الفصل العاشر
_ هتعيشي معايا يا ملك ولا مع عمك..
رهف فكرت كويس"اناا ولا هعيش معاك يا فارس ولا مع عمي انا اصلا قبلها كنت بفكر امشي "..
فارس بغضب" يعني
اي يا ملك عايزة تسييني"..
= فارس اسمعني مش حكاية إني عايزة اسيبك انا لو علياا افضل معاك
وجمبك علي طول والله بس مش هينفع..
_ ليه مش هينفع ليه يا ملك اشمعنا دلوقتي ..
= علشان انا كبرت يا فارس..
_ بس يا ملك..
= انا آخر قرار هااخده إني همشي.
.
فارس بطل عصبية "وانا قراري مفيش خروج براا البيت يا ملك "..
_ اما نشوف قرار مين هيمشي يا فارس..
فارس خرج برا اوضتها وراح اوضته و بدأ يكسر ف كل حاجه..
ملك خافت عليه وراحت اوضته بسرعه" انت بتعمل اي يا فارس"..
_ اخرجييي برااااا...
= مش هخرج ..
_قولتلك اخرجيي بلااش تعانديني يا ملك..
ملك قربت منه ومسكت إيده "ممكن تهدي "
..
فارس بصلها بحب" طول ما انتي جمبي انا هفضل هادي "..
_ وانا جمبك اهو..
= يعني مش هتسبيني ياملك..
_ مش هسيبك يا فارس .. وقعدوا شوية سوا وكل واحد دخل اوضته ينام..
...........................
تاني يوم ملك كانت ف الدرس وهي طالعه قابلت لقت مالك واقف...
_ ازيك يا ملك..
= الله يسلمك يا مالك اي اللي جابك هناا..
_ بالصدفة والله كنت جاي لواحد صاحبي هناا وقابلتك.
= اه .
_ مش احنا طلعنا قرايب..
ملك ضحكت" اه طلعنا قرايب"..
= يعني انتي بنت خالي ..
_ انت مستغرب ليه..
= مش مستغرب ولا حاجه تيجي نروح نشرب قهوة..
_ مينفعش بص يا مالك محدش يعرف اننا قرايب اصلا ف مينفعش
اننا نخرج سوا حتي لو كنا قرايب بردوا مينفعش..
= عندك حق طيب عندك مانع لو اتقدمتلك.
ملك بإحراج وكسوف " انا ماليش دعوه بالحوارات دي ".
مالك ضحك" حاضر "..
_ همشي انا بقاا..
= عيب عليكي ابن خالتك يبقا موجود ومتركبيش معاه..
_ مش عيب ولا حاجه يلا سلام..
= ملك هزعل والله يلا اركبي..
_ طيب وركبت وهي متضايقه علشان فارس هيزهق عليها..
.
.
_ وصلنا بسرعه صح..
=بالعكس حسيت ان بقالنا ساعتين ع الطريق..
_ ساعتين يا مفترية..
= اه انا دا احساسي..
_ حساسة اوي انتي😂😂😂..
ملك ضحكت" اه اووي"..
وهي بتضحك لقت حد بيخبط ع الإزاز بقوة..
_ يالهوي فاارس ف سرها بقاا (يخرااباايي هتشلوح النهارده الله يخربيتك معرفتك السواد يا مالك يا ابن عمي عبد الرحمن)..
ملك نزلت م العربية بخوف و أول ما حطت رجليها ع الأرض شدها بكل غضب من ايدها ومالك ماشي وراه علشان يلحق ملك..
_ فارس استنااا..
= يا فارس ايدي وجعتني والله..
دا كله وفارس مش بيرد علي حد وخد ملك وطلع اوضته وقفل الباب..
_ انا قولتلك اي يا ملك..
= قولتلي متقفيش مع مالك تاني.
_ وانتي عملتي اي..
= ركبت معاه عربيته..
_ يبقاا انتي عايزة اي..
= عايزة سلامتك يا حبيبي..
_ مش وقته هزااار يا ملك عارفة انا هعمل فيكي اي.
= اي..
_ هنتجوز يا ملك..
البارت الحادي عشر من رواية "أسير قلبها" 🦋♥..
_ عارفة انا هعمل ايه يا ملك..
= هتعمل اي..
_ هنتجوز..
ملك بصدمه "نتجوز!؟ دا اللي هو ازاي"..
فارس قعد ع الكرسي بهدوء" زي الناس "..
= يعني اي يا فارس انت فاهم انت بتقول اي..
_ اي هو انا قولت حاجه غلط قولتلك هنتجوز..
= وشاهيناز..
_ مش هتعرف..
= مش هتعرف اي..
_ اننا اتجوزنا..
ملك بإستغراب" يعني اي مش هتعرف يعني الكل هيعرف الا هي".
= لا ما هو محدش هيعرف.
_ ازاي يعني دا جواز ف السر دا يعني ولا ايه..
= بالظبط كدا يا ملوكتي..
ملك اتضايقت جدا من فارس وكلامه "ومين قالك إني هوافق اتجوزك اصلاا"..
_ ما انا مش باخد رأيك انا هنفذ علي طول حتي لو انتي مش موافقه..
= فاارس هو انت اتهبلت ف مخك ولا فيه اي بالظبط ازاي تبقا خاطب وتروح تتجوز واحدة تانيه انت بتحب مين بالظبط..
فارس قرب ناحيتها وبص ف عيونها جامد" بحبك انتي يا ملك "..
ملك فرحت جدا وأخيراً اعترف" بجد يا فارس "..
_ بجد يا عيون يا فارس هاا موافقة تتجوزينى..
= قدام الكل إنما ف السر لاا..
_ لا يا ملك جوازنا هيبقاا ف السر..
= ولما انت بتحبني ليه نتجوز ف السر وليه تخطب شاهيناز..
_مش شغلك يا ملك بعدين هتعرفي ان اللي انا بعمله صح..
= وانا مش هتجوز ف السر يا فارس..
_ اما نشوف..
...
.
.
_ فارس مراد..
= ايوا يا فندم.
_ قدامك اسبوع بالكتير والمهمه تكون انتهت..
= حاضر يا فندم..
وقفل معاه الخط و ياتري مهمة اي اللي عايز يخلصهاا دي..
.
.
_ ملك ملك ملك.
= اي يا فارس فيه اي..
_ تعالي معاياا بسرعه..
= فين يا فارس فيه اي..
_ تعالي بس..
لبست ملك ومشيت معاه..
بعد شوية وصلوا ف بيت وطلع العمارة..
_ اي دا يا فارس..
= ادخلي بس وهتعرفي كل حاجه دخلت ملك الشقة ولقت المأذون قاعد واتنين من صحابه قاعدين..
_ انا قولتلك مش هتجوزك يا فارس الا قدام الكل صح ولا لا..
= صح بس دا قرارك انتي مش قراري اناا.. انا قراري بنفذه علي طول..
_ وانا مش هتجوزك..
بعد شوية قعدها وكتب كتابه عليهاا مع منعهاا له بعدم كتب الكتاب بس لا حياة لمن تنادي واللي ف دماغه بينفذه..
_ مبروك علياا انتي يا ست البنات..
= اللي عملته هتندم عليه خلي بالك..
_مش انا اللي بندم علي قرار خدته يا روح قلبي يلا بيناا بقاا نخرج نتفسح بمناسبة كتب كتابناا..
= عارف يا فارس لو طولت أولع فيك دلوقتي مش هستني لحظه..
فارس بإبتسامة" عارفه يا قلب فارس لو طولت ابوسك دلوقتي مش هستني ثانيه والله ف امشي وانتي ساكته علشان معملهاش 🌚🌚..
مشيوا مع بعض ف الشوارع من جمالها بقاا😂😂..
_ تاكلي اي يا ست البنات..
= مش هطفح..
_ عارفك بتحبي البيتزاا وطلب بيتزا لهم..
= علي فكره قولتلك مش هااكل..
_ مبتقدريش تقاومي الأكل اصلاا..
= فارس انت ليه اتجوزتني ف السر انت لو بتحبني كنت اتجوزتني قدام الكل يا فارس صح ولا لا..
_ والله هتفهمي كله بعدين..
= مش عارفه افهمك يا فارس..
_ كلي كلي بكراا تفهمي..
وقعدوا كلوا مع بعض وقضوا يوم جميل وركبوا العربيه علشان يرجعوا البيت..
= فارس..
_ عيونه..
= انا حاسه إن فيه حاجه هتحصل ليك انا خايفه اوى..
_ متخافيش يا حبيبتي انا معاكي اهو..وبعدها سمع صوت ضرب ناار..
البارت الثاني عشر من رواية "أسير قلبها" 🦋♥..
_ حاسب يا فاارس..
= نزلي راسك يا ملك بسررعه..
_ حاضر حاضر ونزلت راسها وهو سرع عربيته وضرب النار شغال من وراا..
ملك قامت بصت م الشباك بسرعه لقته سامر..
_ انتي متخلفة يا ملك انزلييي تحتت بسرعه.
= دا سامر يا فارس..انا هرن علي الشرطة..
_ مترنيش علي حد هتصرف دلوقتي.. ودخل يمين بعربيته وهما دخلوا شمال.
= هما كدااا هيلفوا ويجوا بردوا..
_ هنكون مشينا شوية ومشي بسرعه بعربيته لحد ما رجع البيت بسلام..
.
.
ملك وفارس دخلوا البيت ولقوا عبدالرحمن موجود..
_ وحشتيني يا بنت أخويا والله..
ملك راحت له وحضنته " وانت كمان يا عمي والله "..
= هاا جهزتي حاجتك..
ملك بتوتر" اصل ياعمي... انا. "..
فارس اتكلم" ملك مش هتمشي م البيت يا عمي "..
_ ازاي دا دي بنت أخويا يعني بنتي وهتعيش معايا إنما انت لا تقرب لها ولا اي حاجه.
= بس انا قولت ملك مش هتمشي م البيت..
_ وانا هااخدها معاايا البيت..
= بسسس انا مش هعيش معاك يا فارس ولا هعيش معاك يا عمي انا هقعد لوحدي..
عبدالرحمن" انتي اتجننتي مفيش حاجه اسمها تقعدي لوحدك دي "..
_ يا عمي حضرتك عندك ابن ومينفعش إني اعيش ف نفس البيت معاه.. وانت يا فارس لإنك متقربليش مش هينفع إني اعيش معاك بردوا..
فيروز" انتي من يوم ما دخلتي البيت دا يا ملك وانا بعتبرك بنتي والله "..
_ عارفة يا ماما والله بس انا كبرت ومبقاش ينفع أعيش ف البيت معاكوا..
رغد ببكاء" يعني هتمشي وتسبيني يا ملك"..
ملك بحب وراحت حضنتها" اي رأيك نعيش سوا بلا ماما فيروز بلا بابا مراد وضحكت "..
رغد بإبتسامة" موافقه "..
دار بين العيلة نقاش وخناق طويل لحد ما لقوا حل..
فارس بهدوء" خلاص ملك و رغد هيعيشوا ف شقة تانيه "..
مراد بتدخل" بس من الموجودين ف العمارة جمب الفيلا بتاعتنا..
_ اكيد يا بابا..
فيروز " طيب يلا علشان نتعشاا يا جماعه "..
= عن اذنكوا انا بقاا ويا ملك يا بنتي لو احتاجتي اي حاجه تقوليلي..
_حاضر ربنا يخليك..
ومشي عبدالرحمن بعد ما فضلوا يعزموه ع العشاا بس مرضيش..
.
.
_ علي ما ان بعدك عني صعب بس هستحمل الإسبوع دا وبعدها الكل هيعرف بجوازنا يا حبيبتي..
= مش عارفه انت اي اللي ف دماغك بس واثقة إنك بتعمل حاجه مهمه وكويسة يا فارس..
_ ممكن اعمل حاجه ومتضايقيش..
= مش عارفه هتضايق ولا لا..
_ طيب نشوف هتضايقي ولا لا بعدين وقرب منها وباسها بسرعه..
ملك بكسوف" فارس..انت..انت عملت اي "..
فارس حط ايده علي شعرها ورجع خصلات منه ورا ودانها بحب" معملتش حاجه عادي يا حبيبتي"..
ملك طبعآ متوترة ومكسوفه من قربه "طيب..هو..هو ممكن يعني تبعد شوية"..
_ اكتر من كداا..
= هو انت كدا بعيد..
_ اه اوي..
= طب ابعد بقاا علشان ممكن حد يدخل علينا دلوقتي..
_ عادي انتي مراتي..
ملك فرحت بالكلمه دي اوي" بس محدش يعرف يا فارس"..
_ بكرا يعرفوا المهم عندي دلوقتي إن انتي بين ايديا ومعايا يا ملوكتي..
= طب انت ليه خطبت شاهيناز يا فارس..
_ يا حبيبتي اصبري وهتعرفي كل حاجه..
= حاضر سيبني بقاا اذاكر شوية..
_ ماشي يا حبيبتي ربنا معاكي فيه اي حاجه واقفة قدامك..
ملك بضحك " انت واقف قدامي ف لو سمحت اتكل علي الله وسيبني اذاكر".
_ استظراف أكتر من كداا انا مش ناقص🌚😂😂..
= طيب غور بقاا..
_ ماشي يا ملك هغور دلوقتي وراجعلك بالليل..
محادثة تليفون بين مجهولين هنعرفهم بعدين..
هكون عندك بكرا قدام ***..
تمام هقفل دلوقتي اظبط كل حاجه..
تمام