# اليتيمه وابن البصره
# بقلم. : هديل احمد
الفصل الثالث
……………………………
• شكرا لنفسي لأنها تحملت الجميـ؏ ولم يتحملني اححد 🖤.
…………………………………
رنا: ولج امشي نسوي ريوك
ايه: متصيرلج چاره امشي.
سوينه الريوك وخلصنا اني ماتريكت لان نفسي مسدود وهم كلت اطلع ثواب الاهلي بس شلون صاحتي ام جود
ام جود: يمه رنا تعالي ليا
رنا: اي خاله اجيت
ام جود: شو مااجيتي تتريكين
رنا: مااشتهي والله
ام جود: لعد اذا هيج طلعي ثواب الاهلج
رنا: صدك خاله ..رحت بست راسها وطرت للمطبخ اسوي اكل حتئ اطلع ثواب
ام جود: اوف يارنا شكد حنينه حرامات هيج بت تتيتم بعدها بصغر سنها الله يساعدها
ابو جود: الله كاتبلها هيج واني حاسبها مثل ايه ابد ماافرق بينهم من يوم مااجت لهنا
ايه: الله يخليك النا بابا
ابو جود: الله يرضئ عنج يلحنينه
جود: وانه محد يتغزل بيه
ام جود: يااا غير انت روحي اكو بشر يعيش بدون روحه
ابو جود: انت وليدي وحيدي وزلمتي الله يحفضك النا
جود: فدوه الكم ...باوعت ع ايه وسويتلها هيج 😜
ايه: يمه كولي لجوددد
ام جود: يااا بدينا عركات اكعدو كبروتو انتو مو مال عركات
ايه: يوو يمه هوا عمري 19 سنه وين الكبر بلموضوع
جود: اني هم عمري 26 سنه وينن الكبررر
ام جود: بويه طكت افادي واني اعلم بيكم بسكم ولكم راح تجلطوني
ابو جود: عمرج طويل حجيه
ام جود: ياا وين اني حجيه شو بعدني شابه واطك بلكاع
جود وايه: اووووو 😂
ايه: قصفت ابوي يبوفاضل 😂😂
ابو جود: من طاح حضكم اي والله خلي ناكل
بدو ياكلون ووو....
…………………………………………………
- كَان عليكُم ان تكونوا مُختلفين لا مُتخَلفين 🛕 .
…………………………………………………
رنا: رحت حضرت الثواب وصحت ايه....ولجج ايوش تعالي هنا
ايه: اي جيتج ..ها شرايده
رنا: ولج منو يطلع الثواب
ايه: اني اطلعه الله عليج هذا حجي غير جود يطلعهن
رنا: شمدريني يمعود ديلا صيحي لاخوج خلي يطلعهن
ايه: ولككك جوجو تعال طلع الثواب
جود: اي جيت
ام جود: كوم ولك ماوكت اكل صارلك ساعه تسولف
جود: يمه هوا اني الصارلي ساعه اسولف لو انتو
ابو جود: لسانك طولان ولك كووم
جود: كايم بس هلكمه
ام جود: ولا لكمه من تجي عود اكل
جود: يمه كلبي رچيچ يشوف هيج اكل وماياكل
ايه: ولكك يلا شسويت
جود: اجيت انه الج ايه
رنا: هاي الثواب .....اخذه جود من ايدي وطلع بلسياره واني صار الي واهس اكل رحت كعدت يم خاله او بل احرئ امي دائما تحسسني بنتها واحس هيه امي ………يصير اكل لو لا 😁
ام جود: يااا يمه شون مايصير تعاي اكعدي اصبلج جاي
رنا: لا يمه اني اصبلي
ام جود: اكعدي بمكانج انه اصبلج
رنا: بس
ايه: يووو هسه اني اصبلها شسويتوها سالفه 😂
ام جود: يلا روحي ركض وتعاي انركدي اكلي لسانج طولان يبت بطني
ابو جود: رنا محتاجه شي اجيبلج من ارجع
رنا: سلامتك عمو مامحتاجه شي
ابو جود: بدون مستحه انه ابوج احجي شرايده اجيبلج يعني هيج ترديني
رنا : العفو عمو بكيفك شتريد جيب
ايه: بابا جيبلي جبس كيلوات كون هلكثره لان اليوم فلمي يطلع
ابو جود: دللي بس كون الفلم مو هندي ويطلع هذا سليمان مدري شسمه
ايه: لا يابه مو سلمان خان انه احب شاروخان 😂
ابو جود: بله هذا اسم والله جننوكم الهنود
ام جود: وانه جيبلي كرزات اكرز بليل
ابو جود: دللي عيني يلا اودعناكم
رنا: كعدت اتريك وكل شويه خاله اطك ( تضرب ) ايه الله يخليهم شكد حنونين
…………………………………………
جود: اخذت الثواب وطلعت انطيت لكم فقير وجان اكو يتامه عرفتهم قبل كم يوم هم اخذت الهم ورحت لغير مناطق هم بيها فقراء رجعت للبيت
ام جود: ها اخذتهن
جود: اي يمه اخذتهن وهسه اريد چاي لان روحي طكت جوع
ام جود: ولج ايه كومي جيبي چاي الاخوج
ايه: يووو يمه خليني اكل
( هاي كلها بعدهم يتريكون 😂)
ام جود: ولجج كومي طكيتي افادي
رنا: اني اكوم خلي ايه تاكل
ام جود: يايمه بعدج ماماكله شي
رنا: اني هيج اكلي قليل .....رحت صبيت جاي واسمع خاله تتعارك ويا ايه
اخذت الجاي انطيته الجود اتشكرني ورحت كعدت يم خاله جود وايه راحو للغرفه مدري شيسوون لان جانو يتهامسون
……………………………………
جود بهمس: ايه روحي للغرفه اريد احاجيج بشغله
ايه بهمس: اووو ماشي .....رحنا للغرفه وجود كال
جود: ايه انتي بهيج شغله تعرفين تتصرفين اريد اعرف رنا تحبني لو لا
ايه: ياعيني شفتني فيلسوف وبسرعه تريد الحل
جود : ماتريدين اخوج يفرح وياخذ بت الحلال سوي خير بحياتج ولو مره
ايه: ماشي امري الالله باوع اني راح اخذ رنا للمطبخ بحجه المواعين واني راح اناديك علمود تروح تشتريلي بس انت شتسوي ماتروح تبقئ بلمطبخ واكف يم رنا واني راح اروح للغرفه انت راح تكول لرنا انه اعترفلج انو احبج من اول ماشفتج ويشهد الله شاريج بروحي وانه رايح للدوام لان عدنا مداهمه يجوز اروح وماارجع وهيه راح تحجيلك وتعترفلك شوني بشرفك
جود: اذا اعترفلتي اطلعج لشط العرب
ايه: لا عيني مااريد شط العرب اريد اروح لشكو مول ببصره ها شكلت
جود: ماشي امري الالله .....
ايه : هسه اني اروح يم رنا واخذها للمطبخ .....رنا امشي وياي اني اغسل المواعين وانتي تعزليهن
رنا: يلا امشي
ايه: رحنا غسلت المواعين خلصتهن وانطيتهن لرنا حتئ تعزلهن ناديت جود ....جود تعال ضروري
جود: خيرج شكو
ايه: اني مو اختك وحيدتكم اريدك تشتريلي جبس
جود: ماشي
ايه: يلا اني راح اروح للغرفه رنا من تخلصين الحكيلي
رنا: حاضر جناب الخماهو 😂
راحت ايه اجا جود من يمي وكال
جود: رنا انه احبج وهاي ثاني مره اعترفلج وهسه اني رايح مداهمه يجوز ماارجع
رنا: جود شدتحجي شنو تروح ماترجع مافكرت باهلك مافكرت شراح يصير بيهم
جود: شسوي اعترفلج ورفضتيني بدون تفكير واني دااحجي الصدك منعرف ربج شكاتبلنا
رنا: صح اول مره رفضتك بدون تفكير بس تندمت شفت اهتمامك اتجاهي واشوف عيونك شلون يحجن بحبي جود انه هم احبك فدوه كافي تكول هيج كلبي نغزني
جود: فدوه راحلج جود 😂 انه بس خليتج تعترفين احبج رنا اي احبج
ايه: 🏃♀️🏃♀️ سلام الله ع الله شلونكم ايها القوم شلونك جود شصار ماصار
جود: رنا تحبني ولجج احسن اخت شفتها بحياتي امححح
ايه: خادمه للحلوين
رنا: لحضه شديصير وشنو اختي وشنو خادمه
ايه: عيني الفيسلوف من يكول شي يصير وانتي تحبينه لجود مبين من عيونج واعترفتيله بلسانج
رنا: دمعت عيوني مدري ليش كلتلها ايه ليش هيج تسوين 🏃♀️ ركضت للغرفه وايدي ع حلكي خاف افضح روحي من البجي حاوطت روحي وكعدت ع جربايه ابجي
ايه: لك جود هاي زعلت
جود: معليج هسه اني اراضيها
ايه: عود مو تنسئ لازم اتطلعني
جود: ماشي اطلعج والله بس خلي اروح ....رحت لرنا وكلتلها …………