رواية انت لي
الفصل الرابع عشر والخامس عشر
بقلم منه ياسر محمد
part 14
رغد انا بحبك اوى مش عارف ايه اللى حصلى بجد انتى غيرتى حياتى انا كنت انسان قلبه حجر خليتينى بحس بكل ال حواليا رغد اناا..... بس لاقاها نامت ومسمعتش كل ده هو شالها ودخلها اوضتها وطلع نام بره...
فى الصباح.....
رغد صحيت لاقيت نفسها جوه على السرير وبعدين طلعت لاقيت سليم بيحضر الفطار وبيقولها صباح الخير
رغد: صباح النور بتعمل الفطار بنفسك
سليم: اه عادى يعنى اه صح فى حفله بليل ها حضرى نفسك بقا.....
رغد: حفله ايه
سليم: تبع الشركه تمام يلا عشان تفطرى..... قعدوا فطروا وسليم مشى راح الشركه.... ورغد كانت قاعده مبسوطه وبتقولى انا مالى فى ايه... ياربى اه صح نسيت اتصل بماما اطمن عليها.....
رغد اتصلت....
مدام مليكه كانت بتقرأ مجله وردت الووو
رغد: الوو ياماما انتى بقيتى كويسه
مدام مليكه: اه كويسه
رغد: كويس كنت قلقانه عليكى اوى اه صح هى رفيف كانت فين
مدام مليكه: رفيف كانت فى البيت نايمه ساعتها عشان كان عندها محاضرات كتير اوى وبتذاكر......
رغد: اه ربنا يقويها لو كانت تعرف كانت اول واحده جت عشان هى متعلقه بيكى ياماما
مدام مليكه: اه طبعا مش بنتى... اصدى سيبك من الموضوع خلاص انتى عامله ايه
رغد: اه الحمدلله ياماما
مدام مليكه: طيب هقفل انا عشان ورايا حاجات كتير ماشى باى....
رغد راحت تعمل غدا......
سليم كان فى المكتب وبيشتغل وابوه دخل عليه وقاله سليم كنت عايزك فى موضوع
سليم: خير يابابا
استاذ محسن: بس ياابنى انا عارف انو انا كنت غلط فى جوازتك ديه وهكتبلك كدا كدا الشركه بأسمك انت لو مش مبسوط وعايز تطلق طلق خد ورق ملكيه الشركه ياابنى وانا هفضل طول عمرى على ذنب انى جوزتك واحده مبتحبهاش ولا بطيقها سامحنى يابنى انا همشى عشان تعرف تشتغل......... سليم كان واقف وبيفكر انو هل هو يعرف يطلقها بعد ما اتعود على وجودها وهل هى بتحبه نفس ماهو بيحبها ولالا......
فى المساء.....
رغد لبست اشيك فستان عندها وحطيت مكيااچ وكان شكلها حلو..... سمعت صوت الباب وسليم جه..... سليم دخل شافها اول ماشافها سرح فى جمالها ومسك ايدها وقالها انتى حلوه كده ليه هاا بجد زي القمر مش مجامله
رغد: بجد شكلى حلو ياسليم وحطيت ايدها على كتفه وهمستله فى ودنه وقالتله عجبتك
سليم: ضحكلها وقالها اوى بصراحه....... بس ثانيه كدا ايه الفستان ده مفيش اقصر يعنى ولا ايه مش فاهم ايه المنظر ده
رغد: حلو ياسليم مالو
سليم: البسى حاجه طويله يلا ولا اقولك انا هتختار وسعى كده شويه... رغد كانت بصاله وبتضحك.. سليم طلعلها فستان طويل وقالها هو ده ال هيتلبس ماشى يلا
رغد: قربت عليه وقالتله حاضر حاجه تانيه بقا..... سليم: لا انا طالع وغيرى الفستان اه صح ولمى شعرك ده ماشى وهمسلها وقالها ميتفردش لحد غيرى ماشى.... وطلع...... رغد كانت مبسوطه وغيرت الفستان ولميت شعرها..... وبعدين طلعت وقالتله حلو كده
سليم: اه حلو يلا هاتى ايدك بقا.......
رغد ركبت معاه وراحوا ڤيلا صاحب الحفله وبعدين سلموا عليهم وفضلوا واقفين ومبسوطين وكلهم بيرقصوا سليم قال لرغد تيجى نرقص كل واحد بيرقص مع خطيبته او مراته يلا رغد قالتله ماشى وكانوا بيرقصوا وبعدين خلصت الرقصه وكان فى اغانى وبعدين سليم كان ماشى يروح يشوف ابن صاحب الحفله عشان الشغل وهو ماشى خبط فى......
يتبع.......البارت الثامن والعشرون...
انت لى...♡
خبط فى حمزه وقاله انت ايه اللى جابك هنا
حمزه انت بتسأل ابن صاحب الحفله ايه اللى جابك...
سليم: نعم
حمزه: ايه مكنتش تعرف بس الدنيا غريبه اوى جمعتنا تانى... حمزه مشى من قداموا وسليم كان متعصب وحمزه وهو ماشى شاف رغد من بعيد كانت واقفه وكانت جميله جدااا ووقف يبص عليها وعلى جمالها والفستان...... سليم جه جنب رغد
رغد: مالك فى حاجه مزعلاك
سليم: لا مفيش حلوه الحفله
رغد: اه جداا..... ابوه سليم جه وقف جنبوا وقالوا ايه الحفله حلوه مش كده... سليم انا لايمكن امضى حاجه مع ابن الراجل ده خلااص
استاذ محسن: اما احنا جايين ليه
سليم: لو كنت اعرف انو هو مكنتش جيت اصلا
استاذ محسن: اسكت طيب.. رغد ازيك ياحبيبتى ايه الجمال ده يارغد...
سليم: يلا نروح يارغد كفايه كده تعالى.. سلموا على صاحب الحفله وروحوا....... ووصلوا بيتهم.....
رغد: قالتله انت كنت متعصب ليه
سليم: لا مفيش يارغد
رغد: دخلت تغير هدومها...... وبعدين طلعت شافت سليم واقف متعصب مسكت ايده وقالتله مالك ياسليم فى ايه
سليم: مفيش مش عايز اشتغل مع الراجل ده
رغد: ليه انت كنت مبسوط ياسليم
سليم: كدا بقا مش عايز
رغد: خلاص بس متتعصبش كدا هاا هتفضل كدا
سليم مسك ايديها وقالها لا مش متعصب خلااص وضحكلها.........
رغد: طيب هدخل انام انا ماشى......
فى الصباح......
رغد جالها تيليفون من حمزه وصحيت وردت
رغد: الو
حمزه: ايه يارغد سليم عامل ايه
رغد: سليم كويس مالو
حمزه: هو مقالكيش
رغد: على ايه
حمزه: انو انا ال هو هيشاركه المشروع.... رغد ساعتها فهمت هو ليه كان متعصب كداا.... وقفلت مع حمزه وطلعت تشوفه وكان بيكلم فى التيليفون ومتعصب وبيزعق... وبعدين خلص ورغد قالتله انت مش عايز المشروع عشان حمزه صح
سليم اتعصب عليها وقالها خليكى فى حالك وملكيش دعوه بشغلى خلااص وطبعا لسه بتكلمى اكيد مش كده لتانى مره هقولك متكلمهوش وملكيش دعوه بيه خلااص
رغد: بس انا.. سليم: ممكن تسكتى وتدخلى اوضتك عشان مزعلكيش... رغد دخلت اوضتها وكانت عينيها مدمعه من الكلام ال قالوا وقالت مش فاهمه هو بيكره حمزه ليه .....
فى منزل رغد.....
رفيف كانت فى اوضتها عشان بتذاكر للامتحانات
ومدام مليكه نازله عشان تروح شغلها ودخلت شافت بنتها واطمنت عليها وراحت شغلها........
سليم دخل لرغد شافها قاعده زعلانه وقالها مش هتفطرى
رغد: مش عايزه خلاص
سليم: ومش عايزه ليه
رغد: هو انت تزعقلى بره وكل حاجه وفى الاخر تقولى مش عايزه ليه
سليم: طيب انا نازل اصلا رايح الشركه..... ولبس ونزل....
سليم كان فى مكتبه بس نسى تيليفونه فى البيت... رغد شافت ناس بتتصل عشان فى اجتماع مهم عنده وقالت تروح هى توديهوله احسن وتسلم على باباه.....رغد لبست واخدت تاكسى وراحت....
استاذ محسن: دخل على سليم مكتبه وقاله ايه عملت اسه بخصوص الطلاق ياسليم.....
سليم: مفكرتش فى الموضوع ده
استاذ محسن: مبقيتش فاهم انت فاكر كنت بتقول ايه عليها قولى بقا انت كنت بتقول ايه......
رغد كانت داخله ساعتها ووقفت ادام مكتب سليم وقال تدخل ولسه بتفتح الباب...سليم قال اه مش بطيقها وعملت كل ده واتجوزتها عشان اخد الشركه وهى كانت ولا حاجه بالنسبالى وعمرى ماكنت افكر انى احبها اصلا....رغد كانت بره واتصدمت لما سمعت الكلام واخدت تاكسى ومشيت بسرعه.......
سليم: بس انا يابابا حبيتها اوى اوى بقيت حاجه اساسيه عندى بجد مش عارف اعيش من غيرها ومش عايز اخسرها انا حبيتها حب امتلاك
استاذ محسن: انا مبسوط اوى بالكلام ده يارب يابنى اشوفك اسعد واحد وانا كدا اطمنت عليك ياسليم بجد ورغد بنت كويسه ربنا يسعدكوا عايز ابق جدو بقا
سليم: قريب اوى متستعجلش.......وضحكوا....
Part 15
انت لى...♡
رفيف كانت قاعده وشافت رغد جايه وبتعيط
رفيف: مالك يارغد فى ايه
رغد: انا مستحيل اقعد مع الانسان ده تانى بجد ده متجوزنى عشان مصلحه يارفيف
رفيف: طيب تعالى فى اوضتى نكلم يلا
رغد طلعت معاهاا وقالتلها ال سمعتوا ورغد قالتلها هو كويس معايا الايام ديه بس كله كدب كدب انا حبيتوا اوى يارفيف كان حنين عليا اوى بس طلع كداب وكل ده تمثيل... رغد فضلت تعيط عشان هى حبيتوا بجد....
رفيف: ازاى يعنى تحبى انتى مجنونه يعنى يارغد ازاى
رغد: انا فعلا مجنونه يارفيف انى حبيت واحد ميستهلش زي ده
رفيف: كتير حذرتك يارغد بس انتى مكنتيش شايفة غيروا هو وحش اصلا اسمعى منى انا عايزه مصلحتك بجد...
رغد: صح انا رايحه اوضتى انام... هى ماما خرجت
رفيف: اه لما تشوفك هتفرح اوى اوى.. حبيبتى لو عوزتى اى هدوم كدا قوليلى لكن متروحيش هناك تجيبى حاجه ماشى........
رغد طلعت فى اوضتها وفضلت تعيط فيها وقالت انا لازم انساه خلاص بقا كفايه........
فى المساء....
سليم روح وملقاش رغد فى البيت واتصل عليها بس تيليفونها مقفول.... سليم فضل مستنى تيجى ومجتش برضوا.....
فى منزل رغد...
رغد كانت فى للمطبخ لاقيت رفيف جايه وقالتلها هنعمل اكل مع بعض ايه رأيك بقا
رغد: اه ماشى يلا....
مدام مليكه كانت جت ولسه طالعه سمعت صوت من المطبخ طلعت لاقيت رغد ورفيف سألت رغد جيتى امتى حصل حاجه بينك وبين سليم
رغد: لا يماما كويسه مفيش... وبعدين رفيف عشان تخلى امها تنسى موضوع سليم وتبطل اسأله عنه رفيف مسكت حاحه سخنه وفضلت تصرخ ومدام مليكه جت وزعقت فى رغد وقالتلها مش تاخدى بالك وتحطيها فى مكان تانى عشان اختك انتى مبتشوفيش كمان....
رفيف: ماما انا كويسه خلاص
رغد: انا اسفه بس رفيف هى ال حاطت الطاسه هنا
مدام مليكه: مش انتى اختها الكبيره المفروض تاخدى بالك منها مش واقفالى سرحانه....
مدام مليكه: رفيف ياروحى خدى بالك ها انا طالعه انام.....
رفيف: زعلتى يارغد معلش ماما جايه تعبانه وبتخاف عليه اوى
رغد: لا يلا نكمل يارفيف.......
سليم اتصل بأاستاذ محسن عشان يسأل على رغد.....
استاذ محسن: الو ياسليم
سليم: استاذ محسن مشوفتش رغد هى جت
استاذ محسن: هى مش عندك
سليم: لا
استاذ محسن: انا هتصل بيهم فى البيت خلاص باى....
سليم: كان قاعد قلقان عليها وخايف عليها اوى..........
وبعد مرور ويومين.....
سليم اتصل بأستاذ محسن وقاله انا صابر بقالى يومين ليه كل شويه تقولى متجيش هى مش كويسه عايز افهم عملت ايه انااا
استاذ اسلام: هى مش طيقاك ولما بكلم عنك بتقفل السيره ديه
سليم: انا عملت ايه لكل ده فى ايه ديه حتى مش بترد على موبايلها لا انا جاى مش هستحمل
استاذ اسلام: سليم ممكن تهدى
سليم: مش ههدى انا جاى بكره خلاص ولازم اكلم معاها
فى الصباح...
رفيف كانت لسه صاحيه ومبسوطه وبعدين دخلت المطبخ وفتحت حاجه فى المطبخ بحيث انو اول ماحد يجى يشغل البوتاجاز النار تبق فى كل مكان....وبعدين رفيف كانت واقفه وبتضحك ورغد جت رفيف قالتلها انا دايخه اوى ممكن تعمليلى قهوه مش عارفه الخدم فين كمان
رغد اكيد انتى بس روحى ارتاحى.....رفيف طلعت من المطبخ وقفلت عليها باب المطبخ ورغد محستش وقالت فى سرها ياحرام كنتى غاليه عليا اوى ورينى بقا مين هينقذك اصلا.........
يتبع.........البارت الثلاثون...
انت لى...
رغد كانت فى المطبخ ولسه بتشغل البوتاجاز لقيته مش عايز يشتغل قعدت تبص حواليه عشان تشوف فى ايه مش عارفه وبعدين لاقيت نار طالعه من البوتاجاز ودخان كتير اوى رغد جت تطلع من الباب لاقيت الباب مقفول وكانت بتتخنق ومش قادره والنار هبتدأ تمسك فى المكان كله.......
رفيف كانت فوق وبتلبس عشان تمشى تقابل صحابها..... وبعدين سمعت صوت حد تحت نزلت لاقيت سليم اتصدمت لما شافته وبعدين سلمت عليه وقالتله انا همشى عشان ورايا حاجات كتير انت مستنى حد
سليم: اه باباكى
رفيف: اه تقريبا فوق تمام باى....... سليم كان قاعد وبعدين سمع صوت حد بيصرخ ومش عارف ايه ده والشغالين بيجروا... سليم راح يشوف ايه ده لاقى باب المطبخ مقفول ورغد بتصوت جوه سليم حاول يكسر الباب بكل قوته حاول مره واتنين لحد ما الباب فتح وشاف رغد واقعه فى الارض والنار فى كل مكان.... سليم شال رغد وراح على اوضتها وباباها جه وطلبوا الدكتور......... الدكتور جه وكشف عليها وقالهم ده من الصدمه ازاى مخدتوش بالكم يعنى ديه كانت هتموت بس جت سليمه ومحصلش حاجه وبعدين مشى..... عدا وقت استاذ اسلام قال انا اتأخرت ومش عارف اعمل ايه وعندى اجتماع مهم اوى
سليم: روح انا معاها وكمان كنت عايز اكلم معاها.... استاذ اسلام مشى وكان قلقان جداا على بنته..... وبعدين سليم فضل جنبها لحد مارغد بدأت تصحى.. وشافته واول ماشافته بصيت بعيد عنه وقالتله اطلع بره
سليم: انا عملت ايه لكل ده فهمينى
رغد: اطلع قولتلك اطلع بقاا
سليم: مش هطلع يارغد عايز افهم فى ايه
رغد: سليم لو سمحت ابعد عنى انا فهمت كل حاجه خلااص
سليم: نعم انا هفهمك كل حاجه...... رفيف: رغد ياروحى ايه اللى حصلك لكل ده فى ايه انا نسيت مفاتيح العربيه عشان كده رجعت انتى كويسه وكانت فى سرها بتقول انتى عايشه ليه اصلا.......
رغد: اه متقلقيش انا كنت عايزه انام بس
رفيف: طيب ياسليم ممكن تسيبها تنام ونطلع
سليم: هقولها بس حاجه
رفيف: مش شايفها عامله ازاى يلا ياسليم لو سمحت..... سليم طلع ومشى وكان حزين جداا على نفسه.....
رفيف قالت لأختها متخافيش مش هخلى يكلمك عشان متزعليش وهفضل معاكى ياقلبى
رغد: بجد مش عارفه منغيرك كنت عملت ايه يارفيف انتى فعلا نصى التانى....
رفيف: متقوليش كده يلا ارتاحى وانا همشى..........
استاذ اسلام كان فى المكتب وبعدين فكر يبعت رغد ورفيف على رحله وميكونش سليم موجود فيها عشان رغد تغير جو كمان وتطلع من ال هيا فى.... كلم شركه تانيه للرحلات غير شركه سليم واتفق معاهم......
فى المساء......
استاء اسلام روح وكان طالع يشوف رغد بليل وخبط على الباب وفتح لاقى رفيف قاعده معاها وسأل على صحه رغد وقالهم جهزوا نفسكم ب
بكره الصبح هتطلعوا رحله
رفيف: ايه ده بجد واو يارغد
رغد: مش قادره يابابا
استاذ اسلام: خلاص بقا انا حجزت يابنتى روحى انتى واختك........ وافقوا وبدأوا يحضروا الشنط........
مدام مليكه كانت لسه واصله وسمعت صوت من فوق شافتهم متجمعين فى اوضه رغد وقالت لرفيف اخبارك ايه ياروحى روحتى الكليه
رفيف: لا بصراحه قولت اخد اجازه شويه... وبعدين استاذ اسلام بص اوى لمليكه...
مدام مليكه: اه صح وانتى عامله ايه يارغد
رغد: الحمدلله ياماما كويسه
مدام مليكه طيب تصبحوا على خيرا انا طالعه انام بقا باى.......
استاذ اسلام قالهم تصبحوا على خير وطلع ورا مدام مليكه وقالهااا
استاذ اسلام: مليكهههه