رواية ولنا لقاء اخر
الفصل التاسع والعاشر
بقلم نهال مصطفي
البارت التاسع ..
كتير مننا جرح او اتجرح
وفي كلا الحالتين عذاب
لما تنجرح .. تصبح الدنيا كالسحابه السوداء
التي لا يزول سوادها .. يصبح اليوم كله ليل
لا ياتي عليه ضوء الشمس ...
الجرح بيترك فينا
الم كبير هل قادر الاعتذار علي ازالته
ام قادره الدنيا عن محو الالم!!
ام في كلا الحالتين الحب ينتصر؟؟؟؟
ولما تجرح حد هتكون عايش في وهم الانتصار
انك بكده وصلت لهدفك انك كسرته قدامك
ولكن عذرا سيدي !!!!!
مهما كانت فرحتك وبالانتصار هياتي اليوم
الذي يتحطم فيه الغرور والكبرياء
وتظل نقطه سودا بالقلب .. تقلب موازين
الحياة ..اتعلمون ما هي ؟؟؟
انه عذاب الضمير
عذاب الضمير الذي يحيي ما بداخلنا من انسانيه
انه حقا هبه من المولي ليذكرنا ما بنحن من
حيوانات او الات متحركه تتحكم بها غضبها
وما بنحن من جماد تتقاذفه الريح كما تهوي
وبالنهايه لنا لقاء آخر
...
...
...
...
وفي مساء اليوم المشئوم .. وما هي الا بضع دقائق وتعلو المأذن بانوارها لصلاه الفجر .. ويتردد اصوات مؤذنيها .. لينير الامل في قلوب البشر
عربيه سوداء فاخره تقف امام احدي المنازل
في انتظار نادين
نادين صعد السياره بلهفه واحتضنت مروان
"ياااااااه يامروان وحشتني اوي "
مروان بضيق ربت ع كتفها وبعدها عنه برفق
"مش وقته جهزتي كل حاجاتك"
نادين نظرتله باستغراب
"ايوه ياحبيبي بس ماقولتليش هنروح فين"
"هنسافر ونسيب البلد كلها"
قال مروان جملته وهو بيدور سيارته ويهم بالذاهب
نادين بصدمه:ايةةةةةةةةةةةةةةةة
مروان بحده وهو يقود سيارته
"زي ما سمعتي وهنتجوز هناك في السفاره المصريه
ومش هنرجع تاني هنا ونبدا حياتنا سوا"
نادين بفرح واندفاع
"بجد يامروان . . ياااااه الحمد لله يارب
اخيرا انا وانت هنتجوز .. الله يرحمك ياماما كانت نفسها تعيش لليوم ده"
مسكت ايدو وقبلتها
"ياااااااه انا فرحانه اووووي اوووي يااحلي مروان في الدنياااا ربنا يخليك ليا ومش يحرمني منك ابدا"
مروان سكووت تام ولم يبالي لها اي رد ولا اهتمام
نادين قطب حاجبيها
"مروان الله انا بكلمك علي فكره . مالك النهارده انت مش مبسوط ولا اي"
مروان سرحان ف دنيا تانيه ..
ولكنه كل ماله ويزود في سرعه العربيه
"ااااااااااااااااه حاااااااااااسب يااامروان حاااسب"
فجاة وضعت نادين ايديها ع وجهها مردده جملتها
■■■
عند نور بعد ما مروان سابها ومشي
"ياضنايا يابنتي انتي قاعده ليه علي الارض كده "
قالت بثينه جملتها عندما رات نور جلسه ع الارض وعاقده ساقيها بساعديها كالقرفصاء ودافنه رأسها مابين ركبتيها
"سابني ومشي ياداده سابني ومشي"
قالت نور جملتها وهي ترفع وجهها ببطء وبعياط
بثينه حضنتها وربتت ع كتفها
"سامحيني يابنتي مقدرتش اعملك حاجه او اساعدك انا مهما روحت ولا جيت شغاله هنا"
نور انفجرت ف العياط
"ليه انا ليه !! دايما بيحصل معايا كده دانا عمري ما ظلمت حد معايا ليه دايما الدنيا قاسيه عليا كده"
بثينه حضنتها اكتر :بس بس يابنتي متقطعيش قلبي .. انتي هتكفري ولا اي استغفري ربك انتي مؤمنه وعارفه ان كل حاجه قضاء وقدر
نور:مش قااادره مش قاااادره مشي قبل ما يجاوبني علي اسألتي مشي وسابني وكسر قلبي وكسرني معاه
بثينه بثقه :هيرجعلك تاني .. عارفه ليه علشان لو لف الدنيا كلها مش هيلاقي في طيبه قلبك ولا حد هيحبه ادك .. خليكي متاكده م كلامي
نور باستسلام:ماافتكرش لانه علي بال ما ده يحصل مش عارفه هبقي نور بتاعت النهارده .. ولا هتغير
بثينه:متقوليش كده قومي اتوضي وصلي وادعي ربنا انه يصبرك يلا ياحبيبتي يلا ويخفف عنك
نور بهدوء وضعف :حاضر
واخدتها بثينه الي غرفتها وقعدت معاها بناء علي رغبه نور واول ما راحت في النوم مشيت بهدوء
■■■
نروح المستشفي بقااا ونشوف محمد عامل اي
الدكتور خارج من غرفه العمليات.. جريت عليه منار ومريم ومنيره
منيره بصوت مدبوح:طمني يابني ابني جوا عامل اي اوعي تقولي انه حصله حاجه
الدكتور ابتسم :اطمني ياامي جات سليمه احنا خيطنا الجرح وحالته مستقره دلوقتي وربنا بيحبه مافيش اي كسور او نزيف داخلي
مريم ومنار بتنهيده :الحمد لله يارب الحمد لله
منيره:الله يريح قلبك يابني اقدر اشوفه
الدكتور :هو نايم دلوقتي يعني قعادكم معاه ملهوش لازمه تقدروا تتفضلو والصبح انا هكتبلو علي خروج
منيره :ماشي يابني شكرا خالص ع تعبك معانا
الدكتور:العفو ده شغلي والف سلامه عليه
منيره:الله يسلمك يابني
الدكتور:بعد اذنكم
منيره توجه كلامها ل منار:يالهوي يامنار الحقي روحي انتي ومريم دلوقتي حالا احنا انشغلنا في محمد ونسينا البت الغلبانه اللي ف البيت دي الحقيها يابنتي اخوكي اتجنن علي الاخر
منار ضربت ع جبهتها :ياااربي اي االلي بيحصل ده بس فينا ماله اليوم ده بس ياربي
منيره:فيش وقت يلا روحي وانا هقعد مع اخوكي وبأي طريقه تحاولي تهدي مروان وتبعدي نور عن سكته خالص فاهمه
منار بسرعه :فاهمه ياماما بعد اذنك يلا يامريم يلا بينا
مريم:اوك
■■■
ونرجع عند مروان نشوف اي اللي حصله
نادين بتنهيده :كده يامروان كنت هتودينا في داهيه كده ..
مروان بعصبيه :اوووووووووووف يانادين مش طايق اسمع كلمه ممكن تسكتي بليز
نادين باستغراب :مالك يامروان ياحبيبي انت مش مبسوط اننا هنتجوز وحلمنا هيتحقق
مروان بيحاول يهدي :معلش ياحبيتي انا مضايق شويه.. اسف لو كنت اتعصبت عليكي
نادين وضعت اناملها ع فمه :اشششششششش اي اسف دي اومال انا مش استحملت عصبيتك مين هيستحمل بطل جنان وقولي مالك
مروان:بعدين يلا علشان طيارتنا كمان ساعه
نادين:طيب ي مروان براحتك يلا وسوق براحه العمر مش بعزقه ياخويا .. المره دي لبسنا ف عمود ياعالم المرة الجايه هيحصل ايه
مروان ابتسم :حاضر
■■■
ونروح عند حازم وهو مش عارف يتصرف في جثة منتصر .. وواقف مصدوم هو ازاي عمل كده بس كان كل تفكيره هيقول اي ويعمل اي قبل ما حد يشوف
《《 ولكن هناك اعين خفيه مراقباه وشاهدت كل ما تم بحذافيره ... اممممممممم بس ياتري مييييييييييين》》
المهم قرر حازم انه يلف منتصر ويضعه بين قناطير القطن وبكده هيكون اتخلص من الجريمه ومافيش دليل عليه ولما خلص وقدر يمحو اثار الجريمه فونه رن
حازم بارتباك:ايوه ي زفت
عمرو ابن خالتو :فينك ياعم انت
حازم بنفاذ صبر:عاوز اي
عمرو :سلمي اللي مرميه في المخزن دي اللي ليها اسبوع هنعمل معاها اي حرام البنت مش بتاكل ولا تشرب .. قولت اي امشيها؟
حازم:لالا انا جايلك دلوق
محي حازم كل اثار الجريمه سريعا ثم غادر
نروح عند وفاء كانت نايمه وفجاة قامت مفزوعه وبلتقط انفااسها بصعوبع
"لا اله الا الله اعوذ بالله من الشيطان الرجيم عمر عمر اقوم اشوفه"
قامت م فراشها مناديه عليه ..
" عمر ياعمر يابني
الله عمر مش موجود استر يارب استر واحفظلي ولادي"
ويقطع حديثها صوت التليفون وتجري عليه وترد
وفاء :الو الو مين بيتكلم
المتصل:مع حضرتك مستشفي ــــــــــ وابن حضرتك حضرة الظابط عمر عادل منتصر في حاله حرجه جدا ياريت تيجي تشوفيه
وفاء بصراخ
"عمر لالا ازاي ابني حد يلحقني ياناس "
جريت ناحيه الباب تتفاجئ بياسين قدامها
وفاء بلهفه :الحقني يااياسين اخوك بيموت .. ياااماا حذرته ما سمعش كلامي
ياسين بخضه :انتي بتقولي اي ياامي مش فاهم حاجه .. وعمر ماله . ف اي
وفاء ماسكه قلبها وبتاخد نفسعا بصعوبه :مش وقته يلا نروح المستشفي يابني فيش وقت
ياسين:اهدي اهدي .. طيب طيب يلا بينا
■■■
منار وهي تفتح الباب مناديه :نوووور ياااانووووور نوووووور
مريم خلفها:مرووووان انت فين مش بترد ليه مروووووووووووووووان
بثينه بتجري عليهم بلهفه :اششششششششششششششششششششش يابنات وطوا صوتكو .. نيمتها بالعافيه
منار بلهفه :نور فين ياداده
بثينه:نايمه فوق يابنتي وحالتهاا النفسيه زفت اووي .. ونامت بمعجزه .. كل نلتروح ف النوم بتصحي مفزوعه وتصرخ وتنام تاني
منار حدقت النظر اليها : هو مروان عمل فيها ايه
مريم باستفهام :طيب ومروان فين
بثينه ضرب كف ع كف:سافر وساب البلد كلها
منار بفزع : اييييه. ! انتي بتقولي ايه ياداده لالا مستحيل مروان يعمل كده .. انا هكلمه واشوفه فين دلوقتي
بيثنه باسف :للاسف يابنتي سابها مكسوره الخاطر وياحبة عيني قعدت تترجاه هنا لكن هو سابها ومشي انا مش عارفه مروان بيه جاب القسوه دي منين .. دانا مربياه ع ايديا دول
مريم باستغراب:بتعملي اي ي منار
منار:بتصل بنادين
مريم: صح ..اكيد هي عارفه مروان فين
نادين في السياره باستفهام:اي ده الحق ي مروان منار بتتصل
مروان بعصبيه:هااتي الفون مسمعتيش هااتي الفون
نادين بتوتر :اهو اهو اتفضل
اخذه مروان وقفله والقي به شباك العربيه
نادين باستغراب :عملت ليه كده
مروان بعصبيه وبحده :قولتلك مش عاوز حد يعرف عننا حاجه فاهمه
نادين بخوف:طيب ماشي فاهمه بس بلاش عصبيه
مريم باستفهام :هاااا رديت عليكي
منار باستغراب وضيق :لا فونها اتقفل
مريم رفعت حاجبها :من يومي بقول ان البت دي سوسه ووراها سر كبير .. وتلاقيها اكتر واحده اصلا عارفه مروان فين
منار مسكت دماغها م الوجع :بس بقا .. المهم ياداده نور نور حالتها اي
بثينه بحزن :بعد اللي عمله مروان بيه مااظنش انها هتبقي نور اللي نعرفها خالص
منار بدموع :ياربي يامروان انا مش متصورة انك بيقت بالوحشية دي اي اللي حصلك اي ... عديها ع خير رب
مريم وبثينه:يااااااااااااااااااااااااااااارب
■■■
ونروح عند حازم وهو يمسك شعر سلمي بقوه:هتقولي اختك فين والا وشرفي هدفنك هنا
سلمي بتوجع وبصراخ :طيب احلفلي بحاجه موجوده عندك .. واحد زيك عديم الشرف اصلا
حازم شد قبضه ايدو عليها:وكمان ليكي عين تتكلمي انما انك بجحه صحيح ايوه ما تربية فريده مستنين اي من وراها يعني
سلمي بصراخ :متجبش سيره امي علي لسانك ياحقير .. ويكون في علمك بقااا نور سافرت ومش راجعه تاني هاا مش راجعه تاني ومين عالم يمكن تتجوز هناك واحد بتحبه ويرجعوا سوا ينتقموا منك
حازم وهو يضربها بعنف:اخرسي اخررررررررررررسي ده يبقااا اخر يوم في عمرك وعمرها .. نورهان ليااا انا وبس وفلوسكم مش هتخرج بره فااهمه وخليكي مرميه هنا ماانتي محصله سما ولا ارضي لحدت ماتموتي ونرتاح منك
سلمي بعياط: وانت بتعمل كل دا عشان الفلوس .. حيوووان وزباله ومتخلف وربنا قادر انه ينتقم منك ويجعل نهايتك سواده ياحازم منك لله منك لله
وهذه كانت اخر كلمات تقول سلمي حتي سقطت مغشي عليها
ونروح المستشفي ووفاء وياسين ماشين مش شايفين قدامهم
وفاء للاستقبال بلهفه :ابني ابني فين
ياسين لموظف الاستقبال:لو سمحت في حد عندكم هنا باسم عمر عادل منتصر جيه في حادث
الموظف:تقدر تسال فوق في قسم الحوادث
ياسين :شكرا يلا ياامي يلا
وصعدوا الي الطابق الاعلي وسالو ع عمر وقالهم الموظف رقم الغرفه
وجري راحو ناحيه الغرفه ويسالو كل الممرضات
وفاء بلهفه :يابنتي حرام عليكي قوليلي .. فين فين ابني
الممرضه:ياحجه لو سمحتي عندنا مصابين كتير ولازم اكون مع الدكتور بعد اذنك
وفاء قعدت ف الارض:ياسين يابني اخوك جرالو اي انا هموت لو ابني حصلو حاجه
ياسين ساندها :بعد الشر تعالي تعالي نشوف الدكتور خارج من الاوضه هناك
وفاء جريت عليه:يادكتور قولي ابني الظابط عمر جوا عامل اي
الدكتور بحزن:ادعيله ياحجه ال24 ساعه دول لو عدوا ع خير يبقي مافيش اي خطر ع حياته اماااا..
وفاء:لالالالالالا متكملش عشان خاطر ربنا
الدكتور:ربنا يصبركم بعد اذنكم
وفاء:اخوك هيروح مني يااااااااااااااياسين
وصل مروان ونادين الي المطار وختموا اوراقهم واتت طياره لندن صعدو سويا بعد الانتهاء م الاجراءات
ويصبح يوم جديد وتطلع شمس تملا الكون ضوء فقط وليس لها اي طعم من السعاده والفرحه اللي بتملا بيها الكون وتغمر بيها القلوب وتقوم نور ع ضوء الشمس
وكل حته في جسمها بتالمها واول ما افتكرت اللي عملو مروان مسكت الوساده وحطها علي وجهها كانها بتحاول تمحو امبارح من قاموس حياتها نهائيا
وتطرق منار الباب بهدوء وتدخل
"سمعت صوتك ع فكره قولت اكيد صحيت"
نور وباصه للي السقف وسرحانه
منار بتوسل :انا اسفه اسفه .. عارفه انه الاسف مش هيعمل حاجه بس انتي عارفه بقا امبارح كان يوم عامل ازاي
نور مازالت ع حالها ومش بتنطق
منار قربت منها :هتفضلي ساكته كده كتير طيب .. انا اي ذنبي مانا متعذبه زيي زيك
نور صمت تااام
منار بعياط :السكوت عمره ماكان حل وشكلك فعلا مش حابه تتكلمي مع حد انا همشي
نور لم تبال لها اي اهتمام
تركتها منار ونزلت تحت وتفاجئت انه منيره جات ومعاها محمد
منار بلهفه :ماما انتو جيتوا .. اي ده محمد محمد حبيبي عامل اي كده تخضنا عليك
محمد وهو رابط شاش ع راسه و بتوجع :انا بخير ياحبيبتي نور فين
منار:نور فوق ومش بتكلم حد خالص
منيره باستفهام وقلق:هو مروان برضو عمل اللي دماغه
منار بلعت ريقها وباسف:ربنا ليه حكمه في كده
محمد بانفعااال:مروان ده غبي غبي ازاي يعمل كده لالا ده مش اخويا انا لازم اطلع اتكلم معاه .. ويانا ياهو ف البيت دا
منار بسخريه:البيه سافر خلاص ومش راجع تاني
منيره ومحمد حدقو النظر اليها :ااااااااااااااااااااااااايه
منار:زي ما بقولكو
منيره بقهر :ليه كده يااااااااامروان ليه
نروح عند حازم وهو بيتكلم في التليفون
قولتك ياعمرو اخر اليوم تسيب بت محمود تروح .. وانت كمان تروح تشوفلك مكان تختفي فيه فااهم
عمرو:فاهم فاهم وانت هتعمل اي
حازم بحده :هسيب البلد ومسافر يلا سلام
حامد من الخلف:قولت اي ولدي هتسيب البلد كيف وتسافر وهتسافر فين
حازم بحده:زي ما سمعت ياابوي هسافر اقعد في شرم الشيخ .. لحدت مايجهز ورقي وواد المنصوري شغله بره كل يوم يكبر عن اليوم اللي قبله .. وهسافر اشتغل انا وهو راس براس واللي معملهوش ابوه انا هخليه يعمله غصب عنه ..
حامد بلهجه صعيديه :وانت كد الكلام ده ي ولدي
حازم:هتشوف .. اصلا واد المنصوري نسوانجي وبكده نقدر نلعب بيه زي مااحنا عاوزين
حامد:وبنات محمود؟؟
حازم:هفضالهم بس مش دلوق.. حسابهن تقل قوي معاي .. يلا سلام اروح اجهز حاجتي للسفر
■■■
عمرو اول ما عرف انه حازم خلاص سافر قرر انه هو كمان يسيب البلد ويهرب بس الاول يخلي سلمي ترجع البيت
راح عند سلمي وهو يقرب منها بببطء
عمرو بفرحه :ليكي عندي خبر حلو اوي
سلمي بقرف:مش عاوزه حاجه من خلقتك غير اني اروح .. ياتري ي ماما عامله اي دلوقتي وحشتيني اوي
عمرو:ابسطي ي ستي هتروحي النهارده
سلمي:هاا وفرحان ليه كده انا اصلا لما اخرج من هنا مش هيطلع عليكم صبح انت والكلب حازم
عمرو:تؤتؤتؤ ي روحي انا كده ازعل متخافيش احسنلك تسكتي خالص لانك مش هتطولي حق ولا باطل .. بالنسبه لحازم هو خلاص فوق في الهوا وسافر لندن وانا بقاااا كلها ساعه ومش هكون في البلد يبقي احسنلك اي تسكتي زي الشاطره وتروحي بسكات وتشدي حيلك عاوز لما ارجع القاكي دكتورة ونتجوز ونعيش مع بعض حياة حلوه
سلمي بسخريه:هههههههههههههههههههههههههههههه وربنا عاوز تتعالج .. انت اهبل صح
عمرو:احلي مرض ابتليت بيه هو حبك
سلمي وهي بتحاول تاخده ع اد عقله:هااا ي حبيب الروح .. هتسيب مراتك لحدت امتي مرميه كده عاوزه اروح بقا بقيت شبه مساليل الصومال
عمرو:سامحيني ي قلبي ماانتي عارفه اوامر حازم بقااا تعالي هفكك وهتروحي حالا
سلمي في سرها:وربي نهايتكم هتكون ع ايدي ي كلاب
فكها عمرو وخرجها بره وشرحلها الطريق اللي تمشي فيه كويس وهي كانت زي الغرقانه اللي عاوزه تستنجد بأي قشايه جريت سلمي ع بيتهم وكمان عمرو اختفي نهائيا ومحدش عارف له طريق
ننسي عمرو بقااا فتره كده ونسيب سلمي تروح البيت
■■■
وصلت سلمي البيت وهي ع اخر نفس لقيت فريده في حاله صعبه جدا ومحمود حالته كل مالها بتسوء
سلمي بدموع:ماما وحشتيني اووي
فريده اول ما شافتها مصدقتش عنيها وجريت عليها واخدتها بالحضن
فريده بلهفه :بنتي حبيبي نور عيني كنت هموت ع بعدك ياسلمي كنتي فين كل ده
سلمي بدموع:الكلب حازم كان حابسني عندهم في بيتهم القديم هو وابن خالته عمرو
فريده بتوعد قامت طلعت سلاح محمود م الخزانه :ابن الكلب والله ماانت عايش ساعه بعد النهارده ياحازم ..مش مكفيك اللي حصل فينا
سلمي بتهديها :استني بس هو سافر وساب البلد
فريده بقوة:خليه يسافر وليه يوم هيرجع فيه بس اقسم بالله ساعتها ماحد هيقتلو غيري
سلمي:اهدي ياماما وتعالي نشوف بابا هو وحشني اوي
فريده:يلا ي بنتي ده هيتجنن عليكي
وبعد مرور 3 شهور
محمد بدا يفوق لنفسه ويذاكر علشان امتحاناته
مريم رجعت للجامعه وللسهر والخروجات وحالها اتشقلب مليون مره عن الاول
منتصر لقيو جثتو مرميه ولحدت دلوقتي مش عارفين مين القاتل
مناررجعت للجامعه تاني وبدات تشغل نفسها بالمذاكره والماستر طول النهار .. بالليل ف الصيدليه .. علشان متديش نفسها فرصه تفكر
عمر نجاا من الموت بمعجزه واخد اجازه من الشغل فتره يهدي اعصابه
مروان ونادين سافروا واتجوزا هناك وبداو حياتهم من الاول بس مروان كان طول الوقت سرحان وبقا انسان عصبي جدا جدا
ياتري اي حكايتك ياابن المنصوري انت حنيت ولا ضميرك صحي #هنشوف
فريده حالتها كل يوم تسوء عن اليوم اللي قبله ع بناتها ومحمود دخل في غيبوبه وبقااا في دنيا تااانيه .. سلمي عملت محضر لعمرو وحازم بس للاسف الشرطه معرغتش توصل لحد فيهم
نور طول الفتره دي كان عندها حاله نفسيه وصدمه عصبيه ومش بتكلم حد خالص كل اللي عليها انها باصه للسقف وتعيط وتوهه وحيره .. نادرا اما بتاكل غير بضغط م منيره .. اهملت دراستها وكليتها .. قطعت اتصالها بعمر ابن عمها اللي كانت مفهماه انها ساكنه ف مدينه جامعيه وبتشغل عشان يطمن وقطعت اتصالها بيه نهائيا ف الفتره الاخيره
■■■
نروح الاول عند نادين ومروان
نادين جلست ع رجل مروان وعانقته :حبيبي ليك عندي خبر هيبسطك اوووي
مروان قفل جهاز الحاسوب :خييير
نادين مداعبع :ياتقل دمك بقول هيبسطك وانت بتكلمني كده
مروان تنهد :وبعدين
نادين:ولا قبلين ابسط ياعم هتبقي اب بعد كام شهر
مروان باندهاش:اي قولي تاني كده انا سمعت صح مش كده
نادين قربت منه اكتر :ايوه كده ياحبيبي
مروان حضنها وقام رفعها ولف بيها اليبت كله :ياااااااااااااه انا مش مصدق نفسي اخيييييرا الدنيا بدات تضحكلي تاني الحمد لله يارب
نادين معانقه اياه:ياااااااااااااااه ليا كتير اوي ما شوفتش الضحكه دي ..
مروان نزلها ووقف قدانها :ومن النهارده مش هتشوفي غير الضحكه دي ومن هنا ورايح مافيش غير حب ودلع وفرح وكلمه حزن دي نمسحها باستيكه فااهمه ..
نادين ضحكت :طبعا فاهمه ياحبيبي
مروان بخضه وهو بيرفعها بين ايديه
:ياالهوي عليا ياخبر اسوح انتي واقفه ليه كده انتي من النهارده مش هتتحركي من ع السرير وكل طلباتك مجابه ياجميلل انت ياسكر وانا هطبخلك واغسللك وامسحلك بنفسي هيييييييييييييييييح بقاااااااااااا . هبقي اب"
نادين عانقته :حيلك حيلك يابابا انت مبتعرفش تعمل كوبايه شاي اصلا .. وبعدين بطل افوره بقااا
مروان بغمزز :امممممممممممم عارفه بعد بطل افوره دي بقاا لو مكنتيش حامل كنت هوريكي الافوره الحقيقيه عامله ازاي
نادين ضحكت بصوت مسموع :بحبك
مروان:وانا بعشقك
■■■
ف اوضه نور والدكتور عنعا بيقفل ف شنطته
منيره بقلق:طمني ياابني دي فجاه اغمي عليها
الدكتور ابتسم :مالكم قلقانين ليه كده ياجماعه الحاجات دي طبيعيه في شهور الحمل الاولي
كلهم بصدمه:حمل؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
الدكتور :اه المدام حامل .. بس المفروض تتغذي كويس اوي علشان صحتها ضعيفه جدا .. ودا اسم دكتور نسا كويس اوي تتابع معاه .. عشان صحة البيبي
محمد اخد الورقه :طيب يادكتور هات الدوا انا هجيبه .. نورت حضرتك وشكرا خالص ع الخبر الحلو ده اتفضل
نور طبعا صمت تااام و مش بتقول اي حاجه
منار بفرحه :ياااااه انا هبقي عمه يااااااااه انا مبسوطه اووي اووي ياماما
مريم:ايوااا بقاا هيكون ليا ولاد اخويا صغيرين العب معاهم ونتفسح سوا وهيييييه بقا دانا هشهيصهم بقااا
محمد جاي من بره:طيب وسع وسع وسع وكمان وسع وسع وسع دانا هبقي عم ولا صبورت ونولت يامحمدين .. بصوووا بقا من غير كلام كتير محدش هيسمي البيبي غيري هاا
منار ممازحه :بس بس يابا انا عمته الكبيره انا هسميه
مريم بدلع :اسكتوا انتو الاتنين انا هختارلو اسم استايل وع الموضه
محمد بفرح :طيب بس بس سيبوني افرح شويه وهيصه هييييييييح الود ودي ازغرد ياااااااااه انا مبسوط اوووي مبرووووووووووك ياام عتريس
نور ساكته وبتابعهم ف صمت
منيره بحنيه :يابنتي ماانتي لازم تتكلمي هتفضلي ساكته كده لحد امتي
نور بدموع واخيرا نطقت بعد ٣ شهور
"البيبي ده لازم ينزل"
كلهم حدقو النظر اليها ..و بصدمه:ايييييييييييييييييييييييييييييييييييييييييييييييييييييييه
البارت العاشر
" كشف المستخبي "
اتوقفنا عند اخر جمله قالتها نور وقعت ع قلوب الكل قبل اذانهم كالصاعقه
وهي بتقول
نور بدموع:البيبي ده لازم ينزل
كلهم بصدمه:ايييييييييييييييييييييييييييييييييييييييييييييييييييييييه
محمد بعدم تصديق :لالا اكيد انتي بتهزري
منار بعدم فهم:لالا ياعم اي الهبل ده اكيد نور مش قصدها تقول كده
نور بحده وانفجرت ف العياط
" لا بقااا قصدي يامنار .. وانا من الاخر كده مش عاوزه اي حاجه تربطني باخوكي اللي اول حاجه هعملها هخلعه "
مريم بعصبيه :انتي اتجننتي انتي ملكيش حق تقولي كده البيبي ده احنا لينا فيه زينا زيك .. ما تتكلمي ي ماما ساكته ليه
منيره بهدوء:لو سمحتوا ي ولاد اطلعو بره وسيبوني مع نور لوحدنا
مريم بضيق:ماما
منيره بحده:سمعتوا قولت اي يلا اتفضلو
كلهم:حاضر
وخرجوا من الاوضه وكلهم مستغربين من كلام نور
منار بصدمه وعدم تصديق وهي بتستند ع السلم :يالهوي!! معقوله دي نور صحبتي اللي اعرفها لالا مستحيل
محمد باستغراب:الي هيجنني ازاي بقيت بالقساوة دي طيب ليه .. ده المفروض تفرح
مريم عقدت ساعديها :طول عمري بقولكم انها مش سهله مش بتسمعوا كلامي .. اشربو اهو عاوزه تقتلةابن اخونا
منار بعصبيه:اسكتي انتي ماانتي اللي عملوا اخوكي مش شويه برضو .. متنسيش انه قتلها ومشي
مريم بتريقه
"هاهاهاهاهاههاهاها يعني جايه تعيش الدور علينا دلوقتي ..
ما اهي مش وصلت للي هي عاوزاه واتجوزت مروان اللي كانت واقعه فيه ..
وبعدين اصلا ماكانتش تحلم انها تتجوز واحد زيه الفلاحه دي يعني المفروض تبوس ايدها وش وضهر .. "
منار بصدمه وزهول :لالالا ده الواضح انه مش نور وحدها اللي اتجننت وانتي كمان ياطالبه الهندسه .. ازاي اصلا بتقولي كده .. بذمتك ياشيخه ده كلام ناس بتخاف ربنا
محمد بحده :اتقي ربنا ي مريم انتي بنت زيها برضو
مريم:يووووه كلكم جيتو عليا انا دلوقتي ماتروحوا تشوفوا اللي عاوزه تقتل ابن اخوكم .. اصلا انتو الكلام معاكم خساره اوووووووووووف سلام
منار باستغراب :ربنا يهديكي يامريم ي رب
محمد:ي رب
ونرجع عند منيره نشوفها بتقول اي لنور
بعد ما كان الصمت سيد الموقف لدقايق عديده
منيره بهدوء :كلامك ده اكيد قولتيه علشان انتي شايله من مروان .. مش اكتر صح ؟
نور بحده :حضرتك سمعتي قولت اي .. البيبي ده مش هيقعد في بطني يوم تاني
منيره سكتت شويه ووجهتلها الكلام :وهتبقي قاتله ابنك؟
نور بلامبالاه:هااا طيب ما ابوه قتلني قبله..
منيره بحزن :طيب واي ذنبه انك تاخديه بذنب ابوه
نور بنرفزه :ذنبه انه مروان ابوه .. والولد ده لو جيه هبقي فعلا ظلمته
منيره بهدوء :عيني في عينك كده انتي مقتنعه باللي بتقوليه
نور بتحدي :جدا
منيره:امممممممممممم وضميرك هيكون مرتاح بعد كده
نور بلامبالاه :مش مهم بقا المهم انه مافيش حاجه تفكرني بابنك دا خالص
منيره انفجرت فيها
"اي القسوة اللي بقيت جواكي دي .. انتي ازاي اتحولتي كده .. عارفه انه يوسف ممكن يكون ظلمكم في قراره ده .. بس كان فاكر انه اختار لابنه واحده هتقدرو وتحافظ عليه شاف فيكي ام لاحفاده قبل ماتكون مراة ابنه .. وبعدين علشان مروان سابك ومشي يبقي خلاص تعاقبيه وتقتلي ابنو ..
انا بقااا هقولك علشان تعرفي ان التاريخ بيعيد نفسه تاني
من 35 سنه يوسف وامك كانوا بيحبو بعض .. بس للاسف يوسف ساعتها ماكنش لاقي ياكل وفقير .. وجدك فرق بينهم ويوسف قرر يتحدي الدنيا كلها ويسافر واللي ساعده ف دا فريده امك .. قلعتلو صيغتها عشان يبدا بيها .. ويقدر يواجه ابوها .. وساعتها يكون نفسه .. ويكون اد المسؤليه ويتجوز امك وامك وعدته بكده انها هتستناه طول العمر
بس للاسف سافر يوسف وبعدها امك اتجوزت ابوكي بالاجبار وسافروا هما كمان ..
يوسف اول ماعرف كان هيتجنن وحاول الانتحار بدل المره الف وبعدين قرر يتحدي قلبه ويدوس عليه علشان ينسي امك .. واتجوزني عارفه يعني اي يوم فرحي احلي يوم بتحلم بيه اي بنت انها تكون مع حبيبها .. عمك يوسف بقااا في اليوم ده ماكنش عليه غير سيره امك حكالي كل تفاصيلها . وانا ساعتها كان قلبي نار من كلامه وبالتالي استحملت وصبرت وكنت ليه صديقه واخت مش زوجه وبس .. عارفه يعني اي يكون حبيب عمري عايش معايا بجسده بس انما روحه وعقله مع واحده تاني ..
عارفه انه مش ليكي ذنب ولا علاقه في الكلام ده كله بس انا بضربلك مثال علشان انتي مع اول ريح استسلمتي ولهيب الانتقام من مروان سيطر ع قلبك وعقلك
وبقولهالك كلمه اخيره عاوزه تروحي تقتلي ابنك اتفضلي مش همنعك . بس ساعتها لما تيجي وتبكي بدل الدموع دم ابقي قولي منيره قالت
براحتك يانور سلااااااااااااااااااااااااااام "
خرجت منيره ورزعت الباب وراها بكل قوه ونور لسه برضو مصدومه من كلام منيره
وحست اد اي بالذنب انها فكرت بكده وارتفع صوت بكاءها وهي تدعي ربنا يسامحها ويغفرلها
وفجاة افتكرت جاوب يوسف ليها اللي لسه مقرتهوش قامت بسرعه تدوور ع الجواب
ونسيبها تدور بقاا ونروح مكان تاني
ساندي 《《 فاكرينها 》》
وهي تتكلم في التليفون
"ايوة يابص كله تمام بس اهم حاجه دلوقتي عاوزه باسبور وتذكره جديده واسافر ع لندن لازم اخد حقي من ابن المنصوري وابكيه بدل الدموع دم "
الشخص:كله هيكون جاهز عندك اخر الاسبوع
ساندي:حلو اوووي
"""وكده هيبدا اللعب ياابن المنصوري"""
■■■
نرجع تاني عند نور هي بتفتح الجواب علشان تقراه
""نور بنتي الحبيبه بصراحه مش عارف اي حالتك وانتي بتقراي الجواب دلوقتي
ياتري مبسوطه .. ولا حزينه ولا الدنيا عملت فيكي اي ..
سامحيني يابنتي لو كنت ظلمتك بقراري بس صدقوني انتي الوحيده اللي هتكون عون ومساعده لمروان انتي بس اللي هتقوي مروان ,,مروان م غيرك ولا حاجه
حافظي عليه يابنتي عارف انك بتحبيه .. اوعي اوعي يانور مروان يتجوز نادين ..
عارفه يابنتي انا حبيت امك حب ما فيش بعده وتعرفي كمان انه نفس الحب ده اللي شوفته في عنيكي لمروان كنت اتمني اكون عايش لليوم ده واشوف ولادكم وهما بيلعبو وينادوني جدو جدو ..
بس الحمد لله انا دلوقتي بين ايدين كريم وحاجه اخيره ي نور عاوزك تسامحيني ي بنتي زي ما قولتلك في حاجات كتير متعرفهاش واول ما تعرفيها مش عاوزك تحكمي عليا غير لما تعرفي انا عملت كده ليه
اااااه ي نور نسيت اقولك اني اضطريت اكدب عليكم كلكم انا والمحامي في حكايه الوصيه دي انا عمري ما كنت هبقي ظالم التركه متوزعه بالحق وانتي نصيبك زي منار ومريم بس انا اضطريت اعمل كده علشان اضغط علي مروان وما يبيبعش ويشتري فيكي .. والموضوع ده طبعا هيفضل سر بينا لحدت ما انتي بطريقتك تكسري شوكه الكبر والغرور اللي في مروان
ربنا يفرح قلبك يابنتي وانا واثق فيكي وعارفك انك هتخلي بالك ع ولادي وهتعمليهم زي اخواتك بالظبط
عاوز اسم المنصوري يوصل السما يانور وده كله بفضلك بعد ربنا"
قفلت نور الجواب وعينيها اتملات بالدموع وهي تقول الله يرحمك ي عمو ي رب الله يرحمك
ومسحت نور دموعها وقامت فجاه وقررت تذهب لمنيره
ونسيبها ونروح عند مريم في عربيتها وصوت الاغاني عاليه جدا
وفجاة فرملت بعربيتها
مريم بعصبيه:انت ي حيوان ي غبي في حد يقف في الطريق كده فجأه
وبناء علي كلامها نزل شخص من سياره في قمه الفخامه مرتديا زيا في منتهي الشياكه ونظاره شمس وهو في كامل وسامته وجاذبيته نزل ووقف قدام عربيه مريم ورفع النظاره من ع عينه بهدوء ونظر اليها نظره غريبه وارتدي نظارته مجددا وتركها ومشي
مريم بضيق وعصبيه لنفسها :هو اي اصلو دي يعني هو اللي غلطان ويجي بيصلي بقرف كده يوووووه بس هو ازاي كده يخرب بيت جمال وتقل اهلك .. هو في كده مريم مريم فوقي يلااا انتي اتجننتي بس الصراحه هو صاروخ ويستاهل اووووف ياربي بس انا كنت اوفر معاه اوووي انا لازم لما اشوفه اعتذرله يلا يلا ي هانم ع محاضراتك
ونرجع تاني عند نور وهي بتطرق باب غرفه منيره
منيره بعياط :قولتلكم مش عاوزه اتكلم مع حد
نور وهي بتفتح الباب بهدوء:حتي انا ياماما
منيره بصدمه :ايه
نور وهي تترمي في حضنها:ايوه ماما .. امي اللي مربتنيش .. امي اللي فتحتلي بيتها وهي متعرفنيش امي اللي جابتلي اول انسان يدق ع قلبي .. امي اللي ولادي في المستقبل هيقولولها ي نينه
منيره بدموع:يعني..
رجعتي عن كلامك
نور بعيااط :اسفه ي ماما اسفه سامحيني مكنش قصدي بس كلامك كان ليا اكبر درس
منيره بتمسح دموعها ودموع نور:خلاص ي بنتي علشان خاطري متوجعيش قلبي خلاص
نور ابتسمت :يعني مسمحاني
منيره بحنية:وهي برضو في ام بتزعل من ولادها
نور وهي تحضنها
"يخليكي ليا ي امي ي رب"
منيره ربتت ع كتفها :ومتقلقيش مروان هيرجعلك هااا فاهمه هيرجعلك لو مش النهارده هيبقي بكره
نور بثقه:لا مانا مش هستني لما يرجعلي
منيره باستفهام:اومال ايه
نور:انا اللي هسافرلو
منيره بصدمه :ايه!!
نور:زي ما حضرتك سمعتي ع اول الاسبوع هسافر لندن ولازم اتكلم مع مروان .. ونوصل لحل
ونروح عند مروان ونادين نشوفهم عاملين اي
نادين بنفاذ صبر :يووووه بقااا ي مروان رجعت تسرح تاني .. مالك ي حبيبي ما تحكيلي
مروان بتنهيده :سلامتك ي حبيبي .. مشاكل في الشغل بس .. انتي اخبار بنتي اي
نادين بمداعبه :ياااااااسلام ياخويا وايش عرفك بقاااا انها بنت ما يمكن ولد
مروان قرب منها وقرب ودنه م بطنها :لالالالالا اكيد بنوته وهتطلع بنوته قمر لمامتها .. مش كده ي كوكو
نادين صففت شعره باناملها :لا بقا انا نفسي في ولد ويطلع قمر لباباه
مروان ممازحا :يبقي اعرفي انه ابنك هيعنس
نادين بدون تفكير ..مندفعه : فشررر وهو فيه زي باباه اللي دوبني في حبه
مروان خدتها بين دراعته:يلا يابكاشه عيني في عينك كده
نادين بتحدي:اهوووووووو
مروان بهزار:ياواد ياجامد انت
نادين: بحبك
مروان وهو بيقبل ايدها:وانا كمان بعشقك
■■■
نروح عن منار في الجامعه وهي قاعده مع اميره ودينا صحابها قاعدين ف الكافتيريا
منار :انتي يابت انتي مالك مبومه
دينا صمت تام
اميره:معلش ي منار سيبها هي ليها كذا يوم ع كدا
عشان حبيب القلب ليه فتره مجاش الجامعه
منار باستفهام:تقصدي مين هي البت دي بتحب من ورانا ولا اي
اميره:انتي متعرفيش
منار بفضول :قولي قولي مين
اميره:الدكتور يحيي
دينا بعصبيه وعياط:بس بقااا حرام عليكم كفايا كفايه
وسابتهم ومشيت
منار:ي لهوي البنت حالتها مدمره اووي هي للدرجه دي بتحبه
امير:يوووووووووه دي مجنونه بيه لدرجه ملهاش وصف
منار :اممممممممممممممممممممممممم عشان كده لما قولت لنور .. قالتلي فيه حاجات كتيرر متعرفيهاش
اميره:اي ده نور انتي شوفتيه قوليلي والنبي دانا هتجنن عليها بطلت تنزل ليه .. واي الحاجات دي
منار بسرحان:هااااا .. والله انا ماعارفه اي اللي بيحصل دا
اميره بحنيه :مالك ي حبيبتي
منار بتنهيده: مااافيش
■■■
ونروح عند مكان تاني اول مره نروحه
بيت فهمي واذا بست في عقدها الرابع تجلس ع كرسي متحرك وتتدق باب غرفه يحيي وتفتحه وتدخل
يسرا بشفقه :مالك بس ياضنايا متقطعش قلبي عليك فيك اي وايه الدقن دي والحزن اللي ماليك ده يابني
يحيي وهو يقوم من مكان ويجلس ع الارض ويضع راس ع فخذ امه
ويعيط
يسرا بدموع ربتت ع كتفه :لا اله الا الله .. مالك ياحبيبي بس
يحيي بحزن :حبيت .. والحب خدني في دوامه ملهاش نهايه
يسرا دمعت :ليه كده يابني الحب جميل واول ما يدخل قلبنا بيجيب معاه الفرحه وكل حاجه حلوه
يحيي بعياط :مش عارف اوصلها ياامي وطلعت مخطوبه .. واول مااعترفتلها بحبي سابتني ومشيت
يسرا بحنيه :يبقي مش بتحبك يابني ومتستاهلش دمعه من عيونك
يحيي :لا ياامي متقوليش كده دي اطيب حد ممكن تقابليه ف الدنيا
عارفه كمان انها شبهك بالظبط نفس ضحكتك نفس طريقه كلامك لما كنت بتكلم معاها كنت بحس اني واقف قدامك .. ياامي اول بنت تفتح قلبي تكون هي نفسها اللي قفلت الطريق في وشي ليه ياامي بيحصل فيا كده ليه
يسرا بحنيه:بس بس متعملش كده علشان خاطر امك ياحبيبي .. وربنا اللي زرع حبها جوا قادر يعوضك عن واحده غيرها تستاهلك وبتحبك
يحيي:خلاص يااماما انا فقدت الامل في كل حاجه حوليا
يسرا بلوم:عمري ماشوفتك بالضعف ده يايحيي الحب طول عمره بيقوي وعمره ماكان مصدر ضعف لصاحبه ارجع لحياتك ياابني وانزل جامعتك واستهدي بالله كده
يحيي بضغف:مش هقدر اروح الجامعه تاني وهي فيها مش هقدر
يسرا:طيب هتعمل اي هتبقي كده قاعد في البيت
يحيي":هو مروان سافر مش كده
يسرا:اه
يحيي :خلاص انا من بكره هنزل ادير المصنع من اول وجديد واشغله مكان مروان واخليه اكبر مصنع حديد وصلب في مصر
يسرا بف حه:يااااااه بجد ي حبيبي اخيرا اقتنعت بفكره الشغل دي .. ربنا يوفقك وينجحلك مقاصدك يابني ويلا قوم بقااا بطل الحزن ده وفرفش شويه عاوزه اشوف يحيي بتاع زمان
يحيي وهو يقبل يديها:ي مسهل ياامي ادعيلي
■■■
مر اسبوع علي ذلك الحال
مروان عايش مع نادين بس من جواه ميت وكل تفكيره في نور
نور بتستعد للسفر لمروان
مريم كل يوم بتخرج وتلف في الشوارع وهتتجنن وتعرف مين الشخص اللي شافته ف العربيه ده
منيره ونور علاقتهم اتحسنت ببعض خالص علاقه ام وبنتها بالظبط
وجاء اليوم الموعود الا وهو يوم سفر حازم
بعد ما وصل حازم المطار وانهي كل اجراءاته وتوجه الي الطياره المنطلقه اللي لندن وهو يجلس ع مقعده تفاجئ بوجود ساندي بجمبه
حازم بخبث : هووو انتي
ساندي بسخريه : هو انت .. والله واتقابلنا ياحازم بيه
حازم:امممممم خير خير .. بدايه مفرحه بردو .. كويس لقيت حد هتسلي معاه هناك ويلبي طلباتي ويظبطلي مزاجي
ساندي انفجرت ف الضحك :واي الثقه دي بقااا .. وهي نادين هانم مابقيتش فاضيه لسيادتك عشان تظبط مزاجك زي زمان
حازم:اللي يسلم نفسه مره يسلمها مليون مره بعد كده .. وبعدين نادين دي الحب المتربع
ساندي باستفزاز : عشان كده سايبها ف حضن مروان المنصوري
حازم: كله بيزنس ..
ساندي : امممممممم بزنس .. مادام بزنس كلي لك حازم بيه الشرقاوي .. وبزنس بردو
حازم:امممممممممممممممممممم تعجبيني
ساندي بغضب:حازم انا كنت حامل في ابنك
حازم دخل ف غيبوبة ضحك
"لا ياشيخه وانا ايش عرفني انه ابني ماانتي كنتي فاتحاها سبيل لخلق الله وكان كل همك ترضي البص ورجالته"
ساندي بتحدي:صح بس من النهارده هتشوفوا ساندي واحده تاني
حازم بخبث:ماقولتليش هنروح سوا مش كده
ساندي بتحدي:نروح منروحش ليه
حازم:حلاوتك وانتي فهماني كده مقولتليش بقاااا مسافرة لندن ليه
ساندي:علشان انتقم
حازم:ياجامد انت!!! من مين بقااااا
ساندي:وهو في غيره ابن المنصوري
حازم بفرحه:اووباااا بقااا يعني نفس الهدف طيب حلو هنعمل شغل كويس مع بعض
ساندي:وانت كمان هدفك ابن المنصوري
حازم متوعدا :ياانا يااااهو
ساندي في سرها:انتو الاتنين هتبقوا هدفي
نروح عند عمر وياسين
ياسين داخل بينفخ بقا ومش طايق نفسه
عمر منازحا :اهلا بالباشا مالك يااختي متعصبه ليه
ياسين:بنت الكلب الارض انشقت وبلعتها عملت عملتها وهربت
عمر اعتدل : ساندي بردو ، معلش كل ظالم ليه يومه ، هي هربت م الحبس
ياسين : دي متهمه ف قضيه دعاره ياعمر والقضيه دي كانت بتاعتي وكنت ناويلها
عمر ضحك : البت نفدت بجلدها
ياسين بسخريه :ايوه ياخويا مانت مش هامك قاعد مانتخ في البيت ليك اكتر من شهر .. ولا ع بالك حاجه
عمر بتوعد: عارف انت الهدوء اللي بيسبق العاصفه اهو انا هبقي كده .. هصبر عليهم اوي اوي وعند ما يجي وقتهم ورحمه ابويا مانا مخلي واحد منهم ع وش الارض
ياسين:ربك يسترها.....سمعت اخر خبر
عمر:قول ماهي ناقصاك
ياسين:حازم ابن عمك سافر لندن
عمر:اكيد ناوووي ع مصيبه هناك
ياسين:لا وخد التقيله
عمر:اخلص
ياسين:هو اللي كان خاطف سلمي ومخبيها
عمر بذهول :ااااااااااااااااااااي ابن ال الحيوان ندل ويعملهاا انا عرفت دلوقتي نور كان ليها حق تسيب البلد وتمشي بس هي فين دلوقتي بس والله كنت هحميها منهم بس هي اللي اتسرعت ورفضت تقولي مكانها ..
قولي ي ياسين محدش عارف لحدت دلوقتي مين قتل جدي منتصر.
ياسين باسف :التحقيقات اهي ماشيه بس ابقي قابلني لو وصلو لحاجه اللي خلي بنت مخطوفه ليها اكتر م اسبوع .. محدش عرف يجمعها هيعرفو مين قتل
عمر بحده :ياسين عمك محمود ومراته وسلمي لازم يجوا يعيشوا معانا هنا
ياسين:فكره كويسه بس ي تري عمك هيرضي
عمر:اهووو نحاول ونشوف ع الاقل نرد حاجه من جمايل عبدالله اخويا علينا الله يرحمه
ياسين :امين
♡♡♡
مريم بقاا بقيت عصبيه جدا وهتموت وتلاقي الشخص اللي لفت عليه القاهره كلها
وفي يوم كانت طالعه الصبح ورايحه الجامعه وواقفه في الاشاره واذا تتفاجئ بنفس الشخص يقف بجوارها
مريم بصدمه:ياادي النيله اخيرا لقيتك حيييييييييييييييييح يخرببيت جمال اهلك اي التقل اللي انت فيه ده انت ازاي كده
وسرحت مريم ولم تنتبه للاشاره انها بقيت خضره وفاقت ع صوت العربيات خلفها
مريم بتوعد:اممممممممممممممممممممم يانا ياانت النهارده
وانطلقت مريم في اقصي سرعه خلفه حتي انها بقيت موازيه له تمام
وهي تزود في السرعه وهو كمان يزود في السرعه
ومن شارع لشارع وحاره لحاره حتي وصلو ع الطريق الصحراوي وبرضو مريم مصممه انها توقفه وتتكلم معاها
وكلاهما ينظر للاخر في المراة بتحدي وفجاة اختفت مريم من خلفه حتي انه بدا يهدي في السرعه وينظر ورائه وفجاة فرمل بالعربيه مره واحده ويتفاجئ بمريم قدامه بعربيتها
الشخص في سره:يابنت المجنونه هو في بنات بتسوق كده
ونزل الشخص من عربيته ويشعل سيجارته وبمنتهي الهدوء والثقه ويرفع نظارة الشمس من ع عينيه
ويستند ع سيارته
مريم بقا بثقه وتوعد:اممممممممم هنبدا في البرود طيب استني عليا ماهو ياانا ياانت النهارده
نزلت مريم وهي في كامل اناقتها تقترب منه
مريم:امممممم حاجه غريبه مش كده
الشخص:سوري مش واخد بالي انتي تعرفيني
مريم ف سرها:وكمان لحقت تنساني
الشخص بتعجب :اي خدمه
مريم بتحاول تفتح كلام :كنت عاوزه اعتذر لحضرتك ع الكلام السخيف اللي قولتله قبل كده بس انا ساعتها كنت متعصبه شويه
الشخص ببرود:اه اه افتكرتك انتي بتاعت الطريق لما شتمتيني
مريم ممازحه :ما قولنا اسفين بقاااا ميبقاش ضميرك اسود
الشخص:اوك حصل خير
مريم مدت ايدها:انا مريم المنصوري وحضرتك
الشخص:وانا كريم الشرفي
مريم:الاسم مش غريب عليا عموما فرصه سعيده
كريم:اكيد انا اسعد بس عندي شرط واحد علشان اقبل اسفك
مريم:اللي هوووو
كريم وهو يخرج كارت من جيبه ويعطيه لمريم:ده الكارت بتاعي اتمني نتواصل ونتكلم ونعرف بعض اكتر
مريم بفرحه وهي تاخد الكارت:اوك افكر
كريم:فكري بس ياريت مش كتير هستني اتصالك بالليل باي باي
مريم :بااااااااي
وسابها كريم ومشي وهي برضو مش مصدقه نفسها وطايره من الفرحه والسعاده
■■■
ونروح عند مكان تاني
منيره مواسيه:يعني خلاص مسافرة
نور وهي تقبلها:ادعيلي ياامي وحياتي عندك
منيره:دعيالك يابنتي نور لازم مروان يرجع معاكي
نور:متخافيش ياماما هيرجع .....اي اي انت بتعملي اي
منيره:بحطلك هدوم يابنتي
نور:لالا ياحبيبتي انا هرجع في نفس اليوم هوصل لندن الساعه 4 العصر وهركب ع مصر 9 بالليل .. يعني كام ساعه واكون عندك
منيره:يوووه اي التعب ده يابنتي نور وحياتي عندك خلي باك من نفسك ومن ابنك انتي متعرفيش ابنك ده انا مستنيها اد اي
نور وهي تحضنها :متخافيش ي ست الكل يلا بقااا الطياره هتفوتني سلام
■■■
ونروح مكان تاني عند يحيي
يحيي وهو ف كامل اناقته :امي انا نازل المصنع تامريني بحاجه
يسرا:حبيبي يابني ربنا يقويك ايوه كده فوق لنفسك ولشغلك وارجع زي ماكنت
يحيي :حاضر ياامي بس هو بابا راجع امتي من بره
يسرا:هو سافر علشان الاشعه والفحوصات بتاعتي واحتمال يرجع كمان كام يوم
يحيي وهو يقبل يدها:استاذنك انا بقاااا اه صح نسيت اقولك هي مين اللي كانت ماسكه الشغل مع مروان
يسرا:اه دي نورهان بس هي احتمال ماتنزلش المصنع تاني علشان اتجوزت مروان
يحيي اول ما سمع اسم نورهان افتكر نور ع طول وابتسم:هو مروان اتجوز امتي وكده من غير ما يقول لحد
يسرا:دي كانت وصية عمك يوسف المهم هابقي اكملك الموضوع بعدين يلا توكل ع الله انت بس احسن تتاخر
يحيي:ماشي يااحبيبتي وسابها ومشي ذهب يحيي للمصنع وبدا شغل وهو في كامل همته ونشاطه
■■■
وصلت نور لندن وذهبت الشركه عند مروان لكن للاسف مالقيتهوش اخدت عنوانه من هناك
ومشيت واخدت التاكسي واديته العنوان
نروح نشوف مروان حاله اي بقااا
مروان كان متفق يخرج هو ونادين يغيروا جو
واقف مروان ادام الدولاب ومحتار يختار يلبس اي ولفت نظره ورقه وقعت تحت رجليه ميل مروان واخد الورقه وقعد ع الكرسي يشوف فيها اي
طلعت الجواب اللي كان كاتبه يوسف لفريده
"""""اخر مره بعبرلك فيها عن مشاعري تعرفي من اخر مره شوفتك فيها ولمست ايديك واتوعدنا اننا مش هنسيب بعض بس الدنيا طلعت قاسيه اوي يافريده .. فريده تعرفي انه صورتك مش مفارقاني في منامي وانا وصاحي احلي حاجه شوفتها قبل مااموت بنتك نور يااه احلي هديه جاتني منك .. رجعتلي حاجات كتير اوي اول ما ابص في عنين نور بفتكرك ع طول تعرفي كمان اني ليا 30 سنه عايش مع منيره عمري ما حبتهاا""
ودي كانت اخر كلمه قراها مروان في الجواب وبعدها قال كتب الكتاب بكره بس للاسف ما كملش الجواب للنهايه
كمل مروان قرايه واكتشف انه كان ظالم نور وفاكرها عاملين خطه هي وامها ع يوسف ومنيره بس مكانش يعرف ان منيره كانت عارفه كل حاجه وكانت بتساعد يوسف كمان
اول ما مروان خلص الجواب داس عليه بايده جامد وقعدت دموعه تنزل لوحدها ويقول
" ليه ياربي كده ليه مش كفايه عذاب الضمير الللي اا عايش فيه من ساعه ما سبت مصر كده بتزودها عليا .. اللهم لا اعتراض ع امرك سامحني يااارب سااامحني .. عارف اني كنت غبي ومش اد المسئوليه زي ما نور كانت تقول ياتري هتسامحني ولا اخواتي اللي سبيتهم وهما في اكتر وقت محتاجنلي فيه يااارب ساعدني"
دخلت عليه نادين ولقيته في حاله صعبه كده قربت منه
نادين:مروان حبيبي رد عليا مروان مالك
مروان بدا يهدي شويه بشويه:نادين تعالي نقعد تحت في الجنينه شويه عاوزاتكلم معاكي
نادين:اوك يلا ياحبيبي
نزلو وقعدوا في الجنينه وحكي مروان لنادين كل حاجه
نادين:ياااه يامروان معقوله انت تعمل كده انا مش مصدقه طيب ما قولتليش ليه
مروان:كنت اعمي القلب والنظر وكان كل تفكيري اني انتقم وخلاص
نادين ربتت ع كتفه :طيب هتعمل اي دلوقتي وانا يامروان وابننا واللي انتي ظلمتها ف مصر دي
مروان بدموع :صدقيني مش عارف مش عارف يانادين ضميري واجعني اوووي مش ناسي شكلها وهي بتعيط وبتترجاني
واترمي مروان في حضن نادين وقعد يعيط زي الطفل الصغير
نادين باستفهام:انت حبتها يامروان ولا ايه يامروان ؟
مروان سمع السؤال ومكانش عارف يقول اي اكتفي بس انه اترمي ف حضن نادين وقعد يعيط
وفي نفس الوقت وقف التاكسي امام بيت مروان
السائق:we arrived .sir
نور:really .this is adress؟
السائق:really
نور :ok:can you wait me 10 minutes please
السائق:ok
نزلت نور من التاكسي وهي مرتبكه خالص ومش عارفه هتقول اي لمروان ولا اي هيكون ردت فعله واول ما اقتربت من باب الفيلا شافت مروان وهو في حضن نادين وبيحضنها جامد
نور كانت من بعيد مش عارفه تحدد الموقف وفهمت انها جات في الوقت الغلط ومروان كل ماله ويحضن في نادين اكتر كانه بيطفي نار شاعله جوا
وقفت نور مصدومه ومش عارفه تعمل اي ودموعها ملات وشها وقلبها بيتنفض وايديها ببترعش ومش متصوره الصدمه وهي شايفه حبيبها في حضن واحده تاني