رواية ظلام الرعد الفصل الحادي والعشرون21 والثاني والعشرون22 بقلم فاطمة عيد

رواية ظلام الرعد الفصل الحادي والعشرون21 والثاني والعشرون22 بقلم فاطمة عيد

استعد للمقابله وكان يرتدي بدله زرقاء وقميص باللون الاسود أما أخيه فكان يرتدي بدله باللون البني الفاتح وقميص باللون الابيض ليقول:-

عز ابوها ده مستعجل كده ليه تكلمه امبارح يطلب يقابلك النهارده

عز:-

دي رغبتها هي ياسيد

معتز:-

هدبس نفسك بدري بدري اول مشفق عليك والله

عز:-

بدري من عمرك يابتاع النسوان

معتز:-

عز متقولش كده عيب نتفضح

عز:-

اتفضح لوحدك انا مؤدب

معتز:-

مؤدب اها ...يلا ياخويا

-بعد مرور نص ساعه ..

في منزل چنا

نبيل:-

اهلا و سهلا نورتو

معتز:-

انا جاي اطلب ايد الانسه چنا ل عز وطبعا اللي حضرتك تؤمر بيه هيتفذ

نبيل:-

أمر اي بس كفايه انكم من طرف عيله الجبالي وعيله متقلش اهميه عنها ده يشرفني يامعتز باشا

معتز:-

متقولش كده كلنا واحد

يمني:-

اسفه علي المقاطعه بس انا بقول نسيب العرسان يقعدو لوحدهم شويه

نبيل:-

معاكي حق ...چنا خدي عز واقعدو فالبلكونه

چنا بتوتر :-

حاضر

-لف وراءها لتقول بجديه وبملامح جامده:-

اقعد

عز:-

اديني قعدت ايه المقابله دي بقا

چنا بحزن:-

عز انا محتاجالك ....محتاجالك كوسيله اهرب بيها من هنا امي مش عايزاني وهنا مش بكلم حد وعايشه ف ضعط نفسي وخوف رهيب ...عز انا ميهمنيش اعرفك مش عايزه خطوبه اتجوزني وعمري ما هنسي فضلك ده وهعيش خدامه تحت رجليك بس خلصني من هنا ارجوك ...قالت كلماتها والدموع تنهمر من أعينها ليقف هو ويجفف دموعها بلين ويقول:-

مرات عز الكيلاني مينفعش تقول علي نفسها خدامه ... انا هخلصك من هنا وهاخدك وهعيشك ملكه لكن مش هقربلك جواز علي الورق بس لاني متأكد اني مجرد وسيلة اعتبري ده عهد مني اني عمري ما هقربلك ووقت ما تحبي تطلقي هطلقك محبتيش هخليكي معايا

چنا:-

شكرا انك فهمت

عز:-

هطلع اتفق مع باباكي علي معاد كتب الكتاب والفرح

-بعد مناقشه طويله حددو المعاد بعد اسبوعين حيث أخبرهم أنه سوف يتولي أمر كل شئ وهي أخبرتهم باصرارها علي الموافقه

بعد مرور ساعه ..

في قصر الجبالي وبالتحديد في الاستراحه..

معتز:-

ممكن افهم اي اللي هببته ده

عز:-

ده عمل إنساني يامعتز

معتز:-

انت غبي ...طب تتجوزها عشان تخلصها منهم تمام لكن كمان تتنازل عن كل حقوقك ك زوج ..هتبقي الاسم متجوز وفعل عايش لوحدك

عز:-

مش مهم كل ده مش مهم انا مستحملتش اشوف كسرتها مقدرتش اتفرج علي دموعها واسكت خصوصاً أن ف ايدي الحل

معتز:-

فكر كويس ياعز ده شئ مش سهل

عز:-

حاسس اني حبيتها لكن متأكد أن قلبها ملك حد تاني وطول ماهو مش ملكي مش هقربلها انا وسيله انقاظ ليها مش اكتر

معتز:-

عشان كده بقولك فكر كويس

_____________

في المانيا

كيان:-

رعد هنروح امتي انا زهقت

رعد:-

حد يزهق من المانيا ....يومين كمان نظبط باقي الشغل ونروح وبعدين عايزك تحددي معاد الفرح مش هتفضل كده كتير ها

كيان :-

اي زهقت

رعد:-

بصراحه اها لا عارف اعاملك علي اني مراتي ولا عارف اتجاهلك

كيان:-

نرجع واشوف الموضوع ده

رعد:-

انا حذرتك وانتي حره....هتجوز عليكي

كيان:-

مش اما جوازتنا تكمل الاول

--------

في باريس..

ورد:-

مليش دعوه هننزل قبل فرح چنا

أدهم:-

هتقطعي شهر العسل بتاعنا ياكئيبه ياعدوه الفرحه

ورد:-

مانا لازم اكون هناك من قبلها طب خلاص ننزل قبله باسبوع

أدهم بضيق:-

كتر خيرك

ورد:-

أدهم متقولش كده احنا اهل

أدهم:-

طب يلا نخرج

ورد:-

مش قادره ركبي حاله عليا

أدهم:-

هو انا قاعد مع ستي ..قومي ياتنحه

ورد:-

أدهم انت مش رومانسي ليه

أدهم:-

هي اشكالك دي تنفع معاها رومانسيه... قدامي

------------

في قصر الجبالي

جلس الجد بشموخ وقال:-

مازن نصيبك متحولش لحسابك انت الوحيد اللي مأخدتش نصيبك

مازن:-

ده ليه اشمعنا هما

سيد:-

كلهم بيشتغلو وانت لا ورد مش بتشتغل لكن اتجوزت وهي بنت مش مهم تشتغل ولا لا لكن انت اتعودت تصرف وبس نصيبك هتاخده اما تبقي زيهم

مازن:-

يعني اي

سيد:-

يعني تنزل تدرب مع كيان عند رعد واما يأكدلي انك بقيت كويس ف شغلك هديلك ضعف نصيبك ....حاجه كمان مفيش المانيا تاني...مفيش فاروق تاني هو اللي بوظ تفكيرك

مازن:-

ايوه بس

سيد:-

ما تاخدش قرار دلوقتي فكر براحتك و رد عليا

💖💖💖💖

الفصل الثاني والعشرون

مر اسبوع كاملا دون حدوث أي شئ جديد ..عز قرر أنه لن يتراجع ..أما مازن فلازال يفكر في عرض الجد واعتبر فتره التفكير هي ايضا فرصه لن تتكرر تمادي باخطاءه في تلك الفتره كثيرا بحجه من يعلم قد لا تعود مره اخري فكانت حياته الفاسده تعني الحياة بالنسبه له والان سيودعها رغما عنه لأجل المال ...عاد أدهم وورد من السفر لتكون بجانب صديقتها في يوم زفافها وعاد أيضا رعد برفقه كيان بعد انتهاء أعماله ..أما معتز فكان قريب من يقين بدرجه ليست بقليله لكنها لا تعني الكثير...

في منزل يقين...

الاء:-

بت مالك مش علي بعضك ليه

يقين بحزن:-

مكلمنيش ياالاء ولا بينزل الشركه

الاء:-

طب وانتي عايزاه يكلمك ليه

يقين:-

مش عارفه ليه بطمن وهو موجود وببقي عايزه أكلمه ف اي حاجه ..بزعل أما بدخل الشركه والاقيه مش موجود فيها

الاء:-

يبقي وقعتي ومحدش سمي عليكي ...يقين احنا ناس علي اد حالنا وده بوصفك لي بس اقدر اقولك مينفعكيش

يقين بثقه:-

انا متعلمه وجميله وعلي خلق وناجحه ف شغلي هو يهمه مستوي اهلي الاجتماعي ف اي هو انا هصرف عليه يعني وانتي عارفه كويس أن شغلي كويس واحنا مستوانا متوسط مش اد المقام ليه بقا

الاء:-

اديكي قولتي متوسط العالي بيحب العالي ياست يقين

يقين:-

تصدقي انا غلطانه اني بتكلم معاكي روحي كملي مذاكره بدل ماانديلك ماما

الاء:-

يكش يتجوزك عشان اخلص منك

يقين:-

لا مالعالي بيحب العالي بقا

خرجت الاء من غرفتها لتفكر الأخري قليلا بكلامها تذكرت هيئته وملابسه باهظه الثمن وسيارته الفاخره لتقول في نفسها:-

مش يمكن الاء معاها حق ..مش يمكن انا قليله ف نظره ...طب انا هروح الشركه ولو لقيته مش هكلمه لازم اوقف كل اللي انا فيه ده

في قصر الجبالي...

اجتمعت العائله في الصالون برفقه معتز وعز أيضا ليقول رعد:-

انت اي خلاك تسافر وترجع

معتز:-

انا مسافر تاني النهارده ده حتي يبخت من زار وغار

رعد:-

سواق توكتوك بصحيح

ضحك الجميع ليقول معتز:-

بقولك اي هروح الشغل اظبط كام حاجه وارجع لبيتي وسريري بقا

رعد:-

روح انت انا ف اجازه

معتز:-

ماشي يا عريسنا

سيد:-

ناويين علي امتي ياكيان

كيان بتوتر:-

اخر الاسبوع

رعد:-

متقلقيش كل حاجه جاهزه..وبالمناسبة انا خلصت الڤيلا الجديده ياجدي

سيد:-

علي البركه

داليا:-

يعني اي هتعيش لوحدك معاها

سيد:-

وفيها اي بس ياداليا

داليا بغضب:-

فيها أن مكنش لي لزوم لمكان تاني المكان هنا كبير واحنا مش مقصرين ف حاجه

رعد:-

ياحبيبتي انا مقولتش انك مأثره بس انا عايز مكان يكون خاص بينا ومن وقت للتاني هنيجي نقعد معاكم

كيان:-

لو ده هيضايقك بلاش انا مكنتش اعرف

داليا:-

انتي انسانه خبيثه ساعه ما اتجوزتو قولتي جت فجأه مكنتش اعرف ودلوقتي بتقولي مكنتش اعرف امال مين اختار العفش والحاجه

سيد:-

ماتقومي تضربيها احسن يا داليا ...ساعه كتب الكتاب ابنك قبلها مكنش واضح معاها هتعرف منين ودلوقتي برضو هي فعلا متعرفش انا اللي امرت رعد بكده أنه يجيب مكان خاص بيهم وهو حب الفكره

داليا:-

عايز تحرمني من ابني ليه

سيد:-

ماهو جنبك هتروحي وهيجي بس مش دايما والسبب خوفك عليه من تجربه تانيه هيخليكي تدخلي كتير بينهم سيبيهم مع بعض يتخانقو ويتصالحو ويعيشو حياتهم ويتعلمو منها

داليا:-

قصدك اني حشريه كتر خيرك

سيد بغضب:-

داليا هي كلمه واحده رعد هيعيش فالمكان الجديد ومتختبريش صبري اكتر من كده

دلف في ذلك الوقت أدهم برفقه ورد ليقول:-

اي ياجماعه صوتكم عالي ليه

سيد:-

مفيش اي رجعكم بدري

أدهم:-

حكم القوي بقا

--------

-دلف معتز الي الشركه واتجه مباشرةً الي مكتبها ليجدها تنظر بالملف الموجود أمامها ولكنه مغلق..ابتسم علي هيئتها وقال:-

يقين

يقين باقتضاب:-

مش فاضيه

معتز:-

الفايل مقفول اساسا

يقين:-

اصلي خايفه عليه من الحسد

معتز:-

اي البواخه دي بقا

يقين:-

كلمتك واتس تشوف المسدج ومتردش ليه

معتز:-

مأخدتش بالي عادي يعني

يقين:-

صح وتاخد بالك من مسدجاتي ليه انا يادوب موظفه عند شريكك يعتبر شغاله عندك يعني

معتز:-

اي الكلام ده احنا تيم واحد كلنا شغالين مع بعض مش عند بعض

يقين:-

مش عايزه الشغل ده

-نظر الي عينيها التي تجمعت بها بعض الدموع وقال:-

وياتري اي السبب

يقين:-

ميخصكش

معتز:-

عنيكي بتقول أنه يخصني...اقترب منها بدرجه اكبر وهمس في أذنها:-

عنيكي فضحاكي ياحلوه

-ارتجفت وتسارعت دقات قلبها من شده اقترابه وابتعدت عنه بسرعه لكنها لازالت ترتجف لتقول:-

ايوه حبيتك يامعتز معرفش ليه ولا ازاي بس حبيتك عارفه انك متهور عارفه انك مش مثالي بس حبيتك بفكر فيك طول الوقت وانت معايا بحاول اتجنبك واما بتبعد بتمني قربك انا بحبك اوي بس مينفعش

معتز:-

مين قالك بقا أنه مينفعش

يقين:-

محدش قال

معتز:-

انا كمان حاسس بشعور تجاهك لكن مش عارف أفسر ده اي

يقين:-

هو انت بتحس اساسا

معتز:-

لو تبطلي الدبش ده هتبقي قمر...بالمناسبه حدديلي معاد بقا عايز اشرب عليكي شاي

يقين:-

ليه هو انا طربيزه

معتز:-

لا بوريكي اني ابن بلد اوي علي فكره وعارف انتي قولتي مينفعش ليه

يقين:-

مش تفكيري لكن واقع

معتز:-

لا يايقين مش واقع ولا حاجه هعمل اي بمركز اهلك ومستواهم انا اللي يهمني انتي واخلاقك ودول انا واثق منهم ويكفي انك بتحبيني

ابتسمت بخجل وقالت:-

هو انا ممكن امشي دلوقتي

معتز:-

لا مش ممكن عشان انتي وحشتيني

يقين:-

متشكرين يارجوله علي مكتبك بقا

معتز:-

ركزتي اني رفضت انك تروحي وسبتي كلمه وحشتيني

يقين:-

خلاص وانت كمان

معتز:-

انا كمان اي

يقين :-

معتز

معتز:-

قلب معتز

يقين:-

علي مكتبك

معتز:-

النهارده علي مكتبي بكره يبقي علي بيتنا ياعادل بيه

ابتسمت لمزحته وتنهدت بفرحه ولكنها نفضت تلك المشاعر وانتبهت لعملها

الفصل الثالث والعشرون من هنا

لقراءة باقي الفصول من هنا

كرنفال الروايات

رواية ظلام الرعد الفصل الحادي والعشرون21 والثاني والعشرون22 بقلم فاطمة عيد

مقالات قد تهمك

أقسام الوصول السريع (مربع البحث)

رواية ظلام الرعد الفصل الحادي والعشرون21 والثاني والعشرون22 بقلم فاطمة عيد

مقالات قد تهمك