده بسببك انت كنت هقع اطلع بره بقا..... سليم فضل يبصلها بعصبيه وقالها متزفت طالع.....
خصلت المحاضره ورفيف ولچين طالعين رفيف ولچين....
رفيف: ايه ده يالچين شوفى مين جه....
انت لى...
لچين: ده كريم اخيرا شوفته
رفيف: مش عطيكى اى اهتمام اصلا
لچين: اه خلاص مش مهم مش هكلم معاه اصلا
رفيف: انا همشى عشان احتمال اروح لرغد مش عايزه اسيبها مع سليم
لچين طيب وانا هروح يلا باى......... رفيف اتصلت برغد......
رغد كانت واقفه بتعمل اكل ومكانتش فاضيه ترد.......رفيف كانت متعصبه وبتقول الا تكون قاعده معاه انا هروح عندها بقا وخلاص دلوقتى.... ركبت عربيتها وراحت على بيت اختها.....
سليم كان بره سمع صوت حاجه بتقع... دخل عند رغد....
سليم: فى ايه هتهدى الشقه علينا خلاص
رغد: اطلع طيب
سليم: اهدى شويه وبطلى توقعى الحاجه
رغد: يوه بقا امشى طيب
سليم: امشى
رغد: اتفضل..... سليم قرب منها وقالها مين بقا ال يمشى ده
رغد: ايه فى ايه اوعى شويه..
سليم: لا مين بس ال يمشى كدا... ومسك ايديها وقالها ايدك لسه وجعاكى
رغد لا خلاص.... وبعدين جرس الباب رن.... سليم طلع بره يفتح لاقى رفيف......
رفيف: ازيك ياسليم عامل ايه
سليم: كويس....... ادخلى اختك جوه.....
رفيف دخلت جوه وسمعت رغد بتقول مش فاهمه الانسان ده ايه بجد محيرنى معاه....
رفيف: مين ده
رغد: رفيف جيتى اهلا ياروحى
رفيف: مين ال محيرك
رغد: تعالى شويه عشان ميسمعش
رفيف: جيت قولى
رغد: سليم مره يبق حنين عليه ومره يبق عصبى بجد بدأت احتار معاه
رفيف: لالا هو وحش اصلا
رغد: لا مش وحش هو ال فى خلاه كدا يارفيف
رفيف: ازاى اسمعى منى انا اختك ال بتحبك وعايزه مصلحتك ده مش بيحبك اصلا وانتى مش فارقه معاهه..... سليم جه وقال هاا الاكل هيخلص امتى يارغد.....
رغد: حاضر بعمل فيه اهو
سليم: طيب اخلصى شويه...... وطلع..... رفيف كانت واقفه متعصبه ومشيت طلعت قعدت بره وقعدت مع سليم...
رفيف: بتحب الفيلم ده ياسليم
سليم: اه
رفيف: اه هو حلو اصلا بحبه جدا
سليم: مكانش عاجب اختك
رفيف: لا انا غير رغد فى شويه حاجات يعنى
سليم: اه ممكن
رفيف: حلو فستانى
سليم: اه
رفيف: يعنى مقولتليش رأيك من بدرى
سليم: لا عادى بس اختك ديه عماله توقع وتسكر فى المطبخ مش فاهم فى ايه
رفيف: ضحكت وقالت طول عمرها كدا مبتعرفش حاجه اسمها نظام ابدا
سليم: ضحك وقالها بس اكلها عجبنى بجد حلو اوى.... رفيف اتعصبت وسكتت وفضلت قاعده متعصبه....
رغد: يلا الاكل جهز.... هدخل اجيب حاجه من اوضتى واجى......
سليم: رفيف شويه وجاى بس.......... رغد دخلت الاوضه لاقيت سليم وراها وقالتله ايه فى ايه.....
سليم: جيت اخد ورق بس واحطه بره..........
رغد: ياسلام الورق مينفعش تاخده غير دلوقتى.... سليم ضحك بغمزاته... ورغد قالتله ايه ده عندك غمازات....
سليم: اه مش اوى يعنى... مسك ايديها وحطها على خده وقالها شوفى مش اوى....... رفيف كانت بره وبعدين لاقيتهم اتأخروا جوه وبعدين قامت ودخلت المطبخ وقالت تمام يارغد اكلك حلو ماشى.........
رغد قالت لسليم خلاص بقا رفيف قاعده لوحدها اوعى... وطلعت هى... لاقيت رفيف قاعده بتتفرج على الفيلم...
رغد يلا يارفيف عشان نتغدى..... رغد حضرت الاكل وكلهم قاعدين ياكلوا...... وفجأه سليم قام وكان عنده حساسيه من الشطه وفضل يزعق فى رغد ........ رغد: استنى ياسليم واللهى محطتش فى الاكل شطه خالص عشانك
سليم: مش عايز اسمع صوتك ولا تعملى اكل خلاااص.... وساب الاكل ودخل.....
رفيف ايه ده فى ايه... انا همشى يارغد دلوقتى عشان بابا بيتصل عليه باى........
رغد ماشى...... رغد كانت تعبانه فى الاكل من الصبح وهى بتعمل فيه عشان ميكونش في غلطه ويزعل وقالت انا محطش شطه خالص جت منين ياربى انا فضلت تعبانه طول اليوم وفى الاخر يتعصب عليه ويرميلى الاكل ويدخل.....
فى المساء........
رغد دخلت اوضتها وقفلت الباب وفضلت تعيط وقالت انا خلاص بجد مبقتش قادره لكل ده بيعاملينى كأنى شغاله عنده وانا تعبت خلاص .............. سليم كان معدى بعد ماهدى...وسمع رغد فى اوضتها بتعيط خبط وملاقاش رد فتح الباب وشافها بتعيط
سليم: يعنى انتى غلطانه وبتعيطى كمان
رغد: لو سمحت سيبنى واطلع بره
سليم انا زعقت عليكى جامد بس انتى عارفه انو انا عندى حساسيه من الشطه ورغم كده حطيتى بردوا يارغد هو عند يعنى....رغد سكتت وفضلت تعيط وقالت محطتش حاجه والله محطتش حاجه........سليم قعد جنبها وقالها طيب ممكن تهدى
رغد: سيبنى بقا....سليم مقدرش يسيبها حس بحاجه غريبه واول مره يحسها وكان عايز يفضل معاها......
سليم: مش هسيبك طيب متزعليش
رغد: كفايه بقا انا زي الشغاله عندك ياسليم تزعق فيا وتتعصب وفى الاخر تقولى متزعليش.....سليم اخدها فى حضنه وقالها انا اسف لو زعلتك وحسستك بكدا يارغد.....بس رغد فضلت تعيط فى حضنه وهو كان حضنها..........
فى الصباح........
رفيف كانت لسه راجعه من بره ودخلت اوضتها وكانت مبسوطه وبتغنى.....
استاذ اسلام: كنتى فين
رفيف: سهرانه بره
استاذ اسلام: ايه مبسوطه ليه كدا
رفيف: مفيش هطلع انا بقا.......ابوها كان واقف على اعصابه منها ومن عمايلها وسكت ومشى.........
رغد لسه صاحيه لاقيت سليم نايم جنبها وهى نايمه فى حضنه......... رغد قامت بسرعه ووسعت ايده وقالت ايه ال حصل ايه ال حصل فى ايه كان مالى انا امبارح وصحيت سليم.. سليم قام واستغرب انو كان نايم جوه....
رغد: هو ايه ال حصل
سليم مفيش حاجه والله بس انا كنت تعبان امبارح اوى وعشان كدا نمت ومحستش بنفسى
رغد: طيب انا هقوم........... سليم قام وقال ازاى محستش بنفسى ونمت هنا تقول ايه عليا دلوقتى وايه ال حصل امبارح كمان..........
سلي: م قام وكان بيلبس
رغد كانت داخله وبصيت بعيد عنه وقالتله هو انت بتلبس فى اى مكان كدا عادى..... سليم ضحك وقالها انا فى بيتى بقا وكدا ولبس وخلص وقالها انا نازل.....
رغد: رايح الشركه
سليم: اه هروح اشوف كدا واجى تانى
رغد: ممكن اعملك الاكل انا وتيجى تاكل والله مش هحط في حاجه
سليم: طيب هاجى باى... رغد فرحت وراحت تعمل الاكل........
رفيف كانت لسه صاحيه وقالت اكيد رغد دلوقتى كرها سليم حبيبى..... واتصلت بأختاه..........
رغد: الو ياحبيبتى
رفيف: ايه عملتى ايه امبارح معلش كنت تعبانه وكان لازم امشى
رغد: لا عادى وانا واقفه بعمل اكل وهيجى يتغدا
رفيف: ازاى يعنى مش اتعصب امبارح
رغد: بصراحه جه صالحنى رفيف بدأت احس انو سليم حنين اوى بجد
رفيف: انا جالى اتصال هقفل بس.......رفيف اتعصبت وكسرت كل حاجه ادامها....وفضلت تقول لالا ازاى ياسليم بقيت كدا لا..............